Lekas maca lan nulis

[ 1 ]

Lekas maca lan nulis

[ 4 ]Urutan kanggo buku Lekas maca lan nulis

Lès a, b lane kuwi tujuané kanggo wong-wong sing ora tau sekolah blas. Mulané urutan-urutan sing nang buku Lekas maca tao pulis kudu dijangkah ndisik sakdurungé miwiti karo buku Blajar Maca Jawa.


Lès a (dina sepisanan)

Diblajari gambarané:

1. Lembaran 1 tekané 5 (ing buku “Lekas maca lan nulis”);
 Muridé dikon nduding sing ora pada waé karo contoné sing digambar nang lekasané larikan.

2. Lembaran 7 tekané 15:
 Muridé dikon nduding sing pada karo contoné sing digambar nang lekasané larikan.

3. Lembaran 17:
 Muridé dikon ngulinaké sing nggawé werna-werna gambaran.
 (Diblajari nèk nulis sangka kiwa lan potloté aja dipenet)


Lès b (dina kepindo)

Diblajari maca jenengé:

1. Sakdurungé molai, guruné kudu nulis jenengé murid-muridé nang bord lan nang kartah.

2. Muridé dikèki kartah sing ènèng jenengé dèkné déwé.
 Muridé dikon nggolèki jenengé nang bord sing cocok karo sing nang kartahé.

3. Dikongkon njajal nulis jenengé dèkné déwé sak larik (nang lembaran 19 ing buku “Lekas maca lan nulis”)

Diblajari suwara “a”:

4. Diduduhké uniné “a” lan diblajari nang bord sing nulis kepriyé.

5. Dikon nulis “a” sak larik (lembaran 21). Saben nulis “a” kudu ngapalké suwara “a”.
 (Diblajari nèk nulis sangka kiwa lan potloté aja dipenet.)

6. Dikon nggolèki saben aksara “a” nang lembaran 23. [ 5 ]7. Dikenalké gambarané lan tembungé “banah” nang lembaran 23.
 Diomongi nèk tulisan “banah” iku ênèng suwarané “a”.
 Dikon ngomong “banah” lan dikon ngrungoké uniné “a”.

8. Dikon nulis “a” sak larik sepisan menèh (lembaran 21). Saben nulis “a” kudu ngapalké “banah-a”.
 Ditakoni: “Kowé nulis suwara apa?” Saurané kudu “a”, ora “banah-a”.

9. Dikon nggolèki jeneng sing ènèng aksarané “a” nang kartahé.
 (Diwavaké jenengé, terus ditakoni apa suwara kuwi ènèng nang jenengé apa ora)


Diblajari suwara “i”:

10. Diduduhké uniné “i” lan diblajari nang bord sing nulis kepriyé.

11. Dikon nulis “1” sak larik (lembaran 21). Saben nulis “i” kudu ngapalké suwara “i”.

12. Dikon nggolèki saben aksara “i” nang lembaran 23.

13. Dikenalké gambarané lan tembungé “minti” nang lembaran 23.
 Diomongi nèk tulisan “minti” iku ènèng suwarané “4
 Dikon ngomong “minti” lan dikon ngrungoké uniné

14. Dikon nulis “i” sak larik sepisan menèh (lembaran 21). Saben nulis “i” kudu ngapalké “minti-i”.
 Ditakoni: "Kowé nulis suwara apa?” Saurané kudu “i", ora “minti-i”.

15. Dikon nggolèki jeneng sing ènèng aksarané “i” nang kartahé.

Penggawéan omah:

16. Dikon nggawa mulih kartahé karo bukuné “Lekas maca lan nulis”.
 Dèkné dadiné bisa blajar nulis jenengé nang lembaran 19 lan blajar nulis “a” lan “5” nang lembaran 21 terus.





Lès c (dina nomer telu)

Diblajari maca jenengé:

1. Dikongkon njajal nulis jenengé dèkné lan dikon nyocokné nang kartahé. (lembaran 19)

Mbalèni:

2. Ditakoni: “Kowé wis diblajari suwara apa?” (Saurané kudu “a” lan “i") "Dikon nulis suwara kabèh loro mau (lembaran 25). [ 6 ]"Diblajari suwara “u”:

3. Diduduhké uniné “u” lan diblajari nang bord sing nulis kepriyé.

4. Dikon nulis “u” sak larik (lembaran 25). Saben nulis “u” kudu ngapalké suwara “u”.

5. Dikon nggolèki saben aksara “u” nang lembaran 27.

6. Dikenalké gambarané lan tembungé “buku” nang lembaran 27.
 Diomongi nèk tulisan “buku” iku ènèng suwarané “u”.
 Dikon ngomong “buku” lan dikon ngrungoké uniné “u”.

7. Dikon nulis “u” sak larik sepisan menèh (lembaran 25). Saben nulis “u” kudu ngapalké “buku-u”.
 Ditakoni: “Kowé nulis suwara apa?” Saurané kudu “u”, ora “buku-u”

Diblajari suwara “é”:

8. Diduduhké uniné “é” lan diblajari nang bord sing nulis kepriyé.

9. Dikon nulis “é” sak larik lembaran 25). Saben nulis “é” kudu ngapalké suwara “é”.

10. Dikon nggolèki saben aksara “é” nang lembaran 27.

11. Dikenalké gambarané lan tembungé “témpé” nang lembaran 27.
 Diomongi nèk tulisan “témpé” iku ènèng suwarané “é”.
 Dikon ngomong “témpé” lan dikon ngrungoké uniné “é”.

12. Dikon nulis “é” sak larik sepisan menèh (lembaran 25). Saben nulis “é" kudu ngapalké “témpé-é”.
 Ditakoni: “Kowé nulis suwara apa?” Saurané kudu “é”, ora “témpé-é”.

Penggawéan omah:

13. Dikon nggawa mulih kartahé karo bukuné “Lekas maca lan nulis”.
 Dèkné dadiné bisé blajar nulis jenengé nang lembaran 29 lan blajar nulis “u” lan “é” nang lembaran 25 terus.