Kaca iki wis dikorèksi
73
ꦏꦁꦠꦶꦠꦶꦪꦁꦔꦶꦥꦸꦤ꧀ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦲꦩꦺꦴꦁꦢꦒꦁꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦕꦶꦟ꧈ꦲꦸꦠꦮꦶꦲꦶꦁꦏꦁꦫꦠꦸꦤꦶꦥꦸꦤ꧀ꦱꦩ꧀ꦥꦸꦤ꧀ꦲꦸꦠꦸꦱ꧀ꦱꦤ꧀ꦲꦠꦼꦥꦁꦉꦩ꧀ꦧꦒ꧀ꦥꦸꦤꦶꦏꦲꦤꦩꦏꦗꦤ꧀꧇
ꦑꦭꦶꦁ (Kaling) ꦲꦶꦁꦱꦤꦺꦱ꧀ꦱꦶꦥꦸꦤ꧀ꦧꦧ꧀ꦩꦮꦶꦏꦠꦼꦫꦁꦔꦏꦼꦤ꧀ꦪꦺꦤ꧀꧇ꦑꦭꦶꦁꦥꦸꦤꦶꦏꦲꦸꦒꦶꦲꦤꦩ꧇ꦪꦦ꦳ (Java). ꦧꦺꦴꦏ꧀ꦩꦤꦮꦶꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦝꦠꦼꦁꦧꦺꦴꦁꦱꦕꦶꦟꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦫꦠꦺꦴꦤ꧀ꦏꦭꦶꦁꦮꦲꦸꦑꦭꦶꦁꦭ꧈ ꦢꦸꦩꦸꦤꦸꦁꦲꦶꦁꦥꦱꦶꦱꦶꦂꦫꦶꦥꦸꦤ꧀ꦠꦤꦃꦲꦶꦤ꧀ꦢꦶꦪꦔꦗꦼꦁꦲꦶꦁꦏꦁꦭꦺꦂꦮꦺꦠꦤ꧀꧈ꦩꦶꦫꦶꦢ꧀ꦱꦏꦶꦁꦭꦶꦤ꧀ꦠꦭꦶꦤ꧀ꦠꦸꦤꦶꦁꦤꦩꦮꦲꦸ꧈ꦢꦸꦒꦶꦢꦸꦒꦶꦲꦶꦁꦤꦒꦫꦶꦑꦭꦶꦁꦒꦏꦭꦲꦶꦁꦗꦩꦤ꧀ꦮꦲꦸꦲꦒꦼꦁꦏꦸꦮꦝꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶ꧉
__________
V. ꧋ꦧꦪꦶꦤꦠ꧀ꦠꦶꦥꦸꦤ꧀ꦠꦸꦩꦼꦁꦏꦂꦫꦶꦁꦲꦒꦩꦶꦲꦶꦟ꧀ꦝꦸꦠꦸꦮꦶꦤ꧀ꦨꦸꦢ꧀ꦝꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉
꧋ꦲꦶꦁꦥꦸꦤ꧀ꦢꦶꦥꦸꦤ꧀ꦢꦶꦱꦠꦭꦠꦃꦲꦶꦁꦠꦤꦃꦲꦶꦁꦠꦤꦃꦗꦮꦶꦥꦿꦱꦱꦠ꧀ꦮꦺꦴꦤ꧀ꦠꦼꦤ꧀ꦥꦠꦶꦭꦱ꧀ꦱꦤ꧀ꦤꦶꦥꦸꦚ꧀ꦗꦩꦤ꧀ꦲꦶꦟ꧀ꦝꦸ꧈ꦏꦢꦺꦴꦱ꧀ꦠ꧇ꦕꦟ꧀ꦝꦶꦕꦟ꧀ꦝꦶꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦱꦤꦢꦾꦤ꧀ꦧꦺꦴꦠꦼꦤ꧀ꦱꦩꦶꦏꦛꦃꦲꦶꦥꦸꦤ꧀ꦲꦸꦠꦮꦶꦧꦺꦴꦠꦼꦤ꧀ꦱꦩꦶꦲꦶꦁꦮꦸꦗꦸꦢ꧀ꦠꦸꦮꦶꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦠ꧇ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀ꦲꦶꦁꦱꦕꦼꦭꦏ꧀ꦏꦶꦥꦸꦤ꧀ꦨꦠꦮꦶꦲꦏꦭꦶꦪꦤ꧀ꦧꦺꦴꦒꦺꦴꦂ꧈ꦲꦶꦁꦗꦮꦶꦠꦼꦔꦃꦢꦸꦩꦸꦤꦸꦁꦲꦶꦁꦦ