Kaca iki wis dikorèksi
68
ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 828꧉ ꦩꦤꦮꦶꦤꦶꦠꦶꦏ꧀ꦝꦥꦸꦂꦫꦶꦥꦸꦤ꧀ꦱꦱ꧀ꦠꦿꦲꦶꦁꦏꦁꦏꦁꦒꦺꦏꦶꦤꦥꦶꦪꦩ꧀ꦧꦏ꧀ꦱꦂꦠꦏꦛꦃꦲꦺꦩ꧀ꦥꦼꦫꦶꦥꦸꦤ꧀ꦱꦱ꧀ꦠꦿꦗꦶꦂꦟꦂ꧈ꦲꦶꦁꦏꦁꦏꦁꦒꦺꦲꦶꦁꦱꦭꦺꦂꦮꦺꦠꦤ꧀ꦤꦶꦥꦸꦤ꧀ꦤꦒꦫꦶꦨꦺꦴꦩ꧀ꦧꦆ꧈ꦩꦶꦫꦶꦢ꧀ꦱꦏꦶꦁꦤꦸꦁꦒꦶꦭ꧀ꦩꦶꦱꦃꦲꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦏꦺꦔꦶꦁꦏꦠꦩ꧀ꦠꦺꦴꦏ꦳ꦲꦏꦼꦤ꧀ꦪꦺꦤ꧀ꦱꦼꦱꦼꦫꦠ꧀ꦠꦤ꧀ꦮꦲꦸꦲꦶꦁꦏꦁꦁꦭꦶꦩꦿꦃꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶꦲꦶꦁꦒꦶꦃꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦁꦔ꧀ꦭꦶꦩꦿꦃꦲꦏꦼꦤ꧀ꦱꦱ꧀ꦠꦿꦤꦼꦒꦫꦶꦮꦲꦸ꧉ꦤꦶꦠꦶꦏ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦢꦪꦮꦲꦸ꧈ꦧꦧ꧀ꦢꦢꦩꦼꦭ꧀ꦭꦤ꧀ꦨꦸꦢ꧀ꦝꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦠꦼꦔꦃꦱꦢꦪꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦏꦲꦸꦩ꧀ꦩꦲꦪꦤꦶ (Mahajani) ꦢꦺꦤꦺꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦠꦤꦃꦗꦮꦶꦧꦺꦴꦠꦼꦤ꧀ꦔꦩꦸꦁꦔꦏꦼꦤ꧀ꦲꦶꦁꦏꦁꦏꦁꦒꦺꦲꦶꦁꦨꦸꦢ꧀ꦝ꧈ꦩꦭꦃꦲꦶꦁꦏꦁꦏꦛꦃꦲꦶꦁꦏꦁꦏꦁꦒꦺꦲꦶꦁꦠꦶꦠꦶꦪꦁꦲꦒꦩꦶꦯꦶꦮꦃ꧉
꧋ꦏꦗꦮꦶꦥꦢꦸꦤꦸꦁꦔꦤ꧀ꦤꦶꦁꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦏꦭꦲꦶꦁꦗꦩꦤ꧀ꦲꦶꦟ꧀ꦝꦸ꧈ꦏꦥꦁꦒꦶꦃꦲꦶꦁꦠꦶꦠꦶꦩꦺꦴꦁꦱꦠꦲꦸꦤ꧀ꦲꦶꦁꦉꦕꦉꦕ꧈ꦲꦶꦁꦕꦟ꧀ꦝꦶꦕꦟ꧀ꦝꦶ꧈ꦲꦶꦁꦧꦫꦔ꧀ꦭꦺꦴꦒꦩ꧀ꦲꦶꦁꦠꦼꦩ꧀ꦧꦒꦶꦧ꧀ꦭꦺꦧꦺꦏ꧀ꦏꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦏꦺꦔꦶꦁꦏꦁꦒꦺꦤꦩ꧀ꦠꦺꦴꦏ꧀ꦲꦏꦼꦤ꧀ꦮꦶꦮꦶꦠ꧀ꦱꦂꦠꦥꦥꦤ꧀ꦤꦶꦥꦸꦤ꧀ꦠꦼꦊꦁꦔꦶꦁꦏꦩꦗꦼꦁꦔꦤ꧀ꦲꦶꦟ꧀ꦝꦸ꧉ꦩꦤꦮꦶꦠꦶꦠꦶꦩꦺꦴꦁꦱꦠꦲꦸꦤ꧀ꦲꦶꦁꦏꦁꦥꦶꦤꦁꦒꦶꦲ꧀ꦮꦲꦸꦏꦥꦫꦶꦚ꧀ꦕꦶꦱꦂ
