Kaca iki wis dikorèksi
8
ꦏꦶꦛꦱꦂꦠꦥꦝꦸꦱꦸꦤ꧀ꦤꦤ꧀ꦠꦤ꧀ꦱꦃꦏꦫꦶꦱꦏꦤ꧀ꦠꦸꦮꦶꦤ꧀ꦏꦧꦼꦱ꧀ꦩꦺꦤꦤ꧀ꦠꦶꦠꦶꦪꦔꦶꦁꦏꦁꦱꦒꦼꦢ꧀ꦲꦢꦩꦼꦭ꧀ꦏꦫꦁꦔꦤ꧀ꦱꦼꦫꦠ꧀ꦧꦧꦢ꧀ꦱꦥꦤꦸꦁꦒꦶꦭ꧀ꦠꦤ꧀ꦤꦶꦥꦸꦤ꧀ꦱꦩꦶꦏꦶꦤꦺꦤ꧀ꦲꦩ꧀ꦧꦶꦪꦤ꧀ꦠꦸꦱꦲꦠꦸꦩꦶꦤ꧀ꦢꦏ꧀ꦝꦠꦼꦁꦥꦥꦿꦁꦔꦤ꧀꧈
꧋ꦱꦉꦁꦱꦩ꧀ꦥꦸꦤ꧀ꦭꦩꦶꦮꦁꦱꦸꦭ꧀ꦠꦠꦠꦼꦤ꧀ꦠꦿꦩ꧀ꦩꦭꦶꦃ꧈ꦠꦺꦠꦺꦭꦪꦺꦤ꧀ꦮꦮꦠꦺꦴꦤ꧀ꦤꦶꦥꦸꦤ꧀ꦲꦶꦁꦏꦶꦤꦏꦛꦃꦲꦶꦁꦏꦁꦏꦥꦶꦤ꧀ꦠꦼꦤ꧀ꦧꦺꦴꦠꦼꦤꦁꦲꦼꦩꦸꦁꦔꦏꦼꦤ꧀ꦱꦼꦫꦠ꧀ꦱꦼꦫꦠ꧀ꦮꦮꦠꦺꦴꦤ꧀ꦏꦶꦤꦏꦺꦩꦮꦺꦴꦤ꧀ꦩꦭꦃꦠꦶꦠꦶꦪꦁꦱꦼꦥꦸꦃꦲꦶꦁꦏꦁꦩꦁꦲꦼꦂꦠꦺꦴꦱ꧀ꦝꦠꦼꦁꦱꦼꦱꦼꦫꦠ꧀ꦠꦤ꧀ꦏꦶꦤꦱꦂꦠꦱꦒꦼꦢ꧀ꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦗꦩꦤ꧀ꦏꦶꦤ꧈ꦱꦩ꧀ꦥꦸꦤ꧀ꦱꦩꦶꦥꦼꦗꦃ꧈ꦮꦸꦱꦤꦱꦉꦁꦫꦩ꧀ꦥꦸꦁꦥꦤ꧀ꦢꦩꦼꦭ꧀ꦭꦶꦁꦧꦧꦢ꧀ꦠꦩ꧀ꦠꦸꦏꦺꦩꦮꦺꦴꦤ꧀ꦠꦸꦤꦢꦸꦁꦏꦥ꧀ꦲꦮꦶꦠ꧀ꦮꦮꦠꦺꦴꦤ꧀ꦤꦶꦁꦕꦫꦶꦪꦺꦴꦱ꧀ꦱꦭꦺꦴꦁꦤꦩꦸꦁꦲꦁꦒꦶꦠ꧀ꦠꦤ꧀ꦱꦏꦶꦁꦢꦸꦒꦶꦢꦸꦒꦶꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦏꦩꦮꦺꦴꦤ꧀ꦥꦩꦼꦒ꧀ꦝꦼꦠ꧀ꦠꦶꦥꦸꦤ꧀ꦮꦮꦠꦺꦴꦤ꧀ꦱꦭꦺꦴꦁꦲꦸꦒꦶꦱꦏꦶꦁꦱꦼꦫꦠ꧀ꦱꦼꦫꦠ꧀ꦠꦶꦠꦶꦭꦂꦫꦤ꧀ꦏꦶꦤ꧈ꦱꦩꦤ꧀ꦠꦼꦤ꧀ꦮꦲꦸꦲꦶꦁꦏꦁꦠꦼꦏ꧀ꦱꦶꦃꦢꦶꦥꦸꦤ꧀ꦩꦁꦲꦼꦂꦠꦺꦴꦱ꧀ꦱꦶ꧉꧋ꦮꦶꦮꦶꦠ꧀ꦲꦶꦁꦏꦭꦱꦩꦤ꧀ꦠꦼꦤ꧀ꦧꦧꦢꦾꦱꦤ꧀ꦲꦺꦁꦒꦭ꧀ꦠꦤ꧀ꦱꦃꦱꦺꦴꦤ꧀ꦠꦤ꧀ꦱꦤ꧀ꦠꦸꦤ꧀ꦥꦔꦁꦒꦶꦠꦶꦥꦸꦤ꧀ꦱꦂꦠꦮꦲꦺꦮꦃꦲꦺꦮꦃꦥꦤꦼꦝꦏ꧀ꦏꦶꦥꦸꦤ꧀ꦥꦸꦤꦥꦩꦭꦶꦃꦏꦱꦤ꧀ꦠꦸꦤ꧀ꦤꦤ꧀ꦱꦼꦏꦂꦫꦶꦥꦸꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦁꦥꦔꦫꦶꦁꦲꦸꦠꦮꦶꦠꦶꦪꦁꦲꦶꦁꦏꦁꦤꦼꦃꦝꦏ꧀ꦩꦮꦶꦏꦱꦸꦥꦺꦤ꧀ꦲꦸꦠꦮꦶꦩꦭꦶꦃꦲꦚ꧀ꦗꦫꦒ꧀ꦔꦺꦮꦃꦲꦶ꧈ꦠꦼꦂꦏꦝꦁꦚꦸꦢꦕꦶꦕꦿꦲꦶꦪꦺꦴꦱ꧀ꦱꦤ꧀ꦤꦶꦥꦸ