Kaca iki wis divalidasi
MULIH SEKOLAH
Mulih sekolah, awakku lungkrah
mlebu ngomah e .....
Lha kok pating blangkrah
Ana apa iki?
Pitakonku ing manah
Dhag dhig... dhug..
Swara getering jantungku
Pak!
Bu!
Mbak!
Celukku
Ora ana sautan
Aku tambah dheg-dhegan
Gek, padha neng ngendi ta?
e... lha ujug-ujug
ana swara ...
Cekikak
cekikik ...
Gek, sapa kuwi
Ngerti-ngerti
Selamat ulang tahun!
Mak jenggirat, atiku entek
Bapak, ibu, mbak ayu
Kabeh padha sumeh
Aku uga
Aku isih bingung
Aku mung bisa mlongo
Tak eling-eling
tanggal pira ta iki
e ... alah!
Lha rakya saiki ulang tahunku!
Winih Semi
87
