Kaca:Serat Pararaton.pdf/44

Kaca iki wis dikorèksi

44

꧋ꦩꦶꦠꦸꦫꦸꦠꦶ​ꦕꦺꦕꦿꦲꦶꦪꦺꦴꦱꦤ꧀​ꦗꦮꦶ​ꦮꦶꦮꦶꦠ꧀​ꦝꦠꦼꦔꦶꦥꦸꦤ꧀​ꦧꦁꦱ​ꦲꦶꦤ꧀ꦝꦸ​ꦲꦔꦗꦮꦶ​ꦲꦶꦁ​ꦱꦊꦧꦼꦠꦶꦁ​ꦮꦶꦤ꧀ꦢꦸ​ꦮꦭꦤ꧀ꦢꦶ​ꦲꦶꦁꦏꦁ​ꦏꦥꦶꦱꦤ꧀​(ꦮꦶꦤ꧀ꦢꦸ​ꦮꦭꦤ꧀ꦢꦶ​=ꦲꦧꦢ꧀=100​ꦠꦻꦴꦤ꧀)꧉ ꧋ꦝꦠꦼꦔꦶꦥꦸꦤ꧀​ꦥꦢꦒꦔꦤ꧀​ꦕꦼꦁ​ꦲꦺꦃꦲꦶꦁꦔꦺꦫꦸꦩꦱꦩ꧀ꦥꦸꦤ꧀​ꦮꦶꦮꦶꦠ꧀​ꦏꦭ​ꦲꦮꦭꦶꦥꦸꦤ꧀​ꦠꦻꦴꦤ꧀​ꦮꦭꦤ꧀ꦢꦶ꧈​ꦩꦁꦏ​ꦥꦢꦒꦔꦤ꧀​ꦕꦼꦁ​ꦲꦺꦃꦥꦸꦤꦶꦏ​ꦲꦱꦭꦶꦥꦸꦤ꧀​ꦧꦺꦴꦠꦼꦤ꧀​ꦮꦺꦴꦤ꧀ꦠꦼꦤ꧀​ꦩꦭꦶꦃ​ꦏꦗꦮꦶ​ꦱꦏꦶꦁ​ꦏꦥꦸꦭꦺꦴꦲꦤ꧀​ꦩꦺꦴꦭꦺꦴꦏꦸꦱ꧀​ꦲꦶꦁꦏꦁ​ꦱꦶꦱꦶꦃ​ꦲꦼꦊꦫ꧀꧈​ꦲꦮꦶꦠ꧀​ꦲꦶꦁꦏꦁꦏꦛꦃ​ꦱꦁꦲꦼꦠ꧀​ꦮꦶꦠꦶꦥꦸꦤ꧀​ꦕꦼꦁ​ꦲꦺꦃꦥꦸꦤꦶꦏ​ꦤꦩꦸꦁ​ꦲꦶꦁ​ꦥꦸꦭꦺꦴꦁꦫꦶꦏꦸ꧈​​ꦔꦤ꧀ꦠꦺꦴꦱ꧀​ꦢꦢꦺꦴꦱ꧀​ꦥꦢꦒꦔꦤ꧀​ꦲꦒꦼꦁ​ꦝꦠꦼꦁ​ꦲꦶꦁ​ꦥꦸꦤ꧀ꦢꦶꦥꦻꦴꦤ꧀ꦢꦶ꧉​ꦤꦶꦠꦶꦏ꧀​ꦧꦧ꧀​ꦥꦸꦤꦶꦏ​ꦠꦼꦠꦼꦭ​ꦩꦤꦮꦶꦲꦮꦶꦠꦶꦥꦸꦤ꧀​ꦠꦶꦠꦶꦪꦁ​ꦲꦶꦤ꧀ꦝꦸ​ꦲꦶꦁ​ꦲꦶꦤ꧀ꦢꦶꦲ​ꦤꦼꦢꦼꦂꦭꦤ꧀꧈​ꦭꦁꦏꦸꦁ​ꦩꦭꦶꦃ​ꦲꦶꦁ​ꦥꦸꦭꦺꦴ​ꦗꦮꦶ​ꦲꦶꦁꦒꦶꦃ​ꦱꦩ꧀ꦥꦸꦤ꧀​ꦱꦏꦭ​ꦲꦮꦭꦶꦥꦸꦤ꧀​ꦠꦻꦴꦤ꧀​ꦮꦭꦢꦶ꧈​ꦲꦮꦶꦠ꧀​ꦲꦶꦁ​ꦥꦸꦭꦺꦴ​ꦗꦮꦶ​ꦲꦶꦁꦏꦁ​ꦏꦁꦒꦼ​ꦗꦸꦗꦸꦒꦤ꧀꧈​ꦲꦸꦠꦮꦶ​ꦲꦩ꧀ꦥꦶꦫꦩ꧀ꦥꦶꦫꦤ꧀​ꦭꦪꦂ​ꦠꦸꦫꦸꦠ꧀​ꦥꦱꦶꦱꦶꦂ​ꦭꦩ꧀ꦥꦃ​ꦩꦤ꧀ꦠꦸꦏ꧀​ꦝꦠꦼꦁ​ꦩꦺꦴꦭꦺꦴꦏꦸꦱ꧀꧈​ꦏꦢꦺꦴꦱ꧀​ꦲꦶꦁꦏꦁ​ꦱꦩ꧀ꦥꦸꦤ꧀​ꦏꦕꦫꦶꦪꦺꦴꦱꦏꦼꦤ꧀​ꦲꦶꦁ​ꦔꦶꦁꦒꦶꦭ꧀꧈​​ꦤꦔꦶꦁ​ꦏꦭ​ꦱꦩꦤ꧀ꦠꦼꦤ꧀​ꦠꦶꦠꦶꦪꦁ​ꦧꦁꦱ​ꦲꦶꦤ꧀ꦝꦸ​ꦢꦼꦂꦲꦼꦁ​ꦏꦛꦃ​ꦲꦶꦁꦏꦁ​ꦠꦼꦠꦼꦥ꧀​ꦢꦼꦢꦸꦤꦸꦁ​ꦮꦺꦴꦤ꧀ꦠꦼꦤ꧀​ꦲꦶꦤ꧀​ꦠꦤꦃ​ꦗꦮꦶ​ꦠꦸꦲꦮꦶꦤ꧀​ꦏꦥꦸꦭꦺꦴꦲꦤꦶꦤ꧀ꦢꦶꦲ​ꦱꦤꦺꦱꦶꦥꦸꦤ꧀꧈