Kaca iki wis dikorèksi
54
ꦏ꧀ꦱꦠꦸꦮꦶꦤ꧀ꦢꦤꦮꦏꦼꦉꦥ꧀ꦏꦱꦫꦩ꧀ꦧꦃꦏꦕꦫꦶꦪꦺꦴꦱ꧀ꦱꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀ꦧꦺꦴꦁꦱꦩꦭꦪꦸ꧉
꧋ꦲꦒꦩꦶꦲꦶꦟ꧀ꦝꦸꦥꦸꦤꦶꦏꦠꦸꦩꦸꦭꦂꦫꦶꦥꦸꦤ꧀ꦝꦠꦼꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦠꦩ꧀ꦠꦸꦱꦩ꧀ꦥꦸꦤ꧀ꦮꦶꦮꦶꦠ꧀ꦲꦶꦁꦥꦸꦂꦮꦤꦶꦥꦸꦤ꧀ꦥꦺꦠꦁꦔꦤ꧀ꦄꦧꦢ꧀ꦮꦭꦤ꧀ꦢꦶ꧈ꦏꦠꦺꦴꦟ꧀ꦝꦠꦶꦪꦁꦭꦭꦤꦧꦺꦴꦁꦱꦕꦶꦟꦲꦶꦁꦏꦁꦲꦤꦩꦥ꦳ꦲꦶꦤ꧀ (Fa Hien) ꦲꦶꦁꦏꦁꦢꦠꦼꦁꦲꦶꦁꦠꦤꦃꦗꦮꦶꦏꦭꦮꦶꦮꦶꦠ꧀ꦠꦶꦥꦸꦤꦄꦧꦢ꧀ꦮꦭꦤ꧀ꦢꦶꦲꦶꦁꦏꦁꦏꦥꦶꦁꦒꦁꦱꦭ꧀ꦲꦶꦁꦮꦶꦁꦏꦶꦁꦧꦝꦺꦏꦕꦫꦶꦪꦺꦴꦱ꧀ꦱꦏꦼꦤ꧀ꦩꦭꦶꦃꦒꦚ꧀ꦕꦂꦫꦶꦥꦸꦤ꧀꧈ꦚꦸꦩꦼꦉꦥ꧀ꦥꦶꦲꦶꦁꦠꦤꦃꦗꦮꦶꦱꦩ꧀ꦥꦸꦤ꧀ꦏꦛꦃꦠꦶꦠꦶꦪꦁꦔꦶꦥꦸꦤ꧀ꦲꦶꦁꦏꦁꦲꦒꦩꦶꦨꦿꦃꦩ꧈ꦥꦸꦤꦥꦩꦭꦶꦃꦩꦶꦫꦶꦢ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦠꦼꦩ꧀ꦧꦸꦁꦱꦁꦤ꧀ꦏꦿꦶꦠ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀ꦲꦶꦁꦒꦶꦃꦲꦤꦸꦁꦒꦶꦭ꧀ꦮꦼꦏ꧀ꦠꦸꦏꦭꦶꦪꦚ꧀ꦕꦫꦶꦪꦺꦴꦱ꧀ꦱꦶꦥꦸꦤ꧀ꦥ꦳ꦲꦶꦤ꧀꧈ꦱꦼꦱꦼꦫꦠ꧀ꦠꦤ꧀ꦲꦶꦁꦠꦲꦸꦤ꧀ꦯꦑ꧇ 654 ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦕꦁꦭꦭ꧀ꦲꦶꦁꦥꦫꦺꦱꦶꦝꦺꦤ꧀ꦤꦤ꧀ꦏꦼꦝꦸ꧈ꦥꦸꦤꦶꦏꦲꦶꦁꦏꦁꦏꦶꦤꦥꦶꦪꦩ꧀ꦧꦏ꧀ꦮꦺꦴꦤ꧀ꦠꦼꦤ꧀ꦤꦶꦁꦱꦼꦱꦼꦫꦠ꧀ꦠꦤ꧀ꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦲꦒꦩꦶꦤꦶꦥꦸꦤ꧀ꦯꦶꦮꦃ꧉ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭꦲꦶꦁꦏꦁꦥꦶꦤꦁꦒꦶꦃꦲꦶꦁꦑꦭꦱ꧀ꦱꦤ꧀ (ꦔꦪꦺꦴꦒꦾ) ꦩꦮꦶꦥꦸꦁꦏꦠꦲꦸꦤ꧀ꦯꦑ꧇700꧈ꦱꦼꦱꦼꦫꦠ꧀ꦠꦤ꧀ꦤꦶꦥꦸꦚ꧀ꦕꦫꦨꦸꦢ꧀ꦝ꧉ꦱꦼꦱꦼꦫꦠ꧀ꦠꦤ꧀ꦏꦏꦭꦶꦃꦮꦲꦸꦩꦤꦮꦶꦏꦠꦶꦠꦶꦏ꧀ꦏ