SLENCO
[ 28 ]SLENCO
Ali Rahmat W. SMA Ma'arif Wates
kd
Pesek: hawalan padhange langit, ngetokake yen wektu isih awan. Sumilire angin kang nerak gegodhongan ditambahi endahe wit witan kang ana ing sangarep lan sakiwa tengene omah, dirasak- rasakake katon kepenak.
“Penak tenan lungguhan ana ing kene, jan isis tenan” guneme Pak Kirna, kang lagi leyeh-leyeh ana ing lincak ngarep omah.
Awan kuwi Pak Kirna atine lagi bungah, jalaran Tejo, anake wis tamat anggone sekolah ana SMA Tulung Kula. Ewa semana atine Pak Kirna, isih ngganjel, mumet, mikirake ragat sekolah Tejo sing du- rung isa kabayar. Apa maneh yen mikirake utange marang juragan wedhus sing wis tumpang tindhih nganti anak-anakane akeh.
Iki unek-unek atine wong ora duwe Sing padha krungu aja dha ngece Utangku akeh neng kana-kene
Urung tak saur nganti tekan seprene Pancen enak tenan nampa BLT
Isa mangan nganggo lawuh sate Pemerintah ingkang kinurmatan
Napa sak niki jamane sampun edan Kathah pejabat ingkang kaya setan Amargi paten-patenan rebutan jabatan
“Wis... wis, rene tak kandhani Pak!” Ora ngono kuwi Pak, nek nembang kuwi sing apik, aja waton muni, isa cilaka Sampeyan, isa uga malah di dhor!”
28 = Antologi Crita Cekak ee [ 29 ]“Ngapa lho Bu, kowe ki! Iki rak suwaraku dhewe, lambe ya lambeku dhewe, ta!”
“Sik, sik, mengko dhisik Pak, aja salah tampa ngono kuwi. Tem- bangmu maurak ana unen-unen pejabat sak niki kaya setan ta? Mosok pejabat dipadhakke setan, rak ya ora pantes, isa cilaka lho sampeyan Pak.”
“Ngene Bu..., tembang kae mau mung unek-unek apa sing tak rasake saiki. Kae Antasari, sing meneng-meneng jebulane dadi dha- lang sing mateni dhirektur PT Putra Raja Wali Banjaran, Nasrudin Zulkarnaen.”
“Sampeyan kuwi Pak, ajeg nek dikandhani malah maido!”
“Thok ..., thok ..., thok!”
Lambene Pak Kirna lan bojone gage bungkem, kaya orong- orong kepidak.
“Sapa dhayohe kae, Bu?”
“Gek-gek ana pejabat sing liwat Pak? Gara-gara krungu leh nembang Sampeyan mau.”
“Aja ngedheg-dhegi ngono kuwi Bu! Wis kana gek dibukake lawange!”
“Weee..., lha, Sampeyan iku aneh! Rak Sampeyan ta Pak, sing ndadak nembang aneh-aneh mau.”
Khanti wedi lan ati was-was, Pak Kirna banjur mlaku alon-alon, bukak lawang. “Ngueeeek,” swara lawang kabukak.
Mak tratap, Pak Kirna saya kaget, jebul dhayohe Polisi gedhe dhuwur, brengosen, lan nggawa bedhil.
“Won..., won..., wonten menapa nggih, Pak Polisi? Menapa klentu kula? Kula niku sanes teroris Pak.”
“Sampeyan ampun wedi kalih kula,Pak. Lajengan kemawon, kula sowan mriki badhe ngabaraken menawi putrane sampeyan, Tejo, kula tahan wonten Polres.”
“Lha... aaa! Kenging menapa Pak anak kula?”
“Putrane sampeyan kedadosan nyimpen sabu-sabu wonten sak jaketipun.”
Krungu omongane Pak Polisi kang jlentrehake tujuane mertamu, Pak Kirna dadi ngguyu kepingkel-pingkel nganti bojone dadi kaget.
“Haaa ... ha.... haa!”
“Ana apa Pak? Kok olehmu ngguyu nganti kepingkel-pingkel mengkono?
= “Murkane Ibu” ee 29 [ 30 ]“Iki bu...! Mosok anake dhewe, Tejo, ditahan merga mungnge- saki sabu-sabu. Rak ya lucu ta Bu! Mangka sabu-sabu kuwi miturut tembange Endang sapa kae, malah dadi lali aku Bu! Jarene sabu- sabu kuwi sarapan bubur. Kaya tembang sing ngene kae lho Bu! pagi- pagi sabu ..., tiap pagi sabu ..., enak sekali...”
Saiki malah Pak Polisi sing ngguyu kepingkel-pingkel.
“Menika salah sak tunggaling narkoba utawi napza kang kale- bet obat-obatan ingkang dipun awisi dening negari, jalaran tundhon- ipun mbebayani sanget. Bahayanipun ngantos saget ngilangaken nyawa.
“Ooo... 00..., 00!
“Dados sabu-sabu menika sanes sarapan bubur?”
“Inggih sanes Pak Kirnan! Amargi sampun cetha perkawisipun, kula nyuwun pamitrumiyen, taksih kathah pedamelan wonten kan- tor. Manga Pak, Bu!”
“Mangga-mangga, dherekaken sugeng tindak!”
Karo salaman, Pak Polisi ni ggalake omahe Pak Kirnan. Pak Kir- nan mung isa ngulur njengkerute bathuke. Pikirane kopyor mikir Tejo, anak lanang siji-sijine sing di gadhang-gadhang malah mlebu ana bluen. Apa meneh Bu Kirna mung kembak-kembik nan gis.
“Assalamu'alaikum!”
Pak Kirnan lan bojone bareng angone mangsuli salam.
“Waalaikumu salam!”
“Wonten menapa malih, Pak Polisi!”
“Sak dherenge kula nyuwun ngapunten, jebul putrane sampe- yan mboten klentu. Amargi sasampunipun dipunsidik, putra sampe- yan namung dipun jebak dening rencange!”
“Alhamdulillah...!” Matur nuwun Pak Polisi.”
“Sami-sami Pak, Bu.”
Pak Kirnan lan bojone banjur sujud syukur ana ngarsane Gusti Ingkang Maha Agung inggih menika Allah SWT.
KK Ali Rahmat W. , lair ing Ngawi, 30 Juli 1990, siswa SMA Ma'arif Wates, Jalan Gadungan, Wares, Kulon Progo, telepon 0274 773236, agama Islam, mapan
ing Kriyanan, Wates, Kulon Progo, nomer HP 085228414 565, kesenengane bal-balan.
80 = Antologi Crata Cekak ee.