Kaca iki wis divalidasi
Dyah Putri Daninggar
NYUWUN PANGAPUNTEN
seseg
sumpek
bunek
kawula ajrih
donyane mubeng
donyane peteng
kawula ajrih,
leres, kawula ajrih
kawula piyambakan
boten wonten kadang
boten wonten rencang
kawula lepat
dinten enjing kawula lepat
surupe nembe kawula eling
Gusti wonten lan sumerep
kawula tebih,
ngumbar hawa donya kang nggegirisi
nyuwun pangapunten
Gusti, kawula nyuwun pangapunten
kawula kesupen
leres, kawula kesupen
8
