Kaca iki wis divalidasi
KURSI
pira regane kursi
nganti ora ndarbeni
ndadak ngreka lan masang-masangi
supaya ora ngawistarani
yen akeh pasangan eri
ana kursi kayu
diplitur nganti luyu
kang nglungguhi ngguya-ngguyu
jalaran tase muncu-muncu
ana kursi wesi
krasa atos yen dilungguhi
mula ora ana kang ngrusuhi
sepira ajine kursi
nganti rebutan andarbeni
kowe lan aku ora butuh weruh wewadi iki
jalaran mokal bisa nggenteni
sepira regane kursi
dene nganti ditumbal-tumbali
44
Winih Semi
