Sarinah

Mayangsumirat

[ 44 ]sarinah

wingi sapa dhampyak-dhampyak nguya-uya

bandhot tuwa kolaborator

wong dhèwèké panggah proklamator

wingi sapa malih gething kepati-pati

selaginé sumbang kondhisi lan situasi

wong dhèwèké tetep ngrungkebi bumi pretiwi

suthik nggadhèkaké darbèké

nanging kabèh wis kadalu lan kasèp lalu

onyaning panguman lan pangéwan-éwan

ora nggadhang bandha donya

ora mingkuh tresnané bangsa lan negara

kejemé tangguh nglelèdhèk mungsuh

panungkuné tuwajuh bekti murbèng tuwuh

dudu pekerti sing ndhedher kisruh

prinsip idhéologis

nasionalis sosialis religius

-000-

ungaran, 8 oktober 1980

Djaka Lodang, No. 436 Th. XI

Tgl. 15-25 Januari 1981