Kadhung

Mayangsumirat

[ 37 ]kadhung

karepé mèlu mbeksa ing sedhekah désa

ngliling kucing rikalané lèrèn lé ngibing

lan niyaté mèlu manggung ing pasadaran agung

ora ndhadha pribadiné sing sulaya

tangan kaku pacakguluné wagu

kepénginé ngibing suthik dipenging

banjur jarum keyang ting jekangkang

kemrangsang atiné ora kuwagang

arep manggung ora dhenger grambyangané gendèr barung

ora ndhadha pribadiné yèn wis ina

ora pakra karoban gebyaring donya

èksekutip legislatip wis korèktip

arep apa

angur patekur agrangu puputing ngumur

nyawang proyèk pinggiring lungur

-000-

karanggeneng, 20 agustus 1984

Djaka Lodang, No.635 Th.XIV

Sabtu Pon, 17 Nopember 1984, kaca 35