Kaca:Serat Wulangreh.pdf/4

Kaca iki wis dikorèksi
꧇꧔꧇

꧅ꦧ꧀ꦖ꧈꧅ ꦩꦿꦶꦃꦱꦂꦏꦫꦏꦁꦥꦶꦤꦸꦂꦮꦺꦁꦏꦮꦶ꧈ ꦕꦸꦩꦟ꧀ꦛꦏꦲꦤꦶꦫꦸꦥꦸꦗꦺꦴꦁꦒ꧈ ꦢꦲꦠ꧀ꦩꦸꦣꦲꦶꦁꦧꦠꦶꦤ꧀ꦤꦺ꧈ ꦤꦔꦶꦁꦏꦼꦢꦃꦒꦶꦤꦸꦁꦒꦸꦁ꧈ ꦠꦤ꧀ꦮꦿꦸꦃꦲꦏꦺꦃꦲꦶꦁꦏꦁꦔꦺꦱꦼꦩ꧀ꦩꦶ꧈ ꦲꦩꦼꦏ꧀ꦱꦲꦔꦿꦸꦩ꧀ꦥꦏ꧈ ꦧꦱꦏꦁꦏꦭꦤ꧀ꦠꦸꦂ꧈ ꦥꦶꦠꦸꦠꦸꦂꦏꦠꦸꦭꦠꦸꦭ꧈ ꦠꦶꦤꦭꦠꦺꦤ꧀ꦫꦶꦤꦸꦫꦸꦃꦱꦁꦏꦤ꧀ꦤꦶꦁꦫꦶꦫꦶꦃ꧈ ꦩꦿꦶꦃꦥꦣꦁꦲꦶꦁꦱꦱ꧀ꦩꦶꦠ꧈ ꧄ ꦱꦱ꧀ꦩꦶꦠꦤ꧀ꦤꦺꦮꦺꦴꦁꦲꦸꦫꦶꦥ꧀ꦥꦸꦤꦶꦏꦶ꧈ ꦩꦥꦤ꧀ꦲꦺꦮꦸꦃꦪꦺꦤ꧀ꦲꦺꦴꦫꦮꦼꦫꦸꦃꦲ꧈ ꦠꦤ꧀ꦗꦸꦩꦼꦤꦼꦁꦲꦶꦁꦲꦸꦫꦶꦥ꧀ꦥꦺ꧈ ꦲꦏꦺꦃꦏꦁꦔꦏꦸꦲꦏꦸ꧈ ꦥꦔꦿꦰꦤ꧀ꦤꦺꦱꦩ꧀ꦥꦸꦤ꧀ꦲꦸꦠꦩꦶ꧈ ꦠꦸꦂꦢꦸꦫꦸꦁꦮꦿꦸꦃꦲꦶꦁꦫꦰ꧈ ꦠꦶꦫꦸꦠꦶꦫꦸꦏꦉꦥ꧀ꦥꦶꦫ꧈ ꦫꦰꦗꦠꦶꦢꦼꦫꦥꦺꦴꦤ꧀ꦱꦩ꧀ꦥꦸꦂꦟꦲꦸꦒꦶ꧈ ꦲꦶꦁꦏꦲꦸꦫꦶꦥ꧀ꦥꦤ꧀ꦤꦶꦫ꧈ ꧄ ꦗꦿꦺꦴꦤ꧀ꦤꦶꦁꦏꦸꦂꦄꦤ꧀ꦲꦤꦫꦰꦗꦠꦶ꧈ ꦤꦔꦶꦁꦥꦶꦭꦶꦃꦩꦤꦸꦱꦮꦼꦫꦸꦃꦲ꧈ ꦏꦗꦧꦭꦤ꧀ꦢꦲꦸꦭꦠ꧀ꦠꦺ꧈ ꦤꦺꦴꦫꦏꦼꦤꦢꦺꦤ꧀ꦲꦮꦸꦂ꧈ ꦲꦶꦁꦱꦠꦼꦩꦃꦤꦺꦴꦫꦥꦶꦤꦁꦒꦶꦃ꧈ ꦩꦸꦟ꧀ꦝꦏ꧀ꦏꦭꦸꦤ꧀ꦠꦭꦸꦤ꧀ꦠ꧈ ꦠꦼꦩꦃꦱꦱꦂꦱꦸꦱꦸꦂ꧈ ꦪꦺꦤ꧀ꦱꦶꦫꦲꦪꦸꦤ꧀ꦮꦱ꧀ꦏꦶꦛ꧈ ꦱꦩ꧀ꦥꦸꦂꦟꦤ꧀ꦤꦺꦲꦶꦁꦧꦢꦤ꧀ꦤꦶꦫꦥꦸꦤꦶꦏꦶ꧈ ꦭꦃꦱꦶꦫꦒꦸꦫꦺꦴꦏ꧀ꦲꦼꦤ꧈ ꧄ ꦭꦩꦸꦤ꧀ꦱꦶꦫꦲꦁꦒꦸꦒꦸꦫꦸꦔꦺꦭ꧀ꦩꦶ꧈ ꦲꦩꦶꦭꦶꦃꦲꦩꦤꦸꦱꦏꦁꦚꦠ꧈ ꦲꦶꦁꦏꦁꦧꦼꦕꦶꦏ꧀ꦩꦂꦠꦧꦠ꧀ꦠꦺ꧈ ꦲꦶꦁꦏꦁꦮꦼꦫꦸꦃꦲꦶꦁꦏ꦳ꦸꦏꦸꦩ꧀ ꦏꦁꦔꦶꦧꦢꦃꦭꦤ꧀ꦏꦁꦔꦶꦫꦔꦶ꧈ ꦱꦸꦏꦸꦂꦲꦺꦴꦭꦺꦃꦮꦺꦴꦁꦠꦥ꧈ ꦲꦶꦁꦏꦁꦮꦸꦱ꧀ꦠꦸꦩꦸꦁꦏꦸꦭ꧀ ꦠꦤ꧀ꦩꦶꦏꦶꦂꦥꦮꦺꦮꦺꦃꦲꦶꦁꦭꦾꦤ꧀ ꦲꦶꦏꦸꦥꦤ꧀ꦠꦼꦱ꧀ꦱꦶꦫꦒꦸꦫꦺꦴꦤ꧀ꦤꦤꦏꦏꦶ꧈ ꦱꦂꦠꦤ꧀ꦤꦺꦏꦮꦿꦸꦃꦲꦤ꧈ ꧄ ꦭꦩꦸ