ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦭꦸꦏꦱ꧀

꧁꧋ꦏꦧꦂ​ꦏꦧꦸꦔꦃꦲꦤ꧀ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​ꦩꦶꦠꦸꦫꦸꦠ꧀ꦭꦸꦏꦱ꧀꧈꧂


ꦥꦱꦭ꧀ ꧇​꧑꧇​ ꧇​꧒꧇​ ꧇​꧓꧇​ ꧇​꧔꧇​ ꧇​꧕꧇​ ꧇​꧖꧇​ ꧇​꧗꧇​ ꧇​꧘꧇​ ꧇​꧙꧇​ ꧇​꧑꧐꧇​ ꧇​꧑꧑꧇​ ꧇​꧑꧒꧇​ ꧇​꧑꧓꧇​ ꧇​꧑꧔꧇​ ꧇​꧑꧕꧇​ ꧇​꧑꧖꧇​ ꧇​꧑꧗꧇​ ꧇​꧑꧘꧇​ ꧇​꧑꧙꧇​ ꧇​꧒꧐꧇​ ꧇​꧒꧑꧇​ ꧇​꧒꧒꧇​ ꧇​꧒꧓꧇​ ꧇​꧒꧔꧇​

꧋ꦥꦼꦩ꧀ꦧꦸꦏꦏ꧀ꦏꦤ꧀꧈​

꧇​꧑꧇​

1꧋ꦱꦼꦢꦸꦭꦸꦂꦏꦸ​ꦠꦺꦪꦺꦴꦥ꦳ꦶꦭꦸꦱ꧀ꦱꦶꦁ​ꦠꦏ꧀ꦲꦗꦺꦤ꧀ꦤꦶ​꧈​ꦲꦶꦏꦶ​ꦭꦪꦁ​ꦱꦁꦏꦔ꧀ꦒꦺꦴꦤ꧀ꦏꦸ​꧈​ꦭꦸꦏꦱ꧀꧈​ꦥꦚ꧀ꦕꦺꦤ꧀ꦪ​ꦮꦶꦱ꧀ꦲꦺꦤꦺꦁꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦤꦸꦭꦶꦱ꧀ꦧꦧ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦱꦶꦁ​ꦏꦼꦢꦢꦺꦪꦤ꧀ꦤꦁꦠꦼꦔꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​ 2ꦏꦸꦮꦶ​ꦩꦲꦸ​ꦏꦧꦺꦃ​ꦩꦶꦠꦸꦫꦸꦠ꧀ꦲꦺꦴꦩꦺꦴꦁꦔꦤ꧀ꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦮꦼꦫꦸꦃ​ꦢꦺꦮꦺꦏꦮꦶꦠ꧀ꦮꦶꦮꦶꦠ꧀ꦠꦤ꧀ꦤꦺ​꧈​ꦠꦼꦫꦸꦱ꧀ꦥꦢ​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦏꦸꦮꦶ​꧉​ 3ꦩꦸꦭꦤꦺ​ꦲꦏꦸ​ꦢꦺꦮꦺꦪ​ꦠꦼꦫꦸꦱ꧀ꦩꦶꦏꦶꦂ​ꦤꦸꦭꦶꦱ꧀ꦧꦧ꧀ꦥꦽꦏꦫ​ꦲꦶꦏꦶ​ꦏꦁꦒꦺꦴ​ꦏꦺꦴꦮꦺ​꧉​ꦱꦏ꧀ꦢꦸꦫꦸꦁꦔꦺꦠꦏ꧀ꦠꦸꦭꦶꦱ꧀ ꦊꦭꦏꦺꦴꦤ꧀ꦊꦭꦏꦺꦴꦤ꧀ꦩꦲꦸ​ꦏꦧꦺꦃ​ꦠꦏ꧀ꦠꦶꦠꦶꦥꦿꦶꦏ꧀ꦱꦤ꧀ꦢꦶꦱꦶꦏ꧀ ꦠꦼꦫꦸꦱ꧀ꦠꦏ꧀ꦠꦠ​꧉​ 4ꦢꦢꦶꦤꦺ​ꦏꦼꦤꦺꦁꦢꦶꦠꦶꦠꦺꦤ꧀ꦤꦶ​ꦢꦺꦮꦺꦤꦺꦏ꧀ꦥꦶꦠꦸꦠꦸꦂ​ꦱꦶꦁ​ꦢꦶꦮꦸꦭꦁꦔꦏꦺꦩꦫꦁ​ꦱꦼꦢꦸꦭꦸꦂ​ꦠꦺꦪꦺꦴꦥ꦳ꦶꦭꦸꦱ꧀ꦏꦸꦮꦶ​ꦏꦼꦤꦺꦁꦢꦶꦥꦽꦕꦪ​ꦏꦧꦺꦃ​꧉​

꧋ꦏꦧꦂ​ꦤꦺꦏ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦲꦉꦥ꧀ꦭꦲꦶꦂ​꧉​

5꧋ꦢꦺꦴꦁꦔꦺꦲ꦳ꦺꦫꦺꦴꦢꦺꦱ꧀ꦲꦶꦗꦶꦏ꧀ꦢꦢꦶ​ꦫꦠꦸ​ꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧈​ꦲꦺꦤꦺꦁꦱꦏ꧀ꦮꦶꦗꦶꦤꦺꦲꦶꦩꦩ꧀ꦱꦶꦁ​ꦗꦼꦤꦼꦁꦔꦺ​ꦯꦏꦫꦶꦪꦱ꧀ ꦱꦁꦏꦒꦺꦴꦭꦺꦴꦁꦔꦤ꧀ꦤꦺ​ꦲꦶꦩꦩ꧀ꦄꦧꦶꦪ​꧉​ꦧꦺꦴꦗꦺꦴꦤꦺ​ꦲꦶꦩꦩ꧀ꦯꦏꦫꦶꦪꦱ꧀ꦗꦼꦤꦼꦁꦔꦺ​ꦌꦭꦶꦱꦧꦺꦠ꧀꧈​ꦲꦶꦧꦸ​ꦌꦭꦶꦱꦧꦺꦠ꧀ꦲꦶꦏꦶ​ꦠꦸꦫꦸꦤ꧀ꦤꦤ꧀ꦤꦺ​ꦲꦶꦩꦩ꧀ꦄꦫꦺꦴꦤ꧀꧈​ 6ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦠꦼꦩꦼꦤ꧀ꦲꦼꦁꦒꦺꦴꦤꦺ​ꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦥꦢ​ꦠꦼꦩꦼꦤ꧀​ꦔ꧀ꦭꦏꦺꦴꦤ꧀ꦤꦶ​ꦲꦁꦒꦼꦂꦫꦁꦒꦼꦂ​ꦭꦤ꧀ꦥꦼꦂꦤꦠꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦏ꧀ꦏꦧꦺꦃꦲꦺ꧉​ 7ꦲꦶꦩꦩ꧀ꦯꦏꦫꦶꦪꦱ꧀ꦭꦤ꧀ꦲꦶꦧꦸ​ꦌꦭꦶꦱꦧꦺꦠ꧀ꦲꦺꦴꦫ​ꦤ꧀ꦢꦸꦮꦺꦲꦤꦏ꧀ ꦲꦮꦶꦠ꧀ꦲꦶꦧꦸ​ꦌꦭꦶꦱꦧꦺꦠ꧀ꦲꦺꦴꦫ​ꦧꦶꦱ​ꦤ꧀ꦢꦸꦮꦺꦲꦤꦏ꧀꧈​ꦏꦫꦺꦴꦩꦼꦤꦺꦃ​ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦪ​ꦮꦶꦱ꧀ꦠꦸꦮ​ꦧꦔꦼꦠ꧀꧈​ 8ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦶꦩꦩ꧀ꦯꦏꦫꦶꦪꦱ꧀​ꦔ꧀ꦭꦏꦺꦴꦤ꧀ꦤꦶ​ꦏꦼꦂꦗꦤꦤ꧀ꦤꦺꦤꦁꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​꧈​ꦲꦮꦶꦠ꧀ꦮꦶꦱ꧀ꦠꦶꦧ​ꦮꦚ꧀ꦕꦶꦤꦺ​ꦒꦺꦴꦭꦺꦴꦁꦔꦤ꧀ꦤꦺ​ꦢꦺꦏ꧀ꦤꦺ꧉​

9꧋ꦭꦃ​ꦱꦲꦶꦏꦶ​ꦲꦶꦩꦩ꧀ꦯꦏꦫꦶꦪꦱ꧀ꦱꦶꦁ​ꦏꦸꦢꦸ​ꦩ꧀ꦊꦧꦸ​ꦤꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ​꧈​ꦏꦸꦢꦸ​ꦔꦺꦴꦧꦺꦴꦁ​ꦩꦼꦚꦤ꧀꧈​ꦏꦸꦮꦶ​ꦱꦶꦁ​ꦔꦫꦤ꧀ꦤꦶ​ꦔꦁꦒꦺꦴ​ꦭꦺꦴꦠꦿꦺ​꧉​ 10ꦲꦶꦁ​ꦮꦚ꧀ꦕꦶ​ꦏꦸꦮꦶ​꧈​ꦢꦺꦴꦁꦔꦺꦩꦼꦚꦤ꧀ꦤꦺ​ꦢꦶꦲꦺꦴꦧꦺꦴꦁ​꧈​ꦤꦁꦚ꧀ꦗꦧ​ꦲꦺꦤꦺꦁꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦤ꧀ꦢꦼꦢꦺꦴꦔ​꧉​

11꧋ꦭꦃ​ꦢꦢꦏ꧀ꦏꦤ꧀ꦮꦲꦺ​ꦏꦺꦴꦏ꧀ꦠꦼꦫꦸꦱ꧀ꦲꦺꦤꦺꦁꦩꦸꦭꦺꦏꦠ꧀ꦔꦺꦠꦺꦴꦏ꧀ꦩꦫꦁ​ꦲꦶꦩꦩ꧀ꦯꦏꦫꦶꦪꦱ꧀꧈​ꦩꦸꦭꦺꦏꦠ꧀ꦠꦺꦔꦢꦼꦏ꧀ꦤꦁꦱꦼꦧꦼꦭꦃꦠꦼꦔꦼꦤꦺ​ꦲꦭ꧀ꦠꦂꦱꦶꦁ​ꦢꦶꦲꦼꦁꦒꦺꦴ​ꦔꦺꦴꦧꦺꦴꦁ​ꦩꦼꦚꦤ꧀꧈​ 12ꦲꦶꦩꦩ꧀ꦯꦏꦫꦶꦪꦱ꧀ꦮꦼꦫꦸꦃ​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦏꦒꦺꦠ꧀ꦭꦤ꧀ꦮꦼꦢꦶ​ꦧꦔꦼꦠ꧀꧈​ 13ꦤꦁꦔꦶꦁ​ꦩꦸꦭꦺꦏꦠ꧀ꦠꦺꦔꦺꦴꦩꦺꦴꦁ:“ꦲꦗ​ꦮꦼꦢꦶ​꧈​ꦯꦏꦫꦶꦪꦱ꧀!ꦥꦤ꧀ꦢꦺꦴꦔꦩꦸ​ꦮꦶꦱ꧀ꦏꦼꦠꦩ꧀ꦥꦭꦤ꧀ꦌꦭꦶꦱꦧꦺꦠ꧀ ꦧꦺꦴꦗꦺꦴꦩꦸ​꧈​ꦧꦏꦭ꧀​ꦩ꧀ꦧꦪꦶꦲꦤꦏ꧀ꦭꦤꦁ​꧉​ꦧꦺꦴꦕꦃꦲꦺ​ꦏꦸꦢꦸ​ꦲꦩ꧀ꦧꦺꦴꦏ꧀ꦗꦼꦤꦼꦁꦔꦏꦺꦪꦺꦴꦲꦤꦼꦱ꧀꧈​ 14ꦏꦺꦴꦮꦺ​ꦧꦏꦭ꧀ꦧꦸꦔꦃ​ꦧꦔꦼꦠ꧀ꦭꦤ꧀ꦮꦺꦴꦁ​ꦲꦺꦴꦏꦺꦃꦧꦏꦭ꧀ꦧꦸꦔꦃ​ꦤꦺꦏ꧀ꦧꦺꦴꦕꦃ​ꦲꦶꦏꦶ​ꦭꦲꦶꦂ​꧉​ 15ꦧꦺꦴꦕꦃ​ꦲꦶꦏꦶ​ꦧꦏꦭ꧀ꦢꦢꦶ​ꦮꦺꦴꦁ​ꦱꦶꦁ​ꦒꦼꦢꦺꦲꦗꦶꦤꦺ​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦸꦭꦤꦺ​ꦢꦺꦏ꧀ꦤꦺꦲꦺꦴꦫ​ꦏꦼꦤꦺꦁꦔꦺꦴꦩ꧀ꦧꦺ​ꦲꦁꦒꦸꦂ​ꦲꦥ​ꦲꦺꦴꦩ꧀ꦧꦺꦤ꧀ꦭꦶꦪꦤꦺ​ꦱꦶꦁ​ꦩꦫꦏ꧀ꦏꦏꦺꦩꦼꦤ꧀ꦢꦼꦩ꧀꧈​ꦮꦶꦮꦶꦠ꧀ꦱꦁꦏꦮꦼꦠꦼꦁꦔꦺ​ꦲꦶꦧꦸꦤꦺ​ꦧꦺꦴꦕꦃ​ꦲꦶꦏꦶ​ꦧꦏꦭ꧀ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ 16ꦲꦩ꧀ꦧꦺꦱꦸꦏ꧀ꦢꦺꦏ꧀ꦤꦺꦧꦏꦭ꧀ꦤꦸꦤ꧀ꦠꦸꦤ꧀ꦮꦺꦴꦁ​ꦆꦱꦿꦌꦭ꧀ ꦱꦸꦥꦪ​ꦥꦢ​ꦩꦤꦸꦠ꧀ꦩꦼꦤꦺꦃ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​꧉​ 17ꦲꦤꦏ꧀ꦩꦸ​ꦲꦶꦏꦸ​ꦧꦏꦭ꧀ꦢꦢꦶ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦶꦁ​ꦫꦺꦴꦃ​ꦭꦤ꧀ꦥꦔ꧀ꦮꦱ​ꦢꦺꦏ꧀ꦤꦺꦠꦸꦁꦒꦭ꧀ꦭꦺ​ꦮꦲꦺ​ꦏꦫꦺꦴ​ꦤꦧꦶ​ꦌꦭꦶꦪ​꧉​ꦢꦺꦏ꧀ꦤꦺꦧꦏꦭ꧀ꦔꦿꦸꦏꦸꦤ꧀ꦤꦏꦺꦧꦥꦏ꧀ꦏꦫꦺꦴ​ꦲꦤꦏ꧀ꦏꦺ​ꦭꦤ꧀ꦮꦺꦴꦁ​ꦱꦶꦁ​ꦲꦺꦴꦫ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦏꦠꦸꦤ꧀ꦠꦸꦤ꧀ꦩꦭꦶꦃ​ꦩꦤꦸꦠ꧀꧈​ꦢꦢꦶꦤꦺ​ꦢꦺꦏ꧀ꦤꦺꦧꦶꦱ​ꦚꦮꦶꦱ꧀ꦱꦏꦺꦲꦸꦩꦠ꧀ꦱꦶꦁ​ꦥꦤ꧀ꦠꦼꦱ꧀ꦏꦁꦒꦺꦴ​ꦒꦸꦱ꧀ꦠꦶ​꧉​”

18꧋ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦏꦼꦥꦿꦶꦪꦺ​ꦲꦏꦸ​ꦧꦶꦱꦤꦺ​ꦔꦼꦂꦠꦶ​ꦤꦺꦏ꧀ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦏꦸꦮꦶ​ꦧꦏꦭ꧀​ꦏ꧀ꦭꦏꦺꦴꦤ꧀ꦠꦼꦤꦤ꧀ ꦲꦮꦶꦠ꧀ꦲꦏꦸ​ꦢꦺꦮꦺꦮꦶꦱ꧀ꦠꦸꦮ​꧈​ꦱꦼꦩꦺꦴꦤꦺꦴ​ꦲꦸꦒ​ꦧꦺꦴꦗꦺꦴꦏꦸ​?”

19꧋ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦲꦶꦏꦶ​ꦒꦧꦿꦶꦪꦺꦭ꧀ꦱꦶꦁ​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁ ꦔꦉꦥ꧀ꦥꦺ​꧉​ꦲꦏꦸ​ꦢꦶꦏꦺꦴꦁꦏꦺꦴꦤ꧀​ꦔ꧀ꦒꦮ​ꦏꦧꦂ​ꦏꦧꦸꦔꦃꦲꦤ꧀ꦲꦶꦏꦶ​ꦩꦫꦁ​ꦏꦺꦴꦮꦺ​꧉​ 20ꦲꦥ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦲꦶꦏꦶ​ꦩꦼꦱ꧀ꦠꦶꦧꦏꦭ꧀​ꦏ꧀ꦭꦏꦺꦴꦤ꧀ꦲꦶꦁ​ꦮꦏ꧀ꦠꦸ​ꦱꦶꦁ​ꦮꦶꦱ꧀ꦢꦶꦠꦼꦔꦼꦂꦫꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦏꦺꦴꦮꦺ​ꦧꦏꦭ꧀ꦢꦢꦶ​ꦧꦶꦱꦸ​ꦠꦼꦏꦤ꧀ꦮꦏ꧀ꦠꦸ​ꦏꦸꦮꦶ​꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔꦤ꧀ꦢꦼꦭ꧀ꦩꦫꦁ​ꦠꦼꦩ꧀ꦧꦸꦁꦏꦸ​꧉​”

21꧋ꦮꦺꦴꦁꦮꦺꦴꦁ​ꦱꦶꦁ​ꦔꦼꦤ꧀ꦠꦺꦤ꧀ꦤꦶ​ꦤꦁꦚ꧀ꦗꦧ​ꦥꦢ​ꦔ꧀ꦒꦸꦩꦸꦤ꧀ꦲꦶꦩꦩ꧀ꦯꦏꦫꦶꦪꦱ꧀ꦏꦺꦴꦏ꧀ꦱꦸꦮꦶꦠꦼꦩꦼꦤ꧀ꦤꦁꦚ꧀ꦗꦼꦫꦺꦴ​ꦥꦁꦒꦺꦴꦤ꧀ꦤꦤ꧀ꦱꦸꦕꦶ​ꦏꦺꦴꦤꦺꦴ​꧉​ 22ꦏꦢꦸꦁ​ꦩꦼꦠꦸ​꧈​ꦲꦶꦩꦩ꧀ꦯꦏꦫꦶꦪꦱ꧀ꦲꦺꦴꦫ​ꦧꦶꦱ​ꦔꦺꦴꦩꦺꦴꦁꦲꦥꦲꦥ​꧈​ꦤꦩꦸꦁ​ꦚ꧀ꦗꦗꦭ꧀​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦔꦁꦒꦺꦴ​ꦠꦔꦤ꧀ꦤꦺ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦔꦼꦂꦠꦶ​ꦤꦺꦏ꧀ꦲꦶꦩꦩ꧀ꦯꦏꦫꦶꦪꦱ꧀ꦲꦼꦤ꧀ꦠꦱ꧀ꦢꦶꦏꦺꦠꦺꦴꦏ꧀ꦏꦶꦲꦶꦁ​ꦚ꧀ꦗꦼꦫꦺꦴ​ꦥꦁꦒꦺꦴꦤ꧀ꦤꦤ꧀ꦱꦸꦕꦶ​ꦏꦺꦴꦤꦺꦴ​꧉​ꦢꦺꦏ꧀ꦤꦺꦪ​ꦧꦶꦱꦸ​ꦠꦼꦫꦸꦱ꧀꧈​

23꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦔ꧀ꦭꦏꦺꦴꦤ꧀ꦤꦶ​ꦏꦼꦂꦗꦤꦤ꧀ꦤꦺꦤꦁꦒꦿꦺꦗ​ꦒꦼꦢꦺꦲꦶꦁ​ꦩꦶꦁꦒꦸ​ꦏꦸꦮꦶ​꧈​ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀ꦩꦸꦭꦶꦃ​꧉​ 24ꦲꦺꦴꦫ​ꦊꦠ꧀ꦱꦸꦮꦶꦲꦶꦧꦸ​ꦌꦭꦶꦱꦧꦺꦠ꧀ ꦧꦺꦴꦗꦺꦴꦤꦺ​꧈​ꦠꦼꦫꦸꦱ꧀ꦩꦼꦠꦼꦁ​꧉​ꦭꦶꦩꦁ​ꦱꦱꦶ​ꦱꦸꦮꦺꦤꦺ​ꦲꦶꦧꦸ​ꦌꦭꦶꦱꦧꦺꦠ꧀ꦲꦺꦴꦫ​ꦩꦼꦠꦸ​ꦱꦁꦏꦲꦺꦴꦩꦃꦲꦺ​꧉​ 25ꦢꦺꦏ꧀ꦤꦺꦔꦺꦴꦩꦺꦴꦁ:“ꦱꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦸꦭꦸꦁ​ꦲꦏꦸ​ꦠꦼꦤꦤ꧀꧈​ꦱꦲꦶꦏꦶ​ꦢꦺꦏ꧀ꦤꦺꦮꦶꦱ꧀ꦔꦶꦭꦁꦔꦏꦺꦲꦶꦱꦶꦤ꧀ꦏꦸ​꧈​ꦲꦏꦸ​ꦮꦶꦱ꧀ꦲꦺꦴꦫ​ꦲꦸꦱꦃꦲꦶꦱꦶꦤ꧀ꦩꦼꦤꦺꦃ​ꦩꦫꦁ​ꦮꦺꦴꦁꦮꦺꦴꦁ​꧉​”

꧋ꦏꦧꦂ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦭꦲꦶꦂ​꧉​

26꧋ꦏꦢꦸꦁ​ꦲꦶꦧꦸ​ꦌꦭꦶꦱꦧꦺꦠ꧀ꦮꦶꦱ꧀ꦩꦼꦠꦼꦁ​ꦤꦼꦩ꧀ꦱꦱꦶ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦒꦧꦿꦶꦪꦺꦭ꧀ꦠꦼꦏ​ꦤꦁꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ 27ꦩꦸꦭꦺꦏꦠ꧀ꦒꦧꦿꦶꦪꦺꦭ꧀ꦢꦶꦏꦺꦴꦁꦏꦺꦴꦤ꧀ꦩꦼꦠꦸꦮꦱꦏ꧀ꦮꦶꦗꦶꦤꦺꦥꦿꦮꦤ꧀ꦱꦶꦁ​ꦗꦼꦤꦼꦁꦔꦺ​ꦩꦫꦶꦪ꧉​ꦩꦫꦶꦪꦲꦶꦏꦶ​ꦥꦕꦁꦔꦤ꧀ꦤꦺ​ꦪꦺꦴꦱꦺꦥ꦳꧀ ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀꧈​ 28ꦏꦢꦸꦁ​ꦒꦧꦿꦶꦪꦺꦭ꧀ꦮꦶꦱ꧀ꦤꦼꦩꦸ​ꦩꦫꦶꦪ꧈​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦩꦫꦶꦪ꧈​ꦏꦺꦴꦮꦺ​ꦥꦚ꧀ꦕꦺꦤ꧀ꦢꦶꦧꦼꦂꦏꦃꦲꦶ​ꦠꦼꦤꦤ꧀ꦏꦫꦺꦴ​ꦒꦸꦱ꧀ꦠꦶ​꧈​ꦲꦮꦶꦠ꧀ꦢꦺꦏ꧀ꦤꦺꦩꦶꦗꦶ​ꦏꦺꦴꦮꦺ​꧉​”

29꧋ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦩꦸꦭꦺꦏꦠ꧀ꦏꦸꦮꦶ​ꦩꦲꦸ​ꦩꦫꦶꦪꦏꦒꦺꦠ꧀ꦧꦔꦼꦠ꧀ ꦠꦼꦫꦸꦱ꧀ꦩꦶꦏꦶꦂ​ꦲꦶꦁ​ꦲꦠꦶ​:“ꦲꦥ​ꦠ​ꦠꦼꦒꦼꦱ꧀ꦱꦺ​ꦠꦼꦩ꧀ꦧꦸꦁ​ꦏꦸꦮꦶ​?” 30ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦩꦫꦶꦪ꧈​ꦲꦗ​ꦮꦼꦢꦶ​!ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦏꦺꦴꦮꦺ​꧉​ 31ꦏꦺꦴꦮꦺ​ꦧꦏꦭ꧀ꦩꦼꦠꦼꦁ​ꦭꦤ꧀​ꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁ​꧉​ꦧꦺꦴꦕꦃꦲꦺ​ꦏꦸꦢꦸ​ꦲꦩ꧀ꦧꦺꦴꦏ꧀ꦗꦼꦤꦼꦁꦔꦏꦺꦪꦺꦯꦸꦱ꧀꧈​ 32ꦢꦺꦏ꧀ꦤꦺꦧꦏꦭ꧀ꦢꦢꦶ​ꦮꦺꦴꦁ​ꦱꦶꦁ​ꦥꦶꦤꦸꦚ꧀ꦗꦸꦭ꧀ꦭꦤ꧀ꦧꦏꦭ꧀ꦢꦶꦕꦼꦭꦸꦏ꧀​ꦲꦤꦏ꧀ꦏꦺ​ꦱꦶꦁ​ꦭꦸꦲꦸꦂ​ꦢꦺꦮꦺ꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦤ꧀ꦢꦢꦺꦏ꧀ꦏꦏꦺꦢꦺꦏ꧀ꦤꦺꦢꦢꦶ​ꦫꦠꦸ​꧈​ꦤꦸꦫꦸꦠ꧀ꦧꦥꦏ꧀ꦧꦥꦏꦤ꧀ꦤꦺꦩ꧀ꦧꦶꦪꦺꦤ꧀ ꦪꦏꦸꦮꦶ​ꦫꦠꦸ​ꦣꦮ꦳ꦼꦢ꧀꧈​ 33ꦢꦺꦏ꧀ꦤꦺꦧꦏꦭ꧀ꦢꦢꦶ​ꦫꦠꦸꦤꦺ​ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺꦧꦥ​ꦪꦏꦸꦧ꧀ꦱ꧀ꦭꦮꦱ꧀ꦭꦮꦱ꧀ꦱꦺꦭꦤ꧀ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦧꦏꦭ꧀ꦢꦢꦶ​ꦫꦠꦸ​ꦲꦺꦴꦫ​ꦧꦏꦭ꧀ꦲꦺꦤꦺꦁꦭꦺꦫꦺꦤ꧀ꦤꦺ꧉​”

34꧋ꦩꦫꦶꦪꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦩꦸꦭꦺꦏꦠ꧀ꦠꦺ:“ꦏꦼꦥꦿꦶꦪꦺ​ꦏꦸꦮꦶ​ꦩꦲꦸ​ꦏꦧꦺꦃ​ꦧꦏꦭ꧀ꦭꦺ​ꦏ꧀ꦭꦏꦺꦴꦤ꧀ ꦲꦮꦶꦠ꧀ꦲꦏꦸ​ꦢꦸꦫꦸꦁ​ꦤ꧀ꦢꦸꦮꦺꦧꦺꦴꦗꦺꦴ​?” 35ꦩꦸꦭꦺꦏꦠ꧀ꦠꦺꦱꦼꦩꦲꦸꦂ​:“ꦫꦺꦴꦃ​ꦱꦸꦕꦶ​ꦧꦏꦭ꧀ꦚꦼꦢꦼꦏ꧀ꦏꦶꦏꦺꦴꦮꦺ​ꦭꦤ꧀ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦤꦸꦠꦸꦥ꧀ꦥꦶ​ꦏꦺꦴꦮꦺ​꧉​ꦩꦸꦭꦤꦺ​ꦲꦤꦏ꧀ꦱꦶꦁ​ꦭꦲꦶꦂ​ꦏꦸꦮꦶ​ꦱꦸꦕꦶ​ꦭꦤ꧀ꦧꦏꦭ꧀ꦢꦶꦕꦼꦭꦸꦏ꧀​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 36ꦭꦤ꧀ꦔꦼꦂꦠꦶꦪ​ꦤꦺꦏ꧀ꦲꦸꦒ​ꦲꦶꦧꦸ​ꦌꦭꦶꦱꦧꦺꦠ꧀ ꦱꦼꦢꦸꦭꦸꦂꦩꦸꦱꦶꦁ​ꦮꦶꦱ꧀ꦠꦸꦮ​ꦭꦤ꧀ꦱꦶꦁ​ꦗꦫꦺꦤꦺ​ꦲꦺꦴꦫ​ꦧꦶꦱ​ꦤ꧀ꦢꦸꦮꦺꦲꦤꦏ꧀ ꦱꦲꦶꦏꦶ​ꦮꦶꦱ꧀ꦩꦼꦠꦼꦁ​ꦤꦼꦩ꧀ꦱꦱꦶ​꧉​ 37ꦲꦮꦶꦠ꧀ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦲꦺꦤꦺꦁꦥꦽꦏꦫ​ꦱꦶꦁ​ꦩꦺꦴꦏꦭ꧀꧈​”

38꧋ꦩꦫꦶꦪꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦲꦶꦏꦶ​ꦥꦼꦭꦢꦺꦤ꧀ꦤꦺ​ꦒꦸꦱ꧀ꦠꦶ​꧉​ꦱꦼꦩ꧀ꦧꦫꦁ​ꦏꦸꦮꦶ​ꦩꦲꦸ​ꦏꦧꦺꦃ​ꦧꦏꦭ꧀​ꦏ꧀ꦭꦏꦺꦴꦤ꧀ꦏꦫꦺꦴ​ꦲꦏꦸ​ꦏꦪ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​꧉”ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦭꦸꦔ​꧉​

꧋ꦩꦫꦶꦪꦤꦶꦭꦶꦏ꧀ꦏꦶ​ꦲꦶꦧꦸ​ꦌꦭꦶꦱꦧꦺꦠ꧀꧈​

39꧋ꦲꦺꦴꦫ​ꦊꦠ꧀ꦱꦸꦮꦶꦩꦫꦶꦪꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦤꦁꦒꦸꦤꦸꦔꦤ꧀ꦤꦺꦧꦮꦃꦪꦸꦢꦺꦪ​꧉​ 40ꦩꦫꦶꦪꦚ꧀ꦗꦸꦗꦸꦏ꧀ꦤꦁꦲꦺꦴꦩꦃꦲꦺ​ꦲꦶꦩꦩ꧀ꦯꦏꦫꦶꦪꦱ꧀ ꦠꦼꦫꦸꦱ꧀​ꦩ꧀ꦊꦧꦸ​ꦩ꧀ꦧꦒꦺꦏ꧀ꦏꦏꦺꦲꦶꦧꦸ​ꦌꦭꦶꦱꦧꦺꦠ꧀꧈​ 41ꦢꦺꦴꦁꦔꦺꦲꦶꦧꦸ​ꦌꦭꦶꦱꦧꦺꦠ꧀ꦏꦿꦸꦔꦸ​ꦱ꧀ꦮꦫꦤꦺ​ꦩꦫꦶꦪ꧈​ꦧꦪꦶ​ꦱꦶꦁ​ꦤꦁꦮꦼꦠꦼꦁꦔꦺ​ꦠꦼꦫꦸꦱ꧀​ꦔ꧀ꦒꦺꦴꦚ꧀ꦗꦭ꧀꧈​ꦲꦶꦧꦸ​ꦌꦭꦶꦱꦧꦺꦠ꧀ꦠꦼꦫꦸꦱ꧀ꦢꦶꦏ꧀ꦮꦱꦤꦶ​ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ 42ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦏꦫꦺꦴ​ꦱ꧀ꦮꦫ​ꦧꦤ꧀ꦠꦼꦂ​:“ꦩꦫꦶꦪ꧈​ꦏꦺꦴꦮꦺ​ꦥꦚ꧀ꦕꦺꦤ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦤꦩ꧀ꦥ​ꦧꦼꦂꦏꦃ​ꦱꦶꦁ​ꦒꦼꦢꦺꦢꦺꦮꦺꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦮꦺꦢꦺꦴꦏ꧀ꦏꦧꦺꦃ​꧉​ꦱꦼꦩꦺꦴꦤꦺꦴ​ꦲꦸꦒ​ꦧꦪꦶ​ꦱꦶꦁ​ꦤꦁꦮꦼꦠꦼꦁꦩꦸ​꧈​ꦏꦸꦮꦶ​ꦧꦪꦶ​ꦱꦶꦁ​ꦒꦼꦢꦺꦢꦺꦮꦺꦧꦼꦂꦏꦃꦲꦺ​꧉​ 43ꦱꦥ​ꦠ​ꦲꦏꦸ​ꦲꦶꦏꦶ​꧈​ꦏꦺꦴꦏ꧀ꦱꦩ꧀ꦥꦺꦏ꧀ꦢꦶꦠꦼꦏꦤꦶ​ꦏꦫꦺꦴ​ꦲꦶꦧꦸꦤꦺ​ꦒꦸꦱ꧀ꦠꦶꦏꦸ​? 44ꦲꦮꦶꦠ꧀ꦢꦺꦴꦁꦔꦺꦏꦺꦴꦮꦺ​ꦩ꧀ꦧꦒꦺꦏ꧀ꦏꦏꦺꦲꦏꦸ​꧈​ꦧꦪꦶ​ꦱꦶꦁ​ꦤꦁꦮꦼꦠꦼꦁꦏꦸ​ꦔ꧀ꦒꦺꦴꦚ꧀ꦗꦭ꧀ꦱꦁꦏꦶꦁꦧꦸꦔꦃꦲꦺ​꧉​ 45ꦒꦼꦢꦺꦠꦼꦤꦤ꧀ꦧꦼꦂꦏꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦏꦺꦴꦮꦺ​ꦥꦽꦕꦪ​ꦤꦺꦏ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦺꦴꦮꦺ​ꦧꦏꦭ꧀​ꦏ꧀ꦭꦏꦺꦴꦤ꧀꧈​” 46ꦩꦫꦶꦪꦠꦼꦫꦸꦱ꧀ꦔꦺꦴꦩꦺꦴꦁ:

“ꦚꦮꦏꦸ​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​!
47ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦗꦸꦫꦸ​ꦱ꧀ꦭꦩꦼꦠ꧀ꦏꦸ​꧈​
ꦩꦫꦏ꧀ꦏꦏꦺꦲꦠꦶꦏꦸ​ꦧꦸꦔꦃ​꧉​
48ꦢꦺꦏ꧀ꦤꦺꦔ꧀ꦒꦠꦺꦏ꧀ꦏꦏꦺꦩꦫꦁ​ꦲꦏꦸ​ꦲꦶꦏꦶ​꧈​
ꦥꦼꦭꦢꦺꦤ꧀ꦱꦶꦁ​ꦕꦶꦭꦶꦏ꧀ꦢꦺꦮꦺ꧉​
ꦮꦶꦮꦶꦠ꧀ꦱꦲꦶꦏꦶ​ꦏꦧꦺꦃ​ꦮꦺꦴꦁ​ꦧꦏꦭ꧀ꦔꦺꦴꦩꦺꦴꦁ
ꦤꦺꦏ꧀ꦲꦏꦸ​ꦲꦶꦏꦶ​ꦮꦺꦴꦁ​ꦱꦶꦁ​ꦒꦼꦢꦺꦧꦼꦂꦏꦃꦲꦺ​꧉​
49ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦶꦁ​ꦒꦼꦢꦺꦢꦺꦮꦺꦏ꧀ꦮꦱꦤꦺ​꧈​
ꦮꦶꦱ꧀ꦤꦶꦤ꧀ꦢꦏ꧀ꦏꦏꦺꦧꦫꦁ​ꦱꦶꦁ​ꦒꦼꦢꦺꦧꦔꦼꦠ꧀ꦲꦶꦁ​ꦲꦸꦫꦶꦥ꧀ꦏꦸ​꧉​
ꦥꦚ꧀ꦕꦺꦤ꧀ꦱꦸꦕꦶ​ꦠꦼꦤꦤ꧀ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
50ꦒꦸꦱ꧀ꦠꦶ​ꦔꦼꦠꦺꦴꦏ꧀ꦏꦏꦺꦏꦮꦼꦭꦱ꧀ꦱꦤ꧀ꦤꦺ​
ꦩꦫꦁ​ꦮꦺꦴꦁ​ꦱꦶꦁ​ꦔꦗꦺꦤ꧀ꦤꦶ​ꦩꦫꦁ​ꦢꦺꦏ꧀ꦤꦺ꧈​
ꦒꦸꦱ꧀ꦠꦶ​ꦩꦼꦭꦱ꧀ꦱꦶ​ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺ꧉​
51ꦒꦸꦱ꧀ꦠꦶꦄꦭ꧀ꦭꦃꦔꦺꦠꦺꦴꦏ꧀ꦏꦏꦺꦥꦔ꧀ꦮꦱꦤꦺ:ꦭꦤ꧀ꦮꦺꦴꦁꦮꦺꦴꦁꦱꦶꦁꦒꦼꦩꦸꦁꦒꦸꦁꦲꦶꦁꦲꦠꦶꦤꦺꦢꦶꦧꦸꦪꦂꦫꦏꦺꦏꦧꦺꦃ꧉​
ꦫꦚ꧀ꦕꦩ꧀ꦩꦤ꧀ꦤꦺꦢꦶꦲꦺꦴꦫꦠ꧀ꦠꦫꦶꦠ꧀꧈​
52ꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦭꦺꦴꦫꦺꦴꦠ꧀ꦠꦏꦺꦥꦫ​
ꦥꦔ꧀ꦮꦱ​ꦱꦁꦏꦗꦒꦺꦴꦔꦤ꧀ꦤꦺ꧈​
ꦩꦭꦃ​ꦱꦶꦁ​ꦕꦶꦭꦶꦏ꧀ꦢꦶꦲꦸꦁꦒꦃꦲꦏꦺ꧉​
53ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦏꦺꦏ꧀ꦏꦶꦩꦁꦔꦤ꧀
ꦩꦫꦁ​ꦮꦺꦴꦁ​ꦱꦶꦁ​ꦔꦼꦭꦶꦃ​꧈​
ꦩꦭꦃ​ꦢꦶꦲꦸꦢꦤ꧀ꦤꦶ​ꦏꦫꦺꦴ​ꦱꦼꦩ꧀ꦧꦫꦁ​ꦱꦶꦁ​ꦧꦼꦕꦶꦏ꧀
ꦤꦁꦔꦶꦁ​ꦮꦺꦴꦁ​ꦱꦶꦁ​ꦱꦸꦒꦶꦃ​ꦢꦶꦏꦺꦴꦁꦏꦺꦴꦤ꧀ꦭꦸꦔ​꧈​
ꦲꦺꦴꦫ​ꦢꦶꦏꦺꦏ꧀ꦏꦶꦲꦥꦲꦥ​꧉​
54ꦒꦸꦱ꧀ꦠꦶ​ꦄꦭ꧀ꦭꦃ​ꦤꦸꦭꦸꦁꦔꦶ​ꦆꦱꦿꦌꦭ꧀ ꦥꦼꦭꦢꦺꦤ꧀ꦤꦺ​꧈​
ꦲꦮꦶꦠ꧀ꦢꦺꦏ꧀ꦤꦺꦲꦉꦥ꧀ꦤꦼꦠꦼꦥ꧀ꦥꦶ​ꦥꦽꦗꦚ꧀ꦗꦶꦪꦤ꧀ꦤꦺ​
ꦩꦫꦁ​ꦥꦫ​ꦩ꧀ꦧꦃꦩ꧀ꦧꦲꦤ꧀ꦤꦺ꧉​
55ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦗꦚ꧀ꦗꦶ​
ꦤꦺꦏ꧀ꦧꦏꦭ꧀ꦲꦩ꧀ꦧꦼꦂꦏꦃꦲꦶ​ꦧꦥ​ꦄꦨꦿꦲꦩ꧀
ꦭꦤ꧀ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺꦏꦧꦺꦃ​꧈​ꦱ꧀ꦭꦮꦱ꧀ꦭꦮꦱ꧀ꦱꦺ꧉​”

56꧋ꦩꦫꦶꦪꦠꦼꦫꦸꦱ꧀ꦠꦼꦭꦸꦁ​ꦱꦱꦶ​ꦱꦸꦮꦺꦤꦺ​ꦤꦁꦔ꧀ꦒꦺꦴꦤ꧀ꦤꦺꦲꦶꦧꦸ​ꦌꦭꦶꦱꦧꦺꦠ꧀꧈​ꦱꦏ꧀ꦮꦶꦱ꧀ꦱꦺ​ꦠꦼꦭꦸꦁ​ꦱꦱꦶ​ꦏꦸꦮꦶ​ꦢꦺꦏ꧀ꦤꦺꦠꦼꦫꦸꦱ꧀ꦩꦸꦭꦶꦃ​꧉​

꧋ꦭꦲꦶꦂꦫꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

57꧋ꦏꦢꦸꦁ​ꦮꦶꦱ꧀ꦠꦼꦏꦤ꧀ꦮꦪꦃꦲꦺ​꧈​ꦲꦶꦧꦸ​ꦌꦭꦶꦱꦧꦺꦠ꧀​ꦩ꧀ꦧꦪꦶꦲꦤꦏ꧀ꦭꦤꦁ​꧉​ 58ꦠꦁꦒꦠꦼꦥꦫꦺꦴꦭꦤ꧀ꦱꦤꦏ꧀ꦱꦼꦢꦸꦭꦸꦂꦫꦺ​ꦥꦢ​ꦏꦿꦸꦔꦸ​ꦧꦧ꧀ꦒꦼꦢꦺꦤꦺꦏꦧꦼꦕꦶꦏ꧀ꦏꦤ꧀ꦤꦺ​ꦒꦸꦱ꧀ꦠꦶ​ꦩꦫꦁ​ꦲꦶꦧꦸ​ꦌꦭꦶꦱꦧꦺꦠ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦏꦧꦺꦃ​ꦥꦢ​ꦩꦺꦭꦸ​ꦧꦸꦔꦃ​ꦧꦔꦼꦠ꧀꧈​

59꧋ꦏꦢꦸꦁ​ꦧꦪꦶꦤꦺ​ꦮꦶꦱ꧀​ꦤ꧀ꦢꦸꦮꦺꦲꦸꦩꦸꦂ​ꦮꦺꦴꦭꦸꦁ​ꦢꦶꦤ​꧈​ꦠꦁꦒꦠꦼꦥꦫꦺꦴꦭꦤ꧀ꦱꦤꦏ꧀ꦱꦼꦢꦸꦭꦸꦂꦫꦺ​ꦩꦲꦸ​ꦏꦧꦺꦃ​ꦥꦢ​ꦠꦼꦏ​꧈​ꦲꦮꦶꦠ꧀ꦧꦪꦶꦤꦺ​ꦲꦉꦥ꧀ꦢꦶꦱꦸꦤꦠ꧀ꦠꦶ꧉​ꦏꦉꦥ꧀ꦥꦺ​ꦮꦺꦴꦁꦮꦺꦴꦁ​ꦧꦺꦴꦕꦃꦲꦺ​ꦲꦉꦥ꧀ꦢꦶꦗꦼꦤꦼꦁꦔꦏꦺꦯꦏꦫꦶꦪꦱ꧀ ꦏꦪ​ꦧꦥꦏ꧀ꦏꦺ꧉​ 60ꦤꦁꦔꦶꦁ​ꦲꦶꦧꦸꦤꦺ​ꦔꦺꦴꦩꦺꦴꦁ:“ꦲꦺꦴꦫ​꧈​ꦧꦺꦴꦕꦃ​ꦲꦶꦏꦶ​ꦏꦸꦢꦸ​ꦢꦶꦗꦼꦤꦼꦁꦔꦏꦺꦪꦺꦴꦲꦤꦼꦱ꧀!”

61꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦠꦏꦺꦴꦤ꧀:“ꦭꦺꦴ​꧈​ꦤꦁꦠꦼꦔꦃꦲꦺ​ꦱꦤꦏ꧀ꦱꦼꦢꦸꦭꦸꦂꦩꦸ​ꦲꦥ​ꦲꦺꦤꦺꦁꦱꦶꦁ​ꦗꦼꦤꦼꦁꦔꦺ​ꦪꦺꦴꦲꦤꦼꦱ꧀?” 62ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦲꦶꦩꦩ꧀ꦯꦏꦫꦶꦪꦱ꧀ꦔꦁꦒꦺꦴ​ꦠꦔꦤ꧀ꦤꦺ​꧈​ꦧꦺꦴꦕꦃꦲꦺ​ꦏꦸꦢꦸ​ꦢꦶꦗꦼꦤꦼꦁꦔꦏꦺꦱꦥ​꧉​

63꧋ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀​ꦚ꧀ꦗꦭꦸꦏ꧀ꦭꦺꦲꦶꦢꦶꦲꦼꦁꦒꦺꦴ​ꦤꦸꦭꦶꦱ꧀꧈​ꦏꦢꦸꦁ​ꦮꦶꦱ꧀ꦲꦺꦤ꧀ꦠꦸꦏ꧀ꦢꦺꦏ꧀ꦤꦺꦠꦼꦫꦸꦱ꧀ꦤꦸꦭꦶꦱ꧀:“ꦗꦼꦤꦼꦁꦔꦺ​ꦪꦺꦴꦲꦤꦼꦱ꧀!”ꦮꦺꦴꦁꦮꦺꦴꦁ​ꦔ꧀ꦒꦸꦩꦸꦤ꧀ꦏꦧꦺꦃ​꧉​ 64ꦱꦏ꧀ꦮꦠ꧀ꦲꦶꦩꦩ꧀ꦯꦏꦫꦶꦪꦱ꧀ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁꦩꦼꦤꦺꦃ​ꦭꦤ꧀ꦢꦺꦏ꧀ꦤꦺꦠꦼꦫꦸꦱ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ 65ꦠꦁ​ꦒ​ꦠꦼꦥꦫꦺꦴꦤꦺ​ꦏꦧꦺꦃ​ꦥꦢ​ꦮꦼꦢꦶ​ꦭꦤ꧀ꦏꦧꦂ​ꦩꦲꦸ​ꦠꦼꦫꦸꦱ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦤꦁꦧꦮꦃꦥꦼꦒꦸꦤꦸꦁꦔꦤ꧀ꦤꦁꦪꦸꦢꦺꦪ​ꦏꦧꦺꦃ​꧉​ 66ꦮꦺꦴꦁ​ꦏꦧꦺꦃ​ꦱꦶꦁ​ꦏꦿꦸꦔꦸ​ꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦠꦼꦫꦸꦱ꧀ꦥꦢ​ꦔ꧀ꦒꦠꦺꦏ꧀ꦏꦏꦺꦠꦼꦤꦤ꧀ꦲꦶꦁ​ꦲꦠꦶꦤꦺ​ꦭꦤ꧀ꦥꦢ​ꦩꦶꦏꦶꦂ​:“ꦧꦺꦴꦕꦃ​ꦲꦶꦏꦶ​ꦲꦩ꧀ꦧꦺꦱꦸꦏ꧀ꦧꦏꦭ꧀ꦢꦢꦶ​ꦲꦥ​ꦪ​?”ꦲꦮꦶꦠ꧀ꦏꦼꦠꦫ​ꦠꦼꦤꦤ꧀ꦤꦺꦏ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦤ​ꦲꦶꦁ​ꦧꦺꦴꦕꦃ​ꦲꦶꦏꦶ​꧉​

꧋ꦲꦶꦩꦩ꧀ꦯꦏꦫꦶꦪꦱ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

67꧋ꦲꦶꦩꦩ꧀ꦯꦏꦫꦶꦪꦱ꧀ ꦧꦥꦏ꧀ꦏꦺꦧꦪꦶ​ꦩꦲꦸ​꧈​ꦠꦼꦫꦸꦱ꧀ꦢꦶꦏ꧀ꦮꦱꦤꦶ​ꦏꦫꦺꦴ​ꦫꦺꦴꦃ​ꦱꦸꦕꦶ​ꦭꦤ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦔꦺꦤꦺ​:

68“ꦲ꦳ꦪꦸꦏ꧀ꦥꦢ​ꦩꦼꦩꦸꦗꦶ​ꦩꦫꦁ​ꦒꦸꦱ꧀ꦠꦶ​꧈​
ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦧꦁꦱ​ꦆꦱꦿꦌꦭ꧀!
ꦲꦮꦶꦠ꧀ꦢꦺꦏ꧀ꦤꦺ​ꦮꦶꦱ꧀​ꦔ꧀ꦒꦠꦺꦏ꧀ꦏꦏꦺꦩꦫꦁ​ꦲꦸꦩꦠ꧀ꦠꦺ​
ꦭꦤ꧀ꦥꦢ​ꦢꦶꦭꦸꦮꦂꦫꦶ​꧉​
69ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦏꦺꦏ꧀ꦏꦶꦗꦸꦫꦸ​ꦱ꧀ꦭꦩꦼꦠ꧀
ꦱꦶꦁ​ꦏ꧀ꦮꦱ​ꦩꦫꦁ​ꦲꦮꦏ꧀ꦏꦺ​ꦢꦺꦮꦺ꧈​
ꦪꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦥꦼꦭꦢꦺꦤ꧀ꦤꦺ​꧉​
70ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦏ꧀​ꦩ꧀ꦧꦶꦪꦺꦤ꧀ꦮꦶꦱ꧀ꦗꦚ꧀ꦗꦶ​
ꦭꦶꦮꦠ꧀ꦥꦫ​ꦤꦧꦶꦤꦺ​ꦱꦶꦁ​ꦱꦸꦕꦶ​꧉​
71ꦢꦺꦏ꧀ꦤꦺꦧꦏꦭ꧀​ꦔ꧀ꦭꦸꦮꦂꦫꦶ​ꦲꦮꦏ꧀ꦏꦺ​ꦢꦺꦮꦺ
ꦱꦁꦏꦥꦔ꧀ꦮꦱꦤꦺ​ꦩꦸꦁꦱꦸꦃꦩꦸꦁꦱꦸꦃ​
ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦱꦼꦔꦶꦠ꧀ꦩꦫꦁ​ꦲꦮꦏ꧀ꦏꦺ​ꦢꦺꦮꦺ꧉​
72ꦩꦼꦁꦏꦺꦴꦤꦺꦴ​ꦏꦸꦮꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺ
ꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ
ꦭꦤ꧀ꦤꦼꦠꦼꦥ꧀ꦥꦶ​ꦥꦽꦗꦚ꧀ꦗꦶꦪꦤ꧀ꦤꦺ​ꦱꦶꦁ​ꦱꦸꦕꦶ​꧉​
73ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦱꦸꦩ꧀ꦥꦃ​ꦩꦫꦁ​
ꦧꦥ​ꦄꦨꦿꦲꦩ꧀ ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ
74ꦭꦤ꧀ꦢꦺꦏ꧀ꦤꦺꦮꦶꦱ꧀ꦗꦚ꧀ꦗꦶ​ꦤꦺꦏ꧀ꦧꦏꦭ꧀
ꦔ꧀ꦭꦸꦮꦂꦫꦶ​ꦲꦮꦏ꧀ꦏꦺ​ꦢꦺꦮꦺꦱꦁꦏꦩꦸꦁꦱꦸꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​
75ꦱꦸꦥꦪ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦔꦧꦼꦏ꧀ꦠꦶ​
ꦩꦫꦁ​ꦢꦺꦏ꧀ꦤꦺꦠꦤ꧀ꦥ​ꦫꦱ​ꦮꦼꦢꦶ​꧈​
ꦔꦁꦒꦺꦴ​ꦲꦠꦶ​ꦱꦶꦁ​ꦱꦸꦕꦶ​
ꦭꦤ꧀ꦗꦸꦗꦸꦂ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​꧈​
ꦱ꧀ꦭꦮꦱ꧀ꦱꦺꦲꦸꦫꦶꦥ꧀꧈​

76꧋ꦭꦃ​ꦏꦺꦴꦮꦺ​ꦲꦤꦏ꧀ꦏꦸ​꧈​
ꦏꦺꦴꦮꦺ​ꦧꦏꦭ꧀ꦢꦶꦲꦫꦤ꧀ꦤꦶ​ꦤꦧꦶꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​
ꦱꦶꦁ​ꦒꦼꦢꦺꦢꦺꦮꦺꦏ꧀ꦮꦱꦤꦺ​꧉​
ꦏꦺꦴꦮꦺ​ꦢꦶꦏꦺꦴꦁꦏꦺꦴꦤ꧀ꦠꦼꦏ​ꦤ꧀ꦢꦶꦱꦶꦏ꧀
ꦱꦸꦥꦪ​ꦔ꧀ꦒꦮꦺꦏ꧀ꦏꦏꦺꦢꦭꦤ꧀ꦏꦁꦒꦺꦴ​ꦒꦸꦱ꧀ꦠꦶ​꧉​
77ꦏꦺꦴꦮꦺ​ꦏꦸꦢꦸ​ꦤ꧀ꦢꦸꦤꦸꦁꦔꦏꦺꦩꦫꦁ​ꦲꦸꦩꦠ꧀ꦠꦺ​꧈​
ꦤꦺꦏ꧀ꦧꦏꦭ꧀ꦢꦶꦱ꧀ꦭꦩꦼꦠ꧀ꦠꦏꦺ꧈​
ꦲꦮꦶꦠ꧀ꦧꦏꦭ꧀ꦢꦶꦔꦥꦸꦫꦢꦺꦴꦱꦢꦺꦴꦱꦤꦺ​꧉​
78ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦸ​ꦒꦼꦢꦺꦏꦮꦼꦭꦱ꧀ꦱꦤ꧀ꦤꦺ​꧉​
ꦢꦺꦏ꧀ꦤꦺꦧꦏꦭ꧀ꦠꦼꦏ​ꦔ꧀ꦭꦸꦮꦂꦫꦶ​ꦲꦮꦏ꧀ꦏꦺ​ꦢꦺꦮꦺ꧉​
79ꦏꦪ​ꦱꦽꦔꦺꦔꦺ​ꦩ꧀ꦊꦠꦺꦏ꧀ꦲꦶꦁ​ꦮꦪꦃ​ꦲꦺꦱꦸꦏ꧀
ꦩꦼꦁꦏꦺꦴꦤꦺꦴ​ꦒꦸꦱ꧀ꦠꦶ​ꦧꦏꦭ꧀ꦩꦢꦁꦔꦶꦏꦧꦺꦃ​
ꦮꦺꦴꦁ​ꦱꦶꦁ​ꦲꦤ​ꦲꦶꦁ​ꦥꦼꦥꦼꦠꦼꦁ​
ꦭꦤ꧀ꦱꦶꦁ​ꦠꦤ꧀ꦱꦃ​ꦏꦿꦱ​ꦮꦼꦢꦶ​꧉​
ꦒꦸꦱ꧀ꦠꦶ​ꦄꦭ꧀ꦭꦃ​ꦤꦸꦤ꧀ꦠꦸꦤ꧀ꦲꦮꦏ꧀ꦏꦺ​ꦢꦺꦮꦺ
ꦩꦫꦁ​ꦢꦭꦤ꧀ꦏꦠꦼꦤ꧀ꦠꦽꦩ꧀ꦩꦤ꧀꧈​”

80꧋ꦧꦺꦴꦕꦃ​ꦩꦲꦸ​ꦠꦼꦫꦸꦱ꧀ꦩꦸꦤ꧀ꦢꦏ꧀ꦒꦼꦢꦺꦭꦤ꧀ꦠꦩ꧀ꦧꦃ​ꦲꦶꦁ​ꦏꦼꦏꦸꦮꦠ꧀ꦠꦤ꧀ꦤꦺ​ꦫꦺꦴꦃ​ꦱꦸꦕꦶ​꧉​ꦢꦺꦏ꧀ꦤꦺꦩꦁꦒꦺꦴꦤꦺ​ꦤꦁꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦱꦶꦁ​ꦲꦺꦴꦫ​ꦏꦁꦒꦺꦴꦤ꧀ꦤꦤ꧀ꦮꦺꦴꦁ​꧈​ꦔꦤ꧀ꦠꦶ​ꦠꦼꦏꦤ꧀ꦮꦪꦃꦲꦺ​ꦢꦺꦏ꧀ꦤꦺꦔꦺꦠꦺꦴꦏ꧀ꦩꦫꦁ​ꦧꦁꦱ​ꦆꦱꦿꦌꦭ꧀꧈​ ↑ ↑ ↑


꧋ꦭꦲꦶꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧒꧇​ 1꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦫꦠꦸ​ꦄꦒꦸꦱ꧀ꦠꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦤꦺꦏ꧀ꦏꦧꦺꦃ​ꦮꦺꦴꦁ​ꦱꦶꦁ​ꦩꦁꦒꦺꦴꦤ꧀ꦤꦁꦤꦼꦒꦫꦤꦼꦒꦫ​ꦱꦶꦁ​ꦲꦤ​ꦲꦶꦁ​ꦥꦔ꧀ꦮꦱꦤꦺ​ꦏꦿꦠꦺꦴꦤ꧀ꦬꦸꦩ꧀ꦏꦸꦢꦸ​ꦚꦠꦏ꧀ꦏꦏꦺꦗꦼꦤꦼꦁꦔꦺ​ꦭꦤ꧀ꦏꦲꦶꦠꦸꦁꦏꦧꦺꦃ​꧉​ 2ꦲꦶꦠꦸꦁꦔꦶꦠꦸꦁꦔꦤ꧀ꦮꦺꦴꦁ​ꦱꦶꦁ​ꦱꦼꦥꦶꦱꦤ꧀ꦤꦤ꧀ꦏꦸꦮꦶ​ꦢꦶꦲꦤꦏ꧀ꦏꦏꦺꦢꦺꦴꦁꦔꦺꦏꦶꦫꦺꦤꦶꦪꦸꦱ꧀ꦢꦢꦶ​ꦒꦿꦩꦁꦤꦁꦧꦮꦃꦯꦶꦫꦶꦪ​꧉​ 3ꦮꦺꦴꦁ​ꦏꦧꦺꦃ​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦚꦠꦏ꧀ꦏꦏꦺꦗꦼꦤꦼꦁꦔꦺ​ꦤꦁꦏꦸꦠꦤꦺꦩ꧀ꦧꦃꦩ꧀ꦧꦲꦤ꧀ꦤꦺꦩ꧀ꦧꦶꦪꦺꦤ꧀꧈​

4꧋ꦭꦤ꧀ꦗꦭꦂꦫꦤ꧀ꦪꦺꦴꦱꦺꦥ꦳꧀ꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ ꦩꦸꦭꦤꦺ​ꦢꦺꦏ꧀ꦤꦺꦪ​ꦠꦼꦫꦸꦱ꧀ꦧꦸꦢꦭ꧀ꦱꦁꦏꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧈​ꦭꦸꦔ​ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​꧉​ꦧꦺꦠ꧀ꦭꦺꦲꦺꦩ꧀ꦏꦸꦮꦶ​ꦏꦸꦠꦭꦲꦶꦫꦤ꧀ꦤꦺꦫꦠꦸ​ꦣꦮ꦳ꦼꦢ꧀꧈​ 5ꦪꦺꦴꦱꦺꦥ꦳꧀ꦭꦸꦔ​ꦔ꧀ꦒꦮ​ꦩꦫꦶꦪ꧈​ꦥꦕꦁꦔꦤ꧀ꦤꦺ​ꦱꦶꦁ​ꦩꦼꦠꦼꦁ​꧉​ 6ꦢꦺꦴꦁꦔꦺꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦠꦼꦏ​ꦤꦁꦏꦸꦠꦧꦺꦠ꧀ꦭꦺꦲꦺꦩ꧀ꦮꦶꦱ꧀ꦮꦪꦃꦲꦺ​ꦩꦫꦶꦪꦏꦸꦢꦸ​ꦩ꧀ꦧꦪꦶ꧉​ 7ꦩꦫꦶꦪꦪ​ꦠꦼꦫꦸꦱ꧀​ꦩ꧀ꦧꦪꦶꦲꦤꦏ꧀ꦭꦤꦁ​ꦱꦶꦁ​ꦲꦩ꧀ꦧꦉꦥ꧀꧈​ꦧꦪꦶꦤꦺ​ꦠꦼꦫꦸꦱ꧀ꦢꦶꦒꦼꦢꦺꦴꦁꦭꦤ꧀ꦢꦶꦱꦺꦭꦺꦃꦲꦏꦺꦤꦁꦮꦢꦃꦥꦏꦤ꧀ꦏꦺꦮꦤ꧀ ꦲꦮꦶꦠ꧀ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦮꦶꦱ꧀ꦲꦺꦴꦫ​ꦧꦶꦱ​ꦤꦼꦩꦸ​ꦥꦁꦒꦺꦴꦤ꧀ꦤꦤ꧀ꦩꦼꦤꦺꦃ​ꦤꦁꦲꦺꦴꦩꦃ​ꦲꦶꦤꦼꦥ꧀ꦥꦤ꧀꧈​

꧋ꦥꦫ​ꦥꦔꦺꦴꦤ꧀ꦭꦤ꧀ꦥꦫ​ꦩꦸꦭꦺꦏꦠ꧀꧈​

8꧋ꦤꦁꦧꦮꦃꦏꦺꦴꦤꦺꦴ​ꦲꦶꦁ​ꦮꦼꦔꦶ​ꦏꦸꦮꦶ​ꦲꦺꦤꦺꦁꦥꦔꦺꦴꦤ꧀ꦥꦔꦺꦴꦤ꧀ꦱꦶꦁ​ꦲꦶꦗꦶꦏ꧀​ꦚ꧀ꦗꦒ​ꦮꦼꦢꦸꦱ꧀ꦱꦺꦤꦁꦏꦼꦧꦺꦴꦤ꧀꧈​ 9ꦢꦢꦏ꧀ꦏꦤ꧀ꦮꦲꦺ​ꦠꦼꦫꦸꦱ꧀ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦔꦢꦼꦏ꧀ꦤꦁꦔꦉꦥ꧀ꦥꦺ​ꦭꦤ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦢꦁꦔꦶꦥꦫ​ꦥꦔꦺꦴꦤ꧀ꦩꦲꦸ​꧉​ꦮꦺꦴꦁꦮꦺꦴꦁ​ꦥꦢ​ꦮꦼꦢꦶ​ꦧꦔꦼꦠ꧀꧈​ 10ꦤꦁꦔꦶꦁ​ꦩꦸꦭꦺꦏꦠ꧀ꦠꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦥꦢ​ꦮꦼꦢꦶ​꧈​ꦲꦮꦶꦠ꧀ꦲꦏꦸ​ꦠꦼꦏ​ꦔ꧀ꦒꦮ​ꦏꦧꦂ​ꦧꦼꦕꦶꦏ꧀ꦏꦁꦒꦺꦴ​ꦏꦺꦴꦮꦺ​꧈​ꦏꦧꦂ​ꦱꦶꦁ​ꦩ꧀ꦧꦸꦔꦃꦲꦏꦺꦲꦠꦶꦤꦺ​ꦮꦺꦴꦁ​ꦏꦧꦺꦃ​꧉​ 11ꦲꦶꦁ​ꦢꦶꦤ​ꦲꦶꦏꦶ​ꦗꦸꦫꦸ​ꦱ꧀ꦭꦩꦼꦠ꧀ꦩꦸ​ꦮꦶꦱ꧀ꦭꦲꦶꦂ​ꦤꦁꦏꦸꦠꦤꦺꦫꦠꦸ​ꦣꦮ꦳ꦼꦢ꧀꧈​ꦢꦺꦏ꧀ꦤꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ ꦒꦸꦱ꧀ꦠꦶ​꧉​ 12ꦲꦶꦏꦶ​ꦠꦼꦔꦼꦂꦫꦺ:ꦏꦺꦴꦮꦺ​ꦧꦏꦭ꧀ꦤꦼꦩꦸ​ꦧꦪꦶ​ꦢꦶꦒꦼꦢꦺꦴꦁꦭꦤ꧀ꦢꦶꦱꦺꦭꦺꦃꦲꦏꦺꦤꦁꦮꦢꦃꦥꦏꦤ꧀ꦏꦺꦮꦤ꧀!”

13꧋ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦲꦺꦤꦺꦁꦩꦸꦭꦺꦏꦠ꧀ꦥꦶꦫꦁꦥꦶꦫꦁ​ꦥꦢ​ꦔꦚ꧀ꦕꦤꦶ​ꦩꦸꦭꦺꦏꦠ꧀ꦩꦲꦸ​ꦭꦤ꧀ꦧꦼꦧꦉꦁꦔꦤ꧀ꦠꦼꦫꦸꦱ꧀ꦥꦢ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 14ꦠꦼꦩ꧀ꦧꦸꦁꦔꦺ​ꦔꦺꦤꦺ​:

“ꦥꦸꦗꦶꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦤꦁꦤ꧀ꦢꦸꦮꦸꦂ
ꦭꦤ꧀ꦠꦼꦤ꧀ꦠꦽꦩ꧀ꦲꦪꦼꦩ꧀ꦤꦁꦧꦸꦩꦶ​꧈​
ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺ
ꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦩꦤꦸꦁꦱ​꧉​”

15꧋ꦏꦢꦸꦁ​ꦥꦫ​ꦩꦸꦭꦺꦏꦠ꧀ꦩꦲꦸ​ꦮꦶꦱ꧀ꦭꦸꦔ​ꦤꦁꦱ꧀ꦮꦂꦒ​꧈​ꦥꦫ​ꦥꦔꦺꦴꦤ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦲ꦳ꦪꦸꦏ꧀ꦥꦢ​ꦧꦸꦢꦭ꧀ꦤꦁꦏꦸꦠꦧꦺꦠ꧀ꦭꦺꦲꦺꦩ꧀꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦺꦴꦩꦺꦴꦁꦔꦶꦲꦮꦏ꧀ꦏꦺ​ꦢꦺꦮꦺꦧꦧ꧀ꦱꦶꦁ​ꦏ꧀ꦭꦏꦺꦴꦤ꧀ꦤꦁꦏꦤ​꧉​ꦲ꦳ꦪꦸꦏ꧀ꦥꦢ​ꦤ꧀ꦢꦼꦭꦺꦴꦏ꧀!”

16꧋ꦥꦫ​ꦥꦔꦺꦴꦤ꧀ꦩꦲꦸ​ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦧꦸꦢꦭ꧀ ꦠꦼꦫꦸꦱ꧀ꦤꦼꦩꦸ​ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦭꦤ꧀ꦧꦪꦶꦤꦺ​ꦱꦶꦁ​ꦢꦶꦱꦺꦭꦺꦃꦲꦏꦺꦤꦁꦮꦢꦃꦥꦏꦤ꧀ꦏꦺꦮꦤ꧀꧈​ 17ꦏꦢꦸꦁ​ꦮꦶꦱ꧀ꦮꦼꦫꦸꦃ​ꦧꦪꦶꦤꦺ​꧈​ꦥꦫ​ꦥꦔꦺꦴꦤ꧀ꦠꦼꦫꦸꦱ꧀ꦔꦧꦂꦔꦧꦂꦫꦏꦺꦧꦧ꧀ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦩꦸꦭꦺꦏꦠ꧀ꦠꦺꦧꦧ꧀ꦧꦪꦶꦤꦺ​꧉​ 18ꦏꦧꦺꦃ​ꦮꦺꦴꦁ​ꦱꦶꦁ​ꦏꦿꦸꦔꦸ​ꦏꦧꦂꦫꦺ​ꦥꦫ​ꦥꦔꦺꦴꦤ꧀ꦩꦲꦸ​ꦥꦢ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ 19ꦤꦁꦔꦶꦁ​ꦩꦫꦶꦪꦚꦶꦩ꧀ꦥꦼꦤ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​ꦏꦧꦺꦃ​ꦲꦶꦁ​ꦲꦠꦶꦤꦺ​ꦭꦤ꧀ꦢꦶꦒꦒꦱ꧀ꦲꦥ​ꦠꦼꦒꦼꦱ꧀ꦱꦺ​꧉​ 20ꦥꦫ​ꦥꦔꦺꦴꦤ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦏꦼꦧꦺꦴꦤ꧀ꦏꦫꦺꦴ​ꦩꦼꦩꦸꦗꦶ​ꦭꦤ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦏꦧꦺꦃ​ꦱꦶꦁ​ꦢꦶꦫꦸꦔꦸ​ꦭꦤ꧀ꦱꦶꦁ​ ꦢꦶꦱꦼꦏ꧀ꦱꦺꦤ꧀ꦤꦶ​ꦥꦚ꧀ꦕꦺꦤ꧀ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦩꦸꦭꦺꦏꦠ꧀ꦠꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦱꦸꦤꦠ꧀ꦠꦶꦭꦤ꧀ꦢꦶꦏꦺꦏ꧀ꦏꦶꦗꦼꦤꦼꦁ​꧉​

21꧋ꦏꦢꦸꦁ​ꦲꦸꦩꦸꦂꦫꦺ​ꦮꦶꦱ꧀ꦮꦺꦴꦭꦸꦁ​ꦢꦶꦤ​꧈​ꦧꦪꦶꦤꦺ​ꦠꦼꦫꦸꦱ꧀ꦢꦶꦱꦸꦤꦠ꧀ꦠꦶꦭꦤ꧀ꦢꦶꦏꦺꦏ꧀ꦏꦶꦗꦼꦤꦼꦁ​꧉​ꦗꦼꦤꦼꦁꦔꦺ​ꦪꦺꦯꦸꦱ꧀ ꦲꦮꦶꦠ꧀ꦩꦸꦭꦺꦏꦠ꧀ꦠꦺꦔꦼꦏꦺꦏ꧀ꦏꦶꦗꦼꦤꦼꦁ​ꦏꦸꦮꦶ​ꦩꦫꦁ​ꦩꦫꦶꦪ꧈​ꦱꦏ꧀ꦢꦸꦫꦸꦁꦔꦺꦢꦺꦏ꧀ꦤꦺꦩꦼꦠꦼꦁ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮ​ꦤꦁꦒꦿꦺꦗ​ꦒꦼꦢꦺ꧉​

22꧋ꦩꦶꦠꦸꦫꦸꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦩꦫꦶꦪꦢꦶꦲꦁꦒꦼꦥ꧀ꦉꦱꦶꦏ꧀ꦩꦼꦤꦺꦃ​ꦤꦺꦏ꧀ꦮꦶꦱ꧀​ꦏ꧀ꦭꦶꦮꦠ꧀ꦥꦠꦁ​ꦥꦸꦭꦸꦃ​ꦢꦶꦤ​ꦱꦏ꧀ꦮꦶꦱ꧀ꦱꦺ​ꦩ꧀ꦧꦪꦶ꧉​ꦏꦢꦸꦁ​ꦮꦶꦱ꧀ꦠꦼꦏꦤ꧀ꦮꦪꦃꦲꦺ​꧈​ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦲꦉꦥ꧀ꦩꦱꦿꦃꦲꦏꦺꦧꦪꦶꦤꦺ​ꦩꦫꦁ​ꦒꦸꦱ꧀ꦠꦶ​꧉​ 23ꦲꦮꦶꦠ꧀ꦤꦁꦏꦶꦠꦧ꧀ꦏꦼꦠꦸꦭꦶꦱ꧀ꦔꦺꦤꦺ​:“ꦱꦧꦼꦤ꧀ꦲꦤꦏ꧀ꦲꦩ꧀ꦧꦉꦥ꧀ꦱꦶꦁ​ꦭꦤꦁ​ꦏꦸꦢꦸ​ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​꧉​” 24ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦏꦸꦮꦶ​ꦲꦸꦒ​ꦲꦉꦥ꧀​ꦔ꧀ꦒꦮ​ꦏꦸꦂꦧꦤ꧀ꦩꦶꦠꦸꦫꦸꦠ꧀ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀꧈​ꦏꦸꦂꦧꦤ꧀ꦤꦺ​ꦪꦏꦸꦮꦶ​:ꦩꦤꦸꦏ꧀ꦢꦫ​ꦱꦏ꧀ꦗꦺꦴꦢꦺꦴꦲꦥ​ꦩꦤꦸꦏ꧀ꦢꦫ​ꦕꦶꦭꦶꦏ꧀ꦭꦺꦴꦫꦺꦴ​꧉​

25꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦤꦁꦏꦸꦠꦪꦺꦫꦸꦱꦭꦺꦩ꧀ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦗꦼꦤꦼꦁꦔꦺ​ꦱꦶꦩꦺꦪꦺꦴꦤ꧀꧈​ꦱꦶꦩꦺꦪꦺꦴꦤ꧀ꦲꦶꦏꦶ​ꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦔꦧꦼꦏ꧀ꦠꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦺꦏ꧀ꦤꦺꦔꦉꦥ꧀ꦲꦉꦥ꧀ꦏꦥꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦤꦼꦏꦏ꧀ꦏꦏꦺꦏꦼꦱ꧀ꦭꦩꦼꦠ꧀ꦠꦤ꧀ꦩꦫꦁ​ꦧꦁꦱ​ꦆꦱꦿꦌꦭ꧀꧈​ꦱꦶꦩꦺꦪꦺꦴꦤ꧀ꦲꦶꦏꦶ​ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ 26ꦫꦺꦴꦃ​ꦱꦸꦕꦶ​ꦢꦺꦮꦺꦱꦶꦁ​ꦔꦺꦴꦩꦺꦴꦁꦩꦫꦁ​ꦢꦺꦏ꧀ꦤꦺꦤꦺꦏ꧀ꦢꦺꦏ꧀ꦤꦺꦲꦺꦴꦫ​ꦧꦏꦭ꧀ꦩꦠꦶ​ꦱꦏ꧀ꦢꦸꦫꦸꦁꦔꦺꦮꦼꦫꦸꦃ​ꦗꦸꦫꦸ​ꦱ꧀ꦭꦩꦼꦠ꧀ꦠꦺ​ꦩꦤꦸꦁꦱ​꧈​ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 27ꦏꦠꦸꦤ꧀ꦠꦸꦤ꧀ꦫꦺꦴꦃ​ꦱꦸꦕꦶ​ꦱꦶꦩꦺꦪꦺꦴꦤ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​꧉​ꦩꦫꦶꦪꦭꦤ꧀ꦪꦺꦴꦱꦺꦥ꦳꧀ꦲꦸꦒ​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦔ꧀ꦒꦮ​ꦧꦪꦶꦤꦺ​ꦲꦉꦥ꧀ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦶꦠꦸꦫꦸꦠ꧀ꦥꦼꦂꦤꦠꦤ꧀ꦤꦺꦲꦒꦩ​꧉​ 28ꦱꦶꦩꦺꦪꦺꦴꦤ꧀ꦠꦼꦫꦸꦱ꧀ꦚꦼꦏꦼꦭ꧀ꦧꦪꦶꦤꦺ​꧈​ꦠꦼꦫꦸꦱ꧀ꦢꦶꦧꦺꦴꦥꦺꦴꦁ​ꦏꦫꦺꦴ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:

29“ꦢꦸꦃꦒꦸꦱ꧀ꦠꦶ​꧈​
ꦏꦺꦴꦮꦺ​ꦤꦼꦠꦼꦥ꧀ꦥꦶ​ꦗꦚ꧀ꦗꦶꦩꦸ​ꦩꦫꦁ​ꦥꦼꦭꦢꦺꦤ꧀ꦩꦸ​꧉​
ꦱꦲꦶꦏꦶ​ꦲꦏꦸ​ꦮꦶꦱ꧀ꦧꦶꦱ​ꦤꦶꦁꦒꦭ꧀ꦏꦫꦺꦴ​ꦲꦪꦼꦩ꧀꧈​
30ꦲꦮꦶꦠ꧀ꦩꦿꦶꦥꦠ꧀ꦏꦸ​ꦮꦶꦱ꧀ꦮꦼꦫꦸꦃ​
ꦗꦸꦫꦸ​ꦱ꧀ꦭꦩꦼꦠ꧀ꦏꦺꦴꦁꦏꦺꦴꦤ꧀ꦤꦤ꧀ꦩꦸ​꧉​
31ꦢꦺꦏ꧀ꦤꦺꦱꦶꦁ​ꦲꦩ꧀ꦧꦺꦴꦏ꧀ꦕꦮꦶꦱ꧀ꦏꦺ​
ꦏꦁꦒꦺꦴ​ꦚ꧀ꦭꦩꦼꦠ꧀ꦠꦏꦺꦏꦧꦺꦃ​ꦧꦁꦱ​꧈​
32ꦏꦪ​ꦥꦼꦥꦢꦁꦱꦶꦁ​ꦩꦢꦁꦔꦶ
ꦢꦭꦤ꧀ꦤꦺ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​꧈​
ꦱꦸꦥꦪ​ꦥꦢ​ꦩꦫ​ꦤꦁꦔ꧀ꦒꦺꦴꦤ꧀ꦩꦸ​꧉​
ꦢꦢꦶꦤꦺ​ꦲꦸꦩꦠ꧀ꦩꦸ​꧈​ꦧꦁꦱ​ꦆꦱꦿꦌꦭ꧀
ꦤꦩ꧀ꦥ​ꦥꦼꦔꦊꦩ꧀ꦩꦤ꧀ꦱꦁꦏꦭꦶꦪꦭꦶꦪ​ꦧꦁꦱ​꧉​”

33꧋ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦥꦢ​ꦔ꧀ꦒꦸꦩꦸꦤ꧀ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦱꦶꦩꦺꦪꦺꦴꦤ꧀ꦱꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦲꦤꦏ꧀ꦏꦺ​ꦩꦲꦸ​꧉​ 34ꦱꦶꦩꦺꦪꦺꦴꦤ꧀ꦠꦼꦫꦸꦱ꧀ꦲꦩ꧀ꦧꦼꦂꦏꦃꦲꦶ​ꦪꦺꦴꦱꦺꦥ꦳꧀ ꦩꦫꦶꦪꦭꦤ꧀ꦧꦪꦶꦤꦺ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦫꦶꦪ:“ꦧꦺꦴꦕꦃ​ꦲꦶꦏꦶ​ꦮꦶꦱ꧀ꦢꦶꦏꦉꦥ꧀ꦥꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦢꦶ​ꦗꦭꦂꦫꦤ꧀ꦤꦺ​ꦠꦶꦧ​ꦭꦤ꧀ꦠꦔꦶꦤꦺ​ꦮꦺꦴꦁ​ꦲꦺꦴꦏꦺꦃꦤꦁꦆꦱꦿꦌꦭ꧀꧈​ꦢꦺꦏ꧀ꦤꦺꦧꦏꦭ꧀ꦢꦢꦶ​ꦠꦤ꧀ꦢꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦶꦁ​ꦧꦏꦭ꧀ꦢꦶꦧꦤ꧀ꦠꦃ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃ꧉​ 35ꦩꦼꦁꦏꦺꦴꦤꦺꦴ​ꦏꦸꦮꦶ​ꦲꦔꦼꦤ꧀ꦲꦔꦼꦤ꧀ꦱꦶꦁ​ꦏꦱꦶꦩ꧀ꦥꦼꦤ꧀ꦲꦶꦁ​ꦲꦠꦶꦤꦺ​ꦮꦺꦴꦁ​ꦲꦺꦴꦏꦺꦃꦧꦏꦭ꧀ꦏꦼꦧꦸꦏꦏ꧀꧈​ꦏꦺꦴꦮꦺ​ꦢꦺꦮꦺꦩꦫꦶꦪ꧈​ꦧꦏꦭ꧀ꦔꦿꦱꦏ꧀ꦏꦏꦺꦱꦼꦢꦶ꧈​ꦲꦠꦶꦩꦸ​ꦫꦱꦤꦺ​ꦏꦪ​ꦢꦶꦱꦸꦮꦺꦏ꧀ꦏꦫꦺꦴ​ꦥꦼꦢꦁꦱꦶꦁ​ꦭꦤꦁꦏꦲꦺ​꧉​”

36꧋ꦤꦁꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦤꦧꦶ​ꦮꦺꦢꦺꦴꦏ꧀ꦱꦶꦁ​ꦮꦶꦱ꧀ꦠꦸꦮ​ꦧꦔꦼꦠ꧀ ꦗꦼꦤꦼꦁꦔꦺ​ꦲ꦳ꦤꦃ꧈​ꦲꦤꦏ꧀ꦏꦺ​ꦥ꦳ꦤꦸꦮꦺꦭ꧀ꦱꦁꦏꦠꦸꦫꦸꦤ꧀ꦤꦤ꧀ꦤꦺ​ꦄꦱꦼꦂ꧉​ꦤꦧꦶ​ꦲ꦳ꦤꦃꦱꦏ꧀ꦮꦶꦱ꧀ꦱꦺ​ꦏꦮꦶꦤ꧀ꦥꦶꦠꦸꦁ​ꦠꦲꦸꦤ꧀ꦱꦸꦮꦺꦤꦺ​ꦠꦼꦫꦸꦱ꧀ꦢꦶꦠꦶꦁꦒꦭ꧀ꦩꦠꦶ​ꦧꦺꦴꦗꦺꦴꦤꦺ​꧉​ 37ꦢꦢꦶꦤꦺ​ꦢꦺꦏ꧀ꦤꦺꦱꦲꦶꦏꦶ​ꦫꦤ꧀ꦢ꧈​ꦲꦸꦩꦸꦂꦫꦺ​ꦮꦶꦱ꧀ꦮꦺꦴꦭꦸꦁ​ꦥꦸꦭꦸꦃ​ꦥꦥꦠ꧀ꦠꦲꦸꦤ꧀꧈​ꦤꦧꦶ​ꦲ꦳ꦤꦃꦏꦸꦮꦶ​ꦱꦱꦠ꧀ꦠꦺꦄꦮꦤ꧀ꦮꦼꦔꦶꦤꦁꦒꦿꦺꦗ​ꦒꦼꦢꦺꦔꦧꦼꦏ꧀ꦠꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦁꦒꦺꦴ​ꦥꦤ꧀ꦢꦺꦴꦔ​ꦭꦤ꧀ꦥꦱ​꧉​ 38ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦪ​ꦢꦺꦴꦁꦔꦺꦤꦧꦶ​ꦲ꦳ꦤꦃꦲꦸꦒ​ꦠꦼꦏ​ꦤꦁꦒꦿꦺꦗ​ꦒꦼꦢꦺ꧉​ꦢꦺꦏ꧀ꦤꦺꦠꦼꦫꦸꦱ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦔꦺꦴꦩꦺꦴꦁꦔꦏꦺꦧꦧ꧀ꦧꦺꦴꦕꦃ​ꦧꦪꦶ​ꦩꦲꦸ​ꦩꦫꦁ​ꦮꦺꦴꦁ​ꦏꦧꦺꦃ​ꦱꦶꦁ​ꦥꦢ​ꦔꦉꦥ꧀ꦲꦉꦥ꧀ꦏꦥꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦼꦁꦒꦺꦴꦤꦺ​ꦔ꧀ꦭꦸꦮꦂꦫꦶ​ꦏꦸꦠꦪꦺꦫꦸꦱꦭꦺꦩ꧀꧈​

꧋ꦧꦭꦶꦏ꧀ꦤꦁꦏꦸꦠꦟꦱꦫꦺꦠ꧀꧈​

39꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦥꦢ​ꦤꦼꦠꦼꦥ꧀ꦥꦶ​ꦥꦼꦂꦤꦠꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦧꦺꦃ​꧈​ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦠꦼꦫꦸꦱ꧀ꦥꦢ​ꦩꦸꦭꦶꦃ​ꦤꦁꦏꦸꦠꦟꦱꦫꦺꦠ꧀ꦤꦁꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ 40ꦧꦺꦴꦕꦃ​ꦧꦪꦶ​ꦩꦲꦸ​ꦠꦼꦫꦸꦱ꧀ꦩꦸꦤ꧀ꦢꦏ꧀ꦒꦼꦢꦺꦭꦤ꧀ꦫꦺꦴꦱ​꧈​ꦢꦢꦶ​ꦧꦺꦴꦕꦃ​ꦱꦶꦁ​ꦗꦼꦩ꧀ꦧꦂ​ꦏꦮꦼꦫꦸꦃꦲꦺꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦲꦩ꧀ꦧꦼꦂꦏꦃꦲꦶ​ꦢꦺꦏ꧀ꦤꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦒꦿꦺꦗ​ꦒꦼꦢꦺ꧉​

41꧋ꦱꦧꦼꦤ꧀ꦠꦲꦸꦤ꧀ꦮꦺꦴꦁ​ꦠꦸꦮꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦩꦺꦭꦸ​ ꦔꦸꦂꦩꦠ꧀ꦫꦶꦪꦪꦥꦱ꧀ꦏꦃ​꧉​ 42ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦤ꧀ꦢꦸꦮꦺꦲꦸꦩꦸꦂ​ꦫꦺꦴꦭꦱ꧀ꦠꦲꦸꦤ꧀ ꦢꦺꦏ꧀ꦤꦺꦲꦸꦒ​ꦢꦶꦲꦼꦗꦺꦏ꧀ꦤꦁꦪꦺꦫꦸꦱꦭꦺꦩ꧀꧈​ 43ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦏꦫꦺꦴ​ꦫꦶꦪꦪꦥꦱ꧀ꦏꦃ​ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦠꦼꦫꦸꦱ꧀ꦥꦢ​ꦩꦸꦭꦶꦃ​꧈​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦏꦺꦫꦶ​ꦤꦁꦪꦺꦫꦸꦱꦭꦺꦩ꧀꧈​ꦮꦺꦴꦁ​ꦠꦸꦮꦤꦺ​ꦩꦭꦃ​ꦲꦺꦴꦫ​ꦔꦼꦂꦠꦶ​ 44ꦤ꧀ꦢꦫꦤ꧀ꦤꦶꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀​ꦤ꧀ꦢꦶꦱꦶꦏ꧀ꦏꦶ​ꦩꦸꦭꦶꦃ​꧈​ꦧꦉꦁ​ꦏꦫꦺꦴ​ꦮꦺꦴꦁꦮꦺꦴꦁ​꧉​ꦏꦢꦸꦁ​ꦮꦶꦱ꧀​ꦩ꧀ꦭꦏꦸ​ꦱꦼꦢꦶꦤ​ꦩꦸꦥꦸꦠ꧀ ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦠꦼꦫꦸꦱ꧀​ꦔ꧀ꦒꦺꦴꦭꦺꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔ꧀ꦒꦺꦴꦤ꧀ꦤꦺꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​ꦭꦤ꧀ꦏꦼꦤꦭ꧀ꦏꦼꦤꦭꦤ꧀ꦤꦺ꧉​ 45ꦤꦁꦔꦶꦁ​ꦲꦺꦴꦫ​ꦧꦶꦱ​ꦏꦼꦠꦼꦩꦸ​꧈​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦧꦭꦶꦏ꧀ꦩꦼꦤꦺꦃ​ꦤꦁꦏꦸꦠꦪꦺꦫꦸꦱꦭꦺꦩ꧀꧈​ 46ꦱꦏ꧀ꦮꦶꦱ꧀ꦱꦺ​ꦔ꧀ꦒꦺꦴꦭꦺꦏ꧀ꦏꦶ​ꦠꦼꦭꦸꦁ​ꦢꦶꦤ​ꦱꦸꦮꦺꦤꦺ​꧈​ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦧꦶꦱ​ꦤꦼꦩꦸ​ꦲꦤꦏ꧀ꦏꦺ​ꦤꦁꦒꦿꦺꦗ​ꦒꦼꦢꦺ꧉​ꦢꦺꦏ꧀ꦤꦺꦲꦶꦗꦶꦏ꧀​ꦚ꧀ꦗꦒꦺꦴꦁꦲꦶꦁ​ꦱꦏ꧀ꦠꦼꦔꦃꦲꦺ​ꦥꦫ​ꦒꦸꦫꦸ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦥꦫ​ꦒꦸꦫꦸ​ꦩꦲꦸ​ꦭꦤ꧀ꦢꦺꦏ꧀ꦤꦺꦲꦸꦒ​ꦔꦼꦠꦺꦴꦏ꧀ꦏꦏꦺꦮꦼꦂꦤꦮꦼꦂꦤ​ꦥꦶꦠꦏꦺꦴꦤ꧀ꦤꦤ꧀꧈​ 47ꦏꦧꦺꦃ​ꦮꦺꦴꦁ​ꦱꦶꦁ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦢ​ꦔ꧀ꦒꦸꦩꦸꦤ꧀ꦧꦧ꧀ꦏꦥꦶꦤ꧀ꦠꦼꦂꦫꦤ꧀ꦤꦺ​ꦲꦼꦁꦒꦺꦴꦤꦺ​ꦩꦁꦱꦸꦭ꧀ꦭꦶ​ꦥꦫ​ꦒꦸꦫꦸ​ꦩꦲꦸ​꧉​ 48ꦧꦥꦏ꧀ꦏꦺ​ꦭꦤ꧀ꦲꦶꦧꦸꦤꦺ​ꦲꦸꦒ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ꦩꦫꦶꦪꦔꦺꦴꦩꦺꦴꦁ:“ꦭꦶꦏ꧀​꧈​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀​ꦔ꧀ꦒꦮꦺ​ꦧꦶꦔꦸꦁꦔꦺ​ꦧꦥꦏ꧀ꦭꦤ꧀ꦲꦶꦧꦸꦩꦸ​?ꦲꦮꦏ꧀ꦏꦺ​ꦢꦺꦮꦺꦔ꧀ꦒꦺꦴꦭꦺꦏ꧀ꦏꦶ​ꦏꦺꦴꦮꦺ​ꦱꦩ꧀ꦥꦺꦏ꧀ꦱꦸꦱꦃ​꧉​”

49꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦲꦏꦸ​?ꦲꦥ​ꦏꦺꦴꦮꦺ​ꦲꦺꦴꦫ​ꦥꦢ​ꦔꦼꦂꦠꦶ​ꦤꦺꦏ꧀ꦲꦏꦸ​ꦏꦸꦢꦸ​ꦤꦁꦲꦺꦴꦩꦃꦲꦺ​ꦧꦥꦏ꧀ꦏꦸ​?” 50ꦪꦺꦴꦱꦺꦥ꦳꧀ꦭꦤ꧀ꦩꦫꦶꦪꦲꦺꦴꦫ​ꦢꦸꦤꦸꦁꦩꦫꦁ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​꧉​

51꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦭꦸ​ꦩꦸꦭꦶꦃ​ꦏꦫꦺꦴ​ꦮꦺꦴꦁ​ꦠꦸꦮꦤꦺ​ꦤꦁꦏꦸꦠꦟꦱꦫꦺꦠ꧀꧈​ꦢꦺꦏ꧀ꦤꦺꦠꦤ꧀ꦱꦃ​ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦮꦺꦴꦁ​ꦠꦸꦮꦤꦺ​꧉​ꦩꦫꦶꦪꦩꦶꦏꦶꦂꦫꦏꦺꦥꦽꦏꦫꦥꦽꦏꦫ​ꦲꦶꦏꦶ​ꦏꦧꦺꦃ​ꦲꦶꦁ​ꦲꦠꦶꦤꦺ​꧉​ 52ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦤ꧀ꦢꦏ꧀ꦒꦼꦢꦺꦭꦤ꧀ꦩꦸꦤ꧀ꦢꦏ꧀ꦏꦮꦼꦫꦸꦃꦲꦺ꧉​ꦢꦺꦏ꧀ꦤꦺꦲꦸꦒ​ꦩꦸꦤ꧀ꦢꦏ꧀ꦢꦶꦠꦿꦺꦱ꧀ꦤꦤ꧀ꦤꦶꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦤꦸꦁꦱ​꧉​ ↑ ↑ ↑


꧋ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦩꦺꦴꦭꦃꦲꦶꦚꦩ꧀ꦧꦸꦠ꧀ꦠ꧉​

꧇​꧓꧇​ 1꧋ꦲꦶꦁ​ꦮꦚ꧀ꦕꦶ​ꦏꦸꦮꦶ​ꦫꦠꦸ​ꦠꦶꦧꦺꦫꦶꦪꦸꦱ꧀ꦮꦶꦱ꧀ꦚꦼꦏꦼꦭ꧀ꦥꦔ꧀ꦮꦱ​ꦭꦶꦩꦭꦱ꧀ꦠꦲꦸꦤ꧀ꦱꦸꦮꦺꦤꦺ​꧉​ꦱꦶꦁ​ꦢꦢꦶ​ꦒꦿꦩꦁꦤꦁꦢꦶꦱ꧀ꦠꦿꦶꦏ꧀ꦪꦸꦢꦺꦪ​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦺꦴꦤ꧀ꦠꦶꦪꦸꦱ꧀ꦥꦶꦭꦠꦸꦱ꧀꧈​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦔ꧀ꦮꦱꦤꦶ​ꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​ꦭꦤ꧀ꦱꦼꦢꦸꦭꦸꦂꦫꦺ​꧈​ꦱꦶꦁ​ꦗꦼꦤꦼꦁꦔꦺ​ꦥ꦳ꦶꦭꦶꦥꦸꦱ꧀ ꦢꦢꦶ​ꦫꦠꦸ​ꦤꦁꦢꦶꦱ꧀ꦠꦿꦶꦏ꧀ꦆꦠꦸꦫꦺꦪ​ꦭꦤ꧀ꦠꦿꦤ꧀ꦏꦺꦴꦤꦶꦠꦶꦱ꧀꧈​ꦭꦶꦱꦤꦶꦪꦱ꧀ꦢꦢꦶ​ꦫꦠꦸꦤꦺ​ꦢꦶꦱ꧀ꦠꦿꦶꦏ꧀ꦄꦧꦶꦭꦺꦤꦼ꧉​ 2ꦱꦶꦁ​ꦢꦢꦶ​ꦲꦶꦩꦩ꧀ꦒꦼꦢꦺꦲꦶꦁ​ꦮꦏ꧀ꦠꦸ​ꦏꦸꦮꦶ​ꦄꦤꦱ꧀ꦭꦤ꧀ꦏꦪꦥ꦳ꦱ꧀꧈​ꦪꦺꦴꦲꦤꦼꦱ꧀ꦏꦸꦮꦶ​ꦲꦤꦏ꧀ꦏꦺ​ꦲꦶꦩꦩ꧀ꦯꦏꦫꦶꦪꦱ꧀ꦭꦤ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​꧈​ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀ꦩꦁꦒꦺꦴꦤ꧀ꦤꦁꦮꦸꦱ꧀ꦠꦺꦤ꧀ ꦪꦺꦴꦲꦤꦼꦱ꧀ꦤꦩ꧀ꦥ​ꦠꦼꦩ꧀ꦧꦸꦁ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​ 3ꦪꦺꦴꦲꦤꦼꦱ꧀ꦠꦼꦫꦸꦱ꧀​ꦤ꧀​ꦢ꧀ꦭꦗꦃꦲꦶ​ꦏꦶꦮꦠꦼꦔꦼꦤ꧀ꦤꦺ​ꦭꦫꦪꦺꦴꦂꦢꦤ꧀ꦏꦧꦺꦃ​꧉​ꦢꦺꦏ꧀ꦤꦺꦩꦸꦭꦁꦔꦶꦮꦺꦴꦁꦮꦺꦴꦁ​ꦔꦺꦴꦩꦺꦴꦁꦔꦺꦤꦺ​:“ꦥꦢ​ꦤꦶꦁꦒꦭ꧀ꦭ​ꦲꦸꦫꦶꦥ꧀ꦱꦶꦁ​ꦢꦺꦴꦱ​ꦭꦤ꧀ꦥꦢ​ꦚ꧀ꦗꦭꦸꦏ꧀ꦏ​ꦢꦶꦧꦥ꧀ꦠꦶꦱ꧀ ꦱꦸꦥꦪ​ꦏꦺꦴꦮꦺ​ꦧꦶꦱ​ꦤꦩ꧀ꦥ​ꦥꦔꦥꦸꦫ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​!” 4ꦊꦭꦏꦺꦴꦤ꧀ꦲꦶꦏꦶ​ꦥꦚ꧀ꦕꦺꦤ꧀ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀ꦧꦺ​ꦤꦧꦶ​ꦪꦺꦱꦪ​꧈​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

“ꦫꦸꦔꦺꦴꦏ꧀ꦏꦏꦺ!
ꦲꦺꦤꦺꦁꦮꦺꦴꦁ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦤꦁꦮꦸꦱ꧀ꦠꦺꦤ꧀ꦔꦺꦴꦩꦺꦴꦁꦔꦺꦤꦺ​:
'ꦒꦸꦱ꧀ꦠꦶ​ꦥꦢ​ꦢꦶꦒꦮꦺꦏ꧀ꦏꦏꦺꦢꦭꦤ꧀꧈​
ꦥꦢ​ꦢꦶꦊꦩ꧀ꦥꦼꦁꦔꦏꦺꦢꦭꦤ꧀ꦱꦶꦁ​ꦲꦉꦥ꧀ꦢꦶꦲꦩ꧀ꦧꦃꦲꦶ꧉​
5ꦗꦼꦒ꧀ꦭꦺꦴꦁ​ꦔꦤ꧀ꦗꦼꦒ꧀ꦭꦺꦴꦁ​ꦔꦤ꧀​ꦏꦸꦢꦸ​ꦢꦶꦲꦸꦫꦸꦏ꧀ꦏꦶ꧈​
ꦒꦸꦤꦸꦁꦒꦸꦤꦸꦁ​ꦭꦤ꧀ꦥꦸꦤ꧀ꦠꦸꦏ꧀ꦥꦸꦤ꧀ꦠꦸꦏ꧀ꦏꦸꦢꦸ​ꦢꦶꦫꦠ​꧉​
ꦢꦭꦤ꧀ꦱꦶꦁ​ꦩꦺꦁꦒꦏ꧀ꦩꦺꦁꦒꦺꦴꦏ꧀ꦏꦸꦢꦸ​ꦢꦶꦊꦩ꧀ꦥꦼꦁꦔꦏꦺ
ꦭꦤ꧀ꦱꦶꦁ​ꦲꦼꦤ꧀ꦢꦺꦏ꧀ꦢꦸꦮꦸꦂꦏꦸꦢꦸ​ꦢꦶꦫꦠ​꧉​
6ꦏꦧꦺꦃ​ꦧꦁꦱ​ꦧꦏꦭ꧀ꦥꦢ​ꦮꦼꦫꦸꦃ​
ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦚ꧀ꦭꦩꦼꦠ꧀ꦠꦏꦺꦩꦤꦸꦁꦱ​꧉​’”

7꧋ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀꧈​ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦤ꧀ꦲꦸꦭ​꧉​ꦱꦥ​ꦠ​ꦱꦶꦁ​ꦔꦺꦴꦩꦺꦴꦁꦔꦶꦏꦺꦴꦮꦺ​ꦤꦺꦏ꧀ꦧꦶꦱ​ꦚꦶꦩ꧀ꦥꦁꦔꦶꦱꦼꦠꦿꦥꦤ꧀ꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦧꦏꦭ꧀ꦠꦼꦏ​? 8ꦏꦺꦠꦺꦴꦏ꧀ꦤ​ꦔꦁꦒꦺꦴ​ꦏ꧀ꦭꦏꦸꦮꦤ꧀ꦩꦸꦤꦺꦏ꧀ꦏꦺꦴꦮꦺ​ꦮꦶꦱ꧀ꦤꦶꦁꦒꦭ꧀ꦠꦼꦤꦤ꧀ꦲꦸꦫꦶꦥ꧀ꦩꦸ​ꦱꦶꦁ​ꦢꦺꦴꦱ​ꦏꦸꦮꦶ​꧉​ꦲꦗ​ꦩꦶꦏꦶꦂ​ꦢꦸꦩꦺꦃꦏꦺꦴꦮꦺ​ꦲꦤꦏ꧀ꦠꦸꦫꦸꦤ꧀ꦤꦤ꧀ꦤꦺ​ꦧꦥ​ꦄꦨꦿꦲꦩ꧀ꦮꦲꦺ​ꦏꦸꦮꦶ​ꦮꦶꦱ꧀ꦕꦸꦏꦸꦥ꧀꧈​ꦔꦤ꧀ꦢꦼꦭ꧀ꦭ​ꦲꦺꦴꦩꦺꦴꦁꦏꦸꦲꦶꦏꦶ​:ꦒꦸꦱ꧀ꦠꦶ​ꦄꦭ꧀ꦭꦃ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦼꦏꦺꦏ꧀ꦏꦶꦲꦤꦏ꧀ꦠꦸꦫꦸꦤ꧀ꦤꦤ꧀ꦩꦫꦁ​ꦧꦥ​ꦄꦨꦿꦲꦩ꧀ꦱꦁꦏꦮꦠꦸꦮꦠꦸ​ꦲꦶꦏꦶ​꧉​ 9ꦢꦼꦭꦺꦴꦏ꧀ꦏꦼꦤ꧀ ꦏꦩ꧀ꦥꦏ꧀ꦏꦺꦮꦶꦱ꧀ꦢꦶꦕꦼꦥꦏ꧀ꦏꦏꦺ​ꦏꦁꦒꦺꦴ​ꦤꦼꦒꦺꦴꦂ​ꦮꦶꦠ꧀ꦠꦺ​ꦤꦁꦥꦺꦴꦏ꧀ꦏꦺꦲꦺꦴꦪꦺꦴꦠ꧀ꦠꦺ꧉​ꦱꦧꦼꦤ꧀ꦮꦶꦠ꧀ꦱꦶꦁ​ꦲꦺꦴꦫ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀ꦧꦏꦭ꧀ꦢꦶꦠꦼꦒꦺꦴꦂ​ꦭꦤ꧀ꦢꦶꦧꦸꦮꦁ​ꦤꦁꦒꦼꦤꦶ​꧉​”

10꧋ꦮꦺꦴꦁ​ꦲꦺꦴꦏꦺꦃꦩꦲꦸ​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀ꦩꦫꦁ​ꦪꦺꦴꦲꦤꦼꦱ꧀:“ꦤꦺꦏ꧀ꦔꦺꦴꦤꦺꦴ​꧈​ꦭꦃ​ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦥ​?”

11꧋ꦪꦺꦴꦲꦤꦼꦱ꧀ꦱꦼꦩꦲꦸꦂ​:“ꦱꦥ​ꦱꦶꦁ​ꦤ꧀ꦢꦸꦮꦺꦏ꧀ꦭꦩ꧀ꦧꦶ​ꦭꦺꦴꦫꦺꦴ​꧈​ꦱꦶꦁ​ꦱꦶꦗꦶ​ꦏꦸꦢꦸ​ꦢꦶꦏꦺꦏ꧀ꦏꦏꦺꦩꦫꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦧ꧀ꦭꦱ꧀꧈​ꦱꦥ​ꦱꦶꦁ​ꦤ꧀ꦢꦸꦮꦺꦥꦔꦤ꧀ꦏꦸꦢꦸ​ꦔꦼꦏꦺꦏ꧀ꦏꦶꦩꦫꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧉​”

12꧋ꦮꦺꦴꦁꦮꦺꦴꦁ​ꦱꦶꦁ​ꦠꦸꦏꦁ​ꦚ꧀ꦗꦭꦸꦏ꧀ꦏꦶꦧꦼꦭꦱ꧀ꦠꦶꦁꦲꦸꦒ​ꦥꦢ​ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀꧈​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦠꦏꦺꦴꦤ꧀ꦩꦫꦁ​ꦪꦺꦴꦲꦤꦼꦱ꧀ꦔꦺꦤꦺ​:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦥ​?”

13꧋ꦪꦺꦴꦲꦤꦼꦱ꧀ꦱꦼꦩꦲꦸꦂ​:“ꦲꦗ​ꦥꦢ​ꦚ꧀ꦗꦭꦸꦏ꧀ꦧꦼꦭꦱ꧀ꦠꦶꦁꦔ꧀ꦭꦶꦮꦠ꧀ꦠꦶ​ꦱꦏ꧀ꦥꦼꦂꦭꦸꦤꦺ꧉​”

14꧋ꦲꦸꦒ​ꦥꦫ​ꦱꦺꦴꦭ꧀ꦢꦠ꧀ꦥꦢ​ꦠꦏꦺꦴꦤ꧀:“ꦭꦃ​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦏꦼꦥꦿꦶꦪꦺ​?ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦥ​?”ꦪꦺꦴꦲꦤꦼꦱ꧀ꦱꦶꦁ​ꦱꦼꦩꦲꦸꦂ​:“ꦲꦗ​ꦥꦢ​ꦩꦼꦉꦱ꧀ꦲꦥ​ꦔꦿꦩ꧀ꦥꦱ꧀ꦭꦤ꧀ꦔꦫꦤ꧀ꦤꦶ​ꦮꦺꦴꦁ​ꦱꦶꦁ​ꦲꦺꦴꦫ​ꦱꦭꦃ​꧉​ꦤꦁꦔꦶꦁ​ꦱꦩ꧀ꦥꦺꦲꦺꦴꦫ​ꦱꦩ꧀ꦥꦺꦥꦢ​ꦩꦁꦔꦤ​ꦒꦗꦶꦲꦤ꧀ꦩꦸꦢꦺꦮꦺ꧉​”

15꧋ꦲꦶꦁ​ꦗꦩꦤ꧀ꦏꦸꦮꦶ​ꦮꦺꦴꦁ​ꦲꦺꦴꦏꦺꦃꦥꦢ​ꦔꦉꦥ꧀ꦲꦉꦥ꧀ꦠꦼꦏꦤꦺ​ꦏꦿꦶꦱ꧀ꦠꦸꦱ꧀ꦱꦺ꧉​ꦩꦸꦭꦤꦺ​ꦪ​ꦲꦺꦴꦏꦺꦃꦮꦺꦴꦁ​ꦱꦶꦁ​ꦥꦢ​ꦩꦶꦏꦶꦂ​ꦤꦺꦏ꧀ꦪꦺꦴꦲꦤꦼꦱ꧀ꦏꦸꦮꦶ​ꦏꦿꦶꦱ꧀ꦠꦸꦱ꧀ꦱꦺ꧉​ 16ꦩꦸꦭꦤꦺ​ꦪꦺꦴꦲꦤꦼꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦲꦏꦸ​ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦔꦁꦒꦺꦴ​ꦧꦚꦸ​꧈​ꦤꦁꦔꦶꦁ​ꦧꦏꦭ꧀ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦠꦼꦏ​;ꦢꦺꦏ꧀ꦤꦺꦧꦏꦭ꧀ꦲꦩ꧀ꦧꦥ꧀ꦠꦶꦱ꧀ꦏꦺꦴꦮꦺ​ꦔꦁꦒꦺꦴ​ꦫꦺꦴꦃ​ꦱꦸꦕꦶ​ꦭꦤ꧀ꦒꦼꦤꦶ​꧉​ꦮꦺꦴꦁ​ꦏꦸꦮꦶ​ꦏ꧀ꦮꦱꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦲꦏꦸ​꧉​ꦏꦁꦒꦺꦴ​ꦔꦸꦕꦸꦭ꧀ꦭꦶ​ꦱꦼꦥꦠꦸꦤꦺꦮꦺꦴꦁꦔꦺ​ꦮꦲꦺ​ꦢꦸꦫꦸꦁ​ꦥꦤ꧀ꦠꦼꦱ꧀ꦲꦏꦸ​꧉​ 17ꦢꦺꦏ꧀ꦤꦺ​ꦧꦏꦭ꧀ꦤꦥꦺꦤ꧀ꦤꦶ​ꦥꦫꦶꦤꦺ​ꦱꦶꦁ​ꦮꦶꦱ꧀ꦢꦶꦲꦶꦊꦱ꧀꧈​ꦒꦧꦃꦲꦺ​ꦧꦏꦭ꧀ꦢꦶꦊꦧꦺꦴꦏ꧀ꦏꦏꦺꦤꦁꦭꦸꦩ꧀ꦧꦸꦁ​꧈​ꦤꦁꦔꦶꦁ​ꦏꦥꦃꦲꦺꦧꦏꦭ꧀ꦢꦶꦲꦺꦴꦧꦺꦴꦁ​ꦤꦁꦒꦼꦤꦶ​ꦱꦶꦁ​ꦲꦺꦴꦫ​ꦧꦶꦱ​ꦩꦠꦶ​꧉​”

18꧋ꦪ​ꦔꦺꦴꦤꦺꦴ​ꦏꦸꦮꦶ​ꦭꦤ꧀ꦲꦸꦒ​ꦔꦁꦒꦺꦴ​ꦠꦼꦩ꧀ꦧꦸꦁ​ꦭꦶꦪꦭꦶꦪꦤꦺ​ꦩꦼꦤꦺꦃ​ꦪꦺꦴꦲꦤꦼꦱ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦮꦺꦴꦁꦮꦺꦴꦁ​꧉​ 19ꦪꦺꦴꦲꦤꦼꦱ꧀ꦲꦸꦒ​ꦧ꧀ꦭꦏ​ꦲꦼꦁꦒꦺꦴꦤꦺ​ꦩꦼꦭꦺꦏ꧀ꦏꦏꦺꦩꦫꦁ​ꦲ꦳ꦺꦫꦺꦴꦢꦺꦱ꧀ ꦫꦠꦸꦤꦺ​ꦓꦭꦶꦭꦺꦪ​꧉​ꦲꦮꦶꦠ꧀ꦲ꦳ꦺꦫꦺꦴꦢꦺꦱ꧀​ꦩ꧀ꦭꦏꦸ​ꦏꦫꦺꦴ​ꦲ꦳ꦺꦫꦺꦴꦢꦶꦪꦱ꧀ ꦧꦺꦴꦗꦺꦴꦤꦺ​ꦱꦼꦢꦸꦭꦸꦂꦫꦺ​ꦲ꦳ꦺꦫꦺꦴꦢꦺꦱ꧀ꦢꦺꦮꦺ꧉​ꦪꦺꦴꦲꦤꦼꦱ꧀ꦲꦸꦒ​ꦔꦺꦴꦩꦺꦴꦁꦔꦏꦺꦧꦧ꧀ꦢꦺꦴꦱꦢꦺꦴꦱ​ꦭꦶꦪꦤꦺ​ꦱꦶꦁ​ꦢꦶꦭꦏꦺꦴꦤ꧀ꦤꦶ​ꦏꦫꦺꦴ​ꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ 20ꦤꦁꦔꦶꦁ​ꦲ꦳ꦺꦫꦺꦴꦢꦺꦱ꧀ꦩꦭꦃ​ꦤ꧀ꦢꦢꦿ​ꦲꦼꦁꦒꦺꦴꦤꦺ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧈​ꦩꦭꦃ​ꦔ꧀ꦊꦧꦺꦴꦏ꧀ꦏꦏꦺꦪꦺꦴꦲꦤꦼꦱ꧀ꦤꦁꦱꦼꦠꦿꦥꦤ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦧꦥ꧀ꦠꦶꦱ꧀꧈​

21꧋ꦧꦉꦁ​ꦏꦫꦺꦴ​ꦮꦺꦴꦁ​ꦥꦶꦫꦁꦥꦶꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦫꦁ​ꦢꦶꦧꦥ꧀ꦠꦶꦱ꧀꧈​ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀​ꦤ꧀ꦢꦺꦴꦁꦔ꧈​ꦭꦔꦶꦠ꧀ꦠꦺ​ꦩꦼꦔ​꧉​ 22ꦫꦺꦴꦃ​ꦱꦸꦕꦶ​ꦠꦼꦫꦸꦱ꧀ꦩꦼꦢꦸꦤ꧀ꦤꦼꦏꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦏꦺꦠꦺꦴꦏ꧀ꦏꦺ​ꦏꦪ​ꦩꦤꦸꦏ꧀ꦢꦫ​꧉​ꦠꦼꦫꦸꦱ꧀ꦱꦁꦏꦱ꧀ꦮꦂꦒ​ꦱ꧀ꦮꦫꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁꦔꦺꦤꦺ​:“ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶꦭꦤ꧀ꦱꦶꦁ​ꦤ꧀ꦢꦢꦺꦏ꧀ꦏꦏꦺꦊꦒꦤꦺꦲꦠꦶꦏꦸ​!”

꧋ꦲꦸꦫꦸꦠ꧀ꦲꦸꦫꦸꦠ꧀ꦠꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

23-24꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦚꦩ꧀ꦧꦸꦠ꧀ꦠꦲꦸꦩꦸꦂꦫꦺ​ꦏꦶꦫꦏꦶꦫ​ꦠꦼꦭꦸꦁ​ꦥꦸꦭꦸꦃ​ꦠꦲꦸꦤ꧀꧈​ꦩꦶꦠꦸꦫꦸꦠ꧀ꦥꦶꦏꦶꦂꦫꦤ꧀ꦤꦺ​ꦮꦺꦴꦁꦮꦺꦴꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦲꦤꦏ꧀ꦏꦺ​ꦪꦺꦴꦱꦺꦥ꦳꧀꧈​ꦭꦃ​ꦪꦺꦴꦱꦺꦥ꦳꧀ꦏꦸꦮꦶ​ꦲꦤꦏ꧀ꦏꦺ​ꦌꦭꦶ​ꦭꦤ꧀ꦌꦭꦶ​ꦲꦤꦏ꧀ꦏꦺ​ꦩꦠꦠ꧀꧈​ꦩꦠꦠ꧀ꦲꦤꦏ꧀ꦏꦺ​ꦭꦺꦮ꦳ꦶꦭꦤ꧀ꦭꦺꦮ꦳ꦶꦲꦤꦏ꧀ꦏꦺ​ꦩꦺꦭ꧀ꦏꦶ꧉​ꦩꦺꦭ꧀ꦏꦶꦲꦤꦏ꧀ꦏꦺ​ꦪꦤꦲꦶ​ꦭꦤ꧀ꦪꦤꦲꦶ​ꦲꦤꦏ꧀ꦏꦺ​ꦪꦺꦴꦱꦺꦥ꦳꧀꧈​ 25ꦪꦺꦴꦱꦺꦥ꦳꧀ꦲꦤꦏ꧀ꦏꦺ​ꦩꦠꦠꦶꦪꦱ꧀ꦭꦤ꧀ꦩꦠꦠꦶꦪꦱ꧀ꦲꦤꦏ꧀ꦏꦺ​ꦄꦩꦺꦴꦱ꧀꧈​ꦄꦩꦺꦴꦱ꧀ꦲꦤꦏ꧀ꦏꦺ​ꦤꦲꦸꦩ꧀ꦭꦤ꧀ꦤꦲꦸꦩ꧀ꦲꦤꦏ꧀ꦏꦺ​ꦲ꦳ꦺꦱ꧀ꦭꦶ​꧉​ꦲ꦳ꦺꦱ꧀ꦭꦶ​ꦲꦤꦏ꧀ꦏꦺ​ꦤꦒꦲꦶ​꧉​ 26ꦤꦒꦲꦶ​ꦲꦤꦏ꧀ꦏꦺ​ꦩꦲꦠ꧀ꦭꦤ꧀ꦩꦲꦠ꧀ꦲꦤꦏ꧀ꦏꦺ​ꦩꦠꦠꦶꦪꦱ꧀꧈​ꦩꦠꦠꦶꦪꦱ꧀ꦲꦤꦏ꧀ꦏꦺ​ꦯꦶꦩꦺꦆꦤ꧀ꦭꦤ꧀ꦯꦶꦩꦺꦆꦤ꧀ꦲꦤꦏ꧀ꦏꦺ​ꦪꦺꦴꦱꦺꦏ꧀꧈​ꦪꦺꦴꦱꦺꦏ꧀ꦲꦤꦏ꧀ꦏꦺ​ꦪꦺꦴꦢ​꧉​ 27ꦪꦺꦴꦢ​ꦲꦤꦏ꧀ꦏꦺ​ꦪꦺꦴꦲꦤꦤ꧀ꦭꦤ꧀ꦪꦺꦴꦲꦤꦤ꧀ꦲꦤꦏ꧀ꦏꦺ​ꦫꦺꦱ​꧉​ꦫꦺꦱ​ꦲꦤꦏ꧀ꦏꦺ​ꦯꦺꦫꦸꦧꦧꦶꦭ꧀ꦭꦤ꧀ꦯꦺꦫꦸꦧꦧꦶꦭ꧀ꦲꦤꦏ꧀ꦏꦺ​ꦱꦺꦪꦭ꧀ꦠꦶꦪꦺꦭ꧀꧈​ꦱꦺꦪꦭ꧀ꦠꦶꦪꦺꦭ꧀ꦲꦤꦏ꧀ꦏꦺ​ꦤꦺꦫꦶ​꧉​ 28ꦤꦺꦫꦶ​ꦲꦤꦏ꧀ꦏꦺ​ꦩꦺꦭ꧀ꦏꦶꦭꦤ꧀ꦩꦺꦭ꧀ꦏꦶꦲꦤꦏ꧀ꦏꦺ​ꦄꦢꦶ꧉​ꦄꦢꦶꦲꦤꦏ꧀ꦏꦺ​ꦏꦺꦴꦱꦩ꧀ꦭꦤ꧀ꦏꦺꦴꦱꦩ꧀ꦲꦤꦏ꧀ꦏꦺ​ꦌꦭ꧀ꦩꦢꦩ꧀꧈​ꦌꦭ꧀ꦩꦢꦩ꧀ꦲꦤꦏ꧀ꦏꦺ​ꦌꦂ​꧉​

29꧋ꦌꦂ​ꦲꦤꦏ꧀ꦏꦺ​ꦪꦺꦴꦱꦸꦮ​ꦭꦤ꧀ꦪꦺꦴꦱꦸꦮ​ꦲꦤꦏ꧀ꦏꦺ​ꦌꦭꦶꦌꦱꦼꦂ꧉​ꦌꦭꦶꦌꦱꦼꦂꦲꦤꦏ꧀ꦏꦺ​ꦪꦺꦴꦫꦶꦩ꧀ꦭꦤ꧀ꦪꦺꦴꦫꦶꦩ꧀ꦲꦤꦏ꧀ꦏꦺ​ꦩꦠꦠ꧀꧈​ꦩꦠꦠ꧀ꦲꦤꦏ꧀ꦏꦺ​ꦭꦺꦮ꦳ꦶ꧉​ 30ꦭꦺꦮ꦳ꦶꦲꦤꦏ꧀ꦏꦺ​ꦱꦶꦩꦺꦪꦺꦴꦤ꧀ꦭꦤ꧀ꦱꦶꦩꦺꦪꦺꦴꦤ꧀ꦲꦤꦏ꧀ꦏꦺ​ꦪꦸꦢꦃ꧉​ꦪꦸꦢꦃꦲꦤꦏ꧀ꦏꦺ​ꦪꦺꦴꦱꦺꦥ꦳꧀ꦭꦤ꧀ꦪꦺꦴꦱꦺꦥ꦳꧀ꦲꦤꦏ꧀ꦏꦺ​ꦪꦺꦴꦤꦩ꧀꧈​ꦪꦺꦴꦤꦩ꧀ꦲꦤꦏ꧀ꦏꦺ​ꦌꦭꦶꦄꦏꦶꦩ꧀꧈​ 31ꦌꦭꦶꦄꦏꦶꦩ꧀ꦲꦤꦏ꧀ꦏꦺ​ꦩꦼꦭꦺꦪꦭꦤ꧀ꦩꦼꦭꦺꦪꦲꦤꦏ꧀ꦏꦺ​ꦩꦶꦤꦃ꧉​ꦩꦶꦤꦃꦲꦤꦏ꧀ꦏꦺ​ꦩꦠꦠ​ꦭꦤ꧀ꦩꦠꦠ​ꦲꦤꦏ꧀ꦏꦺ​ꦤꦠꦤ꧀꧈​ꦤꦠꦤ꧀ꦲꦤꦏ꧀ꦏꦺ​ꦣꦮ꦳ꦼꦢ꧀꧈​ 32ꦣꦮ꦳ꦼꦢ꧀ꦲꦤꦏ꧀ꦏꦺ​ꦆꦱꦲꦶ​ꦭꦤ꧀ꦆꦱꦲꦶ​ꦲꦤꦏ꧀ꦏꦺ​ꦎꦧꦺꦢ꧀꧈​ꦎꦧꦺꦢ꧀ꦲꦤꦏ꧀ꦏꦺ​ꦧꦺꦴꦮꦱ꧀ꦭꦤ꧀ꦧꦺꦴꦮꦱ꧀ꦲꦤꦏ꧀ꦏꦺ​ꦱꦭ꧀ꦩꦺꦴꦤ꧀꧈​ꦱꦭ꧀ꦩꦺꦴꦤ꧀ꦲꦤꦏ꧀ꦏꦺ​ꦟꦏ꧀ꦱꦺꦴꦤ꧀꧈​ 33ꦟꦏ꧀ꦱꦺꦴꦤ꧀ꦲꦤꦏ꧀ꦏꦺ​ꦄꦩꦶꦤꦢꦧ꧀ꦭꦤ꧀ꦄꦩꦶꦤꦢꦧ꧀ꦲꦤꦏ꧀ꦏꦺ​ꦄꦢ꧀ꦩꦶꦤ꧀꧈​ꦄꦢ꧀ꦩꦶꦤ꧀ꦲꦤꦏ꧀ꦏꦺ​ꦄꦂꦤꦶ​ꦭꦤ꧀ꦄꦂꦤꦶ​ꦲꦤꦏ꧀ꦏꦺ​ꦲ꦳ꦺꦱꦿꦺꦴꦤ꧀꧈​ꦲ꦳ꦺꦱꦿꦺꦴꦤ꧀ꦲꦤꦏ꧀ꦏꦺ​ꦥꦺꦫꦺꦱ꧀ꦭꦤ꧀ꦥꦺꦫꦺꦱ꧀ꦲꦤꦏ꧀ꦏꦺ​ꦪꦸꦢꦃ꧉​ 34ꦪꦸꦢꦃꦲꦤꦏ꧀ꦏꦺ​ꦪꦏꦸꦧ꧀ꦭꦤ꧀ ꦪꦏꦸꦧ꧀ꦲꦤꦏ꧀ꦏꦺ​ꦆꦱꦏ꧀꧈​ꦆꦱꦏ꧀ꦲꦤꦏ꧀ꦏꦺ​ꦄꦨꦿꦲꦩ꧀ꦭꦤ꧀ꦄꦨꦿꦲꦩ꧀ꦲꦤꦏ꧀ꦏꦺ​ꦠꦺꦫꦃ​꧉​ꦠꦺꦫꦃ​ꦲꦤꦏ꧀ꦏꦺ​ꦟꦏꦺꦴꦂ꧉​ 35ꦟꦏꦺꦴꦂꦲꦤꦏ꧀ꦏꦺ​ꦯꦼꦫꦸꦏ꧀ꦭꦤ꧀ꦯꦼꦫꦸꦏ꧀ꦲꦤꦏ꧀ꦏꦺ​ꦫꦺꦲꦸ​꧉​ꦫꦺꦲꦸ​ꦲꦤꦏ꧀ꦏꦺ​ꦦꦺꦭꦺꦏ꧀ꦭꦤ꧀ꦦꦺꦭꦺꦏ꧀ꦲꦤꦏ꧀ꦏꦺ​ꦌꦧꦺꦂ​꧉​ꦌꦧꦺꦂ​ꦲꦤꦏ꧀ꦏꦺ​ꦱꦺꦭꦏ꧀꧈​ 36ꦱꦺꦭꦏ꧀ꦲꦤꦏ꧀ꦏꦺ​ꦏꦺꦤꦤ꧀ꦭꦤ꧀ꦏꦺꦤꦤ꧀ꦲꦤꦏ꧀ꦏꦺ​ꦄꦂꦥꦏ꧀ꦱꦢ꧀꧈​ꦄꦂꦥꦏ꧀ꦱꦢ꧀ꦲꦤꦏ꧀ꦏꦺ​ꦱꦺꦩ꧀ꦭꦤ꧀ꦱꦺꦩ꧀ꦲꦤꦏ꧀ꦏꦺ​ꦟꦺꦴꦮꦃ꧉​ꦟꦺꦴꦮꦃꦲꦤꦏ꧀ꦏꦺ​ꦭꦩꦺꦃ꧉​ 37ꦭꦩꦺꦃꦲꦤꦏ꧀ꦏꦺ​ꦩꦺꦠꦸꦱꦭꦃ​ꦭꦤ꧀ꦩꦺꦠꦸꦱꦭꦃ​ꦲꦤꦏ꧀ꦏꦺ​ꦲ꦳ꦺꦤꦺꦴꦏ꧀꧈​ꦲ꦳ꦺꦤꦺꦴꦏ꧀ꦲꦤꦏ꧀ꦏꦺ​ꦪꦫꦺꦢ꧀ꦭꦤ꧀ꦪꦫꦺꦢ꧀ꦲꦤꦏ꧀ꦏꦺ​ꦩꦲꦭꦭꦺꦭ꧀꧈​ꦩꦲꦭꦭꦺꦭ꧀ꦲꦤꦏ꧀ꦏꦺ​ꦏꦺꦤꦤ꧀꧈​ 38ꦏꦺꦤꦤ꧀ꦲꦤꦏ꧀ꦏꦺ​ꦌꦤꦺꦴꦱ꧀ꦭꦤ꧀ꦌꦤꦺꦴꦱ꧀ꦲꦤꦏ꧀ꦏꦺ​ꦱꦺꦠ꧀​꧉​ꦱꦺꦠ꧀​ꦲꦤꦏ꧀ꦏꦺ​ꦄꦢꦩ꧀ꦭꦤ꧀ꦄꦢꦩ꧀ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦺꦴꦢꦏꦫꦺꦴ​ꦱꦺꦠꦤ꧀​꧉​

꧇​꧔꧇​ 1꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​ꦠꦼꦫꦸꦱ꧀ꦭꦸꦔ​ꦱꦁꦏꦭꦫꦪꦺꦴꦂꦢꦤ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦢꦶꦒꦮ​ꦤꦁꦮꦸꦱ꧀ꦠꦺꦤ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧈​ꦥꦠꦁ​ꦥꦸꦭꦸꦃ​ꦢꦶꦤ​ꦱꦸꦮꦺꦤꦺ​꧉​ 2ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦺꦴꦢꦏꦫꦺꦴ​ꦱꦺꦠꦤ꧀꧈​ꦱꦸꦮꦺꦤꦺ​ꦤꦁꦮꦸꦱ꧀ꦠꦺꦤ꧀ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦩꦁꦔꦤ꧀ꦲꦥꦲꦥ​꧉​ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦮꦏ꧀ꦠꦸꦩꦸꦢꦺꦏ꧀ꦤꦺꦏꦿꦱ​ꦔꦼꦭꦶꦃ​꧉​

3꧋ꦱꦺꦠꦤ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦗꦫꦺꦤꦺ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦪ​ꦮꦠꦸ​ꦲꦶꦏꦶ​ꦢꦶꦥꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦢꦢꦶ​ꦫꦺꦴꦠꦶ​!”

4꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁꦏꦶꦠꦧ꧀ꦏꦼꦠꦸꦭꦶꦱ꧀ꦔꦺꦤꦺ​:'ꦩꦤꦸꦁꦱ​ꦲꦸꦫꦶꦥ꧀ꦥꦺꦲꦺꦴꦫ​ꦤꦩꦸꦁ​ꦱꦁꦏꦫꦺꦴꦠꦶ​ꦮꦲꦺ​꧉​’”

5꧋ꦱꦺꦠꦤ꧀ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦁꦒꦃ​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦢꦸꦮꦸꦂꦧꦔꦼꦠ꧀꧈​ꦲꦶꦁ​ꦱꦏ꧀ꦏꦼꦢꦺꦥ꧀ꦥꦤ꧀ꦱꦺꦠꦤ꧀ꦠꦼꦫꦸꦱ꧀ꦔꦼꦠꦺꦴꦏ꧀ꦏꦏꦺꦏꦿꦠꦺꦴꦤ꧀ꦏꦿꦠꦺꦴꦤ꧀ꦏꦧꦺꦃ​ꦱꦏ꧀ꦗꦒꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 6ꦱꦺꦠꦤ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱꦏ꧀ꦲꦺꦤꦺꦁꦔꦺꦥꦔ꧀ꦮꦱ​ꦭꦤ꧀ꦏꦩꦸꦭꦾꦤ꧀ꦧꦏꦭ꧀ꦠꦏ꧀ꦏꦺꦏ꧀ꦏꦏꦺꦩꦫꦁ​ꦏꦺꦴꦮꦺ​꧉​ꦏꦧꦺꦃ​ꦏꦸꦮꦶ​ꦮꦺꦏ꧀ꦏꦸꦭꦤ꧀ꦲꦏꦸ​ꦧꦶꦱ​ꦔꦼꦏꦺꦏ꧀ꦏꦏꦺꦩꦫꦁ​ꦱꦥ​ꦮꦲꦺ​ꦱꦏ꧀ꦏꦉꦥ꧀ꦏꦸ​꧉​ 7ꦩꦸꦭꦤꦺ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ꦚꦼꦩ꧀ꦧꦃ​ꦩꦫꦁ​ꦲꦏꦸ​꧈​ꦏꦧꦺꦃ​ꦏꦸꦮꦶ​ꦧꦏꦭ꧀ꦠꦏ꧀ꦏꦺꦏ꧀ꦏꦏꦺꦩꦫꦁ​ꦏꦺꦴꦮꦺ​꧉​”

8꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁ​ꦏꦶꦠꦧ꧀​ꦲꦺꦤꦺꦁꦠꦸꦭꦶꦱ꧀ꦱꦤ꧀ꦔꦺꦤꦺ​:'ꦚꦼꦩ꧀ꦧꦃꦲ​ꦩꦫꦁ​ꦒꦸꦱ꧀ꦠꦶ​꧈​ꦢꦺꦏ꧀ꦤꦺ​ꦄꦭ꧀ꦭꦃꦩꦸ꧉​ꦤꦩꦸꦁ​ꦢꦺꦏ꧀ꦤꦺ​ꦱꦶꦁ​ꦏꦸꦢꦸ​ꦩ꧀ꦧꦺꦴꦏ꧀ꦭꦢꦺꦤ꧀ꦤꦶ꧉​’”

9꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱꦺꦠꦤ꧀​ꦠꦼꦫꦸꦱ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦢꦶꦢꦼꦏ꧀ꦤꦺꦤꦁꦥꦸꦕꦸꦏ꧀ꦏꦺ​ꦥꦪꦺꦴꦤ꧀ꦤꦺ​ꦒꦿꦺꦗ​ꦒꦼꦢꦺ​꧉​ꦱꦺꦠꦤ꧀​ꦠꦼꦫꦸꦱ꧀ꦔꦺꦴꦩꦺꦴꦁ:“ꦗꦫꦺꦤꦺ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦤ​ꦲꦚ꧀​ꦗ꧀ꦭꦺꦴꦏ꧀ꦩꦼꦢꦸꦤ꧀꧈​ 10ꦤꦁꦏꦶꦠꦧ꧀ꦭꦲꦸꦠ꧀ꦏꦼꦠꦸꦭꦶꦱ꧀ꦠ​:'ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦺꦴꦁꦏꦺꦴꦤ꧀ꦩꦸꦭꦺꦏꦠ꧀ꦠꦺꦩꦒꦼꦂꦫꦶ​ꦏꦺꦴꦮꦺ​꧉'​ 11ꦲꦸꦒ​ꦲꦺꦤꦺꦁꦠꦸꦭꦶꦱ꧀ꦱꦤ꧀ꦭꦶꦪꦤꦺ​ꦲꦸꦤꦶꦤꦺ​ꦔꦺꦤꦺ​:'ꦏꦺꦴꦮꦺ​ꦧꦏꦭ꧀ꦢꦶꦠꦩ꧀ꦥꦤꦶ​ꦔꦁꦒꦺꦴ​ꦠꦔꦤ꧀ꦤꦺ​꧈​ꦱꦸꦥꦪ​ꦱꦶꦏꦶꦭ꧀ꦩꦸ​ꦲꦺꦴꦫ​ꦏꦼꦤꦺꦁꦮꦠꦸ​꧉​’”

12꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦁꦏꦶꦠꦧ꧀ꦲꦸꦒ​ꦲꦺꦤꦺꦁꦠꦸꦭꦶꦱ꧀ꦱꦤ꧀ꦱꦶꦁ​ꦲꦸꦤꦶꦤꦺ​ꦔꦺꦤꦺ​:'ꦏꦺꦴꦮꦺ​ꦲꦗ​ꦚꦺꦴꦧ​ꦒꦸꦱ꧀ꦠꦶ​ꦄꦭ꧀ꦭꦃꦩꦸ!’”

13꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦱꦶꦁ​ꦔ꧀ꦒꦺꦴꦢꦔꦁꦒꦺꦴ​ꦱꦏ꧀ꦲꦺꦤꦺꦁꦔꦺꦲꦏꦭ꧀ ꦱꦺꦠꦤ꧀ꦠꦼꦫꦸꦱ꧀ꦤꦶꦁꦒꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦏ꧀ꦲꦸꦤ꧀ꦠꦂꦫ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦺꦴꦭꦃꦲꦶꦚꦩ꧀ꦧꦸꦠ꧀ꦠꦤꦁꦧꦮꦃꦓꦭꦶꦭꦺꦪ​꧉​

14꧋ꦲꦶꦁ​ꦏꦼꦏꦸꦮꦠ꧀ꦠꦤ꧀ꦤꦺ​ꦫꦺꦴꦃ​ꦱꦸꦕꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦧꦮꦃꦓꦭꦶꦭꦺꦪ​꧉​ꦤꦁꦏꦺꦴꦤꦺꦴ​ꦭꦤ꧀ꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦮꦺꦴꦁ​ꦏꦧꦺꦃ​ꦥꦢ​ꦏꦿꦸꦔꦸ​ꦧꦧ꧀ꦢꦺꦏ꧀ꦤꦺ꧉​ 15ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁ​ꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦭꦤ꧀ꦮꦺꦴꦁꦮꦺꦴꦁ​ꦥꦢ​ꦔꦼꦊꦩ꧀ꦢꦺꦏ꧀ꦤꦺ꧉​

꧋ꦏꦸꦠꦟꦱꦫꦺꦠ꧀ꦤꦩ꧀ꦥꦶꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

16-17꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦼꦏ​ꦤꦁꦏꦸꦠꦟꦱꦫꦺꦠ꧀ ꦏꦸꦠꦥꦁꦒꦺꦴꦤ꧀ꦤꦤ꧀ꦤꦺ​ꦢꦺꦏ꧀ꦤꦺ꧉​ꦏꦪ​ꦱꦏ꧀ꦭꦸꦩꦿꦃꦲꦺ​꧈​ꦲꦶꦁ​ꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦢꦭ꧀ꦤꦁꦱꦶꦤꦒꦸꦏ꧀꧈​ꦤꦁꦏꦺꦴꦤꦺꦴ​ꦢꦺꦏ꧀ꦤꦺꦠꦼꦫꦸꦱ꧀ꦩꦗꦸ​ꦲꦉꦥ꧀ꦩꦕ​꧉​ꦢꦺꦏ꧀ꦤꦺꦠꦼꦫꦸꦱ꧀ꦢꦶꦲꦼꦭꦸꦁꦔꦶꦏꦶꦠꦧ꧀ꦧꦺ​ꦤꦧꦶ​ꦪꦺꦱꦪ​꧉​ꦏꦢꦸꦁ​ꦢꦶꦧꦸꦏꦏ꧀ꦠꦼꦫꦸꦱ꧀ꦤꦼꦩꦸ​ꦲꦪꦠ꧀ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

18“ꦫꦺꦴꦃꦲꦺ​ꦒꦸꦱ꧀ꦠꦶ​ꦲꦤ​ꦲꦶꦁ​ꦲꦏꦸ​꧈​ꦲꦮꦶꦠ꧀ꦒꦸꦱ꧀ꦠꦶ​ꦮꦶꦱ꧀ꦩꦶꦭꦶꦃ​ꦲꦏꦸ​꧉​
ꦲꦏꦸ​ꦢꦶꦏꦺꦴꦁꦏꦺꦴꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦩꦫꦁ​ꦮꦺꦴꦁ​ꦩ꧀ꦭꦫꦠ꧀꧈​
ꦮꦺꦴꦁ​ꦱꦼꦠꦿꦥꦤ꧀ꦏꦸꦢꦸ​ꦠꦏ꧀ꦏꦧꦂꦫꦶ​ꦤꦺꦏ꧀ꦧꦏꦭ꧀ꦢꦶꦲꦼꦠꦺꦴꦏ꧀ꦏꦏꦺ
ꦭꦤ꧀ꦮꦺꦴꦁ​ꦭꦩꦸꦂ​ꦧꦏꦭ꧀ꦮꦼꦫꦸꦃ​꧉​
ꦲꦏꦸ​ꦏꦸꦢꦸ​ꦔ꧀ꦭꦸꦮꦂꦫꦶ​ꦱꦶꦁ​ꦔꦭꦩ꧀ꦩꦶ​ꦏꦱꦁꦱꦫꦤ꧀꧈​
19ꦭꦤ꧀ꦩꦼꦤꦺꦃ​꧈​ꦲꦏꦸ​ꦏꦸꦢꦸ​ꦔꦧꦂꦫꦏꦺ
ꦤꦺꦏ꧀ꦱꦲꦶꦏꦶ​ꦮꦶꦱ꧀ꦮꦚ꧀ꦕꦶꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​
ꦔꦺꦠꦺꦴꦏ꧀ꦏꦏꦺ​ꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦩꦤꦸꦁꦱ​꧉​”

20꧋ꦱꦏ꧀ꦮꦶꦱ꧀ꦱꦺ​ꦩꦕ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦏꦶꦠꦧ꧀ꦧꦺ​ꦠꦼꦫꦸꦱ꧀ꦢꦶꦧꦭꦺꦏ꧀ꦏꦏꦺꦩꦫꦁ​ꦥꦼꦭꦢꦺꦤ꧀ꦤꦺ​ꦏꦶꦠꦧ꧀꧈​ꦢꦺꦏ꧀ꦤꦺꦠꦼꦫꦸꦱ꧀​ꦚ꧀ꦗꦒꦺꦴꦁ꧉​ꦮꦺꦴꦁ​ꦏꦧꦺꦃ​ꦱꦶꦁ​ꦤꦁꦱꦶꦤꦒꦸꦏ꧀ꦏꦺꦴꦤꦺꦴ​ ꦥꦢ​ꦚꦮꦁ​ꦢꦺꦏ꧀ꦤꦺ꧉​ 21ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦶꦁ​ꦢꦶꦤ​ꦲꦶꦏꦶ​꧈​ꦱꦏ꧀ꦧꦉꦁꦔꦺꦏꦺꦴꦮꦺ​ꦔꦿꦸꦔꦺꦴꦏ꧀ꦏꦏꦺꦱꦶꦁ​ꦠꦏ꧀ꦮꦕ​ꦩꦲꦸ​꧈​ꦲꦶꦱꦶꦤꦺ​ꦲꦪꦠ꧀ꦲꦪꦠ꧀ꦩꦲꦸ​ꦮꦶꦱ꧀ꦏꦼꦠꦸꦫꦸꦠ꧀ꦠꦤ꧀꧈​”

22꧋ꦮꦺꦴꦁꦮꦺꦴꦁ​ꦥꦢ​ꦔꦿꦸꦔꦺꦴꦏ꧀ꦏꦏꦺꦠꦼꦤꦤ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦢ​ꦔ꧀ꦒꦸꦩꦸꦤ꧀ꦲꦥꦶꦏ꧀ꦏꦺ​ꦥꦶꦮꦸꦭꦁꦔꦺ​꧉​ꦩꦸꦭꦤꦺ​ꦥꦢ​ꦫꦱꦤ꧀ꦫꦱꦤ꧀:“ꦲꦥ​ꦏꦸꦮꦶ​ꦢꦸꦢꦸ​ꦲꦤꦏ꧀ꦏꦺ​ꦪꦺꦴꦱꦺꦥ꦳꧀ꦏꦲꦺ​?” 23ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​:“ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦚꦺꦴꦕꦺꦴꦏ꧀ꦏꦏꦺ​ꦥꦫꦶꦧꦱꦤ꧀ꦲꦶꦏꦶ​ꦩꦫꦁ​ꦲꦏꦸ​:'ꦢꦺꦴꦏ꧀ꦠꦼꦂ​꧈​ꦠꦩ꧀ꦧꦤꦤꦲꦮꦏ꧀ꦩꦸ​ꦢꦺꦮꦺ!ꦲꦮꦏ꧀ꦏꦺ​ꦢꦺꦮꦺꦏꦿꦸꦔꦸ​ꦧꦧ꧀ꦥꦽꦏꦫꦥꦽꦏꦫ​ꦱꦶꦁ​ꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦤꦁꦏꦸꦠꦑꦥꦺꦂꦤꦏꦸꦩ꧀ ꦏꦸꦮꦶ​ꦠꦶꦤ꧀ꦢꦏ꧀ꦤ​ꦤꦁꦏꦺꦤꦺ​꧈​ꦤꦁꦏꦸꦠꦥꦁꦒꦺꦴꦤ꧀ꦤꦤ꧀ꦩꦸ​ꦢꦺꦮꦺ꧉​’”

24꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦔꦤ꧀ꦢꦼꦭ꧀ꦭ​ꦠ​꧈​ꦲꦺꦴꦫ​ꦲꦺꦤꦺꦁꦤꦧꦶ​ꦱꦶꦁ​ꦏꦗꦺꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦢꦺꦮꦺ꧉​ 25ꦏꦺꦴꦮꦺ​ꦥꦢ​ꦔꦼꦂꦠꦶ​ꦤꦺꦏ꧀ꦲꦶꦁ​ꦗꦩꦤ꧀ꦤꦺ​ꦤꦧꦶ​ꦌꦭꦶꦪ​ꦤꦁꦤꦼꦒꦫ​ꦆꦱꦿꦌꦭ꧀ꦲꦺꦤꦺꦁꦮꦺꦴꦁ​ꦫꦤ꧀ꦢꦥꦶꦫꦁꦥꦶꦫꦁ​꧉​ꦠꦼꦭꦸꦁ​ꦠꦲꦸꦤ꧀ꦱꦼꦠꦼꦔꦃ​ꦱꦸꦮꦺꦤꦺ​ꦲꦺꦴꦫ​ꦲꦺꦤꦺꦁꦲꦸꦢꦤ꧀ ꦱꦩ꧀ꦥꦺꦏ꧀ꦤꦁꦱꦏ꧀ꦤꦼꦒꦫ​ꦲꦺꦤꦺꦁꦏꦸꦫꦁ​ꦥꦔꦤ꧀ꦒꦼꦢꦺ꧉​ 26ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦔꦺꦴꦁꦏꦺꦴꦤ꧀ꦤꦧꦶ​ꦌꦭꦶꦪ​ꦤꦸꦭꦸꦁꦔꦶ​ꦫꦤ꧀ꦢꦤꦁꦆꦱꦿꦌꦭ꧀ ꦲꦺꦴꦫ​꧉​ꦤꦁꦔꦶꦁ​ꦤꦧꦶ​ꦌꦭꦶꦪ​ꦩꦭꦃ​ꦢꦶꦏꦺꦴꦁꦏꦺꦴꦤ꧀ꦩꦫꦤꦶ​ꦫꦤ꧀ꦢꦤꦁꦏꦸꦠꦯꦫꦺꦥ꦳ꦠ꧀ꦤꦁꦧꦮꦃꦱꦶꦢꦺꦴꦤ꧀꧈​ 27ꦲꦸꦒ​ꦲꦶꦁ​ꦗꦩꦤ꧀ꦤꦺ​ꦤꦧꦶ​ꦌꦭꦶꦱ​꧈​ꦤꦁꦆꦱꦿꦌꦭ꧀ꦲꦺꦴꦏꦺꦃꦮꦺꦴꦁ​ꦱꦶꦁ​ꦭꦫ​ꦭꦺꦥꦿ​꧉​ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦱꦶꦗꦶ​ꦮꦲꦺ​ꦱꦶꦁ​ꦢꦶꦠꦩ꧀ꦧꦤꦶ​꧈​ꦏꦼꦗꦧ​ꦤꦩꦸꦁ​ꦤꦲꦩꦤ꧀ ꦮꦺꦴꦁ​ꦱꦁꦏꦤꦼꦒꦫ​ꦯꦶꦫꦶꦪ​꧉​”

28꧋ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦩꦲꦸ​ꦮꦺꦴꦁ​ꦱꦏ꧀ꦱꦶꦤꦒꦸꦏ꧀ꦥꦢ​ꦤꦼꦱꦸ​ꦏꦧꦺꦃ​꧉​ 29ꦮꦺꦴꦁꦮꦺꦴꦁ​ꦥꦢ​ꦔꦢꦼꦏ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦱꦺꦫꦺꦠ꧀ꦤꦁꦚ꧀ꦗꦧꦤꦺ​ꦏꦸꦠ꧈​ꦠꦼꦫꦸꦱ꧀ꦢꦶꦒꦮ​ꦤꦁꦥꦶꦁꦒꦶꦂꦫꦺ​ꦒꦸꦤꦸꦁ​ꦱꦶꦁ​ꦚꦁꦒ​ꦏꦸꦠꦤꦺꦏꦺꦴꦤꦺꦴ​꧉​ꦗꦮꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦢꦶꦗꦺꦴꦁꦏꦿꦺꦴꦏ꧀ꦏꦏꦺꦩꦼꦢꦸꦤ꧀꧈​ 30ꦤꦁꦔꦶꦁ​ꦢꦺꦏ꧀ꦤꦺꦤꦿꦺꦴꦧꦺꦴꦱ꧀ꦤꦁꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧉​

꧋ꦮꦺꦴꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​

31꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦢꦸꦤ꧀ꦤꦁꦏꦸꦠꦑꦥꦺꦂꦤꦏꦸꦩ꧀ꦤꦁꦧꦮꦃꦓꦭꦶꦭꦺꦪ​꧉​ꦲꦶꦁ​ꦢꦶꦤ​ꦱꦧꦠ꧀ꦢꦺꦏ꧀ꦤꦺꦩꦸꦭꦁ​ꦤꦁꦱꦶꦤꦒꦸꦏ꧀꧈​ 32ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦧꦧ꧀ꦕꦫꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦩꦸꦭꦁ​꧈​ꦲꦮꦶꦠ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦔꦺ​ꦲꦺꦤꦺꦁꦏ꧀ꦮꦱꦤꦺ​꧉​ 33ꦤꦁꦱꦶꦤꦒꦸꦏ꧀ꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ 34ꦮꦺꦴꦁꦔꦺ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦔꦺꦴꦩꦺꦴꦁ:“ꦪꦺꦯꦸꦱ꧀ꦱꦁꦏꦟꦱꦫꦺꦠ꧀ ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦲꦩ꧀ꦧꦺꦴꦏ꧀ꦏꦥꦏ꧀ꦏꦏꦺ?ꦲꦥ​ꦏꦺꦴꦮꦺ​ꦲꦉꦥ꧀ꦔꦿꦸꦱꦏ꧀ꦲꦮꦏ꧀ꦏꦺ​ꦢꦺꦮꦺ?ꦲꦮꦏ꧀ꦏꦺ​ꦢꦺꦮꦺꦔꦼꦂꦠꦶ​ꦏꦺꦴꦮꦺ​ꦏꦸꦮꦶ​ꦱꦥ​!ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦱꦸꦕꦶ​꧈​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​!”

35꧋ꦢꦼꦩꦶꦠ꧀ꦠꦺꦠꦼꦫꦸꦱ꧀ꦢꦶꦒꦼꦤ꧀ꦠꦏ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦼꦤꦼꦁ​!ꦩꦼꦠꦸꦮ​ꦱꦁꦏꦮꦺꦴꦁ​ꦏꦸꦮꦶ​!”ꦢꦼꦩꦶꦠ꧀ꦠꦺꦠꦼꦫꦸꦱ꧀ꦲꦩ꧀ꦧꦤ꧀ꦠꦶꦁ​ꦮꦺꦴꦁꦔꦺ​꧈​ꦠꦼꦫꦸꦱ꧀ꦮꦺꦴꦁꦔꦺ​ꦠꦶꦧ​ꦤꦁꦠꦼꦔꦃꦲꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦺꦴꦤꦺꦴ​꧉​ꦢꦼꦩꦶꦠ꧀ꦠꦺꦠꦼꦫꦸꦱ꧀ꦩꦼꦠꦸ​ꦠꦤ꧀ꦥ​ꦔ꧀ꦒꦮꦺ​ꦭꦫꦤꦺ​ꦮꦺꦴꦁꦔꦺ​꧉​

36꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​ꦭꦤ꧀ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦮꦃ​꧈​ꦗꦤ꧀ꦲꦤ꧀ꦠꦼꦥ꧀ꦧꦔꦼꦠ꧀ꦠꦼꦩ꧀ꦧꦸꦁꦔꦺ​꧉​ꦢꦺꦏ꧀ꦤꦺ​ꦤꦸꦤ꧀ꦢꦸꦁꦢꦼꦩꦶꦠ꧀ꦢꦼꦩꦶꦠ꧀ꦠꦺꦔꦁꦒꦺꦴ​ꦥꦔ꧀ꦮꦱ​ꦭꦤ꧀ꦮꦸꦗꦸꦠ꧀ꦠꦺꦪ​ꦥꦢ​ꦩꦼꦠꦸ​ꦠꦼꦤꦤ꧀꧈​” 37ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦠꦼꦫꦸꦱ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦠꦼꦫꦸꦱ꧀ꦤꦁꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦲꦶꦧꦸꦩꦫꦠꦸꦮꦤꦺꦱꦶꦩꦺꦴꦤ꧀꧈​

38꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦠꦸ​ꦱꦁꦏꦱꦶꦤꦒꦸꦏ꧀ꦏꦺꦴꦤꦺꦴ​꧈​ꦠꦼꦫꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀꧈​ꦲꦶꦧꦸꦩꦫꦠꦸꦮꦤꦺꦱꦶꦩꦺꦴꦤ꧀ꦲꦶꦁ​ꦮꦏ꧀ꦠꦸ​ꦲꦶꦏꦸ​ꦢꦺꦴꦁꦔꦺꦭꦫ​ꦥꦤꦱ꧀ꦭꦤ꧀ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦔꦶꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦏꦸꦮꦶ​꧉​ 39ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦢꦼꦏ꧀ꦏꦶꦱꦶꦁ​ꦭꦫ​ꦤꦁꦱꦼꦧꦼꦭꦃꦱꦶꦫꦃꦲꦺ​꧈​ꦠꦼꦫꦸꦱ꧀ꦤꦸꦤ꧀ꦢꦸꦁꦭꦫꦤꦺ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦮꦫꦱ꧀ꦩꦼꦤꦺꦃ​ꦭꦤ꧀ꦠꦼꦫꦸꦱ꧀ꦱꦤ꧀ꦮꦲꦺ​ꦔ꧀ꦭꦢꦺꦤ꧀ꦤꦶ​ꦢꦪꦺꦴꦃꦢꦪꦺꦴꦃꦲꦺ꧉​

40꧋ꦏꦢꦸꦁ​ꦮꦶꦱ꧀ꦱꦸꦫꦸꦥ꧀ ꦮꦺꦴꦁ​ꦏꦧꦺꦃ​ꦱꦶꦁ​ꦤ꧀ꦢꦸꦮꦺꦱꦼꦢꦸꦭꦸꦂ​ꦱꦶꦁ​ꦭꦫ​ꦥꦢ​ꦢꦶꦒꦮꦤꦶ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦭꦫꦤꦺ​ꦮꦼꦂꦤꦮꦼꦂꦤ​꧉​ꦮꦺꦴꦁꦮꦺꦴꦁ​ꦱꦶꦁ​ꦭꦫ​ꦠꦼꦫꦸꦱ꧀ꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦱꦶꦗꦶꦱꦶꦗꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦩꦫꦶ​ꦏꦧꦺꦃ​꧉​ 41ꦢꦼꦩꦶꦠ꧀ꦥꦶꦫꦁꦥꦶꦫꦁ​ꦥꦢ​ꦩꦼꦠꦸ​ꦥꦠꦶꦁ​ꦗ꧀ꦊꦫꦶꦠ꧀ ꦔꦺꦴꦩꦺꦴꦁ:“ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦢꦶꦒꦼꦤ꧀ꦠꦏ꧀ꦏꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦶꦥꦼꦔꦶꦁ​ꦔꦺꦴꦩꦺꦴꦁꦲꦥꦲꦥ​꧈​ꦲꦮꦶꦠ꧀ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦥꦢ​ꦔꦼꦂꦠꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦏꦿꦶꦱ꧀ꦡꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀꧈​

42꧋ꦲꦶꦁ​ꦲꦺꦱꦸꦏ꧀ꦏꦺ​ꦩꦿꦸꦥꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦸꦔ​ꦱꦁꦏꦲꦺꦴꦩꦃ​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ ꦱꦼꦥꦶ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦢꦺꦏ꧀ꦤꦺ꧉​ꦏꦢꦸꦁ​ꦮꦶꦱ꧀ꦏꦼꦠꦼꦩꦸ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦩꦫꦁ​ꦢꦺꦏ꧀ꦤꦺꦱꦸꦥꦪ​ꦲꦺꦴꦫ​ꦭꦸꦔ​꧉​ 43ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦩꦲꦸ​:“ꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦲꦸꦒ​ꦏꦸꦢꦸ​ꦠꦏ꧀ꦒꦼꦭꦂꦫꦏꦺꦤꦁꦭꦶꦪꦭꦶꦪ​ꦥꦁꦒꦺꦴꦤ꧀ꦤꦤ꧀ ꦲꦮꦶꦠ꧀ꦲꦶꦏꦸ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦲꦏꦸ​꧉​”

44꧋ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦩꦸꦭꦁꦔꦶꦤꦁꦱꦶꦤꦒꦸꦏ꧀ꦱꦶꦤꦒꦸꦏ꧀ꦤꦁꦧꦮꦃꦪꦸꦢꦺꦪ​꧉​ ↑ ↑ ↑


꧋ꦩꦸꦫꦶꦢ꧀ꦩꦸꦫꦶꦢ꧀ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺ꧉​

꧇​꧕꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦢꦼꦏ꧀ꦤꦁꦥꦶꦁꦒꦶꦂꦫꦺ​ꦩꦺꦂꦓꦼꦤꦺꦱꦫꦺꦠ꧀꧈​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦲꦼꦱꦸꦏ꧀ꦲꦼꦱꦸꦏ꧀ꦏꦤ꧀ ꦲꦮꦶꦠ꧀ꦥꦢ​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 2ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦲꦺꦤꦺꦁꦥꦿꦲꦸ​ꦭꦺꦴꦫꦺꦴ​ꦤꦁꦥꦶꦁꦒꦶꦂ​ꦏꦺꦴꦤꦺꦴ​꧉​ꦱꦶꦁ​ꦤ꧀ꦢꦸꦮꦺꦥꦿꦲꦸꦤꦺ​ꦮꦶꦱ꧀ꦥꦢ​ꦩꦼꦢꦸꦤ꧀ ꦲꦶꦗꦶꦏ꧀ꦔꦽꦱꦶꦏ꧀ꦏꦶ​ꦗꦭꦤꦺ​꧉​ 3ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦁꦒꦃ​ꦤꦁꦥꦿꦲꦸꦤꦺ​ꦱꦶꦩꦺꦴꦤ꧀꧈​ꦱꦶꦩꦺꦴꦤ꧀ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦺꦴꦁꦏꦺꦴꦤ꧀ꦚꦸꦫꦸꦁ​ꦥꦿꦲꦸꦤꦺ​ꦱꦁꦏꦢꦫꦠ꧀ꦠꦤ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁꦭꦤ꧀ꦩꦸꦭꦁꦔꦶꦮꦺꦴꦁꦮꦺꦴꦁ​ꦱꦁꦏꦥꦿꦲꦸꦤꦺ​ꦏꦺꦴꦤꦺꦴ​꧉​

4꧋ꦏꦢꦸꦁꦮꦶꦱ꧀ꦫꦩ꧀ꦥꦸꦁꦱꦶꦁꦩꦸꦭꦁꦔꦶ꧈​ꦒꦸꦱ꧀ꦠꦶꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁꦱꦶꦩꦺꦴꦤ꧀:“ꦱꦶꦩꦺꦴꦤ꧀ ꦥꦿꦲꦸꦩꦸꦏꦤꦢꦶꦒꦮꦤꦁꦠꦼꦔꦃꦭꦤ꧀ꦗꦭꦩꦸꦢꦶ​ꦲꦸꦚ꧀ꦕꦭ꧀ꦭꦏꦺꦏꦺꦴꦤꦺꦴꦱꦸꦥꦪꦲꦺꦤ꧀ꦠꦸꦏ꧀ꦲꦶꦮꦏ꧀ꦲꦺꦴꦏꦺꦃ꧉​”

5꧋ꦱꦼꦩꦲꦸꦂꦫꦺ​ꦱꦶꦩꦺꦴꦤ꧀:“ꦒꦸꦫꦸ​꧈​ꦮꦶꦱ꧀ꦱꦼꦮꦼꦔꦶ​ꦩꦸꦥꦸꦠ꧀ꦲꦮꦏ꧀ꦏꦺ​ꦢꦺꦮꦺꦔ꧀ꦒꦺꦴꦭꦺꦏ꧀ꦲꦶꦮꦏ꧀ꦱꦏ꧀ꦏꦸꦮꦠ꧀ꦠꦺ꧈​ꦤꦁꦔꦶꦁ​ꦲꦺꦴꦫ​ꦲꦺꦤ꧀ꦠꦸꦏ꧀ꦲꦥꦲꦥ​꧉​ꦤꦁꦔꦶꦁ​ꦗꦭꦂꦫꦤ꧀ꦏꦺꦴꦮꦺ​ꦱꦶꦁ​ꦔꦺꦴꦁꦏꦺꦴꦤ꧀ ꦗꦭꦤꦺ​ꦠꦏ꧀ꦲꦸꦚ꧀ꦕꦭ꧀ꦏꦺ​ꦩꦼꦤꦺꦃ​꧉​” 6ꦏꦢꦸꦁꦗꦭꦤꦺꦮꦶꦱ꧀ꦢꦶ​ꦲꦸꦚ꧀ꦕꦭ꧀ꦭꦏꦺꦠꦼꦫꦸꦱ꧀ꦲꦺꦤ꧀ꦠꦸꦏ꧀ꦲꦶꦮꦏ꧀ꦲꦺꦴꦏꦺꦃꦧꦔꦼꦠ꧀ ꦱꦩ꧀ꦥꦺꦏ꧀ꦗꦭꦤꦺꦲꦉꦥ꧀ꦧꦼꦢꦃ꧉​ 7ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦕꦼꦭꦸꦏ꧀ꦕꦼꦭꦸꦏ꧀​ꦚ꧀ꦗꦭꦸꦏ꧀ꦠꦸꦭꦸꦁ​ꦏꦚ꧀ꦕꦏꦚ꧀ꦕꦤꦺ​ꦱꦶꦁ​ꦤꦁꦥꦿꦲꦸ​ꦭꦶꦪꦤꦺ​꧉​ꦏꦚ꧀ꦕꦏꦚ꧀ꦕꦤꦺ​ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦠꦼꦏ​꧉​ꦥꦿꦲꦸꦤꦺ​ꦏꦧꦺꦃ​ꦭꦺꦴꦫꦺꦴ​ꦠꦼꦫꦸꦱ꧀ꦢꦶꦲꦶꦱꦺꦤ꧀ꦤꦶ​ꦲꦶꦮꦏ꧀ꦱꦩ꧀ꦥꦺꦏ꧀ꦏꦼꦧꦼꦏ꧀ ꦱꦩ꧀ꦥꦺꦏ꧀ꦥꦿꦲꦸꦤꦺ​ꦩꦺꦃ​ꦏꦼꦊꦥ꧀꧈​ 8ꦏꦢꦸꦁ​ꦮꦼꦫꦸꦃ​ꦏꦸꦮꦶ​ꦩꦲꦸ​ꦏꦧꦺꦃ​꧈​ꦱꦶꦩꦺꦴꦤ꧀ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦔꦺꦴꦩꦺꦴꦁ:“ꦲꦗ​ꦚꦼꦢꦼꦏ꧀ꦏꦶꦲꦏꦸ​ꦒꦸꦱ꧀ꦠꦶ​꧈​ꦲꦮꦶꦠ꧀ꦲꦏꦸ​ꦮꦺꦴꦁ​ꦢꦺꦴꦱ​꧉​”

9꧋ꦱꦶꦩꦺꦴꦤ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦢꦺꦏ꧀ꦤꦺꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦔ꧀ꦒꦸꦩꦸꦤ꧀ꦠꦼꦤꦤ꧀ꦮꦼꦫꦸꦃ​ꦲꦶꦮꦏ꧀ꦱꦼꦩꦺꦴꦤꦺꦴ​ꦲꦺꦴꦏꦺꦃꦲꦺ꧉​ 10ꦲꦸꦒ​ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦏꦚ꧀ꦕꦏꦚ꧀ꦕꦤꦺ​ꦱꦶꦩꦺꦴꦤ꧀ ꦩꦺꦭꦸ​ꦔ꧀ꦒꦸꦩꦸꦤ꧀ꦠꦼꦤꦤ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦱꦶꦩꦺꦴꦤ꧀:“ꦲꦗ​ꦮꦼꦢꦶ​ꦱꦶꦩꦺꦴꦤ꧀ ꦮꦶꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦧꦏꦭ꧀ꦠꦏ꧀ꦢꦢꦺꦏ꧀ꦏꦏꦺꦮꦺꦴꦁ​ꦱꦶꦁ​ꦠꦸꦏꦁ​ꦔ꧀ꦒꦺꦴꦭꦺꦏ꧀ꦮꦺꦴꦁ​꧉​”

11꧋ꦱꦶꦩꦺꦴꦤ꧀ꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦠꦼꦫꦸꦱ꧀ꦩꦶꦁꦒꦶꦂꦫꦏꦺꦥꦿꦲꦸꦤꦺ​꧈​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦶꦁꦒꦭ꧀ꦱꦼꦩ꧀ꦧꦫꦁꦩ꧀ꦧꦫꦁꦔꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​ꦭꦺꦥꦿ​꧉​

12꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦱꦏ꧀ꦮꦶꦗꦶꦤꦺꦏꦸꦠ꧉​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦤꦁ​ꦱꦶꦁ​ꦭꦫ​ꦭꦺꦥꦿ​ꦱꦏ꧀ꦲꦮꦏ꧀ꦏꦺ​꧉​ꦏꦢꦸꦁ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ ꦮꦺꦴꦁꦔꦺ​ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦠꦼꦫꦸꦱ꧀ꦚꦸꦮꦸꦤ꧀:“ꦢꦸꦃꦒꦸꦱ꧀ꦠꦶ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ꦏꦺꦴꦮꦺ​ꦧꦶꦱ​ꦤꦩ꧀ꦧꦤꦶ​ꦲꦏꦸ​!”

13꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦭꦸꦁꦔꦏꦺꦠꦔꦤ꧀ꦤꦺ​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦮꦺꦴꦁꦔꦺ​ꦏꦫꦺꦴ​ꦔꦺꦴꦩꦺꦴꦁ:“ꦲꦏꦸ​ꦒꦼꦊꦩ꧀ ꦢꦢꦶꦪ​ꦮꦫꦱ꧀!”ꦱꦏ꧀ꦮꦠ꧀ꦮꦺꦴꦁꦔꦺ​ꦠꦼꦫꦸꦱ꧀ꦩꦫꦶ​ꦠꦼꦤꦤ꧀꧈​ 14ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦁꦔꦶꦁ​ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​꧉​ꦮꦺꦴꦁꦔꦺ​ꦢꦶꦏꦺꦴꦁꦏꦺꦴꦤ꧀ꦤꦁꦔ꧀ꦒꦺꦴꦤ꧀ꦤꦺꦲꦶꦩꦩ꧀ꦩꦺ​꧈​ꦏꦺꦴꦁꦏꦺꦴꦤ꧀​ꦤ꧀ꦢꦸꦢꦸꦃꦲꦏꦺꦲꦮꦏ꧀ꦏꦺ​ꦱꦶꦁ​ꦮꦶꦱ꧀ꦮꦫꦱ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦤ​ꦤꦁꦔ꧀ꦒꦺꦴꦤ꧀ꦤꦺꦲꦶꦩꦩ꧀ꦩꦺ​ꦤ꧀ꦢꦸꦢꦸꦃꦲꦏꦺꦲꦮꦏ꧀ꦩꦸ​꧉​ꦏꦤ​ꦔꦼꦏꦺꦏ꧀ꦏꦶꦏꦸꦂꦧꦤ꧀ꦤꦺ​ꦩꦶꦠꦸꦫꦸꦠ꧀ꦥꦼꦂꦤꦠꦤ꧀ꦤꦺꦤꦧꦶ​ꦩꦺꦴꦱꦼꦱ꧀꧈​ꦢꦢꦶꦤꦺ​ꦮꦺꦴꦁ​ꦏꦧꦺꦃ​ꦧꦶꦱ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦩꦫꦶ​ꦠꦼꦤꦤ꧀꧈​”

15꧋ꦤꦁꦔꦶꦁ​ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦩꦭꦃ​ꦩꦿꦺꦩꦺꦤ꧀ꦩꦿꦺꦩꦺꦤ꧀ꦠꦼꦫꦸꦱ꧀ꦠꦼꦏꦤ꧀ꦲꦼꦤ꧀ꦢꦶꦲꦼꦤ꧀ꦢꦶ​꧉​ꦮꦺꦴꦁ​ꦥꦶꦫꦁꦥꦶꦫꦁ​ꦠꦼꦫꦸꦱ꧀ꦥꦢ​ꦠꦼꦏ​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦭꦤ꧀ꦲꦸꦒ​ꦱꦸꦥꦪ​ꦢꦶꦠꦩ꧀ꦧꦤꦶ​ꦭꦫꦤꦺ​꧉​ 16ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦤ꧀ꦢꦸꦂ​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​꧈​ꦲꦉꦥ꧀​ꦤ꧀ꦢꦺꦴꦁꦔ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦸꦩ꧀ꦥꦸꦃ​꧉​

17꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​꧈​ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦩꦼꦩꦸꦭꦁ​꧈​ꦲꦸꦒ​ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦒꦸꦫꦸꦒꦸꦫꦸ​ꦏꦶꦠꦧ꧀ꦩꦺꦭꦸ​ꦚ꧀ꦗꦒꦺꦴꦁꦔꦿꦸꦔꦺꦴꦏ꧀ꦏꦏꦺ꧉​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦏꦤꦺ​ꦱꦁꦏꦏꦸꦠꦏꦸꦠꦤꦁꦧꦮꦃꦓꦭꦶꦭꦺꦪ​꧈​ꦪꦸꦢꦺꦪ​ꦭꦤ꧀ꦪꦺꦫꦸꦱꦭꦺꦩ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦥ​ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦤꦩ꧀ꦧꦤꦶ​ꦱꦶꦁ​ꦥꦢ​ꦭꦫ​꧉​ 18ꦠꦼꦫꦸꦱ꧀ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦥꦢ​ ꦠꦼꦏ​ꦔ꧀ꦒꦺꦴꦠꦺꦴꦁ​ꦮꦺꦴꦁ​ꦭꦸꦩ꧀ꦥꦸꦃ​ꦔꦁꦒꦺꦴ​ꦥꦼꦠꦸꦫꦺꦴꦤꦺ​꧉​ꦗꦮꦤꦺꦲꦉꦥ꧀ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦏꦼꦥꦿꦶꦪꦺ​ꦧꦶꦱꦤꦺ​ꦔ꧀ꦊꦧꦺꦴꦏ꧀ꦏꦏꦺꦮꦺꦴꦁ​ꦭꦸꦩ꧀ꦥꦸꦃ​ꦩꦲꦸ​ꦤꦁꦚ꧀ꦗꦼꦫꦺꦴ​ꦲꦺꦴꦩꦃ​ꦱꦶꦁ​ꦢꦶꦲꦼꦁꦒꦺꦴ​ꦩꦸꦭꦁꦔꦶꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 19ꦤꦁꦔꦶꦁ​ꦱꦁꦏꦶꦁꦲꦺꦴꦏꦺꦃꦲꦺꦮꦺꦴꦁ​꧈​ꦮꦺꦴꦁ​ꦭꦸꦩ꧀ꦥꦸꦃ​ꦩꦲꦸ​ꦲꦺꦴꦫ​ꦧꦶꦱ​ꦩ꧀ꦊꦧꦸ​꧉​ꦩꦸꦭꦤꦺ​ꦠꦼꦫꦸꦱ꧀ꦢꦶꦒꦮ​ꦩꦸꦁꦒꦃ​꧈​ꦢꦶꦗꦼꦧꦺꦴꦭ꧀ꦭꦏꦺꦥꦪꦺꦴꦤ꧀ꦤꦺ​꧈​ꦠꦼꦫꦸꦱ꧀ꦱꦶꦁ​ꦭꦸꦩ꧀ꦥꦸꦃ​ꦢꦶꦲꦼꦢꦸꦤ꧀ꦤꦏꦺꦱꦏ꧀ꦥꦼꦠꦸꦫꦺꦴꦤꦺ​ꦤꦁꦠꦼꦔꦃꦲꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦤꦁꦏꦺꦴꦤꦺꦴ​꧈​ꦥꦼꦤꦼꦂꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 20ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦒꦼꦢꦺꦤꦺꦥꦼꦔꦤ꧀ꦢꦼꦭ꧀ꦭꦺ​ꦮꦺꦴꦁ​ꦭꦸꦩ꧀ꦥꦸꦃ​ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦔ꧀ꦒꦺꦴꦠꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦢꦺꦏ꧀ꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​:“ꦏꦁ​​꧈​ꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ!”

21꧋ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦠꦼꦫꦸꦱ꧀ꦥꦢ​ꦉꦫꦱꦤ꧀:“ꦱꦥ​ꦠ​ꦮꦺꦴꦁ​ꦲꦶꦏꦶ​ꦏꦺꦴꦏ꧀ꦮꦤꦶ​ꦚꦼꦥꦺꦭꦺꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​?ꦮꦺꦴꦁ​ꦲꦸꦫꦶꦥ꧀ꦲꦺꦴꦫ​ꦧꦶꦱ​ꦔꦥꦸꦫ​ꦢꦺꦴꦱ​꧈​ꦤꦩꦸꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺ?”

22꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦩꦶꦏꦶꦂ​ꦔꦺꦴꦤꦺꦴ​? 23ꦥꦶꦏꦶꦂꦉꦤ꧀​ꦢꦺꦮꦺ꧈​ꦒꦩ꧀ꦥꦁ​ꦱꦶꦁ​ꦲꦼꦤ꧀ꦢꦶ​:ꦔꦺꦴꦩꦺꦴꦁ'ꦢꦺꦴꦱꦩꦸ​ꦮꦶꦱ꧀ꦢꦶꦔꦥꦸꦫ'​ꦲꦥ​ꦔꦺꦴꦩꦺꦴꦁ'ꦔꦢꦼꦏ꧀ꦭꦤ꧀​ꦩ꧀ꦭꦏꦸꦮ​?’ 24ꦲꦏꦸ​ꦤꦩꦸꦁ​ꦲꦉꦥ꧀​ꦤ꧀ꦢꦸꦢꦸꦃꦲꦏꦺꦩꦫꦁ​ꦏꦺꦴꦮꦺ​ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦏꦸꦮꦶ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦥꦸꦫ​ꦢꦺꦴꦱ​ꦤꦁꦧꦸꦩꦶ​꧉”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦩꦲꦸ​:“ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​:'ꦔꦢꦼꦏ꧀ ꦥꦼꦠꦸꦫꦺꦴꦤ꧀ꦩꦸ​ꦢꦶꦥꦁꦒꦸꦭ꧀ꦭꦤ꧀ꦏꦤ​ꦩꦸꦭꦶꦃ​!’”

25꧋ꦮꦺꦴꦁꦔꦺ​ꦪ​ꦠꦼꦫꦸꦱ꧀ꦱꦏ꧀ꦮꦠ꧀ꦔꦢꦼꦏ꧀ꦤꦁꦔꦉꦥ꧀ꦥꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦺꦴꦤꦺꦴ​꧈​ꦠꦼꦫꦸꦱ꧀ꦩꦁꦒꦸꦭ꧀ꦥꦼꦠꦸꦫꦺꦴꦤꦺ​꧈​ꦠꦼꦫꦸꦱ꧀ꦩꦸꦭꦶꦃ​ꦏꦫꦺꦴ​ꦩꦼꦩꦸꦗꦶ​ꦭꦤ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ 26ꦮꦺꦴꦁꦮꦺꦴꦁ​ꦏꦧꦺꦃ​ꦩꦲꦸ​ꦔ꧀ꦒꦸꦩꦸꦤ꧀ꦤꦺꦲꦺꦫꦩ꧀ꦩꦺꦫꦩ꧀ꦭꦤ꧀ꦥꦢ​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ꦲꦠꦶꦤꦺ​ꦥꦢ​ꦏꦿꦱ​ꦮꦼꦢꦶ​꧈​ꦩꦸꦭꦤꦺ​ꦉꦫꦱꦤ꧀:“ꦊꦭꦏꦺꦴꦤ꧀ꦲꦶꦏꦶ​ꦗꦤ꧀ꦔꦶꦢꦥ꧀ꦥꦶꦢꦥ꧀ꦥꦶꦠꦼꦤꦤ꧀!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦒꦶꦭ꧀ꦭꦺꦮ꦳ꦶ꧉​

27꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧉​ꦢꦺꦏ꧀ꦤꦺꦠꦼꦫꦸꦱ꧀ꦮꦼꦫꦸꦃ​ꦱꦏ꧀ꦮꦶꦗꦶꦤꦺꦮꦺꦴꦁ​ꦧꦼꦭꦱ꧀ꦠꦶꦁꦱꦶꦁ​ꦗꦼꦤꦼꦁꦔꦺ​ꦭꦺꦮ꦳ꦶ꧉​ꦭꦺꦮ꦳ꦶꦲꦶꦗꦶꦏ꧀​ꦚ꧀ꦗꦒꦺꦴꦁꦤꦁꦏꦤ꧀ꦠꦺꦴꦂꦫꦺ​꧉​ 28ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦢꦺꦏ꧀ꦤꦺ:“ꦲ꦳ꦪꦸꦏ꧀ꦩꦺꦭꦸꦮ​ꦲꦏꦸ​꧉”ꦭꦺꦮ꦳ꦶꦠꦼꦫꦸꦱ꧀ꦩꦼꦚꦠ꧀ ꦱꦼꦩ꧀ꦧꦫꦁꦔꦺꦢꦶꦠꦶꦁꦒꦭ꧀ꦏꦧꦺꦃ​꧈​ꦠꦼꦫꦸꦱ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

29꧋ꦭꦺꦮ꦳ꦶꦠꦼꦫꦸꦱ꧀ꦔꦤꦏ꧀ꦏꦏꦺꦥꦺꦱ꧀ꦠ​ꦤꦁꦲꦺꦴꦩꦃꦲꦺ​ꦏꦁꦒꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦧꦼꦭꦱ꧀ꦠꦶꦁꦥꦶꦫꦁꦥꦶꦫꦁ​ꦭꦤ꧀ꦲꦸꦒ​ꦮꦺꦴꦁ​ꦭꦶꦪꦭꦶꦪꦤꦺ​ꦥꦢ​ꦧꦼꦧꦉꦁꦔꦤ꧀ꦩꦁꦔꦤ꧀ꦤꦁꦥꦺꦱ꧀ꦠ​ꦏꦺꦴꦤꦺꦴ​꧉​ 30ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦱꦶꦁ​ꦩꦺꦭꦸ​ꦒꦺꦴꦭꦺꦴꦁꦔꦤ꧀ꦤꦺ​ꦥꦫ​ꦥ꦳ꦫꦶꦱꦶ​ꦱꦶꦁ​ꦥꦢ​ꦮꦼꦫꦸꦃ​ꦏꦸꦮꦶ​ꦩꦲꦸ​ꦲꦺꦴꦫ​ꦱꦼꦠꦸꦗꦸ​ꦏꦫꦺꦴ​ꦊꦭꦏꦺꦴꦤ꧀ꦏꦸꦮꦶ​꧉​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦩꦁꦔꦤ꧀ꦕꦩ꧀ꦥꦸꦂ​ꦏꦫꦺꦴ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦢꦺꦴꦱ​?”

31꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦲꦸꦂꦫꦶ​:“ꦮꦺꦴꦁ​ꦱꦶꦁ​ꦮꦫꦱ꧀ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦢꦺꦴꦏ꧀ꦠꦼꦂ​꧉​ꦱꦶꦁ​ꦩ꧀ꦧꦸꦠꦸꦃꦲꦏꦺꦢꦺꦴꦏ꧀ꦠꦼꦂ​ꦏꦸꦮꦶ​ꦱꦶꦁ​ꦭꦫ​꧉​ 32ꦲꦏꦸ​ꦲꦶꦏꦶ​ꦲꦺꦴꦫ​ꦠꦼꦏ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦔꦏꦸꦤꦺ​ꦮꦶꦱ꧀ꦲꦥꦶꦏ꧀ꦲꦸꦫꦶꦥ꧀ꦥꦺ꧈​ꦲꦺꦴꦫ​꧉​ꦤꦁꦔꦶꦁ​ꦲꦏꦸ​ꦠꦼꦏ​ꦲꦶꦏꦶ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦢꦺꦴꦱ​꧈​ꦱꦸꦥꦪ​ꦥꦢ​ꦔꦏꦺꦴꦤ꧀ꦤꦶ​ꦱꦭꦃꦲꦺ​ꦭꦤ꧀ꦥꦢ​ꦤꦸꦫꦸꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦥꦱ​꧉​

33꧋ꦲꦺꦤꦺꦁꦮꦺꦴꦁ​ꦱꦶꦁ​ꦥꦢ​ꦠꦏꦺꦴꦤ꧀ꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦤꦧꦶ​ꦪꦺꦴꦲꦤꦼꦱ꧀ꦲꦗꦼꦏ꧀ꦥꦱ​ꦭꦤ꧀​ꦤ꧀ꦢꦼꦢꦺꦴꦔ​꧈​ꦱꦼꦩꦺꦴꦤꦺꦴ​ꦲꦸꦒ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦫ​ꦥ꦳ꦫꦶꦱꦶ​꧉​ꦏꦼꦤꦺꦁꦲꦥ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦺꦴꦏ꧀ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦏꦸꦮꦶ​?” 34ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦠꦲꦸ​ꦲꦺꦤꦺꦁꦢꦪꦺꦴꦃꦤꦁꦏꦮꦶꦤ꧀ꦤꦤ꧀ꦢꦶꦏꦺꦴꦁꦏꦺꦴꦤ꧀ꦥꦱ​꧈​ꦤꦺꦏ꧀ꦩꦤ꧀ꦠꦺꦤ꧀ꦤꦺ​ꦭꦤꦁ​ꦲꦶꦗꦶꦏ꧀ꦕꦩ꧀ꦥꦸꦂ​ꦏꦫꦺꦴ​ꦢꦪꦺꦴꦃꦲꦺꦩꦲꦸ​?ꦩꦼꦱ꧀ꦠꦶꦲꦺꦴꦫ​ꦠ​! 35ꦤꦁꦔꦶꦁ​ꦲꦺꦤꦺꦁꦮꦚ꧀ꦕꦶꦤꦺ​ꦤꦺꦏ꧀ꦩꦤ꧀ꦠꦺꦤ꧀ꦤꦺ​ꦭꦤꦁ​ꦧꦏꦭ꧀ꦢꦶꦒꦮ​ꦭꦸꦔ​꧉​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦮꦺꦴꦁꦮꦺꦴꦁ​ꦧꦏꦭ꧀ꦥꦢ​ꦥꦱ​꧉​”

36꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦔꦁꦒꦺꦴ​ꦒꦩ꧀ꦧꦂ​꧉​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦲꦥ​ꦠꦲꦸ​ꦲꦺꦤꦺꦁꦮꦺꦴꦁ​ꦔ꧀ꦒꦸꦤ꧀ꦠꦶꦁ​ꦏ꧀ꦭꦩ꧀ꦧꦶ​ꦲꦚꦂ​ꦏꦁꦒꦺꦴ​ꦤꦩ꧀ꦧꦭ꧀​ꦏ꧀ꦭꦩ꧀ꦧꦶ​ꦱꦶꦁ​ꦭꦮꦱ꧀?ꦩꦼꦱ꧀ꦠꦶꦲꦺꦴꦫ​!ꦲꦮꦶꦠ꧀​ꦏ꧀ꦭꦩ꧀ꦧꦶꦤꦺ​ꦲꦚꦂ​ꦩꦼꦁꦏꦺꦴ​ꦩꦼꦱ꧀ꦠꦶꦫꦸꦱꦏ꧀꧈​ꦏꦫꦺꦴꦩꦼꦤꦺꦃ​ꦒꦺꦴꦩ꧀ꦧꦭ꧀ꦭꦺꦲꦚꦂ​ꦪ​ꦲꦺꦴꦫ​ꦥꦤ꧀ꦠꦼꦱ꧀ꦏꦫꦺꦴ​ꦏ꧀ꦭꦩ꧀ꦧꦶꦤꦺ​ꦭꦮꦱ꧀꧈​ 37ꦱꦼꦩꦺꦴꦤꦺꦴ​ꦲꦸꦒ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦩꦢꦃꦲꦶꦲꦁꦒꦸꦂ​ꦲꦚꦂ​ꦤꦁꦏꦤ꧀ꦠꦺꦴꦁꦔꦤ꧀ꦭꦸꦭꦁ​ꦱꦶꦁ​ꦭꦮꦱ꧀꧈​ꦲꦮꦶꦠ꧀ꦤꦺꦏ꧀ꦔꦺꦴꦤꦺꦴ​ꦩꦼꦁꦏꦺꦴ​ꦲꦁꦒꦸꦂ​ꦱꦶꦁ​ꦲꦚꦂ​ꦧꦏꦭ꧀​ꦩ꧀ꦧꦼꦢꦃꦲꦏꦺꦏꦤ꧀ꦠꦺꦴꦔꦤ꧀ꦤꦺꦱꦶꦁ​ ꦭꦮꦱ꧀꧈​ꦲꦁꦒꦸꦂꦫꦺ​ꦩꦼꦱ꧀ꦠꦶꦧꦏꦭ꧀ꦮꦸꦠꦃ​ꦭꦤ꧀ꦏꦤ꧀ꦠꦺꦴꦔꦤ꧀ꦤꦺꦧꦏꦭ꧀ꦲꦺꦴꦫ​ꦏꦁꦒꦺꦴ​ꦒꦮꦺ​꧉​ 38ꦲꦁꦒꦸꦂ​ꦲꦚꦂ​ꦏꦸꦮꦶ​ꦏꦸꦢꦸ​ꦢꦶꦱꦶꦩ꧀ꦥꦼꦤ꧀ꦤꦁꦏꦤ꧀ꦠꦺꦴꦁꦔꦤ꧀ꦭꦸꦭꦁ​ꦱꦶꦁ​ꦲꦚꦂ​ꦲꦸꦒ​꧉​ 39ꦱꦼꦩꦺꦴꦤꦺꦴ​ꦲꦸꦒ​꧈​ꦮꦺꦴꦁ​ꦱꦶꦁ​ꦔꦺꦴꦩ꧀ꦧꦺꦤꦺꦲꦁꦒꦸꦂ​ꦭꦮꦱ꧀ꦲꦺꦴꦫ​ꦧꦏꦭ꧀ꦒꦼꦊꦩ꧀ꦔꦺꦴꦩ꧀ꦧꦺ​ꦲꦁꦒꦸꦂ​ꦲꦚꦂ​꧉​ꦢꦺꦏ꧀ꦤꦺ​ꦧꦏꦭ꧀ꦔꦺꦴꦩꦺꦴꦁ:'ꦲꦁꦒꦸꦂ​ꦱꦶꦁ​ꦭꦮꦱ꧀ꦲꦺꦤꦏ꧀ꦠꦼꦤꦤ꧀꧈​’” ↑ ↑ ↑


꧋ꦧꦧ꧀ꦢꦶꦤ​ꦱꦧꦠ꧀꧈​

꧇​꧖꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦠꦸꦫꦸꦠ꧀ꦏꦼꦧꦺꦴꦤ꧀ꦥꦫꦶ​ꦒꦤ꧀ꦢꦸꦩ꧀꧈​ꦥꦫ​ꦩꦸꦫꦶꦢ꧀ꦥꦢ​ꦔꦼꦥꦺꦏ꧀ꦥꦫꦶꦤꦺ​꧉​ꦥꦫꦶꦤꦺ​ꦩꦲꦸ​ꦠꦼꦫꦸꦱ꧀ꦢꦶꦉꦩꦼꦠ꧀ꦠꦶ꧈​ꦠꦼꦫꦸꦱ꧀ꦒꦤ꧀ꦢꦸꦩ꧀ꦩꦺ​ꦢꦶꦥꦔꦤ꧀꧈​ 2ꦩꦸꦭꦤꦺ​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦥꦢ​ꦔ꧀ꦭꦸꦫꦸꦃꦲꦶꦔꦺꦤꦺ​:“ꦏꦺꦴꦮꦺ​ꦏꦸꦮꦶ​ꦥꦢ​ꦔꦥ​ꦲꦶꦏꦸ​꧉​ꦏꦺꦴꦮꦺ​ꦔꦼꦂꦠꦶ​ꦠ​ꦤꦺꦏ꧀ꦲꦺꦴꦫ​ꦏꦼꦤꦺꦁꦤꦶꦤ꧀ꦢꦏ꧀ꦏꦏꦺꦏꦸꦮꦶ​ꦲꦶꦁ​ꦢꦶꦤ​ꦱꦧꦠ꧀!”

3꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦥ​ꦏꦺꦴꦮꦺ​ꦲꦺꦴꦫ​ꦠꦲꦸ​ꦩꦕ​ꦧꦧ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦣꦮ꦳ꦼꦢ꧀ ꦢꦺꦴꦁꦔꦺꦢꦺꦏ꧀ꦤꦺꦱꦏ꧀ꦧꦭꦤꦺ​ꦥꦢ​ꦔꦼꦭꦶꦃ​꧉​ 4ꦣꦮ꦳ꦼꦢ꧀​ꦔ꧀ꦊꦧꦺꦴꦤ꧀ꦤꦶꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦱꦸꦕꦶ​ꦠꦼꦫꦸꦱ꧀ꦢꦶꦥꦔꦤ꧀ꦭꦤ꧀ꦭꦶꦪꦭꦶꦪꦤꦺ​ꦱꦶꦁ​ꦩꦺꦭꦸ​ꦢꦶꦏꦺꦏ꧀ꦏꦶꦲꦩ꧀ꦧꦫꦁ​꧉​ꦭꦃ​ꦱꦏ꧀ꦗꦤꦺꦭꦲꦸꦠ꧀ꦤꦩꦸꦁ​ꦥꦫ​ꦲꦶꦩꦩ꧀ꦠ​ꦱꦶꦁ​ꦲꦺꦤ꧀ꦠꦸꦏ꧀ꦩꦁꦔꦤ꧀ꦫꦺꦴꦠꦶ​ꦱꦸꦕꦶ​ꦏꦸꦮꦶ​?ꦮꦺꦴꦁ​ꦭꦶꦪ​ꦲꦺꦴꦫ​ꦲꦺꦤ꧀ꦠꦸꦏ꧀!”

5꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦤꦏ꧀ꦏꦺ​ꦩꦤꦸꦁꦱ​ꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦔꦫꦤ꧀ꦤꦶ​ꦲꦥ​ꦱꦶꦁ​ꦏꦼꦤꦺꦁꦭꦤ꧀ꦲꦥ​ꦱꦶꦁ​ꦲꦺꦴꦫ​ꦏꦼꦤꦺꦁꦢꦶꦠꦶꦤ꧀ꦢꦏ꧀ꦏꦏꦺꦲꦶꦁ​ꦢꦶꦤ​ꦱꦧꦠ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦲꦶꦁ​ꦢꦶꦤ​ꦱꦧꦠ꧀꧈​

6꧋ꦲꦶꦁ​ꦢꦶꦤ​ꦱꦧꦠ꧀ꦭꦶꦪꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦤꦁꦱꦶꦤꦒꦸꦏ꧀꧈​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦠꦔꦤ꧀ꦤꦺ​ꦠꦼꦔꦼꦤ꧀꧈​ 7ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦏꦼꦥꦺꦔꦶꦤ꧀ꦔꦼꦂꦠꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁꦔꦺ​ꦲꦥ​ꦲꦺꦴꦫ​ꦲꦶꦁ​ꦢꦶꦤ​ꦱꦧꦠ꧀ꦏꦸꦮꦶ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦔ꧀ꦒꦺꦴꦭꦺꦏ꧀ꦗꦭꦂꦫꦤ꧀ꦏꦁꦒꦺꦴ​ꦔꦼꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ 8ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦢꦺꦏ꧀ꦤꦺꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦩꦲꦸ​:“ꦫꦺꦤꦺꦔꦢꦼꦏ꧀ꦤꦁꦠꦼꦔꦃ​ꦏꦺꦤꦺ​꧉”ꦮꦺꦴꦁꦔꦺ​ꦪ​ꦩꦤꦸꦠ꧀꧈​ 9ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦩꦲꦸ​:“ꦲꦏꦸ​ꦲꦉꦥ꧀ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​ꦱꦲꦶꦏꦶ​:ꦲꦶꦁ​ꦢꦶꦤ​ꦱꦧꦠ꧀ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔ꧀ꦒꦮꦺ​ꦧꦼꦕꦶꦏ꧀ꦲꦥ​ꦔ꧀ꦒꦮꦺ​ꦲꦭ​꧉​ꦏꦸꦢꦸ​ꦤꦸꦭꦸꦁꦔꦶ​ꦲꦸꦫꦶꦥ꧀ꦥꦺꦮꦺꦴꦁ​ꦲꦥ​ꦏꦸꦢꦸ​ꦔꦼꦗꦂꦫꦏꦺꦧꦺꦤ꧀ꦩꦠꦶ​?” 10ꦱꦏ꧀ꦮꦶꦱ꧀ꦱꦺ​ꦚꦮꦁ​ꦮꦺꦴꦁꦮꦺꦴꦁ​ꦩꦲꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​:“ꦠꦔꦤ꧀ꦩꦸ​ꦢꦶꦲꦼꦠꦸꦁꦔꦏꦺ!”ꦮꦺꦴꦁꦔꦺ​ꦪ​ꦩꦤꦸꦠ꧀ꦲꦥ​ꦲꦺꦴꦩꦺꦴꦁꦔꦺ​꧈​ꦠꦔꦤ꧀ꦤꦺ​ꦠꦼꦫꦸꦱ꧀ꦩꦫꦶ​ꦏꦪ​ꦩꦲꦸꦤꦺ​ꦩꦼꦤꦺꦃ​꧉​

11꧋ꦤꦁꦔꦶꦁ​ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦩꦭꦃ​ꦥꦢ​ꦤꦼꦱꦸ​꧈​ꦠꦼꦫꦸꦱ꧀ꦥꦢ​ꦔꦽꦩ꧀ꦧꦸꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦢꦶꦏꦥꦏ꧀ꦏꦏꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦭꦶꦃ​ꦫꦱꦸꦭ꧀ꦫꦺꦴꦭꦱ꧀꧈​

12꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦁꦒꦃ​ꦒꦸꦤꦸꦁ​ꦲꦉꦥ꧀​ꦤ꧀ꦢꦺꦴꦁꦔ꧉​ꦱꦼꦮꦼꦔꦶ​ꦩꦸꦥꦸꦠ꧀ꦢꦺꦏ꧀ꦤꦺꦤ꧀ꦢꦺꦴꦁꦔꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 13ꦲꦺꦱꦸꦏ꧀ꦏꦺ​ꦢꦺꦏ꧀ꦤꦺꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦺꦴꦁꦏꦺꦴꦤ꧀ꦥꦢ​ꦩꦫ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦭꦶꦃ​ꦩꦸꦫꦶꦢ꧀ꦫꦺꦴꦭꦱ꧀ꦱꦶꦁ​ꦢꦶꦲꦫꦤ꧀ꦤꦶ​ꦫꦱꦸꦭ꧀꧈​ 14-16ꦫꦱꦸꦭ꧀ꦫꦺꦴꦭꦱ꧀ꦲꦶꦏꦶ​ꦪꦏꦸꦮꦶ​:ꦱꦶꦩꦺꦴꦤ꧀ ꦱꦶꦁ​ꦲꦸꦒ​ꦢꦶꦕꦼꦭꦸꦏ꧀​ꦦꦺꦠꦿꦸꦱ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦭꦶꦪꦤꦺ​ꦄꦤ꧀ꦢꦿꦺꦪꦱ꧀ ꦱꦼꦢꦸꦭꦸꦂꦫꦺ​ꦦꦺꦠꦿꦸꦱ꧀꧈​ꦲꦸꦒ​ꦪꦏꦺꦴꦧꦸꦱ꧀ ꦪꦺꦴꦲꦤꦼꦱ꧀ ꦥ꦳ꦶꦭꦶꦥꦸꦱ꧀ ꦧꦂꦠꦺꦴꦭꦺꦴꦩꦺꦪꦸꦱ꧀ ꦩꦠꦺꦪꦸꦱ꧀ ꦠꦺꦴꦩꦱ꧀ ꦪꦏꦺꦴꦧꦸꦱ꧀ꦲꦤꦏ꧀ꦏꦺ​ꦄꦭ꧀ꦥ꦳ꦺꦪꦸꦱ꧀ ꦱꦶꦩꦺꦴꦤ꧀ꦮꦺꦴꦁ​ꦥꦠꦿꦶꦪꦺꦴꦠ꧀ ꦪꦸꦢꦱ꧀ꦲꦤꦏ꧀ꦏꦺ​ꦪꦏꦺꦴꦧꦸꦱ꧀ꦭꦤ꧀ꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀꧈​ꦪꦸꦢꦱ꧀ꦲꦶꦏꦶ​ꦱꦶꦁ​ꦔꦼꦭꦸꦁꦔꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦩꦸꦁꦱꦸꦃꦲꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦭꦤ꧀ꦤꦩ꧀ꦧꦤꦶ​ꦮꦺꦴꦁ​꧉​

17꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦢꦸꦤ꧀ꦱꦁꦏꦒꦸꦤꦸꦁ​꧉​ꦫꦱꦸꦭ꧀ꦫꦺꦴꦭꦱ꧀ꦩꦲꦸ​ꦩꦺꦭꦸ​꧉​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦫꦠ​ꦢꦺꦏ꧀ꦤꦺꦠꦼꦫꦸꦱ꧀ꦩꦤ꧀ꦢꦼꦏ꧀꧈​ꦤꦁꦏꦺꦴꦤꦺꦴ​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔ꧀ꦭꦸꦩ꧀ꦥꦸꦏ꧀꧈​ꦏꦼꦗꦧ​ꦥꦫ​ꦩꦸꦫꦶꦢ꧀ꦲꦸꦒ​ꦮꦺꦴꦁ​ꦭꦶꦪꦭꦶꦪꦤꦺ​ꦥꦢ​ꦠꦼꦏ​ꦱꦁꦏꦧꦮꦃꦪꦸꦢꦺꦪ​꧈​ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦭꦤ꧀ꦲꦸꦒ​ꦱꦁꦏꦏꦸꦠꦏꦸꦠꦲꦸꦫꦸꦠ꧀ꦠꦺꦥꦶꦁꦒꦶꦂ​ꦭꦫ꧈​ꦏꦪꦢꦺꦤꦺꦏꦸꦠꦱꦶꦢꦺꦴꦤ꧀ꦭꦤ꧀ꦠꦶꦫꦸꦱ꧀꧈​ 18ꦮꦺꦴꦁꦮꦺꦴꦁ​ꦥꦢ​ꦠꦼꦏ​꧈​ꦗꦭꦂꦫꦤ꧀ꦥꦢ​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦲꦸꦒ​ꦱꦸꦥꦪ​ꦢꦶꦠꦩ꧀ꦧꦤꦶ​ꦊꦭꦫꦤꦺ​꧉​ꦲꦸꦒ​ꦮꦺꦴꦁꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦥꦢ​ꦤꦩ꧀ꦥ​ꦮꦫꦱ꧀꧈​ 19ꦮꦺꦴꦁ​ꦏꦧꦺꦃ​ꦩꦲꦸ​ꦥꦢ​ꦏꦼꦥꦺꦔꦶꦤ꧀​ꦤ꧀ꦢꦼꦩꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦮꦶꦠ꧀ꦲꦺꦤꦺꦁꦏꦼꦏꦸꦮꦠ꧀ꦠꦤ꧀ꦩꦼꦠꦸ​ꦱꦁꦏꦲꦮꦏ꧀ꦏꦺ​ꦭꦤ꧀ꦏꦼꦏꦸꦮꦠ꧀ꦠꦤ꧀ꦏꦸꦮꦶ​ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦭꦫ​꧉​

꧋ꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

20꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦔꦺꦴꦩꦺꦴꦁ:

“ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦩ꧀ꦭꦫꦠ꧀
ꦲꦮꦶꦠ꧀ꦏꦺꦴꦮꦺ​ꦏꦸꦮꦶ​ꦤ꧀ꦢꦸꦮꦺꦤ꧀ꦤꦶ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​
21ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦔꦼꦭꦶꦃ​꧈​
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦮꦫꦱ꧀ꦩꦸ꧉​
ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦱꦲꦶꦏꦶ​ꦠꦔꦶꦱ꧀ꦱꦤ꧀
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀​ꦔ꧀ꦒꦸꦪꦸ​꧉​

22꧋“ꦧꦼꦗꦏꦺꦴꦮꦺ​ꦏꦧꦺꦃ​ꦱꦶꦁ​ꦢꦶꦱꦼꦔꦶꦠ꧀ꦠꦶ​ꦮꦺꦴꦁ​꧈​ꦱꦶꦁ​ꦲꦺꦴꦫ​ꦢꦶꦲꦶꦠꦸꦁ꧈​ꦱꦶꦁ​ꦢꦶꦕꦠꦸꦂ​ꦲꦭ​ꦭꦤ꧀ꦢꦶꦲꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦗꦭꦂꦫꦤ꧀ꦤꦸꦫꦸꦠ꧀ꦲꦤꦏ꧀ꦏꦺ​ꦩꦤꦸꦁꦱ​꧉​ 23ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦏꦺꦴꦮꦺ​ꦩꦭꦃ​ꦏꦸꦢꦸ​ꦧꦸꦔꦃ​ꦭꦤ꧀ꦗꦶꦁꦏ꧀ꦭꦏ꧀ꦗꦶꦁꦏ꧀ꦭꦏ꧀ ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦥꦃꦱꦶꦁ​ꦒꦼꦢꦺꦤꦁꦱ꧀ꦮꦂꦒ​꧉​ꦩ꧀ꦧꦃꦩ꧀ꦧꦲꦤ꧀ꦤꦺꦮꦺꦴꦁꦮꦺꦴꦁ​ꦏꦸꦮꦶ​ꦢꦺꦏ꧀​ꦩ꧀ꦧꦶꦪꦺꦤ꧀ꦮꦸꦗꦸꦠ꧀ꦠꦺꦪ​ꦮꦶꦱ꧀ꦤꦶꦤ꧀ꦢꦏ꧀ꦏꦏꦺꦱꦶꦁ​ꦲꦭ​ꦏꦸꦮꦶ​ꦩꦫꦁ​ꦥꦫ​ꦤꦧꦶ​꧉​

24ꦤꦁꦔꦶꦁ​ꦲꦮꦱ꧀ ꦏꦺꦴꦮꦺ​ꦱꦶꦁ​ꦱꦲꦶꦏꦶ​ꦱꦸꦒꦶꦃ​꧈​
ꦲꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦮꦶꦱ꧀ꦔꦿꦱꦏ꧀ꦏꦏꦺꦏꦼꦥꦺꦤꦏ꧀ꦏꦺ​ꦢꦺꦴꦚ​꧉​
25ꦲꦮꦱ꧀ ꦏꦺꦴꦮꦺ​ꦱꦶꦁ​ꦱꦲꦶꦏꦶ​ꦮꦫꦱ꧀ꦩꦸ꧈​
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦏꦼꦏꦸꦫꦁꦔꦤ꧀ꦥꦔꦤ꧀꧈​
ꦲꦮꦱ꧀ꦏꦺꦴꦮꦺ​ꦱꦶꦁ​ꦱꦲꦶꦏꦶ​ꦔ꧀ꦒꦸꦪꦸ​꧈​
ꦲꦮꦶꦠ꧀ꦏꦺꦴꦮꦺ​ꦧꦏꦭ꧀ꦱꦼꦢꦶꦭꦤ꧀ꦤꦔꦶꦱ꧀꧈​

26꧋“ꦲꦮꦱ꧀ ꦏꦺꦴꦮꦺ​ꦱꦶꦁ​ꦢꦶꦲꦼꦊꦩ꧀ꦏꦫꦺꦴ​ꦏꦧꦺꦃ​ꦮꦺꦴꦁ​꧈​ꦲꦮꦶꦠ꧀ꦪ​ꦔꦺꦴꦤꦺꦴ​ꦏꦸꦮꦶ​ꦲꦼꦁꦒꦺꦴꦤꦺ​ꦩ꧀ꦧꦃꦩ꧀ꦧꦲꦤ꧀ꦤꦺꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦔꦼꦊꦩ꧀ꦤꦧꦶꦤꦧꦶ​ꦱꦶꦁ​ꦥꦭ꧀ꦱꦸ​꧉​”

꧋ꦧꦧ꧀ꦤꦿꦺꦱ꧀ꦤꦤ꧀ꦤꦶꦩꦸꦁꦱꦸꦃꦲꦺ​꧉​

27꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦏꦺꦴꦮꦺ​ꦱꦶꦁ​ꦤꦩ꧀ꦥ​ꦠꦼꦩ꧀ꦧꦸꦁꦏꦸ​꧈​ꦫꦸꦔꦺꦴꦏ꧀ꦏꦏꦺꦲꦶꦏꦶ​:ꦥꦢ​ꦠꦿꦺꦱ꧀ꦤꦲꦩꦫꦁ​ꦩꦸꦁꦱꦸꦃꦩꦸ​꧈​ꦔ꧀ꦒꦮꦺꦪꦧꦼꦕꦶꦏ꧀ꦩꦫꦁ​ꦮꦺꦴꦁ​ꦱꦶꦁ​ꦱꦼꦔꦶꦠ꧀ꦩꦫꦁ​ꦏꦺꦴꦮꦺ​꧉​ 28ꦮꦺꦴꦁ​ꦱꦶꦁ​ꦩꦸꦗꦺꦏ꧀ꦏꦏꦺꦲꦭ​ꦩꦫꦁ​ꦏꦺꦴꦮꦺ​ꦩꦭꦃ​ꦏꦸꦢꦸ​ꦲꦩ꧀ꦧꦺꦴꦏ꧀ꦱꦸꦮꦸꦤ꧀ꦤꦏꦺꦧꦼꦂꦏꦃ​ꦭꦤ꧀ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦲꦭ​ꦩꦫꦁ​ꦏꦺꦴꦮꦺ​ꦏꦸꦢꦸ​ꦲꦩ꧀ꦧꦺꦴꦏ꧀ꦢꦺꦴꦔꦏ꧀ꦏꦺꦱ꧀ꦭꦩꦼꦠ꧀꧈​ 29ꦮꦺꦴꦁ​ꦱꦶꦁ​ꦔꦼꦥ꧀ꦭꦏ꧀ꦥꦶꦥꦶꦩꦸ​ꦱꦶꦁ​ꦱꦶꦗꦶ​꧈​ꦏꦺꦏ꧀ꦤꦥꦶꦱꦤ꧀ꦥꦶꦥꦶꦩꦸ​ꦱꦶꦁ​ꦭꦶꦪꦤꦺ​꧉​ꦮꦺꦴꦁ​ꦱꦶꦁ​ꦔꦽꦧꦸꦠ꧀ꦗꦱ꧀ꦩꦸ​꧈​ꦏꦺꦏ꧀ꦤꦥꦶꦱꦤ꧀​ꦏ꧀ꦭꦩ꧀ꦧꦶꦩꦸ​꧉​ 30ꦤꦺꦏ꧀ꦲꦺꦤꦺꦁꦮꦺꦴꦁ​ꦚ꧀ꦗꦭꦸꦏ꧀ꦲꦥꦲꦥ​ꦩꦫꦁ​ꦏꦺꦴꦮꦺ​꧈​ꦏꦺꦏ꧀ꦤ꧉​ꦤꦺꦏ꧀ꦲꦺꦤꦺꦁꦮꦺꦴꦁ​ꦔꦽꦧꦸꦠ꧀ꦧꦫꦁꦩꦸ​꧈​ꦲꦗ​ꦢꦶꦗꦭꦸꦏ꧀ꦩꦼꦤꦺꦃ​꧉​ 31ꦤꦺꦏ꧀ꦏꦺꦴꦮꦺ​ꦏꦼꦥꦺꦔꦶꦤ꧀ꦮꦺꦴꦁ​ꦭꦶꦪ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦏꦺꦴꦮꦺ​꧈​ꦏꦺꦴꦮꦺ​ꦏꦸꦢꦸ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦭꦶꦪꦤꦺ​꧉​

32꧋“ꦭꦃ​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦤꦿꦺꦱ꧀ꦤꦤ꧀ꦤꦶꦮꦺꦴꦁ​ꦱꦶꦁ​ꦠꦿꦺꦱ꧀ꦤꦩꦫꦁ​ꦏꦺꦴꦮꦺ​꧈​ꦲꦗ​ꦚ꧀ꦗꦒꦏ꧀ꦏꦏꦺꦲꦸꦥꦃꦲꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦲꦺꦤꦺꦁꦧꦺꦢꦤꦺ​ꦏꦫꦺꦴ​ꦮꦺꦴꦁ​ꦢꦺꦴꦱ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦤꦩꦸꦁ​ꦤꦿꦺꦱ꧀ꦤꦤ꧀ꦤꦶꦮꦺꦴꦁ​ꦱꦶꦁ​ꦠꦿꦺꦱ꧀ꦤꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​꧉​ 33ꦲꦸꦒ​ꦤꦺꦏ꧀ꦏꦺꦴꦮꦺ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦏꦺꦴꦮꦺ​꧈​ꦏꦺꦴꦮꦺ​ꦲꦗ​ꦚ꧀ꦗꦒꦏ꧀ꦏꦏꦺꦲꦸꦥꦃꦲꦺꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦮꦺꦴꦁ​ꦢꦺꦴꦱ​ꦪ​ꦤꦶꦤ꧀ꦢꦏ꧀ꦏꦏꦺꦔꦺꦴꦤꦺꦴ​꧉​ 34ꦭꦃ​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦔꦸꦠꦁꦔꦶ​ꦮꦺꦴꦁ​ꦱꦶꦁ​ꦧꦶꦱ​ꦚꦲꦸꦂ​꧈​ꦲꦗ​ꦚ꧀ꦗꦒꦏ꧀ꦏꦏꦺꦲꦸꦥꦃꦲꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ꦲꦮꦶꦠ꧀ꦮꦺꦴꦁ​ꦢꦺꦴꦱ​ꦪ​ꦔꦸꦠꦁꦔꦶ​ꦮꦺꦴꦁ​ꦢꦺꦴꦱ​꧈​ꦔꦼꦂꦠꦶ​ꦤꦺꦏ꧀ꦧꦏꦭ꧀ꦤꦩ꧀ꦥ​ꦩꦼꦤꦺꦃ​ꦲꦥ​ꦱꦶꦁ​ꦢꦶꦲꦸꦠꦁꦔꦏꦺ꧉​ 35ꦤꦁꦔꦶꦁ​ꦏꦺꦴꦮꦺ​ꦲꦗ​ꦏꦪ​ꦔꦺꦴꦤꦺꦴ​!ꦥꦢ​ꦠꦿꦺꦱ꧀ꦤꦲꦩꦫꦁ​ꦩꦸꦁꦱꦸꦃꦩꦸ​ꦭꦤ꧀​ꦔ꧀ꦒꦮꦺꦪꦧꦼꦕꦶꦏ꧀ꦩꦫꦁ​ꦢꦺꦏ꧀ꦤꦺ꧉​ꦤꦺꦏ꧀ꦔꦸꦠꦁꦔꦶ​ꦮꦺꦴꦁ​꧈​ꦲꦗ​ꦩꦶꦏꦶꦂ​ꦧꦏꦭ꧀ꦢꦶꦱꦮꦸꦂ​ꦲꦥ​ꦲꦺꦴꦫ​꧉​ꦤꦺꦏ꧀ꦏꦺꦴꦮꦺ​ꦤꦶꦤ꧀ꦢꦏ꧀ꦏꦏꦺꦔꦺꦴꦤꦺꦴ​꧈​ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦥꦃꦱꦶꦁ​ꦒꦼꦢꦺꦭꦤ꧀ꦏꦺꦴꦮꦺ​ꦧꦏꦭ꧀ꦢꦢꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦭꦸꦲꦸꦂ​ꦢꦺꦮꦺ꧉​ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔ꧀ꦒꦮꦺ​ꦧꦼꦕꦶꦏ꧀ꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦔꦼꦂꦠꦶ​ꦢꦶꦧꦼꦕꦶꦏ꧀ꦏꦶ​ꦭꦤ꧀ꦩꦫꦁ​ꦮꦺꦴꦁ​ꦱꦶꦁ​ꦲꦭ​꧉​ 36ꦩꦸꦭꦤꦺ​ꦏꦺꦴꦮꦺ​ꦏꦸꦢꦸ​ꦤ꧀ꦢꦸꦮꦺꦲꦠꦶ​ꦮꦼꦭꦱ꧀ꦏꦪ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦩꦸ​ꦤ꧀ꦢꦸꦮꦺꦮꦼꦭꦱ꧀꧈​

37꧋“ꦲꦗ​ꦩꦲꦶꦢꦺꦴ​ꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦩꦲꦶꦢꦺꦴ​ꦏꦺꦴꦮꦺ​꧉​ꦲꦗ​ꦚꦭꦃꦚꦭꦃꦲꦏꦺꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦚꦭꦃꦚꦭꦃꦲꦏꦺꦏꦺꦴꦮꦺ​꧉​ꦔꦥꦸꦫꦲ​ꦭꦶꦪꦤꦺ​꧈​ꦱꦸꦥꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦥꦸꦫ​ꦏꦺꦴꦮꦺ​꧉​ 38ꦥꦢ​ꦥꦮꦺꦃꦲꦩꦫꦁ​ꦭꦶꦪꦤꦺ​ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦧꦏꦭ꧀ꦥꦮꦺꦃꦩꦫꦁ​ꦏꦺꦴꦮꦺ​꧉​ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦥꦮꦺꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦤ꧀ꦠꦶꦭꦸꦧꦺꦂ​꧈​ꦏꦤ꧀ꦠꦶꦠꦼꦠꦼꦭ꧀ꦠꦼꦠꦼꦭ꧀꧈​ꦲꦮꦶꦠ꧀ꦠꦏꦼꦂꦫꦤ꧀ꦱꦶꦁ​ꦲꦩ꧀ꦧꦺꦴꦏ꧀ꦏꦁꦒꦺꦴꦏ꧀ꦏꦏꦺꦏꦁꦒꦺꦴ​ꦭꦶꦪꦤꦺ​꧈​ꦪ​ꦠꦏꦼꦂꦫꦤ꧀ꦏꦸꦮꦶ​ꦱꦶꦁ​ꦢꦶꦏꦁꦒꦺꦴꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦏꦺꦴꦮꦺ​꧉​”

39꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦸꦒ​ꦔꦼꦏꦺꦏ꧀ꦏꦶꦒꦩ꧀ꦧꦂ​ꦔꦺꦤꦺ​:“ꦮꦺꦴꦁ​ꦭꦩꦸꦂ​ꦲꦥ​ꦧꦶꦱ​ꦤꦸꦤ꧀ꦠꦸꦤ꧀ꦮꦺꦴꦁ​ꦭꦩꦸꦂ​ꦭꦶꦪꦤꦺ​?ꦩꦼꦱ꧀ꦠꦶꦲꦺꦴꦫ​!ꦩꦼꦁꦏꦺꦴ​ꦏꦧꦺꦃ​ꦭꦺꦴꦫꦺꦴ​ꦏꦼꦕꦼꦩ꧀ꦥ꧀ꦭꦸꦁ​ꦭꦸꦮꦁꦔꦤ꧀꧈​ 40ꦲꦺꦴꦫ​ꦲꦺꦤꦺꦁꦩꦸꦫꦶꦢ꧀ꦱꦶꦁ​ꦔꦸꦁꦏꦸꦭ꧀ꦭꦶ​ꦒꦸꦫꦸꦤꦺ​꧉​ꦤꦺꦏ꧀ꦩꦸꦫꦶꦢ꧀ꦢꦺ​ꦮꦶꦱ꧀ꦠꦸꦠꦸꦏ꧀ꦱꦶꦁ​ꦱꦶꦤꦲꦸ​꧈​ꦢꦺꦏ꧀ꦤꦺꦧꦶꦱ​ꦥꦢ​ꦏꦫꦺꦴ​ꦒꦸꦫꦸꦤꦺ​꧉​

41꧋“ꦏꦼꦤꦺꦁꦲꦥ​ꦏꦺꦴꦮꦺ​ꦮꦼꦫꦸꦃ​ꦏ꧀ꦭꦶꦭꦶꦥ꧀ꦤꦁꦩꦿꦶꦥꦠ꧀ꦠꦺ​ꦱꦼꦢꦸꦭꦸꦂꦩꦸ꧈​ꦤꦁꦔꦶꦁ​ꦧꦭꦺꦴꦏ꧀ꦲꦶꦁ​ꦩꦿꦶꦥꦠ꧀ꦩꦸ​ꦢꦺꦮꦺꦏꦺꦴꦮꦺ​ꦲꦺꦴꦫ​ꦮꦼꦫꦸꦃ​꧉​ 42ꦭꦃ​ꦏꦺꦴꦮꦺ​ꦧꦶꦱ​ꦔꦺꦴꦩꦺꦴꦁꦏꦫꦺꦴ​ꦏꦚ꧀ꦕꦤꦺ​:'ꦏꦺꦤꦺ​ꦏ꧀ꦭꦶꦭꦶꦥ꧀ꦤꦁꦩꦿꦶꦥꦠ꧀ꦩꦸ​ꦠꦏ꧀ꦧꦸꦮꦁꦔꦺ꧈'​ꦤꦁꦔꦶꦁ​ꦧꦭꦺꦴꦏ꧀ꦤꦁꦩꦿꦶꦥꦠ꧀ꦩꦸ​ꦢꦺꦮꦺꦏꦺꦴꦮꦺ​ꦲꦺꦴꦫ​ꦮꦼꦫꦸꦃ​꧉​ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦭꦩꦶꦱ꧀꧈​ꦧꦭꦺꦴꦏ꧀ꦱꦶꦁ​ꦤꦁꦩꦿꦶꦥꦠ꧀ꦩꦸ​ꦏꦸꦮꦶ​ꦧꦸꦮꦁꦔꦼꦤ꧀​ꦤ꧀ꦢꦶꦱꦶꦏ꧀ ꦱꦸꦥꦪ​ꦏꦺꦴꦮꦺ​ꦧꦶꦱ​ꦮꦼꦫꦸꦃ​ꦩꦠ꧀ꦭꦤ꧀ꦧꦶꦱ​ꦲꦩ꧀ꦧꦸꦮꦁ​ꦏ꧀ꦭꦶꦭꦶꦥ꧀ꦱꦁꦏꦩꦿꦶꦥꦠ꧀ꦠꦺ​ꦮꦺꦴꦁ​ꦭꦶꦪ​꧉​”

꧋ꦧꦧ꧀ꦱꦶꦁ​ꦲꦥꦶꦏ꧀ꦭꦤ꧀ꦱꦶꦁ​ꦲꦭ​꧉​

43꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦲꦺꦴꦫ​ꦲꦺꦤꦺꦁꦮꦶꦠ꧀ꦲꦥꦶꦏ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦭ​꧉​ꦱꦼꦩꦺꦴꦤꦺꦴ​ꦲꦸꦒ​ꦲꦺꦴꦫ​ꦲꦺꦤꦺꦁꦮꦶꦠ꧀ꦲꦭ​ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦱꦶꦁ​ꦲꦥꦶꦏ꧀꧈​ 44ꦱꦧꦼꦤ꧀ꦮꦶꦠ꧀ꦏꦸꦮꦶ​ꦏꦼꦠꦫꦤꦺꦱꦁꦏꦮꦺꦴꦃꦲꦺ​꧉​ꦏꦺꦴꦮꦺ​ꦲꦺꦴꦫ​ꦧꦶꦱ​ꦔꦼꦥꦺꦏ꧀ꦗꦩ꧀ꦧꦸ​ꦱꦁꦏꦉꦫꦸꦁꦏꦸꦠ꧀ꦠꦤ꧀ꦭꦤ꧀ꦠꦸꦏꦸꦭ꧀ꦭꦤ꧀ꦲꦼꦫꦶ​ꦲꦺꦴꦫ​ꦧꦏꦭ꧀ꦔꦼꦠꦺꦴꦏ꧀ꦏꦏꦺꦢꦽꦲꦶꦥ꦳꧀꧈​ 45ꦮꦺꦴꦁ​ꦧꦼꦕꦶꦏ꧀ꦏꦸꦮꦶ​ꦲꦠꦶꦤꦺ​ꦪ​ꦩꦼꦱ꧀ꦠꦶꦧꦼꦕꦶꦏ꧀ꦭꦤ꧀ꦧꦏꦭ꧀ꦧꦶꦱ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦧꦼꦕꦶꦏ꧀ꦱꦁꦏꦱꦶꦩ꧀ꦥꦼꦤ꧀ꦤꦤ꧀ꦤꦺ​꧉​ꦤꦁꦔꦶꦁ​ꦮꦺꦴꦁ​ꦲꦭ​ꦏꦸꦮꦶ​ꦲꦠꦶꦤꦺ​ꦪ​ꦲꦭ​ꦭꦤ꧀ꦪ​ꦔꦼꦠꦺꦴꦏ꧀ꦏꦏꦺꦧꦫꦁ​ꦱꦶꦁ​ꦲꦭ​ꦱꦁꦏꦱꦶꦩ꧀ꦥꦼꦤ꧀ꦤꦤ꧀ꦤꦺ​꧉​ꦲꦮꦶꦠ꧀ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦸꦮꦶ​ꦩꦼꦠꦸꦤꦺ​ꦱꦁꦏꦩ꧀​ꦧ꧀ꦭꦸꦢꦏ꧀ꦏꦏꦺꦲꦠꦶꦤꦺ​꧉​”

꧋ꦧꦧ꧀ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​꧉​

46꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦚꦼꦭꦸꦏ꧀ꦲꦏꦸ​:'ꦒꦸꦱ꧀ꦠꦶ​꧈​ꦒꦸꦱ꧀ꦠꦶ​꧈'​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦲꦺꦴꦩꦺꦴꦁꦏꦸ? 47ꦱꦥ​ꦮꦲꦺ​ꦱꦶꦁ​ꦠꦼꦏ​ꦤꦁꦔ꧀ꦒꦺꦴꦤ꧀ꦏꦸ​꧈​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦠꦼꦩ꧀ꦧꦸꦁꦏꦸ​ꦭꦤ꧀ꦤꦶꦤ꧀ꦢꦏ꧀ꦏꦏꦺꦥꦶꦮꦸꦭꦁꦏꦸ​꧈​ꦮꦺꦴꦁ​ꦲꦶꦏꦸ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​?ꦱꦲꦶꦏꦶ​ꦲꦉꦥ꧀ꦠꦏ꧀ꦲꦺꦴꦩꦺꦴꦁꦔꦶ꧉​ 48ꦮꦺꦴꦁ​ꦏꦸꦮꦶ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦔ꧀ꦒꦮꦺ​ꦲꦺꦴꦩꦃ​꧉​ꦮꦺꦴꦁꦔꦺ​ꦔꦼꦢꦸꦏ꧀ꦭꦸꦮꦁꦔꦤ꧀ꦗꦼꦫꦸꦠꦼꦫꦸꦱ꧀ꦩꦱꦁ​ꦥꦺꦴꦤ꧀ꦢꦱꦶꦤꦺꦤꦁꦮꦠꦸ​꧉​ꦤꦺꦏ꧀ꦲꦸꦢꦤ꧀ꦤꦺ​ꦒꦼꦢꦺꦭꦤ꧀ꦧꦚꦸꦤꦺ​ꦭꦫꦔꦤ꧀ꦠꦼꦩ꧀ꦩꦶ​ꦲꦺꦴꦩꦃꦲꦺ​꧈​ꦲꦺꦴꦩꦃ​ꦏꦸꦮꦶ​ꦲꦺꦴꦫ​ꦧꦶꦱ​ꦫꦸꦧꦸꦃ​꧈​ꦲꦮꦶꦠ꧀ꦔꦢꦼꦏ꧀ꦏꦼꦚ꧀ꦕꦼꦁ​ꦤꦁꦮꦠꦸ​꧉​ 49ꦤꦁꦔꦶꦁ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦏꦸ​꧈​ꦩꦸꦁ​ꦲꦺꦴꦫ​ꦢꦶꦭꦏꦺꦴꦤ꧀ꦤꦶ​꧈​ꦏꦸꦮꦶ​ꦏꦪ​ꦮꦺꦴꦁ​ꦱꦶꦁ​ꦔꦼꦢꦼꦏ꧀ꦏꦏꦺꦲꦺꦴꦩꦃ​ꦠꦤ꧀ꦥ​ꦥꦺꦴꦤ꧀ꦢꦱꦶ꧉​ꦏꦢꦸꦁ​ꦧꦚꦸꦤꦺ​ꦭꦫꦔꦤ꧀ꦠꦼꦩ꧀ꦲꦺꦴꦩꦃꦲꦺ​꧈​ꦲꦺꦴꦩꦃꦲꦺ​ꦫꦸꦧꦸꦃ​꧈​ꦲꦩ꧀ꦧꦿꦸꦏ꧀ꦱꦏ꧀ꦏꦧꦺꦃꦲꦺ꧉​” ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦱ꧀ꦭꦥ꦳꧀ꦥ꦳ꦺꦲꦺꦴꦥ꦳ꦶꦱꦶꦂ꧉​

꧇​꧗꧇​ 1꧋ꦱꦏ꧀ꦮꦶꦱ꧀ꦱꦺ​ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦩꦼꦩꦸꦭꦁ​ꦩꦫꦁ​ꦮꦺꦴꦁꦮꦺꦴꦁ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦏꦸꦠꦑꦥꦺꦂꦤꦏꦸꦩ꧀꧈​ 2ꦤꦁꦏꦺꦴꦤꦺꦴ​ꦲꦺꦤꦺꦁꦱꦏ꧀ꦮꦶꦗꦶꦤꦺꦲꦺꦴꦥ꦳ꦶꦱꦶꦂꦬꦸꦩ꧀ꦱꦶꦁ​ꦤ꧀ꦢꦸꦮꦺꦱ꧀ꦭꦥ꦳꧀ꦱꦶꦁ​ꦢꦶꦠꦿꦺꦱ꧀ꦤꦤ꧀ꦤꦶꦠꦼꦤꦤ꧀꧈​ꦱ꧀ꦭꦥ꦳꧀ꦲꦶꦏꦶ​ꦭꦫ​ꦤꦼꦩꦼꦤ꧀ ꦮꦶꦱ꧀ꦲꦉꦥ꧀ꦩꦠꦶ​꧉​ 3ꦏꦢꦸꦁ​ꦲꦺꦴꦥ꦳ꦶꦱꦶꦂꦩꦲꦸ​ꦏꦿꦸꦔꦸ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦺꦏ꧀ꦤꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦥꦼꦔꦉꦥ꧀ꦥꦺ​ꦮꦺꦴꦁ​ꦙꦸꦱꦶꦗꦶꦭꦺꦴꦫꦺꦴꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦸꦥꦪ​ꦠꦼꦏ​ꦤꦁꦲꦺꦴꦩꦃꦲꦺ​ꦭꦤ꧀ꦤꦩ꧀ꦧꦤꦶ​ꦱ꧀ꦭꦥ꦳꧀ꦥ꦳ꦺ꧉​ 4ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦲꦸ​ꦠꦼꦫꦸꦱ꧀ꦧꦸꦢꦭ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦢꦸꦁ​ꦮꦶꦱ꧀ꦠꦼꦏꦤ꧀ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦩ꧀ꦧꦺꦴꦏ꧀ꦲꦺꦴꦥ꦳ꦶꦱꦶꦂꦲꦶꦏꦶ​ꦢꦶꦠꦸꦭꦸꦁꦔꦶ​ꦠ​꧈​ꦲꦮꦶꦠ꧀ꦲꦺꦴꦫ​ꦲꦺꦤꦺꦁꦲꦶꦭꦁꦔꦺ​꧉​ 5ꦮꦺꦴꦁꦔꦺ​ꦠꦿꦺꦱ꧀ꦤꦩꦫꦁ​ꦧꦁꦱꦤꦺ​ꦲꦮꦏ꧀ꦏꦺ​ꦢꦺꦮꦺ꧈​ꦮꦸꦗꦸꦠ꧀ꦠꦺꦢꦺꦏ꧀ꦤꦺꦔ꧀ꦒꦮꦺꦏ꧀ꦏꦏꦺꦱꦶꦤꦒꦸꦏ꧀ꦲꦮꦏ꧀ꦏꦺ​ꦢꦺꦮꦺ꧉​”

6꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦺꦭꦸ​ꦮꦺꦴꦁꦮꦺꦴꦁ​ꦩꦲꦸ​꧉​ꦏꦢꦸꦁ​ꦮꦶꦱ꧀ꦕꦼꦢꦼꦏ꧀​ꦲꦺꦴꦩꦃꦲꦺ​꧈​ꦲꦺꦴꦥ꦳ꦶꦱꦶꦫꦺꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦏꦚ꧀ꦕꦏꦚ꧀ꦕꦤꦺ​ꦩꦼꦠꦸꦮꦒꦸꦱ꧀ꦠꦶ​ꦪꦺꦯꦸꦱ꧀ ꦏꦺꦴꦁꦏꦺꦴꦤ꧀ꦔꦺꦴꦩꦺꦴꦁ:“ꦒꦸꦫꦸ​꧈​ꦲꦺꦴꦫ​ꦲꦸꦱꦃꦔ꧀ꦭꦸꦩꦸꦃꦲꦶꦠꦼꦏ​ꦤꦁꦲꦺꦴꦩꦃꦏꦸ​꧉​ꦲꦏꦸ​ꦲꦺꦴꦫ​ꦥꦤ꧀ꦠꦼꦱ꧀ꦲꦩ꧀ꦧꦺꦴꦏ꧀ꦢꦪꦺꦴꦃꦲꦶ꧉​ 7ꦲꦏꦸ​ꦢꦺꦮꦺꦪ​ꦫꦸꦩꦁꦱ​ꦲꦺꦴꦫ​ꦥꦤ꧀ꦠꦼꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦩꦸ​꧉​ꦩ꧀ꦧꦺꦴꦏ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦏ꧀ꦏꦼꦕꦥ꧀​ꦮꦲꦺ​꧈​ꦩꦼꦱ꧀ꦠꦶꦱ꧀ꦭꦥ꦳꧀ꦥ꦳ꦺꦧꦶꦱ​ꦩꦫꦶ​꧉​ 8ꦲꦮꦶꦠ꧀ꦲꦏꦸ​ꦢꦺꦮꦺꦪ​ꦲꦶꦁ​ꦱꦏ꧀ꦔꦶꦱꦺꦴꦂꦫꦺ​ꦥꦼꦁꦒꦼꦢꦺꦏꦸꦭꦤ꧀ꦲꦏꦸ​ꦢꦺꦮꦺꦲꦸꦒ​ꦤ꧀ꦢꦸꦮꦺꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦲꦶꦁ​ꦱꦏ꧀ꦔꦶꦱꦺꦴꦂꦏꦸ​ꦱꦶꦁ​ꦏꦸꦢꦸ​ꦩꦤꦸꦠ꧀ꦩꦫꦁ​ꦲꦏꦸ​꧉​ꦤꦺꦏ꧀ꦲꦏꦸ​ꦩꦿꦺꦤ꧀ꦠꦃ​ꦱꦶꦁ​ꦱꦶꦗꦶ​ꦔꦺꦴꦩꦺꦴꦁ:ꦏꦤ​ꦭꦸꦔ​꧈​ꦮꦺꦴꦁꦔꦺ​ꦪ​ꦭꦸꦔ​ꦭꦤ꧀ꦭꦶꦪꦤꦺ​ꦠꦏ꧀ꦕꦼꦭꦸꦏ꧀​:ꦫꦺꦤꦺ​꧈​ꦮꦺꦴꦁꦔꦺ​ꦩꦼꦱ꧀ꦠꦶꦠꦼꦏ​꧉​ꦤꦺꦏ꧀ꦲꦏꦸ​ꦔꦺꦴꦩꦺꦴꦁꦏꦫꦺꦴ​ꦱ꧀ꦭꦥ꦳꧀ꦏꦸ:ꦲꦶꦏꦶ​ꦢꦶꦠꦤ꧀ꦢꦁꦔꦶ​꧈​ꦩꦼꦱ꧀ꦠꦶꦪ​ꦢꦶꦠꦤ꧀ꦢꦁꦔꦶ​꧉​”

9꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦸꦩꦸꦤ꧀ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦲꦺꦴꦥ꦳ꦶꦱꦶꦂꦩꦲꦸ​꧉​ꦢꦺꦏ꧀ꦤꦺꦠꦼꦫꦸꦱ꧀​ꦤ꧀ꦢꦼꦭꦺꦴꦏ꧀ꦏꦏꦺꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦩꦺꦭꦸ​꧈​ꦠꦼꦫꦸꦱ꧀ꦔꦺꦴꦩꦺꦴꦁ:“ꦠꦼꦤꦤ꧀ ꦲꦏꦸ​ꦢꦸꦫꦸꦁ​ꦠꦲꦸ​ꦠꦸꦩꦺꦴꦤ꧀ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀ꦱꦼꦩꦺꦴꦤꦺꦴ​ꦒꦼꦢꦺꦤꦺ꧉​ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦆꦱꦿꦌꦭ꧀ꦮꦲꦺ​ꦲꦺꦴꦫ​ꦲꦺꦤꦺꦁ!”

10꧋ꦏꦢꦸꦁ​ꦮꦶꦱ꧀ꦧꦭꦶꦏ꧀ꦩꦼꦤꦺꦃ​꧈​ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦼꦠꦸꦮꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦤꦺꦏ꧀ꦱ꧀ꦭꦥ꦳꧀ꦱꦶꦁ​ꦭꦫ​ꦮꦶꦱ꧀ꦩꦫꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦔꦺꦏ꧀ꦏꦺꦮꦺꦴꦁ​ꦩꦠꦶ​꧉​

11꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦤꦲꦶꦤ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪ​ꦩꦺꦭꦸ​ ꦭꦤ꧀ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦔꦼꦠꦸꦠ꧀ꦠꦏꦺ꧉​ 12ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦩꦺꦃ​ꦠꦼꦏꦤ꧀ꦭꦮꦁꦔꦺ​ꦏꦸꦠꦏꦺꦴꦤꦺꦴ​꧈​ꦏꦺꦴꦏ꧀ꦲꦺꦤꦺꦁꦮꦺꦴꦁ​ꦩꦠꦶ​ꦢꦶꦥꦁꦒꦸꦭ꧀ꦩꦼꦠꦸ​꧉​ꦱꦶꦁ​ꦩꦠꦶ​ꦏꦸꦮꦶ​ꦧꦺꦴꦕꦃ​ꦲꦼꦤꦺꦴꦩ꧀ ꦲꦤꦏ꧀ꦱꦶꦁ​ꦲꦺꦴꦫ​ꦲꦺꦤꦺꦁꦠꦸꦁꦒꦭ꧀ꦭꦺ​꧉​ꦲꦶꦧꦸꦤꦺ​ꦮꦶꦱ꧀ꦫꦤ꧀ꦢ꧉​ꦮꦺꦴꦁ​ꦥꦶꦫꦁꦥꦶꦫꦁ​ꦱꦁꦏꦏꦸꦠꦏꦺꦴꦤꦺꦴ​ꦥꦢ​ꦩꦺꦭꦸ​ꦭꦪꦠ꧀꧈​ 13ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦭꦱ꧀ꦩꦫꦁ​ꦲꦩ꧀ꦧꦺꦴꦏ꧀ꦫꦤ꧀ꦢꦩꦲꦸ​꧈​ꦢꦺꦏ꧀ꦤꦺꦏꦿꦱ​ꦱꦼꦢꦶꦲꦸꦒ​꧉​ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦗ​ꦤꦔꦶꦱ꧀ꦧꦸ​!” 14ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦢꦼꦏ꧀ꦏꦶꦧꦤ꧀ꦢꦺꦴꦱꦤꦺꦠꦼꦫꦸꦱ꧀ꦢꦶꦢꦼꦩꦺꦏ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦩꦁꦒꦸꦭ꧀ꦧꦤ꧀ꦢꦺꦴꦱꦤꦺꦥꦢ​ꦩꦤ꧀ꦢꦼꦏ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦶꦏ꧀​꧈​ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​꧈​ꦠꦔꦶ​!” 15ꦧꦺꦴꦕꦃ​ꦱꦶꦁ​ꦩꦠꦶ​ꦩꦲꦸ​ꦠꦼꦫꦸꦱ꧀ꦗꦼꦁꦒꦺꦭꦺꦏ꧀​ꦚ꧀ꦗꦒꦺꦴꦁ꧈​ꦠꦼꦫꦸꦱ꧀ꦩꦺꦴꦭꦃꦲꦶꦔꦺꦴꦩꦺꦴꦁ꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦱꦿꦃꦲꦏꦺꦧꦺꦴꦕꦃꦲꦺ​ꦩꦫꦁ​ꦲꦶꦧꦸꦤꦺ​꧉​

16꧋ꦮꦺꦴꦁ​ꦏꦧꦺꦃ​ꦥꦢ​ꦮꦼꦢꦶ​ꦠꦼꦫꦸꦱ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:“ꦲꦺꦤꦺꦁꦤꦧꦶ​ꦒꦼꦢꦺꦠꦔꦶ​ꦤꦁꦠꦼꦔꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦠꦼꦏ​ꦲꦉꦥ꧀​ꦚ꧀ꦭꦩꦼꦠ꧀ꦠꦏꦺꦲꦸꦩꦠ꧀ꦠꦺ​!” 17ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦠꦼꦫꦸꦱ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦤꦁꦧꦮꦃꦪꦸꦢꦺꦪ​ꦱꦏ꧀ꦏꦧꦺꦃꦲꦺꦭꦤ꧀ꦲꦸꦒ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​

18꧋ꦪꦺꦴꦲꦤꦼꦱ꧀ꦏꦿꦸꦔꦸ​ꦏꦧꦂ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ 19ꦢꦺꦏ꧀ꦤꦺꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦭꦺꦴꦫꦺꦴ​ꦢꦶꦏꦺꦴꦁꦏꦺꦴꦤ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦁꦏꦺꦴꦤ꧀ꦠꦏꦺꦴꦤ꧀ꦔꦺꦤꦺ​:“ꦲꦥ​ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦺꦏ꧀ꦧꦏꦭ꧀ꦠꦼꦏ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦼꦤ꧀ꦠꦺꦤ꧀ꦤꦶ​ꦮꦺꦴꦁ​ꦭꦶꦪꦤꦺ​?”

20꧋ꦏꦢꦸꦁ​ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦮꦶꦱ꧀ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁ:“ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦱꦶꦁ​ꦔꦺꦴꦁꦏꦺꦴꦤ꧀ꦲꦮꦏ꧀ꦏꦺ​ꦢꦺꦮꦺꦠꦼꦏ​ꦤꦁꦔ꧀ꦒꦺꦴꦤ꧀ꦩꦸ​ꦏꦺꦴꦁꦏꦺꦴꦤ꧀ꦠꦏꦺꦴꦤ꧀ꦲꦥ​ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ꦱꦶꦁ​ꦏꦸꦢꦸ​ꦠꦼꦏ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔꦼꦤ꧀ꦠꦺꦤ꧀ꦤꦶ​ꦮꦺꦴꦁ​ꦭꦶꦪꦤꦺ​?”

21꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦥꦼꦤꦼꦂꦫꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦤꦩ꧀ꦧꦤꦶ​ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦭꦫ​;ꦢꦼꦩꦶꦠ꧀ꦢꦼꦩꦶꦠ꧀ꦢꦶꦠꦸꦤ꧀ꦢꦸꦁꦔꦶꦭꦤ꧀ꦮꦺꦴꦁ​ꦱꦶꦁ​ꦭꦩꦸꦂ​ꦢꦶꦠꦩ꧀ꦧꦤꦶ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧉​ 22ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​ꦔꦺꦤꦺ​ꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​:“ꦏꦤ​ꦧꦭꦶꦏ꧀ꦤꦁꦔ꧀ꦒꦺꦴꦤ꧀ꦤꦺꦪꦺꦴꦲꦤꦼꦱ꧀꧈​ꦏꦤ​ꦢꦶꦲꦺꦴꦩꦺꦴꦁꦔꦶꦧꦧ꧀ꦲꦥ​ꦱꦶꦁ​ꦏꦺꦴꦮꦺ​ꦮꦼꦫꦸꦃ​ꦭꦤ꧀ꦏꦿꦸꦔꦸ​꧉​ꦏꦤ​ꦪꦺꦴꦲꦤꦼꦱ꧀ꦢꦶꦲꦺꦴꦩꦺꦴꦁꦔꦶꦤꦺꦏ꧀ꦮꦺꦴꦁ​ꦭꦩꦸꦂ​ꦧꦶꦱ​ꦮꦼꦫꦸꦃ​ꦩꦼꦤꦺꦃ​꧈​ꦮꦺꦴꦁ​ꦭꦸꦩ꧀ꦥꦸꦃ​ꦧꦶꦱ​ꦩ꧀ꦭꦏꦸ​ꦩꦼꦤꦺꦃ​꧈​ꦮꦺꦴꦁ​ꦭꦫ​ꦭꦺꦥꦿ​ꦧꦶꦱ​ꦉꦱꦶꦏ꧀ꦩꦼꦤꦺꦃ​ꦲꦮꦏ꧀ꦏꦺ​꧈​ꦮꦺꦴꦁ​ꦧꦸꦢꦼꦏ꧀ꦧꦶꦱ​ꦏꦿꦸꦔꦸ​ꦩꦼꦤꦺꦃ​꧈​ꦮꦺꦴꦁ​ꦩꦠꦶ​ꦲꦸꦫꦶꦥ꧀ꦩꦼꦤꦺꦃ​ꦭꦤ꧀ꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦶꦒꦼꦭꦂꦫꦏꦺꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧉​ 23ꦧꦼꦗꦮꦺꦴꦁ​ꦱꦶꦁ​ꦲꦺꦴꦫ​ꦩꦔꦸꦩꦔꦸ​ꦧꦧ꧀ꦲꦏꦸ​꧉​”

24꧋ꦱꦏ꧀ꦮꦶꦱ꧀ꦱꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦪꦺꦴꦲꦤꦼꦱ꧀ꦭꦸꦔ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦧꦧ꧀ꦪꦺꦴꦲꦤꦼꦱ꧀ꦩꦫꦁ​ꦮꦺꦴꦁꦮꦺꦴꦁ​:“ꦢꦺꦴꦁꦔꦺꦏꦺꦴꦮꦺ​ꦩꦫꦤꦶ​ꦪꦺꦴꦲꦤꦼꦱ꧀ꦤꦁꦮꦸꦱ꧀ꦠꦺꦤ꧀ꦏꦲꦺ​꧈​ꦱꦏ꧀ꦗꦤꦺꦏꦺꦴꦮꦺ​ꦥꦢ​ꦩꦶꦏꦶꦂ​ꦧꦏꦭ꧀ꦮꦼꦫꦸꦃ​ꦲꦥ​?ꦲꦥ​ꦤ꧀ꦢꦫꦤ꧀ꦤꦶꦧꦏꦭ꧀ꦮꦼꦫꦸꦃ​ꦢꦩꦺꦤ꧀ꦱꦶꦁ​ꦏꦼꦠꦼꦫꦏ꧀ꦲꦔꦶꦤ꧀ꦫꦤꦫꦺꦤꦺ​?ꦭꦲꦸꦠ꧀ꦪ​ꦲꦺꦴꦫ​ꦠ​? 25ꦭꦃ​ꦤ꧀ꦢꦫꦤ꧀ꦤꦶꦲꦉꦥ꧀ꦮꦼꦫꦸꦃ​ꦲꦥ​?ꦲꦥ​ꦮꦺꦴꦁ​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦱꦶꦁ​ꦭꦫꦁ​꧉​ꦮꦺꦴꦁꦮꦺꦴꦁ​ꦱꦶꦁ​ꦱꦭꦶꦤ꧀ꦤꦺꦲꦥꦶꦏ꧀ꦲꦥꦶꦏ꧀ꦭꦤ꧀ꦲꦸꦫꦶꦥ꧀ꦥꦺꦲꦢꦸꦱ꧀ꦧꦤ꧀ꦢꦏꦸꦮꦶ​ꦩꦁꦒꦺꦴꦤꦺ​ꦤꦁꦥꦭꦺꦱ꧀꧈​ 26ꦭꦃ​ꦏꦺꦴꦮꦺ​ꦤꦁꦮꦸꦱ꧀ꦠꦺꦤ꧀​ꦔ꧀ꦒꦺꦴꦭꦺꦏ꧀ꦏꦶ​ꦲꦥ​?ꦲꦥ​ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦤꦧꦶ​?ꦪ​ꦧꦼꦤꦼꦂ​!ꦏꦺꦴꦮꦺ​ꦩꦭꦃ​ꦮꦼꦫꦸꦃ​ꦮꦺꦴꦁ​ꦱꦶꦁ​ꦔꦸꦁꦏꦸꦭ꧀ꦭꦶ​ꦤꦧꦶ​꧉​ 27ꦲꦮꦶꦠ꧀ꦪꦺꦴꦲꦤꦼꦱ꧀ꦏꦸꦮꦶ​ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦠꦼꦏꦤꦺ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀ꦔꦺꦤꦺ​:'ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:ꦲꦶꦏꦶ​ꦏꦺꦴꦁꦏꦺꦴꦤꦤ꧀ꦏꦸ꧈​ꦱꦶꦁ​ꦠꦏ꧀ꦏꦺꦴꦁꦏꦺꦴꦤ꧀ꦧꦸꦢꦭ꧀​ꦤ꧀ꦢꦶꦱꦶꦏ꧀​ꦔ꧀ꦒꦮꦺꦏ꧀ꦏꦏꦺꦢꦭꦤ꧀ꦏꦺꦴꦮꦺ​!’” 28ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦠꦼꦩ꧀ꦧꦸꦁꦏꦸ​ꦲꦶꦏꦶ​ꦢꦶꦫꦸꦔꦺꦴꦏ꧀ꦏꦏꦺ:ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦏꦧꦺꦃ​ꦲꦶꦁ​ꦢꦺꦴꦚ​ꦏꦺꦤꦺ​ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦔꦸꦁꦏꦸꦭ꧀ꦭꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​ꦤꦁꦔꦶꦁ​ꦱꦼꦤꦗꦤ꧀ꦔꦺꦴꦤꦺꦴ​꧈​ꦮꦺꦴꦁ​ꦱꦶꦁ​ꦕꦶꦭꦶꦏ꧀ꦢꦺꦮꦺꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦢꦺꦤꦺꦲꦶꦗꦶꦏ꧀ꦔꦸꦁꦏꦸꦭ꧀ꦭꦶ​ꦪꦺꦴꦲꦤꦼꦱ꧀꧈​”

29꧋ꦮꦺꦴꦁ​ꦏꦧꦺꦃ​ꦱꦶꦁ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​꧈​ꦲꦸꦒ​ꦮꦺꦴꦁꦮꦺꦴꦁ​ꦧꦼꦭꦱ꧀ꦠꦶꦁ꧈​ꦥꦢ​ꦔꦏꦺꦴꦤ꧀ꦤꦶ​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦼꦤꦼꦂ​ꦭꦤ꧀ꦥꦢ​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀꧈​ 30ꦤꦁꦔꦶꦁ​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦥꦢ​ꦤꦩ꧀ꦥꦶꦏ꧀ꦲꦥ​ꦱꦶꦁ​ꦢꦶꦏꦉꦥ꧀ꦥꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦲꦸꦫꦶꦥ꧀ꦥꦺ꧉​ꦩꦸꦭꦤꦺ​ꦲꦺꦴꦫ​ꦥꦢ​ꦩꦺꦭꦸ​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀ꦏꦫꦺꦴ​ꦪꦺꦴꦲꦤꦼꦱ꧀꧈​

31꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦮꦺꦴꦁꦮꦺꦴꦁ​ꦗꦩꦤ꧀ꦱꦲꦶꦏꦶ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​ꦪ​? 32ꦲꦺꦭꦶꦁ​​ꦲꦺꦭꦶꦁ​​ꦏꦪ​ꦧꦺꦴꦕꦃꦧꦺꦴꦕꦃ​ꦱꦶꦁ​ꦢꦺꦴꦭꦤ꧀ꦤꦤ꧀ꦤꦁꦭꦠꦂꦫꦺ​ꦥꦱꦂ​;ꦱꦶꦁ​ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦔꦺꦴꦩꦺꦴꦁꦏꦫꦺꦴ​ꦭꦶꦪꦤꦺ​:'ꦏꦺꦴꦮꦺ​ꦠꦏ꧀ꦩꦲꦶꦤ꧀ꦤꦏꦺꦭꦒꦸ​ꦏꦧꦸꦔꦃꦲꦤ꧀ ꦤꦁꦔꦶꦁ​ꦲꦺꦴꦫ​ꦒꦼꦊꦩ꧀​ꦚ꧀ꦗꦺꦴꦒꦺꦠ꧀;ꦮꦶꦱ꧀ꦠꦏ꧀ꦏꦶꦢꦸꦁꦔꦏꦺꦭꦒꦸ​ꦏꦱꦸꦱꦃꦲꦤ꧀ ꦏꦺꦴꦮꦺ​ꦲꦺꦴꦫ​ꦤꦔꦶꦱ꧀!’ 33ꦢꦺꦴꦁꦔꦺꦪꦺꦴꦲꦤꦼꦱ꧀ꦠꦼꦏ​꧈​ꦢꦺꦏ꧀ꦤꦺꦥꦱ​ꦭꦤ꧀ꦲꦺꦴꦫ​ꦔꦺꦴꦩ꧀ꦧꦺ​ꦲꦁꦒꦸꦂ​꧈​ꦭꦃ​ꦏꦺꦴꦮꦺ​ꦔꦺꦴꦩꦺꦴꦁꦗꦫꦺꦤꦺ​ꦪꦺꦴꦲꦤꦼꦱ꧀ꦏꦼꦊꦧꦺꦴꦤ꧀ꦢꦼꦩꦶꦠ꧀꧈​ 34ꦭꦃ​ꦤꦁꦔꦶꦁ​ꦢꦺꦴꦁꦔꦺꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​꧈​ꦢꦺꦏ꧀ꦤꦺꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​꧈​ꦏꦺꦴꦮꦺ​ꦔꦺꦴꦩꦺꦴꦁ:'ꦢꦼꦭꦺꦴꦏ꧀ꦏꦼꦤ꧀ꦏꦲꦺ​꧈​ꦮꦺꦴꦁ​ꦩꦸꦂꦏꦭꦤ꧀ꦠꦸꦏꦁ​ꦔꦺꦴꦩ꧀ꦧꦺ​꧈​ꦏꦚ꧀ꦕꦤꦺ​ꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦲꦭ​!’ 35ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦒꦼꦢꦺꦏꦮꦼꦫꦸꦃꦲꦺꦭꦤ꧀ꦏꦸꦮꦶ​ꦢꦶꦮꦸꦗꦸꦠ꧀ꦠꦏꦺꦏꦫꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦤꦩ꧀ꦥ​ꦏꦮꦼꦫꦸꦃꦲꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ ꦮꦺꦴꦁ​ꦥ꦳ꦫꦶꦱꦶ​꧉​

36꧋ꦱꦏ꧀ꦮꦶꦗꦶꦤꦺꦮꦺꦴꦁ​ꦥ꦳ꦫꦶꦱꦶ​꧈​ꦗꦼꦤꦼꦁꦔꦺ​ꦱꦶꦩꦺꦴꦤ꧀ ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦏ​ꦭꦤ꧀ꦩꦁꦔꦤ꧀ꦤꦁꦲꦺꦴꦩꦃꦲꦺ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦠꦼꦏ​ꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ꦠꦼꦫꦸꦱ꧀​ꦚ꧀ꦗꦒꦺꦴꦁ꧉​ 37ꦤꦁꦏꦸꦠꦏꦺꦴꦤꦺꦴ​ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦲꦸꦫꦶꦥ꧀ꦢꦺꦴꦱ​꧉​ꦏꦢꦸꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦶꦩꦺꦴꦤ꧀ ꦮꦺꦴꦁ​ꦥ꦳ꦫꦶꦱꦶ​꧈​ꦢꦺꦏ꧀ꦤꦺꦠꦼꦫꦸꦱ꧀ꦠꦼꦏ​ꦔ꧀ꦒꦮ​ꦧꦺꦴꦠꦺꦴꦭ꧀ꦲꦶꦱꦶꦤꦺ​ꦊꦔ​ꦮꦔꦶ​꧉​ 38ꦮꦺꦴꦁ​ꦮꦺꦢꦺꦴꦏ꧀ꦏꦺꦠꦼꦫꦸꦱ꧀ꦔꦢꦼꦏ꧀ꦤꦁꦲꦩ꧀ꦧꦸꦫꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦱꦼꦧꦼꦭꦃꦱꦶꦏꦶꦭ꧀ꦭꦺ​꧈​ꦠꦼꦫꦸꦱ꧀ꦤꦔꦶꦱ꧀꧈​ꦌꦭꦸꦃꦲꦺꦠꦸꦩꦺꦠꦺꦱ꧀ꦤꦼꦊꦱ꧀ꦱꦶ​ꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦢꦶꦭꦥ꧀ꦥꦶ​ꦏꦫꦺꦴ​ꦫꦩ꧀ꦧꦸꦠ꧀ꦠꦺ​꧉​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦔꦩ꧀ꦧꦸꦁꦔꦶ​ꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦢꦶꦲꦸꦱꦥ꧀ꦥꦶ​ꦏꦫꦺꦴ​ꦊꦔ​ꦮꦔꦶ​꧉​ 39ꦱꦶꦩꦺꦴꦤ꧀ ꦱꦶꦁ​ꦔꦩ꧀ꦥꦶꦂꦫꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦮꦼꦫꦸꦃ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​ꦠꦼꦫꦸꦱ꧀​ꦔ꧀ꦒꦒꦱ꧀:“ꦤꦺꦏ꧀ꦪꦺꦯꦸꦱ꧀ꦏꦸꦮꦶ​ꦤꦧꦶ​ꦠꦼꦤꦤ꧀ ꦩꦼꦱ꧀ꦠꦶꦢꦺꦏ꧀ꦤꦺꦪ​ꦔꦼꦂꦠꦶ​ꦤꦺꦏ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦤ꧀ꦢꦼꦩꦺꦏ꧀ꦱꦶꦏꦶꦭ꧀ꦭꦺ​ꦏꦸꦮꦶ​ꦮꦺꦴꦁ​ꦢꦺꦴꦱ​?”

40꧋ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦶꦩꦺꦴꦤ꧀:“ꦱꦶꦩꦺꦴꦤ꧀ ꦲꦏꦸ​ꦲꦉꦥ꧀​ꦤ꧀ꦢꦸꦮꦺꦲꦺꦴꦩꦺꦴꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦩꦫꦁ​ꦏꦺꦴꦮꦺ​!”ꦱꦶꦩꦺꦴꦤ꧀ꦱꦼꦩꦲꦸꦂ​:“ꦩꦁꦒ​ꦒꦸꦫꦸ​꧈​ꦩꦁꦒ​!” 41ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦱꦶꦩꦺꦴꦤ꧀ꦔꦺꦤꦺ​:“ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦤ꧀ꦢꦸꦮꦺꦲꦸꦠꦁ​ꦏꦫꦺꦴ​ꦮꦺꦴꦁ​ꦱꦶꦁ​ꦠꦸꦏꦁ​ꦔꦸꦠꦁꦔꦶ​ꦢꦸꦮꦶꦠ꧀꧈​ꦱꦶꦁ​ꦱꦶꦗꦶ​ꦲꦸꦠꦁꦔꦺ​500.000ꦥꦺꦫꦏ꧀ ꦱꦶꦁ​ꦭꦶꦪꦤꦺ​50.000ꦥꦺꦫꦏ꧀꧈​ 42ꦏꦧꦺꦃ​ꦭꦺꦴꦫꦺꦴ​ꦲꦺꦴꦫ​ꦧꦶꦱ​ꦲꦩ꧀ꦧꦪꦂ​ꦲꦸꦠꦁꦔꦺ​꧈​ꦩꦸꦭꦤꦺ​ꦮꦺꦴꦁ​ꦱꦶꦁ​ꦔꦸꦠꦁꦔꦶ​ꦢꦸꦮꦶꦠ꧀ꦠꦺꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​ꦤꦺꦏ꧀ꦮꦶꦱ꧀ꦲꦺꦴꦫ​ꦲꦸꦱꦃꦲꦩ꧀ꦧꦪꦂ​ꦲꦸꦠꦁꦔꦺ​꧉​ꦱꦲꦶꦏꦶ​ꦲꦏꦸ​ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​ꦱꦶꦩꦺꦴꦤ꧀:ꦮꦺꦴꦁ​ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦭꦸꦮꦶꦃ​ꦒꦼꦢꦺꦏꦠꦿꦺꦱ꧀ꦤꦤꦺꦩꦫꦁ​ꦮꦺꦴꦁ​ꦱꦶꦁ​ꦔꦸꦠꦁꦔꦶ​ꦢꦸꦮꦶꦠ꧀ꦠꦺ?”

43꧋ꦱꦶꦩꦺꦴꦤ꧀ꦱꦼꦩꦲꦸꦂ​:“ꦠꦏ꧀ꦏꦶꦫꦪ​ꦮꦺꦴꦁ​ꦱꦶꦁ​ꦭꦸꦮꦶꦃ​ꦲꦺꦴꦏꦺꦃꦲꦸꦠꦁꦔꦺ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦧꦼꦤꦼꦂ​꧉​” 44ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦼꦭꦺꦴꦏ꧀ꦏꦏꦺꦮꦺꦴꦁ​ꦮꦺꦢꦺꦴꦏ꧀ꦏꦺꦏꦫꦺꦴ​ꦔꦺꦴꦩꦺꦴꦁꦩꦫꦁ​ꦱꦶꦩꦺꦴꦤ꧀:“ꦏꦺꦴꦮꦺ​ꦮꦼꦫꦸꦃ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​!ꦢꦺꦴꦁꦔꦺꦲꦏꦸ​ꦩ꧀ꦊꦧꦸ​ꦤꦁꦲꦺꦴꦩꦃꦩꦸ​꧈​ꦏꦺꦴꦮꦺ​ꦲꦺꦴꦫ​ꦚꦮꦶꦱ꧀ꦱꦶ​ꦧꦚꦸ​ꦏꦁꦒꦺꦴ​ꦮꦶꦱꦸꦃ​ꦱꦶꦏꦶꦭ꧀ ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦤꦼꦊꦱ꧀ꦱꦶ​ꦱꦶꦏꦶꦭ꧀ꦏꦸ​ꦔꦁꦒꦺꦴ​ꦌꦭꦸꦃꦲꦺꦠꦼꦫꦸꦱ꧀ꦢꦶꦲꦸꦱꦥ꧀ꦥꦶ​ꦏꦫꦺꦴ​ꦫꦩ꧀ꦧꦸꦠ꧀ꦠꦺ​꧉​ 45ꦢꦺꦴꦁꦔꦺꦲꦏꦸ​ꦩ꧀ꦊꦧꦸ​ꦲꦺꦴꦩꦃꦩꦸ​ꦲꦏꦸ​ꦲꦺꦴꦫ​ꦲꦩ꧀ꦧꦺꦴꦏ꧀ꦲꦩ꧀ꦧꦸꦁ꧈​ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦲꦺꦴꦫ​ꦭꦺꦫꦺꦤ꧀ꦲꦼꦁꦒꦺꦴꦤꦺ​ꦔꦩ꧀ꦧꦸꦁꦔꦶ​ꦱꦶꦏꦶꦭ꧀ꦏꦸ​꧈​ꦮꦶꦮꦶꦠ꧀ꦲꦏꦸ​ꦠꦼꦏ​ꦤꦁꦲꦺꦴꦩꦃꦩꦸ​꧉​ 46ꦏꦺꦴꦮꦺ​ꦲꦺꦴꦫ​ꦔ꧀ꦊꦔꦤꦶꦱꦶꦫꦃꦏꦸ​꧈​ꦤꦁꦔꦶꦁ​ꦮꦺꦴꦁ​ꦮꦺꦢꦺꦴꦏ꧀ꦲꦶꦏꦶ​ꦔ꧀ꦊꦔꦤꦶꦱꦶꦏꦶꦭ꧀ꦏꦸ​ꦏꦫꦺꦴ​ꦊꦔ​ꦮꦔꦶ​꧉​ 47ꦔꦼꦂꦠꦶꦪ​꧈​ꦏꦠꦿꦺꦱ꧀ꦤꦤꦺꦮꦺꦴꦁ​ꦲꦶꦏꦶ​ꦱꦶꦁ​ꦱꦼꦩꦺꦴꦤꦺꦴ​ꦒꦼꦢꦺꦤꦺ꧈​ꦔꦼꦠꦺꦴꦏ꧀ꦏꦏꦺꦱꦼꦥꦶꦫ​ꦒꦼꦢꦺꦤꦺꦢꦺꦴꦱꦤꦺ​ꦮꦺꦴꦁꦔꦺ​ꦱꦶꦁ​ꦮꦶꦱ꧀ꦢꦶꦔꦥꦸꦫꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦮꦺꦴꦁ​ꦱꦶꦁ​ꦤꦩ꧀ꦥ​ꦥꦔꦥꦸꦫ​ꦩꦸꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧈​ꦏꦠꦿꦺꦱ꧀ꦤꦤꦺꦪ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧉​”

48꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦏꦺ:“ꦢꦺꦴꦱꦩꦸ​ꦏꦧꦺꦃ​ꦮꦶꦱ꧀ꦢꦶꦔꦥꦸꦫ꧉​”

49꧋ꦮꦺꦴꦁꦮꦺꦴꦁ​ꦱꦶꦁ​ꦧꦼꦧꦉꦁꦔꦤ꧀ꦩꦁꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦫꦱꦤ꧀ꦫꦱꦤ꧀:“ꦮꦺꦴꦁ​ꦏꦸꦮꦶ​ꦱꦥ​ꦠ​ꦏꦺꦴꦏ꧀ꦮꦤꦶ​ꦔꦥꦸꦫ​ꦢꦺꦴꦱꦤꦺ​ꦩꦤꦸꦁꦱ​?”

50꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​:“ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦚ꧀ꦭꦩꦼꦠ꧀ꦠꦏꦺꦏꦺꦴꦮꦺ​꧉​ꦮꦶꦱ꧀ ꦏꦤ​ꦩ꧀ꦭꦏꦸ​ꦱꦶꦁ​ꦲꦥꦶꦏ꧀ꦲꦥꦶꦏ꧀꧈​” ↑ ↑ ↑


꧋ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧘꧇​ 1꧋ꦲꦺꦴꦫ​ꦊꦠ꧀ꦱꦸꦮꦶꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦠꦸꦫꦸꦠ꧀ꦏꦸꦠꦏꦸꦠꦭꦤ꧀ꦢꦺꦱꦢꦺꦱ​꧈​ꦠꦸꦗꦸꦮꦤ꧀ꦤꦺꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦫꦱꦸꦭ꧀ꦫꦺꦴꦭꦱ꧀ꦲꦸꦒ​ꦩꦺꦭꦸ​꧉​ 2ꦏꦼꦗꦧ​ꦥꦫ​ꦫꦱꦸꦭ꧀ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦗꦶꦭꦺꦴꦫꦺꦴꦱꦶꦁ​ꦩꦺꦭꦸ​꧈​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦮꦶꦱ꧀ꦢꦶꦠꦩ꧀ꦧꦤꦶ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦊꦭꦫ​ꦭꦤ꧀ꦥꦔ꧀ꦮꦱꦤꦺ​ꦢꦼꦩꦶꦠ꧀ꦏꦪꦢꦺꦤꦺ:ꦩꦫꦶꦪ꧈​ꦱꦶꦁ​ꦕꦼꦭꦸꦏ꧀ꦏꦤ꧀ꦤꦺ​ꦩꦏ꧀ꦢꦭꦺꦤ꧈​ꦱꦶꦁ​ꦢꦼꦩꦶꦠ꧀ꦠꦺꦥꦶꦠꦸ​ꦮꦶꦱ꧀ꦢꦶꦲꦼꦠꦺꦴꦏ꧀ꦏꦏꦺ꧉​ 3ꦲꦸꦒ​ꦪꦺꦴꦲꦤꦃ꧈​ꦧꦺꦴꦗꦺꦴꦤꦺ​ ꦑꦸꦱꦃ꧉​ꦑꦸꦱꦃꦏꦸꦮꦶ​ꦩꦶꦤꦶꦱ꧀ꦠꦼꦫꦺꦫꦠꦸ​ꦲ꦳ꦺꦫꦺꦴꦢꦺꦱ꧀꧈​ꦱꦼꦩꦺꦴꦤꦺꦴ​ꦲꦸꦒ​ꦯꦸꦱꦤꦃꦭꦤ꧀ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦭꦶꦪꦤꦺ​ꦥꦢ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦲꦶꦏꦶ​ꦲꦼꦁꦒꦺꦴꦤꦺ​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦫ​ꦫꦱꦸꦭ꧀ꦢꦶꦱꦁꦒ​ꦱꦁꦏꦱꦏ꧀​ꦤ꧀ꦢꦸꦮꦺꦪꦢꦺꦮꦺ꧉​

꧋ꦒꦩ꧀ꦧꦂ​ꦧꦧ꧀ꦮꦺꦴꦁ​ꦚꦼꦧꦂ​꧉​

4꧋ꦮꦺꦴꦁ​ꦥꦶꦫꦁꦥꦶꦫꦁ​ꦱꦁꦏꦏꦸꦠꦏꦸꦠꦏꦧꦺꦃ​ꦥꦢ​ꦠꦼꦏ​ꦠꦼꦫꦸꦱ꧀꧈​ꦏꦢꦸꦁ​ꦏꦧꦺꦃ​ꦮꦶꦱ꧀ꦔꦸꦩ꧀ꦥꦸꦭ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦸꦭꦁꦔꦶꦔꦁꦒꦺꦴ​ꦒꦩ꧀ꦧꦂ​ꦔꦺꦤꦺ​:

5꧋“ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦧꦸꦢꦭ꧀ꦚꦼꦧꦂ​꧉​ꦱꦏ꧀ꦧꦉꦁꦔꦺꦚꦼꦧꦂ​ꦲꦺꦤꦺꦁꦮꦶꦗꦶ​ꦱꦶꦁ​ꦠꦶꦧ​ꦤꦁꦢꦭꦤ꧀ ꦠꦼꦫꦸꦱ꧀ꦏꦼꦥꦶꦢꦼꦏ꧀ꦥꦶꦢꦼꦏ꧀ꦮꦺꦴꦁ​ꦭꦶꦮꦠ꧀ꦭꦤ꧀ꦲꦸꦒ​ꦲꦺꦤꦺꦁꦱꦶꦁ​ꦢꦶꦥꦔꦤ꧀ꦩꦤꦸꦏ꧀꧈​ 6ꦲꦺꦤꦺꦁꦮꦶꦗꦶ​ꦲꦸꦒ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦠꦺꦴꦱ꧀꧈​ꦏꦢꦸꦁ​ꦩꦺꦴꦭꦃꦲꦶꦠꦸꦏꦸꦭ꧀ꦠꦼꦫꦸꦱ꧀ꦒꦫꦶꦁ​꧈​ꦲꦮꦶꦠ꧀ꦊꦩꦃꦲꦺ​ꦒꦫꦶꦁ​꧉​ 7ꦲꦺꦤꦺꦁꦮꦶꦗꦶ​ꦭꦶꦪꦤꦺ​ꦩꦼꦤꦺꦃ​ꦠꦶꦧ​ꦤꦁꦠꦼꦔꦃꦲꦺ​ꦲꦼꦫꦶꦲꦼꦫꦶ꧉​ꦏꦢꦸꦁ​ꦠꦸꦏꦸꦭ꧀ꦠꦼꦫꦸꦱ꧀ꦏꦼꦕꦼꦥꦶꦠ꧀​ꦏꦫꦺꦴ​ꦲꦼꦫꦶꦲꦼꦫꦶꦩꦲꦸ​꧈​ꦠꦼꦫꦸꦱ꧀ꦩꦠꦶ​꧉​ 8ꦤꦁꦔꦶꦁ​ꦲꦸꦒ​ꦲꦺꦤꦺꦁꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦥꦶꦏ꧀꧈​ꦮꦶꦗꦶ​ꦲꦶꦏꦶ​ꦠꦼꦫꦸꦱ꧀ꦠꦸꦏꦸꦭ꧀ꦭꦤ꧀ꦔꦼꦠꦺꦴꦏ꧀ꦏꦏꦺꦮꦺꦴꦃ​ꦲꦺꦴꦏꦺꦃ꧈​ꦲꦠꦸꦱ꧀ꦱꦤ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦠꦼꦩ꧀ꦧꦸꦁꦔꦺ​ꦏꦸꦮꦶ​ꦔꦺꦴꦩꦺꦴꦁꦔꦺꦤꦺ​:“ꦱꦥ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦠꦼꦩ꧀ꦧꦸꦁꦏꦸ​ꦩꦲꦸ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦤꦸꦁꦔꦏꦺꦠꦼꦩ꧀ꦧꦸꦁꦔꦺ​꧉​

9꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦥ​ꦠꦼꦒꦼꦱ꧀ꦱꦺ​ꦒꦩ꧀ꦧꦂ​ꦮꦺꦴꦁ​ꦚꦼꦧꦂ​ꦏꦸꦮꦶ​ꦩꦲꦸ​꧉​ 10ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦥꦶꦠꦸꦠꦸꦂꦫꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏꦱꦶꦩ꧀ꦥꦼꦤ꧀ꦮꦶꦱ꧀ꦢꦶꦲꦸꦢꦂꦫꦏꦺꦩꦫꦁ​ꦏꦺꦴꦮꦺ​꧉​ꦤꦁꦔꦶꦁ​ꦮꦺꦴꦁꦮꦺꦴꦁ​ꦭꦶꦪ​ꦩꦸꦁ​ꦢꦶꦮꦸꦭꦁꦔꦶꦔꦁꦒꦺꦴ​ꦠꦼꦩ꧀ꦧꦸꦁ​ꦒꦩ꧀ꦧꦂ​꧈​ꦱꦸꦥꦪ​꧈​ꦱꦼꦤꦗꦤ꧀ꦤ​ꦚꦮꦁ​꧈​ꦤꦁꦔꦶꦁ​ꦲꦺꦴꦫ​ꦮꦼꦫꦸꦃ​ꦭꦤ꧀ꦱꦼꦤꦗꦤ꧀ꦤ​ꦏꦿꦸꦔꦸ​꧈​ꦤꦁꦔꦶꦁ​ꦲꦺꦴꦫ​ꦢꦸꦤꦸꦁ꧉​”

11꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦸꦤꦸꦁꦔꦏꦺꦒꦩ꧀ꦧꦂ​ꦮꦺꦴꦁ​ꦚꦼꦧꦂ​ꦩꦲꦸ​ꦔꦺꦤꦺ​:“ꦮꦶꦗꦶ​ꦏꦸꦮꦶ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 12ꦮꦶꦗꦶ​ꦱꦶꦁ​ꦠꦶꦧ​ꦤꦁꦢꦭꦤ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦱꦺꦠꦤ꧀ꦠꦼꦫꦸꦱ꧀ꦠꦼꦏ​ꦚꦠꦺꦏ꧀ꦥꦶꦠꦸꦠꦸꦂ​ꦩꦲꦸ​ꦱꦁꦏꦲꦠꦶꦤꦺ​ꦮꦺꦴꦁꦔꦺ​꧉​ꦢꦢꦶꦤꦺ​ꦮꦺꦴꦁꦔꦺ​ꦠꦼꦫꦸꦱ꧀ꦲꦺꦴꦫ​ꦧꦶꦱ​ꦥꦽꦕꦪ​ꦭꦤ꧀ꦲꦺꦴꦫ​ꦧꦶꦱ​ꦤꦼꦩꦸ​ꦏꦼꦱ꧀ꦭꦩꦼꦠ꧀ꦠꦤ꧀꧈​ 13ꦭꦃ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦠꦺꦴꦱ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦏꦿꦸꦔꦸ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦩ꧀ꦥ​ꦏꦫꦺꦴ​ꦧꦸꦔꦃ​꧉​ꦤꦁꦔꦶꦁ​ꦥꦶꦠꦸꦠꦸꦂꦫꦺ​ꦲꦺꦴꦫ​ꦔꦺꦴꦪꦺꦴꦠ꧀ꦠꦼꦤꦤ꧀ ꦮꦺꦴꦁꦔꦺ​ꦱꦶꦁ​ꦥꦽꦕꦪ​ꦤꦩꦸꦁ​ꦱꦼꦢꦶꦭꦸꦠ꧀꧈​ꦤꦺꦏ꧀ꦏꦔꦺꦭ꧀ꦭꦤ꧀ꦠꦼꦏ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦱꦼꦩ꧀ꦥ꧀ꦭꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​ 14ꦮꦶꦗꦶ​ꦱꦶꦁ​ꦠꦶꦧ​ꦤꦁꦠꦼꦔꦃꦲꦺ​ꦠꦸꦏꦸꦭ꧀ꦭꦤ꧀ꦲꦼꦫꦶ​ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦥꦶꦠꦸꦠꦸꦂ​ꦩꦲꦸ​ꦏꦭꦃ​ꦏꦫꦺꦴ​ꦫꦱ​ꦱꦸꦩꦼꦭꦁ​꧈​ꦏꦱꦸꦒꦶꦃꦲꦤ꧀ꦭꦤ꧀ꦏꦼꦱꦼꦤꦼꦔꦤ꧀ꦤꦺꦢꦺꦴꦚ​꧉​ꦢꦢꦶꦤꦺ​ꦥꦶꦠꦸꦠꦸꦂ​ꦩꦲꦸ​ꦲꦺꦴꦫ​ꦧꦶꦱ​ꦩꦿꦱꦸꦏ꧀ꦲꦶꦁ​ꦲꦠꦶ​ꦭꦤ꧀ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦥꦽꦕꦪ​ꦱꦶꦁ​ꦩꦤ꧀ꦠꦼꦥ꧀꧈​ 15ꦭꦃ​ꦮꦶꦗꦶ​ꦱꦶꦁ​ꦠꦶꦧ​ꦤꦁꦊꦩꦃ​ꦲꦥꦶꦏ꧀ꦏꦸꦮꦶ​ꦔ꧀ꦒꦩ꧀ꦧꦂꦫꦏꦺꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦠꦼꦫꦸꦱ꧀ꦩꦶꦏꦶꦂ​ꦥꦶꦠꦸꦠꦸꦂ​ꦏꦸꦮꦶ​ꦔꦁꦒꦺꦴ​ꦲꦠꦶ​ꦱꦶꦁ​ꦉꦱꦶꦏ꧀ ꦠꦼꦫꦸꦱ꧀ꦢꦶꦭꦏꦺꦴꦤ꧀ꦤꦶ​꧉​ꦢꦢꦶꦤꦺ​ꦥꦶꦠꦸꦠꦸꦂ​ꦏꦸꦮꦶ​ꦤꦸꦏꦸꦭ꧀ꦭꦏꦺꦥꦽꦕꦪ​ꦱꦶꦁ​ꦩꦤ꧀ꦠꦼꦥ꧀ꦲꦶꦁ​ꦲꦠꦶꦤꦺ​ꦮꦺꦴꦁ​ꦏꦸꦮꦶ​꧉​”

꧋ꦒꦩ꧀ꦧꦂ​ꦧꦧ꧀ꦢꦶꦪꦤ꧀꧈​

16꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦩꦺꦴꦱꦺꦴꦏ꧀ꦲꦺꦤꦺꦁꦮꦺꦴꦁ​ꦚꦸꦩꦼꦠ꧀ꦢꦶꦪꦤ꧀ꦠꦼꦫꦸꦱ꧀ꦢꦶꦏꦿꦸꦏꦸꦥ꧀ꦥꦶꦠꦺꦁꦒꦺꦴꦏ꧀ꦲꦥ​ꦢꦶꦢꦺꦏꦺꦏ꧀ꦤꦁꦔꦶꦱꦺꦴꦂ​ꦲꦩ꧀ꦧꦺꦤ꧀?ꦩꦼꦱ꧀ꦠꦶꦲꦺꦴꦫ​꧉​ꦢꦶꦪꦤ꧀ꦤꦺꦩꦼꦱ꧀ꦠꦶꦢꦶꦢꦺꦏꦺꦏ꧀ꦤꦁꦩꦺꦗ​꧈​ꦱꦸꦥꦪ​ꦱꦥ​ꦮꦲꦺ​ꦱꦶꦁ​ꦩ꧀ꦊꦧꦸ​ꦧꦶꦱ​ꦮꦼꦫꦸꦃ​ꦥꦢꦁꦔꦺ꧉​

17꧋“ꦲꦮꦶꦠ꧀ꦧꦫꦁ​ꦱꦶꦁ​ꦏꦱꦶꦩ꧀ꦥꦼꦤ꧀ꦩꦼꦱ꧀ꦠꦶꦧꦏꦭ꧀ꦩꦼꦠꦸ​ꦭꦤ꧀ꦥꦽꦏꦫ​ꦱꦶꦁ​ꦢꦶꦢꦼꦭꦶꦏ꧀ꦏꦏꦺꦩꦼꦱ꧀ꦠꦶꦧꦏꦭ꧀ꦏꦺꦠꦺꦴꦏ꧀ꦭꦤ꧀ꦢꦶꦏꦧꦂꦏꦧꦂꦫꦏꦺ꧉​

18꧋“ꦩꦸꦭꦤꦺ​꧈​ꦢꦶꦥꦶꦏꦶꦂ​ꦱꦶꦁ​ꦲꦥꦶꦏ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤ꧀ꦩꦸ​ꦔꦿꦸꦔꦺꦴꦏ꧀ꦏꦏꦺꦥꦶꦠꦸꦠꦸꦂ​ꦲꦶꦏꦶ​꧉​ꦲꦮꦶꦠ꧀ꦱꦥ​ꦱꦶꦁ​ꦮꦶꦱ꧀​ꦤ꧀ꦢꦸꦮꦺꦧꦏꦭ꧀ꦢꦶꦠꦩ꧀ꦧꦃꦲꦶ​꧈​ꦤꦁꦔꦶꦁ​ꦱꦥ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦲꦥꦲꦥ​ꦩꦭꦃ​ꦧꦏꦭ꧀ꦏꦉꦧꦸꦠ꧀ꦲꦥ​ꦱꦶꦁ​ꦢꦶꦏꦶꦫ​ꦢꦶꦢꦸꦮꦺꦤ꧀ꦤꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧉​

19꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦫꦤ꧀ꦤꦶ​ꦏꦫꦺꦴ​ꦲꦶꦧꦸꦤꦺ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ​꧈​ꦤꦁꦔꦶꦁ​ꦱꦁꦏꦶꦁꦲꦺꦴꦏꦺꦃꦲꦺꦮꦺꦴꦁ​꧈​ꦮꦺꦴꦁꦮꦺꦴꦁ​ꦏꦸꦮꦶ​ꦲꦺꦴꦫ​ꦧꦶꦱ​ꦚꦼꦢꦼꦏ꧀ꦏꦶꦢꦺꦏ꧀ꦤꦺ꧉​ 20ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁꦔꦶꦢꦺꦏ꧀ꦤꦺꦔꦺꦤꦺ​:“ꦒꦸꦫꦸ​꧈​ꦲꦶꦧꦸꦩꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦤꦁꦚ꧀ꦗꦧ​꧈​ꦏꦼꦥꦺꦔꦶꦤ꧀ꦩꦼꦠꦸꦮꦏꦺꦴꦮꦺ​꧉​”

21꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦶꦧꦸꦏꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦏꦸ​ꦏꦸꦮꦶ​ꦏꦧꦺꦃ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦭꦤ꧀ꦤꦶꦤ꧀ꦢꦏ꧀ꦏꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦤ꧀ꦢꦼꦏ꧀ꦲꦺꦴꦩ꧀ꦧꦏ꧀ꦒꦼꦢꦺ꧉​

22꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦤꦸꦩ꧀ꦥꦏ꧀ꦥꦿꦲꦸ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​:“ꦲ꦳ꦪꦸꦏ꧀ꦥꦢ​ꦔꦧꦿꦃ꧉”ꦠꦼꦫꦸꦱ꧀ꦧꦸꦢꦭ꧀꧈​ 23ꦤꦁꦔꦶꦁ​ꦱꦏ꧀ꦧꦉꦁꦔꦺꦔꦧꦿꦃꦒꦸꦱ꧀ꦠꦶ​ꦪꦺꦯꦸꦱ꧀ꦏꦼꦠꦸꦫꦺꦴꦤ꧀꧈​ꦭꦃ​ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦤꦁꦩꦺꦂꦏꦺꦴꦤꦺꦴ​ꦲꦺꦤꦺꦁꦲꦺꦴꦩ꧀ꦧꦏ꧀ꦒꦼꦢꦺꦠꦼꦏ​꧉​ꦥꦿꦲꦸꦤꦺ​ꦏꦼꦊꦧꦺꦴꦤ꧀ꦧꦚꦸ​ꦱꦩ꧀ꦥꦺꦏ꧀ꦩꦼꦢꦺꦤ꧀ꦤꦶ​꧉​ 24ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀​ꦔ꧀ꦒꦸꦒꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦫꦸ​꧈​ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦏꦼꦊꦥ꧀!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦔꦶ​ꦭꦤ꧀ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦏꦺ​ꦠꦼꦫꦸꦱ꧀ꦢꦶꦥꦿꦺꦤ꧀ꦠꦃ​ꦏꦺꦴꦁꦏꦺꦴꦤ꧀ꦩꦤ꧀ꦢꦼꦏ꧀꧈​ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦏꦺ​ꦪ​ꦠꦼꦫꦸꦱ꧀ꦲꦤ꧀ꦠꦼꦁ​꧉​ 25ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦭꦃ​ꦲꦼꦤ꧀ꦢꦶ​ꦥꦼꦔꦤ꧀ꦢꦼꦭ꧀ꦩꦸ​?”

꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦥꦢ​ꦮꦼꦢꦶ​ꦭꦤ꧀​ꦔ꧀ꦒꦸꦩꦸꦤ꧀ꦧꦔꦼꦠ꧀ ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦱꦏ꧀ꦥꦢꦥꦢ:“ꦮꦺꦴꦁ​ꦲꦶꦏꦶ​ꦱꦥ​ꦠ​꧈​ꦏꦺꦴꦏ꧀ꦲꦔꦶꦤ꧀ꦭꦤ꧀ꦲꦺꦴꦩ꧀ꦧꦏ꧀ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁꦔꦺ​?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​

26꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦥꦢ​ꦤꦸꦩ꧀ꦥꦏ꧀ꦥꦿꦲꦸ​ꦠꦼꦫꦸꦱ꧀ꦠꦼꦏꦤ꧀ꦧꦮꦃꦓꦺꦫꦱ꧈​ꦤꦁꦮꦺꦠꦤꦺ​ꦧꦮꦃꦓꦭꦶꦭꦺꦪ​꧉​ 27ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦩꦼꦢꦸꦤ꧀ꦤꦁꦢꦫꦠ꧀ꦠꦤ꧀ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦤꦁ​ꦱꦶꦁ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦩꦫꦤꦶ​ꦢꦺꦏ꧀ꦤꦺ꧉​ꦮꦺꦴꦁ​ꦩꦲꦸ​ꦠꦼꦏꦤꦺ​ꦱꦁꦏꦏꦸꦠꦭꦤ꧀ꦪ​ꦮꦶꦱ꧀ꦱꦸꦮꦶꦮꦺꦴꦁꦔꦺ​ꦲꦺꦴꦫ​ꦔꦁꦒꦺꦴ​ꦱꦭꦶꦤ꧀ꦭꦤ꧀ꦲꦺꦴꦫ​ꦩꦁꦒꦺꦴꦤ꧀ꦤꦁꦲꦺꦴꦩꦃ​꧉​ꦩꦁꦒꦺꦴꦤꦺ​ꦤꦁꦒꦸꦮꦒꦸꦮ​ꦱꦶꦁ​ꦢꦶꦲꦼꦁꦒꦺꦴ​ꦔꦸꦧꦸꦂ​ꦮꦺꦴꦁ​ꦩꦠꦶ​꧉​ 28ꦏꦢꦸꦁ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦺꦴꦁꦔꦺ​ꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀ꦭꦤ꧀ꦤꦶꦧ​ꦤꦁꦔꦉꦥ꧀ꦥꦺ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦏꦫꦺꦴ​ꦱ꧀ꦮꦫ​ꦧꦤ꧀ꦠꦼꦂ​:“ꦪꦺꦯꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏ꧀ꦮꦱ​ꦢꦺꦮꦺ꧈​ꦲꦏꦸ​ꦲꦉꦥ꧀ꦲꦩ꧀ꦧꦺꦴꦏ꧀ꦏꦥꦏ꧀ꦏꦏꦺ?ꦲꦏꦸ​ꦚꦸꦮꦸꦤ꧀ꦠꦼꦤꦤ꧀ ꦲꦏꦸ​ꦲꦗ​ꦢꦶꦥꦶꦭꦂꦫ​꧉​” 29ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦲꦮꦶꦠ꧀ꦢꦼꦩꦶꦠ꧀ꦠꦺꦮꦶꦱ꧀ꦢꦶꦥꦿꦺꦤ꧀ꦠꦃ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦁꦏꦺꦴꦤ꧀ꦩꦼꦠꦸ​꧉​ꦲꦮꦶꦠ꧀ꦢꦼꦩꦶꦠ꧀ꦠꦺꦲꦗꦼꦏ꧀ꦔꦺꦫꦺꦠ꧀ꦠꦺꦫꦺꦠ꧀ꦮꦺꦴꦁꦔꦺ​꧉​ꦮꦺꦴꦁꦔꦺ​ꦮꦶꦱ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ꦭꦤ꧀ꦢꦶꦫꦤ꧀ꦠꦺ​ꦠꦔꦤ꧀ꦭꦤ꧀ꦱꦶꦏꦶꦭ꧀ꦭꦺ​ꦏꦫꦺꦴ​ꦮꦺꦴꦁꦮꦺꦴꦁ​꧈​ꦤꦁꦔꦶꦁ​ꦩꦼꦏ꧀ꦱ​ꦧꦶꦱ​ꦩꦼꦢꦺꦴꦠ꧀ꦠꦼꦫꦸꦱ꧀ꦢꦶꦒꦮ​ꦏꦫꦺꦴ​ꦢꦼꦩꦶꦠ꧀ꦠꦺꦤꦁꦮꦸꦱ꧀ꦠꦺꦤ꧀꧈​

30꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦏꦺꦴꦤ꧀ꦤꦶ​ꦮꦺꦴꦁꦔꦺ​:“ꦱꦥ​ꦗꦼꦤꦼꦁꦩꦸ​?”

꧋ꦱꦼꦩꦲꦸꦂꦫꦺ​:“ꦗꦼꦤꦼꦁꦏꦸ​ꦭꦺꦒꦶꦪꦸꦤ꧀​꧈​”ꦲꦮꦶꦠ꧀ꦢꦼꦩꦶꦠ꧀ꦥꦶꦫꦁꦥꦶꦫꦁ​ꦩꦁꦒꦺꦴꦤ꧀ꦤꦁꦲꦮꦏ꧀ꦏꦺ​ꦮꦺꦴꦁꦔꦺ​꧉​ 31ꦢꦼꦩꦶꦠ꧀ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦲꦺꦴꦫ​ꦢꦶꦠꦸꦤ꧀ꦢꦸꦁꦩ꧀ꦊꦧꦸ​ꦤꦁꦗꦸꦫꦁꦔꦺꦮꦺꦴꦁ​ꦩꦠꦶ​꧉​

32꧋ꦕꦼꦢꦼꦏ꧀​ꦏꦫꦺꦴ​ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​ꦲꦺꦤꦺꦁꦧꦧꦶ​ꦥꦶꦫꦁꦥꦶꦫꦁ​ꦥꦢ​ꦔ꧀ꦒꦺꦴꦭꦺꦏ꧀ꦥꦔꦤ꧀ꦤꦁꦒꦸꦤꦸꦁꦔꦤ꧀꧈​ꦢꦼꦩꦶꦠ꧀ꦢꦼꦩꦶꦠ꧀ꦠꦺ​ꦥꦢ​ꦚꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦏꦼꦭꦶꦭ꧀ꦭꦤ꧀​ꦩ꧀ꦊꦧꦸ​ꦤꦁꦧꦧꦶꦧꦧꦶ​ꦏꦸꦮꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦭꦶꦭꦤꦶ​꧉​ 33ꦢꦼꦩꦶꦠ꧀ꦢꦼꦩꦶꦠ꧀ꦠꦺ​ꦠꦼꦫꦸꦱ꧀ꦥꦢ​ꦩꦼꦠꦸ​ꦱꦁꦏꦮꦺꦴꦁꦔꦺ​꧈​ꦠꦼꦫꦸꦱ꧀ꦥꦢ​ꦩ꧀ꦊꦧꦸ​ꦤꦁꦧꦧꦶꦧꦧꦶꦤꦺ꧉​ꦧꦧꦶꦧꦧꦶ​ꦩꦲꦸ​ꦠꦼꦫꦸꦱ꧀ꦥꦢ​ꦚ꧀ꦗꦼꦒꦸꦂ​ꦤꦁꦩꦺꦂꦱꦁꦏꦒꦸꦤꦸꦁꦔꦤ꧀ꦏꦺꦴꦤꦺꦴ​꧈​ꦠꦼꦫꦸꦱ꧀ꦥꦢ​ꦩꦠꦶ​꧉​

34꧋ꦮꦺꦴꦁꦮꦺꦴꦁ​ꦱꦶꦁ​ꦲꦔꦺꦴꦤ꧀ꦧꦧꦶꦧꦧꦶ​ꦩꦲꦸ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦤꦁꦏꦸꦠꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦩꦲꦸ​ꦤꦁꦏꦸꦠꦏꦺꦴꦤꦺꦴ​ꦭꦤ꧀ꦢꦺꦱꦢꦺꦱ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​꧉​ 35ꦮꦺꦴꦁꦮꦺꦴꦁ​ꦱꦶꦁ​ꦏꦿꦸꦔꦸ​ꦠꦼꦫꦸꦱ꧀ꦥꦢ​ꦧꦸꦢꦭ꧀​ꦤ꧀ꦢꦼꦭꦺꦴꦏ꧀ꦊꦭꦏꦺꦴꦤ꧀ꦩꦲꦸ​꧉​ꦏꦢꦸꦁ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦮꦺꦴꦁꦔꦺ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀꧈​ꦮꦺꦴꦁꦔꦺ​ꦚ꧀ꦗꦒꦺꦴꦁꦤꦁꦱꦤ꧀ꦢꦶꦁꦔꦺꦱꦶꦏꦶꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦲꦶꦏꦶ​ꦮꦶꦱ꧀ꦔꦁꦒꦺꦴ​ꦱꦭꦶꦤ꧀ꦭꦤ꧀ꦱꦶꦫꦃꦲꦺ​ꦮꦶꦱ꧀ꦮꦫꦱ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦱꦁꦏꦏꦸꦠꦩꦲꦸ​ꦩꦭꦃ​ꦠꦼꦫꦸꦱ꧀ꦥꦢ​ꦮꦼꦢꦶ​꧉​ 36ꦮꦺꦴꦁꦮꦺꦴꦁ​ꦭꦶꦪꦤꦺ​ꦱꦶꦁ​ꦥꦢ​ꦮꦼꦫꦸꦃ​ꦢꦺꦮꦺꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦢꦼꦩꦶꦠ꧀ꦱꦶꦁ​ꦔ꧀ꦮꦱꦤꦶ​ꦮꦺꦴꦁ​ꦩꦲꦸ​꧉​ 37ꦮꦺꦴꦁ​ꦏꦧꦺꦃ​ꦤꦁꦧꦮꦃꦓꦺꦫꦱꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦭꦸꦔ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦥꦢ​ꦮꦼꦢꦶ​ꦧꦔꦼꦠ꧀꧈​ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦪ​ꦠꦼꦫꦸꦱ꧀ꦤꦸꦩ꧀ꦥꦏ꧀ꦥꦿꦲꦸ​ꦭꦸꦔ​ꦱꦁꦏꦏꦺꦴꦤꦺꦴ​꧈​ꦲꦉꦥ꧀ꦧꦭꦶꦏ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦤ꧀ꦢꦶꦱꦶꦏ꧀꧈​ 38ꦮꦺꦴꦁ​ꦱꦶꦁ​ꦩꦲꦸꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦠꦼꦫꦸꦱ꧀ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦩꦺꦭꦸ​ꦢꦺꦏ꧀ꦤꦺ꧉​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦔ꧀ꦭꦶꦭꦤꦶ​꧉​

39꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦤ​ꦏꦺꦴꦮꦺ​ꦧꦭꦶꦏ꧀ꦤꦁꦢꦺꦱꦩꦸ​ꦮꦲꦺ​ꦭꦤ꧀ꦮꦺꦴꦁꦮꦺꦴꦁ​ꦢꦶꦲꦺꦴꦩꦺꦴꦁꦔꦶꦧꦧ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦲꦸꦫꦶꦥ꧀ꦩꦸ​꧉”ꦮꦺꦴꦁꦔꦺ​ꦪ​ꦠꦼꦫꦸꦱ꧀ꦧꦭꦶꦏ꧀ꦭꦤ꧀ꦮꦺꦴꦁ​ꦱꦏ꧀ꦏꦸꦠꦏꦧꦺꦃ​ꦢꦶꦲꦺꦴꦩꦺꦴꦁꦔꦶꦲꦥ​ ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦁ​ꦲꦸꦫꦶꦥ꧀ꦥꦺꦢꦺꦏ꧀ꦤꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦤꦁꦔꦏꦺꦭꦫ​ꦭꦤ꧀ꦥꦠꦶ​꧉​

40꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦭꦶꦏ꧀ꦭꦤ꧀ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺ꧈​ꦢꦺꦏ꧀ꦤꦺꦢꦶꦥꦼꦠꦸꦏ꧀ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦥꦢ​ꦧꦸꦔꦃ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦥꦚ꧀ꦕꦺꦤ꧀ꦮꦶꦱ꧀ꦔꦉꦥ꧀ꦲꦉꦥ꧀ꦢꦺꦏ꧀ꦤꦺ꧉​ 41ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦔꦺ​ꦗꦼꦤꦼꦁꦔꦺ​ꦙꦆꦫꦸꦱ꧀ ꦥꦼꦔꦉꦥ꧀ꦥꦺ​ꦱꦶꦤꦒꦸꦏ꧀ꦏꦺꦴꦤꦺꦴ​꧉​ꦙꦆꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦚꦸꦮꦸꦤ꧀ꦧꦔꦼꦠ꧀ꦩꦫꦁ​ꦢꦺꦏ꧀ꦤꦺꦏꦺꦴꦁꦏꦺꦴꦤ꧀ꦠꦼꦏ​ꦤꦁꦲꦺꦴꦩꦃꦲꦺ​꧉​ 42ꦙꦆꦫꦸꦱ꧀​ꦤ꧀ꦢꦸꦮꦺꦲꦤꦏ꧀ꦤꦩꦸꦁ​ꦱꦶꦗꦶ​꧈​ꦲꦤꦏ꧀ꦮꦺꦢꦺꦴꦏ꧀ꦱꦶꦁ​ꦲꦸꦩꦸꦂꦫꦺ​ꦫꦺꦴꦭꦱ꧀ꦠꦲꦸꦤ꧀꧈​ꦧꦺꦴꦕꦃꦲꦺ​ꦭꦫ​ꦤꦼꦩꦼꦤ꧀ ꦮꦶꦱ꧀ꦲꦉꦥ꧀ꦩꦠꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦧꦸꦢꦭ꧀ꦤꦁꦲꦺꦴꦩꦃꦲꦺ​ꦙꦆꦫꦸꦱ꧀꧈​ꦤꦁꦢꦭꦤ꧀ꦮꦺꦴꦁꦮꦺꦴꦁ​ꦥꦢ​ꦢꦼꦱꦼꦏ꧀ꦢꦼꦱꦼꦏ꧀ꦏꦤ꧀ꦲꦉꦥ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 43ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦮꦶꦱ꧀ꦫꦺꦴꦭꦱ꧀ꦠꦲꦸꦤ꧀ꦱꦸꦮꦺꦤꦺ​ꦭꦫ​ꦔꦼꦠꦺꦴꦏ꧀ꦏꦏꦺꦒꦼꦠꦶꦃ​꧉​ꦧꦤ꧀ꦢꦤꦺ​ꦮꦶꦱ꧀ꦲꦼꦤ꧀ꦠꦺꦏ꧀ꦏꦁꦒꦺꦴ​ꦲꦩ꧀ꦧꦪꦂ​ꦢꦺꦴꦏ꧀ꦠꦼꦂ​꧈​ꦤꦁꦔꦶꦁ​ꦢꦸꦫꦸꦁ​ꦧꦶꦱ​ꦩꦫꦶ​꧉​ 44ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦧꦶꦱ​ꦚꦼꦢꦼꦏ꧀ꦏꦶꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦲꦩ꧀ꦧꦸꦫꦶ​꧈​ꦠꦼꦫꦸꦱ꧀​ꦤ꧀ꦢꦼꦩꦺꦏ꧀ꦒꦺꦴꦩ꧀ꦧꦾꦺꦴꦏ꧀ꦏꦺꦱꦭꦶꦤ꧀ꦤꦺ꧉​ꦱꦏ꧀ꦮꦠ꧀ꦒꦼꦠꦶꦃꦲꦺ​ꦩꦩ꧀ꦥꦼꦠ꧀꧈​ 45ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱꦥ​ꦱꦶꦁ​ꦤ꧀ꦢꦼꦩꦺꦏ꧀ꦲꦏꦸ​?”

꧋ꦗꦭꦂꦫꦤ꧀ꦲꦺꦴꦫ​ꦲꦺꦤꦺꦁꦱꦶꦁ​ꦔꦏꦸ​꧈​ꦩꦸꦭꦤꦺ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦮꦺꦴꦁ​ꦱꦶꦁ​ꦔꦼꦱꦸꦏ꧀ꦲꦼꦱꦸꦏ꧀ꦏꦺꦴꦮꦺ​ꦲꦺꦴꦏꦺꦃꦲꦺꦏꦪ​ꦔꦺꦤꦺ​ꦲꦶꦏꦶ​꧈​ꦭꦃ​ꦏꦺꦴꦏ꧀ꦏꦺꦴꦮꦺ​ꦠꦏꦺꦴꦤ꧀ꦱꦥ​ꦱꦶꦁ​ꦤ꧀ꦢꦼꦩꦺꦏ꧀ꦏꦺꦴꦮꦺ​?”

46꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦺꦤꦺꦁꦮꦺꦴꦁ​ꦱꦶꦁ​ꦤ꧀ꦢꦼꦩꦺꦏ꧀ꦲꦏꦸ​꧉​ꦲꦏꦸ​ꦏꦿꦱ​꧈​ꦲꦮꦶꦠ꧀ꦲꦺꦤꦺꦁꦏꦼꦏꦸꦮꦠ꧀ꦠꦤ꧀ꦩꦼꦠꦸ​ꦱꦁꦏꦲꦮꦏ꧀ꦏꦸ​꧉​” 47ꦏꦢꦸꦁ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦔꦼꦂꦠꦶ​ꦤꦺꦏ꧀ꦏꦺꦴꦤꦁꦔꦤ꧀ ꦮꦺꦴꦁꦔꦺ​ꦠꦼꦫꦸꦱ꧀ꦤꦶꦧ​ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦤꦁꦔꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦏꦼꦤꦺꦁꦲꦥ​ꦢꦺꦏ꧀ꦤꦺꦏꦺꦴꦏ꧀​ꦤ꧀ꦢꦼꦩꦺꦏ꧀ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦧꦶꦱ​ꦩꦫꦶ​ꦱꦏ꧀ꦮꦠ꧀꧈​ 48ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦤꦼꦂ​ꦏꦺꦴꦮꦺ​ꦮꦸꦏ꧀ ꦥꦚ꧀ꦕꦺꦤ꧀ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦩꦫꦏ꧀ꦏꦏꦺꦏꦺꦴꦮꦺ​ꦩꦫꦶ​꧉​ꦏꦤ​ꦩ꧀ꦭꦏꦸ​ꦱꦶꦁ​ꦲꦥꦶꦏ꧀ꦲꦥꦶꦏ꧀꧈​”

49꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦔꦺꦴꦩꦺꦴꦁꦲꦶꦏꦸ​꧈​ꦏꦺꦴꦏ꧀ꦲꦺꦤꦺꦁꦮꦺꦴꦁ​ꦠꦼꦏ​ꦱꦁꦏꦲꦺꦴꦩꦃꦲꦺ​ꦙꦆꦫꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦥꦏ꧀ꦙꦆꦫꦸꦱ꧀ꦲꦺꦴꦫ​ꦲꦸꦱꦃꦔꦿꦸꦱꦸꦃꦲꦶꦒꦸꦫꦸꦤꦺ​ꦩꦼꦤꦺꦃ​꧈​ꦲꦮꦶꦠ꧀ꦲꦤꦏ꧀ꦏꦺ​ꦮꦶꦱ꧀ꦤꦶꦁꦒꦭ꧀!”

50꧋ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦸꦔꦸ​ꦏꦧꦂꦫꦺ​ꦮꦺꦴꦁ​ꦩꦲꦸ​꧈​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦙꦆꦫꦸꦱ꧀:“ꦙꦆꦫꦸꦱ꧀ ꦲꦗ​ꦧꦶꦔꦸꦁ​꧈​ꦔꦤ꧀ꦢꦼꦭ꧀ꦭ​ꦮꦲꦺ​꧈​ꦲꦤꦏ꧀ꦩꦸ​ꦧꦏꦭ꧀ꦩꦫꦶ​꧉​”

51꧋ꦠꦼꦏꦤ꧀ꦲꦺꦴꦩꦃꦲꦺ​ꦙꦆꦫꦸꦱ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦴꦫ​ꦔ꧀ꦭꦶꦭꦤꦶ​ꦮꦺꦴꦁ​ꦭꦶꦪꦤꦺ​ꦩꦺꦭꦸ​ꦢꦺꦏ꧀ꦤꦺ꧉​ꦤꦩꦸꦁ​ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦭꦤ꧀ꦮꦺꦴꦁ​ꦠꦸꦮꦤꦺ​ꦧꦺꦴꦕꦃꦲꦺ​ꦲꦺꦤ꧀ꦠꦸꦏ꧀ꦩꦺꦭꦸ​ꦩ꧀ꦊꦧꦸ​꧉​ 52ꦮꦺꦴꦁꦮꦺꦴꦁ​ꦥꦢ​ꦱꦼꦢꦶꦭꦤ꧀ꦥꦢ​ꦤꦔꦶꦱ꧀ꦱꦶ​ꦧꦺꦴꦕꦃꦲꦺ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦲꦗ​ꦥꦢ​ꦤꦔꦶꦱ꧀꧈​ꦧꦺꦴꦕꦃꦲꦺ​ꦲꦺꦴꦫ​ꦩꦠꦶ​꧈​ꦤꦩꦸꦁ​ꦠꦸꦫꦸ​!”

53꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦪꦸ​꧈​ꦲꦮꦶꦠ꧀ꦔꦼꦂꦠꦶ​ꦤꦺꦏ꧀ꦧꦺꦴꦕꦃꦲꦺ​ꦮꦶꦱ꧀ꦩꦠꦶ​ꦠꦼꦤꦤ꧀꧈​ 54ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦠꦔꦤ꧀ꦤꦺ​ꦧꦺꦴꦕꦃꦲꦺ​꧈​ꦠꦼꦫꦸꦱ꧀ꦢꦶꦕꦼꦭꦸꦏ꧀​:“ꦮꦸꦏ꧀ ꦠꦔꦶꦪ​!” 55ꦧꦺꦴꦕꦃꦲꦺ​ꦠꦼꦫꦸꦱ꧀ꦲꦸꦫꦶꦥ꧀ꦩꦼꦤꦺꦃ​꧈​ꦠꦼꦫꦸꦱ꧀ꦱꦏ꧀ꦮꦠ꧀ꦔꦢꦼꦏ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦧꦺꦴꦕꦃꦲꦺ​꧉​ 56ꦮꦺꦴꦁ​ꦠꦸꦮꦤꦺ​ꦧꦺꦴꦕꦃꦲꦺ​ꦔ꧀ꦒꦸꦩꦸꦤ꧀ꦧꦔꦼꦠ꧀꧈​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦁꦔꦶꦁ​ꦔꦧꦂꦔꦧꦂꦫꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​꧉​ ↑ ↑ ↑


꧋ꦫꦱꦸꦭ꧀ꦫꦺꦴꦭꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀꧈​

꧇​꧙꧇​ 1꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦸꦩ꧀ꦥꦸꦭ꧀ꦭꦏꦺꦫꦱꦸꦭ꧀ꦫꦺꦴꦭꦱ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦶꦏꦼꦏꦸꦮꦠ꧀ꦠꦤ꧀ꦭꦤ꧀ꦥꦔ꧀ꦮꦱ​꧈​ꦱꦸꦥꦪ​ꦧꦶꦱ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​꧉​ 2ꦥꦫ​ꦫꦱꦸꦭ꧀ꦩꦲꦸ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦔꦧꦂꦫꦏꦺꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦱꦶꦁ​ꦭꦫ​꧉​ 3ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦲꦗ​ꦥꦢ​ꦱꦔꦸꦲꦥꦲꦥ​꧉​ꦲꦗ​ꦔ꧀ꦒꦮ​ꦠꦼꦏꦼꦤ꧀ꦲꦥ​ꦏꦤ꧀ꦠꦺꦴꦁꦔꦤ꧀ ꦥꦔꦤ꧀ꦲꦥ​ꦢꦸꦮꦶꦠ꧀ꦲꦥ​ꦱꦭꦶꦤ꧀ꦱꦺꦉꦥ꧀꧈​ 4ꦤꦺꦏ꧀ꦲꦺꦤꦺꦁꦮꦺꦴꦁ​ꦤꦩ꧀ꦥ​ꦏꦺꦴꦮꦺ​ꦤꦁꦲꦺꦴꦩꦃꦲꦺ​꧈​ꦩꦁꦒꦺꦴꦤ​ꦤꦁꦲꦺꦴꦩꦃ​ꦏꦸꦮꦶ​ꦠꦼꦏꦤꦺ​ꦏꦺꦴꦮꦺ​ꦭꦸꦔ​ꦱꦁꦏꦏꦸꦠꦏꦺꦴꦤꦺꦴ​꧉​ 5ꦤꦺꦏ꧀ꦏꦺꦴꦮꦺ​ꦠꦼꦏ​ꦤꦁꦏꦸꦠꦱꦶꦁ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦏꦺꦴꦮꦺ​꧈​ꦭꦸꦔꦲ​ꦮꦲꦺ​ꦱꦁꦏꦏꦸꦠꦏꦸꦮꦶ​꧉​ꦊꦩꦃꦲꦺ​ꦢꦶꦏꦼꦠꦺꦴꦏ꧀ꦏꦼꦠꦺꦴꦏ꧀ꦏꦏꦺꦱꦁꦏꦱꦶꦏꦶꦭ꧀ꦩꦸ​꧈​ꦱꦸꦥꦪ​ꦮꦺꦴꦁꦮꦺꦴꦁ​ꦤꦁꦏꦸꦠꦏꦺꦴꦤꦺꦴ​ꦔꦼꦂꦠꦶ​ꦢꦺꦮꦺ꧉​”

6꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦥꦢ​ꦧꦸꦢꦭ꧀ꦠꦸꦫꦸꦠ꧀ꦢꦺꦱꦢꦺꦱ​꧈​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​꧉​

꧋ꦫꦠꦸ​ꦲ꦳ꦺꦫꦺꦴꦢꦺꦱ꧀ꦧꦶꦔꦸꦁ​꧉​

7꧋ꦲ꦳ꦺꦫꦺꦴꦢꦺꦱ꧀ ꦫꦠꦸꦤꦺ​ꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧈​ꦏꦿꦸꦔꦸ​ꦱꦏ꧀ꦏꦺꦃꦲꦺꦊꦭꦏꦺꦴꦤ꧀ꦏꦸꦮꦶ​꧈​ꦠꦼꦫꦸꦱ꧀ ꦧꦶꦔꦸꦁ​꧉​ꦲꦮꦶꦠ꧀ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ꦲꦸꦫꦶꦥ꧀ꦩꦼꦤꦺꦃ​꧉​ 8ꦭꦶꦪꦤꦺ​ꦩꦼꦤꦺꦃ​ꦔꦺꦴꦩꦺꦴꦁꦗꦫꦺꦤꦺ​ꦤꦧꦶ​ꦌꦭꦶꦪ​ꦠꦼꦏ​ꦩꦼꦤꦺꦃ​꧉​ꦲꦸꦒ​ꦲꦺꦤꦺꦁꦭꦶꦪꦤꦺ​ꦩꦼꦤꦺꦃ​ꦔꦺꦴꦩꦺꦴꦁꦤꦺꦏ꧀ꦱꦏ꧀ꦮꦶꦗꦶꦤꦺꦤꦧꦶ​ꦗꦩꦤ꧀​ꦩ꧀ꦧꦶꦪꦺꦤ꧀ꦲꦸꦫꦶꦥ꧀ꦩꦼꦤꦺꦃ​꧉​ 9ꦲ꦳ꦺꦫꦺꦴꦢꦺꦱ꧀ꦔꦺꦴꦩꦺꦴꦁ:“ꦭꦃ​ꦪꦺꦴꦲꦤꦼꦱ꧀ꦮꦶꦱ꧀ꦠꦏ꧀ꦏꦺꦠꦺꦴꦏ꧀ꦒꦸꦭꦸꦤꦺ​꧉​ꦭꦃ​ꦮꦺꦴꦁ​ꦲꦶꦏꦶ​ꦱꦥ​꧈​ꦏꦺꦴꦏ꧀ꦲꦏꦸ​ꦏꦿꦸꦔꦸ​ꦗꦫꦺꦤꦺ​ꦤꦶꦤ꧀ꦢꦏ꧀ꦏꦏꦺꦥꦽꦏꦫꦥꦽꦏꦫ​ꦏꦧꦺꦃ​ꦏꦸꦮꦶ​꧉”ꦩꦸꦭꦤꦺ​ꦲ꦳ꦺꦫꦺꦴꦢꦺꦱ꧀ꦪ​ꦏꦼꦥꦺꦔꦶꦤ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁ​ꦭꦶꦩꦁ​ꦲꦺꦮꦸ​꧉​

10꧋ꦥꦫ​ꦫꦱꦸꦭ꧀ꦱꦲꦶꦏꦶ​ꦮꦶꦱ꧀ꦧꦭꦶꦏ꧀ꦩꦼꦤꦺꦃ​ꦭꦤ꧀ꦥꦢ​ꦔꦧꦂꦫꦏꦺꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦭꦏꦺꦴꦤ꧀ꦤꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦗꦺꦏ꧀ꦥꦫ​ꦫꦱꦸꦭ꧀ꦭꦺꦫꦺꦤ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦱꦼꦥꦶ​ꦤꦁꦏꦸꦠꦧꦺꦠ꧀ꦱꦲꦶꦢ​꧈​ꦱꦸꦥꦪ​ꦧꦶꦱ​ꦏꦫꦺꦴ​ꦥꦫ​ꦫꦱꦸꦭ꧀ꦢꦺꦮꦺ꧉​ 11ꦤꦁꦔꦶꦁ​ꦏꦢꦸꦁ​ꦮꦺꦴꦁꦮꦺꦴꦁ​ꦏꦿꦸꦔꦸ​꧈​ꦏꦧꦺꦃ​ꦠꦼꦫꦸꦱ꧀ꦥꦢ​ꦤꦸꦠꦸꦠ꧀ꦠꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦥ​ꦮꦺꦴꦁꦮꦺꦴꦁ​ꦩꦲꦸ​ꦭꦤ꧀ꦥꦢ​ꦢꦶꦥꦶꦠꦸꦠꦸꦂꦫꦶ​ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦶꦁ​ꦭꦫ​ꦥꦢ​ꦢꦶꦮꦫꦱ꧀ꦱꦏꦺ

12꧋ꦏꦢꦸꦁ​ꦮꦶꦱ꧀ꦱꦺꦴꦫꦺ​ꦥꦫ​ꦫꦱꦸꦭ꧀ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦥ​ꦲꦺꦴꦫ​ꦲꦥꦶꦏ꧀ꦤꦺꦏ꧀ꦮꦺꦴꦁꦮꦺꦴꦁ​ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦭꦸꦔ​ꦮꦲꦺ​꧈​ꦱꦸꦥꦪ​ꦧꦶꦱ​ꦔ꧀ꦒꦺꦴꦭꦺꦏ꧀ꦥꦔꦤ꧀ꦭꦤ꧀ꦲꦶꦤꦼꦥ꧀ꦥꦤ꧀ꦢꦺꦮꦺꦢꦺꦮꦺꦤꦁꦢꦺꦱꦢꦺꦱ​ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦺꦤꦺ​꧈​ꦲꦮꦶꦠ꧀ꦤꦁꦥꦁꦒꦺꦴꦤ꧀ꦤꦤ꧀ꦏꦺꦤꦺ​ꦲꦺꦴꦫ​ꦲꦺꦤꦺꦁꦲꦥꦲꦥ​꧉​”

13꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦺꦴꦫ​꧈​ꦏꦺꦴꦮꦺ​ꦱꦶꦁ​ꦏꦸꦢꦸ​ꦔꦼꦏꦺꦏ꧀ꦏꦶꦩꦁꦔꦤ꧀ꦮꦺꦴꦁꦮꦺꦴꦁ​!”ꦥꦫ​ꦫꦱꦸꦭ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦭꦃ​ꦏꦼꦥꦿꦶꦪꦺ​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦤꦩꦸꦁ​ꦤ꧀ꦢꦸꦮꦺꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​꧉​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦤꦸꦏꦺꦴꦏ꧀ꦏꦏꦺꦥꦔꦤ꧀ꦏꦁꦒꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​ꦏꦧꦺꦃ​?” 14ꦤꦁꦏꦺꦴꦤꦺꦴ​ꦮꦺꦴꦁ​ꦭꦩꦸꦂꦮꦲꦺ​ꦏꦶꦫꦏꦶꦫ​ꦲꦺꦤꦺꦁꦭꦶꦩꦁ​ꦲꦺꦮꦸ​ꦲꦺꦴꦏꦺꦃꦲꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦫꦱꦸꦭ꧀:“ꦏꦤ​ꦮꦺꦴꦁꦮꦺꦴꦁ​ꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒꦺꦴꦁ꧈​ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦮꦺꦴꦁ​ꦱꦺꦏꦼꦠ꧀!”

15꧋ꦥꦫ​ꦫꦱꦸꦭ꧀ꦤꦸꦫꦸꦠ꧀ꦠꦶ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦮꦺꦴꦁ​ꦏꦧꦺꦃ​ꦥꦢ​ꦢꦶꦏꦺꦴꦁꦏꦺꦴꦤ꧀​ꦚ꧀ꦗꦒꦺꦴꦁ꧉​ 16ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦭꦶꦩ​ꦭꦤ꧀ꦲꦶꦮꦏ꧀ꦭꦺꦴꦫꦺꦴ​ꦩꦲꦸ​꧉​ꦱꦏ꧀ꦮꦶꦱ꧀ꦱꦺ​ꦚꦮꦁ​ꦤ꧀ꦢꦸꦮꦸꦂ꧈​ꦫꦺꦴꦠꦶ​ꦭꦤ꧀ꦲꦶꦮꦏ꧀ꦏꦺ​ꦠꦼꦫꦸꦱ꧀ꦢꦶꦧꦼꦂꦏꦃꦲꦶ​꧈​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦢꦶꦏꦺꦏ꧀ꦏꦏꦺꦩꦫꦁ​ꦥꦫ​ꦫꦱꦸꦭ꧀ ꦏꦺꦴꦁꦏꦺꦴꦤ꧀ꦔꦼꦢꦸꦩ꧀ꦩꦫꦁ​ꦮꦺꦴꦁ​ꦏꦧꦺꦃ​꧉​ 17ꦏꦧꦺꦃ​ꦠꦼꦫꦸꦱ꧀ꦥꦢ​ꦩꦁꦔꦤ꧀ꦱꦩ꧀ꦥꦺꦏ꧀ꦮꦫꦱ꧀ꦩꦸ꧉​ꦠꦸꦫꦃꦲꦤꦺ​ꦠꦼꦫꦸꦱ꧀ꦢꦶꦭꦸꦩ꧀ꦥꦸꦏ꧀ꦏꦏꦺꦏꦫꦺꦴ​ꦥꦫ​ꦫꦱꦸꦭ꧀ ꦲꦺꦤꦺꦁꦫꦺꦴꦭꦱ꧀ꦠꦺꦁꦒꦺꦴꦏ꧀ꦏꦼꦧꦼꦏ꧀꧈​

꧋ꦥꦼꦔꦏꦺꦴꦤ꧀ꦤꦺ​ꦫꦱꦸꦭ꧀ꦦꦺꦠꦿꦸꦱ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

18꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀​ꦤ꧀ꦢꦼꦢꦺꦴꦔ​ꦢꦺꦮꦺ꧉​ꦏꦢꦸꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦏ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦔꦺꦤꦺ​:“ꦮꦺꦴꦁꦮꦺꦴꦁ​ꦔꦫꦤ꧀ꦤꦶ​ꦲꦏꦸ​ꦲꦶꦏꦶ​ꦱꦥ​?”

19꧋ꦥꦫ​ꦩꦸꦫꦶꦢ꧀ꦠꦼꦫꦸꦱ꧀ꦥꦢ​ꦱꦼꦩꦲꦸꦂ​:“ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦤꦺꦏ꧀ꦒꦸꦱ꧀ꦠꦶ​ꦏꦸꦮꦶ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀ ꦭꦶꦪꦤꦺ​ꦔꦺꦴꦩꦺꦴꦁꦗꦫꦺꦤꦺ​ꦒꦸꦱ꧀ꦠꦶ​ꦏꦸꦮꦶ​ꦤꦧꦶ​ꦌꦭꦶꦪ​꧉​ꦭꦃ​ꦭꦶꦪꦤꦺ​ꦩꦼꦤꦺꦃ​ꦔꦫꦤ꧀ꦤꦶ​ꦒꦸꦱ꧀ꦠꦶ​ꦏꦸꦮꦶ​ꦱꦏ꧀ꦮꦶꦗꦶꦤꦺꦤꦧꦶ​ꦗꦩꦤ꧀​ꦩ꧀ꦧꦶꦪꦺꦤ꧀ꦱꦶꦁ​ꦱꦲꦶꦏꦶ​ꦲꦸꦫꦶꦥ꧀ꦩꦼꦤꦺꦃ​꧉​”

20꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦼꦤꦺꦃ​:“ꦭꦃ​ꦩꦶꦠꦸꦫꦸꦠ꧀ꦥꦶꦤꦼꦩꦸꦩꦸꦢꦺꦮꦺ꧈​ꦲꦏꦸ​ꦲꦶꦏꦶ​ꦱꦥ​?”

꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦏꦺꦴꦮꦺ​ꦏꦿꦶꦱ꧀ꦡꦸꦱ꧀ ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦠꦼꦏ​ꦤꦁꦗꦒꦠ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦱꦼꦥꦶꦱꦤ꧀ꦤꦤ꧀ꦧꦧ꧀ꦏꦱꦁꦱꦫꦤꦺ​ꦭꦤ꧀ꦥꦠꦶꦤꦺ​꧉​

21꧋ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦥꦢ​ꦢꦶꦮꦤ꧀ꦠꦶꦮꦤ꧀ꦠꦶ​꧈​ꦢꦶꦥꦼꦔꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦏꦸꦮꦶ​ꦩꦲꦸ​ꦩꦫꦁ​ꦮꦺꦴꦁ​ꦭꦶꦪ​꧉​ 22ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦭꦤ꧀ꦧꦏꦭ꧀ꦢꦶꦠꦩ꧀ꦥꦶꦏ꧀ꦏꦫꦺꦴ​ꦥꦫ​ꦥꦶꦤꦶꦠꦸꦮ​꧈​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀꧈​ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺꦧꦏꦭ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​꧉​”

꧋ꦲꦥ​ꦠꦼꦒꦼꦱ꧀ꦱꦺ​ꦤꦸꦫꦸꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

23꧋ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦏꦧꦺꦃ​:“ꦱꦧꦼꦤ꧀ꦮꦺꦴꦁ​ꦱꦶꦁ​ꦏꦼꦥꦺꦔꦶꦤ꧀ꦢꦢꦶ​ꦩꦸꦫꦶꦢ꧀ꦏꦸ​ꦏꦸꦢꦸ​ꦚꦶꦁꦏꦶꦂꦫꦏꦺꦲꦮꦏ꧀ꦏꦺ​ꦢꦺꦮꦺ꧈​ꦱꦧꦼꦤ꧀ꦢꦶꦤ​ꦏꦸꦢꦸ​ꦩꦁꦒꦸꦭ꧀ꦥꦼꦤ꧀ꦠꦺꦔꦤ꧀ꦤꦺꦭꦤ꧀ꦔꦼꦠꦸꦠ꧀ꦠꦏꦺꦲꦏꦸ​꧉​ 24ꦲꦮꦶꦠ꧀ꦱꦥ​ꦱꦶꦁ​ꦤꦩꦸꦁ​ꦔꦸꦢꦶ​ꦔ꧀ꦒꦺꦴꦭꦺꦏ꧀ꦏꦼꦥꦺꦤꦏ꧀ꦏꦺ​ꦲꦸꦫꦶꦥ꧀ꦥꦺ꧈​ꦏꦸꦮꦶ​ꦧꦏꦭ꧀ꦏꦺꦭꦁꦔꦤ꧀ꦲꦸꦫꦶꦥ꧀ꦱꦶꦁ​ꦱꦼꦗꦠꦶ​꧉​ꦤꦁꦔꦶꦁ​ꦱꦥ​ꦱꦶꦁ​ꦔꦸꦂꦧꦤ꧀ꦤꦏꦺꦲꦸꦫꦶꦥ꧀ꦥꦺꦏꦁꦒꦺꦴ​ ꦲꦏꦸ​꧈​ꦏꦸꦮꦶ​ꦱꦶꦁ​ꦤꦼꦩꦸ​ꦲꦸꦫꦶꦥ꧀ꦱꦶꦁ​ꦱꦼꦗꦠꦶ​꧉​ 25ꦲꦮꦶꦠ꧀ꦲꦥ​ꦒꦸꦤꦤꦺ​ꦮꦺꦴꦁ​ꦧꦶꦱ​ꦤ꧀ꦢꦸꦮꦺꦤ꧀ꦤꦶ​ꦢꦺꦴꦚ​ꦲꦶꦏꦶ​ꦏꦧꦺꦃ​꧈​ꦤꦁꦔꦶꦁ​ꦫꦸꦱꦏ꧀ꦲꦸꦫꦶꦥ꧀ꦥꦺꦭꦤ꧀ꦏꦺꦭꦁꦔꦤ꧀ꦚꦮꦤꦺ​? 26ꦱꦥ​ꦱꦶꦁ​ꦲꦶꦱꦶꦤ꧀ꦔꦏꦸ​ꦤꦺꦏ꧀ꦢꦢꦶ​ꦩꦸꦫꦶꦢ꧀ꦏꦸ​ꦭꦤ꧀ꦲꦶꦱꦶꦤ꧀ꦔꦏꦺꦴꦤ꧀ꦤꦶ​ꦤꦺꦏ꧀ꦤꦸꦫꦸꦠ꧀ꦥꦶꦮꦸꦭꦁꦏꦸ​꧈​ꦲꦤꦏ꧀ꦏꦺ​ꦩꦤꦸꦁꦱ​ꦲꦸꦒ​ꦧꦏꦭ꧀ꦲꦶꦱꦶꦤ꧀ꦔꦏꦺꦴꦤ꧀ꦤꦶ​ꦮꦺꦴꦁ​ꦏꦸꦮꦶ​꧈​ꦲꦩ꧀ꦧꦺꦱꦸꦏ꧀ꦤꦺꦏ꧀ꦢꦺꦏ꧀ꦤꦺꦠꦼꦏ​ꦲꦶꦁ​ꦱ꧀ꦭꦺꦴꦫꦺꦴꦠ꧀ꦠꦺꦏ꧀ꦮꦱꦤꦺ​꧈​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦭꦤ꧀ꦥꦫ​ꦩꦸꦭꦺꦏꦠ꧀ꦱꦸꦕꦶ​꧉​ 27ꦥꦢ​ꦫꦸꦔꦺꦴꦏ꧀ꦤ​ꦠꦼꦩ꧀ꦧꦸꦁꦏꦸ​ꦲꦶꦏꦶ​:ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁ​ꦱꦶꦁ​ꦤꦁꦏꦺꦤꦺ​ꦲꦶꦏꦶ​ꦧꦏꦭ꧀ꦲꦺꦤꦺꦁꦱꦶꦁ​ꦲꦺꦴꦫ​ꦩꦠꦶ​ꦱꦏ꧀ꦢꦸꦫꦸꦁꦔꦺꦮꦼꦫꦸꦃ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦒꦸꦤꦸꦁ​ꦏꦫꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​꧉​

28꧋ꦏꦶꦫꦏꦶꦫ​ꦱꦼꦩꦶꦁꦒꦸ​ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦥꦽꦏꦫꦥꦽꦏꦫ​ꦏꦸꦮꦶ​ꦩꦲꦸ​꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦼꦗꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦢꦶꦒꦮ​ꦩꦸꦁꦒꦃ​ꦤꦁꦒꦸꦤꦸꦁ​ꦲꦉꦥ꧀​ꦤ꧀ꦢꦼꦢꦺꦴꦔ​꧉​ 29ꦢꦺꦴꦁꦔꦺꦲꦶꦗꦶꦏ꧀​ꦤ꧀ꦢꦼꦢꦺꦴꦔ​꧈​ꦫꦸꦥꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦭꦶꦃ​ꦭꦤ꧀ꦱꦭꦶꦤ꧀ꦤꦺꦩꦭꦶꦃ​ꦥꦸꦠꦶꦃ​ꦱꦸꦩꦼꦧ꧀ꦭꦏ꧀꧈​ 30ꦲꦸꦗꦸꦏ꧀ꦲꦸꦗꦸꦏ꧀ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦢꦺꦏ꧀ꦤꦺ꧈​ꦪꦏꦸꦮꦶ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​꧉​ꦏꦧꦺꦃ​ꦭꦺꦴꦫꦺꦴꦤꦺ​ꦠꦼꦏ​ꦔꦁꦒꦺꦴ​ꦱ꧀ꦭꦺꦴꦫꦺꦴꦠ꧀ꦠꦺꦱ꧀ꦮꦂꦒ​꧉​ 31ꦱꦶꦁ​ꦢꦶꦉꦩ꧀ꦧꦸꦏ꧀ꦧꦧ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦭꦤ꧀ꦥꦠꦶ​ꦤꦁꦏꦸꦠꦪꦺꦫꦸꦱꦭꦺꦩ꧀ ꦲꦺꦴꦫ​ꦱꦸꦮꦶꦩꦼꦤꦺꦃ​꧈​ꦱꦸꦥꦪ​ꦲꦥ​ꦱꦶꦁ​ꦮꦶꦱ꧀ꦢꦶꦫꦚ꧀ꦕꦩ꧀​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦶꦱ​ꦏ꧀ꦭꦏꦺꦴꦤ꧀ꦏꦧꦺꦃ​꧉​ 32ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦏꦼꦠꦸꦫꦺꦴꦤ꧀꧈​ꦏꦢꦸꦁ​ꦠꦔꦶ​ꦠꦼꦫꦸꦱ꧀ꦥꦢ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦁ​ꦱ꧀ꦭꦺꦴꦫꦺꦴꦠ꧀ꦠꦺꦏ꧀ꦮꦱꦤꦺ​ꦭꦤ꧀ꦲꦸꦒ​ꦮꦼꦫꦸꦃ​ꦮꦺꦴꦁ​ꦭꦺꦴꦫꦺꦴ​ꦭꦶꦪꦤꦺ​ꦔꦢꦼꦏ꧀ꦏꦫꦺꦴ​ꦢꦺꦏ꧀ꦤꦺ꧉​ 33ꦫꦱꦸꦭ꧀ꦦꦺꦠꦿꦸꦱ꧀ꦮꦼꦫꦸꦃ​ꦤꦺꦏ꧀ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​ꦲꦉꦥ꧀ꦭꦸꦔ​꧈​ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦏꦺꦴꦏ꧀​ꦤ꧀ꦢꦶꦭꦭꦃꦠꦼꦩꦼꦤ꧀ꦲꦮꦏ꧀ꦏꦺ​ꦢꦺꦮꦺꦤꦁꦏꦺꦤꦺ​꧉​ꦲꦥꦶꦏ꧀ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦔꦼꦢꦼꦏ꧀ꦏꦏꦺꦒꦸꦧꦸꦏ꧀ꦠꦼꦭꦸ​:ꦱꦶꦗꦶ​ꦏꦁꦒꦺꦴ​ꦒꦸꦱ꧀ꦠꦶ​꧈​ꦱꦶꦗꦶ​ꦏꦁꦒꦺꦴ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦱꦶꦗꦶ​ꦏꦁꦒꦺꦴ​ꦤꦧꦶ​ꦌꦭꦶꦪ​꧉”ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦗꦭꦂꦫꦤ꧀ꦢꦺꦏ꧀ꦤꦺꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦢꦶꦲꦺꦴꦩꦺꦴꦁ꧉​

34꧋ꦢꦺꦴꦁꦔꦺꦫꦱꦸꦭ꧀ꦦꦺꦠꦿꦸꦱ꧀ꦲꦶꦗꦶꦏ꧀ꦔꦺꦴꦩꦺꦴꦁꦏꦸꦮꦶ​꧈​ꦠꦼꦫꦸꦱ꧀ꦲꦺꦤꦺꦁꦩꦺꦒ​ꦠꦼꦏ​ꦤꦸꦠꦸꦥ꧀ꦥꦶ​ꦮꦺꦴꦁꦮꦺꦴꦁ​ꦏꦸꦮꦶ​꧉​ꦫꦱꦸꦭ꧀ꦦꦺꦠꦿꦸꦱ꧀ ꦪꦺꦴꦲꦤꦼꦱ꧀ꦭꦤ꧀ꦪꦏꦺꦴꦧꦸꦱ꧀ꦥꦢ​ꦮꦼꦢꦶ​ꦧꦔꦼꦠ꧀ ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦲꦶꦭꦁ​ꦤꦁꦩꦺꦒꦤꦺ​꧉​ 35ꦠꦼꦫꦸꦱ꧀ꦲꦺꦤꦺꦁꦱ꧀ꦮꦫ​ꦱꦁꦏꦩꦺꦒ​ꦩꦲꦸ​ꦔꦺꦴꦩꦺꦴꦁꦔꦺꦤꦺ​:“ꦲꦶꦏꦶ​ꦲꦤꦏ꧀ꦏꦸ​ꦱꦶꦁ​ꦮꦶꦱ꧀ꦠꦏ꧀ꦥꦶꦭꦶꦃ​꧉​ꦥꦢ​ꦢꦶꦒꦸꦒꦸ​ꦠꦼꦩ꧀ꦧꦸꦁꦔꦺ​꧉​”

36꧋ꦏꦢꦸꦁ​ꦱ꧀ꦮꦫ​ꦩꦲꦸ​ꦮꦶꦱ꧀ꦩꦼꦤꦼꦁ​꧈​ꦱꦶꦁ​ꦏꦺꦠꦺꦴꦏ꧀ꦤꦁꦏꦺꦴꦤꦺꦴ​ꦤꦩꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺ꧈​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦤꦧꦶ​ꦌꦭꦶꦪ​ꦮꦶꦱ꧀ꦲꦺꦴꦫ​ꦲꦺꦤꦺꦁ꧉​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦲꦺꦴꦫ​ꦠꦲꦸ​ꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦲꦶꦏꦶ​ꦩꦫꦁ​ꦱꦥ​ꦮꦲꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦠꦺꦧꦺꦴꦕꦃ​ꦭꦫ​ꦲꦪꦤ꧀꧈​

37꧋ꦲꦶꦁ​ꦲꦺꦱꦸꦏ꧀ꦏꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦫ​ꦩꦸꦫꦶꦢ꧀ꦢꦺ​ꦩꦼꦢꦸꦤ꧀ꦱꦁꦏꦒꦸꦤꦸꦁ​꧉​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦩꦫꦤꦶ​ꦢꦺꦏ꧀ꦤꦺ꧉​ 38ꦤꦁꦱꦏ꧀ꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦭꦤꦁ​ꦱꦶꦁ​ꦲꦩ꧀ꦧꦼꦔꦺꦴꦏ꧀:“ꦒꦸꦫꦸ​꧈​ꦲꦏꦸ​ꦲꦩ꧀ꦧꦺꦴꦏ꧀ꦢꦶꦠꦸꦭꦸꦁꦔꦶ​!ꦲꦩ꧀ꦧꦺꦴꦏ꧀ꦲꦤꦏ꧀ꦏꦸ​ꦢꦶꦢꦼꦭꦺꦴꦏ꧀ꦲꦶꦏꦶ​꧈​ꦲꦏꦸ​ꦤꦩꦸꦁ​ꦤ꧀ꦢꦸꦮꦺꦲꦤꦏ꧀ꦱꦶꦗꦶ​ꦲꦶꦏꦶ​꧉​ 39ꦧꦺꦴꦕꦃꦲꦺ​ꦤꦺꦏ꧀ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ꦠꦼꦫꦸꦱ꧀ꦲꦸꦗꦸꦏ꧀ꦲꦸꦗꦸꦏ꧀​ꦚ꧀ꦗꦼꦫꦶꦠ꧀​ꦚ꧀ꦗꦼꦫꦶꦠ꧀ ꦲꦮꦏ꧀ꦏꦺ​ꦠꦼꦫꦸꦱ꧀ꦏꦏꦸ​ꦭꦤ꧀ꦔꦼꦕꦼꦕꦼꦁꦔꦼꦕꦼꦕꦼꦁ​ꦭꦤ꧀ꦕꦁꦏꦼꦩ꧀ꦩꦺ​ꦩꦼꦠꦸ​ꦲꦸꦩ꧀ꦥ꧀ꦭꦸꦏ꧀ꦏꦺ꧉​ꦢꦼꦩꦶꦠ꧀ꦠꦺ​ꦗꦤ꧀ꦩꦶꦭꦫ​ꦧꦺꦴꦕꦃꦲꦺ​ꦠꦼꦤꦤ꧀ ꦠꦤ꧀ꦥ​ꦭꦺꦫꦺꦤ꧀ꦭꦤ꧀ꦲꦺꦴꦫ​ꦒꦼꦊꦩ꧀ꦔꦼꦕꦸꦭ꧀ꦭꦏꦺ​꧉​ 40ꦲꦏꦸ​ꦮꦶꦱ꧀​ꦚ꧀ꦗꦭꦸꦏ꧀ꦠꦸꦭꦸꦁ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦸ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​ꦔꦼꦠꦺꦴꦏ꧀ꦏꦏꦺꦢꦼꦩꦶꦠ꧀ꦠꦺ꧉​”

41꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦏ꧀ꦏꦼꦧꦕꦸꦠ꧀ꦠꦼꦤꦤ꧀ꦲꦼꦁꦒꦺꦴꦤ꧀ꦩꦸ​ꦲꦺꦴꦫ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦼꦥꦶꦫ​ꦩꦼꦤꦺꦃ​ꦱꦸꦮꦺꦤꦺ​ꦲꦼꦁꦒꦺꦴꦤ꧀ꦏꦸ​ꦏꦸꦢꦸ​ꦕꦩ꧀ꦥꦸꦂ​ꦭꦤ꧀ꦚꦧꦂꦫꦶ​ꦏꦺꦴꦮꦺ​?ꦧꦺꦴꦕꦃꦲꦺ​ꦒꦮꦤꦼꦤ꧀​ꦩ꧀ꦧꦿꦺꦤꦺ!”

42꧋ꦢꦺꦴꦁꦔꦺꦲꦶꦗꦶꦏ꧀​ꦩ꧀ꦭꦏꦸ​ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦺꦴꦕꦃꦲꦺ​ꦠꦼꦫꦸꦱ꧀ꦢꦶꦧꦤ꧀ꦠꦶꦁ​ꦏꦫꦺꦴ​ꦢꦼꦩꦶꦠ꧀ꦠꦺꦭꦤ꧀ꦲꦮꦏ꧀ꦏꦺ​ꦠꦼꦫꦸꦱ꧀ꦔꦼꦕꦼꦕꦼꦁꦔꦼꦕꦼꦕꦼꦁ​꧉​ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦤ꧀ꦠꦏ꧀ꦢꦼꦩꦶꦠ꧀ꦠꦺ꧉​ꦧꦺꦴꦕꦃꦲꦺ​ꦠꦼꦫꦸꦱ꧀ꦢꦶꦮꦫꦱ꧀ꦱꦏꦺ꧈​ꦠꦼꦫꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦧꦥꦏ꧀ꦏꦺ꧉​ 43ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀ꦮꦼꦫꦸꦃ​ꦏ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦱꦼꦩꦺꦴꦤꦺꦴ​ꦒꦼꦢꦺꦤꦺ꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦱꦼꦥꦶꦱ꧀ꦱꦤ꧀ꦩꦼꦤꦺꦃ​ꦤꦺꦏ꧀ꦢꦺꦏ꧀ꦤꦺꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀꧈​

ꦮꦺꦴꦁꦮꦺꦴꦁ​ꦢꦸꦫꦸꦁ​ꦩꦫꦶ​ꦔ꧀ꦒꦸꦩꦸꦤ꧀ꦤꦺꦧꦧ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦩꦲꦸ​꧉​ 44ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦢꦺ​:“ꦥꦢ​ꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦠꦼꦩ꧀ꦧꦸꦁꦏꦸ​ꦲꦶꦏꦶ​꧉​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦢꦶꦲꦼꦭꦸꦁꦔꦏꦺꦩꦫꦁ​ꦥꦔ꧀ꦮꦱꦤꦺ​ꦩꦤꦸꦁꦱ​꧉​” 45ꦤꦁꦔꦶꦁ​ꦥꦫ​ꦩꦸꦫꦶꦢ꧀ꦲꦺꦴꦫ​ꦥꦢ​ꦢꦸꦤꦸꦁꦲꦥ​ꦠꦼꦒꦼꦱ꧀ꦱꦺ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​꧉​ꦥꦽꦏꦫ​ꦏꦸꦮꦶ​ꦥꦚ꧀ꦕꦺꦤ꧀ꦥꦼꦠꦼꦁ​ꦏꦁꦒꦺꦴ​ꦥꦫ​ꦩꦸꦫꦶꦢ꧀ ꦢꦢꦶꦤꦺ​ꦲꦺꦴꦫ​ꦔꦼꦂꦠꦶ​ꦲꦥ​ꦠꦼꦒꦼꦱ꧀ꦱꦺ​꧉​ꦤꦁꦔꦶꦁ​ꦲꦺꦴꦫ​ꦥꦢ​ꦮꦤꦶ​ꦠꦏꦺꦴꦤ꧀ꦲꦥꦲꦥ​꧉​

꧋ꦱꦥ​ꦠ​ꦱꦶꦁ​ꦒꦼꦢꦺꦢꦺꦮꦺ?꧉​

46꧋ꦲꦶꦁ​ꦱꦏ꧀ꦠꦼꦔꦃꦲꦺ​ꦥꦫ​ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦤꦺꦁꦲꦺꦁꦏꦺꦭ꧀ꦭꦺꦁꦏꦺꦭ꧀ꦭꦤ꧀ꦧꦧ꧀ꦱꦥ​ꦱꦶꦁ​ꦥꦼꦤ꧀ꦠꦶꦁ​ꦢꦺꦮꦺ꧉​ 47ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦩꦸꦭꦤꦺ​ꦠꦼꦫꦸꦱ꧀ꦚꦼꦭꦸꦏ꧀ꦧꦺꦴꦕꦃ​ꦕꦶꦭꦶꦏ꧀ꦱꦶꦗꦶ​꧈​ꦢꦶꦏꦺꦴꦁꦏꦺꦴꦤ꧀ꦔꦢꦼꦏ꧀ꦤꦁꦗꦺꦗꦺꦂꦫꦺ​꧉​ 48ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦔꦺꦤꦺ​:“ꦱꦥ​ꦱꦶꦁ​ꦤꦩ꧀ꦥ​ꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​ꦲꦶꦁ​ꦗꦼꦤꦼꦁꦏꦸ​꧈​ꦮꦺꦴꦁ​ꦏꦸꦮꦶ​ꦤꦩ꧀ꦥ​ꦲꦏꦸ​꧉​ꦭꦃ​ꦮꦺꦴꦁ​ꦱꦶꦁ​ꦤꦩ꧀ꦥ​ꦲꦏꦸ​ꦏꦸꦮꦶ​ꦲꦸꦒ​ꦤꦩ꧀ꦥ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔꦺꦴꦁꦏꦺꦴꦤ꧀ꦲꦏꦸ​꧉​ꦲꦮꦶꦠ꧀ꦱꦶꦁ​ꦕꦶꦭꦶꦏ꧀ꦢꦺꦮꦺꦤꦁꦠꦼꦔꦃꦩꦸ​ꦏꦧꦺꦃ​꧈​ꦪꦏꦸꦮꦶ​ꦱꦶꦁ​ꦒꦼꦢꦺꦢꦺꦮꦺ꧉​”

꧋ꦱꦥ​ꦱꦶꦁ​ꦲꦺꦴꦫ​ꦔ꧀ꦭꦮꦤ꧀ ꦪꦏꦸꦮꦶ​ꦱꦶꦁ​ꦔꦿꦸꦗꦸꦏ꧀ꦏꦶ​꧉​

49꧋ꦫꦱꦸꦭ꧀ꦪꦺꦴꦲꦤꦼꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦮꦼꦫꦸꦃ​ꦲꦺꦤꦺꦁꦮꦺꦴꦁ​ꦤꦸꦤ꧀ꦢꦸꦁꦢꦼꦩꦶꦠ꧀ꦔꦁꦒꦺꦴ​ꦗꦼꦤꦼꦁꦩꦸ​꧉​ꦲꦮꦏ꧀ꦏꦺ​ꦢꦺꦮꦺꦩꦼꦁꦔꦶꦁ​ꦮꦺꦴꦁꦔꦺ​꧈​ꦲꦮꦶꦠ꧀ꦮꦺꦴꦁꦔꦺ​ꦲꦺꦴꦫ​ꦩꦺꦭꦸ​ꦲꦮꦏ꧀ꦏꦺ​ꦢꦺꦮꦺ꧉​”

50꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦴꦁꦔꦺ​ꦲꦗ​ꦢꦶꦲꦭꦁꦔꦭꦁꦔꦶ꧉​ꦲꦮꦶꦠ꧀ꦮꦺꦴꦁ​ꦱꦶꦁ​ꦲꦺꦴꦫ​ꦔ꧀ꦭꦮꦤ꧀ꦏꦺꦴꦮꦺ​꧈​ꦏꦸꦮꦶ​ꦔꦿꦸꦗꦸꦏ꧀ꦏꦶ​ꦏꦺꦴꦮꦺ​!”

꧋ꦱꦏ꧀ꦮꦶꦗꦶꦤꦺꦢꦺꦱ​ꦤꦁꦧꦮꦃꦱꦩꦫꦶꦪ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

51꧋ꦢꦶꦤꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀​ꦚ꧀ꦗꦶꦏꦸꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦱ꧀ꦮꦂꦒ​ꦮꦶꦱ꧀ꦕꦼꦢꦼꦏ꧀​꧉​ 52ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦥꦚ꧀ꦕꦺꦤ꧀ꦮꦶꦱ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦲꦉꦥ꧀ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦩꦸꦭꦤꦺ​ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦮꦺꦴꦁ​ꦧꦸꦢꦭ꧀​ꦤ꧀ꦢꦶꦱꦶꦏ꧀꧈​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦢꦺꦱ​ꦤꦁꦧꦮꦃꦱꦩꦫꦶꦪ​꧈​ꦲꦉꦥ꧀​ꦔ꧀ꦒꦺꦴꦭꦺꦏ꧀ꦲꦶꦤꦼꦥ꧀ꦥꦤ꧀꧈​ 53ꦤꦁꦔꦶꦁ​ꦮꦺꦴꦁꦮꦺꦴꦁ​ꦤꦁꦢꦺꦱ​ꦏꦺꦴꦤꦺꦴ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦮꦶꦠ꧀ꦮꦺꦴꦁꦮꦺꦴꦁ​ꦔꦼꦂꦠꦶ​ꦤꦺꦏ꧀ꦱꦶꦁ​ꦢꦶꦠꦸꦗꦸ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦠꦪꦺꦫꦸꦱꦭꦺꦩ꧀꧈​ 54ꦏꦢꦸꦁ​ꦩꦸꦫꦶꦢ꧀ꦭꦺꦴꦫꦺꦴ​꧈​ꦪꦏꦸꦮꦶ​ꦫꦱꦸꦭ꧀ꦪꦏꦺꦴꦧꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦮꦼꦫꦸꦃ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​꧈​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦥ​ꦲꦮꦏ꧀ꦏꦺ​ꦢꦺꦮꦺꦏꦼꦭꦶꦭ꧀ꦭꦤ꧀ꦩꦸꦗꦺꦏ꧀ꦏꦏꦺꦮꦺꦴꦁꦮꦺꦴꦁ​ꦢꦶꦱꦩ꧀ꦧꦼꦂ​ꦧ꧀ꦊꦢꦺꦏ꧀ꦮꦲꦺ​꧈​ꦱꦸꦥꦪ​ꦩꦠꦶ​ꦏꦧꦺꦃ​!” 55ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦔꦼꦂ​ꦩꦤ꧀ꦢꦼꦁ​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦥꦢ​ꦢꦶꦱꦼꦤꦺꦤ꧀ꦤꦶ꧉​

56꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦧꦸꦢꦭ꧀ꦤꦁꦢꦺꦱ​ꦭꦶꦪꦤꦺ​꧉​

꧋ꦲꦥ​ꦠꦼꦒꦼꦱ꧀ꦱꦺ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

57꧋ꦱꦏ꧀ꦧꦉꦁꦔꦺꦩ꧀ꦭꦏꦸ​ꦲꦉꦥ꧀ꦤꦁꦢꦺꦱ​ꦭꦶꦪꦤꦺ​ꦩꦲꦸ​꧈​ꦲꦺꦤꦺꦁꦮꦺꦴꦁ​ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦏꦸ​ꦲꦉꦥ꧀ꦩꦺꦭꦸ​ꦏꦺꦴꦮꦺ​ꦤꦁꦲꦼꦤ꧀ꦢꦶ​ꦮꦲꦺ​!”

58꧋ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦱꦸ​ꦲꦭꦱ꧀ꦱꦤ꧀​ꦤ꧀ꦢꦸꦮꦺꦫꦺꦴꦁ​ꦭꦤ꧀ꦩꦤꦸꦏ꧀​ꦤ꧀ꦢꦸꦮꦺꦱꦸꦱꦸꦏ꧀ ꦤꦁꦔꦶꦁ​ꦲꦤꦏ꧀ꦏꦺ​ꦩꦤꦸꦁꦱ​ꦲꦺꦴꦫ​ꦤ꧀ꦢꦸꦮꦺꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦚꦺꦭꦺꦃꦲꦏꦺꦱꦶꦫꦃꦲꦺ​꧉​”

59꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦶꦪꦤꦺ​:“ꦲ꦳ꦪꦸꦏ꧀ꦩꦺꦭꦸꦮ​ꦲꦏꦸ​!”ꦤꦁꦔꦶꦁ​ꦮꦺꦴꦁꦔꦺ​ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦲꦏꦸ​ꦢꦶꦭꦶꦭꦤꦶ​ꦔꦸꦧꦸꦂ​ꦧꦥꦏ꧀ꦏꦸ​ꦤ꧀ꦢꦶꦱꦶꦏ꧀!”

60꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦧꦺꦤ꧀ꦮꦺꦴꦁ​ꦩꦠꦶ​ꦔꦸꦧꦸꦂ​ꦱꦶꦁ​ꦩꦠꦶ​꧈​ꦤꦁꦔꦶꦁ​ꦏꦺꦴꦮꦺ​ꦏꦤ​ꦧꦸꦢꦭ꧀ꦔꦧꦂꦫꦏꦺꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

61꧋ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦩꦼꦤꦺꦃ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦏꦸ​ꦒꦼꦊꦩ꧀ꦩꦺꦭꦸ​ꦏꦺꦴꦮꦺ​꧈​ꦤꦁꦔꦶꦁ​ꦲꦏꦸ​ꦠꦏ꧀ꦥꦩꦶꦠ꧀ꦠꦤ꧀ꦩꦫꦁ​ꦧꦿꦪꦠ꧀ꦏꦸ​ꦤ꧀ꦢꦶꦱꦶꦏ꧀!”

62꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦮꦺꦴꦁ​ꦱꦶꦁ​ꦔꦼꦥ꧀ꦭꦸꦏ꧀ꦱꦮꦃꦲꦺ​꧈​ꦤꦁꦔꦶꦁ​ꦤꦺꦴꦭꦺꦃ​ꦲꦩ꧀ꦧꦸꦫꦶ​꧈​ꦮꦺꦴꦁ​ꦏꦸꦮꦶ​ꦲꦺꦴꦫ​ꦥꦤ꧀ꦠꦼꦱ꧀ꦚꦩ꧀ꦧꦸꦠ꧀ꦠꦲꦶꦁ​ꦏꦿꦠꦺꦴꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦗꦶ​ꦩꦸꦫꦶꦢ꧀ꦥꦶꦠꦸꦁ​ꦥꦸꦭꦸꦃ​꧉​

꧇​꧑꧐꧇​ 1꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦗꦶ​ꦩꦸꦫꦶꦢ꧀ꦩꦼꦤꦺꦃ​꧈​ꦥꦶꦠꦸꦁ​ꦥꦸꦭꦸꦃ​ꦭꦺꦴꦫꦺꦴ​ꦲꦺꦴꦏꦺꦃꦲꦺ꧉​ꦩꦸꦫꦶꦢ꧀ꦩꦸꦫꦶꦢ꧀ꦲꦶꦏꦶ​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦸꦢꦭ꧀ꦧꦉꦁ​ꦭꦺꦴꦫꦺꦴꦭꦺꦴꦫꦺꦴ​꧈​ꦤ꧀ꦢꦶꦱꦶꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦔ꧀ꦊꦧꦺꦴꦤ꧀ꦤꦶꦱꦧꦼꦤ꧀ꦏꦸꦠꦭꦤ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦉꦥ꧀ꦢꦶꦠꦼꦏꦤꦶ​꧉​ 2ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦲꦶꦏꦶ​:“ꦱꦶꦁ​ꦏꦸꦢꦸ​ꦢꦶꦲꦼꦤꦺꦤ꧀ꦤꦶ​ꦥꦚ꧀ꦕꦺꦤ꧀ꦲꦺꦴꦏꦺꦃ꧈​ꦤꦁꦔꦶꦁ​ꦧꦲꦸꦤꦺ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏ꧉​ꦩꦸꦭꦤꦺ​꧈​ꦥꦢ​ꦚꦸꦮꦸꦤ​ꦩꦫꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ ꦱꦸꦥꦪ​ꦔꦺꦴꦁꦏꦺꦴꦤ꧀ꦮꦺꦴꦁ​ꦲꦺꦴꦏꦺꦃ ꦏꦁꦒꦺꦴ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦥꦤꦺꦤ꧀ꦤꦤ꧀ꦤꦺ​꧉​ 3ꦏꦤ​ꦥꦢ​ꦧꦸꦢꦭ꧀ꦭꦭꦤ꧀ꦥꦢ​ꦔꦼꦂꦠꦶꦪ​:ꦲꦏꦸ​ꦔꦺꦴꦁꦏꦺꦴꦤ꧀ꦏꦺꦴꦮꦺ​ꦧꦸꦢꦭ꧀ꦏꦪ​ꦕꦼꦩ꧀ꦥꦺ​ꦤꦁꦠꦼꦔꦃꦲꦺ​ꦩꦕꦤ꧀ꦩꦕꦤ꧀​꧉​ 4ꦲꦗ​ꦥꦢ​ꦱꦔꦸꦢꦸꦮꦶꦠ꧀ꦲꦥ​ꦔ꧀ꦒꦮ​ꦏꦤ꧀ꦠꦺꦴꦁꦔꦤ꧀ꦲꦥ​ꦱꦼꦥꦠꦸ​꧉​ꦤꦺꦏ꧀ꦤꦁꦢꦭꦤ꧀ꦲꦗ​ꦩꦤ꧀ꦢꦼꦏ꧀​ꦩ꧀ꦧꦒꦺꦏ꧀ꦏꦏꦺꦮꦺꦴꦁ​꧉​ 5ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦲꦺꦴꦩꦃ​꧈​ꦩ꧀ꦧꦒꦺꦏ꧀ꦏꦏꦺꦔꦺꦤꦺ​:'ꦠꦼꦤ꧀ꦠꦽꦩ꧀​ꦱ꧀ꦭꦩꦼꦠ꧀​ꦩꦫꦁ​ꦲꦺꦴꦩꦃ​ꦲꦶꦏꦶ​꧉'​ 6ꦤꦺꦏ꧀ꦮꦺꦴꦁ​ꦱꦶꦁ​ꦩꦁꦒꦺꦴꦤ꧀ꦤꦁꦲꦺꦴꦩꦃ​ꦏꦺꦴꦤꦺꦴ​ꦱꦼꦤꦼꦁ​ꦩꦫꦁ​ꦏꦠꦼꦤ꧀ꦠꦽꦩ꧀ꦩꦤ꧀ ꦥꦩꦸꦗꦶꦩꦸꦩꦫꦏ꧀ꦏꦏꦺꦮꦺꦴꦁꦮꦺꦴꦁ​ꦩꦲꦸ​ꦤꦩ꧀ꦥ​ꦏꦠꦼꦤ꧀ꦠꦽꦩ꧀ꦩꦤ꧀꧈​ꦤꦁꦔꦶꦁ​ꦤꦺꦏ꧀ꦮꦺꦴꦁꦮꦺꦴꦁ​ꦲꦺꦴꦫ​ꦱꦼꦤꦼꦁ​ꦩꦫꦁ​ꦏꦠꦼꦤ꧀ꦠꦽꦩ꧀ꦩꦤ꧀ ꦥꦩꦸꦗꦶꦩꦸꦧꦏꦭ꧀ꦧꦭꦶꦏ꧀ꦩꦼꦤꦺꦃ​ꦩꦫꦁ​ꦏꦺꦴꦮꦺ​꧉​ 7ꦤꦺꦏ꧀ꦏꦺꦴꦮꦺ​ꦢꦶꦠꦩ꧀ꦥ​ꦤꦁꦱꦏ꧀ꦮꦶꦗꦶꦤꦺꦲꦺꦴꦩꦃ​꧈​ꦩꦁꦒꦺꦴꦤ​ꦠꦼꦫꦸꦱ꧀ꦤꦁꦲꦺꦴꦩꦃ​ꦏꦺꦴꦤꦺꦴ​꧉​ꦥꦢ​ꦩꦁꦔꦤ​ꦭꦤ꧀ꦔꦺꦴꦩ꧀ꦧꦺꦪ​ꦲꦥ​ꦱꦶꦁ​ꦢꦶꦱꦸꦒꦸꦃꦲꦏꦺꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦮꦺꦴꦁ​ꦱꦶꦁ​ꦚꦩ꧀ꦧꦸꦠ꧀ꦠꦮꦶꦱ꧀ꦱꦏ꧀ꦩꦼꦱ꧀ꦠꦶꦤꦺꦤꦺꦏ꧀ꦤꦩ꧀ꦥ​ꦲꦸꦥꦃꦲꦺ꧉​ꦤꦁꦔꦶꦁ​ꦲꦗ​ꦔꦺꦴꦭꦃꦔꦭꦶꦃ​ꦲꦼꦁꦒꦺꦴꦤ꧀ꦩꦸ​ꦔꦶꦤꦼꦥ꧀꧈​ 8ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦏꦸꦠꦭꦤ꧀ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​ꦤꦩ꧀ꦥ​ꦏꦺꦴꦮꦺ​ꦲꦥꦶꦏ꧀ ꦩꦁꦔꦤ​ꦲꦥ​ꦱꦶꦁ​ꦢꦶꦱꦸꦒꦸꦃꦲꦏꦺꦩꦫꦁ​ꦏꦺꦴꦮꦺ​꧉​ 9ꦮꦺꦴꦁ​ꦭꦫ​ꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦢꦶꦮꦫꦱ꧀ꦤꦭꦤ꧀ꦮꦺꦴꦁꦮꦺꦴꦁ​ꦥꦢ​ꦢꦶꦲꦺꦴꦩꦺꦴꦁꦔꦶꦔꦺꦤꦺ​:'ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦁꦠꦼꦔꦃꦩꦸ​꧉'​ 10-11ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦏꦸꦠ꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦤꦁꦏꦸꦠꦏꦺꦴꦤꦺꦴ​ꦲꦺꦴꦫ​ꦒꦼꦊꦩ꧀ꦤꦩ꧀ꦥ​ꦏꦺꦴꦮꦺ​꧈​ꦩ꧀ꦭꦏꦸꦮ​ꦤꦁꦢꦭꦤ꧀ꦢꦭꦤ꧀ꦭꦤ꧀ꦔꦺꦴꦩꦺꦴꦁ:'ꦊꦩꦃꦲꦺ​ꦏꦸꦠꦲꦶꦏꦶ​꧈​ꦱꦶꦁ​ꦤꦺꦩ꧀ꦥꦺꦭ꧀ꦤꦁꦱꦶꦏꦶꦭ꧀ꦏꦸ​꧈​ꦠꦏ꧀ꦏꦼꦠꦺꦴꦏ꧀ꦏꦼꦠꦺꦴꦏ꧀ꦏꦏꦺꦤꦁꦔꦉꦥ꧀ꦩꦸ​꧈​ꦱꦸꦥꦪ​ꦏꦺꦴꦮꦺ​ꦥꦢ​ꦔꦼꦂꦠꦶ​ꦢꦺꦮꦺ꧉​ꦲꦗ​ꦭꦭꦶ​ꦤꦺꦏ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦏꦺꦴꦮꦺ​꧉'​ 12ꦥꦢ​ꦔꦼꦂꦠꦶꦪ​꧈​ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦱꦼꦠꦿꦥꦤ꧀ꦤꦺꦏꦸꦠꦱꦺꦴꦢꦺꦴꦩ꧀ꦲꦶꦗꦶꦏ꧀ꦲꦺꦤ꧀ꦠꦺꦁꦤꦺꦏ꧀ꦢꦶꦥꦢꦏ꧀ꦏꦏꦺꦏꦫꦺꦴ​ꦱꦼꦠꦿꦥꦤ꧀ꦤꦺꦏꦸꦠꦱꦶꦁ​ꦤꦩ꧀ꦥꦶꦏ꧀ꦏꦺꦴꦮꦺ​ꦏꦸꦮꦶ​꧉​”

꧋ꦏꦸꦠꦏꦸꦠꦱꦶꦁ​ꦲꦺꦴꦫ​ꦒꦼꦊꦩ꧀ꦥꦽꦕꦪ​꧉​

13꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦕꦶꦭꦏ​ꦏꦺꦴꦮꦺ​꧈​ꦏꦸꦠꦑꦺꦴꦫꦱꦶꦩ꧀!ꦕꦶꦭꦏ​ꦲꦸꦒ​ꦏꦺꦴꦮꦺ​꧈​ꦏꦸꦠꦧꦺꦠ꧀ꦱꦲꦶꦢ​!ꦲꦮꦶꦠ꧀ꦱꦼꦩꦸꦁꦒꦺꦴꦤ꧀ꦤꦺꦤꦁꦏꦸꦠꦱꦶꦢꦺꦴꦤ꧀ꦭꦤ꧀ꦠꦶꦫꦸꦱ꧀ꦲꦺꦤꦺꦁꦩꦸꦗꦶꦗꦠ꧀ꦩꦸꦗꦶꦗꦠ꧀ꦏꦪ​ꦱꦶꦁ​ꦤꦁꦠꦼꦔꦃꦩꦸ​꧈​ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​ꦩꦼꦱ꧀ꦠꦶꦮꦶꦱ꧀​ꦩ꧀ꦧꦶꦪꦺꦤ꧀​ꦩ꧀ꦧꦶꦪꦺꦤ꧀ꦥꦢ​ꦔꦏꦺꦴꦤ꧀ꦤꦶ​ꦱꦭꦃꦲꦺ​ꦭꦤ꧀ꦥꦢ​ꦔꦁꦒꦺꦴ​ꦱꦭꦶꦤ꧀ꦱꦏꦃꦭꦤ꧀ꦲꦸꦱꦥ꧀ꦥꦤ꧀ꦲꦮꦸ​ꦱꦶꦫꦃꦲꦺ​ꦏꦁꦒꦺꦴ​ꦠꦤ꧀ꦢꦏꦱꦸꦱꦃꦲꦤ꧀ꦤꦺ​꧉​ 14ꦲꦩ꧀ꦧꦺꦱꦸꦏ꧀ꦲꦶꦁ​ꦢꦶꦤ​ꦏꦿꦸꦠꦺꦴꦤ꧀ꦏꦸꦠꦠꦶꦫꦸꦱ꧀ꦭꦤ꧀ꦱꦶꦢꦺꦴꦤ꧀ꦱꦼꦠꦿꦥꦤ꧀ꦤꦺꦭꦸꦮꦶꦃ​ꦲꦺꦤ꧀ꦠꦺꦁꦤꦺꦏ꧀ꦢꦶꦥꦢꦏ꧀ꦏꦏꦺꦏꦫꦺꦴ​ꦱꦼꦠꦿꦥꦤ꧀ꦩꦸ꧉​ 15ꦲꦸꦒ​ꦏꦺꦴꦮꦺ​ꦱꦶꦁ​ꦩꦁꦒꦺꦴꦤ꧀ꦤꦁꦏꦸꦠꦑꦥꦺꦂꦤꦏꦸꦩ꧀!ꦲꦥ​ꦏꦺꦴꦮꦺ​ꦧꦏꦭ꧀ꦢꦶꦗꦸꦚ꧀ꦗꦸꦁ​ꦩꦸꦁꦒꦃ​ꦱ꧀ꦮꦂꦒ​?ꦲꦺꦴꦫ​ꦧꦏꦭ꧀!ꦏꦺꦴꦮꦺ​ꦩꦭꦃ​ꦧꦏꦭ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦮꦺꦴꦁ​ꦩꦠꦶ​꧉​” 16ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦥ​ꦱꦶꦁ​ꦩꦤꦸꦠ꧀ꦩꦫꦁ​ꦥꦶꦮꦸꦭꦁꦩꦸ​꧈​ꦏꦸꦮꦶ​ꦲꦸꦒ​ꦩꦤꦸꦠ꧀ꦩꦫꦁ​ꦲꦏꦸ​꧉​ꦱꦥ​ꦱꦶꦁ​ꦤꦩ꧀ꦥꦶꦏ꧀ꦏꦺꦴꦮꦺ​꧈​ꦏꦸꦮꦶ​ꦪ​ꦤꦩ꧀ꦥꦶꦏ꧀ꦲꦏꦸ​꧉​ꦭꦤ꧀ꦱꦥ​ꦱꦶꦁ​ꦤꦩ꧀ꦥꦶꦏ꧀ꦲꦏꦸ​꧈​ꦏꦸꦮꦶ​ꦤꦩ꧀ꦥꦶꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔꦺꦴꦁꦏꦺꦴꦤ꧀ꦲꦏꦸ​!”

꧋ꦩꦸꦫꦶꦢ꧀ꦥꦶꦠꦸꦁ​ꦥꦸꦭꦸꦃ​ꦭꦺꦴꦫꦺꦴ​ꦮꦶꦱ꧀ꦧꦭꦶꦏ꧀꧈​

17꧋ꦩꦸꦫꦶꦢ꧀ꦥꦶꦠꦸꦁ​ꦥꦸꦭꦸꦃ​ꦭꦺꦴꦫꦺꦴ​ꦩꦲꦸ​ꦥꦢ​ꦧꦭꦶꦏ꧀ꦏꦫꦺꦴ​ꦧꦸꦔꦃ​꧉​ꦥꦢ​ꦔꦺꦴꦩꦺꦴꦁꦔꦺꦤꦺ​:“ꦒꦸꦱ꧀ꦠꦶ​꧈​ꦒꦺꦏ꧀ꦢꦼꦩꦶꦠ꧀ꦢꦼꦩꦶꦠ꧀ꦮꦲꦺ​ꦥꦢ​ꦩꦤꦸꦠ꧀ꦩꦫꦁ​ꦲꦮꦏ꧀ꦏꦺ​ꦢꦺꦮꦺꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦚꦼꦭꦸꦏ꧀ꦗꦼꦤꦼꦁꦩꦸ​꧉​”

18꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦲꦏꦸ​ꦮꦼꦫꦸꦃ​ꦱꦺꦠꦤ꧀​ꦠꦶꦧ​ꦱꦁꦏꦭꦔꦶꦠ꧀ꦏꦪ​ꦏ꧀ꦭꦺꦭꦥ꧀ꦥꦺꦧ꧀ꦊꦢꦺꦏ꧀꧈​ 19ꦥꦢ​ꦢꦶꦲꦺꦭꦶꦁ​!ꦏꦺꦴꦮꦺ​ꦮꦶꦱ꧀ꦠꦏ꧀ꦏꦺꦏ꧀ꦏꦶꦥꦔ꧀ꦮꦱ​ꦔꦶꦢꦼꦏ꧀ꦲꦶꦢꦼꦏ꧀ꦲꦸꦭ​ꦭꦤ꧀ꦏꦭꦗꦼꦁꦏꦶꦁ​ꦭꦤ꧀ꦲꦸꦒ​ꦔꦭꦃꦲꦏꦺꦏꦼꦏꦸꦮꦠ꧀ꦠꦤ꧀ꦤꦺ​ꦩꦸꦁꦱꦸꦃ​꧉​ꦲꦺꦴꦫ​ꦲꦺꦤꦺꦁꦲꦥ​ꦮꦲꦺ​ꦱꦶꦁ​ꦧꦏꦭ꧀​ꦔ꧀ꦒꦮꦺ​ꦕꦶꦭꦏꦩꦸ​꧉​ 20ꦤꦁꦔꦶꦁ​꧈​ꦏꦺꦴꦮꦺ​ꦲꦗ​ꦥꦢ​ꦧꦸꦔꦃ​ꦗꦭꦂꦫꦤ꧀ꦢꦼꦩꦶꦠ꧀ꦢꦼꦩꦶꦠ꧀ꦩꦤꦸꦠ꧀ꦩꦫꦁ​ꦏꦺꦴꦮꦺ​꧈​ꦭꦸꦮꦸꦁꦥꦢ​ꦧꦸꦔꦃꦲ​ꦤꦺꦏ꧀ꦗꦼꦤꦼꦁꦩꦸ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦱ꧀ꦮꦂꦒ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦔꦃ​ꦲꦠꦶꦤꦺ​꧉​

21꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦸꦔꦃ​ꦠꦼꦤꦤ꧀ꦲꦶꦁ​ꦲꦠꦶꦤꦺ​꧈​ꦗꦭꦂꦫꦤ꧀ꦏꦼꦧꦼꦏ꧀ꦏꦫꦺꦴ​ꦫꦺꦴꦃ​ꦱꦸꦕꦶ​꧉​ꦢꦺꦏ꧀ꦤꦺ​ꦠꦼꦫꦸꦱ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:“ꦧꦥꦏ꧀ꦏꦸ​꧈​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦭꦔꦶꦠ꧀ꦭꦤ꧀ꦧꦸꦩꦶ​꧈​ꦲꦏꦸ​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦏꦺꦴꦮꦺ​ꦚꦶꦩ꧀ꦥꦼꦤ꧀ꦥꦽꦏꦫꦥꦽꦏꦫ​ꦲꦶꦏꦶ​ꦏꦁꦒꦺꦴ​ꦮꦺꦴꦁ​ꦥꦶꦤ꧀ꦠꦼꦂ​ꦭꦤ꧀ꦱꦶꦁ​ꦤ꧀ꦢꦸꦮꦺꦏꦮꦼꦫꦸꦃ꧈​ꦤꦁꦔꦶꦁ​ꦩ꧀ꦧꦺꦴꦏ꧀ꦈꦢꦂꦫꦏꦺꦏꦁꦒꦺꦴ​ꦮꦺꦴꦁ​ꦱꦶꦁ​ꦕꦶꦭꦶꦏ꧀꧈​ꦥꦚ꧀ꦕꦺꦤ꧀​꧈​ꦏꦧꦺꦃ​ꦲꦶꦏꦶ​ꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦩꦤꦸꦠ꧀ꦏꦼꦏꦉꦥ꧀ꦥꦤ꧀ꦩꦸ​ꦭꦤ꧀ꦱꦼꦤꦼꦁꦩꦸ​ꦢꦺꦮꦺ꧉​

22꧋“ꦱꦼꦩ꧀ꦧꦫꦁ​ꦏꦧꦺꦃ​ꦮꦶꦱ꧀ꦢꦶꦥꦱꦿꦃꦲꦏꦺꦩꦫꦁ​ꦲꦏꦸ​ꦏꦫꦺꦴ​ꦧꦥꦏ꧀ꦏꦸ​꧉​ꦲꦺꦴꦫ​ꦲꦺꦤꦺꦁ ꦮꦺꦴꦁ​ꦱꦶꦁ​ꦔꦼꦂꦠꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦱꦥ​꧈​ꦤꦩꦸꦁ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦱꦶꦁ​ꦔꦼꦂꦠꦶ​ꦭꦤ꧀ꦲꦺꦴꦫ​ꦲꦺꦤꦺꦁꦮꦺꦴꦁ​ꦔꦼꦂꦠꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺ꧈​ꦏꦼꦗꦧ​ꦲꦤꦏ꧀ꦏꦺ​ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦮꦶꦱ꧀ꦢꦶꦥꦶꦭꦶꦃ​ꦏꦫꦺꦴ​ꦲꦤꦏ꧀ꦏꦺ​ꦱꦸꦥꦪ​ꦏꦼꦤꦭ꧀ꦩꦫꦁ​ꦧꦥꦏ꧀ꦏꦺ꧉​”

23꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ꧈​ꦤꦁꦔꦶꦁ​ꦤꦩꦸꦁ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀:“ꦏꦺꦴꦮꦺ​ꦥꦚ꧀ꦕꦺꦤ꧀ꦮꦺꦴꦁ​ꦱꦶꦁ​ꦧꦼꦗꦧꦔꦼꦠ꧀ ꦲꦮꦶꦠ꧀ꦏꦺꦴꦮꦺ​ꦮꦼꦫꦸꦃ​ꦥꦽꦏꦫꦥꦽꦏꦫ​ꦏꦸꦮꦶ​ꦏꦫꦺꦴ​ꦩꦿꦶꦥꦠ꧀ꦩꦸ​ꦢꦺꦮꦺ꧉​ 24ꦲꦮꦶꦠ꧀ꦥꦢ​ꦔꦼꦂꦠꦶꦪ​:ꦲꦺꦴꦏꦺꦃꦤꦧꦶ​ꦭꦤ꧀ꦫꦠꦸ​ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦥꦽꦏꦫꦥꦽꦏꦫ​ꦱꦶꦁ​ꦏꦺꦴꦮꦺ​ꦮꦼꦫꦸꦃ​꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​ꦲꦸꦒ​ꦥꦢ​ꦏꦼꦥꦺꦔꦶꦤ꧀ꦏꦿꦸꦔꦸ​ꦱꦶꦁ​ꦲꦩ꧀ꦧꦺꦴꦏ꧀ꦫꦸꦔꦺꦴꦏ꧀ꦏꦏꦺ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​”

꧋ꦮꦺꦴꦁ​ꦱꦩꦫꦶꦪ​ꦱꦶꦁ​ꦤ꧀ꦢꦸꦮꦺꦩꦼꦭꦱ꧀꧈​

25꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦺꦤꦺꦁꦒꦸꦫꦸ​ꦏꦶꦠꦧ꧀ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦔꦼꦤꦺꦁꦢꦺꦏ꧀ꦤꦺ꧉​ꦮꦺꦴꦁꦔꦺ​ꦔꦺꦴꦩꦺꦴꦁꦔꦺꦤꦺ​:“ꦒꦸꦫꦸ​꧈​ꦲꦏꦸ​ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦥ​ꦧꦶꦱꦤꦺ​ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​?”

26꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦭꦃ​ꦤꦁꦮꦺꦠ꧀ꦠꦺꦏꦶꦠꦧ꧀​ꦏꦼꦠꦸꦭꦶꦱ꧀ꦏꦼꦥꦿꦶꦪꦺ​?ꦲꦥ​ꦱꦶꦁ​ꦩ꧀ꦧꦺꦴꦏ꧀ꦮꦕ​ꦤꦁꦏꦺꦴꦤꦺꦴ​?”

27꧋ꦒꦸꦫꦸ​ꦏꦶꦠꦧ꧀ꦩꦲꦸ​ꦠꦼꦫꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦥꦢ​ꦠꦿꦺꦱ꧀ꦤꦲꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃꦩꦸꦱꦏ꧀ꦲꦠꦶꦩꦸ​꧈​ꦱꦏ꧀ꦚꦮꦩꦸ​꧈​ꦔꦁꦒꦺꦴ​ꦱꦏ꧀ꦲꦺꦤꦺꦁꦔꦺꦏꦼꦏꦸꦮꦠ꧀ꦠꦤ꧀ꦩꦸ​ꦭꦤ꧀ꦱꦏ꧀ꦲꦺꦤꦺꦁꦔꦺꦥꦶꦏꦶꦂꦫꦤ꧀ꦩꦸ​꧉​ꦲꦸꦒ​꧈​ꦠꦿꦺꦱ꧀ꦤꦲꦩꦫꦁ​ꦥꦼꦥꦢꦩꦸꦏꦪ​ꦲꦼꦁꦒꦺꦴꦤ꧀ꦩꦸ​ꦤꦿꦺꦱ꧀ꦤꦤ꧀ꦤꦶꦲꦮꦏ꧀ꦩꦸ​ꦢꦺꦮꦺ꧉​”

28꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦲꦸꦂꦫꦤ꧀ꦤꦺ​ꦏꦸꦮꦶ​ꦥꦚ꧀ꦕꦺꦤ꧀ꦧꦼꦤꦼꦂ​꧉​ꦏꦸꦮꦶ​ꦏꦸꦢꦸ​ꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​ꦭꦤ꧀ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​꧉​”

29꧋ꦤꦁꦔꦶꦁ​ꦒꦸꦫꦸ​ꦏꦶꦠꦧ꧀ꦩꦲꦸ​ꦲꦉꦥ꧀​ꦩ꧀ꦧꦼꦤꦼꦂꦫꦏꦺꦢꦺꦏ꧀ꦤꦺꦢꦺꦮꦺ꧈​ꦩꦸꦭꦤꦺ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦭꦃ​ꦱꦶꦁ​ꦢꦶꦲꦫꦤ꧀ꦤꦶ​ꦥꦼꦥꦢꦩꦸꦏꦸꦮꦶ​ꦱꦏ꧀ꦗꦤꦺꦱꦥ​ꦠ​?”

30꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦲꦸꦂꦫꦶ​ꦥꦶꦠꦏꦺꦴꦤ꧀ꦤꦤ꧀ꦏꦸꦮꦶ​ꦔꦺꦤꦺ​:“ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦩꦼꦢꦸꦤ꧀ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦲꦉꦥ꧀ꦤꦁꦏꦸꦠꦪꦺꦫꦶꦏꦺꦴ꧉​ꦤꦁꦢꦭꦤ꧀ꦮꦺꦴꦁꦔꦺ​ꦢꦶꦫꦩ꧀ꦥꦺꦴꦏ꧀ꦩꦭꦶꦁ​ꦠꦼꦫꦸꦱ꧀ꦢꦶꦒꦼꦧꦸꦏ꧀ꦏꦶꦥꦶꦱꦤ꧀ꦱꦩ꧀ꦥꦺꦏ꧀ꦱꦼꦠꦼꦔꦃ​ꦩꦠꦶ​ꦠꦼꦫꦸꦱ꧀ꦢꦶꦠꦶꦁꦒꦭ꧀ꦤꦁꦢꦭꦤ꧀꧈​ 31ꦤ꧀ꦢꦶꦭꦭꦃꦲꦺꦲꦺꦤꦺꦁꦲꦶꦩꦩ꧀ꦭꦶꦮꦠ꧀ꦢꦭꦤ꧀ꦏꦺꦴꦤꦺꦴ​꧉​ꦤꦁꦔꦶꦁ​ꦏꦢꦸꦁ​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦱꦶꦁ​ꦢꦶꦫꦩ꧀ꦥꦺꦴꦏ꧀ꦩꦲꦸ​꧈​ꦩꦭꦃ​ꦠꦼꦫꦸꦱ꧀​ꦩ꧀ꦭꦶꦥꦶꦂ​ꦚꦶꦩ꧀ꦥꦁꦔꦶꦮꦺꦴꦁꦔꦺ​꧉​ 32ꦲꦸꦒ​ꦲꦺꦤꦺꦁꦮꦺꦴꦁ​ꦭꦺꦮ꦳ꦶꦭꦶꦮꦠ꧀ꦏꦺꦴꦤꦺꦴ​꧈​ꦤꦁꦔꦶꦁ​ꦲꦸꦒ​ꦢꦺꦏ꧀ꦤꦺꦚꦶꦩ꧀ꦥꦁꦔꦺꦮꦺꦴꦁꦔꦺ​꧉​ 33ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦯꦩꦫꦶꦠꦤ꧀ꦱꦶꦁ​ꦊꦭꦸꦁꦔꦤ꧀ ꦭꦶꦮꦠ꧀ꦢꦭꦤ꧀ꦏꦺꦴꦤꦺꦴ​꧉​ꦢꦺꦏ꧀ꦤꦺꦮꦼꦫꦸꦃ​ꦮꦺꦴꦁ​ꦱꦶꦁ​ꦢꦶꦫꦩ꧀ꦥꦺꦴꦏ꧀ꦩꦲꦸ​ꦠꦼꦫꦸꦱ꧀ꦩꦼꦭꦱ꧀ꦧꦔꦼꦠ꧀꧈​ 34ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦥꦫꦤ꧀ꦤꦶ​꧈​ꦠꦠꦸꦤꦺ​ꦠꦼꦫꦸꦱ꧀ꦢꦶꦲꦸꦱꦥ꧀ꦥꦶ​ꦲꦁꦒꦸꦂ​ꦭꦤ꧀ꦢꦶꦊꦔꦤ꧀ꦤꦶ​꧈​ꦠꦼꦫꦸꦱ꧀ꦢꦶꦥꦼꦂꦧꦤ꧀꧈​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦠꦸꦩ꧀ꦥꦏ꧀ꦏꦏꦺꦏꦶꦩꦂꦫꦺꦢꦺꦏ꧀ꦤꦺ꧈​ꦠꦼꦫꦸꦱ꧀ꦢꦶꦒꦮ​ꦤꦁꦲꦺꦴꦩꦃ​ꦥꦼꦔꦶꦤꦼꦥ꧀ꦥꦤ꧀ꦭꦤ꧀ꦢꦶꦫꦸꦩꦠ꧀ꦠꦶ​ꦤꦁꦏꦺꦴꦤꦺꦴ​꧉​ 35ꦲꦶꦁ​ꦲꦺꦱꦸꦏ꧀ꦏꦺ​ꦮꦺꦴꦁ​ꦯꦩꦫꦶꦠꦤ꧀ꦩꦲꦸ​ꦔꦼꦏꦺꦏ꧀ꦏꦶꦢꦸꦮꦶꦠ꧀ꦩꦫꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​꧈​ꦕꦸꦏꦸꦥ꧀ꦏꦁꦒꦺꦴ​ꦔꦿꦸꦩꦠ꧀ꦠꦶ​ꦮꦺꦴꦁꦔꦺ​ꦱꦼꦢꦶꦤꦫꦺꦴꦁꦢꦶꦤ꧈​ꦏꦫꦺꦴ​ꦔꦺꦴꦩꦺꦴꦁ:'ꦮꦺꦴꦁ​ꦲꦶꦏꦶ​ꦢꦶꦫꦸꦩꦠ꧀ꦠꦏꦺꦱꦶꦁ​ꦲꦥꦶꦏ꧀꧈​ꦤꦺꦏ꧀ꦲꦏꦸ​ꦧꦭꦶꦏ꧀ꦲꦺꦴꦁꦏꦺꦴꦱ꧀ꦱꦺꦴꦁꦏꦺꦴꦱ꧀ꦭꦶꦪꦤꦺ​ꦧꦏꦭ꧀ꦠꦏ꧀ꦧꦪꦂ​ꦏꦧꦺꦃ​꧉​’”

36꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦠꦼꦩ꧀ꦧꦸꦁꦔꦺ​ꦔꦁꦒꦺꦴ​ꦥꦶꦠꦏꦺꦴꦤ꧀ꦤꦤ꧀ꦔꦺꦤꦺ​ꦩꦫꦁ​ꦒꦸꦫꦸ​ꦏꦶꦠꦧ꧀ꦩꦲꦸ​:“ꦩꦶꦠꦸꦫꦸꦠ꧀ꦥꦶꦤꦼꦩꦸꦩꦸ꧈​ꦮꦺꦴꦁ​ꦠꦼꦭꦸ​ꦩꦲꦸ​꧈​ꦱꦶꦁ​ꦲꦼꦤ꧀ꦢꦶ​ꦱꦶꦁ​ꦢꦢꦶ​ꦥꦼꦥꦢꦤꦺꦮꦺꦴꦁ​ꦱꦶꦁ​ꦢꦶꦫꦩ꧀ꦥꦺꦴꦏ꧀ꦩꦲꦸ​?”

37꧋ꦒꦸꦫꦸ​ꦏꦶꦠꦧ꧀​ꦩꦲꦸ​ꦱꦼꦩꦲꦸꦂꦫꦺ​:“ꦪ​ꦮꦺꦴꦁ​ꦱꦶꦁ​ꦩꦼꦭꦱ꧀ꦩꦫꦁ​ꦮꦺꦴꦁꦔꦺ​!”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦤꦼꦂ​ꦏꦺꦴꦮꦺ​꧈​ꦏꦤ​ꦢꦶꦭꦏꦺꦴꦤ꧀ꦤꦶ​ꦔꦺꦴꦤꦺꦴ​ꦲꦸꦒ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦲꦺꦴꦩꦃꦲꦺ​ꦩꦂꦠ​ꦭꦤ꧀ꦩꦫꦶꦪ꧉​

38꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦏ​ꦤꦁꦱꦏ꧀ꦮꦶꦗꦶꦤꦺꦢꦺꦱ​꧉​ꦤꦁꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦗꦼꦤꦼꦁꦔꦺ​ꦩꦂꦠ​꧉​ꦩꦂꦠ​ꦔꦩ꧀ꦥꦶꦂꦫꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦲꦺꦴꦩꦃꦲꦺ​꧉​ 39ꦩꦂꦠ​ꦤ꧀ꦢꦸꦮꦺꦲꦢꦶꦏ꧀ꦱꦶꦁ​ꦗꦼꦤꦼꦁꦔꦺ​ꦩꦫꦶꦪ꧉​ꦩꦫꦶꦪꦚ꧀ꦗꦒꦺꦴꦁꦚꦼꦢꦼꦏ꧀ꦏꦶꦒꦸꦱ꧀ꦠꦶ​ꦪꦺꦯꦸꦱ꧀ ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​꧉​ 40ꦤꦁꦔꦶꦁ​ꦩꦂꦠ​ꦫꦶꦧꦸꦠ꧀ꦧꦔꦼꦠ꧀​ꦔ꧀ꦭꦢꦺꦤ꧀ꦤꦶ​ꦢꦪꦺꦴꦃꦢꦪꦺꦴꦃꦲꦺ꧉​ꦩꦂꦠ​ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦢꦶꦱꦮꦁ​ꦠ​!ꦲꦢꦶꦏ꧀ꦏꦸꦲꦺꦴꦫ​ꦮꦼꦫꦸꦃ​ꦤꦺꦏ꧀ꦲꦏꦸ​ꦚꦩ꧀ꦧꦸꦠ꧀ꦠꦲꦶꦗꦺꦤ꧀꧈​ꦲꦩ꧀ꦧꦺꦴꦏ꧀ꦢꦶꦲꦺꦴꦩꦺꦴꦁꦔꦶꦏꦺꦴꦁꦏꦺꦴꦤ꧀ꦔꦿꦺꦮꦁꦔꦶ​ꦲꦏꦸ​!” 41ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦩꦂꦠ​꧈​ꦩꦂꦠ​!ꦏꦺꦴꦮꦺ​ꦏꦸꦮꦶ​ꦫꦺꦥꦺꦴꦠ꧀ꦩꦶꦏꦶꦂꦫꦏꦺꦧꦫꦁ​ꦥꦶꦫꦁꦥꦶꦫꦁ​꧉​ 42ꦤꦁꦔꦶꦁꦱꦶꦁꦥꦼꦂꦭꦸꦏꦸꦮꦶꦤꦩꦸꦁꦱꦶꦗꦶ꧉​ꦩꦭꦃꦩꦫꦶꦪꦮꦶꦱ꧀ꦩꦶꦭꦶꦃꦥꦽꦏꦫꦱꦶꦁꦲꦥꦶꦏ꧀ꦢꦺꦮꦺ꧈​ꦱꦶꦁꦲꦺꦴꦫꦧꦏꦭ꧀ꦏꦉꦧꦸꦠ꧀ꦱꦁꦏꦢꦺꦏ꧀ꦤꦺ!” ↑ ↑ ↑


꧋ꦒꦸꦱ꧀ꦠꦶꦪꦺꦯꦸꦱ꧀ꦲꦩ꧀​ꦧ꧀ꦭꦗꦂꦫꦶꦩꦸꦫꦶꦢ꧀ꦩꦸꦫꦶꦢ꧀ꦢꦺꦤ꧀ꦢꦺꦴꦁꦔ꧉​

꧇​꧑꧑꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦼꦢꦺꦴꦔ​ꦤꦁꦱꦏ꧀ꦮꦶꦗꦶꦤꦺꦥꦁꦒꦺꦴꦤ꧀ꦤꦤ꧀꧈​ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦠꦼꦫꦸꦱ꧀ꦲꦺꦤꦺꦁꦩꦸꦫꦶꦢ꧀ꦠꦏꦺꦴꦤ꧀ꦩꦫꦁ​ꦢꦺꦏ꧀ꦤꦺ:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦲꦮꦏ꧀ꦏꦺ​ꦢꦺꦮꦺꦢꦶꦧ꧀ꦭꦗꦂꦫꦶꦤ꧀ꦢꦺꦴꦁꦔꦠ​꧈​ꦏꦪ​ꦲꦼꦁꦒꦺꦴꦤꦺ​ꦪꦺꦴꦲꦤꦼꦱ꧀ꦩꦸꦭꦁꦔꦶꦩꦸꦫꦶꦢ꧀ꦩꦸꦫꦶꦢ꧀ꦢꦺ​?” 2-4ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦤꦺꦏ꧀ꦏꦺꦴꦮꦺ​ꦤ꧀ꦢꦼꦢꦺꦴꦔ​꧈​ꦔꦺꦴꦩꦺꦴꦁꦔꦺꦤꦺ​:

‘ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺꦤꦁꦱ꧀ꦮꦂꦒ​
ꦩꦸꦒ​ꦗꦼꦤꦼꦁꦩꦸ​ꦏꦱꦸꦕꦺꦏ꧀ꦤ​꧉​
ꦩꦸꦒ​ꦏꦿꦠꦺꦴꦤ꧀ꦩꦸ​ꦠꦸꦩꦼꦏꦲ​
ꦭꦤ꧀ꦏꦼꦏꦉꦥ꧀ꦥꦤ꧀ꦩꦸ​ꦏ꧀ꦭꦏꦺꦴꦤꦤ
ꦲꦶꦁ​ꦢꦺꦴꦚ​ꦏꦪꦢꦺꦤꦺꦤꦁꦱ꧀ꦮꦂꦒ​꧉​
ꦚꦸꦮꦸꦤ꧀ꦉꦗꦼꦏꦶ​ꦱꦲꦶꦏꦶ​ꦭꦤ꧀ꦱꦧꦼꦤ꧀ꦢꦶꦤ​
ꦭꦤ꧀ꦥꦔꦥꦸꦫ​ꦱꦁꦏꦲꦶꦁ​ꦢꦺꦴꦱ​
ꦲꦮꦶꦠ꧀ꦲꦮꦏ꧀ꦏꦺ​ꦢꦺꦮꦺꦪ​ꦔꦥꦸꦫ​ꦢꦺꦴꦱꦤꦺ​ꦮꦺꦴꦁ​ꦭꦶꦪ​꧉​
ꦚꦸꦮꦸꦤ꧀ꦲꦗ​ꦕꦼꦢꦼꦏ꧀ꦤ​ꦥꦁꦒꦺꦴꦢ
ꦤꦁꦔꦶꦁ​ꦭꦸꦮꦂꦫꦤ​ꦱꦁꦏꦲꦭ​꧉​’”

5-6꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦱꦼꦩꦸꦁꦒꦺꦴꦤ꧀ꦤꦺꦤꦁꦠꦼꦔꦃꦩꦸ​ꦲꦺꦤꦺꦁꦮꦺꦴꦁ​ꦱꦶꦁ​ꦩ꧀ꦧꦼꦔꦶꦩ꧀ꦧꦼꦔꦶꦤꦁꦔ꧀ꦒꦺꦴꦤ꧀ꦤꦺꦏꦚ꧀ꦕꦤꦺ​ꦤꦼꦩ꧀ꦧꦸꦁ​:'ꦲꦩ꧀ꦧꦺꦴꦏ꧀ꦲꦏꦸ​ꦢꦶꦱꦼꦭꦁꦔꦶꦫꦺꦴꦠꦶꦤꦺ​ꦠꦼꦭꦸ​꧈​ꦲꦮꦶꦠ꧀ꦲꦺꦤꦺꦁꦏꦚ꧀ꦕ​ꦢꦺꦴꦭꦤ꧀ꦠꦼꦫꦸꦱ꧀ꦩꦩ꧀ꦥꦶꦂ​ꦤꦁꦔ꧀ꦒꦺꦴꦤ꧀ꦏꦸ​꧈​ꦤꦁꦔꦶꦁ​ꦲꦏꦸ​ꦲꦺꦴꦫ​ꦤ꧀ꦢꦸꦮꦺꦱꦸꦒꦸꦃꦲꦤ꧀ꦲꦥꦲꦥ​꧉​ 7ꦱꦼꦩꦸꦁ​ꦒꦺꦴꦤ꧀ꦤꦺ​ꦏꦚ꧀ꦕ​ꦱꦶꦁ​ꦢꦶꦗꦭꦸꦏ꧀ꦏꦶ​ꦠꦸꦭꦸꦁ​ꦩꦲꦸ​ꦱꦼꦩꦲꦸꦂ​:'ꦲꦗ​ꦔꦿꦸꦱꦸꦃꦲꦶꦲꦏꦸ​꧈​ꦭꦮꦁꦔꦺ​ꦮꦶꦱ꧀ꦠꦏ꧀ꦏꦚ꧀ꦕꦶꦁ​​ꦭꦤ꧀ꦲꦏꦸ​ꦭꦤ꧀ꦲꦤꦏ꧀ꦲꦤꦏ꧀ꦏꦸ​ꦮꦶꦱ꧀ꦠꦸꦫꦸ​꧉​ꦲꦏꦸ​ꦲꦺꦴꦫ​ꦲꦉꦥ꧀ꦠꦔꦶ​ꦭꦤ꧀ꦔꦼꦏꦺꦏ꧀ꦏꦶꦲꦥꦲꦥ​ꦩꦫꦁ​ꦏꦺꦴꦮꦺ​꧉'​ 8ꦭꦃ​ꦏꦸꦮꦶ​ꦠꦼꦫꦸꦱ꧀ꦏꦼꦥꦿꦶꦪꦺ​?ꦔꦤ꧀ꦢꦼꦭ꧀ꦭ​꧈​ꦲꦺꦴꦫ​ꦗꦭꦂꦫꦤ꧀ꦮꦺꦴꦁꦔꦺ​ꦏꦸꦮꦶ​ꦏꦚ꧀ꦕꦤꦺ​ꦠꦼꦫꦸꦱ꧀ꦱꦶꦁ​ꦢꦶꦗꦭꦸꦏ꧀ꦏꦶ​ꦠꦸꦭꦸꦁ​ꦩꦲꦸ​ꦧꦏꦭ꧀ꦠꦔꦶ​ꦭꦤ꧀ꦔꦼꦏꦺꦏ꧀ꦏꦶꦫꦺꦴꦠꦶ​꧈​ꦲꦺꦴꦫ​꧉​ꦤꦁꦔꦶꦁ​ꦮꦺꦴꦁꦔꦺ​ꦧꦏꦭ꧀ꦠꦔꦶ​꧈​ꦗꦭꦂꦫꦤ꧀ꦏꦚ꧀ꦕꦤꦺ​ꦲꦺꦴꦫ​ꦤ꧀ꦢꦸꦮꦺꦲꦶꦱꦶꦤ꧀ꦭꦤ꧀ꦔꦼꦕꦼꦏ꧀​ꦱꦶꦁ​ꦚ꧀ꦗꦭꦸꦏ꧀ꦠꦸꦭꦸꦁ​꧈​ꦩꦸꦭꦤꦺ​ꦧꦏꦭ꧀ꦢꦶꦏꦺꦏ꧀ꦏꦶꦥꦼꦚ꧀ꦗꦭꦸꦏ꧀ꦏꦺ​꧉​

9꧋“ꦩꦸꦭꦤꦺ​ꦏꦺꦴꦮꦺ​ꦥꦢ​ꦲꦺꦭꦶꦁꦔ​ꦲꦶꦏꦶ​:ꦤꦺꦏ꧀ꦏꦺꦴꦮꦺ​ꦚ꧀ꦗꦭꦸꦏ꧀ ꦏꦺꦴꦮꦺ​ꦧꦏꦭ꧀ꦢꦶꦏꦺꦏ꧀ꦏꦶ;ꦤꦺꦏ꧀ꦏꦺꦴꦮꦺ​ꦔ꧀ꦒꦺꦴꦭꦺꦏ꧀ ꦏꦺꦴꦮꦺ​ꦧꦏꦭ꧀ꦤꦼꦩꦸ​;ꦤꦺꦏ꧀ꦏꦺꦴꦮꦺ​ꦠꦺꦴꦠꦺꦴꦏ꧀ꦠꦺꦴꦠꦺꦴꦏ꧀ꦭꦮꦁ​꧈​ꦏꦺꦴꦮꦺ​ꦧꦏꦭ꧀ꦢꦶꦧꦸꦏꦏ꧀ꦏꦏꦺ꧉​ 10ꦲꦮꦶꦠ꧀ꦱꦥ​ꦮꦲꦺ​ꦱꦶꦁ​ꦚ꧀ꦗꦭꦸꦏ꧀ꦧꦏꦭ꧀ꦢꦶꦏꦺꦏ꧀ꦏꦶ;ꦮꦺꦴꦁ​ꦱꦶꦁ​ꦔ꧀ꦒꦺꦴꦭꦺꦏ꧀ꦧꦏꦭ꧀ꦤꦼꦩꦸ​ꦭꦤ꧀ꦮꦺꦴꦁ​ꦱꦶꦁ​ꦠꦺꦴꦠꦺꦴꦏ꧀ꦭꦮꦁ​ꦧꦏꦭ꧀ꦢꦶꦧꦸꦏꦏ꧀ꦏꦏꦺ꧉​ 11ꦥꦫ​ꦧꦥꦏ꧀ꦱꦶꦁ​ꦤꦁꦏꦺꦤꦺ​꧈​ꦩꦺꦴꦱꦺꦴꦏ꧀ꦤꦺꦏ꧀ꦲꦤꦏ꧀ꦩꦸ​ꦚ꧀ꦗꦭꦸꦏ꧀ꦲꦶꦮꦏ꧀ꦲꦉꦥ꧀ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦲꦸꦭ​?ꦩꦼꦱ꧀ꦠꦶꦲꦺꦴꦫ​! 12ꦩꦺꦴꦱꦺꦴꦏ꧀ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦏꦭꦗꦼꦁꦏꦶꦁ​ꦤꦺꦏ꧀ꦲꦤꦏ꧀ꦩꦸ​ꦚ꧀ꦗꦭꦸꦏ꧀ꦲꦼꦤ꧀ꦢꦺꦴꦏ꧀꧈​ 13ꦭꦃ​ꦤꦺꦏ꧀ꦏꦺꦴꦮꦺ​ꦮꦲꦺ​꧈​ꦮꦺꦴꦁ​ꦱꦶꦁ​ꦲꦭ​꧈​ꦧꦶꦱ​ꦔꦼꦏꦺꦏ꧀ꦏꦶꦧꦫꦁ​ꦱꦶꦁ​ꦲꦥꦶꦏ꧀ꦩꦫꦁ​ꦲꦤꦏ꧀ꦲꦤꦏ꧀ꦩꦸ​꧈​ꦭꦃ​ꦧꦥꦏ꧀ꦩꦸ​ꦱꦶꦁ​ꦤꦁꦱ꧀ꦮꦂꦒ​ꦩꦼꦤꦺꦃ​꧉​ꦢꦺꦏ꧀ꦤꦺꦩꦼꦱ꧀ꦠꦶꦧꦏꦭ꧀ꦔꦼꦏꦺꦏ꧀ꦏꦶꦫꦺꦴꦃ​ꦱꦸꦕꦶ​ꦩꦫꦁ​ꦱꦥ​ꦮꦲꦺ​ꦱꦶꦁ​ꦤꦼꦩ꧀ꦧꦸꦁ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦨꦺꦭ꧀ꦱꦼꦧꦸꦭ꧀꧈​

14꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦸꦤ꧀ꦢꦸꦁꦢꦼꦩꦶꦠ꧀ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦧꦶꦱꦸ​꧉​ꦏꦢꦸꦁ​ꦢꦼꦩꦶꦠ꧀ꦠꦺꦮꦶꦱ꧀ꦩꦼꦠꦸ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁ꧉​ꦮꦺꦴꦁ​ꦏꦧꦺꦃ​ꦥꦢ​ꦔ꧀ꦒꦸꦩꦸꦤ꧀꧈​ 15ꦤꦁꦔꦶꦁ​ꦲꦺꦤꦺꦁꦱꦶꦗꦶꦭꦺꦴꦫꦺꦴꦱꦶꦁ​ꦔꦺꦴꦩꦺꦴꦁꦔꦺꦤꦺ​:“ꦪꦺꦯꦸꦱ꧀ꦏꦸꦮꦶ​ꦲꦼꦁꦒꦺꦴꦤꦺ​ꦧꦶꦱ​ꦤꦸꦤ꧀ꦢꦸꦁꦢꦼꦩꦶꦠ꧀ꦗꦭꦂꦫꦤ꧀ꦢꦶꦏꦺꦏ꧀ꦏꦶꦥꦔ꧀ꦮꦱ​ꦏꦫꦺꦴ​ꦨꦺꦭ꧀ꦱꦼꦧꦸꦭ꧀ ꦫꦠꦸꦤꦺ​ꦢꦼꦩꦶꦠ꧀꧈​”

16꧋ꦲꦸꦒ​ꦲꦺꦤꦺꦁꦭꦶꦪꦭꦶꦪꦤꦺ​ꦱꦶꦁ​ꦲꦉꦥ꧀​ꦚ꧀ꦗꦗꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦚꦸꦮꦸꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀​ꦔ꧀ꦒꦮꦺ​ꦠꦤ꧀ꦢꦥꦔ꧀ꦮꦱ​ꦱꦁꦏꦱ꧀ꦮꦂꦒ​꧉​ 17ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦥꦶꦏꦶꦂꦫꦤ꧀ꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦸꦭꦤꦺ​ꦔꦺꦴꦩꦺꦴꦁꦔꦺꦤꦺ​:“ꦤꦺꦏ꧀ꦤꦁꦱꦏ꧀ꦗꦼꦫꦺꦴꦤꦺꦤꦼꦒꦫ​ꦮꦺꦴꦁꦔꦺ​ꦥꦢ​ꦠꦸꦏꦂꦫꦤ꧀ ꦤꦼꦒꦫ​ꦏꦸꦮꦶ​ꦧꦏꦭ꧀ꦧꦸꦧꦿꦃ​꧉​ꦱꦼꦩꦺꦴꦤꦺꦴ​ꦲꦸꦒ​ꦧꦿꦪꦠ꧀ ꦤꦺꦏ꧀ꦮꦺꦴꦁꦔꦺ​ꦠꦸꦏꦂꦫꦤ꧀ꦏꦫꦺꦴ​ꦱꦏ꧀ꦥꦢꦥꦢ꧈​ꦧꦿꦪꦠ꧀ꦏꦸꦮꦶ​ꦧꦏꦭ꧀ꦧꦸꦧꦿꦃ​꧉​ 18ꦤꦺꦏ꧀ꦲꦶꦁ​ꦏꦿꦠꦺꦴꦤꦺ​ꦱꦺꦠꦤ꧀ꦢꦼꦩꦶꦠ꧀ꦠꦺꦥꦢ​ꦔ꧀ꦭꦮꦤ꧀ꦱꦏ꧀ꦥꦢꦥꦢ꧈​ꦲꦥ​ꦏꦿꦠꦺꦴꦤ꧀ꦏꦸꦮꦶ​ꦧꦶꦱ​ꦔꦢꦼꦏ꧀ꦠꦼꦫꦸꦱ꧀?ꦩꦼꦱ꧀ꦠꦶꦲꦺꦴꦫ​꧉​ꦲꦏꦸ​ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦗꦭꦂꦫꦤ꧀ꦏꦺꦴꦮꦺ​ꦔꦫꦤ꧀ꦤꦶ​ꦲꦏꦸ​ꦗꦫꦺꦤꦺ​ꦲꦼꦁꦒꦺꦴꦤ꧀ꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦔꦁꦒꦺꦴ​ꦥꦔ꧀ꦮꦱꦤꦺ​ꦨꦺꦭ꧀ꦱꦼꦧꦸꦭ꧀꧈​ 19ꦱꦼꦩꦸꦁꦒꦺꦴꦤ꧀ꦤꦺꦲꦼꦁꦒꦺꦴꦤ꧀ꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦔꦁꦒꦺꦴ​ꦥꦔ꧀ꦮꦱꦤꦺ​ꦨꦺꦭ꧀ꦱꦼꦧꦸꦭ꧀ ꦭꦃ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦏꦸꦮꦶ​ꦲꦼꦁꦒꦺꦴꦤꦺ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦔꦁꦒꦺꦴ​ꦥꦔ꧀ꦮꦱꦤꦺ​ꦱꦥ​?ꦢꦢꦶꦤꦺ​ꦩꦸꦫꦶꦢ꧀ꦩꦸꦫꦶꦢ꧀ꦩꦸꦢꦺꦮꦺꦤ꧀ꦢꦸꦢꦸꦃꦲꦏꦺꦤꦺꦏ꧀ꦥꦶꦏꦶꦂꦫꦤ꧀ꦩꦸ​ꦏꦸꦮꦶ​ꦏ꧀ꦭꦺꦫꦸ​꧉​ 20ꦲꦼꦁꦒꦺꦴꦤ꧀ꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦏꦸꦮꦶ​ꦱꦁꦏꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦏꦸꦮꦶ​ꦠꦤ꧀ꦢꦤꦺꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦩꦺꦴꦭꦃꦲꦶꦔꦼꦠꦺꦴꦏ꧀ꦏꦏꦺꦥꦔ꧀ꦮꦱꦤꦺ​ꦤꦁꦠꦼꦔꦃꦩꦸ​꧉​

21꧋“ꦤꦺꦏ꧀ꦲꦺꦤꦺꦁꦮꦺꦴꦁ​ꦫꦺꦴꦱ​ꦚ꧀ꦗꦒ​ꦲꦺꦴꦩꦃꦲꦺ​ꦔꦁꦒꦺꦴ​ꦒꦩꦤ꧀ꦱꦶꦁ​ꦥꦼꦥꦏ꧀ ꦧꦫꦁꦧꦫꦁꦔꦺ​ꦮꦺꦴꦁꦔꦺ​ꦩꦼꦱ꧀ꦠꦶꦲꦺꦴꦫ​ꦧꦏꦭ꧀ꦲꦶꦭꦁ​꧉​ 22ꦤꦁꦔꦶꦁ​ꦤꦺꦏ꧀ꦮꦺꦴꦁꦔꦺ​ꦢꦶꦠꦼꦏꦤꦶ​ ꦮꦺꦴꦁ​ꦭꦶꦪꦤꦺ​ꦱꦶꦁ​ꦭꦸꦮꦶꦃ​ꦫꦺꦴꦱ​꧈​ꦢꦺꦏ꧀ꦤꦺꦧꦏꦭ꧀ꦢꦶꦏꦭꦃꦲꦏꦺꦭꦤ꧀ꦒꦩꦤ꧀ꦒꦩꦤ꧀ꦤꦺꦱꦶꦁ​ꦢꦶꦗꦒꦏ꧀ꦏꦏꦺꦩꦲꦸ​ꦧꦏꦭ꧀ꦢꦶꦫꦩ꧀ꦥꦱ꧀ꦭꦤ꧀ꦧꦫꦁ​ꦤ꧀ꦢꦸꦮꦺꦪꦮꦺꦴꦁꦔꦺ​ꦧꦏꦭ꧀ꦢꦶꦲꦼꦢꦸꦩ꧀ꦲꦼꦢꦸꦩ꧀꧈​

23꧋“ꦱꦥ​ꦱꦶꦁ​ꦲꦺꦴꦫ​ꦔꦿꦸꦗꦸꦏ꧀ꦏꦶ​ꦲꦏꦸ​꧈​ꦏꦸꦮꦶ​ꦠꦼꦒꦼꦱ꧀ꦱꦺ​ꦔ꧀ꦭꦮꦤ꧀ꦲꦏꦸ​ꦭꦤ꧀ꦱꦥ​ꦱꦶꦁ​ꦲꦺꦴꦫ​ꦩꦺꦭꦸ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦮꦼꦢꦸꦱ꧀ꦱꦺꦏꦫꦺꦴ​ꦲꦏꦸ​꧈​ꦏꦸꦮꦶ​ꦱꦶꦁ​ꦩ꧀ꦧꦸꦪꦂꦫꦏꦺ꧉​”

꧋ꦢꦼꦩꦶꦠ꧀ꦱꦶꦁ​ꦮꦶꦱ꧀ꦩꦼꦠꦸ​ꦧꦶꦱ​ꦧꦭꦶꦏ꧀ꦩꦼꦤꦺꦃ​꧉​

24꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦤꦺꦏ꧀ꦲꦺꦤꦺꦁꦢꦼꦩꦶꦠ꧀ꦩꦼꦠꦸ​ꦱꦁꦏꦱꦏ꧀ꦮꦶꦗꦶꦤꦺꦮꦺꦴꦁ​꧈​ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀​ꦩ꧀ꦭꦏꦸꦩ꧀ꦭꦏꦸ​ꦠꦸꦫꦸꦠ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦲꦺꦴꦫ​ꦏꦁꦒꦺꦴꦤ꧀ꦤꦤ꧀ꦮꦺꦴꦁ​꧈​ꦔ꧀ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦏꦁꦒꦺꦴ​ꦭꦺꦫꦺꦤ꧀꧈​ꦤꦺꦏ꧀ꦢꦼꦩꦶꦠ꧀ꦩꦲꦸ​ꦲꦺꦴꦫ​ꦤꦼꦩꦸ​ꦥꦁꦒꦺꦴꦤ꧀ꦤꦤ꧀ꦏꦸꦮꦶ​꧈​ꦠꦼꦫꦸꦱ꧀ꦩꦶꦏꦶꦂ​:'ꦌꦤꦏ꧀ꦏꦺꦠꦏ꧀ꦧꦭꦶꦏ꧀ꦤꦁꦲꦺꦴꦩꦃ​ꦱꦶꦁ​ꦮꦶꦱ꧀ꦠꦏ꧀ꦠꦶꦁꦒꦭ꧀ꦏꦲꦺ​꧉'​ 25ꦢꦼꦩꦶꦠ꧀ꦠꦺꦠꦼꦫꦸꦱ꧀ꦧꦭꦶꦏ꧀ꦤꦁꦲꦺꦴꦩꦃꦲꦺ​ꦭꦤ꧀ꦮꦼꦫꦸꦃ​ꦤꦺꦏ꧀ꦱꦲꦶꦏꦶ​ꦮꦶꦱ꧀ꦉꦱꦶꦏ꧀ꦭꦤ꧀ꦢꦶꦠꦠ​ꦲꦥꦶꦏ꧀꧈​ 26ꦢꦼꦩꦶꦠ꧀ꦩꦲꦸ​ꦠꦼꦫꦸꦱ꧀ꦭꦸꦔ​ꦔ꧀ꦒꦺꦴꦭꦺꦏ꧀ꦏꦶ​ꦏꦚ꧀ꦕꦤꦺ​꧈​ꦠꦼꦫꦸꦱ꧀ꦧꦭꦶꦏ꧀​ꦔ꧀ꦒꦮ​ꦢꦼꦩꦶꦠ꧀ꦥꦶꦠꦸ​ꦱꦶꦁ​ꦲꦭꦤꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦢꦺꦏ꧀ꦤꦺꦢꦺꦮꦺ꧉​ꦢꦼꦩꦶꦠ꧀ꦢꦼꦩꦶꦠ꧀ꦏꦸꦮꦶ​ꦠꦼꦫꦸꦱ꧀ꦩꦁꦒꦺꦴꦤ꧀ꦲꦶꦁ​ꦮꦺꦴꦁ​ꦩꦲꦸ​꧉​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦮꦺꦴꦁ​ꦏꦸꦮꦶ​ꦏꦱꦸꦱꦃꦲꦤ꧀ꦤꦺ​ꦩꦭꦃ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦩꦲꦸꦤꦺ​꧈​ꦢꦺꦴꦁꦔꦺꦤꦩꦸꦁ​ꦏꦁꦒꦺꦴꦤ꧀ꦤꦤ꧀ꦢꦼꦩꦶꦠ꧀ꦱꦶꦗꦶ​꧉​”

27꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦏꦸꦮꦶ​ꦩꦲꦸ​꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦤꦁꦠꦼꦔꦃꦲꦺ​ꦮꦺꦴꦁ​ꦥꦶꦫꦁꦥꦶꦫꦁ​ꦏꦺꦴꦤꦺꦴ​ꦔꦺꦴꦩꦺꦴꦁꦧꦤ꧀ꦠꦼꦂ​:“ꦧꦼꦗꦠꦼꦤꦤ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦔ꧀ꦭꦲꦶꦂꦫꦏꦺꦭꦤ꧀ꦚꦸꦱꦺꦴꦤ꧀ꦤꦶ​ꦏꦺꦴꦮꦺ​!”

28꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦧꦼꦤꦼꦂ​꧈​ꦤꦁꦔꦶꦁ​ꦱꦶꦁ​ꦭꦸꦮꦶꦃ​ꦧꦼꦗꦏꦸꦮꦶ​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦮꦺꦴꦁ​ꦱꦶꦁ​ꦥꦢ​ꦚ꧀ꦗꦭꦸꦏ꧀ꦠꦤ꧀ꦢ꧉​

29꧋ꦢꦺꦴꦁꦔꦺꦲꦶꦗꦶꦏ꧀ꦢꦶꦫꦸꦧꦸꦁ​ꦮꦺꦴꦁ​ꦥꦶꦫꦁꦥꦶꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦥꦚ꧀ꦕꦺꦤ꧀ꦲꦭ​ꦠꦼꦤꦤ꧀ꦮꦺꦴꦁ​ꦗꦩꦤ꧀ꦲꦶꦏꦶ​꧉​ꦥꦢ​ꦚ꧀ꦗꦭꦸꦏ꧀ꦠꦤ꧀ꦢꦥꦔ꧀ꦮꦱ​ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺ꧈​ꦤꦁꦔꦶꦁ​ꦲꦺꦴꦫ​ꦧꦏꦭ꧀ꦲꦺꦤ꧀ꦠꦸꦏ꧀꧈​ꦤꦩꦸꦁ​ꦧꦏꦭ꧀ꦲꦺꦤ꧀ꦠꦸꦏ꧀ꦠꦤ꧀ꦢꦤꦺꦤꦧꦶ​ꦪꦺꦴꦤꦃ꧉​ 30ꦏꦪ​ꦲꦼꦁꦒꦺꦴꦤꦺ​ꦤꦧꦶ​ꦪꦺꦴꦤꦃꦢꦢꦶ​ꦠꦤ꧀ꦢꦏꦁꦒꦺꦴ​ꦮꦺꦴꦁꦮꦺꦴꦁ​ꦤꦁꦏꦸꦠꦤꦶꦤꦺꦮꦺ​꧈​ꦩꦼꦁꦏꦺꦴꦤꦺꦴ​ꦲꦸꦒ​ꦲꦤꦏ꧀ꦏꦺ​ꦩꦤꦸꦁꦱ​ꦪ​ꦧꦏꦭ꧀ꦢꦢꦶ​ꦠꦤ꧀ꦢꦏꦁꦒꦺꦴ​ꦮꦺꦴꦁꦮꦺꦴꦁ​ꦲꦶꦏꦶ​꧉​ 31ꦲꦩ꧀ꦧꦺꦱꦸꦏ꧀ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦿꦸꦠꦸꦩꦤꦸꦁꦱ​꧈​ꦫꦠꦸ​ꦮꦺꦢꦺꦴꦏ꧀ꦱꦁꦏꦧꦮꦃꦏꦶꦢꦸꦭ꧀ꦧꦏꦭ꧀ꦩꦗꦸ​ꦭꦤ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦲꦶꦏꦶ​꧉​ꦲꦮꦶꦠ꧀ꦫꦠꦸ​ꦏꦸꦮꦶ​ꦮꦶꦱ꧀ꦠꦼꦏ​ꦱꦁꦏꦥꦺꦴꦗꦺꦴꦏ꧀ꦏꦺ​ꦧꦸꦩꦶ​꧈​ꦏꦼꦥꦺꦔꦶꦤ꧀ꦔꦿꦸꦔꦺꦴꦏ꧀ꦏꦏꦺꦏꦮꦼꦫꦸꦃꦲꦺꦫꦠꦸ​ꦯꦺꦴꦭꦺꦩꦤ꧀꧈​ꦤꦁꦔꦶꦁ​ꦔꦼꦂꦠꦶꦪ​꧈​ꦱꦶꦁ​ꦤꦁꦏꦺꦤꦺ​ꦲꦶꦏꦶ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦫꦠꦸ​ꦯꦺꦴꦭꦺꦩꦤ꧀꧈​ 32ꦲꦩ꧀ꦧꦺꦱꦸꦏ꧀ ꦲꦶꦁ​ꦢꦶꦤꦤꦺ​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦿꦸꦠꦸꦩꦤꦸꦁꦱ​꧈​ꦮꦺꦴꦁ​ꦏꦸꦠꦤꦶꦤꦺꦮꦺ​ꦧꦏꦭ꧀ꦥꦢ​ꦩꦗꦸ​ꦲꦩ꧀ꦧꦫꦁ​ꦏꦫꦺꦴ​ꦮꦺꦴꦁꦮꦺꦴꦁ​ꦲꦶꦏꦶ​ꦭꦤ꧀ꦧꦏꦭ꧀ꦚꦭꦃꦚꦭꦃꦲꦏꦺꦮꦺꦴꦁꦮꦺꦴꦁ​ꦲꦶꦏꦶ​꧉​ꦲꦮꦶꦠ꧀ꦢꦺꦴꦁꦔꦺꦮꦺꦴꦁ​ꦤꦶꦤꦺꦮꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦢꦶꦒꦼꦭꦂꦫꦏꦺꦏꦫꦺꦴ​ꦤꦧꦶ​ꦪꦺꦴꦤꦃ꧈​ꦠꦼꦫꦸꦱ꧀ꦥꦢ​ꦚ꧀ꦗꦭꦸꦏ꧀ꦔꦥꦸꦫ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦥꦢ​ꦤꦶꦁꦒꦭ꧀ꦭꦏꦸ​ꦲꦭ​꧉​ꦥꦢ​ꦔꦼꦂꦠꦶꦪ​꧈​ꦱꦶꦁ​ꦔꦢꦼꦏ꧀ꦤꦁꦏꦺꦤꦺ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦤꦧꦶ​ꦪꦺꦴꦤꦃ꧉​”

33꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦩꦺꦴꦱꦺꦴꦏ꧀ꦪ​ꦲꦺꦤꦺꦁꦮꦺꦴꦁ​ꦚꦸꦩꦼꦠ꧀ꦢꦶꦪꦤ꧀ꦠꦼꦫꦸꦱ꧀ꦢꦶꦢꦼꦭꦶꦏ꧀ꦏꦏꦺꦤꦁꦔꦶꦱꦺꦴꦂ​ꦲꦩ꧀ꦧꦺꦤ꧀ ꦲꦥ​ꦢꦶꦠꦸꦠꦸꦥ꧀ꦥꦶ​ꦠꦺꦁꦒꦺꦴꦏ꧀?ꦩꦼꦱ꧀ꦠꦶꦲꦺꦴꦫ​ꦠ​!ꦢꦶꦪꦤ꧀ꦤꦺꦩꦼꦱ꧀ꦠꦶꦢꦶꦥꦱꦁ​ꦱꦶꦁ​ꦢꦸꦮꦸꦂ꧈​ꦱꦸꦥꦪ​ꦏꦧꦺꦃ​ꦮꦺꦴꦁ​ꦱꦶꦁ​ꦩ꧀ꦊꦧꦸ​ꦧꦶꦱ​ꦮꦼꦫꦸꦃ​ꦥꦢꦁꦔꦺ꧉​ 34ꦩꦿꦶꦥꦠ꧀ꦏꦸꦮꦶ​ꦢꦶꦪꦤ꧀ꦤꦺꦲꦮꦏ꧀꧈​ꦤꦺꦏ꧀ꦩꦿꦶꦥꦠ꧀ꦠꦺ​ꦮꦫꦱ꧀ ꦲꦮꦏ꧀ꦏꦺ​ꦱꦏ꧀ꦏꦸꦗꦸꦂꦪ​ꦥꦢꦁꦚ꧀ꦗꦶꦁꦒꦁ​꧉​ꦤꦁꦔꦶꦁ​ꦤꦺꦏ꧀ꦩꦿꦶꦥꦠ꧀ꦠꦺ​ꦧꦸꦉꦠ꧀ ꦲꦮꦏ꧀ꦏꦺ​ꦱꦏ꧀ꦏꦸꦗꦸꦂꦪ​ꦥꦼꦠꦼꦁ​ꦤ꧀ꦢꦼꦢꦼꦠ꧀꧈​ 35ꦩꦸꦭꦤꦺ​ꦥꦢ​ꦱꦶꦁ​ꦲꦠꦶꦲꦠꦶ꧈​ꦱꦸꦥꦪ​ꦥꦼꦥꦢꦁꦱꦶꦁ​ꦲꦤ​ꦲꦶꦁ​ꦏꦺꦴꦮꦺ​ꦲꦺꦴꦫ​ꦢꦢꦶ​ꦥꦼꦠꦼꦁ​꧉​ 36ꦤꦺꦏ꧀ꦲꦮꦏ꧀ꦩꦸ​ꦥꦢꦁꦱꦏ꧀ꦏꦧꦺꦃꦲꦺꦭꦤ꧀ꦲꦺꦴꦫ​ꦲꦺꦤꦺꦁꦥꦼꦠꦼꦁꦔꦺ​ꦧ꧀ꦭꦱ꧀ ꦲꦮꦏ꧀ꦩꦸ​ꦱꦏ꧀ꦏꦸꦗꦸꦂꦪ​ꦧꦏꦭ꧀ꦥꦢꦁꦚ꧀ꦗꦶꦁꦒꦁ​꧈​ꦥꦢ​ꦮꦲꦺ​ꦏꦪ​ꦤꦺꦏ꧀ꦏꦺꦴꦮꦺ​ꦏꦼꦱ꧀ꦭꦺꦴꦫꦺꦴꦠ꧀ꦠꦤ꧀ꦥꦢꦁꦔꦺꦢꦶꦪꦤ꧀ꦏꦲꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦤꦺꦤ꧀ꦤꦶꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦒꦸꦫꦸ​ꦏꦶꦠꦧ꧀꧈​

37꧋ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦱꦶꦁ​ꦩꦼꦩꦸꦭꦁ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦱꦸꦮꦸꦤ꧀ꦩꦁꦔꦤ꧀ꦤꦁꦲꦺꦴꦩꦃꦲꦺ​ꦮꦺꦴꦁ​ꦥ꦳ꦫꦶꦱꦶ​꧉​ꦩꦸꦭꦤꦺ​ꦢꦺꦏ꧀ꦤꦺꦪ​ꦠꦼꦫꦸꦱ꧀ꦧꦸꦢꦭ꧀ꦭꦤ꧀ꦩꦁꦔꦤ꧀ꦤꦁꦏꦺꦴꦤꦺꦴ​꧉​ 38ꦤꦁꦔꦶꦁ​ꦮꦺꦴꦁ​ꦥ꦳ꦫꦶꦱꦶ​ꦩꦲꦸ​ꦔ꧀ꦒꦸꦩꦸꦤ꧀ꦧꦔꦼꦠ꧀ ꦲꦮꦶꦠ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦁꦔꦤ꧀ ꦠꦤ꧀ꦥ​ꦮꦶꦱꦸꦃ​ꦠꦔꦤ꧀ꦤꦺ​ꦤ꧀ꦢꦶꦱꦶꦏ꧀꧈​ 39ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦧꦼꦤꦼꦂ​ꦮꦺꦴꦁ​ꦥ꦳ꦫꦶꦱꦶ​꧈​ꦏꦺꦴꦮꦺ​ꦥꦢ​ꦩꦶꦱꦸꦃꦲꦶ​ꦚ꧀ꦗꦧꦤꦺ​ꦲꦮꦏ꧀ꦩꦸ​ꦏꦪ​ꦤꦺꦏ꧀ꦔꦶꦱꦃꦲꦶꦚ꧀ꦗꦧꦤꦺ​ꦩꦁꦏꦺꦴꦏ꧀ꦭꦤ꧀ꦥꦶꦫꦶꦁ​꧈​ ꦤꦁꦔꦶꦁ​ꦚ꧀ꦗꦼꦫꦺꦴꦤꦺ​ꦲꦠꦶꦩꦸ​ꦏꦼꦧꦼꦏ꧀ꦒꦒꦱ꧀ꦱꦤ꧀ꦩꦸꦂꦏꦭꦤ꧀ꦲꦭ​꧉​ 40ꦏꦺꦴꦮꦺ​ꦮꦺꦴꦁ​ꦧꦺꦴꦢꦺꦴ꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔ꧀ꦒꦮꦺ​ꦚ꧀ꦗꦧ​꧈​ꦲꦥ​ꦪ​ꦲꦺꦴꦫ​ꦔ꧀ꦒꦮꦺ​ꦱꦶꦁ​ꦚ꧀ꦗꦼꦫꦺꦴ​ꦲꦸꦒ​? 41ꦲꦶꦱꦶꦤꦺ​ꦩꦁꦏꦺꦴꦏ꧀ꦭꦤ꧀ꦥꦶꦫꦶꦁꦩꦸ​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦏꦺꦏ꧀ꦤꦺꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦱꦸꦥꦪ​ꦏꦺꦴꦮꦺ​ꦧꦶꦱ​ꦉꦱꦶꦏ꧀ꦱꦏ꧀ꦏꦧꦺꦃꦲꦺ꧉​

42꧋“ꦕꦶꦭꦏ​ꦏꦺꦴꦮꦺ​ꦮꦺꦴꦁ​ꦥ꦳ꦫꦶꦱꦶ​!ꦲꦮꦶꦠ꧀ꦱꦁꦏꦠꦤ꧀ꦢꦸꦂꦫꦤ꧀ꦩꦸ​ꦧꦸꦩ꧀ꦧꦸꦧꦸꦩ꧀ꦧꦸ​ꦭꦤ꧀ꦗꦔꦤꦤ꧀ꦗꦔꦤ꧀ꦤꦤ꧀ꦮꦲꦺ​ꦏꦺꦴꦮꦺ​ꦔꦼꦏꦺꦏ꧀ꦏꦶꦥꦿꦱꦼꦥꦸꦭꦸꦃꦲꦤ꧀ꦤꦺ​꧈​ꦤꦁꦔꦶꦁ​ꦱꦶꦁ​ꦧꦼꦤꦼꦂ​ꦏꦁꦒꦺꦴ​ꦮꦺꦴꦁ​ꦭꦶꦪ​ꦭꦤ꧀ꦏꦠꦿꦺꦱ꧀ꦤꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦲꦩ꧀ꦧꦺꦴꦏ꧀ꦥꦼꦂꦭꦺꦴꦏ꧀ꦏꦏꦺ꧉​ꦱꦏ꧀ꦗꦤꦺꦏꦸꦮꦶ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦥꦼꦂꦭꦺꦴꦏ꧀ꦏꦏꦺꦤ꧀ꦢꦶꦱꦶꦏ꧀ꦭꦤ꧀ꦭꦶꦪꦤꦺ​ꦲꦸꦒ​ꦏꦸꦢꦸ​ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺ꧉​

43꧋“ꦕꦶꦭꦏ​ꦏꦺꦴꦮꦺ​ꦮꦺꦴꦁ​ꦥ꦳ꦫꦶꦱꦶ​!ꦲꦮꦶꦠ꧀ꦤꦺꦏ꧀ꦤꦁꦱꦶꦤꦒꦸꦏ꧀ꦏꦺꦴꦮꦺ​ꦚ꧀ꦗꦭꦸꦏ꧀ꦏꦏꦺꦚ꧀ꦗꦒꦺꦴꦁꦤꦁꦔꦉꦥ꧀ꦢꦺꦮꦺ꧈​ꦤꦁꦗꦒꦺꦴꦔꦤ꧀ꦤꦺꦮꦺꦴꦁ​ꦒꦼꦢꦺ꧈​ꦲꦸꦒ​ꦤꦺꦏ꧀ꦤꦁꦥꦱꦂꦥꦱꦂ​ꦏꦺꦴꦮꦺ​ꦚ꧀ꦗꦭꦸꦏ꧀ꦢꦶꦲꦗꦺꦤ꧀ꦤꦶ​꧉​ 44ꦕꦶꦭꦏ​ꦏꦺꦴꦮꦺ​!ꦲꦮꦶꦠ꧀ꦏꦺꦴꦮꦺ​ꦏꦸꦮꦶ​ꦏꦪ​ꦏꦸꦧꦸꦂꦫꦤ꧀ꦱꦶꦁ​ꦲꦺꦴꦫ​ꦲꦺꦤꦺꦁꦠꦼꦔꦼꦂꦫꦤ꧀ꦤꦺ​꧈​ꦏꦸꦧꦸꦂꦫꦤ꧀ꦱꦶꦁ​ꦢꦶꦲꦶꦢꦼꦏ꧀ꦲꦶꦢꦼꦏ꧀ꦮꦺꦴꦁ​꧈​ꦲꦮꦶꦠ꧀ꦲꦺꦴꦫ​ꦔꦼꦂꦠꦶ​ꦤꦺꦏ꧀ꦏꦸꦮꦶ​ꦏꦸꦧꦸꦂꦫꦤ꧀꧈​”

45꧋ꦠꦼꦫꦸꦱ꧀ꦲꦺꦤꦺꦁꦒꦸꦫꦸ​ꦏꦶꦠꦧ꧀ꦱꦼꦩꦲꦸꦂ​:“ꦒꦸꦫꦸ​꧈​ꦔꦺꦴꦤꦺꦴ​ꦏꦸꦮꦶ​ꦏꦺꦴꦮꦺ​ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦲꦮꦏ꧀ꦏꦺ​ꦢꦺꦮꦺꦲꦩ꧀ꦧꦫꦁ​!” 46ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦒꦸꦫꦸꦒꦸꦫꦸ​ꦏꦶꦠꦧ꧀ ꦏꦺꦴꦮꦺ​ꦲꦸꦒ​ꦮꦺꦴꦁ​ꦕꦶꦭꦏ​!ꦏꦺꦴꦮꦺ​ꦤꦸꦩ꧀ꦥꦁꦔꦏꦺꦩꦺꦴꦩꦺꦴꦠ꧀ꦠꦤ꧀ꦱꦶꦁ​ꦲꦧꦺꦴꦠ꧀ꦤꦁꦥꦸꦤ꧀ꦢꦏ꧀ꦏꦺꦮꦺꦴꦁ​꧈​ꦭꦃ​ꦤꦁꦔꦶꦁ​ꦏꦺꦴꦮꦺ​ꦢꦺꦮꦺꦲꦼꦩꦺꦴꦃ​ꦤ꧀ꦢꦼꦩꦺꦏ꧀ꦩꦺꦴꦩꦺꦴꦠ꧀ꦠꦤ꧀ꦏꦸꦮꦶ​ꦏꦫꦺꦴ​ꦢꦿꦶꦗꦶꦩꦸ​꧉​ 47ꦕꦶꦭꦏ​ꦏꦺꦴꦮꦺ​!ꦲꦮꦶꦠ꧀ꦏꦺꦴꦮꦺ​ꦥꦢ​ꦔ꧀ꦒꦮꦺꦏ꧀ꦏꦏꦺꦏꦸꦧꦸꦂꦫꦤ꧀ꦥꦼꦁꦔꦺꦭꦶꦁꦔꦺꦭꦶꦁ​ꦏꦁꦒꦺꦴ​ꦥꦫ​ꦤꦧꦶ​꧈​ꦭꦃ​ꦤꦁꦔꦶꦁ​ꦩ꧀ꦧꦃꦩ꧀ꦧꦲꦤ꧀ꦩꦸꦢꦺꦮꦺꦱꦶꦁ​ꦩꦠꦺꦤ꧀ꦤꦶ​ꦥꦫ​ꦤꦧꦶ​ꦏꦸꦮꦶ​ꦢꦺꦏ꧀​ꦩ꧀ꦧꦶꦪꦺꦤ꧀꧈​ 48ꦢꦢꦶꦤꦺ​ꦔꦺꦴꦤꦺꦴ​ꦏꦸꦮꦶ​ꦏꦺꦴꦮꦺ​ꦔꦼꦠꦺꦴꦏ꧀ꦏꦏꦺꦤꦺꦏ꧀ꦏꦺꦴꦮꦺ​ꦱꦼꦠꦸꦗꦸ​ꦏꦫꦺꦴ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦩ꧀ꦧꦃꦩ꧀ꦧꦲꦤ꧀ꦩꦸꦢꦺꦏ꧀​ꦩ꧀ꦧꦶꦪꦺꦤ꧀꧈​ꦮꦸꦗꦸꦠ꧀ꦠꦺ꧈​ꦮꦺꦴꦁꦮꦺꦴꦁ​ꦏꦸꦮꦶ​ꦱꦶꦁ​ꦩꦠꦺꦤ꧀ꦤꦶ​ꦥꦫ​ꦤꦧꦶ​ꦭꦤ꧀ꦏꦺꦴꦮꦺ​ꦱꦶꦁ​ꦔ꧀ꦒꦮꦺꦏ꧀ꦏꦏꦺꦏꦸꦧꦸꦂꦫꦤ꧀ꦏꦁꦒꦺꦴ​ꦥꦫ​ꦤꦧꦶ​꧉​ 49ꦗꦭꦂꦫꦤ꧀ꦱꦁꦏꦏꦸꦮꦶ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦏꦮꦼꦫꦸꦃꦲꦺꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦔꦺꦤꦺ​:'ꦲꦏꦸ​ꦧꦏꦭ꧀ꦔꦺꦴꦁꦏꦺꦴꦤ꧀ꦤꦧꦶꦤꦧꦶ​ꦭꦤ꧀ꦫꦱꦸꦭ꧀ꦫꦱꦸꦭ꧀ꦠꦼꦏ​;ꦲꦺꦤꦺꦁꦱꦶꦁ​ꦧꦏꦭ꧀ꦢꦶꦥꦠꦺꦤ꧀ꦤꦶ​ꦭꦤ꧀ꦲꦺꦤꦺꦁꦱꦶꦁ​ꦧꦏꦭ꧀ꦢꦶꦱꦶꦪꦱꦶꦪ​꧉'​ 50-51ꦔꦤ꧀ꦢꦼꦭ꧀ꦭ​ꦠ​!ꦒꦼꦠꦶꦃꦲꦺ​ꦥꦫ​ꦤꦧꦶ​ꦱꦶꦁ​ꦩꦶꦭꦶ​ꦮꦶꦮꦶꦠ꧀ꦗꦩꦤ꧀ꦤꦺ​ꦧꦸꦩꦶ​ꦢꦶꦒꦮꦺ​꧈​ꦠꦼꦒꦼꦱ꧀ꦱꦺ​ꦮꦶꦮꦶꦠ꧀ꦒꦼꦠꦶꦃꦲꦺ​ꦄꦧꦺꦭ꧀ ꦔꦤ꧀ꦠꦶ​ꦠꦼꦏꦤ꧀ꦒꦼꦠꦶꦃꦲꦺ​ꦤꦧꦶ​ꦯꦏꦫꦶꦪꦱ꧀ ꦱꦶꦁ​ꦢꦶꦥꦠꦺꦤ꧀ꦤꦶ​ꦤꦁꦱꦏ꧀ꦠꦼꦔꦃꦲꦺ​ꦲꦭ꧀ꦠꦂꦭꦤ꧀ꦲꦺꦴꦩꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦸꦮꦶ​ꦏꦧꦺꦃ​ꦧꦏꦭ꧀ꦢꦶꦠꦶꦧꦏ꧀ꦏꦏꦺꦩꦫꦁ​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦲꦶꦏꦶ​꧉​

52꧋“ꦕꦶꦭꦏ​ꦏꦺꦴꦮꦺ​꧈​ꦥꦫ​ꦒꦸꦫꦸ​ꦏꦶꦠꦧ꧀​!ꦲꦮꦶꦠ꧀ꦏꦺꦴꦮꦺ​ꦚꦼꦏꦼꦭ꧀ꦏꦸꦚ꧀ꦕꦶꦤꦺ​ꦏꦮꦼꦫꦸꦃꦧꦧ꧀ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ ꦤꦁꦔꦶꦁ​ꦏꦺꦴꦮꦺ​ꦢꦺꦮꦺꦲꦺꦴꦫ​ꦔ꧀ꦊꦧꦺꦴꦤ꧀ꦤꦶ꧈​ꦩꦭꦃ​ꦮꦺꦴꦁ​ꦱꦶꦁ​ꦏꦼꦥꦺꦔꦶꦤ꧀ꦔꦼꦂꦠꦶ​ꦲꦶꦱꦶꦤꦺ​ꦮꦺꦠ꧀ꦮꦺꦠ꧀ꦏꦸꦮꦶ​ꦲꦩ꧀ꦧꦺꦴꦏ꧀ꦲꦭꦁꦔꦭꦁꦔꦶ!”

53꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦭꦸꦔ​ꦱꦁꦏꦏꦺꦴꦤꦺꦴ​꧈​ꦥꦫ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦠꦼꦫꦸꦱ꧀ꦥꦢ​ꦤꦼꦱꦸ​ꦧꦔꦼꦠ꧀ꦩꦫꦁ​ꦢꦺꦏ꧀ꦤꦺ꧉​ꦮꦺꦴꦁꦮꦺꦴꦁ​ꦩꦲꦸ​ꦥꦢ​ꦔꦼꦠꦺꦴꦏ꧀ꦏꦏꦺꦥꦶꦠꦏꦺꦴꦤ꧀ꦤꦤ꧀ꦥꦶꦫꦁꦥꦶꦫꦁ​ꦭꦤ꧀ꦧꦧ꧀ꦮꦼꦂꦤꦮꦼꦂꦤ​ꦥꦽꦏꦫ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 54ꦤꦁꦔꦶꦁ​ꦱꦶꦁ​ꦢꦶꦠꦸꦗꦸ​ꦱꦸꦥꦪ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦶꦁ​ꦏ꧀ꦭꦺꦫꦸ​꧈​ꦱꦶꦁ​ꦏꦼꦤꦺꦁꦢꦶꦲꦼꦁꦒꦺꦴ​ꦗꦭꦂꦫꦤ꧀ꦏꦁꦒꦺꦴ​ꦚꦼꦏꦼꦭ꧀ꦢꦺꦏ꧀ꦤꦺ꧉​ ↑ ↑ ↑


꧋ꦥꦶꦠꦸꦠꦸꦂ​ꦏꦁꦒꦺꦴ​ꦮꦺꦴꦁ​ꦱꦶꦁ​ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦤ꧀꧈​

꧇​꧑꧒꧇​ 1꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦮꦺꦴꦁ​ꦲꦺꦮꦺꦴꦤ꧀ꦤꦺꦮꦺꦴꦤ꧀ꦥꦢ​ꦔ꧀ꦭꦸꦩ꧀ꦥꦸꦏ꧀ꦱꦩ꧀ꦥꦺꦏ꧀ꦲꦼꦱꦸꦏ꧀ꦲꦼꦱꦸꦏ꧀ꦏꦤ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦩꦸꦭꦁ​꧈​ꦤꦺꦴꦩꦼꦂ​ꦱꦶꦗꦶ​ꦏꦁꦒꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦺꦮꦺ꧉​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:“ꦏꦺꦴꦮꦺ​ꦏꦸꦢꦸ​ꦱꦶꦁ​ꦲꦠꦶꦲꦠꦶꦠꦼꦤꦤ꧀ꦏꦫꦺꦴ​ꦥꦫ​ꦥ꦳ꦫꦶꦱꦶ​ꦱꦶꦁ​ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦤ꧀ ꦲꦗ​ꦱꦩ꧀ꦥꦺꦏ꧀ꦩꦿꦱꦸꦏ꧀ꦩꦫꦁ​ꦏꦺꦴꦮꦺ​ꦏꦪ​ꦫꦒꦶ​꧉​ 2ꦲꦮꦶꦠ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦠꦸꦠꦸꦥ꧀ꦠꦸꦠꦸꦥ꧀ꦥꦶ​ꦧꦏꦭ꧀ꦏꦺꦠꦺꦴꦏ꧀ꦭꦤ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦒꦮꦺ​ꦱꦶꦩ꧀ꦥꦼꦤ꧀ꦤꦤ꧀ꦧꦏꦭ꧀ꦏꦼꦧꦸꦏꦏ꧀꧈​ 3ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦲꦶꦁ​ꦮꦪꦃ​ꦩ꧀ꦧꦼꦔꦶꦧꦏꦭ꧀ꦢꦶꦫꦸꦔꦺꦴꦏ꧀ꦏꦏꦺꦲꦶꦁ​ꦮꦪꦃ​ꦲꦮꦤ꧀ꦭꦤ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦲꦭꦺꦴꦤ꧀ꦲꦭꦺꦴꦤ꧀ꦤꦁꦏꦩꦂ​ꦏꦚ꧀ꦕꦶꦁꦔꦤ꧀ꦧꦏꦭ꧀ꦢꦶꦏꦧꦂꦏꦧꦂꦫꦏꦺꦩꦫꦁ​ꦮꦺꦴꦁ​ꦏꦧꦺꦃ​꧉​”

꧋ꦮꦼꦢꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

4꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦏꦺꦴꦮꦺ​ꦏꦸꦮꦶ​ꦏꦚ꧀ꦕꦏꦚ꧀ꦕꦏꦸ​!ꦲꦏꦸ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​:ꦲꦗ​ꦮꦼꦢꦶ​ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦧꦶꦱ​ꦩꦠꦺꦤ꧀ꦤꦶ​ꦲꦮꦏ꧀ ꦤꦁꦔꦶꦁ​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦲꦺꦴꦫ​ꦧꦶꦱ​ꦔꦥꦔꦥꦏ꧀ꦏꦏꦺꦏꦺꦴꦮꦺ​ꦩꦼꦤꦺꦃ​꧉​ 5ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶꦱꦥ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦮꦼꦢꦺꦤ꧀ꦤꦶ꧉​ꦥꦢ​ꦮꦼꦢꦶꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦢꦺꦏ꧀ꦤꦺꦤ꧀ꦢꦸꦮꦺꦤ꧀ꦤꦶ​ꦏ꧀ꦮꦱ​ꦲꦩ꧀ꦧꦸꦮꦁ​ꦏꦺꦴꦮꦺ​ꦤꦁꦤꦼꦫꦏ꧈​ꦱꦏ꧀ꦮꦶꦱ꧀ꦱꦺ​ꦩꦠꦺꦤ꧀ꦤꦶ​ꦲꦮꦏ꧀ꦩꦸ​꧉​ ꦩꦸꦭꦤꦺ​ꦥꦢ​ꦲꦺꦭꦶꦁꦔ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦮꦼꦢꦺꦤ꧀ꦤꦶ꧉​

6꧋“ꦩꦤꦸꦏ꧀ꦕꦶꦭꦶꦏ꧀ꦏꦲꦺ​ꦤꦺꦏ꧀ꦢꦶꦲꦼꦢꦺꦴꦭ꧀ꦥꦶꦫ​ꦉꦒꦤꦺ​?ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦩꦤꦸꦏ꧀ꦕꦶꦭꦶꦏ꧀ꦱꦶꦗꦶ​ꦮꦲꦺ​ꦱꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦭꦶ​꧉​ 7ꦩꦭꦃ​ꦫꦩ꧀ꦧꦸꦠ꧀ꦤꦁꦱꦶꦫꦃꦩꦸ​ꦮꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦂꦠꦶ​ꦲꦺꦤꦺꦁꦥꦶꦫ​꧉​ꦩꦸꦭꦤꦺ​ꦲꦗ​ꦮꦼꦢꦶ​꧈​ꦲꦗꦶꦩꦸꦏꦸꦮꦶ​ꦔꦸꦁꦏꦸꦭ꧀ꦭꦶ​ꦩꦤꦸꦏ꧀ꦕꦶꦭꦶꦏ꧀ꦥꦶꦫꦁꦥꦶꦫꦁ​꧉​”

꧋ꦧꦧ꧀ꦔꦏꦺꦴꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

8꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦥꦢ​ꦔꦤ꧀ꦢꦼꦭ꧀ꦭ​ꦩꦫꦁ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦲꦶꦏꦶ​!ꦱꦥ​ꦱꦶꦁ​ꦔꦏꦸ​ꦤꦁꦠꦼꦔꦃꦲꦺ​ꦮꦺꦴꦁ​ꦤꦺꦏ꧀ꦢꦢꦶ​ꦩꦸꦫꦶꦢ꧀ꦏꦸ​꧈​ꦲꦤꦏ꧀ꦏꦺ​ꦩꦤꦸꦁꦱ​ꦲꦸꦒ​ꦧꦏꦭ꧀ꦔꦏꦺꦴꦤ꧀ꦤꦶ​ꦢꦺꦏ꧀ꦤꦺꦤꦁꦔꦉꦥ꧀ꦥꦺ​ꦥꦫ​ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ 9ꦤꦁꦔꦶꦁ​ꦱꦥ​ꦱꦶꦁ​ꦔꦏꦸ​ꦤꦁꦠꦼꦔꦃꦲꦺ​ꦮꦺꦴꦁ​ꦤꦺꦏ꧀ꦲꦺꦴꦫ​ꦏꦼꦤꦭ꧀ꦩꦫꦁ​ꦲꦏꦸ​꧈​ꦮꦺꦴꦁ​ꦏꦸꦮꦶ​ꦪ​ꦧꦏꦭ꧀ꦠꦏ꧀ꦱꦺꦭꦏꦶ​ꦤꦁꦔꦉꦥ꧀ꦥꦺ​ꦥꦫ​ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧉​

10꧋“ꦱꦥ​ꦱꦶꦁ​ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦲꦭ​ꦧꦧ꧀ꦲꦤꦏ꧀ꦏꦺ​ꦩꦤꦸꦁꦱ​꧈​ꦏꦸꦮꦶ​ꦧꦏꦭ꧀ꦢꦶꦔꦥꦸꦫ꧉​ꦤꦁꦔꦶꦁ​ꦱꦥ​ꦱꦶꦁ​ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦲꦭ​ꦧꦧ꧀ꦫꦺꦴꦃ​ꦱꦸꦕꦶ​ꦲꦺꦴꦫ​ꦧꦏꦭ꧀ꦢꦶꦔꦥꦸꦫ꧉​

11꧋“ꦤꦺꦏ꧀ꦏꦺꦴꦮꦺ​ꦢꦶꦒꦮ​ꦤꦁꦱꦶꦤꦒꦸꦏ꧀ꦲꦉꦥ꧀ꦢꦶꦏꦿꦸꦠꦸꦏꦫꦺꦴ​ꦥꦼꦁꦒꦼꦢꦺꦤꦺꦥꦱꦩꦸꦮꦤ꧀ꦭꦤ꧀ꦥꦫ​ꦥꦔ꧀ꦮꦱ​꧈​ꦲꦗ​ꦥꦢ​ꦮꦼꦢꦶ​ꦏꦼꦥꦿꦶꦪꦺ​ꦱꦶꦁ​ꦲꦉꦥ꧀ꦔꦺꦴꦩꦺꦴꦁꦏꦁꦒꦺꦴ​ꦲꦩ꧀ꦧꦺꦭꦤꦶ​ꦥꦽꦏꦫꦩꦸ​꧉​ 12ꦲꦗ​ꦮꦼꦢꦶ​꧈​ꦲꦮꦶꦠ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦫꦺꦴꦃ​ꦱꦸꦕꦶ​ꦧꦏꦭ꧀ꦔꦼꦏꦺꦏ꧀ꦏꦶꦠꦼꦩ꧀ꦧꦸꦁ​ꦩꦫꦁ​ꦏꦺꦴꦮꦺ​꧈​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁꦔꦏꦺ꧉​”

꧋ꦮꦺꦴꦁ​ꦱꦸꦒꦶꦃ​ꦱꦶꦁ​ꦧꦺꦴꦢꦺꦴ꧉​

13꧋ꦤꦁꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃꦱꦶꦁ​ꦥꦢ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦺꦴꦤꦺꦴ​ꦲꦺꦤꦺꦁꦱꦶꦗꦶ​ꦱꦶꦁ​ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦢꦺꦏ꧀ꦤꦺ:“ꦒꦸꦫꦸ​꧈​ꦲꦩ꧀ꦧꦺꦴꦏ꧀ꦱꦼꦢꦸꦭꦸꦂꦏꦸ​ꦢꦶꦲꦺꦴꦩꦺꦴꦁꦔꦶꦏꦺꦴꦁꦏꦺꦴꦤ꧀ꦔꦼꦢꦸꦩ꧀ꦏꦫꦺꦴ​ꦲꦏꦸ​ꦮꦫꦶꦱ꧀ꦱꦤ꧀ꦠꦶꦁꦒꦭꦤ꧀ꦤꦺꦧꦥꦏ꧀꧈​”

14꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦁ​​꧈​ꦭꦃ​ꦲꦏꦸ​ꦏꦺꦴꦏ꧀​ꦩ꧀ꦧꦺꦴꦏ꧀ꦢꦢꦺꦏ꧀ꦏꦏꦺꦠꦸꦏꦁ​ꦩꦿꦠꦸꦁꦮꦫꦶꦱ꧀ꦱꦤ꧀?ꦲꦥ​ꦲꦶꦏꦸ​ꦏꦼꦂꦗꦤꦤ꧀ꦏꦸ?” 15ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦶꦠꦸꦠꦸꦂꦫꦶ​ꦮꦺꦴꦁ​ꦏꦧꦺꦃ​ꦱꦶꦁ​ꦤꦁꦏꦺꦴꦤꦺꦴ​:“ꦥꦢ​ꦱꦶꦁ​ꦲꦠꦶꦲꦠꦶ꧈​ꦲꦗ​ꦱꦩ꧀ꦥꦺꦏ꧀ꦥꦢ​ꦤ꧀ꦢꦸꦮꦺꦮꦫꦶꦱꦤ꧀ꦤꦺꦩꦸꦂꦏ꧈​ꦲꦮꦶꦠ꧀ꦱꦼꦤꦗꦤ꧀ꦮꦺꦴꦁ​ꦤ꧀ꦢꦸꦮꦺꦧꦤ꧀ꦢꦲꦺꦴꦏꦺꦃ꧈​ꦲꦺꦴꦫ​ꦔꦺꦴꦩꦺꦴꦁꦤꦺꦏ꧀ꦮꦺꦴꦁ​ꦏꦸꦮꦶ​ꦤ꧀ꦢꦸꦮꦺꦤ꧀ꦤꦶ​ꦚꦮꦤꦺ​ꦲꦸꦒ​꧉​”

16꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦔꦺꦤꦺ​:“ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦱꦸꦒꦶꦃ​ꦤ꧀ꦢꦸꦮꦺꦏꦼꦧꦺꦴꦤ꧀ꦲꦺꦴꦏꦺꦃꦭꦤ꧀ꦊꦩꦃꦲꦺ​ꦪ​ꦗꦤ꧀ꦲꦥꦶꦏ꧀ꦠꦼꦤꦤ꧀꧈​ꦩꦸꦭꦤꦺ​ꦥꦩꦼꦠꦸꦤꦺ​ꦊꦩꦃꦲꦺ​ꦪ​ꦲꦺꦴꦏꦺꦃꦧꦔꦼꦠ꧀꧈​ 17ꦮꦺꦴꦁ​ꦱꦸꦒꦶꦃ​ꦩꦲꦸ​ꦠꦼꦫꦸꦱ꧀ꦫꦱꦤ꧀ꦫꦱꦤ꧀ꦲꦶꦁ​ꦲꦠꦶꦤꦺ​:'ꦲꦏꦸ​ꦱꦲꦶꦏꦶ​ꦏꦸꦢꦸ​ꦔꦥ​ꦩꦼꦤꦺꦃ​ꦪ​?ꦲꦏꦸ​ꦮꦶꦱ꧀ꦲꦺꦴꦫ​ꦤ꧀ꦢꦸꦮꦺꦥꦁꦒꦺꦴꦤ꧀ꦤꦤ꧀ꦩꦼꦤꦺꦃ​ꦏꦁꦒꦺꦴ​ꦚꦶꦩ꧀ꦥꦼꦤ꧀ꦥꦩꦼꦠꦸꦤꦺ​ꦏꦼꦧꦺꦴꦤ꧀ꦏꦸ​꧉​ 18ꦱꦲꦶꦏꦶ​ꦲꦥꦶꦏ꧀ꦏꦺ​ꦔꦺꦤꦺ​ꦮꦲꦺ​:ꦩꦒꦼꦱꦺꦤ꧀ꦩꦒꦼꦱꦺꦤ꧀ꦏꦸꦲꦉꦥ꧀ꦠꦏ꧀ꦧꦸꦧꦿꦃꦲꦶꦏꦧꦺꦃ​꧈​ꦠꦏ꧀​ꦔ꧀ꦒꦮꦺ​ꦱꦶꦁ​ꦭꦸꦮꦶꦃ​ꦒꦼꦢꦺꦏꦁꦒꦺꦴ​ꦚꦶꦩ꧀ꦥꦼꦤ꧀ꦥꦩꦼꦠꦸꦤꦺ​ꦏꦼꦧꦺꦴꦤ꧀ꦏꦸ​ꦭꦤ꧀ꦲꦸꦒ​ꦧꦫꦁꦧꦫꦁꦏꦸ​ꦭꦶꦪꦤꦺ​ꦏꦧꦺꦃ​꧉​ 19ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦲꦏꦸ​ꦠꦼꦫꦸꦱ꧀ꦧꦶꦱ​ꦔꦺꦴꦩꦺꦴꦁꦩꦫꦁ​ꦲꦠꦶꦏꦸ​:ꦲꦏꦸ​ꦮꦶꦱ꧀ꦲꦪꦼꦩ꧀ꦱꦲꦶꦏꦶ​꧉​ꦱꦶꦩ꧀ꦥꦼꦤꦤ꧀ꦏꦸ​ꦮꦶꦱ꧀ꦲꦺꦴꦏꦺꦃ꧈​ꦱꦩ꧀ꦥꦺꦢꦶꦥꦔꦤ꧀ꦥꦶꦫꦁꦥꦶꦫꦁ​ꦠꦲꦸꦤ꧀꧈​ꦲꦏꦸ​ꦮꦶꦱ꧀ꦲꦺꦴꦫ​ꦲꦸꦱꦃꦩꦶꦏꦶꦂ​ꦲꦥꦲꦥ​ꦩꦼꦤꦺꦃ​꧉​ꦓꦫꦺꦏ꧀ꦩꦁꦔꦤ꧀ ꦔꦺꦴꦩ꧀ꦧꦺ​ꦭꦤ꧀ꦤꦸꦫꦸꦠ꧀ꦠꦶ​ꦱꦼꦤꦼꦁ​꧉'​ 20ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦔꦺꦴꦩꦺꦴꦁꦔꦺꦤꦺꦩꦫꦁꦮꦺꦴꦁꦩꦲꦸ:'ꦏꦺꦴꦮꦺꦏꦸꦮꦶꦮꦺꦴꦁꦧꦺꦴꦢꦺꦴ꧉​ꦩ꧀ꦧꦼꦔꦶꦲꦶꦏꦶꦚꦮꦩꦸꦧꦏꦭ꧀ꦢꦶꦗꦭꦸꦏ꧀꧈​ꦭꦃꦱꦼꦩ꧀ꦧꦫꦁꦱꦶꦁꦮꦶꦱ꧀​ꦩ꧀ꦧꦺꦴꦏ꧀ꦕꦮꦶꦱ꧀ꦕꦮꦶꦱ꧀ꦏꦺꦏꦁꦒꦺꦴꦲꦮꦏ꧀ꦩꦸꦏꦸꦮꦶꦩꦼꦁꦏꦺꦴꦱꦥꦱꦶꦁꦤ꧀ꦢꦸꦮꦺꦤ꧀ꦤꦶ?’” 21ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦥꦶꦠꦸꦠꦸꦂ​ꦩꦲꦸ​ꦏꦫꦺꦴ​ꦠꦼꦩ꧀ꦧꦸꦁ​ꦲꦶꦏꦶ​:“ꦪ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦊꦭꦏꦺꦴꦤꦺ​ꦮꦺꦴꦁ​ꦱꦶꦁ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦧꦤ꧀ꦢꦏꦢꦺꦴꦚꦃꦲꦤ꧀ꦏꦁꦒꦺꦴ​ꦲꦮꦏ꧀ꦏꦺ​ꦢꦺꦮꦺꦱꦩ꧀ꦥꦺꦏ꧀ꦱꦸꦒꦶꦃ​ꦧꦔꦼꦠ꧀ ꦤꦁꦔꦶꦁ​ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦺꦴꦁ​ꦏꦸꦮꦶ​ꦲꦺꦴꦫ​ꦱꦸꦒꦶꦃ​ꦧ꧀ꦭꦱ꧀꧈​”

꧋ꦧꦧ꧀ꦱꦸꦩꦼꦭꦁ​꧉​

22꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦥꦢ​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ꦥꦶꦠꦸꦠꦸꦂꦏꦸ​ꦲꦶꦏꦶ​:ꦲꦗ​ꦥꦢ​ꦱꦸꦩꦼꦭꦁ​ꦧꦧ꧀ꦲꦸꦫꦶꦥ꧀ꦩꦸ​꧈​ꦧꦧ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦥꦔꦤ꧀ꦭꦤ꧀ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦼꦁꦒꦺꦴ​꧉​ 23ꦲꦸꦫꦶꦥ꧀ꦩꦸ​ꦏꦸꦮꦶ​ꦲꦗꦶꦤꦺ​ꦔꦸꦁꦏꦸꦭ꧀ꦭꦶ​ꦥꦔꦤ꧀ꦭꦤ꧀ꦧꦢꦤ꧀ꦩꦸ​ꦏꦸꦮꦶ​ꦲꦗꦶꦤꦺ​ꦔꦸꦁꦏꦸꦭ꧀ꦭꦶ​ꦱꦤ꧀ꦢꦁ꧉​ 24ꦲꦩ꧀ꦧꦺꦴꦏ꧀ꦢꦶꦱꦮꦁ​ꦩꦤꦸꦏ꧀ꦩꦤꦸꦏ꧀ꦲꦶꦉꦁ​ꦏꦲꦺ​꧈​ꦭꦲꦸꦠ꧀ꦪ​ꦲꦺꦴꦫ​ꦚꦼꦧꦂ​ꦲꦥ​ꦥꦤꦺꦤ꧀ꦭꦤ꧀ꦲꦺꦴꦫ​ꦤ꧀ꦢꦸꦮꦺꦒꦺꦴꦢꦁꦲꦥ​ꦭꦸꦩ꧀ꦧꦸꦁ​ꦏꦁꦒꦺꦴ​ꦚꦶꦩ꧀ꦥꦼꦤ꧀ꦥꦔꦤ꧀ ꦤꦁꦔꦶꦁ​ꦥꦢ​ꦢꦶꦏꦺꦏ꧀ꦏꦶꦩꦁꦔꦤ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦭꦃ​ꦏꦺꦴꦮꦺ​ꦏꦸꦮꦶ​ꦲꦥ​ꦲꦗꦶꦤꦺ​ꦲꦺꦴꦫ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦩꦤꦸꦏ꧀ꦩꦤꦸꦏ꧀ꦏꦸꦮꦶ​? 25ꦱꦥ​ꦤꦁꦠꦼꦔꦃꦩꦸ​ꦧꦶꦱ​ꦤꦩ꧀ꦧꦃꦲꦶ​ꦲꦸꦩꦸꦂꦫꦺ​ꦗꦭꦂꦫꦤ꧀ꦱꦁꦏꦲꦼꦁꦒꦺꦴꦤ꧀ꦩꦸ​ꦱꦸꦩꦼꦭꦁ​?ꦩꦼꦱ꧀ꦠꦶꦲꦺꦴꦫ​ꦲꦺꦤꦺꦁ꧉​ 26ꦭꦃ​ꦤꦺꦏ꧀ꦥꦽꦏꦫ​ꦱꦶꦁ​ꦕꦶꦭꦶꦏ꧀ꦮꦲꦺ​ꦏꦺꦴꦮꦺ​ꦲꦺꦴꦫ​ꦧꦶꦱ​ꦤꦶꦤ꧀ꦢꦏ꧀ꦏꦏꦺ꧈​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦧꦶꦔꦸꦁ​ꦧꦧ꧀ꦥꦽꦏꦫꦥꦽꦏꦫ​ꦭꦶꦪꦤꦺ​? 27ꦢꦶꦱꦮꦁ​ꦏꦼꦩ꧀ꦧꦁꦏꦼꦩ꧀ꦧꦁ​ꦱꦶꦁ​ꦠꦸꦏꦸꦭ꧀ꦤꦁꦏꦼꦧꦺꦴꦤ꧀ꦏꦲꦺ​꧉​ꦲꦥ​ꦪ​ꦏꦼꦂꦗ​ꦲꦥ​ꦔ꧀ꦒꦮꦺ​ꦱꦭꦶꦤ꧀?ꦭꦲꦸꦠ꧀ꦲꦺꦴꦫ​ꦠ​꧉​ꦤꦁꦔꦶꦁ​ꦱꦮꦁꦔꦼꦤ꧀ꦢꦺꦮꦺ꧈​ꦒꦺꦏ꧀ꦫꦠꦸ​ꦯꦺꦴꦭꦺꦩꦤ꧀ꦮꦲꦺ​ꦱꦶꦁ​ꦱꦸꦒꦶꦃꦲꦺ​ꦏꦪ​ꦔꦺꦴꦤꦺꦴ​꧈​ꦲꦺꦴꦫ​ꦤ꧀ꦢꦸꦮꦺꦱꦭꦶꦤ꧀ꦱꦶꦁ​ꦲꦥꦶꦏ꧀ꦏꦺ​ꦏꦪ​ꦏꦼꦩ꧀ꦧꦁꦏꦼꦩ꧀ꦧꦁ​ꦏꦸꦮꦶ​꧉​ 28ꦱꦼꦩꦺꦴꦤꦺꦴ​ꦲꦸꦒ​ꦱꦸꦏꦼꦠ꧀ꦱꦶꦁ​ꦤꦁꦏꦼꦧꦺꦴꦤ꧀ ꦱꦶꦁ​ꦢꦶꦤ​ꦲꦶꦏꦶ​ꦠꦸꦏꦸꦭ꧀ꦭꦤ꧀ꦱꦺꦱꦸꦏ꧀ꦢꦶꦲꦺꦴꦧꦺꦴꦁ​꧉​ꦏꦸꦮꦶ​ꦮꦲꦺ​ꦢꦶꦲꦥꦶꦏ꧀ꦲꦥꦶꦏ꧀ꦠꦼꦤꦤ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦭꦃ​ꦏꦺꦴꦮꦺ​ꦩꦼꦤꦺꦃ​꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦼꦱ꧀ꦠꦶꦧꦏꦭ꧀ꦚꦤ꧀ꦢꦏ꧀ꦏꦺꦴꦮꦺ​ꦔꦸꦁꦏꦸꦭ꧀ꦭꦸꦁꦏꦸꦭ꧀ꦭꦶꦱꦸꦏꦼꦠ꧀ꦱꦸꦏꦼꦠ꧀ꦏꦸꦮꦶ​꧉​ꦤꦁꦔꦶꦁ​ꦏꦺꦴꦮꦺ​ꦥꦢ​ꦕꦶꦭꦶꦏ꧀ꦥꦼꦔꦤ꧀ꦢꦼꦭ꧀ꦭꦺ​꧉​

29꧋“ꦩꦸꦭꦤꦺ​꧈​ꦲꦗ​ꦥꦢ​ꦱꦸꦩꦼꦭꦁ​ꦭꦤ꧀ꦲꦗ​ꦥꦢ​ꦧꦶꦔꦸꦁ​ꦧꦧ꧀ꦲꦥ​ꦱꦶꦁ​ꦧꦏꦭ꧀ꦲꦩ꧀ꦧꦺꦴꦏ꧀ꦥꦔꦤ꧀ꦭꦤ꧀ꦲꦩ꧀ꦧꦺꦴꦏ꧀ꦲꦺꦴꦩ꧀ꦧꦺ​꧉​ 30ꦮꦺꦴꦁ​ꦱꦶꦁ​ꦔ꧀ꦒꦺꦴꦭꦺꦏ꧀ꦏꦶ​ꦧꦫꦁꦧꦫꦁ​ꦏꦸꦮꦶ​ꦭꦲꦸꦠ꧀ꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦭꦲꦸꦠ꧀ꦮꦶꦱ꧀ꦔꦼꦂꦠꦶ​ꦤꦺꦏ꧀ꦧꦫꦁꦧꦫꦁ​ꦏꦸꦮꦶ​ꦲꦩ꧀ꦧꦺꦴꦏ꧀ꦧꦸꦠꦸꦃꦲꦏꦺ꧉​ 31ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦥꦼꦂꦭꦺꦴꦏ꧀ꦏꦏꦺꦤ꧀ꦢꦶꦱꦶꦏ꧀ꦪꦏꦸꦮꦶ​꧈​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦏꦼꦏꦉꦥ꧀ꦥꦤ꧀ꦤꦺ​꧈​ꦩꦼꦁꦏꦺꦴ​ꦢꦺꦏ꧀ꦤꦺꦧꦏꦭ꧀ꦔꦼꦏꦺꦏ꧀ꦏꦶꦏꦺꦴꦮꦺ​ꦧꦫꦁ​ꦭꦶꦪꦭꦶꦪꦤꦺ​ꦲꦸꦒ​꧉​”

꧋ꦧꦧ꧀ꦧꦤ꧀ꦢꦤꦁꦱ꧀ꦮꦂꦒ​꧉​

32꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦥꦶꦮꦸꦭꦁꦔꦺ​ꦔꦺꦤꦺ​:“ꦏꦺꦴꦮꦺ​ꦮꦼꦢꦸꦱ꧀ꦱꦏ꧀ꦏꦿꦺꦴꦩ꧀ꦥꦺꦴꦭ꧀ꦕꦶꦭꦶꦏ꧀ ꦲꦗ​ꦥꦢ​ꦮꦼꦢꦶ​꧉​ꦮꦶꦱ꧀ꦢꦢꦶ​ꦏꦼꦏꦉꦥ꧀ꦥꦤ꧀ꦤꦺ​ꦧꦥꦏ꧀ꦩꦸ​ꦤꦁꦱ꧀ꦮꦂꦒ​ꦔꦼꦏꦺꦏ꧀ꦏꦏꦺꦏꦿꦠꦺꦴꦤꦺ​ꦩꦫꦁ​ꦏꦺꦴꦮꦺ​꧉​ 33ꦧꦫꦁꦧꦫꦁ​ꦤ꧀ꦢꦸꦮꦺꦤꦺꦥꦢ​ꦲꦼꦢꦺꦴꦭ꧀ꦭꦤ​ꦭꦤ꧀ꦲꦥ​ꦥꦪꦸꦤꦺꦏꦺꦏ꧀ꦤꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧉​ꦥꦢ​ꦔ꧀ꦒꦮꦺꦪꦮꦢꦃꦢꦸꦮꦶꦠ꧀ꦱꦶꦁ​ꦲꦺꦴꦫ​ꦧꦶꦱ​ꦫꦸꦱꦏ꧀ꦭꦤ꧀ꦧꦤ꧀ꦢꦩꦸꦥꦢ​ꦱꦶꦩ꧀ꦥꦼꦤ꧀ꦤꦼꦤ꧀ꦤꦁꦱ꧀ꦮꦂꦒ​꧉​ꦤꦁꦏꦺꦴꦤꦺꦴ​ꦏꦱꦸꦒꦶꦃꦲꦤ꧀ꦩꦸ​ꦲꦺꦴꦫ​ꦧꦏꦭ꧀ꦏꦭꦺꦴꦁ​꧈​ꦲꦮꦶꦠ꧀ꦲꦺꦴꦫ​ꦧꦏꦭ꧀ꦢꦶꦕꦺꦴꦭꦺꦴꦁ​ꦩꦭꦶꦁ​ꦲꦥ​ꦢꦶꦥꦔꦤ꧀ꦉꦔꦼꦠ꧀꧈​ 34ꦲꦮꦶꦠ꧀ꦤꦁꦲꦼꦤ꧀ꦢꦶ​ꦧꦤ꧀ꦢꦩꦸ꧈​ꦪ​ꦤꦁꦏꦺꦴꦤꦺꦴ​ꦲꦸꦒ​ꦲꦠꦶꦩꦸ​꧉​”

꧋ꦧꦧ꧀ꦥꦼꦭꦢꦺꦤ꧀ꦱꦶꦁ​ꦠꦠꦠꦠ​꧉​

35꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦏꦺꦴꦮꦺ​ꦏꦸꦢꦸ​ꦱꦶꦁ​ꦗꦒꦗꦒ​ꦔꦢꦼꦥ꧀ꦥꦶꦥꦽꦏꦫ​ꦲꦥ​ꦮꦲꦺ​꧉​ꦏ꧀ꦭꦩ꧀ꦧꦶꦩꦸ​ꦢꦶꦲꦼꦁꦒꦺꦴ​ꦭꦤ꧀ꦢꦶꦲꦤ꧀ꦩꦸꦥꦚ꧀ꦗꦼꦂꦉꦤ꧀꧈​ 36ꦲꦺꦴꦫ​ꦧꦺꦢ​ꦱ꧀ꦭꦥ꦳꧀ꦱꦶꦁ​ꦔꦼꦤ꧀ꦠꦺꦤ꧀ꦤꦶ​ꦩꦸꦭꦶꦃꦲꦺ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦱꦁꦏꦔ꧀ꦒꦺꦴꦤ꧀ꦤꦺꦮꦺꦴꦁ​ꦤ꧀ꦢꦸꦮꦺꦒꦮꦺ​ꦏꦮꦶꦤ꧀ꦤꦤ꧀꧈​ꦤꦺꦏ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦏ​ꦭꦤ꧀ꦠꦺꦴꦠꦺꦴꦏ꧀ꦠꦺꦴꦠꦺꦴꦏ꧀ꦭꦮꦁ​꧈​ꦱ꧀ꦭꦥ꦳꧀ꦥ꦳ꦺꦒꦼꦭꦶꦱ꧀ꦒꦼꦭꦶꦱ꧀​ꦩ꧀ꦧꦸꦏꦏ꧀ꦏꦏꦺ꧉​ 37ꦧꦼꦗꦠꦼꦤꦤ꧀ꦱ꧀ꦭꦥ꦳꧀ꦱꦶꦁ​ꦏꦼꦠꦼꦩꦸ​ꦲꦶꦗꦶꦏ꧀ꦩꦼꦭꦺꦏ꧀ꦤꦺꦏ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦏ​꧉​ꦔꦤ꧀ꦢꦼꦭ꧀ꦭ​꧈​ꦤꦺꦏ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦩꦲꦸ​ꦮꦶꦱ꧀ꦱꦭꦶꦤ꧀ ꦱ꧀ꦭꦥ꦳꧀ꦥ꦳ꦺꦧꦏꦭ꧀ꦢꦶꦲꦼꦗꦺꦏ꧀ꦩꦁꦔꦤ꧀ꦧꦉꦁ​ꦭꦤ꧀ꦢꦶꦭꦢꦺꦤ꧀ꦤꦶ​꧉​ 38ꦩꦭꦃꦩꦭꦃꦤꦺꦏ꧀ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦩꦲꦸ​ꦠꦼꦏꦤꦺ​ꦱꦩ꧀ꦥꦺꦏ꧀ꦠꦼꦔꦃ​ꦮꦼꦔꦶ​ꦲꦥ​ꦲꦺꦱꦸꦏ꧀ꦩꦿꦸꦥꦸꦠ꧀ꦭꦤ꧀ꦱ꧀ꦭꦥ꦳꧀ꦥ꦳ꦺꦲꦶꦗꦶꦏ꧀ꦥꦢ​ꦩꦼꦭꦺꦏ꧀꧈​ꦱ꧀ꦭꦥ꦳꧀ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦗꦤ꧀ꦧꦼꦗꦠꦼꦤꦤ꧀꧈​ 39ꦥꦢ​ꦲꦺꦭꦶꦁꦔ​꧈​ꦱꦼꦩꦸꦁꦒꦺꦴꦤ꧀ꦤꦺꦮꦺꦴꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦔꦼꦂꦠꦶ​ꦗꦩ꧀ꦥꦶꦫ​ꦠꦼꦏꦤꦺ​ꦩꦭꦶꦁ​ꦔꦺ​꧈​ꦮꦺꦴꦁꦔꦺ​ꦩꦼꦱ꧀ꦠꦶꦲꦺꦴꦫ​ꦠꦸꦫꦸ​꧈​ꦱꦸꦥꦪ​ꦩꦭꦶꦁ​ꦔꦺ​ꦲꦺꦴꦫ​ꦩ꧀ꦊꦧꦸ​ꦲꦺꦴꦩꦃꦲꦺ​꧉​ 40ꦩꦸꦭꦤꦺ​ꦏꦺꦴꦮꦺ​ꦲꦸꦒ​ꦏꦸꦢꦸ​ꦥꦢ​ꦠꦠꦠꦠ​꧈​ꦲꦮꦶꦠ꧀ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀ꦠꦼꦏ​ꦲꦶꦁ​ꦮꦏ꧀ꦠꦸ​ꦱꦶꦁ​ꦏꦺꦴꦮꦺ​ꦲꦺꦴꦫ​ꦩꦶꦏꦶꦂ​꧉​”

41꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦲꦼꦁꦒꦺꦴꦤ꧀ꦩꦸ​ꦔꦼꦏꦺꦏ꧀ꦏꦶꦥꦶꦠꦸꦠꦸꦂ​ꦔꦁꦒꦺꦴ​ꦒꦩ꧀ꦧꦂ​ꦏꦸꦮꦶ​ꦩꦲꦸ​ꦤꦩꦸꦁ​ꦏꦁꦒꦺꦴ​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦮꦲꦺ​ꦲꦥ​ꦏꦁꦒꦺꦴ​ꦮꦺꦴꦁ​ꦏꦧꦺꦃ​?”

42꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦱ꧀ꦭꦥ꦳꧀ꦱꦶꦁ​ꦏꦪ​ꦔꦥ​ꦱꦶꦁ​ꦏꦼꦤꦺꦁꦢꦶꦲꦫꦤ꧀ꦤꦶ​ꦱ꧀ꦭꦥ꦳꧀ꦱꦶꦁ​ꦠꦼꦩꦼꦤ꧀ꦭꦤ꧀ꦢꦸꦤꦸꦁ?ꦪ​ꦱ꧀ꦭꦥ꦳꧀ꦱꦶꦁ​ꦢꦶꦥꦱꦿꦃꦲꦶ​ꦥꦼꦚ꧀ꦗꦮꦧ꧀ꦤꦠ​ꦏꦚ꧀ꦕꦏꦚ꧀ꦕꦤꦺ​ꦠꦸꦁꦒꦭ꧀ꦱ꧀ꦭꦥ꦳꧀ ꦱꦸꦥꦪ​ꦔꦼꦏꦺꦏ꧀ꦏꦶꦧꦒꦺꦪꦤ꧀ꦤꦺꦥꦔꦤ꧀ꦩꦫꦁ​ꦱ꧀ꦭꦥ꦳꧀ꦱ꧀ꦭꦥ꦳꧀ꦭꦶꦪꦤꦺ​ꦤꦺꦏ꧀ꦮꦶꦱ꧀ꦮꦪꦃꦲꦺ​꧉​ 43ꦧꦼꦗꦠꦼꦤꦤ꧀ꦱ꧀ꦭꦥ꦳꧀ꦱꦶꦁ​ꦏꦼꦠꦼꦩꦸ​ꦔꦼꦂꦗꦤ꧀ꦤꦶꦥꦼꦁꦒꦮꦺꦪꦤ꧀ꦏꦸꦏꦪ​ꦱꦏ꧀ꦩꦼꦱ꧀ꦠꦶꦤꦺ꧈​ꦮꦪꦃꦲꦺ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦏ​꧉​ 44ꦥꦢ​ꦔꦤ꧀ꦢꦼꦭ꧀ꦭ​꧈​ꦱ꧀ꦭꦥ꦳꧀ꦏꦸꦮꦶ​ꦧꦏꦭ꧀ꦢꦶꦥꦽꦕꦪ​ꦏꦫꦺꦴ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦏꦺꦴꦁꦏꦺꦴꦤ꧀ꦔꦸꦫꦸꦱ꧀ꦱꦶ​ꦧꦤ꧀ꦢꦤꦺ​ꦱꦏ꧀ꦏꦧꦺꦃꦲꦺ꧉​ 45ꦤꦁꦔꦶꦁ​ꦱꦼꦩꦸꦁꦒꦺꦴꦤ꧀ꦤꦺꦱ꧀ꦭꦥ꦳꧀ꦩꦲꦸ​ꦠꦼꦫꦸꦱ꧀​ꦤ꧀ꦢꦸꦮꦺꦒꦒꦱ꧀ꦱꦤ꧀ꦲꦶꦁ​ꦲꦠꦶꦤꦺ​:'ꦲꦃ꧈​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦲꦶꦗꦶꦏ꧀ꦭꦸꦔ​ꦱꦸꦮꦶꦏꦺꦴꦏ꧀'​ꦭꦤ꧀ꦱ꧀ꦭꦥ꦳꧀ꦩꦲꦸ​ꦠꦼꦫꦸꦱ꧀ꦔꦼꦥ꧀ꦭꦏ꧀ꦏꦶꦱ꧀ꦭꦥ꦳꧀ꦱ꧀ꦭꦥ꦳꧀ꦭꦶꦪꦤꦺ​ꦱꦶꦁ​ꦭꦤꦁ​ꦭꦤ꧀ꦱꦶꦁ​ꦮꦺꦢꦺꦴꦏ꧀ ꦤꦁꦔꦶꦁ​ꦢꦺꦏ꧀ꦤꦺꦢꦺꦮꦺꦩꦭꦃ​ꦲꦺꦤꦏ꧀ꦲꦺꦤꦏ꧀ꦩꦔꦤ꧀ꦔꦺꦴꦩ꧀ꦧꦺꦱꦩ꧀ꦥꦺꦏ꧀ꦩꦧꦸꦏ꧀ ꦱ꧀ꦭꦥ꦳꧀ꦩꦲꦸ​ꦧꦏꦭ꧀ꦕꦶꦭꦏ​꧉​ 46ꦲꦮꦶꦠ꧀ꦲꦶꦁ​ꦢꦶꦤ​ꦱꦶꦁ​ꦲꦺꦴꦫ​ꦢꦶꦗꦒꦏ꧀ꦏꦏꦺꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦧꦏꦭ꧀ꦠꦼꦏ​꧉​ꦱ꧀ꦭꦥ꦳꧀ꦩꦲꦸ​ꦧꦏꦭ꧀ꦢꦶꦥꦠꦺꦤ꧀ꦤꦶ​ꦭꦤ꧀ꦢꦶꦢꦢꦺꦏ꧀ꦏꦏꦺꦱꦶꦗꦶ​ꦏꦫꦺꦴ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​꧉​

47꧋“ꦱ꧀ꦭꦥ꦳꧀ꦱꦶꦁ​ꦔꦼꦂꦠꦶ​ꦲꦥ​ꦏꦉꦥ꧀ꦥꦺ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​꧈​ꦤꦁꦔꦶꦁ​ꦲꦺꦴꦫ​ꦠꦠꦠꦠ​ꦭꦤ꧀ꦕꦮꦶꦱ꧀ꦕꦮꦶꦱ꧀​꧈​ꦱ꧀ꦭꦥ꦳꧀ꦏꦸꦮꦶ​ꦧꦏꦭ꧀ꦢꦶꦒꦼꦧꦸꦏ꧀ꦏꦶ ꦱꦏ꧀ꦏꦸꦮꦠ꧀ꦠꦺ꧉​ 48ꦤꦁꦔꦶꦁ​ꦱ꧀ꦭꦥ꦳꧀ꦱꦶꦁ​ꦲꦺꦴꦫ​ꦔꦼꦂꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦭꦤ꧀ꦲꦸꦒ​ꦤꦶꦤ꧀ꦢꦏ꧀ꦏꦏꦺꦱꦶꦁ​ꦲꦺꦴꦫ​ꦧꦼꦤꦼꦂ​꧈​ꦱ꧀ꦭꦥ꦳꧀ꦏꦸꦮꦶ​ꦪ​ꦧꦏꦭ꧀ꦢꦶꦱꦼꦠꦿꦥ꧀ ꦤꦁꦔꦶꦁ​ꦱꦼꦠꦿꦥꦤ꧀ꦤꦺꦧꦏꦭ꧀ꦲꦺꦤ꧀ꦠꦺꦁ꧉​ꦲꦮꦶꦠ꧀ꦮꦺꦴꦁ​ꦱꦶꦁ​ꦢꦶꦏꦺꦏ꧀ꦏꦶꦲꦺꦴꦏꦺꦃꦧꦏꦭ꧀ꦢꦶꦠꦒꦶꦃ​ꦲꦺꦴꦏꦺꦃ꧉​ꦱꦼꦩꦺꦴꦤꦺꦴ​ꦲꦸꦒ​ꦮꦺꦴꦁ​ꦱꦶꦁ​ꦢꦶꦥꦱꦿꦃꦲꦶ​ꦥꦽꦏꦫ​ꦲꦺꦴꦏꦺꦃ꧈​ꦮꦺꦴꦁ​ꦏꦸꦮꦶ​ꦧꦏꦭ꧀ꦢꦶꦗꦭꦸꦏ꧀ꦏꦶ​ꦭꦸꦮꦶꦃ​ꦲꦺꦴꦏꦺꦃ꧉​”

꧋ꦠꦼꦏꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦶꦱꦃ​꧉​

49꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦠꦼꦏꦏꦸ​ꦔꦸꦫꦸꦥ꧀ꦥꦏꦺꦒꦼꦤꦶ​ꦤꦁꦧꦸꦩꦶ​ꦭꦤ꧀ꦏꦪ​ꦔꦥ​ꦠ​ꦏꦼꦥꦺꦔꦶꦤ꧀ꦏꦸꦒꦼꦤꦶ​ꦏꦸꦮꦶ​ꦮꦶꦱ꧀ꦧꦶꦱ​ꦩꦸꦫꦸꦥ꧀꧈​ 50ꦤꦁꦔꦶꦁ​ꦱꦏ꧀ꦢꦸꦫꦸꦁꦔꦺꦏꦸꦮꦶ​꧈​ꦲꦏꦸ​ꦏꦸꦢꦸ​ꦏꦼꦧꦥ꧀ꦠꦶꦱ꧀​ꦤ꧀ꦢꦶꦱꦶꦏ꧀ ꦲꦏꦸ​ꦢꦸꦫꦸꦁ​ꦲꦪꦼꦩ꧀ꦤꦺꦏ꧀ꦧꦥ꧀ꦠꦶꦱ꧀ꦱꦤ꧀ꦏꦸꦮꦶ​ꦢꦸꦫꦸꦁ​ꦏ꧀ꦭꦏꦺꦴꦤ꧀꧈​ 51ꦲꦥ​ꦏꦺꦴꦮꦺ​ꦥꦢ​ꦩꦶꦏꦶꦂ​ꦤꦺꦏ꧀ꦠꦼꦏꦏꦸ​ꦲꦶꦁ​ꦢꦺꦴꦚ​ꦏꦸꦮꦶ​ꦔ꧀ꦒꦮ​ꦏꦠꦼꦤ꧀ꦠꦽꦩ꧀ꦩꦤ꧀?ꦧ꧀ꦭꦱ꧀ꦲꦺꦴꦫ​!ꦩꦭꦃ​ꦠꦼꦏꦏꦸ​ꦤ꧀ꦢꦢꦺꦏ꧀ꦏꦏꦺꦕꦺꦴꦁ​ꦏꦿꦺꦃ​꧉​ 52ꦮꦶꦮꦶꦠ꧀ꦱꦲꦶꦏꦶ​ꦤꦺꦏ꧀ꦱꦏ꧀ꦧꦿꦪꦠ꧀ꦲꦺꦤꦺꦁꦮꦺꦴꦁ​ꦭꦶꦩ​꧈​ꦮꦺꦴꦁ​ꦭꦶꦩ​ꦏꦸꦮꦶ​ꦧꦏꦭ꧀ꦕꦺꦴꦁ​ꦏꦿꦺꦃ​꧈​ꦱꦶꦁ​ꦠꦼꦭꦸ​ꦠꦸꦏꦂꦫꦤ꧀ꦏꦫꦺꦴ​ꦱꦶꦁ​ꦭꦺꦴꦫꦺꦴ​ꦭꦤ꧀ꦱꦶꦁ​ꦭꦺꦴꦫꦺꦴ​ꦠꦸꦏꦂꦫꦤ꧀ꦏꦫꦺꦴ​ꦱꦶꦁ​ꦠꦼꦭꦸ​꧉​ 53ꦏꦧꦺꦃ​ꦧꦏꦭ꧀ꦥꦢ​ꦠꦸꦏꦂꦫꦤ꧀:ꦧꦥꦏ꧀ꦏꦫꦺꦴ​ꦲꦤꦏ꧀ꦏꦺ​ꦭꦤꦁ​ꦭꦤ꧀ꦲꦤꦏ꧀ꦭꦤꦁ​ꦏꦫꦺꦴ​ꦧꦥꦏ꧀ꦏꦺ꧈​ꦲꦶꦧꦸ​ꦏꦫꦺꦴ​ꦲꦤꦏ꧀ꦏꦺ​ꦮꦺꦢꦺꦴꦏ꧀ꦭꦤ꧀ꦲꦤꦏ꧀ꦏꦺ​ꦮꦺꦢꦺꦴꦏ꧀ꦏꦫꦺꦴ​ꦲꦶꦧꦸꦤꦺ​꧈​ꦲꦶꦧꦸ​ꦩꦫꦠꦸꦮ​ꦠꦸꦏꦂꦫꦤ꧀ꦏꦫꦺꦴ​ꦩꦤ꧀ꦠꦸꦤꦺ​ꦮꦺꦢꦺꦴꦏ꧀ꦭꦤ꧀ꦩꦤ꧀ꦠꦸꦤꦺ​ꦮꦺꦢꦺꦴꦏ꧀ꦏꦫꦺꦴ​ꦲꦶꦧꦸꦤꦺ​ꦩꦫꦠꦸꦮ​꧉​”

꧋ꦤꦶꦠꦺꦤ꧀ꦤꦶ​ꦠꦤ꧀ꦢꦤꦺꦗꦩꦤ꧀꧈​

54꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦏꦧꦺꦃ​:“ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦩꦼꦤ꧀ꦢꦸꦁꦤꦁꦏꦸꦭꦺꦴꦤ꧀ ꦏꦺꦴꦮꦺ​ꦩꦼꦱ꧀ꦠꦶꦔꦺꦴꦩꦺꦴꦁꦤꦺꦏ꧀ꦲꦉꦥ꧀ꦲꦸꦢꦤ꧀ꦭꦤ꧀ꦪ​ꦠꦼꦫꦸꦱ꧀ꦲꦸꦢꦤ꧀ꦠꦼꦤꦤ꧀꧈​ 55ꦭꦃ​ꦤꦺꦏ꧀ꦲꦔꦶꦤ꧀ꦤꦺ​ꦠꦼꦏ​ꦏꦶꦢꦸꦭ꧀ ꦏꦺꦴꦮꦺ​ꦠꦼꦫꦸꦱ꧀ꦔꦺꦴꦩꦺꦴꦁꦤꦺꦏ꧀ꦧꦏꦭ꧀ꦥꦤꦱ꧀ꦭꦤ꧀ꦮꦸꦗꦸꦠ꧀ꦠꦺꦪ​ꦠꦼꦫꦸꦱ꧀ꦥꦤꦱ꧀ꦠꦼꦤꦤ꧀꧈​ 56ꦏꦺꦴꦮꦺ​ꦏꦸꦮꦶ​ꦥꦚ꧀ꦕꦺꦤ꧀ꦮꦺꦴꦁ​ꦭꦩꦶꦱ꧀꧈​ꦲꦮꦶꦠ꧀ꦏꦺꦴꦮꦺ​ꦧꦶꦱ​ꦤꦶꦠꦺꦤ꧀ꦤꦶ​ꦠꦤ꧀ꦢꦤꦁꦭꦔꦶꦠ꧀ꦭꦤ꧀ꦠꦤ꧀ꦢꦤꦁꦧꦸꦩꦶ​꧈​ꦭꦃ​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦺꦴꦫ​ꦧꦶꦱ​ꦤꦶꦠꦺꦤ꧀ꦤꦶ​ꦠꦤ꧀ꦢꦠꦤ꧀ꦢꦤꦺꦗꦩꦤ꧀ꦲꦶꦏꦶ​?

57꧋“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦺꦴꦫ​ꦧꦶꦱ​ꦔꦫꦤ꧀ꦤꦶ​ꦢꦺꦮꦺꦲꦥ​ꦱꦶꦁ​ꦧꦼꦤꦼꦂ​? 58ꦤꦺꦏ꧀ꦏꦺꦴꦮꦺ​ꦢꦶꦒꦮ​ꦤꦁꦏꦿꦸꦠꦺꦴꦤ꧀ꦏꦫꦺꦴ​ꦱꦏ꧀ꦮꦶꦗꦶꦤꦺꦮꦺꦴꦁ​꧈​ꦱꦏ꧀ꦢꦸꦫꦸꦁꦔꦺꦠꦼꦏꦤ꧀ꦏꦿꦸꦠꦺꦴꦤ꧀ꦏꦺꦴꦮꦺ​ꦩꦼꦱ꧀ꦠꦶꦔ꧀ꦭꦸꦩꦸꦃꦲꦶꦔ꧀ꦒꦺꦴꦭꦺꦏ꧀ꦢꦭꦤ꧀ꦏꦼꦥꦿꦶꦪꦺ​ꦧꦶꦱꦤꦺ​ꦔꦿꦩ꧀ꦥꦸꦁꦔꦏꦺꦥꦽꦏꦫ​ꦏꦫꦺꦴ​ꦮꦺꦴꦁ​ꦭꦶꦪꦤꦺ​ꦏꦸꦮꦶ​꧉​ꦤꦺꦏ꧀ꦲꦺꦴꦫ​ꦔꦺꦴꦤꦺꦴ​꧈​ꦮꦺꦴꦁꦔꦺ​ꦧꦏꦭ꧀ꦩꦱꦿꦃꦲꦏꦺꦏꦺꦴꦮꦺ​ꦩꦫꦁ​ꦫꦺꦏ꧀ꦠꦼꦂꦭꦤ꧀ꦫꦺꦏ꧀ꦠꦼꦫꦺꦧꦏꦭ꧀ꦩꦱꦿꦃꦲꦏꦺꦏꦺꦴꦮꦺ​ꦩꦫꦁ​ꦱꦼꦏꦲꦸꦠ꧀ꦱꦶꦁ​ꦧꦏꦭ꧀​ꦔ꧀ꦊꦧꦺꦴꦏ꧀ꦏꦏꦺꦏꦺꦴꦮꦺ​ꦤꦁꦱꦼꦠꦿꦥꦤ꧀꧈​ 59ꦥꦢ​ꦔꦤ꧀ꦢꦼꦭ꧀ꦭ​꧈​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦩꦼꦠꦸ​ꦱꦁꦏꦱꦼꦠꦿꦥꦤ꧀ ꦤꦺꦏ꧀ꦲꦸꦠꦁꦩꦸ​ꦢꦸꦫꦸꦁ​ꦩ꧀ꦧꦺꦴꦏ꧀ꦧꦪꦂ​ꦱꦏ꧀ ↑ ↑ ↑


꧋ꦧꦧ꧀ꦏꦧꦺꦃꦲꦺ꧉”ꦢꦺꦴꦱ​ꦭꦤ꧀ꦱꦼꦠꦿꦥꦤ꧀ꦤꦺ꧉​

꧇​꧑꧓꧇​ 1꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦱꦶꦁ​ꦥꦢ​ꦔꦺꦴꦩꦺꦴꦁꦔꦏꦺꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦮꦺꦴꦁ​ꦓꦭꦶꦭꦺꦪ​ꦱꦶꦁ​ꦥꦢ​ꦢꦶꦥꦠꦺꦤ꧀ꦤꦶ​ꦏꦫꦺꦴ​ꦒꦿꦩꦁꦥꦶꦭꦠꦸꦱ꧀ ꦢꦺꦴꦁꦔꦺꦮꦺꦴꦁꦮꦺꦴꦁ​ꦏꦸꦮꦶ​ꦲꦶꦗꦶꦏ꧀ꦥꦢ​ꦥꦱꦿꦃ​ꦏꦸꦂꦧꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 2ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦏꦺꦴꦮꦺ​ꦩꦶꦏꦶꦂ​ꦤꦺꦏ꧀ꦮꦺꦴꦁ​ꦓꦭꦶꦭꦺꦪ​ꦱꦶꦁ​ꦥꦢ​ꦢꦶꦥꦠꦺꦤ꧀ꦤꦶ​ꦏꦸꦮꦶ​ꦢꦺꦴꦱꦤꦺ​ꦭꦸꦮꦶꦃ​ꦒꦼꦢꦺꦔꦸꦁꦏꦸꦭ꧀ꦭꦶ​ꦢꦺꦴꦱꦤꦺ​ꦮꦺꦴꦁ​ꦓꦭꦶꦭꦺꦪ​ꦭꦶꦪꦭꦶꦪꦤꦺ​? 3ꦲꦺꦴꦫ​ꦔꦺꦴꦤꦺꦴ​!ꦥꦢ​ꦔꦼꦂꦠꦶꦪ​ꦲꦶꦏꦶ​꧈​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦥꦢ​ꦤꦶꦁꦒꦭ꧀ꦢꦺꦴꦱꦢꦺꦴꦱꦩꦸ​ꦭꦤ꧀ꦲꦺꦴꦫ​ꦥꦢ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦺꦴꦮꦺ​ꦲꦸꦒ​ꦧꦏꦭ꧀ꦩꦠꦶ​ꦏꦪ​ꦮꦺꦴꦁꦮꦺꦴꦁ​ꦏꦸꦮꦶ​꧉​ 4ꦭꦤ꧀ꦩꦼꦤꦺꦃ​꧈​ꦮꦺꦴꦁ​ꦮꦺꦴꦭꦸꦭꦱ꧀ꦱꦶꦁ​ꦥꦢ​ꦩꦠꦶ​ꦏꦼꦫꦸꦧꦸꦃꦲꦤ꧀ꦥꦸꦕꦸꦏ꧀ꦏꦺ​ꦯꦶꦭꦺꦴꦮꦩ꧀ꦏꦲꦺ​꧈​ꦲꦥ​ꦏꦺꦴꦮꦺ​ꦩꦶꦏꦶꦂ​ꦤꦺꦏ꧀ꦢꦺꦴꦱꦤꦺ​ꦮꦺꦴꦁꦮꦺꦴꦁ​ꦏꦸꦮꦶ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦢꦺꦴꦱꦤꦺ​ꦮꦺꦴꦁꦮꦺꦴꦁ​ꦤꦁꦏꦸꦠꦪꦺꦫꦸꦱꦭꦺꦩ꧀ꦏꦧꦺꦃ​? 5ꦲꦺꦴꦫ​ꦔꦺꦴꦤꦺꦴ​!ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦏꦲꦸꦫꦶꦥ꧀ꦥꦤ꧀ꦲꦚꦂ​꧈​ꦏꦺꦴꦮꦺ​ꦲꦸꦒ​ꦧꦏꦭ꧀ꦩꦠꦶ​ꦏꦪ​ꦮꦺꦴꦁꦮꦺꦴꦁ​ꦏꦸꦮꦶ​꧉​”

꧋ꦮꦶꦠ꧀ꦲꦚ꧀ꦗꦶꦂ​ꦱꦶꦁ​ꦲꦺꦴꦫ​ꦔꦼꦠꦺꦴꦏ꧀ꦏꦏꦺꦮꦺꦴꦃ​꧉​

6꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦥꦶꦮꦸꦭꦁ​ꦔꦁꦒꦺꦴ​ꦒꦩ꧀ꦧꦂ​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:“ꦲꦺꦤꦺꦁꦮꦺꦴꦁ​ꦤ꧀ꦢꦸꦮꦺꦮꦶꦠ꧀ꦲꦚ꧀ꦗꦶꦂ​ꦤꦁꦏꦼꦧꦺꦴꦤꦺ​꧉​ꦮꦺꦴꦁꦔꦺ​ꦔ꧀ꦒꦺꦴꦭꦺꦏ꧀ꦮꦺꦴꦃꦲꦺ​꧈​ꦤꦁꦔꦶꦁ​ꦲꦺꦴꦫ​ꦤꦼꦩꦸ​ꦱꦶꦗꦶꦱꦶꦗꦶꦪ​꧉​ 7ꦩꦸꦭꦤꦺ​ꦮꦺꦴꦁꦔꦺ​ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦠꦸꦏꦁ​ꦏꦼꦧꦺꦴꦤꦺ​:'ꦮꦶꦱ꧀ꦠꦼꦭꦸꦁ​ꦠꦲꦸꦤ꧀ꦱꦸꦮꦺꦤꦺ​ꦲꦼꦁꦒꦺꦴꦤ꧀ꦏꦸ​ꦔꦉꦥ꧀ꦲꦉꦥ꧀ꦮꦺꦴꦃꦲꦺ​ꦮꦶꦠ꧀ꦲꦚ꧀ꦗꦶꦂ​ꦲꦶꦏꦶ​꧈​ꦤꦁꦔꦶꦁ​ꦲꦺꦴꦫ​ꦠꦲꦸ​ꦩꦼꦠꦸ​ꦱꦶꦗꦶꦱꦶꦗꦶꦪ​꧉​ꦮꦶꦠ꧀ꦲꦶꦏꦶ​ꦢꦶꦠꦼꦒꦺꦴꦂ​ꦮꦲꦺ​꧈​ꦲꦮꦶꦠ꧀ꦲꦺꦴꦫ​ꦲꦺꦤꦺꦁꦒꦸꦤꦤꦺ​ꦲꦸꦫꦶꦥ꧀ ꦏꦼꦗꦧ​ꦤꦩꦸꦁ​ꦔꦼꦤ꧀ꦠꦺꦏ꧀ꦏꦏꦺꦲꦶꦱꦶꦤꦺ​ꦊꦩꦃ​!’ 8ꦤꦁꦔꦶꦁ​ꦠꦸꦏꦁ​ꦏꦼꦧꦺꦴꦤꦺ​ꦱꦼꦩꦲꦸꦂ​:'ꦒꦸꦱ꧀ꦠꦶ​꧈​ꦩ꧀ꦧꦺꦴꦏ꧀ꦮꦶꦠ꧀ꦠꦺ​ꦢꦶꦭꦶꦭꦤꦶ​ꦲꦸꦫꦶꦥ꧀ꦱꦼꦠꦲꦸꦤ꧀ꦩꦼꦤꦺꦃ​꧉​ꦊꦩꦃꦲꦺ​ꦩꦼꦁꦏꦺꦴ​ꦠꦏ꧀ꦥꦕꦸꦭ꧀ꦭꦶ​ꦩꦸꦧꦼꦁ​꧈​ꦠꦼꦫꦸꦱ꧀ꦠꦏ꧀ꦏꦺꦏ꧀ꦏꦶꦩꦺꦱ꧀꧈​ 9ꦩꦼꦤꦮ​ꦠꦲꦸꦤ꧀ꦔꦉꦥ꧀ꦮꦶꦠ꧀ꦲꦶꦏꦶ​ꦧꦶꦱ​ꦩꦼꦠꦸ​ꦮꦺꦴꦃꦲꦺ​꧉​ꦤꦺꦏ꧀ꦲꦺꦴꦫ​꧈​ꦪ​ꦲꦥꦶꦏ꧀ꦏꦺ​ꦱꦸꦏ꧀ꦢꦶꦠꦼꦒꦺꦴꦂ​ꦮꦲꦺ​꧉​’”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​ꦧꦸꦁꦏꦸꦏ꧀ꦲꦶꦁ​ꦢꦶꦤ​ꦱꦧꦠ꧀꧈​

10꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦩꦸꦭꦁ​ꦤꦁꦱꦶꦤꦒꦸꦏ꧀꧈​ 11ꦤꦁꦏꦺꦴꦤꦺꦴ​ ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦮꦶꦱ꧀ꦮꦺꦴꦭꦸꦭꦱ꧀ꦠꦲꦸꦤ꧀ꦱꦸꦮꦺꦤꦺ​ꦢꦶꦏ꧀ꦮꦱꦤꦶ​ꦢꦼꦩꦶꦠ꧀ ꦩꦫꦏ꧀ꦏꦏꦺꦮꦺꦴꦁꦔꦺ​ꦒꦼꦒꦼꦂꦫꦺ​ꦲꦺꦴꦫ​ꦧꦶꦱ​ꦊꦩ꧀ꦥꦼꦁ​꧈​ꦢꦢꦶꦤꦺ​ꦧꦸꦁꦏꦸꦏ꧀꧈​ 12ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​꧈​ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦔꦺꦤꦺ​:“ꦧꦸ​꧈​ꦏꦺꦴꦮꦺ​ꦱꦲꦶꦏꦶ​ꦮꦶꦱ꧀ꦮꦫꦱ꧀!” 13ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦩ꧀ꦥꦁꦔꦶ​ꦠꦔꦤ꧀ꦩꦫꦁ​ꦮꦺꦴꦁ​ꦩꦲꦸ​꧈​ꦠꦼꦫꦸꦱ꧀ꦱꦏ꧀ꦮꦠ꧀ꦒꦼꦒꦼꦂꦫꦺ​ꦧꦶꦱ​ꦊꦩ꧀ꦥꦼꦁ​꧈​ꦩꦸꦭꦤꦺ​ꦮꦺꦴꦁꦔꦺ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

14꧋ꦤꦁꦔꦶꦁ​ꦥꦼꦔꦉꦥ꧀ꦥꦺ​ꦱꦶꦤꦒꦸꦏ꧀ꦏꦺꦴꦤꦺꦴ​ꦩꦭꦃ​ꦤꦼꦱꦸ​ꦧꦔꦼꦠ꧀ ꦠꦼꦫꦸꦱ꧀ꦩꦸꦤꦶꦩꦸꦤꦶ​ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​꧈​ꦔꦺꦴꦩꦺꦴꦁ:“ꦲꦺꦤꦺꦁꦤꦼꦩ꧀ꦢꦶꦤ​ꦏꦁꦒꦺꦴ​ꦚꦩ꧀ꦧꦸꦠ꧀ꦠ꧉​ꦤꦺꦏ꧀​ꦔ꧀ꦒꦺꦴꦭꦺꦏ꧀ꦮꦫꦱ꧀ ꦲꦩ꧀ꦧꦺꦴꦏ꧀ꦠꦼꦏ​ꦲꦶꦁ​ꦢꦶꦤꦢꦶꦤ​ꦏꦸꦮꦶ​꧉​ꦲꦗ​ꦲꦶꦁ​ꦢꦶꦤ​ꦱꦧꦠ꧀꧈​”

15꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦥꦼꦔꦉꦥ꧀ꦥꦺ​ꦱꦶꦤꦒꦸꦏ꧀ꦩꦲꦸ​:“ꦏꦺꦴꦮꦺ​ꦏꦸꦮꦶ​ꦥꦚ꧀ꦕꦺꦤ꧀ꦮꦺꦴꦁ​ꦭꦩꦶꦱ꧀꧈​ꦲꦶꦁ​ꦢꦶꦤ​ꦱꦧꦠ꧀ꦏꦺꦴꦮꦺ​ꦲꦥ​ꦲꦺꦴꦫ​ꦔꦼꦠꦺꦴꦏ꧀ꦏꦏꦺꦱꦥꦶ​ꦲꦥ​ꦏꦶꦩꦂꦩꦸꦢꦶꦒꦮ​ꦔꦺꦴꦩ꧀ꦧꦺ​? 16ꦭꦃ​ꦲꦶꦏꦶ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦲꦤꦏ꧀ꦠꦸꦫꦸꦤ꧀ꦤꦤ꧀ꦤꦺ​ꦧꦥ​ꦄꦨꦿꦲꦩ꧀꧈​ꦮꦺꦴꦁ​ꦲꦶꦏꦶ​ꦮꦶꦱ꧀ꦮꦺꦴꦭꦸꦭꦱ꧀ꦠꦲꦸꦤ꧀ꦱꦸꦮꦺꦤꦺ​ꦢꦶꦧꦤ꧀ꦢ​ꦏꦫꦺꦴ​ꦱꦺꦠꦤ꧀꧈​ꦩꦺꦴꦱꦺꦴꦏ꧀ꦮꦺꦴꦁꦔꦺ​ꦲꦺꦴꦫ​ꦲꦺꦤ꧀ꦠꦸꦏ꧀ꦢꦶꦲꦸꦕꦸꦭ꧀ꦭꦶ​ꦱꦁꦏꦫꦤ꧀ꦠꦺꦤꦺ​ꦱꦺꦠꦤ꧀ꦲꦶꦁ​ꦢꦶꦤ​ꦱꦧꦠ꧀?” 17ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔ꧀ꦭꦮꦤ꧀ꦩꦲꦸ​ꦲꦧꦁ​ꦏꦧꦺꦃ​ꦱꦁꦏꦶꦁꦏꦶꦱꦶꦤ꧀ꦤꦤ꧀꧈​ꦤꦁꦔꦶꦁ​ꦮꦺꦴꦁꦮꦺꦴꦁ​ꦭꦶꦪꦤꦺ​ꦥꦢ​ꦧꦸꦔꦃ​ꦮꦼꦫꦸꦃ​ꦊꦭꦏꦺꦴꦤ꧀ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺꦏꦸꦮꦶ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦮꦸꦭꦁꦔꦤ꧀ꦧꦧ꧀ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦧꦔꦼꦠ꧀꧈​

18꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦥꦿꦶꦪꦺ​ꦲꦼꦁꦒꦺꦴꦤ꧀ꦏꦸ​ꦔ꧀ꦒꦩ꧀ꦧꦂꦫꦏꦺꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​?ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​? 19ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦏꦪ​ꦮꦶꦗꦶ​ꦱꦶꦁ​ꦕꦶꦭꦶꦏ꧀ꦧꦔꦼꦠ꧀꧈​ꦮꦶꦗꦶ​ꦏꦸꦮꦶ​ꦢꦶꦠꦤ꧀ꦢꦸꦂ​ꦠꦼꦫꦸꦱ꧀ꦠꦸꦏꦸꦭ꧀ꦢꦢꦶ​ꦮꦶꦠ꧀ꦭꦤ꧀ꦩꦤꦸꦏ꧀ꦩꦤꦸꦏ꧀ꦥꦢ​ꦔ꧀ꦒꦮꦺ​ꦱꦸꦱꦸꦏ꧀ꦤꦁꦥꦁꦔꦺ​꧉​”

꧋ꦮꦸꦭꦁꦔꦤ꧀ꦧꦧ꧀ꦫꦒꦶ​꧉​

20꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦔꦺꦤꦺ​:“ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦼꦤꦺꦁꦠꦏ꧀ꦥꦢꦏ꧀ꦏꦏꦺꦏꦫꦺꦴ​ꦲꦥ​? 21ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦏꦪ​ꦫꦒꦶ​꧉​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀​ꦚ꧀ꦗꦶꦏꦸꦏ꧀ꦫꦒꦶ​ꦩꦲꦸ​ꦠꦼꦫꦸꦱ꧀ꦢꦶꦕꦩ꧀ꦥꦸꦂꦫꦏꦺ​ꦒ꧀ꦊꦥꦸꦁ​ꦠꦼꦭꦸꦁ​ꦠꦏꦼꦂꦫꦤ꧀ ꦱꦩ꧀ꦥꦺꦏ꧀ꦫꦒꦶꦤꦺ​ꦩꦿꦱꦸꦏ꧀ꦤꦁꦒ꧀ꦊꦥꦸꦁꦔꦺ​ꦏꦧꦺꦃ​꧉​”

꧋ꦧꦧ꧀ꦭꦮꦁ​ꦱꦶꦁ​ꦕꦶꦪꦸꦠ꧀꧈​

22꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦧꦸꦢꦭ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦔ꧀ꦭꦶꦮꦠ꧀ꦠꦶ​ꦏꦸꦠꦏꦸꦠꦭꦤ꧀ꦢꦺꦱꦢꦺꦱ​꧉​ꦤꦁꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦱꦶꦁ​ꦢꦶꦭꦶꦮꦠ꧀ꦠꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁꦔꦶꦮꦺꦴꦁꦮꦺꦴꦁ​꧉​ 23ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦠꦏꦺꦴꦤ꧀ꦩꦫꦁ​ꦢꦺꦏ꧀ꦤꦺ:“ꦒꦸꦫꦸ​꧈​ꦲꦥ​ꦤꦩꦸꦁ​ꦮꦺꦴꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦱꦶꦁ​ꦤꦩ꧀ꦥ​ꦏꦼꦱ꧀ꦭꦩꦼꦠ꧀ꦠꦤ꧀?”

24꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​ꦔꦺꦤꦺ​:“ꦥꦢ​ꦔꦸꦢꦶꦪ​ꦩ꧀ꦊꦧꦸ​ꦭꦶꦮꦠ꧀ꦭꦮꦁ​ꦱꦶꦁ​ꦕꦶꦪꦸꦠ꧀꧈​ꦲꦮꦶꦠ꧀ꦥꦢ​ꦔꦼꦂꦠꦶꦪ​ꦤꦺꦏ꧀ꦮꦺꦴꦁ​ꦲꦺꦴꦏꦺꦃꦥꦢ​ꦔꦸꦢꦶ​ꦩ꧀ꦊꦧꦸ​ꦭꦶꦮꦠ꧀ꦭꦮꦁ​ꦕꦶꦪꦸꦠ꧀ꦩꦲꦸ​꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​ 25ꦤꦺꦏ꧀ꦮꦶꦱ꧀ꦠꦼꦏꦤ꧀ꦮꦏ꧀ꦠꦸꦩꦸ꧈​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦧꦏꦭ꧀ꦠꦔꦶ​ꦤꦸꦠꦸꦥ꧀ꦭꦮꦁꦔꦺ​꧉​ꦏꦺꦴꦮꦺ​ꦧꦏꦭ꧀ꦔꦢꦼꦏ꧀ꦤꦁꦚ꧀ꦗꦧ​ꦠꦺꦴꦠꦺꦴꦏ꧀ꦠꦺꦴꦠꦺꦴꦏ꧀ ꦔꦺꦴꦩꦺꦴꦁ:'ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦢꦶꦧꦸꦏꦏ꧀ꦏꦏꦺꦭꦮꦁꦔꦺ​ꦠ​!’ꦤꦁꦔꦶꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦧꦏꦭ꧀ꦱꦼꦩꦲꦸꦂ​:'ꦲꦏꦸ​ꦲꦺꦴꦫ​ꦏꦼꦤꦭ꧀ꦏꦺꦴꦮꦺ​!’ 26ꦏꦺꦴꦮꦺ​ꦧꦏꦭ꧀ꦱꦼꦩꦲꦸꦂ​:'ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​ꦧꦼꦧꦉꦁꦔꦤ꧀ꦏꦫꦺꦴ​ꦏꦺꦴꦮꦺ​ꦭꦤ꧀ꦏꦺꦴꦮꦺ​ꦪ​ꦮꦶꦱ꧀ꦩꦸꦭꦁꦔꦶꦤꦁꦢꦭꦤ꧀ꦢꦭꦤ꧀ꦤꦺ​ꦲꦮꦏ꧀ꦏꦺ​ꦢꦺꦮꦺ!’ 27ꦤꦁꦔꦶꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦧꦏꦭ꧀ꦱꦼꦩꦲꦸꦂ​ꦩꦼꦤꦺꦃ​꧈​ꦔꦺꦴꦩꦺꦴꦁ:'ꦲꦏꦸ​ꦲꦺꦴꦫ​ꦏꦼꦤꦭ꧀ꦏꦺꦴꦮꦺ​!ꦥꦢ​ꦭꦸꦔꦲ​ꦱꦁꦏꦏꦺꦤꦺ​꧈​ꦏꦺꦴꦮꦺ​ꦱꦶꦁ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦲꦭ​!’ 28ꦏꦺꦴꦮꦺ​ꦧꦏꦭ꧀ꦤꦔꦶꦱ꧀ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦧꦥ​ꦄꦨꦿꦲꦩ꧀ꦭꦤ꧀ꦆꦱꦏ꧀ꦭꦤ꧀ꦪꦏꦸꦧ꧀ꦭꦤ꧀ꦥꦫ​ꦤꦧꦶ​ꦏꦧꦺꦃ​ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦏꦺꦴꦮꦺ​ꦢꦺꦮꦺꦧꦏꦭ꧀ꦢꦶꦲꦸꦱꦶꦂ​ꦩꦼꦠꦸ​ꦱꦁꦏꦏꦺꦴꦤꦺꦴ​꧉​ 29ꦧꦏꦭ꧀ꦲꦺꦤꦺꦁꦮꦺꦴꦁ​ꦥꦢ​ꦠꦼꦏ​ꦱꦁꦏꦮꦺꦠꦤ꧀ꦭꦤ꧀ꦏꦸꦭꦺꦴꦤ꧀ ꦱꦁꦏꦭꦺꦴꦂꦭꦤ꧀ꦏꦶꦢꦸꦭ꧀ꦭꦤ꧀ꦥꦢ​ꦩꦺꦭꦸ​ꦥꦺꦱ꧀ꦠ​ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 30ꦥꦢ​ꦲꦺꦭꦶꦁꦔ​꧈​ꦲꦺꦤꦺꦁꦮꦺꦴꦁ​ꦱꦶꦁ​ꦠꦼꦏꦤꦺ​ꦏꦺꦫꦶ​꧈​ꦤꦁꦔꦶꦁ​ꦩ꧀ꦊꦧꦸꦤꦺ​ꦤ꧀ꦢꦶꦱꦶꦏ꧀ ꦭꦃ​ꦱꦶꦁ​ꦠꦼꦏꦤꦺ​ꦤ꧀ꦢꦶꦱꦶꦏ꧀ ꦤꦁꦔꦶꦁ​ꦩ꧀ꦊꦧꦸꦤꦺ​ꦏꦺꦫꦶ​꧉​”

꧋ꦏꦠꦿꦺꦱ꧀ꦤꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦏꦸꦠꦪꦺꦫꦸꦱꦭꦺꦩ꧀꧈​

31꧋ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦔꦺꦴꦩꦺꦴꦁ:“ꦏꦤ​ꦭꦸꦔ​ꦱꦁꦏꦏꦺꦤꦺ​꧈​ꦲꦮꦶꦠ꧀ꦲ꦳ꦺꦫꦺꦴꦢꦺꦱ꧀ꦲꦉꦥ꧀ꦩꦠꦺꦤ꧀ꦤꦶ​ꦏꦺꦴꦮꦺ​!”

32꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦤ​ꦔꦺꦴꦩꦺꦴꦁꦩꦫꦁ​ꦏꦚ꧀ꦕꦶꦭ꧀ꦏꦸꦮꦶ​:'ꦢꦶꦤ​ꦲꦶꦏꦶ​ꦭꦤ꧀ꦱꦺꦱꦸꦏ꧀ꦲꦏꦸ​ꦤꦸꦤ꧀ꦢꦸꦁꦔꦶꦢꦼꦩꦶꦠ꧀ꦭꦤ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​꧈​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦲꦏꦸ​ꦧꦏꦭ꧀ꦫꦩ꧀ꦥꦸꦁ​ꦥꦼꦁꦒꦮꦺꦤꦺ꧉'​ 33ꦢꦢꦶꦤꦺ​ꦱꦲꦶꦏꦶ​꧈​ꦱꦺꦱꦸꦏ꧀ꦭꦤ꧀ꦱꦺꦱꦸꦏ꧀ꦏꦺꦩꦼꦤꦺꦃ​ꦲꦏꦸ​ꦧꦏꦭ꧀ꦤꦼꦫꦸꦱ꧀ꦱꦏꦺꦲꦼꦁꦒꦺꦴꦤ꧀ꦏꦸ​ꦩ꧀ꦭꦏꦸ​꧉​ꦲꦮꦶꦠ꧀ꦲꦺꦴꦫ​ꦭꦸꦩꦿꦃ​ꦤꦺꦏ꧀ꦤꦧꦶ​ꦢꦶꦥꦠꦺꦤ꧀ꦤꦶ​ꦤꦁꦥꦁꦒꦺꦴꦤ꧀ꦤꦤ꧀ꦭꦶꦪꦤꦺ​꧈​ꦏꦸꦢꦸꦤꦺ​ꦤꦁꦪꦺꦫꦸꦱꦭꦺꦩ꧀꧈​

34꧋“ꦪꦺꦫꦸꦱꦭꦺꦩ꧀ ꦪꦺꦫꦸꦱꦭꦺꦩ꧀!ꦏꦺꦴꦮꦺ​ꦱꦶꦁ​ꦩꦠꦺꦤ꧀ꦤꦶ​ꦤꦧꦶꦤꦧꦶ​ꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦤꦼꦏꦤꦶ​ꦏꦺꦴꦮꦺ​ꦥꦢ​ꦲꦩ꧀ꦧꦺꦴꦏ꧀ꦧꦤ꧀ꦢꦼꦩ꧀ꦩꦶꦮꦠꦸ​꧉​ꦏꦪ​ꦔꦥ​ꦲꦼꦁꦒꦺꦴꦤ꧀ꦏꦸ​ꦱꦧꦼꦤ꧀ꦱꦧꦼꦤ꧀ꦲꦉꦥ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦤꦏ꧀ꦲꦤꦏ꧀ꦩꦸ​꧈​ꦏꦪ​ꦥꦶꦠꦶꦏ꧀ꦧꦧꦺꦴꦤ꧀ꦲꦼꦁꦒꦺꦴꦤꦺ​ꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦤꦏ꧀ꦲꦤꦏ꧀ꦏꦺ​ꦤꦁꦔꦶꦱꦺꦴꦂꦫꦺ​ꦱ꧀ꦮꦶꦮꦶꦤꦺ​꧉​ꦤꦁꦔꦶꦁ​ꦏꦺꦴꦮꦺ​ꦲꦺꦴꦫ​ꦒꦼꦊꦩ꧀꧈​ 35ꦱꦲꦶꦏꦶ​ꦲꦺꦴꦩꦃꦩꦸ​ꦧꦏꦭ꧀ꦢꦶꦠꦶꦁꦒꦭ꧀ꦱꦸꦮꦸꦁ​꧉​ꦏꦺꦴꦮꦺ​ꦧꦏꦭ꧀ꦲꦺꦴꦫ​ꦮꦼꦫꦸꦃ​ꦲꦏꦸ​ꦩꦼꦤꦺꦃ​꧈​ꦔꦤ꧀ꦠꦶ​ꦠꦼꦏꦤ꧀ꦮꦏ꧀ꦠꦸꦩꦸꦏꦺꦴꦮꦺ​ꦥꦢ​ꦔꦺꦴꦩꦺꦴꦁ:'ꦏꦧꦼꦂꦏꦃꦲꦤ꧀ꦱꦶꦁ​ꦠꦼꦏ​ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​!’” ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦧꦤꦶ​ꦮꦺꦴꦁ​ꦭꦫ​ꦲꦶꦁ​ꦢꦶꦤ​ꦱꦧꦠ꧀꧈​

꧇​꧑꧔꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦱꦧꦠ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦱꦏ꧀ꦮꦶꦗꦶꦤꦺꦥꦼꦔꦉꦥ꧀ꦥꦺ​ꦮꦺꦴꦁ​ꦥ꦳ꦫꦶꦱꦶ​ꦲꦉꦥ꧀ꦥꦺꦱ꧀ꦠ​꧉​ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​ꦏꦧꦺꦃ​ꦥꦢ​ꦚꦮꦁ​ꦩꦫꦁ​ꦠꦶꦤ꧀ꦢꦏ꧀ꦠꦤ꧀ꦢꦸꦏ꧀ꦏꦺ​ꦢꦺꦏ꧀ꦤꦺ꧉​ 2ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​꧈​ꦱꦶꦁ​ꦠꦔꦤ꧀ꦭꦤ꧀ꦱꦶꦏꦶꦭ꧀ꦭꦺ​ꦲꦧꦸꦃ​꧈​ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ 3ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​:“ꦏꦶꦠꦧ꧀ꦱꦸꦕꦶ​ꦔ꧀ꦭꦶꦭꦤꦶ​ꦮꦺꦴꦁ​ꦭꦫ​ꦢꦶꦠꦩ꧀ꦧꦤꦶ​ꦲꦶꦁ​ꦢꦶꦤ​ꦱꦧꦠ꧀ꦲꦥ​ꦲꦺꦴꦫ​?”

4꧋ꦮꦺꦴꦁꦮꦺꦴꦁ​ꦲꦺꦴꦫ​ꦱꦼꦩꦲꦸꦂ​ꦲꦥꦲꦥ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦮꦺꦴꦁ​ꦱꦶꦁ​ꦭꦫ​ꦩꦲꦸ​꧈​ꦠꦼꦫꦸꦱ꧀ꦢꦶꦮꦫꦱ꧀ꦱꦏꦺꦭꦤ꧀ꦢꦶꦏꦺꦴꦁꦏꦺꦴꦤ꧀ꦭꦸꦔ​꧉​ 5ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​:“ꦤꦺꦏ꧀ꦤꦁꦠꦼꦔꦃꦩꦸ​ꦲꦺꦤꦺꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦲꦤꦏ꧀ꦲꦥ​ꦤ꧀ꦢꦸꦮꦺꦱꦥꦶ​ꦱꦶꦁ​ꦏꦼꦕꦼꦩ꧀ꦥ꧀ꦭꦸꦁ​ꦱꦸꦩꦸꦂ​ꦲꦶꦁ​ꦢꦶꦤ​ꦱꦧꦠ꧀ ꦩꦺꦴꦱꦺꦴꦏ꧀ꦲꦺꦴꦫ​ꦤ꧀ꦢꦁꦢꦶꦠꦫꦶꦏ꧀ꦩꦸꦁꦒꦃ​ꦲꦤꦏ꧀ꦏꦺ​ꦲꦥ​ꦱꦥꦶꦤꦺ​ꦲꦶꦁ​ꦢꦶꦤ​ꦱꦧꦠ꧀ꦏꦸꦮꦶ​?”

6꧋ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥ꦳ꦫꦶꦱꦶ​ꦲꦺꦴꦫ​ꦧꦶꦱ​ꦱꦼꦩꦲꦸꦂ​ꦲꦥꦲꦥ​꧉​

꧋ꦧꦧ꧀ꦲꦤ꧀ꦢꦥ꧀ꦥꦱꦺꦴꦂ꧉​

7꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦶꦠꦺꦤ꧀ꦤꦶ​ꦤꦺꦏ꧀ꦢꦪꦺꦴꦃꦲꦺꦥꦢ​ꦩꦶꦭꦶꦃ​ꦚ꧀ꦗꦒꦺꦴꦁꦤꦁꦔꦉꦥ꧀ꦢꦺꦮꦺ꧉​ 8ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦤꦺꦏ꧀ꦏꦺꦴꦮꦺ​ꦢꦶꦲꦸꦊꦩ꧀ꦩꦶ​ꦤꦁꦏꦮꦶꦤ꧀ꦤꦤ꧀ ꦏꦺꦴꦮꦺ​ꦲꦗ​ꦚ꧀ꦗꦒꦺꦴꦁꦤꦁꦗꦒꦺꦴꦁꦔꦤ꧀ꦱꦶꦁ​ꦤꦁꦔꦉꦥ꧀ꦢꦺꦮꦺ꧉​ꦲꦮꦶꦠ꧀ꦩꦼꦤꦮ​ꦮꦲꦺ​ꦱꦶꦁ​ꦤ꧀ꦢꦸꦮꦺꦒꦮꦺ​ꦮꦶꦱ꧀ꦔꦸꦊꦩ꧀ꦩꦶ​ꦮꦺꦴꦁ​ꦭꦶꦪꦤꦺ​ꦱꦶꦁ​ꦭꦸꦮꦶꦃ​ꦢꦶꦲꦗꦺꦤ꧀ꦤꦶ​ꦠꦼꦤꦶꦩ꧀ꦧꦁꦏꦺꦴꦮꦺ​꧉​ 9ꦩꦼꦁꦏꦺꦴ​ꦮꦺꦴꦁ​ꦱꦶꦁ​ꦔꦸꦊꦩ꧀ꦩꦶ​ꦏꦺꦴꦮꦺ​ꦏꦸꦢꦸ​ꦚꦸꦮꦸꦤ꧀ꦏꦺꦴꦮꦺ​ꦏꦺꦴꦁꦏꦺꦴꦤ꧀​ꦔ꧀ꦒꦺꦴꦭꦺꦏ꧀ꦗꦒꦺꦴꦁꦔꦤ꧀ꦭꦶꦪꦤꦺ​꧈​ꦲꦮꦶꦠ꧀ꦗꦒꦺꦴꦁꦔꦤ꧀ꦏꦸꦮꦶ​ꦮꦶꦱ꧀ꦢꦶꦕꦮꦶꦱ꧀ꦱꦏꦺ​ꦏꦁꦒꦺꦴ​ꦮꦺꦴꦁ​ꦭꦶꦪ​꧉​ꦢꦢꦶꦤꦺ​ꦏꦺꦴꦮꦺ​ꦧꦏꦭ꧀ꦏꦶꦱꦶꦤ꧀ꦤꦤ꧀ꦭꦤ꧀ꦏꦼꦥꦼꦏ꧀ꦱ​ꦚ꧀ꦗꦒꦺꦴꦁꦤꦁꦲꦩ꧀ꦧꦸꦫꦶ​ꦢꦺꦮꦺ꧉​ 10ꦩꦸꦭꦤꦺ​꧈​ꦤꦺꦏ꧀ꦏꦺꦴꦮꦺ​ꦢꦶꦲꦸꦊꦩ꧀ꦩꦶ​꧈​ꦚ꧀ꦗꦒꦺꦴꦁꦔꦤꦁꦲꦩ꧀ꦧꦸꦫꦶ​ꦢꦺꦮꦺ꧈​ꦱꦸꦥꦪ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦩꦫꦤꦶ​ꦏꦺꦴꦮꦺ​ꦭꦤ꧀ꦚꦸꦮꦸꦤ꧀ꦏꦺꦴꦮꦺ​:'ꦠꦏ꧀ꦱꦸꦮꦸꦤ꧀​ꦚ꧀ꦗꦒꦺꦴꦁꦤꦁꦔꦉꦥ꧀꧉'​ꦢꦢꦶꦤꦺ​ꦏꦺꦠꦺꦴꦏ꧀ꦤꦁꦔꦉꦥ꧀ꦥꦺ​ꦢꦪꦺꦴꦃꦭꦶꦪꦭꦶꦪꦤꦺ​ꦤꦺꦏ꧀ꦏꦺꦴꦮꦺ​ꦢꦶꦲꦗꦺꦤ꧀ꦤꦶ​꧉​ 11ꦲꦮꦶꦠ꧀ꦱꦥ​ꦱꦶꦁ​ꦔꦸꦁꦒꦃꦲꦏꦺꦲꦮꦏ꧀ꦏꦺ​ꦢꦺꦮꦺ꧈​ꦏꦸꦮꦶ​ꦧꦏꦭ꧀ꦢꦶꦲꦼꦢꦸꦤ꧀ꦤꦏꦺ꧉​ꦭꦃ​ꦱꦥ​ꦱꦶꦁ​ꦲꦱꦺꦴꦂ​꧈​ꦏꦸꦮꦶ​ꦧꦏꦭ꧀ꦢꦶꦲꦸꦁꦒꦃꦲꦏꦺ꧉​”

꧋ꦱꦥ​ꦱꦶꦁ​ꦏꦸꦢꦸ​ꦢꦶꦲꦸꦊꦩ꧀ꦩꦶ​꧉​

12꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦔꦸꦊꦩ꧀ꦩꦶ​ꦢꦺꦏ꧀ꦤꦺ:“ꦤꦺꦏ꧀ꦏꦺꦴꦮꦺ​ꦔꦸꦊꦩ꧀ꦩꦶ​ꦮꦺꦴꦁ​ꦢꦶꦲꦼꦗꦺꦏ꧀ꦥꦺꦱ꧀ꦠ​꧈​ꦱꦼꦤꦗꦤ꧀ꦤ​ꦲꦮꦤ꧀ꦲꦥ​ꦩ꧀ꦧꦼꦔꦶ꧈​ꦲꦗ​ꦤꦩꦸꦁ​ꦔꦸꦊꦩ꧀ꦩꦶ​ꦏꦚ꧀ꦕꦏꦚ꧀ꦕꦩꦸ​ꦲꦥ​ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​꧈​ꦲꦥ​ꦏꦿꦤ꧀ꦢꦃꦭꦤ꧀ꦠꦁꦒꦠꦼꦥꦫꦺꦴꦩꦸ​ꦱꦶꦁ​ꦱꦸꦒꦶꦃ​꧉​ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦧꦏꦭ꧀​ꦩ꧀ꦧꦊꦱ꧀ꦔꦸꦊꦩ꧀ꦩꦶ​ꦏꦺꦴꦮꦺ​꧉​ꦢꦢꦶꦤꦺ​ꦏꦺꦴꦮꦺ​ꦤꦩ꧀ꦥ​ꦧꦊꦱꦤ꧀ꦤꦺꦥꦼꦁꦒꦮꦺꦩꦸ​꧉​ 13ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦔꦤꦏ꧀ꦏꦏꦺꦥꦺꦱ꧀ꦠ​꧈​ꦔꦸꦊꦩ꧀ꦩꦤ​ꦮꦺꦴꦁ​ꦱꦶꦁ​ꦩ꧀ꦭꦫꦠ꧀ ꦮꦺꦴꦁ​ꦱꦶꦁ​ꦲꦺꦴꦫ​ꦧꦶꦱ​ꦩ꧀ꦭꦏꦸ​꧈​ꦱꦶꦁ​ꦭꦸꦩ꧀ꦥꦸꦃ​ꦭꦤ꧀ꦱꦶꦁ​ꦭꦩꦸꦂ​꧉​ 14ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦤꦩ꧀ꦥ​ꦧꦼꦂꦏꦃ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦲꦺꦴꦫ​ꦧꦏꦭ꧀ꦧꦶꦱ​ꦩ꧀ꦧꦊꦱ꧀ꦲꦥꦲꦥ​ꦩꦫꦁ​ꦏꦺꦴꦮꦺ​꧉​ꦏꦺꦴꦮꦺ​ꦧꦏꦭ꧀ꦤꦩ꧀ꦥ​ꦲꦸꦥꦃꦩꦸꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦺꦴꦁ​ꦱꦶꦁ​ꦮꦶꦱ꧀ꦉꦱꦶꦏ꧀ꦲꦠꦶꦤꦺ​ꦧꦏꦭ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​꧉​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦥꦺꦱ꧀ꦠ​ꦒꦼꦢꦺ꧉​

15꧋ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦩꦲꦸ​꧈​ꦠꦼꦫꦸꦱ꧀ꦲꦺꦤꦺꦁꦱꦏ꧀ꦮꦶꦗꦶꦤꦺꦢꦪꦺꦴꦃꦔꦺꦴꦩꦺꦴꦁ:“ꦧꦼꦗꦠꦼꦤꦤ꧀ꦮꦺꦴꦁ​ꦱꦶꦁ​ꦏꦼꦭꦶꦭ꧀ꦭꦤ꧀ꦩꦺꦭꦸ​ꦥꦺꦱ꧀ꦠ​ꦲꦶꦁ​ꦏꦿꦠꦺꦴꦤꦺ​ꦄꦭ꧀ꦭꦃ​!”

16꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦔꦺꦤꦺ​:“ꦲꦺꦤꦺꦁꦮꦺꦴꦁ​ꦔꦤꦏ꧀ꦏꦏꦺꦥꦺꦱ꧀ꦠ​ꦒꦼꦢꦺꦭꦤ꧀ꦔꦸꦊꦩ꧀ꦩꦶ​ꦮꦺꦴꦁ​ꦲꦺꦴꦏꦺꦃ꧉​ 17ꦱꦏ꧀ꦢꦸꦫꦸꦁꦔꦺꦥꦺꦱ꧀ꦠ​ꦩꦲꦸ​ꦢꦶꦮꦶꦮꦶꦠ꧀ꦠꦶ​꧈​ꦮꦺꦴꦁꦔꦺ​ꦏꦺꦴꦁꦏꦺꦴꦤ꧀ꦤꦤ꧀ꦮꦺꦴꦁ​ꦥꦢ​ꦩꦫꦤꦶ​ ꦮꦺꦴꦁꦮꦺꦴꦁ​ꦱꦶꦁ​ꦢꦶꦲꦸꦊꦩ꧀ꦩꦶ​꧈​ꦠꦼꦩ꧀ꦧꦸꦁꦔꦺ​:'ꦲ꦳ꦪꦸꦏ꧀ꦥꦢ​ꦠꦼꦏ​꧈​ꦲꦮꦶꦠ꧀ꦱꦼꦩ꧀ꦧꦫꦁ​ꦮꦶꦱ꧀ꦢꦶꦠꦠ​꧉'​ 18ꦤꦁꦔꦶꦁ​ꦮꦺꦴꦁ​ꦏꦧꦺꦃ​ꦱꦶꦁ​ꦢꦶꦲꦸꦊꦩ꧀ꦩꦶ​ꦱꦶꦗꦶꦱꦶꦗꦶꦥꦢ​ꦚꦸꦮꦸꦤ꧀ꦢꦶꦔꦥꦸꦫꦮꦲꦺ​꧈​ꦲꦮꦶꦠ꧀ꦲꦺꦴꦫ​ꦧꦶꦱ​ꦤꦼꦏꦤꦶ​꧉​ꦮꦺꦴꦁ​ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺꦔꦺꦴꦩꦺꦴꦁ:'ꦲꦏꦸ​ꦲꦼꦤ꧀ꦠꦱ꧀ꦠꦸꦏꦸ​ꦏꦼꦧꦺꦴꦤ꧀꧈​ꦱꦲꦶꦏꦶ​ꦲꦏꦸ​ꦲꦉꦥ꧀ꦭꦸꦔ​ꦤ꧀ꦢꦼꦭꦺꦴꦏ꧀ꦏꦼꦧꦺꦴꦤꦺ​꧉​ꦚꦸꦮꦸꦤ꧀ꦔꦥꦸꦫ​ꦮꦲꦺ​꧈​ꦲꦏꦸ​ꦲꦺꦴꦫ​ꦧꦶꦱ​ꦠꦼꦏ​꧉'​ 19ꦮꦺꦴꦁ​ꦱꦶꦁ​ꦭꦶꦪꦤꦺ​ꦔꦺꦴꦩꦺꦴꦁ:'ꦲꦏꦸ​ꦲꦼꦤ꧀ꦠꦱ꧀ꦠꦸꦏꦸ​ꦱꦥꦶ​ꦭꦶꦩꦁ​ꦗꦺꦴꦢꦺꦴ꧉​ꦱꦲꦶꦏꦶ​ꦲꦏꦸ​ꦲꦉꦥ꧀​ꦩ꧀ꦧꦿꦤꦚ꧀ꦗꦗꦭ꧀ꦱꦥꦶꦱꦥꦶ​ꦩꦲꦸ​ꦏꦁꦒꦺꦴ​ꦚꦩ꧀ꦧꦸꦠ꧀ꦠ꧉​ꦲꦏꦸ​ꦢꦶꦔꦥꦸꦫꦮꦲꦺ​꧈​ꦲꦺꦴꦫ​ꦧꦶꦱ​ꦠꦼꦏ​꧉'​ 20ꦮꦺꦴꦁ​ꦭꦶꦪꦤꦺ​ꦱꦶꦁ​ꦢꦶꦲꦸꦊꦩ꧀ꦩꦶ​ꦔꦺꦴꦩꦺꦴꦁ:'ꦲꦏꦸ​ꦲꦼꦤ꧀ꦠꦱ꧀ꦏꦮꦶꦤ꧀ ꦲꦏꦸ​ꦲꦺꦴꦫ​ꦧꦶꦱ​ꦠꦼꦏ​꧉​’

21꧋“ꦮꦺꦴꦁ​ꦱꦶꦁ​ꦲꦸꦤ꧀ꦢꦁꦔꦸꦤ꧀ꦢꦁ​ꦩꦲꦸ​ꦠꦼꦫꦸꦱ꧀ꦧꦭꦶꦏ꧀ꦭꦤ꧀ꦔꦺꦴꦩꦺꦴꦁꦔꦶꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦧꦧ꧀ꦏꦸꦮꦶ​ꦩꦲꦸ​ꦏꦧꦺꦃ​꧉​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦱꦶꦁ​ꦲꦸꦤ꧀ꦢꦁꦔꦸꦤ꧀ꦢꦁ​ꦩꦲꦸ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦫꦸꦱ꧀ꦤꦼꦱꦸ​ꦧꦔꦼꦠ꧀ ꦠꦼꦫꦸꦱ꧀ꦔꦺꦴꦩꦺꦴꦁ:'ꦱꦲꦶꦏꦶ​ꦏꦤ​ꦤ꧀ꦢꦁꦥꦢ​ꦭꦸꦔꦲ​ꦤꦁꦢꦭꦤ꧀ꦢꦭꦤ꧀ꦒꦼꦢꦺꦭꦤ꧀ꦕꦶꦭꦶꦏ꧀ꦤꦁꦏꦸꦠ꧉​ꦏꦤ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦱꦶꦁ​ꦲꦺꦴꦫ​ꦧꦶꦱ​ꦩ꧀ꦭꦏꦸ​꧈​ꦱꦶꦁ​ꦭꦩꦸꦂ​ꦭꦤ꧀ꦱꦶꦁ​ꦭꦸꦩ꧀ꦥꦸꦃ​ꦥꦢ​ꦢꦶꦒꦮ​ꦩ꧀ꦧꦿꦺꦤꦺꦏꦧꦺꦃ​꧉'​ 22ꦲꦺꦴꦫ​ꦊꦠ꧀ꦱꦸꦮꦶꦏꦺꦴꦁꦏꦺꦴꦤ꧀ꦤꦤ꧀ꦩꦲꦸ​ꦧꦭꦶꦏ꧀ꦭꦤ꧀ꦔꦺꦴꦩꦺꦴꦁꦩꦫꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​:'ꦏꦺꦴꦁꦏꦺꦴꦤ꧀ꦤꦤ꧀ꦩꦸ​ꦮꦶꦱ꧀ꦠꦏ꧀ꦭꦏꦺꦴꦤ꧀ꦤꦶ​꧈​ꦤꦁꦔꦶꦁ​ꦗꦒꦺꦴꦔꦤ꧀ꦤꦺꦲꦶꦗꦶꦏ꧀ꦲꦺꦤꦺꦁꦲꦺꦴꦏꦺꦃ꧉'​ 23ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦠꦼꦫꦸꦱ꧀ꦔꦺꦴꦩꦺꦴꦁ:'ꦏꦤ​ꦭꦸꦔ​ꦤꦁꦢꦭꦤ꧀ꦢꦭꦤ꧀ꦤꦁꦱꦏ꧀​ꦚ꧀ꦗꦧꦤꦺ​ꦏꦸꦠꦭꦤ꧀ꦱꦧꦼꦤ꧀ꦮꦺꦴꦁ​ꦢꦶꦲꦸꦊꦩ꧀ꦩꦶ​꧈​ꦲꦮꦶꦠ꧀ꦲꦺꦴꦩꦃꦏꦸ​ꦏꦸꦢꦸ​ꦏꦼꦧꦼꦏ꧀꧈​ 24ꦔꦤ꧀ꦢꦼꦭ꧀ꦭ​꧈​ꦮꦺꦴꦁ​ꦱꦶꦁ​ꦥꦢ​ꦠꦏ꧀ꦲꦸꦊꦩ꧀ꦩꦶ​ꦱꦶꦁ​ꦤ꧀ꦢꦶꦱꦶꦏ꧀ꦩꦲꦸ​꧈​ꦱꦶꦗꦶ​ꦮꦲꦺ​ꦲꦺꦴꦫ​ꦲꦺꦤꦺꦁꦱꦶꦁ​ꦧꦏꦭ꧀ꦩꦺꦭꦸ​ꦔꦿꦱꦏ꧀ꦏꦏꦺꦱꦸꦒꦸꦃꦲꦤ꧀ꦏꦸ​꧉​’”

꧋ꦲꦺꦴꦫ​ꦒꦩ꧀ꦥꦁ​ꦢꦢꦶ​ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

25꧋ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦒꦼꦩꦿꦸꦢꦸꦏ꧀ꦔꦼꦠꦸꦠ꧀ꦠꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ 26ꦢꦺꦏ꧀ꦤꦺꦠꦼꦫꦸꦱ꧀ꦩꦶꦔꦼꦂ​ꦭꦤ꧀ꦔꦺꦴꦩꦺꦴꦁ:“ꦱꦥ​ꦱꦶꦁ​ꦲꦉꦥ꧀ꦢꦢꦶ​ꦩꦸꦫꦶꦢ꧀ꦏꦸ​ꦏꦸꦢꦸ​ꦒꦼꦊꦩ꧀ꦏꦺꦭꦁꦔꦤ꧀ꦧꦥꦲꦶꦧꦸꦤꦺ꧈​ꦧꦺꦴꦗꦺꦴꦲꦤꦏ꧀ꦏꦺ꧈​ꦱꦼꦢꦸꦭꦸꦂꦫꦺ​ꦭꦤꦁ​ꦭꦤ꧀ꦮꦺꦢꦺꦴꦏ꧀ ꦩꦭꦃ​ꦲꦸꦒ​ꦏꦸꦢꦸ​ꦱꦒꦸꦃ​ꦏꦺꦭꦁꦔꦤ꧀ꦲꦮꦏ꧀ꦏꦺ​ꦢꦺꦮꦺ꧉​ 27ꦱꦥ​ꦲꦺꦴꦫ​ꦩꦁꦒꦸꦭ꧀ꦥꦼꦤ꧀ꦠꦺꦔꦤ꧀ꦤꦺꦢꦺꦮꦺꦭꦤ꧀ꦔꦼꦠꦸꦠ꧀ꦠꦏꦺꦲꦏꦸ​꧈​ꦲꦺꦴꦫ​ꦧꦶꦱ​ꦢꦢꦶ​ꦩꦸꦫꦶꦢ꧀ꦏꦸ​꧉​

28꧋“ꦤꦺꦏ꧀ꦤꦁꦠꦼꦔꦃꦩꦸꦲꦺꦤꦺꦁꦮꦺꦴꦁꦤ꧀ꦢꦸꦮꦺꦫꦚ꧀ꦕꦩ꧀ꦩꦤ꧀ꦔꦼꦢꦼꦏ꧀ꦏꦏꦺꦲꦺꦴꦩꦃꦢꦸꦮꦸꦂ꧈​ꦮꦺꦴꦁꦏꦸꦮꦶꦏꦸꦢꦸꦔꦶꦠꦸꦁꦤ꧀ꦢꦶꦱꦶꦏ꧀ꦥꦶꦫꦏꦺꦴꦱ꧀ꦠꦸꦤꦺ꧉​ꦢꦢꦶꦤꦺꦔꦼꦂꦠꦶ꧈​ꦢꦸꦮꦶꦠ꧀ꦠꦺꦕꦸꦏꦸꦥ꧀ꦲꦥꦲꦺꦴꦫꦏꦁꦒꦺꦴꦔꦺꦴꦱ꧀ꦠꦺꦴꦤ꧀ꦤꦶꦱꦏ꧀ꦫꦩ꧀ꦥꦸꦁꦔꦺ꧉​ 29-30ꦤꦺꦏ꧀ꦲꦺꦴꦫ​ꦔꦺꦴꦤꦺꦴ​꧈​ꦮꦺꦴꦁ​ꦩꦲꦸ​ꦱꦏ꧀ꦮꦶꦱ꧀ꦱꦺ​ꦩꦱꦁ​ꦥꦺꦴꦤ꧀ꦢꦱꦶ꧈​ꦠꦼꦫꦸꦱ꧀ꦲꦺꦴꦫ​ꦧꦶꦱ​ꦔꦿꦩ꧀ꦥꦸꦁꦔꦏꦺꦲꦺꦴꦩꦃꦲꦺ​ꦢꦸꦮꦸꦂ꧉​ꦱꦧꦼꦤ꧀ꦮꦺꦴꦁ​ꦱꦶꦁ​ꦮꦼꦫꦸꦃ​ꦩꦼꦱ꧀ꦠꦶꦧꦏꦭ꧀​ꦔ꧀ꦒꦸꦪꦸ​ꦮꦺꦴꦁꦔꦺ​ꦭꦤ꧀ꦔꦺꦴꦩꦺꦴꦁ:'ꦮꦺꦴꦁ​ꦏꦸꦮꦶ​ꦧꦶꦱ​ꦩꦺꦴꦭꦃꦲꦶꦔꦼꦢꦼꦏ꧀ꦏꦏꦺ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​ꦔꦿꦩ꧀ꦥꦸꦁꦔꦏꦺ꧉​’

31꧋“ꦭꦤ꧀ꦩꦼꦤꦺꦃ​꧈​ꦤꦺꦏ꧀ꦲꦺꦤꦺꦁꦫꦠꦸ​ꦱꦶꦁ​ꦤ꧀ꦢꦸꦮꦺꦱꦺꦴꦭ꧀ꦢꦠ꧀10.000ꦲꦉꦥ꧀ꦥꦼꦫꦁ​꧈​ꦗꦭꦂꦫꦤ꧀ꦢꦶꦭꦸꦫꦸꦏ꧀ꦫꦠꦸ​ꦭꦶꦪꦤꦺ​ꦱꦶꦁ​ꦤ꧀ꦢꦸꦮꦺꦱꦺꦴꦭ꧀ꦢꦠ꧀20.000꧈​ꦲꦥ​ꦫꦠꦸ​ꦱꦶꦁ​ꦤ꧀ꦢꦶꦱꦶꦏ꧀ꦲꦺꦴꦫ​ꦲꦉꦥ꧀ꦩꦶꦏꦶꦂꦩꦶꦏꦶꦂ​ꦧꦭꦤꦺ​ꦕꦸꦏꦸꦥ꧀ꦲꦥ​ꦲꦺꦴꦫ​ꦏꦁꦒꦺꦴ​ꦔ꧀ꦭꦮꦤ꧀ꦩꦸꦁꦱꦸꦃꦲꦺ​? 32ꦤꦺꦏ꧀ꦏꦺꦠꦺꦴꦏ꧀ꦤꦺꦏ꧀ꦲꦺꦴꦫ​ꦧꦏꦭ꧀ꦏꦸꦮꦠ꧀ ꦫꦠꦸ​ꦩꦲꦸ​ꦏꦸꦢꦸ​ꦏꦺꦴꦁꦏꦺꦴꦤ꧀ꦤꦤ꧀ꦩꦼꦠꦸꦮꦫꦠꦸ​ꦱꦶꦁ​ꦔ꧀ꦭꦸꦫꦸꦏ꧀꧈​ꦦꦸꦩ꧀ꦥꦸꦁꦩꦸꦁꦱꦸꦃꦲꦺ​ꦲꦶꦗꦶꦏ꧀ꦲꦢꦺꦴꦃ​꧈​ꦠꦏꦺꦴꦤ꧀ꦲꦥ​ꦥꦼꦚ꧀ꦗꦭꦸꦏꦤ꧀ꦤꦺ꧈​ꦱꦸꦥꦪ​ꦲꦺꦴꦫ​ꦲꦸꦱꦃꦥꦼꦫꦁ​꧉​” 33ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦸꦠꦸꦥ꧀ꦠꦼꦩ꧀ꦧꦸꦁꦔꦺ​:“ꦱꦼꦩꦺꦴꦤꦺꦴ​ꦲꦸꦒ​ꦮꦺꦴꦁ​ꦧꦶꦱ​ꦢꦢꦶ​ꦩꦸꦫꦶꦢ꧀ꦏꦸ​꧈​ꦤꦩꦸꦁ​ꦤꦺꦏ꧀ꦒꦼꦊꦩ꧀ꦏꦺꦭꦁꦔꦤ꧀ꦱꦼꦩ꧀ꦧꦫꦁ​ꦤ꧀ꦢꦸꦮꦺꦪ꧉​”

꧋ꦧꦧ꧀ꦲꦸꦪꦃ​ꦱꦶꦁ​ꦲꦶꦭꦁ​ꦲꦱꦶꦤ꧀ꦤꦺ​꧉​

34꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦲꦸꦪꦃ​ꦏꦸꦮꦶ​ꦥꦚ꧀ꦕꦺꦤ꧀ꦲꦥꦶꦏ꧀ ꦤꦁꦔꦶꦁ​ꦤꦺꦏ꧀ꦲꦶꦭꦁ​ꦫꦱꦤꦺ​꧈​ꦲꦥ​ꦱꦶꦁ​ꦏꦼꦤꦺꦁꦏꦁꦒꦺꦴ​ꦔꦱꦶꦤ꧀ꦤꦏꦺ? 35ꦲꦸꦪꦃ​ꦏꦸꦮꦶ​ꦮꦶꦱ꧀ꦲꦺꦴꦫ​ꦲꦺꦤꦺꦁꦒꦸꦤꦤꦺ​꧈​ꦲꦺꦴꦫ​ꦏꦁꦒꦺꦴ​ꦊꦩꦃ​꧈​ꦲꦺꦴꦫ​ꦏꦁꦒꦺꦴ​ꦔꦼꦩꦺꦱ꧀꧈​ꦲꦥꦶꦏ꧀ꦏꦺ​ꦤꦩꦸꦁ​ꦢꦶꦧꦸꦮꦁ​꧉​ꦱꦥ​ꦱꦶꦁ​ꦤ꧀ꦢꦸꦮꦺꦏꦸꦥꦶꦁ​꧈​ꦥꦢ​ꦢꦶꦫꦸꦔꦺꦴꦏ꧀ꦏꦏꦺ!” ↑ ↑ ↑


꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦮꦼꦢꦸꦱ꧀ꦱꦶꦁ​ꦲꦶꦭꦁ​꧉​

꧇​꧑꧕꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦲꦺꦴꦏꦺꦃꦮꦺꦴꦁ​ꦧꦼꦭꦱ꧀ꦠꦶꦁꦭꦤ꧀ꦮꦺꦴꦁ​ꦱꦶꦁ​ꦢꦶꦲꦁꦒꦼꦥ꧀ꦲꦭ​ꦏꦫꦺꦴ​ꦫꦪꦠ꧀ ꦥꦢ​ꦠꦼꦏ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 2ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦥꦢ​ꦥꦠꦶꦁ​ꦏꦼꦢꦸꦩꦼꦭ꧀ꦔꦺꦴꦩꦺꦴꦁ:“ꦪꦺꦯꦸꦱ꧀ꦏꦺꦴꦏ꧀ꦒꦼꦊꦩ꧀ꦤꦩ꧀ꦥꦤꦶ​ꦮꦺꦴꦁ​ꦲꦭ​꧈​ꦩꦭꦃ​ꦩꦁꦔꦤ꧀ꦧꦉꦁ​ꦏꦫꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​?” 3ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦔꦺꦤꦺ​:

4꧋“ꦱꦼꦩꦸꦁꦒꦺꦴꦤ꧀ꦤꦺꦤꦁꦠꦼꦔꦃꦩꦸ​ꦲꦺꦤꦺꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦮꦼꦢꦸꦱ꧀ꦒꦺꦩ꧀ꦧꦺꦭ꧀ꦱꦠꦸꦱ꧀ ꦱꦶꦁ​ꦱꦶꦗꦶ​ꦲꦶꦭꦁ​꧉​ꦲꦥ​ꦮꦺꦴꦁꦔꦺ​ꦲꦺꦴꦫ​ꦠꦼꦫꦸꦱ꧀ꦤꦶꦁꦒꦭ꧀ꦮꦼꦢꦸꦱ꧀ꦱꦺꦱꦶꦁ​ꦱꦔꦁ​ꦥꦸꦭꦸꦃ​ꦱꦔ​ꦤꦁꦥꦔꦺꦴꦤ꧀ꦤꦤ꧀ꦭꦤ꧀ꦭꦸꦔ​ꦔ꧀ꦒꦺꦴꦭꦺꦏ꧀ꦏꦶ​ ꦮꦼꦢꦸꦱ꧀ꦱꦶꦗꦶ​ꦱꦶꦁ​ꦲꦶꦭꦁ​꧈​ꦔꦤ꧀ꦠꦶ​ꦏꦼꦠꦼꦩꦸꦤꦺ​? 5ꦤꦺꦏ꧀ꦮꦶꦱ꧀ꦏꦼꦠꦼꦩꦸ​꧈​ꦮꦺꦴꦁ​ꦩꦲꦸ​ꦧꦸꦔꦃꦲꦺ​ꦲꦺꦴꦫ​ꦲꦺꦤꦺꦁꦲꦼꦤ꧀ꦠꦺꦏ꧀ꦏꦺ​꧉​ꦮꦼꦢꦸꦱ꧀ꦱꦺꦩꦼꦱ꧀ꦠꦶꦠꦼꦫꦸꦱ꧀ꦢꦶꦥꦁꦒꦸꦭ꧀ ꦢꦶꦒꦮ​ꦩꦸꦭꦶꦃ​꧉​ 6ꦠꦼꦏꦤ꧀ꦲꦺꦴꦩꦃ​ꦏꦚ꧀ꦕ​ꦭꦤ꧀ꦠꦁꦒꦤꦺ​ꦧꦏꦭ꧀ꦢꦶꦲꦸꦤ꧀ꦢꦁꦔꦶꦭꦤ꧀ꦔꦺꦴꦩꦺꦴꦁ:'ꦲ꦳ꦪꦸꦏ꧀ꦥꦢ​ꦧꦸꦔꦃ​ꦏꦫꦺꦴ​ꦲꦏꦸ​꧈​ꦲꦮꦶꦠ꧀ꦮꦼꦢꦸꦱ꧀ꦏꦸꦱꦶꦁ​ꦲꦶꦭꦁ​ꦱꦲꦶꦏꦶ​ꦮꦶꦱ꧀ꦏꦼꦠꦼꦩꦸ​꧉'​ 7ꦔꦤ꧀ꦢꦼꦭ꧀ꦭ​꧈​ꦏꦪ​ꦔꦺꦴꦤꦺꦴ​ꦲꦸꦒ​ꦏꦲꦤꦤꦺꦤꦁꦱ꧀ꦮꦂꦒ​꧉​ꦥꦫ​ꦩꦸꦭꦺꦏꦠ꧀ꦧꦏꦭ꧀ꦥꦢ​ꦧꦸꦔꦃ​ꦧꦔꦼꦠ꧀ ꦲꦮꦶꦠ꧀ꦲꦺꦤꦺꦁꦮꦺꦴꦁ​ꦢꦺꦴꦱ​ꦱꦶꦗꦶ​ꦱꦶꦁ​ꦤꦶꦁꦒꦭ꧀ꦢꦺꦴꦱꦤꦺ​ꦭꦤ꧀​ꦔ꧀ꦭꦏꦺꦴꦤ꧀ꦤꦶ​ꦲꦸꦫꦶꦥ꧀ꦲꦚꦂ​꧈​ꦏꦼꦠꦶꦩ꧀ꦧꦁ​ꦏꦫꦺꦴ​ꦮꦺꦴꦁ​ꦱꦔꦁ​ꦥꦸꦭꦸꦃ​ꦱꦔ​ꦱꦶꦁ​ꦲꦺꦴꦫ​ꦲꦸꦱꦃ꧉​”

꧋ꦒꦩ꧀ꦧꦂ​ꦧꦧ꧀ꦢꦸꦮꦶꦠ꧀ꦱꦶꦁ​ꦲꦶꦭꦁ​꧉​

8꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦭꦶꦪꦤꦺ​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:“ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀​ꦤ꧀ꦢꦸꦮꦺꦢꦸꦮꦶꦠ꧀ꦱꦼꦥꦸꦭꦸꦃ​ꦥꦺꦫꦏ꧀ꦠꦼꦫꦸꦱ꧀ꦲꦶꦭꦁ​ꦱꦶꦗꦶ​꧉​ꦮꦺꦴꦁ​ꦔꦺ​ꦩꦼꦱ꧀ꦠꦶꦠꦼꦫꦸꦱ꧀ꦚꦸꦩꦼꦠ꧀ꦢꦶꦪꦤ꧀ꦭꦤ꧀ꦚꦥꦺꦴꦤ꧀ꦤꦶ​ꦲꦺꦴꦩꦃꦲꦺ​꧈​ꦠꦼꦫꦸꦱ꧀​ꦔ꧀ꦒꦺꦴꦭꦺꦏ꧀ꦏꦶ​ꦤ꧀​ꦗ꧀ꦭꦶꦩꦼꦠ꧀ ꦔꦤ꧀ꦠꦶ​ꦢꦸꦮꦶꦠ꧀ꦱꦶꦁ​ꦲꦶꦭꦁ​ꦩꦲꦸ​ꦏꦼꦠꦼꦩꦸ​꧉​ 9ꦤꦺꦏ꧀ꦮꦶꦱ꧀ꦏꦼꦠꦼꦩꦸ​꧈​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦧꦏꦭ꧀ꦔꦸꦤ꧀ꦢꦁ​ꦏꦚ꧀ꦕ​ꦭꦤ꧀ꦠꦁꦒꦤꦺ​ꦭꦤ꧀ꦢꦶꦲꦺꦴꦩꦺꦴꦁꦔꦶ:'ꦲ꦳ꦪꦸꦏ꧀ꦥꦢ​ꦧꦸꦔꦃꦧꦸꦔꦃ​ꦏꦫꦺꦴ​ꦲꦏꦸ​꧈​ꦲꦮꦶꦠ꧀ꦢꦸꦮꦶꦠ꧀ꦱꦶꦁ​ꦲꦶꦭꦁ​ꦮꦶꦱ꧀ꦏꦼꦠꦼꦩꦸ​꧉'​ 10ꦔꦤ꧀ꦢꦼꦭ꧀ꦭ​꧈​ꦏꦪ​ꦔꦺꦴꦤꦺꦴ​ꦲꦸꦒ​ꦥꦫ​ꦩꦸꦭꦺꦏꦠ꧀ꦠꦺꦄꦭ꧀ꦭꦃ​ꦧꦏꦭ꧀ꦥꦢ​ꦧꦸꦔꦃꦧꦸꦔꦃ​꧈​ꦤꦺꦏ꧀ꦲꦺꦤꦺꦁꦮꦺꦴꦁ​ꦢꦺꦴꦱ​ꦱꦶꦗꦶ​ꦮꦲꦺ​ꦱꦶꦁ​ꦤꦶꦁꦒꦭ꧀ꦢꦺꦴꦱꦤꦺ​ꦭꦤ꧀​ꦔ꧀ꦭꦏꦺꦴꦤ꧀ꦤꦶ​ꦲꦸꦫꦶꦥ꧀ꦲꦚꦂ​꧉​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦲꦤꦏ꧀ꦱꦶꦁ​ꦲꦶꦭꦁ​꧉​

11꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦏꦫꦺꦴ​ꦒꦩ꧀ꦧꦂ​ꦭꦶꦪꦤꦺ​:“ꦲꦺꦤꦺꦁꦮꦺꦴꦁ​ꦤ꧀ꦢꦸꦮꦺꦲꦤꦏ꧀ꦭꦤꦁ​ꦭꦺꦴꦫꦺꦴ​꧉​ 12ꦲꦤꦏ꧀ꦫꦒꦶꦭ꧀ꦔꦺꦴꦩꦺꦴꦁꦏꦫꦺꦴ​ꦧꦥꦏ꧀ꦏꦺ:'ꦥꦏ꧀​꧈​ꦲꦏꦸ​ꦚ꧀ꦗꦭꦸꦏ꧀ꦧꦒꦺꦪꦤ꧀ꦏꦸꦱꦁꦏꦱꦼꦩ꧀ꦧꦫꦁ​ꦱꦶꦁ​ꦲꦉꦥ꧀​ꦩ꧀ꦧꦺꦴꦏ꧀ꦠꦶꦁꦒꦭ꧀ꦭꦏꦺꦲꦏꦸ​꧉'​ꦧꦥꦏ꧀ꦏꦺ​ꦠꦼꦫꦸꦱ꧀ꦔꦼꦢꦸꦩ꧀ꦲꦥ​ꦤ꧀ꦢꦸꦮꦺꦪꦩꦫꦁ​ꦲꦤꦏ꧀ꦏꦺ​ꦭꦺꦴꦫꦺꦴ​꧉​ 13ꦲꦺꦴꦫ​ꦊꦠ꧀ꦱꦸꦮꦶꦲꦤꦏ꧀ꦱꦶꦁ​ꦫꦒꦶꦭ꧀ꦠꦼꦫꦸꦱ꧀ꦔꦼꦢꦺꦴꦭ꧀ꦧꦒꦺꦪꦤ꧀ꦤꦺ꧉​ꦢꦺꦏ꧀ꦤꦺꦠꦼꦫꦸꦱ꧀ꦭꦸꦔ​ꦤꦁꦭꦶꦪ​ꦤꦼꦒꦫ​꧈​ꦢꦸꦮꦶꦠ꧀ꦠꦺꦢꦶꦒꦮ​ꦏꦧꦺꦃ​꧉​ꦤꦁꦏꦤ​ꦢꦸꦮꦶꦠ꧀ꦠꦺꦢꦶꦲꦼꦧꦿꦺꦃꦲꦼꦧꦿꦺꦃ​ꦢꦶꦲꦼꦁꦒꦺꦴ​ꦤꦸꦫꦸꦠ꧀ꦠꦶ​ꦏꦼꦱꦼꦤꦼꦔꦤ꧀ꦤꦺ꧈​ꦱꦩ꧀ꦥꦺꦏ꧀ꦲꦼꦤ꧀ꦠꦺꦏ꧀ꦏꦧꦺꦃ​꧉​ 14ꦤꦁꦤꦼꦒꦫ​ꦏꦺꦴꦤꦺꦴ​ꦤ꧀ꦢꦶꦭꦭꦃꦲꦺꦲꦺꦤꦺꦁꦏꦼꦏꦸꦫꦁꦔꦤ꧀ꦥꦔꦤ꧀ꦱꦶꦁ​ꦒꦼꦢꦺ꧉​ꦭꦃ​ꦧꦺꦴꦕꦃ​ꦩꦲꦸ​ꦮꦶꦱ꧀ꦲꦺꦴꦫ​ꦤ꧀ꦢꦸꦮꦺꦲꦥꦲꦥ​꧉​ 15ꦩꦸꦭꦤꦺ​ꦢꦺꦏ꧀ꦤꦺꦠꦼꦫꦸꦱ꧀ꦩꦺꦴꦤ꧀ꦢꦺꦴꦏ꧀ꦤꦁꦲꦺꦴꦩꦃꦲꦺ​ꦮꦺꦴꦁ​ꦏꦺꦴꦤꦺꦴ​꧈​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦏꦼꦂꦗ​ꦔꦿꦸꦩꦠ꧀ꦠꦶ​ꦧꦧꦶ​꧉​ 16ꦧꦺꦴꦕꦃ​ꦩꦲꦸ​ꦏꦭꦶꦂꦉꦤ꧀ꦭꦤ꧀ꦏꦪ​ꦔꦥ​ꦏꦼꦥꦺꦔꦶꦤ꧀ꦤꦺ​ꦩꦉꦏ꧀ꦏꦶꦮꦼꦠꦼꦁꦔꦺ​ꦏꦫꦺꦴ​ꦲꦩ꧀ꦥꦱ꧀ꦥꦏꦤ꧀ꦤꦺ​ꦧꦧꦶ​꧈​ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦱꦶꦁ​ꦔꦼꦏꦺꦏ꧀ꦏꦶ꧉​ 17ꦧꦺꦴꦕꦃ​ꦩꦲꦸ​ꦠꦼꦫꦸꦱ꧀ꦲꦺꦭꦶꦁ​ꦭꦤ꧀ꦩꦶꦏꦶꦂ​:'ꦧꦥꦏ꧀ꦏꦸ​ꦤ꧀ꦢꦸꦮꦺꦮꦺꦴꦁ​ꦏꦼꦂꦗ​ꦥꦶꦫꦁꦥꦶꦫꦁ​ꦭꦤ꧀ꦏꦧꦺꦃ​ꦧꦶꦱ​ꦩꦁꦔꦤ꧀ꦱꦏ꧀ꦮꦉꦏ꧀꧈​ꦭꦃ​ꦲꦏꦸ​ꦏꦺꦴꦏ꧀ꦤꦁꦏꦺꦤꦺ​ꦏꦭꦶꦂꦉꦤ꧀꧈​ 18ꦲꦥꦶꦏ꧀ꦏꦺ​ꦲꦏꦸ​ꦠꦏ꧀ꦧꦭꦶꦏ꧀ꦤꦁꦔ꧀ꦒꦺꦴꦤ꧀ꦤꦺꦧꦥꦏ꧀ꦏꦸ​꧈​ꦠꦏ꧀ꦔꦺꦴꦩꦺꦴꦁ:ꦥꦏ꧀​꧈​ꦲꦏꦸ​ꦔ꧀ꦒꦮꦺ​ꦢꦺꦴꦱ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦫꦁ​ꦧꦥꦏ꧀꧈​ 19ꦲꦏꦸ​ꦮꦶꦱ꧀ꦲꦺꦴꦫ​ꦥꦤ꧀ꦠꦼꦱ꧀ꦢꦶꦲꦫꦤ꧀ꦤꦶ​ꦲꦤꦏ꧀ꦏꦺ​ꦧꦥꦏ꧀꧈​ꦲꦏꦸ​ꦢꦶꦲꦁꦒꦼꦥ꧀ꦮꦺꦴꦁ​ꦏꦼꦂꦗ​ꦮꦲꦺ​꧉'​ 20ꦧꦺꦴꦕꦃ​ꦩꦲꦸ​ꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦧꦸꦢꦭ꧀ꦤꦁꦔ꧀ꦒꦺꦴꦤ꧀ꦤꦺꦧꦥꦏ꧀ꦏꦺ꧉​“ꦢꦺꦴꦁꦔꦺꦲꦶꦗꦶꦏ꧀ꦲꦢꦺꦴꦃ​꧈​ꦧꦥꦏ꧀ꦏꦺꦮꦶꦱ꧀ꦮꦼꦫꦸꦃ​ꦢꦺꦏ꧀ꦤꦺ꧉​ꦧꦥꦏ꧀ꦏꦺꦠꦼꦫꦸꦱ꧀ꦩꦼꦭꦱ꧀ꦧꦔꦼꦠ꧀ ꦩꦸꦭꦤꦺ​ꦠꦼꦫꦸꦱ꧀ꦢꦶꦥꦥꦏ꧀ ꦢꦶꦫꦁꦏꦸꦭ꧀ꦭꦤ꧀ꦢꦶꦲꦩ꧀ꦧꦸꦁꦔꦶ​꧉​ 21ꦧꦺꦴꦕꦃꦲꦺ​ꦠꦼꦫꦸꦱ꧀ꦔꦺꦴꦩꦺꦴꦁ:'ꦥꦏ꧀​꧈​ꦲꦏꦸ​ꦔ꧀ꦒꦮꦺ​ꦢꦺꦴꦱ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦫꦁ​ꦧꦥꦏ꧀꧈​ꦲꦏꦸ​ꦮꦶꦱ꧀ꦲꦺꦴꦫ​ꦥꦤ꧀ꦠꦼꦱ꧀ꦢꦶꦲꦫꦤ꧀ꦤꦶ​ꦲꦤꦏ꧀ꦏꦺ​ꦧꦥꦏ꧀꧉'​ 22ꦤꦁꦔꦶꦁ​ꦧꦥꦏ꧀ꦏꦺꦚꦼꦭꦸꦏ꧀ꦥꦼꦭꦢꦺꦤ꧀ꦤꦺ​ꦠꦼꦫꦸꦱ꧀ꦢꦶꦥꦿꦺꦤ꧀ꦠꦃ​ꦔꦺꦤꦺ​:'ꦤ꧀ꦢꦁꦒꦼꦭꦶꦱ꧀ꦢꦶꦗꦶꦏꦸꦏ꧀ꦏꦏꦺꦱꦭꦶꦤ꧀ꦱꦶꦁ​ꦲꦥꦶꦏ꧀ꦢꦺꦮꦺꦭꦤ꧀ꦢꦶꦲꦼꦁꦒꦺꦴꦏ꧀ꦏꦏꦺ꧉​ꦢꦿꦶꦗꦶꦤꦺ​ꦢꦶꦲꦼꦁꦒꦺꦴꦤ꧀ꦤꦶ​ꦲꦭꦶꦲꦭꦶ​ꦭꦤ꧀ꦱꦶꦏꦶꦭ꧀ꦭꦺ​ꦢꦶꦲꦼꦁꦒꦺꦴꦤ꧀ꦤꦶ​ꦱꦼꦥꦠꦸ​꧉​ 23ꦠꦼꦫꦸꦱ꧀ꦢꦶꦗꦶꦏꦸꦏ꧀ꦏꦏꦺꦥꦼꦢꦺꦠ꧀ꦱꦶꦁ​ꦊꦩꦸ​ꦢꦶꦧꦼꦭꦺꦃ​꧉​ꦲ꦳ꦪꦸꦏ꧀ꦲꦮꦏ꧀ꦏꦺ​ꦢꦺꦮꦺꦥꦢ​ꦔꦤꦏ꧀ꦏꦏꦺꦥꦺꦱ꧀ꦠ​꧉​ 24ꦲꦮꦶꦠ꧀ꦲꦤꦏ꧀ꦏꦸ​ꦲꦶꦏꦶ​ꦮꦶꦱ꧀ꦩꦠꦶ​꧈​ꦱꦲꦶꦏꦶ​ꦲꦸꦫꦶꦥ꧀ꦩꦼꦤꦺꦃ​;ꦮꦶꦱ꧀ꦲꦶꦭꦁ​꧈​ꦱꦲꦶꦏꦶ​ꦏꦼꦠꦼꦩꦸ​!’ꦮꦺꦴꦁ​ꦱꦏ꧀ꦲꦺꦴꦩꦃ​ꦠꦼꦫꦸꦱ꧀ꦥꦢ​ꦧꦸꦔꦃꦧꦸꦔꦃ​꧉​

25꧋“ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦲꦤꦏ꧀ꦱꦶꦁ​ꦲꦩ꧀ꦧꦉꦥ꧀ꦲꦶꦗꦶꦏ꧀ꦤꦁꦏꦼꦧꦺꦴꦤ꧀꧈​ꦏꦢꦸꦁ​ꦩꦸꦭꦶꦃ​ꦭꦤ꧀ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦲꦺꦴꦩꦃꦲꦺ​꧈​ꦢꦺꦏ꧀ꦤꦺꦏꦿꦸꦔꦸ​ꦠꦧꦸꦮꦤ꧀ꦭꦤ꧀ꦗꦺꦴꦒꦺꦠ꧀ꦠꦤ꧀꧈​ 26ꦧꦺꦴꦕꦃ​ꦩꦲꦸ​ꦠꦼꦫꦸꦱ꧀ꦚꦼꦭꦸꦏ꧀ꦱꦏ꧀ꦮꦶꦗꦶꦤꦺꦥꦼꦭꦢꦺꦤ꧀ꦢꦶꦠꦏꦺꦴꦤ꧀ꦤꦶ​:'ꦤꦁꦲꦺꦴꦩꦃ​ꦲꦺꦤꦺꦁꦲꦥ​?’ 27ꦥꦼꦭꦢꦺꦤ꧀ꦤꦺ​ꦱꦼꦩꦲꦸꦂ​:'ꦲꦢꦶꦏ꧀ꦩꦸꦮꦶꦱ꧀ꦩꦸꦭꦶꦃ​ꦭꦤ꧀ꦧꦥꦏ꧀ꦔꦺꦴꦁꦏꦺꦴꦤ꧀​ꦩ꧀ꦧꦼꦭꦺꦃꦲꦏꦺꦱꦥꦶ​ꦱꦶꦁ​ꦊꦩꦸ​ꦢꦺꦮꦺ꧈​ꦲꦮꦶꦠ꧀ꦲꦤꦏ꧀ꦏꦺ​ꦮꦶꦱ꧀ꦩꦸꦭꦶꦃ​ꦏꦤ꧀ꦠꦶꦱ꧀ꦭꦩꦼꦠ꧀꧈​’

28꧋“ꦲꦤꦏ꧀ꦲꦩ꧀ꦧꦉꦥ꧀ꦩꦲꦸ​ꦤꦼꦱꦸ​ꦧꦔꦼꦠ꧀ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦥꦼꦭꦢꦺꦤ꧀ꦤꦺ​꧉​ꦢꦺꦏ꧀ꦤꦺꦲꦺꦴꦫ​ꦒꦼꦊꦩ꧀​ꦩ꧀ꦊꦧꦸ​ꦲꦺꦴꦩꦃ​꧉​ꦧꦥꦏ꧀ꦏꦺꦠꦼꦫꦸꦱ꧀ꦩꦼꦠꦸ​ꦩꦫꦤꦶ​ꦭꦤ꧀ꦔꦺꦴꦩꦺꦴꦁꦔꦶꦲꦤꦏ꧀ꦏꦺ​ꦱꦶꦁ​ꦲꦶꦗꦶꦏ꧀ꦤꦼꦱꦸ​꧉​ 29ꦤꦁꦔꦶꦁ​ꦲꦤꦏ꧀ꦏꦺ​ꦩꦭꦃ​ꦔꦺꦴꦩꦺꦴꦁ:'ꦥꦶꦫꦁꦥꦶꦫꦁ​ꦠꦲꦸꦤ꧀ꦲꦏꦸ​ꦚꦩ꧀ꦧꦸꦠ꧀ꦠꦱꦼꦠꦼꦔꦃ​ꦩꦠꦶ​ꦏꦁꦒꦺꦴ​ꦧꦥꦏ꧀ꦭꦤ꧀ꦲꦏꦸ​ꦲꦺꦴꦫ​ꦠꦲꦸ​ꦮꦤꦶ​ꦩꦫꦁ​ꦠꦼꦩ꧀ꦧꦸꦁꦔꦺ​ꦧꦥꦏ꧀꧈​ꦤꦁꦔꦶꦁ​ꦧꦥꦏ꧀ꦲꦥ​ ꦠꦲꦸ​ꦔꦼꦏꦺꦏ꧀ꦏꦶꦲꦥꦲꦥ​ꦩꦫꦁ​ꦲꦏꦸ​꧉​ꦮꦼꦢꦸꦱ꧀ꦱꦶꦗꦶ​ꦮꦲꦺ​ꦏꦁꦒꦺꦴ​ꦧꦸꦔꦃꦧꦸꦔꦃ​ꦏꦫꦺꦴ​ꦏꦚ꧀ꦕꦏꦚ꧀ꦕꦏꦸ​ꦲꦺꦴꦫ​ꦠꦲꦸ​꧉​ 30ꦤꦁꦔꦶꦁ​ꦲꦤꦏ꧀ꦫꦒꦶꦭ꧀ꦲꦶꦏꦶ​ꦮꦶꦱ꧀ꦔꦼꦤ꧀ꦠꦺꦏ꧀ꦏꦏꦺꦧꦤ꧀ꦢꦤꦺ​ꦧꦥꦏ꧀ꦏꦧꦺꦃ​ꦏꦁꦒꦺꦴ​ꦩꦺꦢꦺꦴꦏ꧀ ꦱꦲꦶꦏꦶ​ꦲꦶꦗꦶꦏ꧀ꦲꦼꦤ꧀ꦠꦱ꧀ꦠꦼꦏ​ꦮꦲꦺ​ꦮꦶꦱ꧀ꦢꦶꦧꦼꦭꦺꦃꦲꦏꦺꦥꦼꦢꦺꦠ꧀ꦊꦩꦸ​ꦏꦫꦺꦴ​ꦧꦥꦏ꧀꧉'​ 31ꦧꦥꦏ꧀ꦏꦺꦠꦼꦫꦸꦱ꧀ꦚꦲꦸꦂꦫꦶ​:'ꦲꦼꦁꦒꦺꦂ​ꦲꦤꦏ꧀ꦏꦸ​꧈​ꦏꦺꦴꦮꦺ​ꦏꦸꦮꦶ​ꦱ꧀ꦭꦮꦱ꧀ꦱꦺꦭꦲꦸꦠ꧀ꦤꦁꦏꦺꦤꦺ​ꦏꦫꦺꦴ​ꦲꦏꦸ​꧉​ꦲꦥ​ꦤ꧀ꦢꦸꦮꦺꦩꦸꦏꦸꦮꦶ​ꦭꦲꦸꦠ꧀ꦪ​ꦮꦶꦱ꧀ꦮꦺꦏ꧀ꦩꦸ꧉​ 32ꦲꦶꦁ​ꦮꦏ꧀ꦠꦸ​ꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦏꦧꦺꦃ​ꦏꦸꦢꦸ​ꦧꦸꦔꦃꦧꦸꦔꦃ​꧈​ꦲꦮꦶꦠ꧀ꦲꦢꦶꦏ꧀ꦩꦸꦮꦶꦱ꧀ꦩꦠꦶ​꧈​ꦲꦸꦫꦶꦥ꧀ꦩꦼꦤꦺꦃ​꧈​ꦮꦶꦱ꧀ꦲꦶꦭꦁ​꧈​ꦏꦼꦠꦼꦩꦸ​!’” ↑ ↑ ↑


꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦥꦼꦚ꧀ꦗꦮꦧ꧀ꦧꦤ꧀ꦢꦱꦶꦁ​ꦔꦥꦸꦱ꧀ꦱꦶ​꧉​

꧇​꧑꧖꧇​ 1꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦲꦺꦤꦺꦁꦮꦺꦴꦁ​ꦱꦸꦒꦶꦃ​ꦤ꧀ꦢꦸꦮꦺꦮꦺꦴꦁ​ꦱꦶꦁ​ꦢꦢꦶ​ꦥꦼꦚ꧀ꦗꦮꦧ꧀ꦧꦤ꧀ꦢ꧉​ꦮꦺꦴꦁ​ꦱꦸꦒꦶꦃ​ꦩꦲꦸ​ꦲꦺꦤ꧀ꦠꦸꦏ꧀ꦮꦢꦸꦭ꧀ꦭꦤ꧀ ꦤꦺꦏ꧀ꦥꦼꦚ꧀ꦗꦮꦧ꧀ꦧꦤ꧀ꦢꦩꦲꦸ​ꦔꦼꦧꦿꦺꦃꦲꦼꦧꦿꦺꦃ​ꦧꦫꦁꦔꦺ​ꦮꦺꦴꦁꦔꦺ​꧉​ 2ꦩꦸꦭꦤꦺ​ꦥꦼꦚ꧀ꦗꦮꦧ꧀ꦧꦤ꧀ꦢꦏꦸꦮꦶ​ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦭꦤ꧀ꦢꦶꦲꦺꦴꦩꦺꦴꦁꦔꦶꦔꦺꦤꦺ​:'ꦲꦏꦸ​ꦏꦿꦸꦔꦸ​ꦧꦧ꧀ꦭꦏꦸꦩꦸ​ꦱꦶꦁ​ꦲꦺꦴꦫ​ꦧꦼꦤꦼꦂ​꧉​ꦱꦲꦶꦏꦶ​ꦏꦺꦴꦮꦺ​ꦔ꧀ꦒꦮꦺ​ꦭꦥꦺꦴꦂꦫꦤ꧀ꦧꦧ꧀​ꦩ꧀ꦊꦧꦸꦩꦼꦠꦸꦤꦺꦧꦤ꧀ꦢꦱꦶꦁ​ꦠꦏ꧀ꦥꦱꦿꦃꦲꦏꦺꦩꦫꦁ​ꦥꦼꦚ꧀ꦗꦮꦧ꧀ꦩꦸ​꧉​ꦮꦶꦮꦶꦠ꧀ꦱꦲꦶꦏꦶ​ꦏꦺꦴꦮꦺ​ꦠꦏ꧀ꦭꦺꦫꦺꦤ꧀ꦤꦶꦲꦼꦁꦒꦺꦴꦤ꧀ꦩꦸ​ꦢꦢꦶ​ꦥꦼꦚ꧀ꦗꦮꦧ꧀ꦧꦺ​ꦧꦤ꧀ꦢꦏꦸ꧉'​ 3ꦮꦺꦴꦁ​ꦩꦲꦸ​ꦠꦼꦫꦸꦱ꧀ꦩꦶꦏꦶꦂ​:'ꦤꦺꦏ꧀ꦲꦏꦸ​ꦢꦶꦲꦼꦠꦺꦴꦏ꧀ꦏꦏꦺ꧈​ꦭꦃ​ꦲꦏꦸ​ꦲꦉꦥ꧀ꦏꦼꦂꦗ​ꦲꦥ​?ꦩꦕꦸꦭ꧀ꦲꦏꦸ​ꦲꦺꦴꦫ​ꦏꦸꦮꦠ꧀ ꦔꦼꦩꦶꦱ꧀ꦲꦏꦸ​ꦪ​ꦲꦶꦱꦶꦤ꧀꧈​ 4ꦲꦥꦶꦏ꧀ꦏꦺ​ꦔꦺꦤꦺ​ꦮꦲꦺ​꧉​ꦤꦺꦏ꧀ꦲꦏꦸ​ꦢꦶꦲꦼꦠꦺꦴꦏ꧀ꦏꦏꦺ꧈​ꦲꦏꦸ​ꦏꦸꦢꦸ​ꦤ꧀ꦢꦸꦮꦺꦏꦚ꧀ꦕ​ꦱꦶꦁ​ꦒꦼꦊꦩ꧀ꦠꦏ꧀ꦥꦺꦴꦤ꧀ꦢꦺꦴꦏ꧀ꦏꦶ!’

5꧋“ꦮꦺꦴꦁꦔꦺ​ꦠꦼꦫꦸꦱ꧀ꦚꦼꦭꦸꦏ꧀ꦏꦶ​ꦱꦧꦼꦤ꧀ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦲꦸꦠꦁ​ꦏꦫꦺꦴ​ꦮꦺꦴꦁ​ꦱꦸꦒꦶꦃ​ꦩꦲꦸ​꧉​ꦮꦺꦴꦁ​ꦱꦶꦁ​ꦤꦺꦴꦩꦼꦂ​ꦱꦶꦗꦶ​ꦢꦶꦠꦏꦺꦴꦤ꧀ꦤꦶ​:'ꦲꦸꦠꦁꦩꦸ​ꦥꦶꦫ​?’ 6ꦱꦮꦸꦫꦤ꧀ꦤꦺꦮꦺꦴꦁꦔꦺ​:'ꦊꦔ​ꦎꦭꦺꦥ꦳꧀ꦱꦠꦸꦱ꧀​ꦧ꧀ꦭꦺꦏ꧀!’ꦥꦼꦚ꧀ꦗꦮꦧ꧀ꦧꦤ꧀ꦢꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​:'ꦲꦶꦏꦶ​ꦭꦪꦁꦩꦸ​ꦲꦸꦠꦁ​꧉​ꦏꦤ​ꦚ꧀ꦗꦒꦺꦴꦁꦭꦤ꧀​ꦔ꧀ꦒꦮꦺꦪꦭꦪꦁ​ꦭꦶꦪꦤꦺ​꧈​ꦢꦶꦠꦸꦭꦶꦱ꧀꧇꧕꧐꧇​ꦧ꧀ꦭꦺꦏ꧀!’ 7ꦮꦺꦴꦁ​ꦱꦶꦁ​ꦤꦺꦴꦩꦼꦂ​ꦭꦺꦴꦫꦺꦴ​ꦢꦶꦠꦏꦺꦴꦤ꧀ꦤꦶ​:'ꦭꦃ​ꦲꦸꦠꦁꦩꦸ​ꦥꦶꦫ​?’ꦮꦺꦴꦁ​ꦔꦺ​ꦱꦼꦩꦲꦸꦂ​:'ꦒꦤ꧀ꦢꦸꦩ꧀ꦱꦠꦸꦱ꧀ꦱꦏꦃ!’ꦥꦼꦚ꧀ꦗꦮꦧ꧀ꦧꦤ꧀ꦢꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:'ꦚ​ꦲꦶꦏꦶ​ꦭꦪꦁ​ꦲꦸꦠꦁꦩꦸ​꧉​ꦔ꧀ꦒꦮꦺꦪ​ꦭꦪꦁ​ꦭꦶꦪꦤꦺ​꧈​ꦢꦶꦠꦸꦭꦶꦱ꧀꧇꧘꧐꧇​ꦱꦏꦃ꧉​’

8꧋“ꦥꦼꦚ꧀ꦗꦮꦧ꧀ꦧꦤ꧀ꦢꦩꦲꦸ​ꦢꦶꦲꦼꦊꦩ꧀ꦏꦫꦺꦴ​ꦱꦶꦁ​ꦤ꧀ꦢꦸꦮꦺꦧꦤ꧀ꦢꦲꦼꦁꦒꦺꦴꦤꦺ​ꦤ꧀ꦢꦸꦮꦺꦲꦏꦭ꧀ꦔꦺꦴꦤꦺꦴ​꧈​ꦲꦮꦶꦠ꧀ꦮꦺꦴꦁ​ꦏꦢꦺꦴꦚꦃꦲꦤ꧀ꦤꦺꦏ꧀ꦔꦸꦫꦸꦱ꧀ꦲꦥꦲꦥ​ꦲꦏꦭ꧀ꦭꦺ​ꦔꦸꦁꦏꦸꦭ꧀ꦭꦶ​ꦮꦺꦴꦁ​ꦱꦶꦁ​ꦤꦸꦫꦸꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​꧉​”

9꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦫꦸꦔꦺꦴꦏ꧀ꦏꦏꦺꦠꦼꦩ꧀ꦧꦸꦁꦠꦼꦩ꧀ꦧꦸꦁꦏꦸꦲꦶꦏꦶ​꧉​ꦧꦤ꧀ꦢꦏꦢꦺꦴꦚꦃꦲꦤ꧀ꦏꦸꦮꦶ​ꦲꦼꦁꦒꦺꦴꦤ꧀ꦤꦼꦤ꧀ꦏꦁꦒꦺꦴ​ꦔ꧀ꦒꦺꦴꦭꦺꦏ꧀ꦏꦚ꧀ꦕ​꧈​ꦢꦢꦶꦤꦺ​ꦤꦺꦏ꧀ꦧꦤ꧀ꦢꦏꦸꦮꦶ​ꦲꦼꦤ꧀ꦠꦺꦏ꧀ ꦏꦺꦴꦮꦺ​ꦧꦏꦭ꧀ꦢꦶꦠꦩ꧀ꦥꦤꦶ​ꦤꦁꦲꦺꦴꦩꦃ​ꦱꦶꦁ​ꦭꦁꦒꦼꦁ​꧉​ 10ꦱꦥ​ꦱꦶꦁ​ꦠꦼꦩꦼꦤ꧀ꦏꦫꦺꦴ​ꦥꦽꦏꦫ​ꦱꦶꦁ​ꦕꦶꦭꦶꦏ꧀ ꦮꦺꦴꦁ​ꦏꦸꦮꦶ​ꦲꦸꦒ​ꦏꦼꦤꦺꦁꦢꦶꦥꦽꦕꦪ​ꦏꦫꦺꦴ​ꦥꦽꦏꦫ​ꦱꦶꦁ​ꦒꦼꦢꦺ꧉​ꦤꦁꦔꦶꦁ​ꦱꦥ​ꦱꦶꦁ​ꦲꦺꦴꦫ​ꦠꦼꦩꦼꦤ꧀ꦏꦫꦺꦴ​ꦥꦽꦏꦫ​ꦱꦶꦁ​ꦕꦶꦭꦶꦏ꧀ ꦮꦺꦴꦁ​ꦏꦸꦮꦶ​ꦪ​ꦲꦺꦴꦫ​ꦠꦼꦩꦼꦤ꧀ꦏꦫꦺꦴ​ꦥꦽꦏꦫ​ꦱꦶꦁ​ꦒꦼꦢꦺ꧉​ 11ꦢꦢꦶꦤꦺ​꧈​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦠꦼꦩꦼꦤ꧀ꦏꦫꦺꦴ​ꦧꦤ꧀ꦢꦏꦢꦺꦴꦚꦃꦲꦤ꧀ꦲꦶꦏꦶ​꧈​ꦱꦥ​ꦱꦶꦁ​ꦧꦏꦭ꧀ꦥꦽꦕꦪ​ꦩꦫꦁ​ꦏꦺꦴꦮꦺ​ꦏꦫꦺꦴ​ꦧꦤ꧀ꦢꦏꦱ꧀ꦮꦂꦒꦤ꧀꧈​ 12ꦭꦃ​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦠꦼꦩꦼꦤ꧀ꦏꦫꦺꦴ​ꦧꦫꦁꦔꦺ​ꦮꦺꦴꦁ​ꦭꦶꦪ​꧈​ꦱꦥ​ꦱꦶꦁ​ꦲꦉꦥ꧀ꦔꦼꦏꦺꦏ꧀ꦏꦏꦺꦧꦫꦁꦩꦸ​ꦩꦫꦁ​ꦏꦺꦴꦮꦺ​?

13꧋“ꦲꦺꦴꦫ​ꦲꦺꦤꦺꦁꦮꦺꦴꦁ​ꦱꦶꦁ​ꦧꦶꦱ​ꦔꦿꦁꦏꦼꦥ꧀​ꦔ꧀ꦭꦢꦺꦤ꧀ꦤꦶ​ꦒꦸꦱ꧀ꦠꦶ​ꦭꦺꦴꦫꦺꦴ​꧉​ꦲꦮꦶꦠ꧀ꦮꦺꦴꦁꦔꦺ​ꦧꦏꦭ꧀ꦱꦼꦔꦶꦠ꧀ꦩꦫꦁ​ꦱꦶꦁ​ꦱꦶꦗꦶ​ꦭꦤ꧀ꦤꦿꦺꦱ꧀ꦤꦤ꧀ꦤꦶꦭꦶꦪꦤꦺ​ꦲꦥ​ꦔꦼꦊꦩ꧀ꦱꦶꦁ​ꦱꦶꦗꦶ​ꦭꦤ꧀ꦚꦼꦥꦺꦭꦺꦏ꧀ꦏꦏꦺꦭꦶꦪꦤꦺ​꧉​ꦏꦺꦴꦮꦺ​ꦲꦺꦴꦫ​ꦧꦶꦱ​ꦔꦮꦸꦭ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦸꦒ​ꦔꦮꦸꦭ​ꦩꦫꦁ​ꦢꦸꦮꦶꦠ꧀꧈​”

꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦧꦧ꧀ꦥꦽꦏꦫ​ꦱꦶꦗꦶꦭꦺꦴꦫꦺꦴ꧉​

14꧋ꦮꦺꦴꦁ​ꦥ꦳ꦫꦶꦱꦶ​ꦥꦢ​ꦏꦿꦸꦔꦸ​ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​ꦏꦧꦺꦃ​꧈​ꦩꦸꦭꦤꦺ​ꦥꦢ​ꦚꦼꦩ꧀ꦧꦿꦤꦤꦶ​ꦢꦺꦏ꧀ꦤꦺ꧉​ 15ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​:“ꦤꦁꦔꦉꦥ꧀ꦥꦺ​ꦩꦤꦸꦁꦱ​ꦏꦺꦴꦮꦺ​ꦧꦶꦱ​ꦔꦺꦴꦩꦺꦴꦁꦤꦺꦏ꧀ꦏꦺꦴꦮꦺ​ꦏꦸꦮꦶ​ꦧꦼꦤꦼꦂ​꧈​ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦂꦠꦶ​ꦲꦥ​ꦱꦶꦁ​ꦲꦤ​ꦲꦶꦁ​ꦚ꧀ꦗꦼꦫꦺꦴꦤꦺ​ꦲꦠꦶꦩꦸ​꧉​ꦲꦮꦶꦠ꧀ꦲꦥ​ꦱꦶꦁ​ꦢꦶꦲꦁꦒꦼꦥ꧀ꦥꦶꦤꦸꦚ꧀ꦗꦸꦭ꧀ꦏꦫꦺꦴ​ꦩꦤꦸꦁꦱ​꧈​ꦏꦸꦮꦶ​ꦢꦶꦲꦁꦒꦼꦥ꧀ꦲꦱꦺꦴꦂ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

16꧋“ꦮꦺꦠ꧀ꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦭꦤ꧀ꦏꦶꦠꦧ꧀ꦏꦶꦠꦧ꧀ꦧꦺ​ꦥꦫ​ꦤꦧꦶ​ꦏꦸꦮꦶ​ꦏꦁꦒꦺꦴꦤꦺ​ꦤꦩꦸꦁ​ꦔꦤ꧀ꦠꦶ​ꦗꦩꦤ꧀ꦤꦺ​ꦪꦺꦴꦲꦤꦼꦱ꧀ꦥꦼꦩ꧀ꦧꦥ꧀ꦠꦶꦱ꧀꧈​ꦮꦶꦮꦶꦠ꧀ꦮꦏ꧀ꦠꦸ​ꦏꦸꦮꦶ​ꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦶꦒꦼꦭꦂꦫꦏꦺꦤꦁꦲꦼꦤ꧀ꦢꦶꦲꦼꦤ꧀ꦢꦶ​꧉​ꦮꦺꦴꦁ​ꦥꦢ​ꦔꦸꦢꦶ​ꦱꦏ꧀ꦏꦸꦮꦠ꧀ꦠꦺꦏꦼꦥꦺꦔꦶꦤ꧀​ꦩ꧀ꦊꦧꦸ​ꦲꦶꦁ​ꦏꦿꦠꦺꦴꦤꦺ​ꦄꦭ꧀ꦭꦃ​ꦩꦲꦸ​꧉​ 17ꦭꦔꦶꦠ꧀ꦭꦤ꧀ꦧꦸꦩꦶ​ꦏꦸꦮꦶ​ꦩꦭꦃ​ꦒꦩ꧀ꦥꦁ​ꦲꦶꦭꦁ​꧈​ꦠꦼꦤꦶꦩ꧀ꦧꦁꦲꦶꦭꦁꦔꦺ​ꦕꦼꦕꦼꦏ꧀​ꦱꦶꦗꦶ​ꦮꦲꦺ​ꦱꦁꦏꦮꦺꦠ꧀ꦠꦺꦤꦧꦶ​ꦩꦺꦴꦱꦼꦱ꧀꧈​

18꧋“ꦱꦥ​ꦱꦶꦁ​ꦩꦼꦒꦠ꧀ꦧꦺꦴꦗꦺꦴꦤꦺ​ꦠꦼꦫꦸꦱ꧀ꦏꦮꦶꦤ꧀ꦏꦫꦺꦴ​ꦭꦶꦪꦤꦺ​꧈​ꦮꦺꦴꦁ​ꦏꦸꦮꦶ​ꦭꦏꦸ​ꦧꦺꦢꦁ꧉​ꦮꦺꦴꦁ​ꦭꦤꦁ​ꦱꦶꦁ​ꦏꦮꦶꦤ꧀ꦏꦫꦺꦴ​ꦮꦺꦴꦁ​ꦱꦶꦁ​ꦢꦶꦥꦼꦒꦠ꧀ꦩꦲꦸ​꧈​ꦏꦸꦮꦶ​ꦪ​ꦭꦏꦸ​ꦧꦺꦢꦁ꧉​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦮꦺꦴꦁ​ꦱꦸꦒꦶꦃ​ꦭꦤ꧀ꦭꦱꦫꦸꦱ꧀꧈​

19꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦺꦤꦺꦁꦮꦺꦴꦁ​ꦱꦸꦒꦶꦃ​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦱꦶꦁ​ꦲꦥꦶꦏ꧀ꦧꦔꦼꦠ꧀ꦭꦤ꧀ꦢꦶꦤꦢꦶꦤ​ꦤꦩꦸꦁ​ꦥꦺꦱ꧀ꦠꦫꦩꦺ꧉​ 20ꦭꦤ꧀ꦲꦸꦒ​ꦲꦺꦤꦺꦁꦮꦺꦴꦁ​ꦔꦼꦩꦶꦱ꧀ꦗꦼꦤꦼꦁꦔꦺ​ꦭꦱꦫꦸꦱ꧀꧈​ꦭꦱꦫꦸꦱ꧀ꦲꦮꦏ꧀ꦏꦺ​ꦱꦏ꧀ꦏꦸꦗꦸꦂꦒꦸꦢꦶꦏ꧀ꦏꦼꦤ꧀ ꦔ꧀ꦭꦺꦱꦺꦴꦠ꧀ꦤꦁꦔꦉꦥ꧀ꦭꦮꦁꦔꦺ​ꦮꦺꦴꦁ​ꦱꦸꦒꦶꦃ​ꦩꦲꦸ​꧉​ 21ꦭꦱꦫꦸꦱ꧀ꦏꦼꦥꦺꦔꦶꦤ꧀ꦩꦁꦔꦤ꧀ꦠꦸꦫꦃꦲꦤ꧀ꦤꦺ​ꦥꦺꦱ꧀ꦠꦤꦺ​ꦮꦺꦴꦁ​ꦱꦸꦒꦶꦃ​ꦩꦲꦸ​꧉​ꦢꦺꦏ꧀ꦤꦺꦩꦭꦃ​ꦢꦶꦥꦫꦤ꧀ꦤꦶ​ꦲꦱꦸꦲꦱꦸ​ꦱꦶꦁ​ꦤ꧀ꦢꦶꦭꦠ꧀ꦠꦶ​ꦧꦺꦴꦫꦺꦴꦏ꧀ꦏꦺ​꧉​

22꧋“ꦲꦺꦴꦫ​ꦊꦠ꧀ꦱꦸꦮꦶꦭꦱꦫꦸꦱ꧀ꦩꦠꦶ​꧈​ꦠꦼꦫꦸꦱ꧀ꦚꦮꦤꦺ​ꦢꦶꦒꦮ​ꦩꦸꦭꦺꦏꦠ꧀ꦤꦁꦱ꧀ꦮꦂꦒ​꧈​ꦕꦼꦢꦼꦏ꧀​ꦏꦫꦺꦴ​ꦧꦥ​ꦄꦨꦿꦲꦩ꧀꧈​ꦮꦺꦴꦁ​ꦱꦸꦒꦶꦃ​ꦩꦲꦸ​ꦲꦸꦒ​ꦩꦠꦶ​ꦠꦼꦫꦸꦱ꧀ꦢꦶꦏꦸꦧꦸꦂ​꧉​ 23ꦤꦁꦏꦺꦴꦤꦺꦴ​ꦮꦺꦴꦁ​ꦱꦸꦒꦶꦃ​ꦩꦲꦸ​ꦤꦤ꧀ꦢꦁꦱꦁꦱꦫ​ꦱꦶꦁ​ꦒꦼꦢꦺꦧꦔꦼꦠ꧀꧈​ꦏꦢꦸꦁ​ꦤ꧀ꦢꦼꦭꦺꦴꦏ꧀ꦩꦼꦤ꧀ꦢꦸꦮꦸꦂ꧈​ꦮꦺꦴꦁ​ꦱꦸꦒꦶꦃ​ꦩꦲꦸ​ꦮꦼꦫꦸꦃ​ꦧꦥ​ꦄꦨꦿꦲꦩ꧀ꦱꦁꦏꦏꦢꦺꦴꦃꦲꦤ꧀ꦭꦤ꧀ꦭꦱꦫꦸꦱ꧀ꦤꦁꦱꦼꦧꦼꦭꦃꦲꦺ꧉​ 24ꦮꦺꦴꦁ​ꦱꦸꦒꦶꦃ​ꦩꦲꦸ​ꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀:'ꦢꦸꦃ​ꦧꦥ​ꦄꦨꦿꦲꦩ꧀!ꦩ꧀ꦧꦺꦴꦏ꧀ꦲꦏꦸ​ꦢꦶꦩꦼꦭꦱ꧀ꦱꦶ꧉​ꦩ꧀ꦧꦺꦴꦏ꧀ꦭꦱꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦔꦼꦕ꧀ꦭꦸꦥ꧀ꦥꦏꦺ​ꦢꦿꦶꦗꦶꦤꦺ​ꦤꦁꦧꦚꦸ​ꦭꦤ꧀ꦤꦺꦠꦺꦱ꧀ꦱꦏꦺꦧꦚꦸ​ꦩꦲꦸ​ꦤꦁꦲꦶꦭꦠ꧀ꦏꦸ​꧈​ꦲꦮꦶꦠ꧀ꦲꦏꦸ​ꦔꦿꦱꦏ꧀ꦏꦏꦺꦭꦫ​ꦤꦁꦒꦼꦤꦶ​ꦩꦸꦫꦸꦥ꧀ꦲꦶꦏꦶ​!’

25꧋“ꦤꦁꦔꦶꦁ​ꦧꦥ​ꦄꦨꦿꦲꦩ꧀ꦱꦼꦩꦲꦸꦂ​:'ꦲꦺꦭꦶꦁꦔ​ꦔ꧀ꦒꦺꦂ​ꦲꦤꦏ꧀ꦏꦸ​꧈​ꦢꦺꦴꦁꦔꦺꦏꦺꦴꦮꦺ​ꦲꦸꦫꦶꦥ꧀ꦲꦶꦁ​ꦢꦺꦴꦚ​ꦏꦺꦴꦮꦺ​ꦮꦶꦱ꧀ꦤꦩ꧀ꦥ​ꦱꦼꦩ꧀ꦧꦫꦁ​ꦱꦶꦁ​ꦲꦥꦶꦏ꧀ ꦤꦁꦔꦶꦁ​ꦭꦱꦫꦸꦱ꧀ꦤꦩꦸꦁ​ꦤꦩ꧀ꦥ​ꦱꦶꦁ​ꦲꦺꦴꦫ​ꦏꦼꦥꦺꦤꦏ꧀꧈​ꦱꦲꦶꦏꦶ​ꦒꦼꦤ꧀ꦠꦺꦤ꧀ꦭꦱꦫꦸꦱ꧀ꦤꦁꦏꦺꦤꦺ​ꦏꦼꦥꦺꦤꦏ꧀ ꦭꦃ​ꦏꦺꦴꦮꦺ​ꦤꦤ꧀ꦢꦁꦱꦶꦁ​ꦲꦺꦴꦫ​ꦏꦼꦥꦺꦤꦏ꧀꧈​ 26ꦏꦼꦗꦧ​ꦱꦁꦏꦏꦸꦮꦶ​꧈​ꦤꦁꦠꦼꦔꦃꦲꦺ​ꦲꦏꦸ​ꦭꦤ꧀ꦏꦺꦴꦮꦺ​ꦲꦺꦤꦺꦁꦗꦸꦫꦁ​ꦱꦶꦁ​ꦲꦺꦴꦫ​ꦏꦼꦤꦺꦁꦢꦶꦭꦸꦩ꧀ꦥꦠ꧀ꦠꦶ꧉​ꦮꦺꦴꦁ​ꦱꦁꦏꦏꦺꦤꦺ​ꦲꦺꦴꦫ​ꦧꦶꦱ​ꦩ꧀ꦧꦿꦺꦴꦤꦺꦴꦭꦤ꧀ꦮꦺꦴꦁ​ꦱꦁꦏꦏꦺꦴꦤꦺꦴ​ꦪ​ꦲꦺꦴꦫ​ꦧꦶꦱ​ꦩ꧀ꦧꦿꦺꦤꦺ꧉'​ 27ꦮꦺꦴꦁ​ꦱꦸꦒꦶꦃ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:'ꦤꦺꦏ꧀ꦔꦺꦴꦤꦺꦴ​꧈​ꦲꦩ꧀ꦧꦺꦴꦏ꧀ꦲꦏꦸ​ꦚꦸꦮꦸꦤ꧀ꦠꦼꦤꦤ꧀ ꦱꦸꦥꦪ​ꦭꦱꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦩꦫꦤꦶ​ꦲꦺꦴꦩꦃꦲꦺ​ꦧꦥꦏ꧀ꦏꦸ​꧉​ 28ꦲꦮꦶꦠ꧀ꦲꦏꦸ​ꦲꦶꦗꦶꦏ꧀​ꦤ꧀ꦢꦸꦮꦺꦱꦼꦢꦸꦭꦸꦂ​ꦭꦶꦩ​꧉​ꦩꦸꦒꦩꦸꦒ​ꦱꦼꦢꦸꦭꦸꦂꦏꦸ​ꦲꦗ​ꦱꦩ꧀ꦥꦺꦏ꧀ꦥꦢ​ꦩ꧀ꦊꦧꦸ​ꦤꦁꦥꦁꦒꦺꦴꦤ꧀ꦤꦤ꧀ꦏꦱꦁꦱꦫꦤ꧀ꦲꦶꦏꦶ​꧉​’

29꧋“ꦤꦁꦔꦶꦁ​ꦧꦥ​ꦄꦨꦿꦲꦩ꧀ꦱꦼꦩꦲꦸꦂ​:'ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦭꦲꦸꦠ꧀ꦥꦢ​ꦤ꧀ꦢꦸꦮꦺꦏꦶꦠꦧ꧀ꦏꦶꦠꦧ꧀ꦧꦺ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦥꦫ​ꦤꦧꦶ​ꦭꦶꦪꦤꦺ​ꦠ​?ꦪ​ꦏꦸꦮꦶ​ꦱꦶꦁ​ꦏꦸꦢꦸ​ꦢꦶꦠꦸꦫꦸꦠ꧀!’ 30ꦮꦺꦴꦁ​ꦱꦸꦒꦶꦃ​ꦩꦲꦸ​ꦲꦶꦗꦶꦏ꧀ꦩꦼꦏ꧀ꦱ​ꦚꦸꦮꦸꦤ꧀:'ꦲꦩ꧀ꦧꦺꦴꦏ꧀ꦪ​ꦠ​ꦧꦥ​ꦄꦨꦿꦲꦩ꧀ ꦏꦸꦮꦶ​ꦢꦸꦫꦸꦁ​ꦕꦸꦏꦸꦥ꧀꧈​ꦤꦁꦔꦶꦁ​ꦤꦺꦏ꧀ꦲꦺꦤꦺꦁꦮꦺꦴꦁ​ꦩꦠꦶ​ꦠꦼꦫꦸꦱ꧀ꦲꦸꦫꦶꦥ꧀ꦩꦼꦤꦺꦃ​ꦭꦤ꧀ꦩꦫꦤꦶ​ꦱꦼꦢꦸꦭꦸꦂꦱꦼꦢꦸꦭꦸꦂꦏꦸ​꧈​ꦩꦼꦤꦮ​ꦠꦼꦫꦸꦱ꧀ꦥꦢ​ꦤꦶꦁꦒꦭ꧀ꦲꦸꦫꦶꦥ꧀ꦢꦺꦴꦱ​꧉'​ 31ꦤꦁꦔꦶꦁ​ꦧꦥ​ꦄꦨꦿꦲꦩ꧀ꦱꦼꦩꦲꦸꦂ​ꦩꦼꦤꦺꦃ​:'ꦤꦺꦏ꧀ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦲꦺꦴꦫ​ꦒꦼꦊꦩ꧀ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦥꦫ​ꦤꦧꦶ​ꦭꦶꦪꦤꦺ​꧈​ꦩꦼꦱ꧀ꦠꦶꦪ​ꦲꦺꦴꦫ​ꦧꦏꦭ꧀ꦥꦢ​ꦥꦽꦕꦪ​꧈​ꦱꦼꦤꦗꦤ꧀ꦲꦺꦤꦺꦁꦮꦺꦴꦁ​ꦩꦠꦶ​ꦠꦔꦶ​ꦱꦁꦏꦏꦸꦧꦸꦂꦫꦤ꧀ꦤꦺ​ꦭꦤ꧀ꦔꦺꦴꦩꦺꦴꦁꦔꦶꦮꦺꦴꦁꦮꦺꦴꦁ​ꦏꦸꦮꦶ​!’” ↑ ↑ ↑


꧋ꦧꦧ꧀ꦢꦺꦴꦱ​꧉​

꧇​꧑꧗꧇​ 1꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦢꦺ​:“ꦲꦺꦤꦺꦁꦥꦽꦏꦫꦥꦽꦏꦫ​ꦱꦶꦁ​ꦩꦫꦏ꧀ꦏꦏꦺꦮꦺꦴꦁ​ꦠꦶꦧ​ꦲꦶꦁ​ꦢꦺꦴꦱ​꧈​ꦤꦁꦔꦶꦁ​ꦕꦶꦭꦏ​ꦧꦔꦼꦠ꧀ꦮꦺꦴꦁ​ꦱꦶꦁ​ꦢꦢꦶ​ꦗꦭꦂꦫꦤ꧀ꦤꦺ​꧉​ 2ꦲꦥꦶꦏ꧀ꦏꦺ​ꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦢꦶꦏꦭꦸꦁꦔꦶ​ꦮꦠꦸ​ꦒꦶꦭꦶꦁꦔꦤ꧀ ꦠꦼꦫꦸꦱ꧀ꦢꦶꦕꦼꦩ꧀ꦥ꧀ꦭꦸꦁ​ꦔꦏꦺ​ꦤꦁꦱꦼꦒꦫ​꧉​ꦲꦥꦶꦏ꧀ꦔꦺꦴꦤꦺꦴ​ꦠꦼꦤꦶꦩ꧀ꦧꦁꦮꦺꦴꦁ​ꦏꦸꦮꦶ​ꦩꦫꦏ꧀ꦏꦏꦺꦮꦺꦴꦁ​ꦥꦽꦕꦪ​ꦱꦶꦁ​ꦲꦶꦗꦶꦏ꧀ꦫꦶꦁꦏꦶꦃ​ꦔ꧀ꦒꦮꦺ​ꦢꦺꦴꦱ​꧉​ 3ꦩꦸꦭꦤꦺ​ꦥꦢ​ꦱꦶꦁ​ꦲꦠꦶꦲꦠꦶ!

꧋“ꦤꦺꦏ꧀ꦱꦼꦢꦸꦭꦸꦂꦩꦸꦔ꧀ꦒꦮꦺ​ꦢꦺꦴꦱ​꧈​ꦢꦶꦮꦼꦭꦺꦃꦲꦏꦺ꧉​ꦤꦺꦏ꧀ꦢꦺꦏ꧀ꦤꦺꦫꦸꦩꦁꦱ​ꦒꦼꦠꦸꦤ꧀ꦲꦼꦁꦒꦺꦴꦤꦺ​ꦔ꧀ꦒꦮꦺ​ꦢꦺꦴꦱ​꧈​ꦢꦶꦔꦥꦸꦫ꧉​ 4ꦱꦼꦩꦸꦁꦒꦺꦴꦤ꧀ꦤꦺꦱꦼꦢꦸꦭꦸꦂ​ꦏꦸꦮꦶ​ꦔ꧀ꦒꦮꦺ​ꦢꦺꦴꦱ​ꦩꦫꦁ​ꦏꦺꦴꦮꦺ​ꦱꦩ꧀ꦥꦺꦏ꧀ꦥꦶꦁ​ꦥꦶꦠꦸ​ꦱꦼꦢꦶꦤ​ꦭꦤ꧀ꦥꦶꦁ​ꦥꦶꦠꦸ​ꦢꦺꦏ꧀ꦤꦺꦤꦁꦔ꧀ꦒꦺꦴꦤ꧀ꦩꦸ​ꦚ꧀ꦗꦭꦸꦏ꧀ꦔꦥꦸꦫ​꧈​ꦱꦼꦢꦸꦭꦸꦂ​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦔꦥꦸꦫ​꧉​”

꧋ꦧꦧ꧀ꦥꦼꦔꦤ꧀ꦢꦼꦭ꧀꧈​

5꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦚꦸꦮꦸꦤ꧀ꦢꦶꦠꦩ꧀ꦧꦃꦲꦶ​ꦥꦼꦔꦤ꧀ꦢꦼꦭ꧀ꦭꦺ​꧉​” 6ꦒꦸꦱ꧀ꦠꦶꦪꦺꦯꦸꦱ꧀ꦱꦼꦩꦲꦸꦂ:“ꦤꦺꦏ꧀ꦏꦺꦴꦮꦺꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀ꦱꦶꦁꦒꦼꦢꦺꦤꦺꦱꦏ꧀ꦮꦶꦗꦶꦱꦶꦁꦕꦶꦭꦶꦏ꧀ꦢꦺꦮꦺ꧈​ꦏꦺꦴꦮꦺꦧꦶꦱꦔꦺꦴꦩꦺꦴꦁꦩꦫꦁꦮꦶꦠ꧀ꦲꦚ꧀ꦗꦶꦂꦲꦶꦏꦶ:'ꦩ꧀ꦧꦼꦢꦺꦴꦭ꧀ꦭꦭꦤ꧀ꦩꦚ꧀ꦕꦼꦥꦤꦁꦱꦼꦒꦫ꧈'​ꦩꦼꦱ꧀ꦠꦶꦮꦶꦠ꧀ꦩꦲꦸꦧꦏꦭ꧀ꦩꦤꦸꦠ꧀ꦠꦼꦩ꧀ꦧꦸꦁꦩꦸ꧉​”

꧋ꦏꦸꦮꦗꦶꦧ꧀ꦧꦤ꧀ꦤꦺꦱ꧀ꦭꦥ꦳꧀꧈​

7꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦱꦼꦩꦸꦁꦒꦺꦴꦤ꧀ꦤꦺꦤꦁꦠꦼꦔꦃꦩꦸ​ꦲꦺꦤꦺꦁꦱꦶꦁ​ꦤ꧀ꦢꦸꦮꦺꦱ꧀ꦭꦥ꦳꧀ꦱꦶꦁ​ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦔꦼꦥ꧀ꦭꦸꦏ꧀ꦲꦥ​ꦲꦔꦺꦴꦤ꧀ꦮꦼꦢꦸꦱ꧀ ꦩꦺꦴꦱꦺꦴꦏ꧀ꦤꦺꦏ꧀ꦱ꧀ꦭꦥ꦳꧀ꦩꦲꦸ​ ꦩꦸꦭꦶꦃ​ꦱꦁꦏꦥꦼꦁꦒꦮꦺꦪꦤ꧀ꦏꦸꦠꦼꦫꦸꦱ꧀ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁꦔꦶ:'ꦏꦺꦤꦺ​ꦤ꧀ꦢꦁꦩꦁꦔꦤ꧀!’ 8ꦩꦼꦱ꧀ꦠꦶꦲꦺꦴꦫ​ꦠ​!ꦏꦺꦴꦮꦺ​ꦩꦭꦃ​ꦧꦏꦭ꧀ꦔꦺꦴꦩꦺꦴꦁ:'ꦩꦔꦤ꧀ꦏꦸ​ꦤ꧀ꦢꦁꦢꦶꦠꦠ​!ꦔꦁꦒꦺꦴꦮ​ꦱꦭꦶꦤ꧀ꦉꦱꦶꦏ꧀ꦭꦤ꧀ꦠꦸꦁꦒꦺꦴꦤ꧀ꦤꦶꦲꦼꦁꦒꦺꦴꦤ꧀ꦏꦸ​ꦩꦁꦔꦤ꧀ꦠꦼꦏꦤ꧀ꦫꦩ꧀ꦥꦸꦁꦔꦺ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦏꦺꦴꦮꦺ​ꦏꦤ​ꦩꦁꦔꦤ꧀꧉'​ 9ꦱ꧀ꦭꦥ꦳꧀ꦏꦸꦮꦶ​ꦭꦲꦸꦠ꧀ꦲꦺꦴꦫ​ꦲꦸꦱꦃꦢꦶꦲꦼꦊꦩ꧀ꦲꦼꦁꦒꦺꦴꦤꦺ​ꦩꦤꦸꦠ꧀ꦥꦿꦺꦤ꧀ꦠꦃꦲꦺ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​? 10ꦩꦼꦁꦏꦺꦴꦤꦺꦴ​ꦲꦸꦒ​ꦏꦺꦴꦮꦺ​꧉​ꦤꦺꦏ꧀ꦏꦺꦴꦮꦺ​ꦮꦶꦱ꧀​ꦔ꧀ꦭꦏꦺꦴꦤ꧀ꦤꦶ​ꦏꦧꦺꦃ​ꦱꦶꦁ​ꦢꦶꦥꦿꦺꦤ꧀ꦠꦃ​꧈​ꦏꦺꦴꦮꦺ​ꦚꦼꦧꦸꦠ꧀ꦠ:'ꦲꦏꦸ​ꦲꦶꦏꦶ​ꦤꦩꦸꦁ​ꦱ꧀ꦭꦥ꦳꧀ꦱꦶꦁ​ꦭꦸꦩꦿꦃ​꧈​ꦤꦩꦸꦁ​ꦔ꧀ꦭꦏꦺꦴꦤ꧀ꦤꦶ​ꦏꦸꦮꦗꦶꦧ꧀ꦧꦤ꧀ꦏꦸ​꧉​’”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦱ꧀ꦱꦏꦺꦮꦺꦴꦁ​ꦭꦫ​ꦭꦺꦥꦿ​ꦱꦼꦥꦸꦭꦸꦃ​꧉​

11꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦭꦏꦸꦤꦺꦤꦁꦏꦸꦠꦪꦺꦫꦸꦱꦭꦺꦩ꧀ ꦢꦺꦏ꧀ꦤꦺꦔ꧀ꦭꦶꦮꦠ꧀ꦠꦶ​ꦧꦮꦃꦏꦺꦴꦩ꧀ꦥꦱ꧀ꦱꦺꦢꦶꦱ꧀ꦠꦿꦶꦏ꧀ꦱꦩꦫꦶꦪ​ꦭꦤ꧀ꦢꦶꦱ꧀ꦠꦿꦶꦏ꧀ꦓꦭꦶꦭꦺꦪ​꧉​ 12ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦱꦏ꧀ꦮꦶꦗꦶꦤꦺꦢꦺꦱ​ꦲꦺꦤꦺꦁꦮꦺꦴꦁ​ꦭꦫ​ꦭꦺꦥꦿ​ꦱꦼꦥꦸꦭꦸꦃ​ꦩꦫꦤꦶ​ꦢꦺꦏ꧀ꦤꦺ꧉​ 13ꦮꦺꦴꦁꦮꦺꦴꦁ​ꦩꦲꦸ​ꦔꦢꦼꦏ꧀ꦭꦤ꧀ꦧꦼꦔꦺꦴꦏ꧀ꦧꦼꦔꦺꦴꦏ꧀ꦱꦁꦏꦏꦢꦺꦴꦃꦲꦤ꧀ꦔꦺꦴꦩꦺꦴꦁ:“ꦪꦺꦯꦸꦱ꧀ ꦒꦸꦫꦸ​꧈​ꦲꦩ꧀ꦧꦺꦴꦏ꧀ꦲꦮꦏ꧀ꦏꦺ​ꦢꦺꦮꦺꦢꦶꦩꦼꦭꦱ꧀ꦱꦶ!”

14꧋ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦢ​ꦭꦸꦔꦲ​꧈​ꦲꦮꦏ꧀ꦩꦸ​ꦢꦶꦢꦸꦢꦸꦃꦲꦏꦺꦩꦫꦁ​ꦥꦫ​ꦲꦶꦩꦩ꧀꧈​”

꧋ꦱꦏ꧀ꦧꦉꦁꦔꦺꦩ꧀ꦭꦏꦸ​ꦮꦺꦴꦁꦮꦺꦴꦁ​ꦩꦲꦸ​ꦩꦭꦶꦃ​ꦮꦫꦱ꧀꧈​ 15ꦲꦺꦤꦺꦁꦱꦶꦗꦶ​ꦮꦼꦫꦸꦃ​ꦤꦺꦏ꧀ꦮꦶꦱ꧀ꦮꦫꦱ꧀ ꦠꦼꦫꦸꦱ꧀ꦧꦭꦶꦏ꧀ꦏꦫꦺꦴ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦁꦒꦺꦴ​ꦱ꧀ꦮꦫ​ꦧꦤ꧀ꦠꦼꦂ​꧉​ 16ꦮꦺꦴꦁ​ꦩꦲꦸ​ꦠꦼꦫꦸꦱ꧀ꦱꦸꦗꦸꦠ꧀ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦩꦠꦸꦂꦏꦼꦱꦸꦮꦸꦤ꧀꧈​ꦏꦸꦮꦶ​ꦮꦺꦴꦁ​ꦯꦩꦫꦶꦠꦤ꧀꧈​ 17ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦥ​ꦲꦺꦴꦫ​ꦮꦺꦴꦁ​ꦱꦼꦥꦸꦭꦸꦃ​ꦱꦶꦁ​ꦢꦶꦮꦫꦱ꧀ꦱꦏꦺ?ꦭꦃ​ꦱꦶꦁ​ꦱꦔ​ꦤꦁꦲꦼꦤ꧀ꦢꦶ​? 18ꦲꦥ​ꦲꦺꦴꦫ​ꦧꦶꦱ​ꦠꦼꦏ​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​?ꦏꦼꦤꦺꦁꦲꦥ​ꦏꦺꦴꦏ꧀ꦩꦭꦃ​ꦤꦩꦸꦁ​ꦮꦺꦴꦁ​ꦱꦶꦁ​ꦢꦸꦢꦸ​ꦙꦸꦲꦶꦏꦶ​ꦱꦶꦁ​ꦧꦭꦶꦏ꧀?” 19ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦯꦩꦫꦶꦠꦤ꧀ꦩꦲꦸ​:“ꦔꦢꦼꦏ꧀ꦏ꧈​ꦏꦤ​ꦩꦸꦭꦶꦃ​꧈​ꦥꦼꦔꦤ꧀ꦢꦼꦭ꧀ꦩꦸ​ꦮꦶꦱ꧀ꦩꦫꦱ꧀ꦱꦏꦺꦏꦺꦴꦮꦺ​!”

꧋ꦠꦼꦏꦤꦺ​ꦏꦿꦠꦺꦴꦤꦺ​ꦄꦭ꧀ꦭꦃ​꧉​

20꧋ꦲꦺꦤꦺꦁꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦥꦤ꧀ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦶꦮꦶꦠ꧀ꦠꦶ​ꦏꦿꦠꦺꦴꦤꦺ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦲꦺꦴꦫ​ꦢꦶꦮꦶꦮꦶꦠ꧀ꦠꦶ​ꦔꦁꦒꦺꦴ​ꦠꦤ꧀ꦢꦠꦤ꧀ꦢꦱꦶꦁ​ꦏꦺꦠꦺꦴꦏ꧀꧈​ 21ꦮꦺꦴꦁ​ꦲꦺꦴꦫ​ꦧꦶꦱ​ꦔꦺꦴꦩꦺꦴꦁ:'ꦲꦺ​꧈​ꦢꦼꦭꦺꦴꦏ꧀ꦏꦼꦤ꧀ ꦲꦶꦏꦶ​ꦏꦿꦠꦺꦴꦤꦺ​ꦄꦭ꧀ꦭꦃ​!’ꦲꦥ​:'ꦭꦃ​ꦏꦲꦺ​ꦤꦁꦏꦤ​!’ꦲꦮꦶꦠ꧀ꦏꦿꦠꦺꦴꦤꦺ​ꦄꦭ꧀ꦭꦃ​ꦏꦸꦮꦶ​ꦤꦁꦠꦼꦔꦃꦩꦸ​꧉​”

22꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦧꦏꦭ꧀ꦲꦺꦤꦺꦁꦮꦏ꧀ꦠꦸꦩꦸꦏꦺꦴꦮꦺ​ꦥꦢ​ꦏꦼꦥꦺꦔꦶꦤ꧀ꦮꦼꦫꦸꦃ​ꦢꦶꦤꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧈​ꦱꦼꦤꦗꦤ꧀ꦤ​ꦤꦩꦸꦁ​ꦱꦼꦢꦶꦤ​꧈​ꦤꦁꦔꦶꦁ​ꦲꦺꦴꦫ​ꦧꦶꦱ​꧉​ 23ꦲꦩ꧀ꦧꦺꦱꦸꦏ꧀ꦧꦏꦭ꧀ꦲꦺꦤꦺꦁꦮꦺꦴꦁ​ꦱꦶꦁ​ꦔꦺꦴꦩꦺꦴꦁꦩꦫꦁ​ꦏꦺꦴꦮꦺ​:'ꦭꦃ​ꦏꦲꦺ​ꦤꦁꦏꦤ​꧈'​ꦲꦥ​꧈​'ꦭꦃ​ꦲꦶꦏꦶ​ꦤꦁꦏꦺꦤꦺ​!’ꦏꦺꦴꦮꦺ​ꦲꦗ​ꦔ꧀ꦒꦸꦒꦸ​ꦠꦼꦫꦸꦱ꧀ꦩꦼꦠꦸ​ꦔ꧀ꦒꦺꦴꦭꦺꦏ꧀ꦏꦶ​꧉​ 24ꦲꦮꦶꦠ꧀ꦏꦪ​ꦏ꧀ꦭꦺꦭꦥ꧀ꦥꦺꦧ꧀ꦊꦢꦺꦏ꧀ꦱꦶꦁ​ꦱꦼꦩ꧀ꦭꦺꦴꦫꦺꦴꦠ꧀ꦤꦁꦭꦔꦶꦠ꧀ꦱꦁꦏꦱꦼꦧꦼꦭꦃꦏꦺꦤꦺ​ꦠꦼꦏꦤ꧀ꦱꦼꦧꦼꦭꦃꦏꦤ​꧈​ꦩꦼꦁꦏꦺꦴꦤꦺꦴ​ꦲꦸꦒ​ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​ꦲꦶꦁ​ꦢꦶꦤ​ꦒꦼꦢꦺ​ꦏꦸꦮꦶ​꧉​ 25ꦤꦁꦔꦶꦁ​ꦢꦺꦏ꧀ꦤꦺꦏꦸꦢꦸ​ꦤꦤ꧀ꦢꦁꦱꦁꦱꦫ​ꦤ꧀ꦢꦶꦱꦶꦏ꧀ꦭꦤ꧀ꦢꦶꦠꦩ꧀ꦥꦶꦏ꧀ꦏꦫꦺꦴ​ꦮꦺꦴꦁꦮꦺꦴꦁ​ꦗꦩꦤ꧀ꦱꦲꦶꦏꦶ​꧉​ 26ꦲꦩ꧀ꦧꦺꦱꦸꦏ꧀ꦏꦲꦤꦤꦺꦲꦶꦁ​ꦗꦩꦤ꧀ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​ꦥꦢ​ꦮꦲꦺ​ꦏꦫꦺꦴ​ꦏꦲꦤꦤꦺꦲꦶꦁ​ꦗꦩꦤ꧀ꦤꦺ​ꦤꦧꦶ​ꦟꦺꦴꦮꦃ꧉​ 27ꦮꦺꦴꦁꦮꦺꦴꦁ​ꦥꦢ​ꦩꦔꦤ꧀ꦔꦺꦴꦩ꧀ꦧꦺ꧈​ꦲꦺꦴꦩꦃꦲꦺꦴꦩꦃ​꧈​ꦔꦤ꧀ꦠꦶ​ꦠꦼꦏꦤ꧀ꦢꦶꦤꦤꦺ​ꦤꦧꦶ​ꦟꦺꦴꦮꦃꦩ꧀ꦊꦧꦸ​ꦤꦁꦏꦥꦭ꧀ꦭꦺ​ꦭꦤ꧀ꦲꦸꦢꦤ꧀ꦤꦺ​ꦒꦼꦢꦺ​ꦠꦼꦏ​ꦭꦤ꧀ꦩꦠꦺꦤ꧀ꦤꦶ​ꦮꦺꦴꦁ​ꦏꦧꦺꦃ​꧉​ 28ꦲꦸꦒ​ꦏꦪ​ꦢꦺꦏ꧀ꦗꦩꦤ꧀ꦤꦺ​ꦭꦺꦴꦠ꧀꧈​ꦮꦺꦴꦁꦮꦺꦴꦁ​ꦥꦢ​ꦩꦔꦤ꧀ꦔꦺꦴꦩ꧀ꦧꦺ꧈​ꦲꦢꦺꦴꦭ꧀ꦠꦸꦏꦸ꧈​ꦤꦼꦤꦤ꧀ꦢꦸꦂ​ꦭꦤ꧀​ꦔ꧀ꦒꦮꦺ​ꦲꦺꦴꦩꦃ​꧉​ 29ꦤꦁꦔꦶꦁ​ꦢꦺꦴꦁꦔꦺꦭꦺꦴꦠ꧀ꦩꦼꦠꦸ​ꦱꦁꦏꦏꦸꦠꦱꦺꦴꦢꦺꦴꦩ꧀ ꦲꦶꦁ​ꦢꦶꦤ​ꦏꦸꦮꦶ​ꦲꦸꦒ​ꦒꦼꦤꦶ​ꦭꦤ꧀ꦭꦶꦫꦁ​ꦩꦼꦢꦸꦤ꧀ꦱꦁꦏꦭꦔꦶꦠ꧀ꦔꦺꦴꦧꦺꦴꦁ​ꦮꦺꦴꦁ​ꦏꦧꦺꦃ​꧉​

30꧋ꦏꦪ​ꦩꦼꦁꦏꦺꦴꦤꦺꦴ​ꦲꦸꦒ​ꦲꦩ꧀ꦧꦺꦱꦸꦏ꧀ꦧꦏꦭ꧀ꦭꦺ​ꦏꦲꦤꦤꦺꦢꦶꦤ​ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​ 31“ꦮꦺꦴꦁ​ꦱꦶꦁ​ꦤꦁꦥꦪꦺꦴꦤ꧀ꦤꦺ​ꦲꦺꦴꦩꦃ​ꦲꦶꦁ​ꦢꦶꦤ​ꦏꦸꦮꦶ​ꦲꦗ​ꦩꦼꦢꦸꦤ꧀​ꦩ꧀ꦊꦧꦸ​ꦤꦁꦲꦺꦴꦩꦃ​ꦚ꧀ꦗꦶꦏꦸꦏ꧀ꦧꦫꦁꦧꦫꦁꦔꦺ​꧉​ꦱꦼꦩꦺꦴꦤꦺꦴ​ꦲꦸꦒ​ꦮꦺꦴꦁ​ꦱꦶꦁ​ꦲꦶꦗꦶꦏ꧀ꦤꦁꦏꦼꦧꦺꦴꦤ꧀ ꦲꦗ​ꦥꦢ​ꦧꦭꦶꦏ꧀ꦤꦁꦲꦺꦴꦩꦃꦲꦺ​꧉​ 32ꦥꦢ​ꦲꦺꦭꦶꦁꦔ​ꦩꦫꦁ​ꦲꦥ​ꦱꦶꦁ​ꦏ꧀ꦭꦏꦺꦴꦤ꧀ꦏꦫꦺꦴ​ꦧꦺꦴꦗꦺꦴꦤꦺ​ꦭꦺꦴꦠ꧀꧈​ 33ꦱꦥ​ꦱꦶꦁ​ꦔꦸꦢꦶ​ꦚ꧀ꦭꦩꦼꦠ꧀ꦠꦏꦺꦲꦸꦫꦶꦥ꧀ꦥꦺꦩꦭꦃ​ꦧꦏꦭ꧀ꦏꦺꦭꦁꦔꦤ꧀ꦲꦸꦫꦶꦥ꧀ꦱꦶꦁ​ꦱꦼꦗꦠꦶ​꧉​ꦤꦁꦔꦶꦁ​ꦱꦥ​ꦱꦶꦁ​ꦏꦺꦭꦁꦔꦤ꧀ꦲꦸꦫꦶꦥ꧀ꦥꦺꦩꦭꦃ​ꦧꦏꦭ꧀ꦤꦩ꧀ꦥ​ꦲꦸꦫꦶꦥ꧀ꦱꦼꦗꦠꦶ​꧉​ 34ꦔꦤ꧀ꦢꦼꦭ꧀ꦭ​ꦲꦏꦸ​꧈​ꦲꦶꦁ​ꦮꦼꦔꦶ​ꦏꦸꦮꦶ​ꦮꦺꦴꦁ​ꦭꦺꦴꦫꦺꦴ​ꦥꦢ​ꦠꦸꦫꦸ​ꦤꦁꦥꦼꦠꦸꦫꦺꦴꦤ꧀ ꦱꦶꦁ​ꦱꦶꦗꦶ​ꦧꦏꦭ꧀ꦏꦗꦸꦥꦸꦏ꧀ ꦱꦶꦁ​ꦭꦶꦪꦤꦺ​ꦢꦶꦠꦶꦁꦒꦭ꧀꧈​ 35ꦮꦺꦴꦁ​ꦮꦺꦢꦺꦴꦏ꧀ꦭꦺꦴꦫꦺꦴ​ꦲꦶꦗꦶꦏ꧀ꦥꦢ​ꦔ꧀ꦒꦶꦭꦶꦁ​ꦒꦤ꧀ꦢꦸꦩ꧀ ꦱꦶꦁ​ꦱꦶꦗꦶ​ꦧꦏꦭ꧀ꦢꦶꦗꦶꦏꦸꦏ꧀ ꦱꦶꦁ​ꦭꦶꦪꦤꦺ​ꦢꦶꦠꦶꦁꦒꦭ꧀꧈​ 36(ꦮꦺꦴꦁ​ꦭꦤꦁ​ꦭꦺꦴꦫꦺꦴ​ꦲꦶꦗꦶꦏ꧀ꦥꦢ​ꦤꦁꦏꦼꦧꦺꦴꦤ꧀ ꦱꦶꦁ​ꦱꦶꦗꦶ​ꦧꦏꦭ꧀ꦢꦶꦗꦶꦏꦸꦏ꧀ ꦱꦶꦁ​ꦭꦶꦪꦤꦺ​ꦢꦶꦠꦶꦁꦒꦭ꧀꧉)”

37꧋ꦥꦫ​ꦩꦸꦫꦶꦢ꧀ꦠꦼꦫꦸꦱ꧀ꦠꦏꦺꦴꦤ꧀:“ꦤꦁ​ꦲꦼꦤ꧀ꦢꦶ​ꦒꦸꦱ꧀ꦠꦶ​?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦔꦼꦤ꧀ꦢꦶ​ꦲꦺꦤꦺꦁꦧꦠꦁ꧈​ꦤꦁꦏꦺꦴꦤꦺꦴ​ꦩꦤꦸꦏ꧀ꦒꦒꦏ꧀ꦥꦢ​ꦔꦿꦺꦴꦩ꧀ꦥꦺꦴꦭ꧀꧈​” ↑ ↑ ↑


꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦫꦺꦏ꧀ꦠꦼꦂꦱꦶꦁ​ꦱꦏ꧀ꦏꦉꦥ꧀ꦥꦺ​꧉​

꧇​꧑꧘꧇​ 1꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦩꦫꦁ​ꦥꦫ​ꦩꦸꦫꦶꦢ꧀ꦢꦺ​꧈​ꦱꦸꦥꦪ​ꦥꦢ​ꦩꦤ꧀ꦠꦼꦥ꧀​ꦤ꧀ꦢꦼꦢꦺꦴꦔ​ꦠꦤ꧀ꦥ​ꦱꦼꦩ꧀ꦥ꧀ꦭꦏ꧀꧈​ 2ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦤꦁꦱꦏ꧀ꦮꦶꦗꦶꦤꦺꦏꦸꦠꦲꦺꦤꦺꦁꦫꦺꦏ꧀ꦠꦼꦂꦱꦶꦁ​ꦲꦺꦴꦫ​ꦮꦼꦢꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦺꦴꦫ​ꦥꦼꦂꦢꦸꦭꦶꦩꦫꦁ​ꦮꦺꦴꦁ​꧉​ 3ꦤꦁꦏꦸꦠꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦫꦤ꧀ꦢꦱꦶꦁ​ꦧꦺꦴꦭꦏ꧀ꦧꦭꦶꦏ꧀ꦠꦼꦏ​ꦤꦁꦔ꧀ꦒꦺꦴꦤ꧀ꦤꦺꦫꦺꦏ꧀ꦠꦼꦂꦏꦸꦮꦶ​ꦚ꧀ꦗꦭꦸꦏ꧀ꦲꦥ​ꦧꦼꦤꦼꦂꦫꦺ​꧈​ꦲꦼꦁꦒꦺꦴꦤꦺ​ꦤ꧀ꦢꦸꦮꦺꦏꦫꦺꦥꦺꦴꦠ꧀ꦠꦤ꧀ꦏꦫꦺꦴ​ꦮꦺꦴꦁ​ꦭꦶꦪ​꧉​ 4-5ꦮꦶꦱ꧀ꦱꦸꦮꦶꦫꦺꦏ꧀ꦠꦼꦂꦩꦲꦸ​ꦲꦺꦴꦫ​ꦒꦼꦊꦩ꧀ꦔꦿꦺꦮꦁꦔꦶ​꧉​ꦤꦁꦔꦶꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦫꦺꦏ꧀ꦠꦼꦂꦩꦲꦸ​ꦔ꧀ꦒꦒꦱ꧀ꦔꦺꦤꦺ​:'ꦱꦼꦤꦗꦤ꧀ꦲꦏꦸ​ꦲꦺꦴꦫ​ꦮꦼꦢꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦺꦴꦫ​ꦥꦼꦂꦢꦸꦭꦶꦩꦫꦁ​ꦮꦺꦴꦁ​꧈​ꦤꦁꦔꦶꦁ​ꦗꦭꦂꦫꦤ꧀ꦫꦤ꧀ꦢꦏꦸꦮꦶ​ꦠꦼꦏ​ꦮꦲꦺ​ꦔꦿꦸꦱꦸꦃꦲꦶꦲꦏꦸ​꧈​ꦲꦥꦶꦏ꧀ꦏꦺ​ꦥꦽꦏꦫ​ꦲꦶꦏꦶ​ꦠꦏ꧀ꦲꦸꦫꦸꦱ꧀ꦱꦤ꧀ꦤꦺ​꧉​ꦢꦢꦶꦤꦺ​ꦮꦺꦴꦁꦔꦺ​ꦲꦺꦴꦫ​ꦧꦺꦴꦭꦏ꧀ꦧꦭꦶꦏ꧀ꦠꦼꦏ​ꦮꦲꦺ​ꦭꦤ꧀ꦩꦼꦁꦏꦺꦴ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦔꦩꦸꦏ꧀ꦲꦏꦸ​!’”

6꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦥꦢ​ꦢꦶꦫꦸꦔꦺꦴꦏ꧀ꦏꦏꦺꦠꦼꦩ꧀ꦧꦸꦁꦔꦺ​ꦫꦺꦏ꧀ꦠꦼꦂꦱꦶꦁ​ꦱꦏ꧀ꦏꦉꦥ꧀ꦥꦺ​ꦏꦸꦮꦶ​꧉​ 7ꦤꦺꦏ꧀ꦲꦸꦩꦠ꧀ꦠꦺ​ꦒꦸꦱ꧀ꦠꦶ​ꦄꦮꦤ꧀ꦮꦼꦔꦶꦥꦢ​ꦚ꧀ꦗꦭꦸꦏ꧀ꦠꦸꦭꦸꦁ​꧈​ꦲꦥ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦠꦼꦫꦸꦱ꧀ꦧꦏꦭ꧀ꦔꦼꦏꦺꦏ꧀ꦏꦶꦲꦥ​ꦧꦼꦤꦼꦂꦫꦺ​ꦩꦫꦁ​ꦲꦸꦩꦠ꧀ꦠꦺ​?ꦩꦺꦴꦱꦺꦴꦏ꧀ꦢꦺꦏ꧀ꦤꦺꦲꦶꦗꦶꦏ꧀ꦲꦉꦥ꧀ꦔꦼꦤ꧀ꦠꦺꦤ꧀ꦤꦶ​ꦱꦸꦮꦶꦩꦼꦤꦺꦃ​ꦲꦼꦁꦒꦺꦴꦤꦺ​ꦤꦸꦭꦸꦁꦔꦶ​?ꦩꦼꦱ꧀ꦠꦶꦲꦺꦴꦫ​! 8ꦔꦤ꧀ꦢꦼꦭ꧀ꦭ​꧈​ꦢꦺꦏ꧀ꦤꦺꦧꦏꦭ꧀​ꦤ꧀ꦢꦁꦔꦼꦏꦺꦏ꧀ꦏꦶꦲꦥ​ꦧꦼꦤꦼꦂꦫꦺ​꧉​ꦤꦁꦔꦶꦁ​ꦤꦺꦏ꧀ꦲꦤꦏ꧀ꦏꦺ​ꦩꦤꦸꦁꦱ​ꦲꦩ꧀ꦧꦺꦱꦸꦏ꧀ꦠꦼꦏ​꧈​ꦲꦥ​ꦤꦁꦧꦸꦩꦶ​ꦏꦺꦤꦺ​ꦲꦶꦗꦶꦏ꧀ꦲꦺꦤꦺꦁꦮꦺꦴꦁ​ꦱꦶꦁ​ꦤ꧀ꦢꦸꦮꦺꦥꦼꦔꦤ꧀ꦢꦼꦭ꧀?”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦮꦺꦴꦁ​ꦥ꦳ꦫꦶꦱꦶ​ꦭꦤ꧀ꦮꦺꦴꦁ​ꦧꦼꦭꦱ꧀ꦠꦶꦁ꧉​

9꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦭꦶꦪꦤꦺ​ꦏꦁꦒꦺꦴ​ꦮꦺꦴꦁꦮꦺꦴꦁ​ꦱꦶꦁ​ꦔꦁꦒꦼꦥ꧀ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦲꦥꦶꦏ꧀ꦭꦤ꧀ꦔꦼꦥꦭ꧀ꦩꦫꦁ​ꦭꦶꦪꦤꦺ​꧉​ 10ꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦲꦺꦤꦺꦁꦮꦺꦴꦁ​ꦭꦺꦴꦫꦺꦴ​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦲꦉꦥ꧀​ꦤ꧀ꦢꦺꦴꦁꦔ꧉​ꦱꦶꦁ​ꦱꦶꦗꦶ​ꦮꦺꦴꦁ​ꦥ꦳ꦫꦶꦱꦶ​꧈​ꦱꦶꦁ​ꦭꦶꦪꦤꦺ​ꦮꦺꦴꦁ​ꦧꦼꦭꦱ꧀ꦠꦶꦁ꧉​

11꧋“ꦮꦺꦴꦁ​ꦥ꦳ꦫꦶꦱꦶ​ꦩꦲꦸ​ꦔꦢꦼꦏ꧀ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦒꦩ꧀ꦥꦁ​ꦏꦺꦠꦺꦴꦏ꧀ꦮꦺꦴꦁ​ꦭꦤ꧀​ꦤ꧀ꦢꦺꦴꦁꦔꦔꦺꦤꦺ​:'ꦢꦸꦃꦄꦭ꧀ꦭꦃ​꧈​ꦲꦏꦸ​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦏꦺꦴꦮꦺ​꧈​ꦲꦮꦶꦠ꧀ꦲꦏꦸ​ꦲꦺꦴꦫ​ꦏꦪ​ꦮꦺꦴꦁ​ꦭꦶꦪꦭꦶꦪꦤꦺ​ꦱꦶꦁ​ꦱꦿꦏꦃ​꧈​ꦔꦥꦸꦱ꧀ꦱꦶ​꧈​ꦭꦏꦸ​ꦧꦺꦢꦁꦭꦤ꧀ꦲꦺꦴꦫ​ꦏꦪ​ꦮꦺꦴꦁ​ꦧꦼꦭꦱ꧀ꦠꦶꦁꦏꦸꦮꦶ​꧉​ 12ꦱꦧꦼꦤ꧀ꦩꦶꦁꦒꦸ​ꦲꦏꦸ​ꦥꦱ​ꦥꦶꦁ​ꦥꦶꦤ꧀ꦢꦺꦴꦭꦤ꧀ꦲꦏꦸ​ꦥꦮꦺꦃꦥꦿꦱꦼꦥꦸꦭꦸꦃꦲꦺꦥꦩꦼꦠꦸꦏꦸ꧉​’

13꧋“ꦤꦁꦔꦶꦁ​ꦮꦺꦴꦁ​ꦧꦼꦭꦱ꧀ꦠꦶꦁꦩꦲꦸ​ꦔꦢꦼꦏ꧀ꦲꦢꦺꦴꦃ​꧈​ꦩꦭꦃ​ꦤ꧀ꦢꦔꦏ꧀ꦮꦲꦺ​ꦲꦺꦴꦫ​ꦮꦤꦶ​꧈​ꦤꦩꦸꦁ​ꦔꦤ꧀ꦠꦼꦩ꧀ꦩꦶ​ꦢꦢꦤꦺꦏꦫꦺꦴ​ꦱꦩ꧀ꦧꦠ꧀:'ꦢꦸꦃꦄꦭ꧀ꦭꦃ​꧈​ꦲꦏꦸ​ꦮꦺꦴꦁ​ꦢꦺꦴꦱ​꧈​ꦲꦩ꧀ꦧꦺꦴꦏ꧀ꦲꦏꦸ​ꦢꦶꦩꦼꦭꦱ꧀ꦱꦶ!’ 14ꦔꦤ꧀ꦢꦼꦭ꧀ꦭ​꧈​ꦱꦏ꧀ꦭꦸꦔꦤꦺ​ꦱꦁꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧈​ꦥꦤ꧀ꦢꦺꦴꦔꦤꦺ​ꦮꦺꦴꦁ​ꦧꦼꦭꦱ꧀ꦠꦶꦁꦱꦶꦁ​ꦢꦶꦠꦩ꧀ꦥ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦺꦴꦫ​ꦥꦤ꧀ꦢꦺꦴꦔꦤꦺ​ꦮꦺꦴꦁ​ꦥ꦳ꦫꦶꦱꦶ​꧉​ꦲꦮꦶꦠ꧀ꦱꦧꦼꦤ꧀ꦮꦺꦴꦁ​ꦱꦶꦁ​ꦔꦸꦁꦒꦃꦲꦏꦺꦲꦮꦏ꧀ꦏꦺ​ꦢꦺꦮꦺꦧꦏꦭ꧀ꦢꦶꦲꦼꦢꦸꦤ꧀ꦤꦏꦺ꧈​ꦤꦁꦔꦶꦁ​ꦮꦺꦴꦁ​ꦱꦶꦁ​ꦔꦼꦢꦸꦤ꧀ꦤꦏꦺꦲꦮꦏ꧀ꦏꦺ​ꦢꦺꦮꦺꦧꦏꦭ꧀ꦢꦶꦲꦸꦁꦒꦃꦲꦏꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦼꦂꦏꦃꦲꦶ​ꦧꦺꦴꦕꦃꦧꦺꦴꦕꦃ​꧉​

15꧋ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦮ​ꦲꦤꦏ꧀ꦲꦤꦏ꧀ꦏꦺ​ꦱꦶꦁ​ꦲꦶꦗꦶꦏ꧀ꦕꦶꦭꦶꦏ꧀ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ ꦱꦸꦥꦪ​ꦢꦶꦠꦸꦩ꧀ꦥꦁꦔꦶ​ꦠꦔꦤ꧀ꦭꦤ꧀ꦢꦶꦧꦼꦂꦏꦃꦲꦶ​꧉​ꦏꦢꦸꦁ​ꦥꦫ​ꦩꦸꦫꦶꦢ꧀ꦮꦼꦫꦸꦃ​ꦏꦸꦮꦶ​ꦠꦼꦫꦸꦱ꧀ꦥꦢ​ꦚꦼꦤꦺꦤ꧀ꦤꦶꦮꦺꦴꦁꦮꦺꦴꦁ​꧉​ 16ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦚꦼꦭꦸꦏ꧀ꦲꦤꦏ꧀ꦲꦤꦏ꧀ꦔꦺꦴꦩꦺꦴꦁ:“ꦧꦺꦴꦕꦃꦧꦺꦴꦕꦃ​ꦏꦸꦮꦶ​ꦲꦩ꧀ꦧꦺꦴꦏ꧀ꦧꦺꦤ꧀ꦩꦫ​ꦤꦁꦔ꧀ꦒꦺꦴꦤ꧀ꦏꦸ​꧉​ꦲꦗ​ꦢꦶꦥꦼꦁꦒꦏ꧀ ꦲꦮꦶꦠ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦮꦺꦴꦁ​ꦱꦶꦁ​ꦏꦪ​ꦧꦺꦴꦕꦃꦧꦺꦴꦕꦃ​ꦲꦶꦏꦶ​꧉​ 17ꦲꦺꦭꦶꦁꦔ​꧈​ꦮꦺꦴꦁ​ꦱꦶꦁ​ꦲꦺꦴꦫ​ꦩꦤꦸꦠ꧀ꦏꦪ​ꦧꦺꦴꦕꦃꦧꦺꦴꦕꦃ​ꦕꦶꦭꦶꦏ꧀ꦲꦶꦏꦶ​ꦲꦺꦴꦫ​ꦧꦶꦱ​ꦩ꧀ꦊꦧꦸ​ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦮꦺꦴꦁ​ꦱꦸꦒꦶꦃ​ꦲꦔꦺꦭ꧀​ꦩ꧀ꦊꦧꦸ​ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

18꧋ꦲꦺꦤꦺꦁꦱꦏ꧀ꦮꦶꦗꦶꦤꦺꦥꦶꦤꦸꦤ꧀ꦠꦸꦤ꧀ꦤꦺꦮꦺꦴꦁ​ꦙꦸꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​ꦱꦶꦁ​ꦲꦥꦶꦏ꧀ꦢꦺꦮꦺ꧈​ꦲꦥ​ꦱꦶꦁ​ꦏꦸꦢꦸ​ꦠꦏ꧀ꦭꦏꦺꦴꦤ꧀ꦤꦶ​ꦱꦸꦥꦪ​ꦧꦶꦱ​ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​?”

19꧋ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦔꦫꦤ꧀ꦤꦶ​ꦲꦏꦸ​ꦲꦥꦶꦏ꧀?ꦲꦺꦴꦫ​ꦲꦺꦤꦺꦁ ꦮꦺꦴꦁ​ꦱꦶꦗꦶ​ꦮꦲꦺ​ꦱꦶꦁ​ꦲꦥꦶꦏ꧀ ꦲꦮꦶꦠ꧀ꦱꦶꦁ​ꦲꦥꦶꦏ꧀ꦢꦺꦮꦺꦤꦩꦸꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 20ꦏꦺꦴꦮꦺ​ꦩꦼꦱ꧀ꦠꦶꦮꦶꦱ꧀ꦔꦼꦂꦠꦶ​ꦲꦁꦒꦼꦂꦫꦁꦒꦼꦂꦫꦺ​ꦏꦧꦺꦃ​:ꦲꦗ​ꦭꦏꦸ​ꦧꦺꦢꦁ꧈​ꦲꦗ​ꦩꦠꦺꦤ꧀ꦤꦶ​꧈​ꦲꦗ​ꦚꦺꦴꦭꦺꦴꦁ​꧈​ꦲꦗ​ꦒꦺꦴꦫꦺꦴꦃ​ꦭꦤ꧀ꦔꦗꦺꦤ꧀ꦤꦤ​ꦩꦫꦁ​ꦧꦥ​ꦭꦤ꧀ꦲꦶꦧꦸꦩꦸ​!”

21꧋ꦮꦺꦴꦁꦔꦺ​ꦱꦼꦩꦲꦸꦂ​:“ꦲꦁꦒꦼꦂꦫꦁꦒꦼꦂ​ꦏꦸꦮꦶ​ꦏꦧꦺꦃ​ꦮꦶꦱ꧀ꦠꦏ꧀ꦭꦏꦺꦴꦤ꧀ꦤꦶ​ꦏꦮꦶꦠ꧀ꦕꦶꦭꦶꦏ꧀꧈​”

22꧋ꦱꦏ꧀ꦮꦶꦱ꧀ꦱꦺ​ꦏꦿꦸꦔꦸ​ꦠꦼꦩ꧀ꦧꦸꦁ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦶꦗꦶꦏ꧀ꦲꦺꦤꦺꦁꦱꦏ꧀ꦥꦽꦏꦫ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​꧈​ꦪꦏꦸꦮꦶ​꧈​ꦏꦧꦺꦃ​ꦱꦏ꧀​ꦤ꧀ꦢꦸꦮꦺꦤꦺꦢꦶꦲꦼꦢꦺꦴꦭ꧀ꦭꦤ꧀ꦢꦸꦮꦶꦠ꧀ꦠꦺꦢꦶꦲꦼꦢꦸꦩ꧀ꦩꦼꦢꦸꦩ꧀ꦩꦏꦺꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦭꦤ꧀ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦲꦺꦤ꧀ꦠꦸꦏ꧀ꦧꦤ꧀ꦢꦤꦁꦱ꧀ꦮꦂꦒ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦫꦺꦤꦺꦩꦺꦭꦸꦮ​ꦲꦏꦸ​꧉​” 23ꦏꦢꦸꦁ​ꦏꦿꦸꦔꦸ​ꦠꦼꦩ꧀ꦧꦸꦁ​ꦏꦸꦮꦶ​ꦮꦺꦴꦁꦔꦺ​ꦠꦼꦫꦸꦱ꧀ꦱꦼꦢꦶ꧈​ꦲꦮꦶꦠ꧀ꦢꦺꦏ꧀ꦤꦺꦱꦸꦒꦶꦃ​ꦧꦔꦼꦠ꧀꧈​

24꧋ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦤꦺꦏ꧀ꦮꦺꦴꦁꦔꦺ​ꦱꦸꦱꦃ​ꦧꦔꦼꦠ꧀ ꦩꦸꦭꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦚ꧀ꦕꦺꦤ꧀ꦲꦔꦺꦭ꧀ꦠꦼꦤꦤ꧀ꦏꦁꦒꦺꦴ​ꦮꦺꦴꦁ​ꦱꦸꦒꦶꦃ​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​! 25ꦭꦸꦮꦶꦃ​ꦒꦩ꧀ꦥꦁ​ꦲꦸꦤ꧀ꦠ​ꦩ꧀ꦊꦧꦸ​ꦧꦺꦴꦭꦺꦴꦁꦔꦤ꧀ꦤꦺ​ꦢꦺꦴꦩ꧀ꦠꦼꦤꦶꦩ꧀ꦧꦁꦮꦺꦴꦁ​ꦱꦸꦒꦶꦃ​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

26꧋ꦮꦺꦴꦁꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​ꦠꦼꦫꦸꦱ꧀ꦠꦏꦺꦴꦤ꧀:“ꦤꦺꦏ꧀ꦔꦺꦴꦤꦺꦴ​꧈​ꦭꦃ​ꦱꦥ​ꦱꦶꦁ​ꦧꦶꦱ​ꦱ꧀ꦭꦩꦼꦠ꧀?”

27꧋ꦱꦮꦸꦫꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦱꦶꦁ​ꦩꦺꦴꦏꦭ꧀ꦏꦁꦒꦺꦴ​ꦩꦤꦸꦁꦱ​ꦲꦺꦴꦫ​ꦩꦺꦴꦏꦭ꧀ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

28꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦤꦶꦁꦒꦭ꧀ꦱꦼꦩ꧀ꦧꦫꦁꦔꦺꦲꦮꦏ꧀ꦏꦺ​ꦢꦺꦮꦺꦭꦤ꧀ꦩꦺꦭꦸ​ꦏꦺꦴꦮꦺ​!”

29-30꧋ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦧꦼꦤꦼꦂ​!ꦭꦤ꧀ꦔꦤ꧀ꦢꦼꦭ꧀ꦭ​꧈​ꦱꦧꦼꦤ꧀ꦮꦺꦴꦁ​ꦱꦶꦁ​ꦤꦶꦁꦒꦭ꧀ꦲꦺꦴꦩꦃꦲꦺ​꧈​ꦧꦺꦴꦗꦺꦴꦤꦺ​꧈​ꦱꦼꦢꦸꦭꦸꦂꦫꦺ​ꦭꦤ꧀ꦧꦥꦲꦶꦧꦸꦤꦺ꧈​ꦗꦭꦂꦫꦤ꧀​ꦔ꧀ꦭꦧꦸꦃꦲꦶ​ꦏꦿꦠꦺꦴꦤꦺ​ꦄꦭ꧀ꦭꦃ​꧈​ꦮꦺꦴꦁ​ꦏꦸꦮꦶ​ꦩꦼꦱ꧀ꦠꦶꦧꦏꦭ꧀ꦤꦩ꧀ꦥ​ꦧꦊꦱ꧀ꦱꦤ꧀ꦥꦶꦁ​ꦥꦶꦫꦁꦥꦶꦫꦁ​ꦲꦶꦁ​ꦗꦩꦤ꧀ꦱꦲꦶꦏꦶ​ꦭꦤ꧀ꦤꦩ꧀ꦥꦤꦶ​ꦲꦸꦫꦶꦥ꧀ꦭꦁꦒꦼꦁ​ꦲꦶꦁ​ꦗꦩꦤ꧀ꦠꦼꦩ꧀ꦧꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦥꦶꦁ​ꦠꦼꦭꦸꦤꦺ​ꦤꦺꦏ꧀ꦢꦺꦏ꧀ꦤꦺꦧꦏꦭ꧀ꦢꦶꦥꦠꦺꦤ꧀ꦤꦶ​꧉​

31꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦚꦼꦭꦸꦏ꧀ꦩꦸꦫꦶꦢ꧀ꦱꦶꦁ​ꦫꦺꦴꦭꦱ꧀ꦢꦶꦢꦺꦮꦺꦏ꧀ꦏꦏꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦢ​ꦠꦶꦠꦺꦤ꧀ꦤꦤ​!ꦲꦮꦏ꧀ꦏꦺ​ꦢꦺꦮꦺꦱꦲꦶꦏꦶ​ꦭꦸꦔ​ꦤꦁꦪꦺꦫꦸꦱꦭꦺꦩ꧀ꦭꦤ꧀ꦏꦧꦺꦃ​ꦱꦶꦁ​ꦮꦶꦱ꧀ꦢꦶꦠꦸꦭꦶꦱ꧀ꦏꦫꦺꦴ​ꦥꦫ​ꦤꦧꦶ​ꦧꦧ꧀ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀​ꦏ꧀ꦭꦏꦺꦴꦤ꧀꧈​ 32ꦢꦺꦏ꧀ꦤꦺꦧꦏꦭ꧀ꦢꦶꦲꦼꦭꦸꦁꦔꦏꦺꦩꦫꦁ​ꦮꦺꦴꦁ​ꦱꦶꦁ​ꦢꦸꦢꦸ​ꦧꦁꦱ​ꦙꦸꦭꦤ꧀ꦧꦏꦭ꧀ꦢꦶꦲꦺꦴꦭꦺꦴꦏ꧀ꦲꦺꦴꦭꦺꦴꦏ꧀ ꦢꦶꦱꦶꦪꦱꦶꦪ​ꦭꦤ꧀ꦢꦶꦲꦶꦢꦺꦴꦤ꧀ꦤꦶ​꧉​ 33ꦢꦺꦏ꧀ꦤꦺꦧꦏꦭ꧀ꦢꦶꦥꦼꦕꦸꦠ꧀ꦠꦶ​ꦭꦤ꧀ꦢꦶꦥꦠꦺꦤ꧀ꦤꦶ​꧈​ꦤꦁꦔꦶꦁ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​ꦢꦺꦏ꧀ꦤꦺꦧꦏꦭ꧀ꦠꦔꦶ​ꦩꦼꦤꦺꦃ​꧉​”

34꧋ꦤꦁꦔꦶꦁ​ꦥꦫ​ꦩꦸꦫꦶꦢ꧀ꦲꦺꦴꦫ​ꦢꦸꦤꦸꦁꦧ꧀ꦭꦱ꧀ꦠꦼꦒꦼꦱ꧀ꦱꦺ​ꦠꦼꦩ꧀ꦧꦸꦁ​ꦏꦸꦮꦶ​ꦩꦲꦸ​ꦏꦧꦺꦃ​꧈​ꦲꦺꦴꦫ​ꦔꦼꦂꦠꦶ​ꦧꦧ꧀ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦱ꧀ꦱꦏꦺꦮꦺꦴꦁ​ꦭꦩꦸꦂ​꧉​

35꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦭꦏꦸꦤꦺꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦏꦸꦠꦪꦺꦫꦶꦏꦺꦴꦲꦺꦤꦺꦁꦮꦺꦴꦁ​ꦭꦩꦸꦂ​ꦔꦼꦩꦶꦱ꧀ꦤꦁꦥꦶꦁꦒꦶꦂ​ꦢꦭꦤ꧀꧈​ 36ꦏꦢꦸꦁ​ꦮꦺꦴꦁ​ꦭꦩꦸꦂ​ꦏꦸꦮꦶ​ꦏꦿꦸꦔꦸ​ꦱ꧀ꦮꦫꦤꦺ​ꦮꦺꦴꦁ​ꦲꦺꦴꦏꦺꦃꦭꦶꦮꦠ꧀ꦏꦺꦴꦤꦺꦴ​꧈​ꦢꦺꦏ꧀ꦤꦺꦠꦼꦫꦸꦱ꧀ꦠꦏꦺꦴꦤ꧀:“ꦲꦺꦤꦺꦁꦲꦥ​ꦠ​?”

37꧋ꦲꦺꦤꦺꦁꦮꦺꦴꦁ​ꦱꦼꦩꦲꦸꦂ​:“ꦪꦺꦯꦸꦱ꧀ꦱꦁꦏꦟꦱꦫꦺꦠ꧀ꦭꦶꦮꦠ꧀ꦏꦺꦤꦺ​!”

38꧋ꦮꦺꦴꦁ​ꦭꦩꦸꦂ​ꦩꦲꦸ​ꦠꦼꦫꦸꦱ꧀ꦕꦼꦭꦸꦏ꧀ꦕꦼꦭꦸꦏ꧀:“ꦪꦺꦯꦸꦱ꧀ ꦲꦤꦏ꧀ꦏꦺ​ꦫꦠꦸ​ꦣꦮ꦳ꦼꦢ꧀ ꦲꦏꦸ​ꦲꦩ꧀ꦧꦺꦴꦏ꧀ꦢꦶꦩꦼꦭꦱ꧀ꦱꦶ!”

39꧋ꦮꦺꦴꦁꦮꦺꦴꦁ​ꦱꦶꦁ​ꦤꦁꦔꦉꦥ꧀ꦏꦺꦴꦤꦺꦴ​ꦥꦢ​ꦚꦼꦤꦺꦤ꧀ꦤꦶꦏꦺꦴꦁꦏꦺꦴꦤ꧀ꦩꦼꦤꦼꦁ​꧈​ꦤꦁꦔꦶꦁ​ꦮꦺꦴꦁ​ꦭꦩꦸꦂ​ꦩꦲꦸ​ꦩꦭꦃ​ꦩꦸꦤ꧀ꦢꦏ꧀ꦧꦤ꧀ꦠꦼꦂ​ꦱꦶꦁ​ꦕꦼꦭꦸꦏ꧀ꦕꦼꦭꦸꦏ꧀:“ꦲꦤꦏ꧀ꦏꦺ​ꦫꦠꦸ​ꦣꦮ꦳ꦼꦢ꧀ ꦲꦏꦸ​ꦲꦩ꧀ꦧꦺꦴꦏ꧀ꦢꦶꦩꦼꦭꦱ꧀ꦱꦶ!”

40꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦤ꧀ꦢꦼꦏ꧀ꦭꦤ꧀ꦔꦺꦴꦁꦏꦺꦴꦤ꧀​ꦔ꧀ꦒꦮ​ꦮꦺꦴꦁꦔꦺ​ꦤꦁꦔ꧀ꦒꦺꦴꦤ꧀ꦤꦺꦢꦺꦏ꧀ꦤꦺ꧉​ꦏꦢꦸꦁ​ꦮꦺꦴꦁꦔꦺ​ꦮꦶꦱ꧀ꦤꦁꦔꦉꦥ꧀ꦥꦺ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀: 41“ꦲꦏꦸ​ꦲꦉꦥ꧀ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦔꦥ​?”

꧋ꦮꦺꦴꦁꦔꦺ​ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦲꦏꦸ​ꦏꦼꦥꦺꦔꦶꦤ꧀ꦮꦼꦫꦸꦃ​!”

42꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​:“ꦪ​꧈​ꦮꦼꦫꦸꦃꦲ​!ꦥꦼꦔꦤ꧀ꦢꦼꦭ꧀ꦩꦸ​ꦱꦶꦁ​ꦩꦫꦱ꧀ꦱꦏꦺꦏꦺꦴꦮꦺ​꧉​”

43꧋ꦱꦏ꧀ꦮꦠ꧀ꦮꦺꦴꦁꦔꦺ​ꦧꦶꦱ​ꦮꦼꦫꦸꦃ​꧉​ꦮꦺꦴꦁꦔꦺ​ꦠꦼꦫꦸꦱ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦧꦺꦃ​ꦮꦺꦴꦁ​ꦱꦶꦁ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​ꦲꦸꦒ​ꦥꦢ​ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦯꦏꦺꦪꦸꦱ꧀꧈​

꧇​꧑꧙꧇​ 1꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦏꦸꦠꦪꦺꦫꦶꦏꦺꦴꦭꦤ꧀​ꦩ꧀ꦭꦏꦸꦩ꧀ꦭꦏꦸ​ꦤꦁꦱꦏ꧀ꦏꦸꦠꦏꦺꦴꦤꦺꦴ​꧉​ 2ꦤꦁꦏꦸꦠꦏꦺꦴꦤꦺꦴ​ꦲꦺꦤꦺꦁꦮꦺꦴꦁ​ꦱꦸꦒꦶꦃ​ꦗꦼꦤꦼꦁꦔꦺ​ꦯꦏꦺꦪꦸꦱ꧀ ꦥꦼꦁꦒꦼꦢꦺꦤꦺꦮꦺꦴꦁ​ꦧꦼꦭꦱ꧀ꦠꦶꦁ꧉​ 3ꦯꦏꦺꦪꦸꦱ꧀ꦏꦼꦥꦺꦔꦶꦤ꧀ꦧꦔꦼꦠ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ ꦤꦁꦔꦶꦁ​ꦢꦺꦏ꧀ꦤꦺꦕꦼꦤ꧀ꦢꦺꦏ꧀​ꦲꦮꦏ꧀ꦏꦺ​ꦭꦤ꧀ꦗꦭꦂꦫꦤ꧀ꦏꦭꦶꦁꦔꦭꦶꦁꦔꦤ꧀ꦮꦺꦴꦁ​ꦲꦺꦴꦏꦺꦃ꧈​ꦢꦺꦏ꧀ꦤꦺꦲꦺꦴꦫ​ꦧꦶꦱ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 4ꦩꦸꦭꦤꦺ​ꦯꦏꦺꦪꦸꦱ꧀ꦲꦩ꧀​ꦧ꧀ꦭꦪꦸꦤ꧀ꦢꦶꦱꦶꦏ꧀ꦏꦶ​ꦠꦼꦫꦸꦱ꧀ꦩꦺꦤꦺꦏ꧀ꦤꦁꦮꦶꦠ꧀ꦲꦚ꧀ꦗꦶꦂ​꧈​ꦱꦸꦥꦪ​ꦧꦶꦱ​ꦮꦼꦫꦸꦃ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦶꦮꦠ꧀ꦏꦺꦴꦤꦺꦴ​꧉​ 5ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦏꦸ​ꦠꦼꦏꦤ꧀ꦏꦺꦴꦤꦺꦴ​꧈​ꦢꦺꦏ꧀ꦤꦺꦤ꧀ꦢꦼꦭꦺꦴꦏ꧀​ꦤ꧀ꦢꦸꦮꦸꦂꦤꦁꦮꦶꦠ꧀ꦠꦺ​ꦲꦚ꧀ꦗꦶꦂ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦯꦏꦺꦪꦸꦱ꧀:“ꦯꦏꦺꦪꦸꦱ꧀ ꦤ꧀ꦢꦁꦩꦼꦢꦸꦤ꧀!ꦲꦮꦶꦠ꧀ꦲꦶꦁ​ꦢꦶꦤ​ꦲꦶꦏꦶ​ꦲꦏꦸ​ꦲꦉꦥ꧀ꦩꦩ꧀ꦥꦶꦂ​ꦤꦁꦲꦺꦴꦩꦃꦩꦸ​꧉​”

6꧋ꦯꦏꦺꦪꦸꦱ꧀ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦩꦼꦢꦸꦤ꧀ꦭꦤ꧀ꦤꦩ꧀ꦥ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦧꦸꦔꦃ​꧉​ 7ꦮꦺꦴꦁ​ꦏꦧꦺꦃ​ꦱꦶꦁ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​ꦥꦢ​ꦥꦠꦶꦁ​ꦏꦼꦢꦸꦩꦼꦭ꧀ꦔꦺꦴꦩꦺꦴꦁ:“ꦭꦺꦴ​꧈​ꦭꦃ​ꦢꦺꦏ꧀ꦤꦺꦏꦺꦴꦏ꧀ꦒꦼꦊꦩ꧀ꦩꦼꦂꦢꦪꦺꦴꦃꦤꦁꦲꦺꦴꦩꦃꦲꦺ​ꦮꦺꦴꦁ​ꦲꦭ​?”

8꧋ꦯꦏꦺꦪꦸꦱ꧀ꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦧꦤ꧀ꦢꦏꦸꦱꦶꦁ​ꦱꦼꦥꦫꦺꦴ​ꦲꦉꦥ꧀ꦠꦏ꧀ꦏꦺꦏ꧀ꦏꦏꦺꦏꦁꦒꦺꦴ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦭꦤ꧀ꦱꦥ​ꦮꦲꦺ​ꦱꦶꦁ​ꦠꦲꦸ​ꦠꦏ꧀ꦲꦥꦸꦱ꧀ꦱꦶꦧꦤ꧀ꦢꦤꦺ​ꦧꦏꦭ꧀ꦠꦏ꧀ꦧꦭꦺꦏ꧀ꦏꦏꦺꦥꦶꦁ​ꦥꦥꦠ꧀꧈​”

9꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦯꦏꦺꦪꦸꦱ꧀:“ꦲꦶꦁ​ꦢꦶꦤ​ꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦚ꧀ꦭꦩꦼꦠ꧀ꦠꦏꦺꦏꦺꦴꦮꦺ​ꦭꦤ꧀ꦧꦿꦪꦠ꧀ꦩꦸ​ꦏꦧꦺꦃ​꧉​ꦏꦺꦴꦮꦺ​ꦏꦸꦮꦶ​ꦲꦸꦒ​ꦲꦤꦏ꧀ꦠꦸꦫꦸꦤꦤ꧀ꦤꦺꦧꦥ​ꦄꦨꦿꦲꦩ꧀꧈​ 10ꦲꦮꦶꦠ꧀ꦲꦤꦏ꧀ꦏꦺ​ꦩꦤꦸꦁꦱ​ꦏꦸꦮꦶ​ꦠꦼꦏꦤꦺ​ꦔ꧀ꦒꦺꦴꦭꦺꦏ꧀ꦏꦶ​ꦭꦤ꧀​ꦚ꧀ꦭꦩꦼꦠ꧀ꦠꦏꦺꦮꦺꦴꦁꦮꦺꦴꦁ​ꦱꦶꦁ​ꦏꦼꦠꦿꦶꦮꦭ꧀꧈​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦢꦸꦮꦶꦠ꧀ꦲꦼꦩꦱ꧀꧈​

11꧋ꦱꦲꦶꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦩꦺꦃ​ꦠꦼꦏꦤ꧀ꦏꦸꦠꦪꦺꦫꦸꦱꦭꦺꦩ꧀ ꦩꦸꦭꦤꦺ​ꦲꦺꦴꦏꦺꦃꦮꦺꦴꦁ​ꦥꦢ​ꦔꦶꦫ​ꦤꦺꦏ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦱꦸꦮꦶꦩꦼꦤꦺꦃ​ꦧꦏꦭ꧀ꦏꦼꦧꦧꦂ​ꦲꦶꦁ​ꦢꦺꦴꦚ​꧉​ 12ꦩꦸꦭꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​꧉​ꦠꦼꦩ꧀ꦧꦸꦁꦔꦺ​:“ꦲꦺꦤꦺꦁꦮꦺꦴꦁ​ꦒꦼꦢꦺꦭꦸꦔ​ꦤꦁꦤꦼꦒꦫ​ꦲꦢꦺꦴꦃ​ꦲꦉꦥ꧀ꦢꦶꦠꦼꦠꦼꦥ꧀ꦥꦏꦺꦢꦢꦶ​ꦫꦠꦸ​ꦤꦁꦏꦤ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦢꦺꦏ꧀ꦤꦺꦲꦉꦥ꧀ꦧꦭꦶꦏ꧀ꦩꦼꦤꦺꦃ​꧉​ 13ꦱꦏ꧀ꦢꦸꦫꦸꦁꦔꦺꦧꦸꦢꦭ꧀ꦮꦺꦴꦁ​ꦒꦼꦢꦺꦩꦲꦸ​ꦚꦼꦭꦸꦏ꧀ꦱ꧀ꦭꦥ꦳꧀ꦥ꦳ꦺꦱꦼꦥꦸꦭꦸꦃ​꧉​ꦱꦧꦼꦤ꧀ꦱ꧀ꦭꦥ꦳꧀ꦢꦶꦥꦱꦿꦃꦲꦶ​ꦢꦸꦮꦶꦠ꧀ꦲꦼꦩꦱ꧀ꦱꦶꦗꦶ​꧉​ꦠꦼꦩ꧀ꦧꦸꦁꦔꦺ​:'ꦢꦸꦮꦶꦠ꧀ꦲꦶꦏꦶ​ꦏꦤ​ꦢꦶꦲꦼꦁꦒꦺꦴ​ꦢꦼꦢꦒꦁꦔꦤ꧀ꦠꦶ​ꦲꦏꦸ​ꦠꦼꦏ​ꦩꦼꦤꦺꦃ​꧉'​ 14ꦗꦭꦂꦫꦤ꧀ꦫꦪꦠ꧀ꦠꦺꦤꦼꦒꦫ​ꦏꦺꦴꦤꦺꦴ​ꦱꦼꦔꦶꦠ꧀ꦩꦫꦁ​ꦮꦺꦴꦁꦔꦺ​꧈​ꦩꦸꦭꦤꦺ​ꦥꦢ​ꦏꦺꦴꦁꦏꦺꦴꦤ꧀ꦤꦤ꧀ꦤꦸꦱꦸꦭ꧀ ꦏꦺꦴꦁꦏꦺꦴꦤ꧀ꦔꦺꦴꦩꦺꦴꦁ:'ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦒꦼꦊꦩ꧀ꦢꦶꦏ꧀ꦮꦱꦤꦶ​ꦮꦺꦴꦁ​ꦲꦶꦏꦸ​꧉​’

15꧋“ꦱꦏ꧀ꦮꦶꦱ꧀ꦱꦺ​ꦮꦺꦴꦁ​ꦒꦼꦢꦺ​ꦩꦲꦸ​ꦮꦶꦱ꧀ꦢꦶꦢꦢꦺꦏ꧀ꦏꦏꦺꦫꦠꦸ​꧈​ꦢꦺꦏ꧀ꦤꦺꦠꦼꦫꦸꦱ꧀ꦧꦭꦶꦏ꧀ꦤꦁꦤꦼꦒꦫꦤꦺ​꧉​ꦢꦺꦏ꧀ꦤꦺꦏꦼꦥꦺꦔꦶꦤ꧀ꦔꦼꦂꦠꦶ​ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦱ꧀ꦭꦥ꦳꧀ꦥ꦳ꦺꦥꦢ​ꦢꦼꦢꦒꦁ꧈​ꦩꦸꦭꦤꦺ​ꦥꦢ​ꦢꦶꦕꦼꦭꦸꦏ꧀​꧉​ 16ꦱ꧀ꦭꦥ꦳꧀ꦱꦶꦁ​ꦤꦺꦴꦩꦼꦂ​ꦱꦶꦗꦶ​ꦩꦫ​ꦔꦺꦴꦩꦺꦴꦁ:'ꦫꦠꦸ​꧈​ꦲꦏꦸ​ꦮꦶꦱ꧀ꦲꦺꦤ꧀ꦠꦸꦏ꧀ꦧꦠꦶꦢꦸꦮꦶꦠ꧀ꦲꦼꦩꦱ꧀ꦱꦼꦥꦸꦭꦸꦃ​꧉'​ 17ꦫꦠꦸꦤꦺ​ꦔꦺꦴꦩꦺꦴꦁ:'ꦲꦥꦶꦏ꧀ꦧꦔꦼꦠ꧀ ꦏꦺꦴꦮꦺ​ꦱ꧀ꦭꦥ꦳꧀ꦱꦶꦁ​ꦲꦥꦶꦏ꧀꧈​ꦗꦭꦂꦫꦤ꧀ꦏꦺꦴꦮꦺ​ꦏꦼꦤꦺꦁꦢꦶꦥꦽꦕꦪ​ꦏꦫꦺꦴ​ꦥꦽꦏꦫ​ꦱꦶꦁ​ꦕꦶꦭꦶꦏ꧀ ꦱꦲꦶꦏꦶ​ꦏꦺꦴꦮꦺ​ꦠꦏ꧀ꦲꦁꦏꦠ꧀ꦔ꧀ꦮꦱꦤꦶ​ꦏꦸꦠꦱꦼꦥꦸꦭꦸꦃ​꧉'​ 18ꦱ꧀ꦭꦥ꦳꧀ꦱꦶꦁ​ꦤꦺꦴꦩꦼꦂ​ꦭꦺꦴꦫꦺꦴ​ꦩꦫ​ꦔꦺꦴꦩꦺꦴꦁ:'ꦫꦠꦸ​꧈​ꦏꦫꦺꦴ​ꦢꦸꦮꦶꦠ꧀ꦲꦼꦩꦱ꧀ꦱꦶꦗꦶ​ꦱꦶꦁ​ꦲꦩ꧀ꦧꦺꦴꦏ꧀ꦥꦱꦿꦃꦲꦏꦺꦲꦏꦸ​꧈​ꦲꦏꦸ​ꦲꦺꦤ꧀ꦠꦸꦏ꧀ꦧꦠꦶꦢꦸꦮꦶꦠ꧀ꦲꦼꦩꦱ꧀ꦭꦶꦩ​꧉'​ 19ꦫꦠꦸꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁ:'ꦲꦥꦶꦏ꧀ꦧꦔꦼꦠ꧀ ꦱꦲꦶꦏꦶ​ꦏꦺꦴꦮꦺ​ꦧꦏꦭ꧀ꦠꦏ꧀ꦥꦱꦿꦃꦲꦶ​ꦔ꧀ꦮꦱꦤꦶ​ꦏꦸꦠꦭꦶꦩ​꧉​’

20꧋“ꦱ꧀ꦭꦥ꦳꧀ꦱꦶꦁ​ꦤꦺꦴꦩꦼꦂ​ꦠꦼꦭꦸ​ꦩꦫ​ꦔꦺꦴꦩꦺꦴꦁ:'ꦫꦠꦸ​꧈​ꦭꦃ​ꦲꦶꦏꦶ​ꦢꦸꦮꦶꦠ꧀ꦩꦸ꧈​ꦠꦏ꧀ꦧꦸꦤ꧀ꦢꦼꦭ꧀ꦤꦁꦏꦕꦸ​ꦭꦤ꧀ꦠꦏ꧀ꦱꦶꦩ꧀ꦥꦼꦤ꧀꧈​ 21ꦲꦏꦸ​ꦮꦼꦢꦶ​ꦏꦫꦺꦴ​ꦏꦺꦴꦮꦺ​꧈​ꦲꦮꦶꦠ꧀ꦲꦏꦸ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦮꦺꦴꦁ​ꦏꦼꦉꦁ​꧉​ꦏꦺꦴꦮꦺ​ꦚ꧀ꦗꦶꦏꦸꦏ꧀ꦧꦫꦁ​ꦱꦶꦁ​ꦢꦸꦢꦸ​ꦮꦺꦏ꧀ꦩꦸꦭꦤ꧀ꦔꦸꦤ꧀ꦢꦸꦃꦱꦁꦏꦠꦤ꧀ꦢꦸꦂꦫꦤ꧀ꦱꦶꦁ​ꦏꦺꦴꦮꦺ​ꦲꦺꦴꦫ​ꦤꦤ꧀ꦢꦸꦂ​꧉'​ 22ꦫꦠꦸ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱ꧀ꦭꦥ꦳꧀ꦏꦸꦮꦶ​:'ꦏꦺꦴꦮꦺ​ꦏꦸꦮꦶ​ꦱ꧀ꦭꦥ꦳꧀ꦱꦶꦁ​ꦲꦭ​꧈​ꦏꦺꦴꦮꦺ​ꦧꦏꦭ꧀ꦠꦏ꧀ꦱꦼꦠꦿꦥ꧀ꦩꦶꦠꦸꦫꦸꦠ꧀ꦠꦼꦩ꧀ꦧꦸꦁꦩꦸ​ꦢꦺꦮꦺ꧉​ꦏꦺꦴꦮꦺ​ꦮꦶꦱ꧀ꦔꦼꦂꦠꦶ​ꦤꦺꦏ꧀ꦲꦏꦸ​ꦲꦶꦏꦸ​ꦮꦺꦴꦁ​ꦏꦼꦉꦁ​꧈​ꦱꦶꦁ​ꦚ꧀ꦗꦶꦏꦸꦏ꧀ꦲꦥ​ꦱꦶꦁ​ꦢꦸꦢꦸ​ꦮꦺꦏ꧀ꦏꦸꦭꦤ꧀ꦔꦸꦤ꧀ꦢꦸꦃꦠꦤ꧀ꦢꦸꦂꦫꦤ꧀ꦱꦶꦁ​ꦲꦏꦸ​ꦲꦺꦴꦫ​ꦤꦤ꧀ꦢꦸꦂ​꧉​ 23ꦤꦺꦏ꧀ꦔꦺꦴꦤꦺꦴ​ꦠꦼꦤꦤ꧀ ꦏꦼꦤꦺꦁꦲꦥ​ꦢꦸꦮꦶꦠ꧀ꦏꦸꦮꦶ​ꦏꦺꦴꦏ꧀ꦲꦺꦴꦫ​ꦲꦩ꧀ꦧꦺꦴꦏ꧀ꦢꦺꦏꦺꦏ꧀ꦤꦁꦧꦁ​꧈​ꦱꦸꦥꦪ​ꦤꦺꦏ꧀ꦲꦏꦸ​ꦧꦭꦶꦏ꧀ꦲꦏꦸ​ꦧꦶꦱ​ꦤꦩ꧀ꦥ​ꦢꦸꦮꦶꦠ꧀ꦏꦸꦱꦏ꧀ꦫꦺꦤ꧀ꦠꦼꦤ꧀ꦤꦺ?’

24꧋“ꦫꦠꦸꦤꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​:'ꦢꦸꦮꦶꦠ꧀ꦠꦺꦱꦶꦁ​ꦤꦁꦔ꧀ꦒꦺꦴꦤ꧀ꦤꦺꦱ꧀ꦭꦥ꦳꧀ꦏꦸꦮꦶ​ꦢꦶꦗꦶꦏꦸꦏ꧀ꦭꦤ꧀ꦢꦶꦏꦺꦏ꧀ꦏꦏꦺꦩꦫꦁ​ꦱ꧀ꦭꦥ꦳꧀ꦱꦶꦁ​ꦮꦶꦱ꧀​ꦤ꧀ꦢꦸꦮꦺꦢꦸꦮꦶꦠ꧀ꦲꦼꦩꦱ꧀ꦱꦼꦥꦸꦭꦸꦃ​ꦩꦲꦸ​꧉'​ 25ꦮꦺꦴꦁꦮꦺꦴꦁ​ꦩꦲꦸ​ꦥꦢ​ꦱꦼꦩꦲꦸꦂ​:'ꦫꦠꦸ​꧈​ꦱ꧀ꦭꦥ꦳꧀ꦏꦸꦮꦶ​ꦭꦲꦸꦠ꧀ꦮꦶꦱ꧀​ꦤ꧀ꦢꦸꦮꦺꦢꦸꦮꦶꦠ꧀ꦲꦼꦩꦱ꧀ꦱꦼꦥꦸꦭꦸꦃ​꧈​ꦠ​?’ 26ꦱꦮꦸꦫꦤ꧀ꦤꦺꦫꦠꦸꦤꦺ​:'ꦥꦢ​ꦲꦺꦭꦶꦁꦔ​꧈​ꦱꦥ​ꦱꦶꦁ​ꦤ꧀ꦢꦸꦮꦺꦧꦏꦭ꧀ꦢꦶꦠꦩ꧀ꦧꦃꦲꦶ​꧈​ꦤꦁꦔꦶꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦧꦫꦁ​ꦱꦼꦠꦶꦠꦶꦏ꧀ꦱꦼꦠꦶꦠꦶꦏ꧀ꦏꦤ꧀ꦢꦸꦮꦺꦪꦧꦏꦭ꧀ꦢꦶꦗꦶꦏꦸꦏ꧀꧈​ 27ꦱꦲꦶꦏꦶ​꧈​ꦢꦶꦒꦮ​ꦩ꧀ꦧꦿꦺꦤꦺꦏꦧꦺꦃ​ꦩꦸꦁꦱꦸꦃꦏꦸ​ꦱꦶꦁ​ꦲꦺꦴꦫ​ꦱꦼꦤꦼꦁ​ꦤꦺꦏ꧀ꦲꦏꦸ​ꦢꦢꦶ​ꦫꦠꦸꦤꦺ​꧉​ꦮꦺꦴꦁ​ꦏꦸꦮꦶ​ꦥꦢ​ꦥꦠꦺꦤ꧀ꦤꦤ​ꦤꦁꦔꦉꦥ꧀ꦏꦸ​!’”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦲꦫꦏ꧀​ꦩ꧀ꦊꦧꦸ​ꦤꦁꦏꦸꦠꦪꦺꦫꦸꦱꦭꦺꦩ꧀꧈​

28꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦏꦸꦮꦶ​ꦩꦲꦸ​ꦏꦧꦺꦃ​꧈​ꦢꦺꦏ꧀ꦤꦺꦠꦼꦫꦸꦱ꧀ꦧꦸꦢꦭ꧀ ꦤꦁꦪꦺꦫꦸꦱꦭꦺꦩ꧀​ꦤ꧀ꦢꦶꦱꦶꦏ꧀ꦏꦶ​ꦮꦺꦴꦁꦮꦺꦴꦁ​꧉​ 29ꦏꦢꦸꦁ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦢꦺꦱ​ꦨꦺꦠ꧀ꦥ꦳ꦏꦺꦭꦤ꧀ꦢꦺꦱ​ꦨꦺꦠꦤꦶꦱꦶꦁ​ꦤꦁꦒꦸꦤꦸꦁ​ꦎꦭꦺꦥ꦳꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦩꦸꦫꦶꦢ꧀ꦭꦺꦴꦫꦺꦴ​ꦏꦺꦴꦁꦏꦺꦴꦤ꧀​ꦩ꧀ꦭꦏꦸ​ꦤ꧀ꦢꦶꦱꦶꦏ꧀꧈​ 30ꦢꦺꦏ꧀ꦤꦺꦔꦺꦴꦩꦺꦴꦁ:“ꦏꦤ​ꦩ꧀ꦊꦧꦸ​ꦤꦁꦢꦺꦱ​ꦤꦁꦔꦉꦥ꧀ꦏꦸꦮꦶ​꧉​ꦏꦺꦴꦮꦺ​ꦧꦏꦭ꧀ꦮꦼꦫꦸꦃ​ꦏꦶꦩꦂꦲꦼꦤꦺꦴꦩ꧀ꦢꦶꦏꦼꦚ꧀ꦕꦁ​​꧉​ꦏꦶꦩꦂꦏꦸꦮꦶ​ꦢꦸꦫꦸꦁ​ꦠꦲꦸ​ꦢꦶꦠꦸꦩ꧀ꦥꦏ꧀ꦏꦶ​ꦮꦺꦴꦁ​꧉​ꦢꦶꦲꦸꦕꦸꦭ꧀ꦭꦶ​ꦭꦤ꧀ꦢꦶꦒꦮ​ꦩ꧀ꦧꦿꦺꦤꦺ꧉​ 31ꦤꦺꦏ꧀ꦲꦺꦤꦺꦁꦮꦺꦴꦁ​ꦠꦏꦺꦴꦤ꧀:'ꦏꦼꦤꦺꦁ​​ꦲꦥ​ꦏꦺꦴꦏ꧀​ꦩ꧀ꦧꦺꦴꦏ꧀ꦲꦸꦕꦸꦭ꧀ꦭꦶ​?’ꦱꦼꦩꦲꦸꦂꦫꦺ:'ꦒꦸꦱ꧀ꦠꦶ​ꦩ꧀ꦧꦸꦠꦸꦃꦲꦏꦺ꧉​’”

32꧋ꦩꦸꦫꦶꦢ꧀ꦭꦺꦴꦫꦺꦴ​ꦱꦶꦁ​ꦢꦶꦏꦺꦴꦁꦏꦺꦴꦤ꧀​ꦩ꧀ꦭꦏꦸ​ꦤ꧀ꦢꦶꦱꦶꦏ꧀ꦩꦲꦸ​ꦠꦼꦫꦸꦱ꧀ꦧꦸꦢꦭ꧀꧈​ꦭꦤ꧀ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​ꦕꦺꦴꦕꦺꦴꦏ꧀​ꦏꦧꦺꦃ​꧉​ 33ꦢꦺꦴꦁꦔꦺꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦲꦶꦗꦶꦏ꧀ꦔꦸꦕꦸꦭ꧀ꦭꦶ​ꦏꦶꦩꦂꦫꦺ꧈​ꦱꦶꦁ​ꦤ꧀ꦢꦸꦮꦺꦏꦶꦩꦂꦔ꧀ꦭꦸꦫꦸꦃ:“ꦭꦃ​ꦏꦼꦤꦺꦁꦲꦥ​ꦏꦺꦴꦏ꧀ꦲꦩ꧀ꦧꦺꦴꦏ꧀ꦲꦸꦕꦸꦭ꧀ꦭꦶ​?”

34꧋ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​ꦱꦶꦁ​ꦩ꧀ꦧꦸꦠꦸꦃꦲꦏꦺ꧉​” 35ꦏꦶꦩꦂꦫꦺꦠꦼꦫꦸꦱ꧀ꦢꦶꦒꦮ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦔꦸꦕꦸꦭ꧀ꦭꦶ​ꦱꦭꦶꦤ꧀ꦤꦺ꧈​ꦠꦼꦫꦸꦱ꧀ꦢꦶꦭꦺꦩꦺꦏ꧀ꦏꦏꦺꦤꦁꦒꦼꦒꦼꦂꦫꦺ​ꦏꦶꦩꦂꦫꦺ꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦲꦁꦏꦠ꧀ꦭꦤ꧀ꦢꦶꦗꦒꦺꦴꦁꦔꦏꦺꦤꦁꦏꦶꦩꦂꦫꦺ꧉​ 36ꦱꦏ꧀ꦮꦶꦱ꧀ꦱꦺ​ꦩ꧀ꦭꦏꦸ​꧈​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦥꦢ​ꦚ꧀ꦗꦺꦫꦺꦁ​ꦱꦭꦶꦤ꧀ꦤꦺꦤꦁꦢꦭꦤ꧀ꦱꦶꦁ​ꦢꦶꦭꦶꦮꦠ꧀ꦠꦶ​꧉​

37꧋ꦏꦢꦸꦁ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦏꦸꦠꦪꦺꦫꦸꦱꦭꦺꦩ꧀ ꦤꦁꦢꦭꦤ꧀ꦱꦶꦁ​ꦩꦼꦢꦸꦤ꧀ꦱꦁꦏꦒꦸꦤꦸꦁ​ꦎꦭꦺꦥ꦳꧀ ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦧꦺꦃ​ꦠꦼꦫꦸꦱ꧀ꦥꦢ​ꦱꦸꦫꦏ꧀ꦱꦸꦫꦏ꧀ꦏꦫꦺꦴ​ꦧꦸꦔꦃ​꧈​ꦩꦼꦩꦸꦗꦶ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦗꦭꦂꦫꦤ꧀ꦱꦁꦏꦱꦏ꧀ꦏꦺꦃꦲꦺꦩꦸꦗꦶꦗꦠ꧀ꦱꦶꦁ​ꦥꦢ​ꦮꦼꦫꦸꦃ​꧉​ 38ꦮꦺꦴꦁꦮꦺꦴꦁ​ꦩꦲꦸ​ꦱꦸꦫꦏ꧀ꦱꦸꦫꦏ꧀ꦔꦺꦴꦩꦺꦴꦁ:“ꦤꦩ꧀ꦥꦲ​ꦧꦼꦂꦏꦃ​ꦫꦠꦸ​ꦱꦶꦁ​ꦠꦼꦏ​ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​!ꦏꦠꦼꦤ꧀ꦠꦽꦩ꧀ꦩꦤ꧀ꦤꦁꦱ꧀ꦮꦂꦒ​ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦤ꧀ꦢꦸꦮꦸꦂꦱꦶꦁ​ꦏꦸꦢꦸ​ꦢꦶꦥꦸꦗꦶ!”

39꧋ꦮꦺꦴꦁ​ꦥ꦳ꦫꦶꦱꦶ​ꦱꦶꦗꦶꦭꦺꦴꦫꦺꦴꦱꦶꦁ​ꦤꦁꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃꦏꦺꦴꦤꦺꦴ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦩ꧀ꦧꦺꦴꦏ꧀ꦩꦸꦫꦶꦢ꧀ꦩꦸꦫꦶꦢ꧀ꦏꦸꦮꦶ​ꦢꦶꦏꦺꦴꦁꦏꦺꦴꦤ꧀ꦩꦼꦤꦼꦁ​!”

40꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦤꦺꦏ꧀ꦮꦺꦴꦁꦮꦺꦴꦁ​ꦏꦸꦮꦶ​ꦩꦼꦤꦼꦁ​꧈​ꦮꦠꦸꦮꦠꦸ​ꦲꦶꦏꦶ​ꦱꦶꦁ​ꦧꦏꦭ꧀ꦱꦸꦫꦏ꧀ꦱꦸꦫꦏ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦔꦶꦱ꧀ꦱꦶ​ꦏꦸꦠꦪꦺꦫꦸꦱꦭꦺꦩ꧀꧈​

41꧋ꦏꦢꦸꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦪꦺꦫꦸꦱꦭꦺꦩ꧀ꦭꦤ꧀ꦮꦼꦫꦸꦃ​ꦏꦸꦠꦤꦺ꧈​ꦢꦺꦏ꧀ꦤꦺꦩꦿꦶꦥꦠ꧀ꦠꦺ​ꦩꦼꦠꦸ​ꦌꦭꦸꦃꦲꦺ꧉​ 42ꦠꦼꦩ꧀ꦧꦸꦁꦔꦺ​:“ꦪꦺꦫꦸꦱꦭꦺꦩ꧀ ꦏꦪ​ꦔꦥ​ꦠ​ꦲꦥꦶꦏ꧀ꦏꦺ​ꦱꦼꦩꦸꦁꦒꦺꦴꦤ꧀ꦤꦺꦲꦶꦁ​ꦢꦶꦤ​ꦲꦶꦏꦶ​ꦏꦺꦴꦮꦺ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦧꦸꦠꦸꦃꦲꦏꦺꦏꦁꦒꦺꦴ​ꦏꦠꦼꦤ꧀ꦠꦽꦩ꧀ꦩꦤ꧀ꦩꦸ​꧉​ꦤꦁꦔꦶꦁ​ꦠꦼꦏꦤ꧀ꦱꦲꦶꦏꦶ​ꦏꦺꦴꦮꦺ​ꦢꦸꦫꦸꦁ​ꦮꦼꦫꦸꦃ​꧉​ 43ꦧꦏꦭ꧀ꦠꦼꦏ​ꦮꦏ꧀ꦠꦸꦩꦸꦩꦸꦁꦱꦸꦃꦩꦸꦁꦱꦸꦃꦩꦸ​ꦧꦏꦭ꧀​ꦔ꧀ꦊꦧꦺꦴꦤ꧀ꦤꦶꦏꦺꦴꦮꦺ​꧈​ꦤꦼꦥꦸꦁꦭꦤ꧀ꦚꦼꦥꦶꦠ꧀ꦏꦺꦴꦮꦺ​꧉​ 44ꦩꦸꦁꦱꦸꦃꦩꦸ​ꦏꦸꦮꦶ​ꦧꦏꦭ꧀ꦔꦿꦸꦱꦏ꧀ꦏꦺꦴꦮꦺ​ꦭꦤ꧀ꦫꦪꦠ꧀ꦩꦸꦏꦧꦺꦃ​ꦔꦤ꧀ꦠꦶ​ꦫꦠ​ꦏꦫꦺꦴ​ꦊꦩꦃ​꧉​ꦮꦠꦸ​ꦱꦶꦗꦶ​ꦮꦲꦺ​ꦲꦺꦴꦫ​ꦧꦏꦭ꧀ꦠꦼꦩꦸꦩ꧀ꦥꦁ​ꦤꦁꦮꦠꦸ​ꦭꦶꦪꦤꦺ​꧈​ꦲꦮꦶꦠ꧀ꦏꦺꦴꦮꦺ​ꦲꦺꦴꦫ​ꦔ꧀ꦒꦠꦺꦏ꧀ꦏꦏꦺꦩꦫꦁ​ꦠꦼꦏꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦉꦥ꧀​ꦚ꧀ꦭꦩꦼꦠ꧀ꦠꦏꦺꦏꦺꦴꦮꦺ​!”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​꧉​

45꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦭꦤ꧀​ꦔ꧀ꦒꦸꦫꦏ꧀ꦮꦺꦴꦁꦮꦺꦴꦁ​ꦱꦶꦁ​ꦢꦺꦴꦢꦺꦴꦭ꧀ꦭꦤ꧀ꦤꦁꦏꦺꦴꦤꦺꦴ​꧉​ 46ꦠꦼꦩ꧀ꦧꦸꦁꦔꦺ​:“ꦤꦁꦏꦶꦠꦧ꧀ꦱꦸꦕꦶ​ꦲꦺꦤꦺꦁꦠꦸꦭꦶꦱ꧀ꦱꦤ꧀:'ꦲꦺꦴꦩꦃꦏꦸ​ꦏꦸꦮꦶ​ꦏꦁꦒꦺꦴ​ꦥꦩꦸꦗꦶ​꧈'​ꦤꦁꦔꦶꦁ​ꦥꦁꦒꦺꦴꦤ꧀ꦤꦤ꧀ꦱꦸꦕꦶ​ꦲꦶꦏꦶ​ꦲꦩ꧀ꦧꦺꦴꦏ꧀ꦢꦢꦺꦏ꧀ꦏꦏꦺꦫꦺꦴꦁꦔꦺ​ꦩꦭꦶꦁ​꧉​”

47-48꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦧꦼꦤ꧀ꦢꦶꦤ​ꦩꦸꦭꦁ​ꦤꦁꦒꦿꦺꦗ​ꦒꦼꦢꦺ꧉​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥꦼꦤꦸꦤ꧀ꦠꦸꦤꦺ​ꦧꦁꦱ​ꦙꦸꦥꦢ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦲꦉꦥ꧀ꦩꦠꦺꦤ꧀ꦤꦶ​ꦢꦺꦏ꧀ꦤꦺ꧈​ꦤꦁꦔꦶꦁ​ꦲꦺꦴꦫ​ꦧꦶꦱ​ꦲꦥꦲꦥ​꧈​ꦲꦮꦶꦠ꧀ꦫꦪꦠ꧀ꦠꦺꦱꦼꦤꦼꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦭꦤ꧀ꦥꦢ​ꦏꦼꦠꦫꦶꦏ꧀ꦠꦼꦤꦤ꧀ꦏꦫꦺꦴ​ꦢꦺꦏ꧀ꦤꦺ꧉​ ↑ ↑ ↑


꧋ꦥꦶꦠꦏꦺꦴꦤ꧀ꦤꦤ꧀ꦧꦧ꧀ꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧇​꧒꧐꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦭꦁ​ꦭꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦮꦺꦴꦁ​ꦲꦺꦴꦏꦺꦃꦤꦁꦒꦿꦺꦗ​ꦒꦼꦢꦺ꧉​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦼꦤꦸꦤ꧀ꦠꦸꦤꦺ​ꦧꦁꦱ​ꦙꦸꦥꦢ​ꦩꦫ​꧉​ 2ꦮꦺꦴꦁꦮꦺꦴꦁ​ꦏꦸꦮꦶ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦥ​ꦏꦺꦴꦮꦺ​ꦧꦶꦱ​ꦤ꧀ꦢꦸꦢꦸꦃꦲꦏꦺꦱꦁꦏꦔꦼꦤ꧀ꦢꦶ​ꦥꦔ꧀ꦮꦱꦩꦸ​ꦏꦁꦒꦺꦴ​ꦤꦶꦤ꧀ꦢꦏ꧀ꦏꦏꦺꦏꦧꦺꦃ​ꦥꦽꦏꦫ​ꦏꦸꦮꦶ​?ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦏꦺꦴꦮꦺ​?”

3꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦏꦸ​ꦲꦸꦒ​ꦏꦼꦥꦺꦔꦶꦤ꧀ꦠꦏꦺꦴꦤ꧀ꦩꦫꦁ​ꦏꦺꦴꦮꦺ​꧉​ꦗꦗꦭ꧀ꦔꦺꦴꦩꦺꦴꦁ! 4ꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦪꦺꦴꦲꦤꦼꦱ꧀ꦏꦁꦒꦺꦴ​ꦲꦩ꧀ꦧꦥ꧀ꦠꦶꦱ꧀ꦮꦺꦴꦁ​?ꦒꦸꦱ꧀ꦠꦶ​ꦄꦭ꧀ꦭꦃ​ꦲꦥ​ꦩꦤꦸꦁꦱ​?”

5꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦥꦢ​ꦉꦩ꧀ꦧꦸꦏ꧀ꦏꦤ꧀꧈​ꦱꦶꦁ​ꦱꦶꦗꦶ​ꦔꦺꦴꦩꦺꦴꦁꦩꦫꦁ​ꦭꦶꦪꦤꦺ​:“ꦏꦼꦥꦿꦶꦪꦺ​ꦲꦮꦏ꧀ꦏꦺ​ꦢꦺꦮꦺꦱꦶꦁ​ꦚꦲꦸꦂꦫꦶ​?ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦔꦺꦴꦩꦺꦴꦁ:'ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧈'​ꦩꦼꦁꦏꦺꦴ​ꦢꦺꦏ꧀ꦤꦺꦧꦏꦭ꧀ꦔꦺꦴꦩꦺꦴꦁ:'ꦭꦃ​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦲꦺꦴꦫ​ꦥꦢ​ꦥꦽꦕꦪ​ꦩꦫꦁ​ꦪꦺꦴꦲꦤꦼꦱ꧀?’ 6ꦤꦁꦔꦶꦁ​ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦔꦺꦴꦩꦺꦴꦁ:'ꦱꦁꦏꦩꦤꦸꦁꦱ​꧈'​ꦲꦮꦏ꧀ꦏꦺ​ꦢꦺꦮꦺꦩꦼꦁꦏꦺꦴ​ꦢꦶꦧꦤ꧀ꦢꦼꦩ꧀ꦩꦶꦮꦠꦸ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃꦲꦶꦏꦶ​꧈​ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦏꦧꦺꦃ​ꦔꦁꦒꦼꦥ꧀ꦪꦺꦴꦲꦤꦼꦱ꧀ꦤꦧꦶ​꧉​” 7ꦢꦢꦶꦤꦺ​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦱꦼꦩꦲꦸꦂ​ꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦔꦼꦂꦠꦶ​꧉​”

8꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦔꦺꦴꦤꦺꦴ​ꦏꦺꦴꦮꦺ​ꦪ​ꦲꦺꦴꦫ​ꦠꦏ꧀ꦲꦺꦴꦩꦺꦴꦁꦔꦶꦱꦥ​ꦱꦶꦁ​ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​ꦏꦁꦒꦺꦴ​ꦤꦶꦤ꧀ꦢꦏ꧀ꦏꦏꦺꦏꦸꦮꦶ​ꦩꦲꦸ​ꦏꦧꦺꦃ​꧉​”

꧋ꦠꦼꦩ꧀ꦧꦸꦁ​ꦒꦩ꧀ꦧꦂ​ꦧꦧ꧀ꦮꦺꦴꦁ​ꦚꦺꦮ​ꦏꦼꦧꦺꦴꦤ꧀꧈​

9꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦩꦫꦁ​ꦮꦺꦴꦁꦮꦺꦴꦁ​ꦩꦲꦸ​꧈​ꦲꦸꦤꦶꦤꦺ​:“ꦲꦺꦤꦺꦁꦮꦺꦴꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦢꦽꦲꦶꦥ꦳꧀꧈​ꦏꦼꦧꦺꦴꦤꦺ​ꦢꦶꦱꦺꦮꦏ꧀ꦏꦏꦺꦩꦫꦁ​ꦮꦺꦴꦁ​ꦠꦤꦶ​꧉​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦭꦸꦔ​ꦲꦢꦺꦴꦃ​ꦭꦤ꧀ꦩꦁꦒꦺꦴꦤ꧀ꦤꦁꦏꦤ​ꦱꦩ꧀ꦥꦺꦏ꧀ꦱꦸꦮꦶ꧉​ 10ꦏꦢꦸꦁ​ꦮꦶꦱ꧀ꦮꦪꦃꦲꦺ​ꦔꦸꦤ꧀ꦢꦸꦃ꧈​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦔꦺꦴꦁꦏꦺꦴꦤ꧀ꦱ꧀ꦭꦥ꦳꧀ꦥ꦳ꦺꦩꦫꦤꦶ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔ꧀ꦒꦫꦥ꧀ꦏꦼꦧꦺꦴꦤꦺ​꧈​ꦏꦺꦴꦁꦏꦺꦴꦤ꧀​ꦚ꧀ꦗꦭꦸꦏ꧀ꦧꦒꦺꦪꦤ꧀ꦤꦺꦱꦁꦏꦥꦩꦼꦠꦸꦤꦺ​꧉​ꦤꦁꦔꦶꦁ​ꦮꦺꦴꦁ​ꦱꦶꦁ​ꦢꦶꦏꦺꦴꦁꦏꦺꦴꦤ꧀ꦩꦲꦸ​ꦢꦶꦥꦼꦤ꧀ꦠꦸꦁꦔꦶꦏꦫꦺꦴ​ꦮꦺꦴꦁ​ꦱꦶꦁ​ꦔ꧀ꦒꦫꦥ꧀ꦏꦼꦧꦺꦴꦤꦺ​꧈​ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦭꦶꦏ꧀ꦠꦤ꧀ꦥ​ꦔ꧀ꦒꦮ​ꦲꦥꦲꦥ​꧉​ 11ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦱ꧀ꦭꦥ꦳꧀ꦭꦶꦪꦤꦺ​꧈​ꦤꦁꦔꦶꦁ​ꦱ꧀ꦭꦥ꦳꧀ꦲꦶꦏꦶ​ꦲꦸꦒ​ꦢꦶꦥꦼꦤ꧀ꦠꦸꦁꦔꦶꦭꦤ꧀ꦢꦶꦲꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦏꦫꦺꦴ​ꦱꦶꦁ​ꦔ꧀ꦒꦫꦥ꧀ꦏꦼꦧꦺꦴꦤ꧀ ꦠꦼꦫꦸꦱ꧀ꦢꦶꦏꦺꦴꦁꦏꦺꦴꦤ꧀ꦧꦭꦶꦏ꧀ꦠꦤ꧀ꦥ​ꦔ꧀ꦒꦮ​ꦲꦥꦲꦥ​꧉​ 12ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀ꦱ꧀ꦭꦥ꦳꧀ꦩꦼꦤꦺꦃ​꧈​ꦏꦥꦶꦁ​ꦠꦼꦭꦸꦤꦺ​꧉​ꦤꦁꦔꦶꦁ​ꦏꦺꦴꦁꦏꦺꦴꦤ꧀ꦤꦤ꧀ꦏꦸꦮꦶ​ꦲꦸꦒ​ꦢꦶꦥꦼꦤ꧀ꦠꦸꦁꦔꦶꦠꦼꦫꦸꦱ꧀ꦢꦶꦧꦸꦮꦁ​ꦤꦁꦱꦏ꧀​ꦚ꧀ꦗꦧꦤꦺ​ꦏꦼꦧꦺꦴꦤ꧀꧈​ 13ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦩꦶꦏꦶꦂ​:'ꦱꦲꦶꦏꦶ​ꦲꦥꦶꦏ꧀ꦏꦺ​ꦏꦼꦥꦿꦶꦪꦺ​?ꦲꦏꦸ​ꦠꦏ꧀ꦔꦺꦴꦁꦏꦺꦴꦤ꧀ꦲꦤꦏ꧀ꦏꦸ​ꦢꦺꦮꦺꦮꦲꦺ​꧈​ꦲꦤꦏ꧀ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧉​ꦩꦼꦤꦮ​ꦮꦺꦴꦁꦮꦺꦴꦁ​ꦏꦸꦮꦶ​ꦔꦗꦺꦤ꧀ꦤꦶ​ꦩꦫꦁ​ꦲꦤꦏ꧀ꦏꦸ​꧉'​ 14ꦤꦁꦔꦶꦁ​ꦏꦢꦸꦁ​ꦥꦫ​ꦥꦼꦁꦒꦫꦥ꧀ꦏꦼꦧꦺꦴꦤ꧀ꦩꦲꦸ​ꦮꦼꦫꦸꦃ​ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦠꦼꦏ​꧈​ꦠꦼꦫꦸꦱ꧀ꦥꦢ​ꦉꦩ꧀ꦧꦸꦏ꧀ꦏꦤ꧀ꦔꦺꦤꦺ​:'ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦲꦶꦏꦶ​ꦌꦤꦏ꧀ꦏꦺꦢꦶꦥꦠꦺꦤ꧀ꦤꦶ​ꦮꦲꦺ​ꦱꦸꦥꦪ​ꦲꦮꦏ꧀ꦏꦺ​ꦢꦺꦮꦺꦲꦺꦤ꧀ꦠꦸꦏ꧀ꦮꦫꦶꦱ꧀ꦱꦤ꧀ꦤꦺ​꧉'​ 15ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦚꦺꦫꦺꦠ꧀ꦲꦤꦏ꧀ꦏꦺ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦤꦁꦱꦏ꧀​ꦚ꧀ꦗꦧꦤꦺ​ꦏꦼꦧꦺꦴꦤ꧀ꦠꦼꦫꦸꦱ꧀ꦢꦶꦥꦠꦺꦤ꧀ꦤꦶ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔꦿꦸꦔꦺꦴꦏ꧀ꦏꦏꦺ:“ꦱꦲꦶꦏꦶ​ꦥꦫ​ꦥꦼꦁꦒꦫꦥ꧀ꦏꦼꦧꦺꦴꦤ꧀ꦩꦲꦸ​ꦧꦏꦭ꧀ꦢꦶꦏꦥꦏ꧀ꦏꦏꦺꦏꦫꦺꦴ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀? 16ꦮꦶꦱ꧀ꦩꦼꦱ꧀ꦠꦶꦤꦺꦏ꧀ꦮꦺꦴꦁ​ꦱꦶꦁ​ꦤ꧀ꦢꦸꦮꦺꦏꦼꦧꦺꦴꦤ꧀ꦢꦽꦲꦶꦥ꦳꧀ꦧꦏꦭ꧀ꦠꦼꦏ​ꦭꦤ꧀ꦩꦠꦺꦤ꧀ꦤꦶ​ꦥꦫ​ꦥꦼꦁꦒꦫꦥ꧀ꦭꦤ꧀ꦏꦼꦧꦺꦴꦤꦺ​ꦧꦏꦭ꧀ꦢꦶꦱꦺꦮꦏ꧀ꦏꦏꦺꦩꦫꦁ​ꦮꦺꦴꦁ​ꦭꦶꦪ​꧉​”

꧋ꦏꦢꦸꦁ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦩꦲꦸ​꧈​ꦮꦺꦴꦁ​ꦱꦶꦁ​ꦔꦿꦸꦔꦺꦴꦏ꧀ꦏꦏꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦶꦏꦸ​ꦲꦺꦴꦫ​ꦧꦏꦭ꧀​ꦏ꧀ꦭꦏꦺꦴꦤ꧀!”

17꧋ꦒꦸꦱ꧀ꦠꦶ​ꦪꦺꦯꦸꦱ꧀ꦚꦮꦁ​ꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦔꦺꦴꦤꦺꦴ​꧈​ꦲꦥ​ꦠ​ꦠꦼꦒꦼꦱ꧀ꦱꦺ​ꦲꦪꦠ꧀ꦲꦶꦏꦶ​:

‘ꦮꦠꦸ​ꦱꦶꦁ​ꦢꦶꦠꦩ꧀ꦥꦶꦏ꧀ꦏꦫꦺꦴ​
ꦮꦺꦴꦁ​ꦱꦶꦁ​ꦠꦸꦏꦁ​ꦔ꧀ꦒꦮꦺ​ꦲꦺꦴꦩꦃ​꧈​
ꦲꦮꦶꦠ꧀ꦢꦶꦲꦁꦒꦼꦥ꧀ꦲꦺꦴꦫ​ꦲꦺꦤꦺꦁꦒꦸꦤꦤꦺ​꧈​
ꦪꦏꦸꦮꦶ​ꦗꦼꦧꦸꦭ꧀ꦮꦠꦸ​ꦱꦶꦁ​ꦲꦥꦶꦏ꧀ꦢꦺꦮꦺ꧉​’

18ꦱꦥ​ꦱꦶꦁ​ꦠꦶꦧ​ꦤꦁꦮꦠꦸ​ꦏꦸꦮꦶ​ꦧꦏꦭ꧀ꦲꦗꦸꦂꦩꦸꦩꦸꦂ​ꦭꦤ꧀ꦱꦥ​ꦱꦶꦁ​ꦏꦼꦠꦶꦧꦤ꧀ꦮꦠꦸ​ꦏꦸꦮꦶ​ꦧꦏꦭ꧀ꦉꦩꦸꦏ꧀꧈​”

꧋ꦥꦶꦠꦏꦺꦴꦤ꧀​ꦧꦧ꧀ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁ꧉​

19꧋ꦥꦫ​ꦒꦸꦫꦸ​ꦏꦶꦠꦧ꧀ꦭꦤ꧀ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦔꦼꦂꦠꦶ​ꦤꦺꦏ꧀ꦒꦩ꧀ꦧꦂ​ꦏꦸꦮꦶ​ꦏꦁꦒꦺꦴ​ꦢꦺꦏ꧀ꦤꦺꦏꦧꦺꦃ​꧈​ꦩꦸꦭꦤꦺ​ꦥꦢ​ꦏꦼꦥꦺꦔꦶꦤ꧀ꦚꦼꦏꦼꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦁ​ꦮꦏ꧀ꦠꦸ​ꦏꦸꦮꦶ​꧈​ꦤꦁꦔꦶꦁ​ꦥꦢ​ꦮꦼꦢꦶ​ꦏꦫꦺꦴ​ꦮꦺꦴꦁ​ꦲꦺꦴꦏꦺꦃ꧉​ 20ꦏꦼꦏꦉꦥ꧀ꦥꦤ꧀ꦤꦺ​ꦩꦲꦸ​ꦠꦼꦫꦸꦱ꧀ꦢꦶꦲꦸꦤ꧀ꦢꦸꦂꦫꦏꦺꦤ꧀ꦢꦶꦱꦶꦏ꧀ ꦔꦼꦤ꧀ꦠꦺꦤ꧀ꦤꦶ​ꦮꦏ꧀ꦠꦸ​ꦱꦶꦁ​ꦥꦼꦤꦼꦂ꧉​ꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦥꦢ​ꦏꦺꦴꦁꦏꦺꦴꦤ꧀ꦤꦤ꧀ꦮꦺꦴꦁ​ꦱꦶꦗꦶꦭꦺꦴꦫꦺꦴꦱꦶꦁ​ꦢꦶꦧꦪꦂ​꧈​ꦏꦺꦴꦁꦏꦺꦴꦤ꧀ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦺꦮꦺꦴꦁ​ꦲꦥꦶꦏ꧀ꦱꦶꦁ​ꦔꦼꦠꦺꦴꦏ꧀ꦏꦏꦺꦥꦶꦠꦏꦺꦴꦤꦤ꧀ꦥꦶꦠꦏꦺꦴꦤꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦸꦗꦸꦮꦤ꧀ꦤꦺꦤꦩꦸꦁ​ꦏꦁꦒꦺꦴ​ꦔꦼꦤꦺꦁꦢꦺꦏ꧀ꦤꦺ꧉​ꦢꦢꦶꦤꦺ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦶꦁ​ꦏ꧀ꦭꦺꦫꦸ​꧈​ꦮꦺꦴꦁꦮꦺꦴꦁ​ꦤ꧀ꦢꦸꦮꦺꦗꦭꦂꦫꦤ꧀ꦏꦁꦒꦺꦴ​ꦚꦼꦏꦼꦭ꧀ꦢꦺꦏ꧀ꦤꦺꦭꦤ꧀ꦩꦱꦿꦃꦲꦏꦺꦢꦺꦏ꧀ꦤꦺꦩꦫꦁ​ꦒꦿꦩꦁꦔꦺ꧉​ 21ꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦤꦤ꧀ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦲꦮꦏ꧀ꦏꦺ​ꦢꦺꦮꦺꦔꦼꦂꦠꦶ​ꦤꦺꦏ꧀ꦱꦼꦩ꧀ꦧꦫꦁ​ꦱꦶꦁ​ꦲꦩ꧀ꦧꦺꦴꦏ꧀ꦮꦸꦭꦁꦔꦏꦺꦭꦤ꧀ꦲꦩ꧀ꦧꦺꦴꦏ꧀ꦒꦼꦭꦂꦫꦏꦺꦏꦸꦮꦶ​ꦧꦼꦤꦼꦂ​ꦏꦧꦺꦃ​꧉​ꦲꦮꦏ꧀ꦏꦺ​ꦢꦺꦮꦺꦲꦸꦒ​ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦮꦼꦢꦶ​ ꦩꦫꦁ​ꦱꦥꦱꦥ​꧈​ꦤꦁꦔꦶꦁ​ꦤꦩꦸꦁ​ꦔ꧀ꦒꦼꦭꦂꦫꦏꦺꦲꦥ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 22ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦔꦼꦂꦠꦶ​ꦧꦧ꧀ꦲꦶꦏꦶ​:ꦩꦤꦸꦠ꧀ꦲꦒꦩꦤꦺ​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦩꦫꦁ​ꦫꦠꦸꦤꦺ​ꦲꦺꦤ꧀ꦠꦸꦏ꧀ꦲꦥ​ꦲꦺꦴꦫ​?”

23꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦂꦠꦶ​ꦤꦺꦏ꧀ꦮꦺꦴꦁꦮꦺꦴꦁ​ꦏꦸꦮꦶ​ꦤ꧀ꦢꦸꦮꦺꦠꦸꦗꦸꦮꦤ꧀ꦱꦶꦁ​ꦲꦺꦴꦫ​ꦲꦥꦶꦏ꧀ ꦩꦸꦭꦤꦺ​ꦢꦺꦏ꧀ꦤꦺꦔꦺꦴꦩꦺꦴꦁ: 24“ꦤ꧀ꦢꦼꦭꦺꦴꦏ꧀ ꦲꦏꦸ​ꦏꦼꦥꦺꦔꦶꦤ꧀ꦮꦼꦫꦸꦃ​ꦢꦸꦮꦶꦠ꧀ꦥꦺꦫꦏ꧀ꦏꦺꦤꦺ​꧉​ꦏꦸꦮꦶ​ꦲꦺꦤꦺꦁꦒꦩ꧀ꦧꦂꦫꦺ​ꦱꦥ​ꦭꦤ꧀ꦲꦺꦤꦺꦁꦠꦸꦭꦶꦱ꧀ꦱꦤ꧀ꦤꦺ​ꦲꦥ​?”

꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦱꦼꦩꦲꦸꦂ​:“ꦒꦩ꧀ꦧꦂꦫꦺ​ꦭꦤ꧀ꦠꦸꦭꦶꦱ꧀ꦱꦤ꧀ꦤꦺ​ꦫꦠꦸꦤꦺ​!” 25ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦔꦺꦴꦤꦺꦴ​꧈​ꦏꦺꦏ꧀ꦤꦩꦫꦁ​ꦫꦠꦸꦤꦺ​ꦲꦥ​ꦱꦶꦁ​ꦮꦺꦏ꧀ꦏꦺꦫꦠꦸꦤꦺ​ꦭꦤ꧀ꦏꦺꦏ꧀ꦤꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦥ​ꦱꦶꦁ​ꦮꦺꦏ꧀ꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​” 26ꦩꦼꦁꦏꦺꦴꦤꦺꦴ​ꦏꦸꦮꦶ​ꦏꦺꦠꦺꦴꦏ꧀ꦤꦺꦏ꧀ꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦤꦤ꧀ꦏꦸꦮꦶ​ꦲꦺꦴꦫ​ꦧꦶꦱ​ꦔꦼꦤꦺꦁꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃ꧉​ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦸꦩꦸꦤ꧀ꦭꦤ꧀ꦲꦺꦴꦫ​ꦮꦤꦶ​ꦔꦺꦴꦩꦺꦴꦁꦲꦥꦲꦥ​꧉​

꧋ꦥꦶꦠꦏꦺꦴꦤ꧀​ꦧꦧ꧀ꦠꦔꦶꦤꦺ​ꦮꦺꦴꦁ​ꦩꦠꦶ​꧉​

27꧋ꦲꦺꦤꦺꦁꦮꦺꦴꦁ​ꦱꦢꦸꦏꦶ​ꦱꦶꦗꦶꦭꦺꦴꦫꦺꦴꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦮꦺꦴꦁ​ꦱꦢꦸꦏꦶ​ꦏꦸꦮꦶ​ꦲꦺꦴꦫ​ꦥꦽꦕꦪ​ꦤꦺꦏ꧀ꦮꦺꦴꦁ​ꦩꦠꦶ​ꦧꦏꦭ꧀ꦠꦔꦶ​ꦩꦼꦤꦺꦃ​꧉​ 28ꦮꦺꦴꦁꦮꦺꦴꦁ​ꦲꦶꦏꦶ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦤꦧꦶ​ꦩꦺꦴꦱꦼꦱ꧀ꦮꦶꦱ꧀ꦔꦼꦏꦺꦏ꧀ꦏꦶꦮꦺꦠ꧀ꦩꦫꦁ​ꦲꦮꦏ꧀ꦏꦺ​ꦢꦺꦮꦺꦏꦧꦺꦃ​ꦔꦺꦤꦺ​:'ꦤꦺꦏ꧀ꦲꦺꦤꦺꦁꦮꦺꦴꦁ​ꦭꦤꦁ​ꦩꦠꦶ​ꦤꦶꦁꦒꦭ꧀ꦧꦺꦴꦗꦺꦴ​ꦠꦤ꧀ꦥ​ꦤ꧀ꦢꦸꦮꦺꦲꦤꦏ꧀ ꦱꦼꦢꦸꦭꦸꦂꦫꦺ​ꦭꦤꦁ​ꦏꦸꦢꦸ​ꦔꦼꦥꦺꦏ꧀ꦫꦤ꧀ꦢꦱꦶꦁ​ꦢꦶꦠꦶꦁꦒꦭ꧀ꦩꦠꦶ​ꦏꦸꦮꦶ​꧉​ꦠꦸꦗꦸꦮꦤ꧀ꦤꦺꦱꦸꦥꦪ​ꦤꦸꦏꦸꦭ꧀ꦭꦏꦺꦠꦸꦫꦸꦤ꧀ꦤꦤ꧀ꦏꦁꦒꦺꦴ​ꦱꦼꦢꦸꦭꦸꦂꦫꦺ​ꦱꦶꦁ​ꦩꦠꦶ​꧉'​ 29ꦱꦲꦶꦏꦶ​ꦲꦺꦤꦺꦁꦱꦼꦢꦸꦭꦸꦂ​ꦥꦶꦠꦸ​꧉​ꦱꦶꦁ​ꦲꦩ꧀ꦧꦉꦥ꧀ꦏꦮꦶꦤ꧀ ꦤꦁꦔꦶꦁ​ꦠꦼꦫꦸꦱ꧀ꦩꦠꦶ​ꦠꦤ꧀ꦥ​ꦤꦶꦁꦒꦭ꧀ꦲꦤꦏ꧀꧈​ 30ꦫꦤ꧀ꦢꦤꦺꦠꦼꦫꦸꦱ꧀ꦢꦶꦲꦼꦥꦺꦏ꧀ꦏꦫꦺꦴ​ꦲꦢꦶꦏ꧀ꦏꦺꦱꦶꦁ​ꦤꦺꦴꦩꦼꦂ​ꦭꦺꦴꦫꦺꦴ​꧉​ꦢꦺꦏ꧀ꦤꦺꦲꦸꦒ​ꦩꦠꦶ​꧉​ 31ꦠꦼꦫꦸꦱ꧀ꦢꦶꦲꦼꦥꦺꦏ꧀ꦏꦫꦺꦴ​ꦱꦶꦁ​ꦤꦺꦴꦩꦼꦂ​ꦠꦼꦭꦸ​꧉​ꦩꦼꦁꦏꦺꦴꦤꦺꦴ​ꦏꦸꦮꦶ​ꦲꦩ꧀ꦧꦺꦴꦏ꧀ꦫꦤ꧀ꦢꦤꦺꦱꦩ꧀ꦥꦺꦏ꧀ꦮꦶꦱ꧀ꦢꦶꦲꦼꦥꦺꦏ꧀ꦏꦫꦺꦴ​ꦱꦼꦢꦸꦭꦸꦂ​ꦥꦶꦠꦸ​ꦏꦧꦺꦃ​꧈​ꦤꦁꦔꦶꦁ​ꦥꦢ​ꦩꦠꦶ​ꦠꦤ꧀ꦥ​ꦤꦶꦁꦒꦭ꧀ꦲꦤꦏ꧀꧈​ 32ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦫꦤ꧀ꦢꦤꦺꦪ​ꦩꦠꦶ​ꦥꦶꦱꦤ꧀꧈​ 33ꦭꦃ​ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦺꦴꦁ​ꦩꦠꦶ​ꦥꦢ​ꦠꦔꦶ​꧈​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​ꦢꦢꦶ​ꦧꦺꦴꦗꦺꦴꦤꦺ​ꦱꦶꦁ​ꦲꦼꦤ꧀ꦢꦶ​?ꦲꦮꦶꦠ꧀ꦮꦺꦴꦁ​ꦭꦤꦁ​ꦥꦶꦠꦸ​ꦏꦸꦮꦶ​ꦏꦧꦺꦃ​ꦮꦶꦱ꧀ꦠꦲꦸ​ꦢꦢꦶ​ꦧꦺꦴꦗꦺꦴꦤꦺ​ꦮꦺꦴꦁ​ꦮꦺꦢꦺꦴꦏ꧀ꦏꦸꦮꦶ​?”

34꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦲꦶꦁ​ꦢꦺꦴꦚ​ꦏꦺꦤꦺ​ꦮꦺꦴꦁ​ꦭꦤꦁ​ꦭꦤ꧀ꦮꦺꦢꦺꦴꦏ꧀ꦥꦢ​ꦏꦮꦶꦤ꧀꧈​ 35ꦤꦁꦔꦶꦁ​ꦮꦺꦴꦁ​ꦭꦤꦁ​ꦭꦤ꧀ꦮꦺꦢꦺꦴꦏ꧀ꦱꦶꦁ​ꦏꦲꦁꦒꦼꦥ꧀ꦥꦤ꧀ꦠꦼꦱ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​ꦭꦤ꧀ꦲꦸꦫꦶꦥ꧀ꦲꦶꦁ​ꦗꦩꦤ꧀ꦏꦼꦭꦁꦒꦼꦁꦔꦤ꧀ꦏꦸꦮꦶ​ꦲꦺꦴꦫ​ꦥꦢ​ꦏꦮꦶꦤ꧀ꦤꦤ꧀꧈​ 36ꦧꦏꦭ꧀ꦭꦺ​ꦏꦪ​ꦩꦸꦭꦺꦏꦠ꧀ ꦲꦮꦶꦠ꧀ꦲꦺꦴꦫ​ꦥꦢ​ꦩꦠꦶ​ꦩꦼꦤꦺꦃ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦢꦢꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦶꦠ꧀ꦮꦶꦱ꧀ꦥꦢ​ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​꧉​ 37ꦤꦧꦶ​ꦩꦺꦴꦱꦼꦱ꧀ꦢꦺꦮꦺꦔꦺꦴꦩꦺꦴꦁꦔꦏꦺꦏꦤ꧀ꦠꦶꦕꦼꦠ​ꦤꦺꦏ꧀ꦮꦺꦴꦁ​ꦩꦠꦶ​ꦧꦏꦭ꧀ꦢꦶꦠꦔꦺꦏ꧀ꦏꦏꦺꦩꦼꦤꦺꦃ​꧉​ꦤꦁꦠꦸꦭꦶꦱ꧀ꦱꦤ꧀ꦱꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦒꦿꦸꦩ꧀ꦧꦸꦭ꧀ꦲꦼꦫꦶ​ꦱꦶꦁ​ꦩꦸꦫꦸꦥ꧀ꦢꦺꦏ꧀ꦤꦺꦔꦫꦤ꧀ꦤꦶ​ꦒꦸꦱ꧀ꦠꦶ​ꦄꦭ꧀ꦭꦃ​:ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦄꦨꦿꦲꦩ꧀ ꦆꦱꦏ꧀ꦭꦤ꧀ꦪꦏꦸꦧ꧀꧈​ 38ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦢꦸꦢꦸ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦮꦺꦴꦁ​ꦩꦠꦶ​꧈​ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦮꦺꦴꦁ​ꦲꦸꦫꦶꦥ꧀꧈​ꦲꦮꦶꦠ꧀ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦺꦴꦁꦮꦺꦴꦁ​ꦏꦸꦮꦶ​ꦏꦧꦺꦃ​ꦲꦸꦫꦶꦥ꧀꧈​”

39꧋ꦲꦺꦤꦺꦁꦒꦸꦫꦸ​ꦏꦶꦠꦧ꧀ꦱꦶꦗꦶꦭꦺꦴꦫꦺꦴꦱꦶꦁ​ꦔꦺꦴꦩꦺꦴꦁ:“ꦠꦼꦩ꧀ꦧꦸꦁꦩꦸ​ꦏꦸꦮꦶ​ꦥꦚ꧀ꦕꦺꦤ꧀ꦧꦼꦤꦼꦂ​ꦠꦼꦤꦤ꧀ ꦒꦸꦫꦸ​꧉​” 40ꦮꦺꦴꦁꦮꦺꦴꦁ​ꦩꦲꦸ​ꦮꦶꦱ꧀ꦲꦺꦴꦫ​ꦮꦤꦶ​ꦠꦏꦺꦴꦤ꧀ꦲꦥꦲꦥ​ꦩꦼꦤꦺꦃ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦥꦶꦠꦏꦺꦴꦤ꧀​ꦧꦧ꧀ꦏꦿꦶꦱ꧀ꦡꦸꦱ꧀꧈​

41꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦮꦺꦴꦁꦮꦺꦴꦁ​ꦩꦲꦸ​:“ꦭꦃ​ꦏꦼꦥꦿꦶꦪꦺ​ꦏꦺꦴꦏ꧀ꦮꦺꦴꦁ​ꦧꦶꦱ​ꦔꦫꦤ꧀ꦤꦶ​ꦏꦿꦶꦱ꧀ꦡꦸꦱ꧀ꦏꦸꦮꦶ​ꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀? 42-43ꦭꦃ​ꦩꦁꦏ​ꦫꦠꦸ​ꦣꦮ꦳ꦼꦢ꧀ꦢꦺꦮꦺꦤꦁꦏꦶꦠꦧ꧀ꦩꦱ꧀ꦩꦸꦂ​ꦔꦺꦴꦩꦺꦴꦁꦔꦺꦤꦺ​:'ꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶꦏꦸ​:ꦏꦺꦴꦮꦺ​ꦚ꧀ꦗꦒꦺꦴꦁꦔꦤꦁꦠꦼꦔꦼꦤ꧀ꦏꦸ​꧈​ꦔꦤ꧀ꦠꦶ​ꦠꦼꦏꦤ꧀ꦮꦏ꧀ꦠꦸꦩꦸꦩꦸꦁꦱꦸꦃꦩꦸ​ꦥꦢ​ꦠꦏ꧀ꦠꦼꦭꦸꦏ꧀ꦏꦏꦺꦩꦫꦁ​ꦏꦺꦴꦮꦺ​꧉'​ 44ꦤꦺꦏ꧀ꦫꦠꦸ​ꦣꦮ꦳ꦼꦢ꧀ꦚꦼꦧꦸꦠ꧀ꦢꦺꦏ꧀ꦤꦺꦔꦁꦒꦺꦴ​ꦠꦼꦩ꧀ꦧꦸꦁ​ꦒꦸꦱ꧀ꦠꦶ​꧈​ꦭꦃ​ꦏꦼꦥꦿꦶꦪꦺ​ꦏꦿꦶꦱ꧀ꦡꦸꦱ꧀ꦏꦺꦴꦏ꧀ꦲꦸꦒ​ꦢꦢꦶ​ꦠꦸꦫꦸꦤ꧀ꦤꦤ꧀ꦤꦺ​?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦶꦱꦸꦥꦪ​ꦥꦢ​ꦔꦠꦶꦲꦠꦶ​ꦏꦫꦺꦴ​ꦥꦫ​ꦒꦸꦫꦸ​ꦏꦶꦠꦧ꧀꧈​

45꧋ꦢꦺꦴꦁꦔꦺꦮꦺꦴꦁ​ꦏꦧꦺꦃ​ꦲꦶꦗꦶꦏ꧀ꦔꦿꦸꦔꦺꦴꦏ꧀ꦏꦏꦺꦩꦫꦁ​ꦢꦺꦏ꧀ꦤꦺ꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​: 46“ꦥꦢ​ꦱꦶꦁ​ꦲꦠꦶꦲꦠꦶꦏꦫꦺꦴ​ꦥꦫ​ꦒꦸꦫꦸ​ꦏꦶꦠꦧ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦱꦼꦤꦼꦁ​ꦔꦁꦒꦺꦴ​ꦱꦭꦶꦤ꧀ꦢꦮ​꧈​ꦱꦼꦤꦼꦁ​ꦢꦶꦧꦒꦺꦏ꧀ꦏꦏꦺꦏꦫꦺꦴ​ꦮꦺꦴꦁꦮꦺꦴꦁ​ꦤꦁꦥꦱꦂ​꧉​ꦤꦺꦏ꧀ꦤꦁꦱꦶꦤꦒꦸꦏ꧀ꦲꦥ​ꦤꦁꦥꦺꦱ꧀ꦠ​ꦱꦼꦤꦼꦁꦔꦺ​ꦩꦶꦭꦶꦃ​ꦗꦒꦺꦴꦁꦔꦤ꧀ꦱꦶꦁ​ꦏꦗꦺꦤ꧀꧈​ 47ꦤꦁꦔꦶꦁ​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦔꦿꦩ꧀ꦥꦱ꧀ꦲꦺꦴꦩꦃꦲꦺ​ꦫꦤ꧀ꦢꦫꦤ꧀ꦢꦭꦤ꧀ꦏꦁꦒꦺꦴ​ꦩꦩꦺꦂꦫꦏꦺꦲꦥꦶꦏ꧀ꦏꦺ​ꦥꦢ​ꦤ꧀ꦢꦼꦢꦺꦴꦔ​ ꦱꦩ꧀ꦥꦺꦏ꧀ꦱꦸꦮꦶꦧꦔꦼꦠ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦩꦼꦱ꧀ꦠꦶꦧꦏꦭ꧀ꦢꦶꦱꦼꦠꦿꦥ꧀ꦱꦶꦁ​ꦲꦧꦺꦴꦠ꧀ꦠꦼꦤꦤ꧀꧈​” ↑ ↑ ↑


꧋ꦥꦮꦺꦃꦲꦺ​ꦩ꧀ꦧꦺꦴꦏ꧀ꦫꦤ꧀ꦢ꧉​

꧇​꧒꧑꧇​ 1꧋ꦤꦁꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦮꦺꦴꦁ​ꦱꦸꦒꦶꦃꦱꦸꦒꦶꦃ​ꦥꦢ​ꦔ꧀ꦊꦧꦺꦴꦏ꧀ꦏꦏꦺꦢꦸꦮꦶꦠ꧀ꦤꦁꦮꦢꦃꦢꦸꦮꦶꦠ꧀ꦥꦮꦺꦃ꧉​ 2ꦢꦺꦏ꧀ꦤꦺꦲꦸꦒ​ꦮꦼꦫꦸꦃ​ꦲꦺꦤꦺꦁꦲꦩ꧀ꦧꦺꦴꦏ꧀ꦫꦤ꧀ꦢꦩꦶꦱ꧀ꦏꦶꦤ꧀​ꦔ꧀ꦊꦧꦺꦴꦏ꧀ꦏꦏꦺꦥꦮꦺꦃꦲꦺ​ꦢꦸꦮꦶꦠ꧀ꦫꦺꦕꦺꦃ​ꦭꦺꦴꦫꦺꦴ​ꦱꦶꦁ​ꦕꦶꦭꦶꦏ꧀ꦧꦔꦼꦠ꧀ꦲꦗꦶꦤꦺ​꧉​ 3ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦢꦶꦠꦶꦠꦺꦤ꧀ꦤꦶ​!ꦲꦩ꧀ꦧꦺꦴꦏ꧀ꦫꦤ꧀ꦢꦩꦶꦱ꧀ꦏꦶꦤ꧀ꦏꦸꦮꦶ​ꦥꦮꦺꦃꦲꦺ​ꦭꦸꦮꦶꦃ​ꦲꦺꦴꦏꦺꦃꦠꦼꦤꦶꦩ꧀ꦧꦁꦮꦺꦴꦁꦮꦺꦴꦁ​ꦭꦶꦪꦤꦺ​꧉​ 4ꦲꦮꦶꦠ꧀ꦮꦺꦴꦁ​ꦭꦶꦪꦭꦶꦪꦤꦺ​ꦏꦸꦮꦶ​ꦲꦼꦁꦒꦺꦴꦤꦺ​ꦥꦮꦺꦃꦚ꧀ꦗꦶꦏꦸꦏ꧀ꦱꦁꦏꦏꦭꦸꦧꦺꦂꦫꦤ꧀ꦤꦺ​ꦏꦱꦸꦒꦶꦃꦲꦤ꧀ꦤꦺ​꧉​ꦤꦁꦔꦶꦁ​ꦲꦩ꧀ꦧꦺꦴꦏ꧀ꦫꦤ꧀ꦢꦩꦶꦱ꧀ꦏꦶꦤ꧀ꦥꦮꦺꦃꦢꦸꦮꦶꦠ꧀ꦏꦧꦺꦃ​ꦱꦏ꧀​ꦤ꧀ꦢꦸꦮꦺꦪ꧈​ꦱꦶꦁ​ꦢꦶꦧꦸꦠꦸꦃꦲꦏꦺꦏꦁꦒꦺꦴ​ꦔꦿꦸꦩꦠ꧀ꦲꦸꦫꦶꦥ꧀ꦥꦺꦢꦺꦮꦺ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦩ꧀ꦧꦁꦔꦶꦤꦺꦏ꧀ꦒꦿꦺꦗ​ꦒꦼꦢꦺꦧꦏꦭ꧀ꦢꦶꦫꦸꦱꦏ꧀꧈​

5꧋ꦲꦺꦤꦺꦁꦮꦺꦴꦁ​ꦱꦶꦗꦶꦭꦺꦴꦫꦺꦴꦥꦢ​ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦧꦧ꧀ꦲꦥꦶꦏ꧀ꦏꦺ​ꦒꦿꦺꦗ​ꦒꦼꦢꦺ꧈​ꦲꦼꦁꦒꦺꦴꦤꦺ​ꦢꦶꦲꦥꦶꦏ꧀ꦲꦥꦶꦏ꧀ꦏꦏꦺꦔꦁꦒꦺꦴ​ꦮꦠꦸꦮꦠꦸ​ꦱꦶꦁ​ꦲꦥꦶꦏ꧀ꦧꦔꦼꦠ꧀ꦭꦤ꧀ꦲꦸꦒ​ꦧꦫꦁ​ꦮꦼꦂꦤꦮꦼꦂꦤ​ꦱꦶꦁ​ꦢꦶꦱꦸꦩ꧀ꦧꦁꦔꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 6ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦩ꧀ꦧꦺꦱꦸꦏ꧀ꦧꦏꦭ꧀​ꦏ꧀ꦭꦏꦺꦴꦤ꧀ ꦏꦧꦺꦃ​ꦱꦶꦁ​ꦩ꧀ꦧꦺꦴꦏ꧀ꦱꦮꦁꦏꦸꦮꦶ​ꦧꦏꦭ꧀ꦲꦩ꧀ꦧꦿꦸꦏ꧀ ꦲꦺꦴꦫ​ꦲꦺꦤꦺꦁꦮꦠꦸ​ꦱꦶꦁ​ꦧꦏꦭ꧀ꦠꦼꦩꦸꦩ꧀ꦥꦁ​ꦤꦁꦮꦠꦸ​ꦭꦶꦪꦤꦺ​꧉​”

꧋ꦏꦱꦁꦱꦫꦤ꧀ꦭꦤ꧀ꦥꦚꦶꦪ​ꦚꦶꦪ​꧉​

7꧋ꦮꦺꦴꦁꦮꦺꦴꦁ​ꦩꦲꦸ​ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦫꦸ​꧈​ꦏꦥꦤ꧀ꦥꦽꦏꦫ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​ꦏ꧀ꦭꦏꦺꦴꦤ꧀?ꦭꦃ​ꦲꦥ​ꦠꦤ꧀ꦢꦤꦺꦱꦶꦁ​ꦤ꧀ꦢꦸꦢꦸꦃꦲꦏꦺꦤꦺꦏ꧀ꦥꦽꦏꦫ​ꦏꦸꦮꦶ​ꦧꦏꦭ꧀ꦠꦼꦏ​?”

8꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦥꦢ​ꦱꦶꦁ​ꦲꦮꦱ꧀ ꦲꦗ​ꦱꦩ꧀ꦥꦺꦏ꧀ꦏꦼꦤꦺꦁꦢꦶꦱꦱꦂꦫꦏꦺꦮꦺꦴꦁ​꧉​ꦲꦮꦶꦠ꧀ꦲꦺꦴꦏꦺꦃꦮꦺꦴꦁ​ꦱꦶꦁ​ꦧꦏꦭ꧀ꦠꦼꦏ​ꦔꦁꦒꦺꦴ​ꦗꦼꦤꦼꦁꦏꦸ​꧉​ꦮꦺꦴꦁꦮꦺꦴꦁ​ꦩꦲꦸ​ꦧꦏꦭ꧀ꦔꦺꦴꦩꦺꦴꦁ:'ꦲꦏꦸ​ꦲꦶꦏꦶ​ꦏꦿꦶꦱ꧀ꦡꦸꦱ꧀!’ꦭꦤ꧀'ꦱꦲꦶꦏꦶ​ꦮꦶꦱ꧀ꦠꦼꦏꦤ꧀ꦮꦚ꧀ꦕꦶꦤꦺ​!’ꦲꦗ​ꦥꦢ​ꦔ꧀ꦒꦸꦒꦸ​! 9ꦏꦺꦴꦮꦺ​ꦲꦗ​ꦥꦢ​ꦏꦒꦺꦠ꧀ꦤꦺꦏ꧀ꦏꦿꦸꦔꦸ​ꦏꦧꦂ​ꦧꦧ꧀ꦥꦼꦥꦼꦫꦁꦔꦤ꧀ꦭꦤ꧀ꦥꦼꦩ꧀ꦧꦿꦸꦤ꧀ꦠꦏ꧀ꦏꦤ꧀꧈​ꦲꦮꦶꦠ꧀ꦏꦸꦮꦶ​ꦏꦧꦺꦃ​ꦮꦶꦱ꧀ꦥꦚ꧀ꦕꦺꦤ꧀ꦏꦸꦢꦸ​ꦏ꧀ꦭꦏꦺꦴꦤ꧀​ꦤ꧀ꦢꦶꦱꦶꦏ꧀꧈​ꦤꦁꦔꦶꦁ​ꦏꦸꦮꦶ​ꦢꦸꦫꦸꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀꧈​” 10ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦧꦁꦱꦧꦁꦱ​ꦧꦏꦭ꧀ꦥꦢ​ꦥꦼꦥꦼꦫꦁꦔꦤ꧀ ꦤꦼꦒꦫ​ꦱꦶꦁ​ꦱꦶꦗꦶ​ꦧꦏꦭ꧀​ꦔ꧀ꦭꦮꦤ꧀ꦤꦼꦒꦫ​ꦱꦶꦁ​ꦭꦶꦪꦤꦺ​꧉​ 11ꦤꦁꦲꦼꦤ꧀ꦢꦶꦲꦼꦤ꧀ꦢꦶ​ꦧꦏꦭ꧀ꦲꦺꦤꦺꦁꦭꦶꦤ꧀ꦢꦸꦱꦶꦁ​ꦔ꧀ꦒꦼꦒꦶꦫꦶꦱꦶ​꧈​ꦏꦸꦫꦁ​ꦥꦔꦤ꧀ꦭꦤ꧀ꦊꦭꦫ​꧈​ꦱꦲꦶꦏꦶ​ꦤꦁꦏꦺꦤꦺ​꧈​ꦱꦺꦱꦸꦏ꧀ꦤꦁꦏꦤ​꧉​ꦲꦸꦒ​ꦧꦏꦭ꧀ꦲꦺꦤꦺꦁꦥꦽꦏꦫꦥꦽꦏꦫ​ꦱꦶꦁ​ꦔ꧀ꦒꦼꦒꦶꦫꦶꦱꦶ​ꦭꦤ꧀ꦱꦁꦏꦭꦔꦶꦠ꧀ꦧꦏꦭ꧀ꦲꦺꦤꦺꦁꦠꦤ꧀ꦢꦠꦤ꧀ꦢꦱꦶꦁ​ꦔ꧀ꦒꦸꦩꦸꦤ꧀ꦤꦏꦺ꧉​ 12ꦤꦁꦔꦶꦁ​ꦱꦏ꧀ꦢꦸꦫꦸꦁꦔꦺꦏꦧꦺꦃ​ꦏꦸꦮꦶ​ꦏ꧀ꦭꦏꦺꦴꦤ꧀ ꦏꦺꦴꦮꦺ​ꦧꦏꦭ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦥꦶꦭꦂꦫ​꧉​ꦏꦺꦴꦮꦺ​ꦧꦏꦭ꧀ꦢꦶꦏꦿꦸꦠꦸꦤꦁꦱꦶꦤꦒꦸꦏ꧀ꦭꦤ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀꧈​ꦏꦺꦴꦮꦺ​ꦧꦏꦭ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦥꦫ​ꦫꦠꦸ​ꦭꦤ꧀ꦥꦫ​ꦥꦔ꧀ꦮꦱ​꧈​ꦗꦭꦂꦫꦤ꧀ꦏꦺꦴꦮꦺ​ꦔ꧀ꦭꦧꦸꦃꦲꦶ​ꦲꦏꦸ​꧉​ 13ꦏꦸꦮꦶ​ꦏꦼꦭꦸꦁꦒꦂꦫꦤ꧀ꦏꦁꦒꦺꦴ​ꦏꦺꦴꦮꦺ​ꦔꦼꦠꦺꦴꦏ꧀ꦏꦏꦺꦥꦱꦼꦏ꧀ꦱꦶꦩꦸ​ꦧꦧ꧀ꦲꦏꦸ​꧉​ 14ꦲꦗ​ꦥꦢ​ꦧꦶꦔꦸꦁ​ꦱꦏ꧀ꦢꦸꦫꦸꦁꦔꦺꦧꦧ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤ꧀ꦩꦸ​ꦏꦸꦢꦸ​ꦤꦤ꧀ꦢꦸꦏ꧀ꦏꦶꦏꦁꦒꦺꦴ​ꦲꦩ꧀ꦧꦺꦭꦤꦶ​ꦲꦮꦏ꧀ꦩꦸ​ꦢꦺꦮꦺ꧉​ꦥꦢ​ꦲꦺꦭꦶꦁꦔ​ꦠꦼꦤꦤ꧀ꦧꦧ꧀ꦏꦸꦮꦶ​꧉​ 15ꦲꦮꦶꦠ꧀ꦲꦏꦸ​ꦢꦺꦮꦺꦱꦶꦁ​ꦧꦏꦭ꧀ꦔꦼꦏꦺꦏ꧀ꦏꦶꦠꦼꦩ꧀ꦧꦸꦁ​ꦭꦤ꧀ꦏꦥꦶꦤ꧀ꦠꦼꦂꦫꦤ꧀ꦩꦫꦁ​ꦏꦺꦴꦮꦺ​꧈​ꦩꦫꦏ꧀ꦏꦏꦺꦩꦸꦁꦱꦸꦃꦩꦸ​ꦲꦺꦴꦫ​ꦧꦏꦭ꧀ꦧꦶꦱ​ꦔꦼꦤ꧀ꦢꦼꦏ꧀ꦲꦥ​ꦲꦩ꧀ꦧꦤ꧀ꦠꦃ​ꦩꦫꦁ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​꧉​ 16ꦏꦺꦴꦮꦺ​ꦧꦏꦭ꧀ꦢꦶꦲꦼꦭꦸꦁꦔꦏꦺꦏꦫꦺꦴ​ꦧꦥꦲꦶꦧꦸꦩꦸ꧈​ꦏꦫꦺꦴ​ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​ꦭꦤ꧀ꦏꦚ꧀ꦕꦏꦚ꧀ꦕꦩꦸ​꧉​ꦏꦺꦴꦮꦺ​ꦧꦏꦭ꧀ꦲꦺꦤꦺꦁꦱꦶꦁ​ꦢꦶꦥꦠꦺꦤ꧀ꦤꦶ​ꦲꦸꦒ​꧉​ 17ꦏꦺꦴꦮꦺ​ꦧꦏꦭ꧀ꦢꦶꦱꦼꦔꦶꦠ꧀ꦠꦶ​ꦏꦫꦺꦴ​ꦮꦺꦴꦁ​ꦏꦧꦺꦃ​꧈​ꦗꦭꦂꦫꦤ꧀ꦏꦺꦴꦮꦺ​ꦔ꧀ꦭꦧꦸꦃꦲꦶ​ꦲꦏꦸ​꧉​ 18ꦤꦁꦔꦶꦁ​ꦫꦩ꧀ꦧꦸꦠ꧀ꦩꦸ​ꦱꦏꦼꦊꦂꦮꦲꦺ​ꦲꦺꦴꦫ​ꦧꦏꦭ꧀ꦲꦺꦤꦺꦁꦱꦶꦁ​ꦏꦭꦺꦴꦁ​꧉​ 19ꦤꦺꦏ꧀ꦏꦺꦴꦮꦺ​ꦩꦤ꧀ꦠꦼꦥ꧀ꦥꦽꦕꦪ​ꦠꦼꦫꦸꦱ꧀ ꦏꦺꦴꦮꦺ​ꦧꦏꦭ꧀ꦱ꧀ꦭꦩꦼꦠ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦫꦸꦱꦏ꧀ꦏꦺ​ꦏꦸꦠꦪꦺꦫꦸꦱꦭꦺꦩ꧀꧈​

20꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​:“ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦏꦸꦠꦪꦺꦫꦸꦱꦭꦺꦩ꧀ꦢꦶꦏꦸꦥꦼꦁꦏꦫꦺꦴ​ꦱꦺꦴꦭ꧀ꦢꦠ꧀ ꦥꦢ​ꦔꦼꦂꦠꦶꦪ​꧈​ꦲꦺꦴꦫ​ꦱꦸꦮꦶꦩꦼꦤꦺꦃ​ꦏꦸꦠꦏꦸꦮꦶ​ꦧꦏꦭ꧀ꦢꦶꦫꦸꦱꦏ꧀꧈​ 21ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦮꦺꦴꦁꦮꦺꦴꦁ​ꦤꦁꦧꦮꦃꦪꦸꦢꦺꦪ​ꦥꦢ​ꦭꦸꦔꦲ​ꦤꦁꦥꦼꦒꦸꦤꦸꦁꦔꦤ꧀꧈​ꦮꦺꦴꦁꦮꦺꦴꦁ​ꦱꦶꦁ​ꦤꦁꦏꦸꦠꦥꦢ​ꦩꦼꦠꦸꦮ​ꦱꦁꦏꦏꦸꦠꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦤꦁꦚ꧀ꦗꦧꦤꦺ​ꦏꦸꦠꦲꦗ​ꦥꦢ​ꦩ꧀ꦊꦧꦸ​ꦤꦁꦏꦸꦠ꧉​ 22ꦲꦮꦶꦠ꧀ꦲꦶꦁ​ꦢꦶꦤꦢꦶꦤ​ꦏꦸꦮꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦤꦼꦠꦼꦥ꧀ꦥꦏꦺꦱꦼꦠꦿꦥꦤ꧀ꦤꦺꦭꦤ꧀ꦱꦼꦩ꧀ꦧꦫꦁ​ꦱꦶꦁ​ꦮꦶꦱ꧀ꦏꦼꦠꦸꦭꦶꦱ꧀ꦤꦁꦏꦶꦠꦧ꧀ꦱꦸꦕꦶ​ꦧꦏꦭ꧀​ꦏ꧀ꦭꦏꦺꦴꦤ꧀꧈​ 23ꦩꦼꦭꦱ꧀ꦱꦏꦺꦠꦼꦤꦤ꧀ꦮꦺꦴꦁ​ꦮꦺꦢꦺꦴꦏ꧀ ꦱꦶꦁ​ꦩꦼꦠꦼꦁ​ꦭꦤ꧀ꦱꦶꦁ​ꦤ꧀ꦢꦸꦮꦺꦧꦪꦶ​꧉​ꦲꦮꦶꦠ꧀ꦤꦼꦒꦫ​ꦲꦶꦏꦶ​ꦧꦏꦭ꧀ꦔꦭꦩ꧀ꦩꦶ​ꦏꦱꦸꦱꦃꦲꦤ꧀ꦒꦼꦢꦺ꧈​ꦗꦭꦂꦫꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦚꦼꦠꦿꦥ꧀ꦧꦁꦱ​ꦲꦶꦏꦶ​꧉​ 24ꦲꦺꦤꦺꦁꦮꦺꦴꦁ​ꦱꦶꦁ​ꦧꦏꦭ꧀ꦢꦶꦥꦠꦺꦤ꧀ꦤꦶ​ꦏꦫꦺꦴ​ꦥꦼꦢꦁꦭꦤ꧀ꦲꦺꦤꦺꦁꦲꦸꦒ​ꦱꦶꦁ​ꦢꦢꦶ​ꦱꦼꦠꦿꦥꦤ꧀ꦢꦶꦧꦺꦴꦪꦺꦴꦁ​ꦤꦁꦤꦼꦒꦫꦤꦼꦒꦫ​ꦭꦶꦪ​꧉​ꦮꦺꦴꦁꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦶꦢꦼꦏ꧀ꦲꦶꦢꦼꦏ꧀ꦏꦸꦠꦪꦺꦫꦸꦱꦭꦺꦩ꧀ ꦔꦤ꧀ꦠꦶ​ꦠꦼꦏꦤꦺ​ꦮꦏ꧀ꦠꦸꦩꦸꦱꦶꦁ​ꦮꦶꦱ꧀ꦢꦶꦠꦼꦠꦼꦥ꧀ꦥꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦁꦒꦺꦴ​ꦧꦁꦱ​ꦏꦸꦮꦶ​꧉​”

꧋ꦠꦼꦏꦤꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​

25꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦼꦫꦸꦱ꧀ꦱꦏꦺꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦲꦩ꧀ꦧꦺꦱꦸꦏ꧀ꦧꦏꦭ꧀ꦲꦺꦤꦺꦁꦠꦤ꧀ꦢꦠꦤ꧀ꦢꦱꦶꦁ​ꦏꦺꦠꦺꦴꦏ꧀ꦤꦁꦱꦽꦔꦺꦔꦺ​꧈​ꦩ꧀ꦧꦸꦭꦤ꧀ꦭꦤ꧀ꦭꦶꦤ꧀ꦠꦁꦭꦶꦤ꧀ꦠꦁ​꧉​ꦤꦁ​ꦧꦸꦩꦶ​ꦧꦁꦱꦧꦁꦱ​ꦧꦏꦭ꧀ꦥꦢ​ꦧꦶꦔꦸꦁ​꧈​ꦗꦭꦂꦫꦤ꧀ꦱꦁꦏꦒꦼꦩ꧀ꦊꦒꦼꦂꦫꦺꦱꦼꦒꦫ​ꦭꦤ꧀ꦲꦺꦴꦩ꧀ꦧꦏ꧀ꦏꦺ​ꦱꦶꦁ​ꦩꦼꦢꦺꦤ꧀ꦤꦶ​꧉​ 26ꦲꦺꦴꦏꦺꦃꦮꦺꦴꦁ​ꦧꦏꦭ꧀ꦱꦼꦠꦼꦔꦃ​ꦩꦠꦶ​ꦮꦼꦢꦶꦤꦺ​ꦤꦺꦏ꧀ꦥꦢ​ꦩꦶꦏꦶꦂ​ꦥꦽꦏꦫꦥꦽꦏꦫ​ꦱꦶꦁ​ꦧꦏꦭ꧀​ꦏ꧀ꦭꦏꦺꦴꦤ꧀ꦤꦁꦗꦒꦠ꧀꧈​ꦲꦮꦶꦠ꧀ꦏꦼꦏꦸꦮꦠꦤ꧀ꦏꦼꦏꦸꦮꦠꦤ꧀ꦱꦶꦁ​ꦤꦠ​ꦭꦏꦸꦤꦺꦗꦒꦠ꧀ꦧꦏꦭ꧀ꦲꦸꦕꦸꦭ꧀꧈​ 27ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦮꦺꦴꦁꦮꦺꦴꦁ​ꦧꦏꦭ꧀ꦮꦼꦫꦸꦃ​ꦲꦤꦏ꧀ꦏꦺ​ꦩꦤꦸꦁꦱ​ꦠꦼꦏ​ꦤꦁꦩꦺꦒ​ꦔꦁꦒꦺꦴ​ꦏꦩꦸꦭꦾꦤ꧀ꦭꦤ꧀ꦥꦔ꧀ꦮꦱ​ꦒꦼꦢꦺ꧉​ 28ꦤꦺꦏ꧀ꦏꦧꦺꦃ​ꦏꦸꦮꦶ​ꦩꦺꦴꦭꦃꦲꦶꦏ꧀ꦭꦏꦺꦴꦤ꧀ ꦥꦢ​ꦔꦢꦼꦏ꧀ꦏꦭꦤ꧀ꦚꦮꦁꦔ​ꦤ꧀ꦢꦸꦮꦸꦂ꧈​ꦲꦮꦶꦠ꧀ꦲꦺꦴꦫ​ꦱꦸꦮꦶꦩꦼꦤꦺꦃ​ꦏꦺꦴꦮꦺ​ꦧꦏꦭ꧀ꦥꦢ​ꦏꦼꦭꦸꦮꦂꦫꦤ꧀꧈​”

꧋ꦥꦶꦮꦸꦭꦁ​ꦱꦁꦏꦮꦶꦠ꧀ꦲꦚ꧀ꦗꦶꦂ​꧉​

29꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦼꦏꦺꦏ꧀ꦏꦶꦒꦩ꧀ꦧꦂ​ꦔꦺꦤꦺ​:“ꦥꦢ​ꦠꦶꦠꦺꦤ꧀ꦤꦤ​ꦮꦶꦠ꧀ꦲꦚ꧀ꦗꦶꦂ​ꦭꦤ꧀ꦮꦶꦠ꧀ꦲꦥ​ꦮꦲꦺ​꧉​ 30ꦤꦺꦏ꧀ꦮꦶꦠ꧀ꦠꦺ​ꦮꦶꦱ꧀ꦱꦼꦩꦶ​꧈​ꦏꦺꦴꦮꦺ​ꦔꦼꦂꦠꦶ​ꦤꦺꦏ꧀ꦮꦶꦱ꧀ꦚꦼꦢꦼꦏ꧀ꦏꦶꦮꦪꦃ​ꦥꦤꦱ꧀꧈​ 31ꦩꦼꦁꦏꦺꦴꦤꦺꦴ​ꦲꦸꦒ​꧈​ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦥꦽꦏꦫꦥꦽꦏꦫ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦩꦲꦸ​ꦏ꧀ꦭꦏꦺꦴꦤ꧀ ꦥꦢ​ꦔꦼꦂꦠꦶꦪ​ꦤꦺꦏ꧀ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦕꦼꦢꦼꦏ꧀​꧉​

32꧋“ꦥꦢ​ꦔꦤ꧀ꦢꦼꦭ꧀ꦭ​!ꦮꦺꦴꦁꦮꦺꦴꦁ​ꦱꦶꦁ​ꦲꦸꦫꦶꦥ꧀ꦲꦶꦁ​ꦗꦩꦤ꧀ꦲꦶꦏꦶ​ꦧꦏꦭ꧀ꦥꦢ​ꦩꦼꦤꦁꦔꦶ​ꦥꦽꦏꦫꦥꦽꦏꦫ​ꦏꦸꦮꦶ​ꦩꦲꦸ​ꦏꦧꦺꦃ​ꦏ꧀ꦭꦏꦺꦴꦤ꧀꧈​ 33ꦭꦔꦶꦠ꧀ꦭꦤ꧀ꦧꦸꦩꦶ​ꦧꦏꦭ꧀ꦲꦶꦭꦁ​꧈​ꦤꦁꦔꦶꦁ​ꦠꦼꦩ꧀ꦧꦸꦁꦏꦸ​ꦧꦏꦭ꧀ꦠꦼꦠꦼꦥ꧀ꦠꦼꦫꦸꦱ꧀ꦱ꧀ꦭꦮꦱ꧀ꦭꦮꦱ꧀ꦱꦺ꧉​”

꧋ꦧꦧ꧀ꦲꦠꦶꦲꦠꦶ꧉​

34꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦗꦒꦤꦼꦤ꧀​ꦲꦮꦏ꧀ꦩꦸ​ꦢꦺꦮꦺ!ꦲꦗ​ꦱꦩ꧀ꦥꦺꦏ꧀ꦏꦺꦴꦮꦺ​ꦤꦩꦸꦁ​ꦩꦶꦏꦶꦂꦫꦏꦺꦧꦧ꧀ꦱꦸꦏꦏ꧀ꦱꦸꦏꦏ꧀ ꦩꦁꦔꦤ꧀ꦲꦺꦤꦏ꧀ꦭꦤ꧀ꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦮꦲꦺ​꧉​ꦭꦤ꧀ꦲꦗ​ꦏꦺꦴꦏꦺꦃꦲꦤ꧀ꦩꦶꦏꦶꦂꦫꦏꦺꦧꦧ꧀ꦏꦧꦸꦠꦸꦃꦲꦤ꧀ꦤꦺ​ꦲꦸꦫꦶꦥ꧀ ꦩꦼꦁꦏꦺꦴ​ꦏꦢꦸꦁ​ꦢꦶꦤꦤꦺ​ꦒꦸꦱ꧀ꦠꦶ​ꦠꦼꦏ​ꦢꦢꦏ꧀ꦏꦤ꧀ ꦏꦺꦴꦮꦺ​ꦢꦸꦫꦸꦁ​ꦠꦠꦠꦠ​꧉​ 35ꦲꦮꦶꦠ꧀ꦠꦼꦏꦤꦺ​ꦢꦶꦤ​ꦏꦸꦮꦶ​ꦏꦪ​ꦏꦭ​ꦏꦁꦒꦺꦴ​ꦚ꧀ꦗꦶꦉꦠ꧀ꦮꦺꦴꦁ​ꦱꦏ꧀ꦗꦒꦠ꧀ꦏꦧꦺꦃ​꧉​ 36ꦥꦢ​ꦱꦶꦁ​ꦩꦼꦭꦺꦏ꧀ꦭꦤ꧀ꦥꦢ​ꦠꦼꦠꦼꦥ꧀​ꦤ꧀ꦢꦼꦢꦺꦴꦔꦲ​꧈​ꦱꦸꦥꦪ​ꦏꦺꦴꦮꦺ​ꦢꦶꦏꦺꦏ꧀ꦏꦶꦏꦼꦏꦸꦮꦠ꧀ꦠꦤ꧀ꦧꦶꦱ​ꦔ꧀ꦭꦶꦮꦠ꧀ꦠꦶ​ꦏꦧꦺꦃ​ꦱꦶꦁ​ꦧꦏꦭ꧀​ꦏ꧀ꦭꦏꦺꦴꦤ꧀ꦏꦤ꧀ꦠꦶꦱ꧀ꦭꦩꦼꦠ꧀ꦭꦤ꧀ꦧꦶꦱ​ꦩꦫ​ꦤꦁꦔꦉꦥ꧀ꦥꦺ​ꦲꦤꦏ꧀ꦏꦺ​ꦩꦤꦸꦁꦱ​꧉​”

37꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦧꦼꦤ꧀ꦲꦮꦤ꧀ꦩꦸꦭꦁ​ꦤꦁꦒꦿꦺꦗ​ꦒꦼꦢꦺ꧈​ꦩ꧀ꦧꦼꦔꦶꦤꦺꦩꦸꦁꦒꦃ​ꦤꦁꦒꦸꦤꦸꦁ​ꦎꦭꦺꦥ꦳꧀ꦤꦁꦱꦏ꧀​ꦚ꧀ꦗꦧꦤꦺ​ꦏꦸꦠ꧉​ 38ꦱꦧꦼꦤ꧀ꦲꦺꦱꦸꦏ꧀ꦮꦺꦴꦁꦏꦧꦺꦃꦥꦢꦠꦼꦏꦤꦁꦒꦿꦺꦗꦒꦼꦢꦺ꧈​ꦥꦢꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺꦒꦸꦱ꧀ꦠꦶꦪꦺꦯꦸꦱ꧀꧈​ ↑ ↑ ↑


꧋ꦫꦚ꧀ꦕꦩ꧀ꦩꦤ꧀ꦲꦉꦥ꧀ꦩꦠꦺꦤ꧀ꦤꦶꦒꦸꦱ꧀ꦠꦶꦪꦺꦯꦸꦱ꧀꧈​

꧇​꧒꧒꧇​ 1꧋ꦱꦲꦶꦏꦶ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦮꦪꦃꦲꦺ​ꦫꦶꦪꦪꦥꦺꦱ꧀ꦠ​ꦫꦺꦴꦠꦶ​ꦠꦤ꧀ꦥ​ꦫꦒꦶ​꧈​ꦱꦶꦁ​ꦢꦶꦲꦫꦤ꧀ꦤꦶ​ꦥꦱ꧀ꦏꦃ​꧉​ 2ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦥꦢ​ꦔ꧀ꦒꦺꦴꦭꦺꦏ꧀ꦲꦏꦭ꧀ꦲꦉꦥ꧀ꦩꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦮꦶꦠ꧀ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦮꦼꦢꦶ​ꦏꦫꦺꦴ​ꦫꦪꦠ꧀ꦠꦺ꧉​

꧋ꦪꦸꦢꦱ꧀ꦒꦼꦊꦩ꧀ꦚꦼꦏꦼꦭ꧀ꦭꦏꦺꦒꦸꦱ꧀ꦠꦶ​ꦪꦺꦯꦸꦱ꧀꧈​

3꧋ꦱꦺꦠꦤ꧀​ꦔ꧀ꦊꦧꦺꦴꦤ꧀ꦤꦶꦪꦸꦢꦱ꧀ꦆꦱ꧀ꦏꦫꦶꦪꦺꦴꦠ꧀ ꦱꦏ꧀ꦮꦶꦗꦶꦤꦺꦫꦱꦸꦭ꧀ꦱꦁꦏꦫꦱꦸꦭ꧀ꦫꦺꦴꦭꦱ꧀꧈​ 4ꦪꦸꦢꦱ꧀ꦠꦼꦫꦸꦱ꧀ꦩꦫꦤꦶ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦏꦸꦩꦼꦤ꧀ꦢꦤ꧀ꦤꦺꦱꦼꦏꦲꦸꦠ꧀ꦱꦶꦁ​ꦗꦒ​ꦒꦿꦺꦗ​ꦒꦼꦢꦺ꧈​ꦲꦉꦥ꧀ꦔꦽꦩ꧀ꦧꦸꦏ꧀ꦏꦼꦥꦿꦶꦪꦺ​ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦚꦼꦏꦼꦭ꧀ꦭꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦏꦁꦒꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​꧉​ 5ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦏꦸꦩꦼꦤ꧀ꦢꦤ꧀ꦤꦺꦱꦼꦏꦲꦸꦠ꧀ꦩꦲꦸ​ꦥꦢ​ꦧꦸꦔꦃ​ꦧꦔꦼꦠ꧀ꦭꦤ꧀ꦗꦚ꧀ꦗꦶ​ꦲꦉꦥ꧀ꦔꦼꦏꦺꦏ꧀ꦏꦶꦢꦸꦮꦶꦠ꧀ꦩꦫꦁ​ꦪꦸꦢꦱ꧀꧈​ 6ꦪꦸꦢꦱ꧀ꦱꦼꦠꦸꦗꦸ​ꦭꦤ꧀ꦮꦶꦮꦶꦠ꧀ꦮꦏ꧀ꦠꦸ​ꦏꦸꦮꦶ​ꦢꦺꦏ꧀ꦤꦺꦔ꧀ꦒꦺꦴꦭꦺꦏ꧀ꦲꦏꦭ꧀ꦲꦼꦁꦒꦺꦴꦤꦺ​ꦲꦉꦥ꧀ꦚꦼꦏꦼꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦁꦒꦺꦴ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦠꦤ꧀ꦥ​ꦮꦺꦴꦁ​ꦲꦺꦴꦏꦺꦃꦮꦼꦫꦸꦃ​꧉​

꧋ꦕꦼꦕꦮꦶꦱ꧀ꦱꦤ꧀​ꦥꦱ꧀ꦏꦃ​꧉​

7꧋ꦱꦲꦶꦏꦶ​ꦮꦶꦱ꧀ꦠꦼꦏꦤ꧀ꦢꦶꦤꦤꦺ​ꦫꦶꦪꦪꦥꦺꦱ꧀ꦠ​ꦫꦺꦴꦠꦶ​ꦠꦤ꧀ꦥ​ꦫꦒꦶ​꧈​ꦪꦏꦸꦮꦶ​ꦢꦶꦤꦤꦺ​ꦮꦺꦴꦁꦮꦺꦴꦁ​ꦥꦢ​ꦲꦩ꧀ꦧꦼꦭꦺꦃ​ꦕꦼꦩ꧀ꦥꦺ​ꦏꦁꦒꦺꦴ​ꦫꦶꦪꦪꦥꦱ꧀ꦏꦃ​꧉​ 8ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦁꦏꦺꦴꦤ꧀ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦪꦺꦴꦲꦤꦼꦱ꧀ ꦠꦼꦩ꧀ꦧꦸꦁꦔꦺ​ꦔꦺꦤꦺ​:“ꦏꦤ​ꦥꦢ​ꦠꦠꦠꦠ​ꦚꦮꦶꦱ꧀ꦱꦏꦺ ꦏꦥꦼꦂꦭꦸꦮꦤ꧀ꦤꦺꦥꦱ꧀ꦏꦃ​ꦱꦶꦁ​ꦧꦏꦭ꧀ꦢꦶꦥꦔꦤ꧀ꦲꦮꦏ꧀ꦏꦺ​ꦢꦺꦮꦺ꧉​”

9꧋ꦱꦮꦸꦫꦤ꧀ꦤꦺꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦪꦺꦴꦲꦤꦼꦱ꧀:“ꦭꦃ​ꦏꦉꦥ꧀ꦥꦺ​ꦒꦸꦱ꧀ꦠꦶ​ꦲꦉꦥ꧀ꦩꦁꦔꦤ꧀ꦥꦱ꧀ꦏꦃ​ꦤꦁꦲꦼꦤ꧀ꦢꦶ​?”

10꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​:“ꦫꦸꦔꦺꦴꦏ꧀ꦏꦏꦺ!ꦤꦺꦏ꧀ꦏꦺꦴꦮꦺ​ꦩ꧀ꦊꦧꦸ​ꦤꦁꦏꦸꦠꦪꦺꦫꦸꦱꦭꦺꦩ꧀ ꦏꦺꦴꦮꦺ​ꦧꦏꦭ꧀ꦏꦼꦥꦼꦠꦸꦏ꧀ꦏꦫꦺꦴ​ꦮꦺꦴꦁ​ꦱꦶꦁ​ꦔ꧀ꦒꦮ​ꦏꦼꦤ꧀ꦢꦶꦲꦶꦱꦶ​ꦧꦚꦸ​꧉​ꦮꦺꦴꦁ​ꦏꦸꦮꦶ​ꦢꦶꦲꦼꦠꦸꦠ꧀ꦠꦏꦺꦠꦼꦏꦤ꧀ꦲꦺꦴꦩꦃ​ꦱꦶꦁ​ꦢꦶꦊꦧꦺꦴꦤ꧀ꦤꦶ​꧉​ 11ꦏꦺꦴꦮꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​:'ꦒꦸꦫꦸ​ꦠꦏꦺꦴꦤ꧀ ꦢꦺꦏ꧀ꦤꦺꦭꦤ꧀ꦥꦫ​ꦩꦸꦫꦶꦢ꧀ꦢꦺ​ꦏꦸꦢꦸ​ꦩꦁꦔꦤ꧀ꦥꦱ꧀ꦏꦃ​ꦤꦁꦲꦼꦤ꧀ꦢꦶ​?’ 12ꦱꦶꦁ​ꦤ꧀ꦢꦸꦮꦺꦲꦺꦴꦩꦃ​ꦧꦏꦭ꧀​ꦤ꧀ꦢꦸꦢꦸꦃꦲꦏꦺꦏꦩꦂ​ꦒꦼꦢꦺꦤꦁꦤ꧀ꦢꦸꦮꦸꦂꦱꦶꦁ​ꦮꦶꦱ꧀ꦥꦼꦥꦏ꧀ꦲꦺꦤꦺꦁꦱꦼꦩ꧀ꦧꦫꦁꦔꦺ꧉​ꦥꦢ​ꦕꦮꦶꦱ꧀ꦤ​ꦏꦥꦼꦂꦭꦸꦮꦤ꧀ꦤꦺꦥꦱ꧀ꦏꦃ​ꦏꦧꦺꦃ​ꦤꦁꦏꦺꦴꦤꦺꦴ​꧉​”

13꧋ꦩꦸꦫꦶꦢ꧀ꦭꦺꦴꦫꦺꦴ​ꦩꦲꦸ​ꦧꦸꦢꦭ꧀ꦭꦤ꧀ꦱꦼꦩ꧀ꦧꦫꦁ​ꦏꦼꦠꦸꦫꦸꦠ꧀ꦠꦤ꧀ꦏꦪ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦫꦸꦱ꧀ꦥꦢ​ꦚꦮꦶꦱ꧀ꦱꦏꦺꦏꦥꦼꦂꦭꦸꦮꦤ꧀ꦤꦺꦥꦱ꧀ꦏꦃ​ꦤꦁꦏꦺꦴꦤꦺꦴ​꧉​

꧋ꦥꦺꦱ꧀ꦠ​ꦱꦸꦕꦶ​꧉​

14꧋ꦏꦢꦸꦁ​ꦮꦶꦱ꧀ꦠꦼꦏꦤ꧀ꦮꦪꦃꦲꦺ​ꦩꦁꦔꦤ꧀ꦥꦱ꧀ꦏꦃ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦒꦺꦴꦁꦧꦼꦧꦉꦁꦔꦤ꧀ꦏꦫꦺꦴ​ꦥꦫ​ꦫꦱꦸꦭ꧀ꦭꦺ​꧉​ 15ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦥꦫ​ꦫꦱꦸꦭ꧀ꦩꦲꦸ​:“ꦲꦏꦸ​ꦏꦼꦥꦺꦔꦶꦤ꧀ꦠꦼꦤꦤ꧀ꦩꦁꦔꦤ꧀ꦥꦱ꧀ꦏꦃ​ꦲꦶꦏꦶ​ꦧꦼꦧꦉꦁꦔꦤ꧀ꦏꦫꦺꦴ​ꦏꦺꦴꦮꦺ​꧈​ꦱꦏ꧀ꦢꦸꦫꦸꦁꦔꦺꦲꦏꦸ​ꦤꦤ꧀ꦢꦁꦱꦁꦱꦫ​꧉​ 16ꦲꦮꦶꦠ꧀ꦥꦢ​ꦔꦼꦂꦠꦶꦪ​!ꦲꦏꦸ​ꦧꦏꦭ꧀ꦲꦺꦴꦫ​ꦩꦁꦔꦤ꧀ꦥꦱ꧀ꦏꦃ​ꦩꦼꦤꦺꦃ​꧈​ꦔꦤ꧀ꦠꦶ​ꦠꦼꦒꦼꦱ꧀ꦱꦺ​ꦥꦱ꧀ꦏꦃ​ꦲꦶꦏꦶ​ꦏꦼꦠꦸꦫꦸꦠ꧀ꦠꦤ꧀ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

17꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦁꦏꦠ꧀ꦩꦁꦏꦺꦴꦏ꧀ꦏꦺꦲꦺꦴꦩ꧀ꦧꦺꦤ꧀ꦠꦼꦫꦸꦱ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦫꦱꦸꦭ꧀:“ꦩꦁꦏꦺꦴꦏ꧀ꦲꦶꦏꦶ​ꦠꦩ꧀ꦥꦤꦤ​ꦭꦤ꧀ꦥꦢ​ꦔꦺꦴꦩ꧀ꦧꦺꦪ​꧉​ 18ꦲꦮꦶꦠ꧀ꦏꦺꦴꦮꦺ​ꦠꦏ꧀ꦲꦺꦴꦩꦺꦴꦁꦔꦶ꧈​ꦮꦶꦮꦶꦠ꧀ꦱꦲꦶꦏꦶ​ꦲꦶꦏꦶ​ꦲꦏꦸ​ꦧꦏꦭ꧀ꦲꦺꦴꦫ​ꦔꦺꦴꦩ꧀ꦧꦺ​ꦲꦁꦒꦸꦂ​ꦩꦼꦤꦺꦃ​꧈​ꦔꦤ꧀ꦠꦶ​ꦠꦼꦏꦤꦺ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

19꧋ꦱꦏ꧀ꦮꦶꦱ꧀ꦱꦺ​ꦔꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦠꦼꦫꦸꦱ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦫꦺꦴꦠꦶꦤꦺ​ꦠꦼꦫꦸꦱ꧀ꦢꦶꦕꦸꦮꦶꦭ꧀ꦕꦸꦮꦶꦭ꧀ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦥꦫ​ꦫꦱꦸꦭ꧀ꦏꦫꦺꦴ​ꦔꦺꦴꦩꦺꦴꦁ:“ꦫꦺꦴꦠꦶ​ꦲꦶꦏꦶ​ꦧꦢꦤ꧀ꦏꦸ​ꦱꦶꦁ​ꦢꦶꦏꦺꦏ꧀ꦏꦏꦺꦏꦁꦒꦺꦴ​ꦏꦺꦴꦮꦺ​꧉​ꦲꦶꦏꦶ​ꦠꦶꦤ꧀ꦢꦏ꧀ꦏꦏꦺꦏꦁꦒꦺꦴ​ꦥꦼꦁꦔꦺꦭꦶꦁꦔꦺꦭꦶꦁ​ꦩꦫꦁ​ꦲꦏꦸ​꧉​” 20ꦱꦼꦩꦺꦴꦤꦺꦴ​ꦲꦸꦒ​꧈​ꦱꦏ꧀ꦮꦶꦱ꧀ꦱꦺ​ꦩꦁꦔꦤ꧀ ꦢꦺꦏ꧀ꦤꦺꦠꦼꦫꦸꦱ꧀ꦔꦼꦏꦺꦏ꧀ꦏꦏꦺꦩꦁꦏꦺꦴꦏ꧀ꦏꦺꦲꦺꦴꦩ꧀ꦧꦺꦤ꧀ꦩꦫꦁ​ꦥꦫ​ꦫꦱꦸꦭ꧀ꦏꦫꦺꦴ​ꦔꦺꦴꦩꦺꦴꦁ:“ꦩꦁꦏꦺꦴꦏ꧀ꦲꦶꦏꦶ​ꦥꦽꦗꦚ꧀ꦗꦶꦪꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦚꦂ​꧈​ꦱꦶꦁ​ꦢꦶꦠꦼꦠꦼꦥ꧀ꦥꦏꦺꦔꦁꦒꦺꦴ​ꦒꦼꦠꦶꦃꦏꦸ​꧈​ꦪꦏꦸꦮꦶ​ꦒꦼꦠꦶꦃ​ꦱꦶꦁ​ꦠꦸꦩꦺꦠꦺꦱ꧀ꦏꦁꦒꦺꦴ​ꦏꦺꦴꦮꦺ​꧉​

21꧋“ꦤꦁꦔꦶꦁ​ꦥꦢ​ꦢꦶꦫꦸꦔꦺꦴꦏ꧀ꦏꦏꦺ!ꦮꦺꦴꦁ​ꦱꦶꦁ​ꦲꦉꦥ꧀ꦚꦼꦏꦼꦭ꧀ꦲꦏꦸ​ꦱꦲꦶꦏꦶ​ꦤꦁꦏꦺꦤꦺ​꧈​ꦚ꧀ꦗꦒꦺꦴꦁꦱꦏ꧀ꦩꦺꦗ​ꦏꦫꦺꦴ​ꦲꦏꦸ​! 22ꦲꦤꦏ꧀ꦏꦺ​ꦩꦤꦸꦁꦱ​ꦥꦚ꧀ꦕꦺꦤ꧀ꦏꦸꦢꦸ​ꦩꦠꦶ​꧈​ꦏꦪ​ꦱꦶꦁ​ꦮꦶꦱ꧀ꦢꦶꦏꦉꦥ꧀ꦥꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦕꦶꦭꦏ​ꦠꦼꦤꦤ꧀ꦮꦺꦴꦁ​ꦱꦶꦁ​ꦚꦼꦏꦼꦭ꧀ꦢꦺꦏ꧀ꦤꦺꦏꦁꦒꦺꦴ​ꦩꦸꦁꦱꦸꦃꦲꦺ​꧉​”

23꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦥꦢ​ꦠꦏꦺꦴꦤ꧀ꦩꦫꦁ​ꦱꦏ꧀ꦥꦢꦥꦢ꧈​ꦱꦥ​ꦱꦶꦁ​ꦲꦉꦥ꧀ꦚꦼꦏꦼꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦱꦥ​ꦱꦶꦁ​ꦒꦼꦢꦺꦢꦺꦮꦺ꧉​

24꧋ꦥꦫ​ꦩꦸꦫꦶꦢ꧀ꦥꦢ​ꦲꦺꦁꦏꦺꦭ꧀ꦭꦺꦁꦏꦺꦭ꧀ꦭꦤ꧀ꦧꦧ꧀ꦱꦥ​ꦱꦶꦁ​ꦢꦶꦲꦁꦒꦼꦥ꧀ꦒꦼꦢꦺꦢꦺꦮꦺ꧉​ 25ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦩꦲꦸ​:“ꦫꦠꦸꦫꦠꦸ​ꦲꦶꦁ​ꦢꦺꦴꦚ​ꦏꦺꦤꦺ​ꦥꦢ​ꦔꦼꦫꦺꦃ​ꦫꦪꦠ꧀ꦠꦺꦭꦤ꧀ꦥꦫ​ꦥꦔ꧀ꦮꦱ​ꦩꦲꦸ​ꦢꦶꦲꦫꦤ꧀ꦤꦶ​'ꦥꦼꦩ꧀ꦧꦺꦭꦤꦺ​ꦫꦪꦠ꧀꧉'​ 26ꦤꦁꦔꦶꦁ​ꦏꦺꦴꦮꦺ​ꦲꦗ​ꦏꦪ​ꦔꦺꦴꦤꦺꦴ​꧉​ꦩꦭꦃ​ꦮꦏ꧀ꦠꦸꦤꦺ:ꦮꦺꦴꦁ​ꦱꦶꦁ​ꦒꦼꦢꦺꦢꦺꦮꦺꦤꦁꦠꦼꦔꦃꦩꦸ​ꦏꦸꦢꦸ​ꦢꦢꦶ​ꦱꦶꦁ​ꦕꦶꦭꦶꦏ꧀ꦢꦺꦮꦺꦭꦤ꧀ꦱꦶꦁ​ꦢꦢꦶ​ꦥꦼꦔꦉꦥ꧀ꦏꦸꦮꦶ​ꦏꦸꦢꦸ​ꦢꦢꦶ​ꦏꦪ​ꦥꦼꦭꦢꦺꦤ꧀꧈​ 27ꦱꦥ​ꦱꦶꦁ​ꦭꦸꦮꦶꦃ​ꦏꦗꦺꦤ꧀:ꦱꦶꦁ​ꦚ꧀ꦗꦒꦺꦴꦁꦩꦁꦔꦤ꧀ꦲꦥ​ꦱꦶꦁ​ꦔ꧀ꦭꦢꦺꦤ꧀ꦤꦶ​ꦢꦺꦏ꧀ꦤꦺ?ꦩꦼꦱ꧀ꦠꦶꦱꦶꦁ​ꦚ꧀ꦗꦒꦺꦴꦁꦩꦁꦔꦤ꧀ꦠ​?ꦤꦁꦔꦶꦁ​ꦤꦁꦠꦼꦔꦃꦩꦸ​ꦲꦏꦸ​ꦲꦶꦏꦶ​ꦏꦪ​ꦥꦼꦭꦢꦺꦤ꧀꧈​

28꧋“ꦱꦏ꧀ꦗꦼꦫꦺꦴꦤꦺꦲꦏꦸ​ꦤꦤ꧀ꦢꦁꦱꦸꦱꦃ​ꦏꦺꦴꦮꦺ​ꦱ꧀ꦭꦮꦱ꧀ꦱꦺꦕꦩ꧀ꦥꦸꦂ​ꦏꦫꦺꦴ​ꦲꦏꦸ​꧉​ 29ꦏꦪ​ꦲꦼꦁꦒꦺꦴꦤꦺ​ꦧꦥꦏ꧀ꦏꦸ​ꦮꦶꦱ꧀ꦔꦼꦏꦺꦏ꧀ꦏꦶꦥꦔ꧀ꦮꦱ​ꦩꦫꦁ​ꦲꦏꦸ​ꦤꦶꦤ꧀ꦢꦏ꧀ꦏꦏꦺꦏꦿꦠꦺꦴꦤꦺ​꧈​ꦩꦼꦁꦏꦺꦴꦤꦺꦴ​ꦲꦸꦒ​ꦏꦺꦴꦮꦺ​ꦧꦏꦭ꧀ꦠꦏ꧀ꦏꦺꦏ꧀ꦏꦶꦥꦔ꧀ꦮꦱ​ꦤꦶꦤ꧀ꦢꦏ꧀ꦏꦏꦺꦏꦿꦠꦺꦴꦤ꧀ꦏꦸ​꧉​ 30ꦏꦺꦴꦮꦺ​ꦧꦏꦭ꧀ꦩꦺꦭꦸ​ꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺ​ꦏꦫꦺꦴ​ꦲꦏꦸ​ꦲꦶꦁ​ꦏꦿꦠꦺꦴꦤ꧀ꦏꦸ​ꦭꦤ꧀ꦏꦺꦴꦮꦺ​ꦧꦏꦭ꧀ꦥꦢ​ꦚ꧀ꦗꦒꦺꦴꦁꦤꦁꦢꦩ꧀ꦥꦂꦫꦺꦏꦿꦠꦺꦴꦤ꧀ꦩꦲꦸ​꧈​ꦔꦿꦸꦠꦸꦧꦁꦱ​ꦆꦱꦿꦌꦭ꧀ꦠꦸꦫꦸꦤ꧀ꦤꦤ꧀ꦫꦺꦴꦭꦱ꧀꧈​”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦩ꧀ꦭꦩ꧀ꦧꦁꦔꦶꦤꦺꦏ꧀ꦫꦱꦸꦭ꧀ꦦꦺꦠꦿꦸꦱ꧀ꦧꦏꦭ꧀ꦚꦺꦭꦏ꧀ꦏꦶ​ꦢꦺꦏ꧀ꦤꦺ꧉​

31꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦱꦶꦩꦺꦴꦤ꧀:“ꦱꦶꦩꦺꦴꦤ꧀ ꦱꦶꦩꦺꦴꦤ꧀!ꦱꦺꦠꦤ꧀ꦢꦶꦭꦶꦭꦤꦶ​ ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦚ꧀ꦗꦗꦭ꧀ꦥꦽꦕꦪꦩꦸ​ꦱꦏ꧀ꦏꦧꦺꦃꦲꦺ꧈​ꦏꦪ​ꦮꦺꦴꦁ​ꦠꦤꦶ​ꦔꦪꦏ꧀ꦏꦶꦒꦤ꧀ꦢꦸꦩ꧀ꦩꦺ​꧈​ꦢꦶꦥꦶꦱꦃ​ꦱꦁꦏꦫꦩ꧀ꦧꦸꦠ꧀ꦠꦺ​꧉​ 32ꦤꦁꦔꦶꦁ​ꦏꦺꦴꦮꦺ​ꦮꦶꦱ꧀ꦠꦏ꧀ꦢꦺꦴꦔꦏ꧀ꦏꦺ꧈​ꦱꦸꦥꦪ​ꦥꦽꦕꦪꦩꦸ​ꦲꦺꦴꦫ​ꦔꦤ꧀ꦠꦶ​ꦱꦼꦩ꧀ꦥ꧀ꦭꦏ꧀꧈​ꦭꦃ​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦔꦏꦺꦴꦤ꧀ꦤꦶ​ꦱꦭꦃꦩꦸ​ꦭꦤ꧀ꦧꦭꦶꦏ꧀ꦩꦼꦤꦺꦃ​꧈​ꦏꦺꦴꦮꦺ​ꦏꦸꦢꦸ​ꦒꦼꦤ꧀ꦠꦺꦤ꧀ꦔꦸꦮꦠ꧀ꦠꦏꦺꦥꦼꦔꦤ꧀ꦢꦼꦭ꧀ꦭꦺ​ꦱꦼꦢꦸꦭꦸꦂꦱꦼꦢꦸꦭꦸꦂꦩꦸ​꧉​”

33꧋ꦱꦮꦸꦫꦤ꧀ꦤꦺꦫꦱꦸꦭ꧀ꦦꦺꦠꦿꦸꦱ꧀:“ꦒꦸꦱ꧀ꦠꦶ​꧈​ꦲꦏꦸ​ꦱꦒꦸꦃ​ꦢꦶꦱꦼꦠꦿꦥ꧀ꦭꦤ꧀ꦩꦠꦶ​ꦧꦉꦁ​ꦏꦫꦺꦴ​ꦏꦺꦴꦮꦺ​!”

34꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦦꦺꦠꦿꦸꦱ꧀ ꦔꦤ꧀ꦢꦼꦭ꧀ꦭ​!ꦲꦶꦁ​ꦢꦶꦤ​ꦲꦶꦏꦶ​꧈​ꦱꦏ꧀ꦢꦸꦫꦸꦁꦔꦺꦗꦒꦺꦴ​ꦏ꧀ꦭꦸꦫꦸꦏ꧀ ꦏꦺꦴꦮꦺ​ꦧꦏꦭ꧀ꦔꦺꦴꦩꦺꦴꦁꦥꦶꦁ​ꦠꦼꦭꦸ​꧈​ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦏꦼꦤꦭ꧀ꦩꦫꦁ​ꦲꦏꦸ​꧉​”

꧋ꦧꦧ꧀ꦢꦺꦴꦩ꧀ꦥꦺꦠ꧀ ꦏꦤ꧀ꦠꦺꦴꦁꦔꦤ꧀ꦭꦤ꧀ꦥꦼꦢꦁ꧉​

35꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦩꦸꦫꦶꦢ꧀ꦢꦺ​:“ꦢꦺꦏ꧀​ꦩ꧀ꦧꦶꦪꦺꦤ꧀ꦢꦺꦴꦁꦔꦺꦏꦺꦴꦮꦺ​ꦠꦏ꧀ꦏꦺꦴꦁꦏꦺꦴꦤ꧀ꦧꦸꦢꦭ꧀ꦏꦲꦺ​꧈​ꦏꦺꦴꦮꦺ​ꦲꦺꦴꦫ​ꦠꦏ꧀ꦭꦶꦭꦤꦶ​ꦔ꧀ꦒꦮ​ꦢꦺꦴꦩ꧀ꦥꦺꦠ꧀ꦲꦶꦱꦶ​ꦢꦸꦮꦶꦠ꧀ ꦏꦤ꧀ꦠꦺꦴꦁꦔꦤ꧀ꦭꦤ꧀ꦱꦼꦥꦠꦸ​꧉​ꦲꦥ​ꦏꦺꦴꦮꦺ​ꦥꦢ​ꦏꦼꦏꦸꦫꦁꦔꦤ꧀ꦲꦥꦲꦥ​?ꦭꦲꦸꦠ꧀ꦲꦺꦴꦫ​ꦠ​?”

꧋ꦱꦮꦸꦫꦤ꧀ꦤꦺꦥꦫ​ꦩꦸꦫꦶꦢ꧀:“ꦲꦺꦴꦫ​ꦒꦸꦱ꧀ꦠꦶ​꧈​ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦏꦼꦏꦸꦫꦁꦔꦤ꧀ꦲꦥꦲꦥ​!”

36꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦁꦔꦶꦁ​ꦱꦲꦶꦏꦶ​꧈​ꦱꦶꦁ​ꦤ꧀ꦢꦸꦮꦺꦢꦺꦴꦩ꧀ꦥꦺꦠ꧀ꦭꦤ꧀ꦏꦤ꧀ꦠꦺꦴꦁꦔꦤ꧀ꦏꦸꦢꦸ​ꦢꦶꦒꦮ​;ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦥꦼꦢꦁꦏꦸꦢꦸ​ꦔꦼꦢꦺꦴꦭ꧀ꦗꦱ꧀ꦱꦺꦏꦁꦒꦺꦴ​ꦠꦸꦏꦸ​ꦥꦼꦢꦁ꧉​ 37ꦲꦮꦶꦠ꧀ ꦥꦽꦕꦪꦲ​!ꦠꦸꦭꦶꦱ꧀ꦱꦤ꧀ꦤꦁꦏꦶꦠꦧ꧀ꦱꦶꦁ​ꦲꦸꦤꦶꦤꦺ​:'ꦢꦺꦏ꧀ꦤꦺꦧꦏꦭ꧀ꦢꦶꦲꦁꦒꦼꦥ꧀ꦮꦺꦴꦁ​ꦲꦭ​꧈'​ꦧꦏꦭ꧀​ꦏ꧀ꦭꦏꦺꦴꦤ꧀ꦏꦫꦺꦴ​ꦲꦮꦏ꧀ꦏꦸ​꧉​ꦭꦤ꧀ꦲꦥ​ꦱꦶꦁ​ꦏꦼꦠꦸꦭꦶꦱ꧀ꦏꦸꦮꦶ​ꦱꦲꦶꦏꦶ​ꦏ꧀ꦭꦏꦺꦴꦤ꧀ꦠꦼꦤꦤ꧀꧈​”

38꧋ꦥꦫ​ꦩꦸꦫꦶꦢ꧀ꦠꦼꦫꦸꦱ꧀ꦱꦼꦩꦲꦸꦂ​:“ꦒꦸꦱ꧀ꦠꦶ​꧈​ꦭꦃ​ꦲꦶꦏꦶ​ꦲꦺꦤꦺꦁꦥꦼꦢꦁꦭꦺꦴꦫꦺꦴ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦮꦶꦱ꧀ꦕꦸꦏꦸꦥ꧀!”

꧋ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦼꦢꦺꦴꦔ​ꦤꦁꦒꦸꦤꦸꦁ​ꦎꦭꦺꦥ꦳꧀꧈​

39꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦼꦠꦸ​ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦭꦤ꧀ꦏꦪ​ꦭꦸꦩꦿꦃꦲꦺ​ꦢꦺꦏ꧀ꦤꦺꦩꦸꦁꦒꦃ​ꦤꦁꦒꦸꦤꦸꦁ​ꦎꦭꦺꦥ꦳꧀꧈​ꦥꦫ​ꦩꦸꦫꦶꦢ꧀ꦥꦢ​ꦩꦺꦭꦸ​꧉​ 40ꦏꦢꦸꦁ​ꦮꦶꦱ꧀ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺ꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦥꦢ​ꦤ꧀ꦢꦼꦢꦺꦴꦔꦲ​ꦱꦸꦥꦪ​ꦲꦺꦴꦫ​ꦏꦼꦤꦺꦁꦥꦁꦒꦺꦴꦢ꧉​”

41꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦭꦏꦸ​ꦫꦢ​ꦲꦢꦺꦴꦃ​ꦱꦁꦏꦏꦺꦴꦤꦺꦴ​꧈​ꦏꦶꦫꦏꦶꦫ​ꦲꦢꦺꦴꦃꦲꦺ​ꦱꦏ꧀ꦧꦭꦁꦔꦤ꧀ꦮꦠꦸ​꧉​ 42ꦢꦺꦏ꧀ꦤꦺꦠꦼꦫꦸꦱ꧀ꦱꦼꦢꦼꦏꦸꦤ꧀ꦢꦺꦴꦁꦔꦔꦺꦴꦩꦺꦴꦁ:“ꦢꦸꦃꦧꦥꦏ꧀ꦏꦸ​꧈​ꦤꦺꦏ꧀ꦏꦺꦴꦮꦺ​ꦒꦼꦊꦩ꧀ ꦲꦩ꧀ꦧꦺꦴꦏ꧀ꦏꦱꦁꦱꦫꦤ꧀ꦲꦶꦏꦶ​ꦢꦶꦱꦶꦁꦏꦶꦂꦫꦏꦺꦱꦁꦏꦲꦏꦸ​!ꦤꦁꦔꦶꦁ​꧈​ꦲꦗ​ꦱꦩ꧀ꦥꦺꦏ꧀ꦏꦼꦏꦉꦥꦤ꧀ꦏꦸ꧈​ꦤꦁꦔꦶꦁ​ꦏꦼꦏꦉꦥ꧀ꦥꦤ꧀ꦩꦸ​ꦱꦶꦁ​ꦏꦸꦢꦸ​ꦏꦼꦠꦸꦫꦸꦠ꧀ꦠꦤ꧀꧈​”

43꧋(ꦠꦼꦫꦸꦱ꧀ꦲꦺꦤꦺꦁꦩꦸꦭꦺꦏꦠ꧀ꦱꦁꦏꦱ꧀ꦮꦂꦒ​ꦔꦺꦠꦺꦴꦏ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦔꦸꦮꦠ꧀ꦠꦏꦺꦢꦺꦏ꧀ꦤꦺ꧉​ 44ꦒꦸꦱ꧀ꦠꦶ​ꦪꦺꦯꦸꦱ꧀ꦗꦤ꧀ꦮꦼꦢꦶ​ꦧꦔꦼꦠ꧀ ꦩꦸꦭꦤꦺ​ꦠꦼꦫꦸꦱ꧀ꦠꦩ꧀ꦧꦃ​ꦠꦼꦤꦤ꧀ꦤꦤ꧀ꦱꦶꦁ​ꦤ꧀ꦢꦼꦢꦺꦴꦔ​꧉​ꦏꦿꦶꦔꦼꦠ꧀ꦠꦺ​ꦱꦩ꧀ꦥꦺꦏ꧀ꦏꦪ​ꦒꦼꦠꦶꦃ​ꦠꦸꦩꦺꦠꦺꦱ꧀ꦤꦁꦊꦩꦃ​꧉​)

45꧋ꦏꦢꦸꦁ​ꦮꦶꦱ꧀ꦫꦩ꧀ꦥꦸꦁ​ꦲꦼꦁꦒꦺꦴꦤꦺ​ꦤ꧀ꦢꦼꦢꦺꦴꦔ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦩꦫꦤꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦏꦼꦠꦼꦩꦸ​ꦲꦶꦗꦶꦏ꧀ꦥꦢ​ꦠꦸꦫꦸ​꧈​ꦱꦁꦏꦶꦁꦱꦼꦢꦶꦤꦺ꧉​ 46ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦠꦸꦫꦸ​?ꦥꦢ​ꦠꦔꦶꦪ​ꦭꦤ꧀​ꦤ꧀ꦢꦼꦢꦺꦴꦔꦲ​꧈​ꦱꦸꦥꦪ​ꦲꦺꦴꦫ​ꦏꦼꦤꦺꦁꦥꦁꦒꦺꦴꦢ꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦕꦼꦏꦼꦭ꧀꧈​

47꧋ꦢꦺꦴꦁꦔꦺꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦔꦺꦴꦩꦺꦴꦁꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦠꦼꦫꦸꦱ꧀ꦲꦺꦤꦺꦁꦮꦺꦴꦁ​ꦱꦏ꧀ꦫꦺꦴꦩ꧀ꦧꦺꦴꦁꦔꦤ꧀ꦠꦼꦏ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦢꦶꦒꦮ​ꦏꦫꦺꦴ​ꦪꦸꦢꦱ꧀꧈​ꦪꦸꦢꦱ꧀ꦠꦼꦫꦸꦱ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦉꦥ꧀ꦔꦩ꧀ꦧꦸꦁ​ꦢꦺꦏ꧀ꦤꦺ꧉​ 48ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦪꦸꦢꦱ꧀ ꦲꦥ​ꦲꦼꦁꦒꦺꦴꦤ꧀ꦩꦸ​ꦚꦼꦏꦼꦭ꧀ꦲꦤꦏ꧀ꦏꦺ​ꦩꦤꦸꦁꦱ​ꦔꦁꦒꦺꦴ​ꦲꦩ꧀ꦧꦸꦁꦲꦶꦏꦶ​?”

49꧋ꦏꦢꦸꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦒꦸꦱ꧀ꦠꦶ​꧈​ꦲꦥ​ꦲꦺꦤ꧀ꦠꦸꦏ꧀ꦢꦶꦲꦤ꧀ꦠꦼꦩ꧀ꦏꦫꦺꦴ​ꦥꦼꦢꦁꦮꦲꦺ​?” 50ꦱꦏ꧀ꦮꦶꦗꦶꦤꦺꦩꦸꦫꦶꦢ꧀ꦠꦼꦫꦸꦱ꧀ꦚꦧꦼꦠ꧀ꦱ꧀ꦭꦥ꦳꧀ꦥ꦳ꦺꦲꦶꦩꦩ꧀ꦒꦼꦢꦺ​ꦏꦫꦺꦴ​ꦥꦼꦢꦁ꧈​ꦱꦩ꧀ꦥꦺꦏ꧀ꦏꦸꦥꦶꦁꦔꦺ​ꦱꦶꦁ​ꦠꦼꦔꦼꦤ꧀ꦕꦼꦥꦺꦴꦭ꧀​꧉​

51꧋ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦮꦶꦱ꧀ ꦱꦼꦩꦺꦤꦺ​ꦮꦲꦺ​!”ꦏꦸꦥꦶꦁꦔꦺ​ꦮꦺꦴꦁꦔꦺ​ꦠꦼꦫꦸꦱ꧀ꦢꦶꦢꦼꦩꦺꦏ꧀ ꦠꦼꦫꦸꦱ꧀ꦧꦶꦱ​ꦮꦫꦱ꧀ꦩꦼꦤꦺꦃ​꧉​

52꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦏꦸꦩꦼꦤ꧀ꦢꦤ꧀ꦤꦺꦱꦼꦏꦲꦸꦠ꧀ꦠꦺꦒꦿꦺꦗ​ꦒꦼꦢꦺꦭꦤ꧀ꦥꦫ​ꦥꦼꦤꦸꦤ꧀ꦠꦸꦤꦺ​ꦧꦁꦱ​ꦙꦸꦱꦶꦁ​ꦥꦢ​ꦠꦼꦏ​ꦤꦁꦏꦺꦴꦤꦺꦴ​ꦲꦉꦥ꧀ꦚꦼꦏꦼꦭ꧀ꦢꦺꦏ꧀ꦤꦺ:“ꦲꦥ​ꦲꦏꦸ​ꦲꦶꦏꦶ​ꦲꦩ꧀ꦧꦺꦴꦏ꧀ꦏꦶꦫꦮꦺꦴꦁ​ꦤꦏꦭ꧀ ꦏꦺꦴꦏ꧀ꦲꦉꦥ꧀ꦚꦼꦏꦼꦭ꧀ꦲꦏꦸ​ꦔꦁꦒꦺꦴ​ꦥꦼꦢꦁꦭꦤ꧀ꦥꦼꦤ꧀ꦠꦸꦁ? 53ꦲꦥ​ꦲꦏꦸ​ꦱꦧꦼꦤ꧀ꦢꦶꦤ​ꦲꦺꦴꦫ​ꦤꦁꦒꦿꦺꦗ​ꦒꦼꦢꦺ​ꦏꦫꦺꦴ​ꦏꦺꦴꦮꦺ​꧉​ꦏꦼꦤꦺꦁ​​ꦲꦥ​ꦲꦏꦸ​ꦏꦺꦴꦏ꧀ꦲꦺꦴꦫ​ꦩ꧀ꦧꦺꦴꦏ꧀ꦕꦼꦏꦼꦭ꧀ꦤꦁꦏꦺꦴꦤꦺꦴ​?ꦤꦁꦔꦶꦁ​ꦥꦚ꧀ꦕꦺꦤ꧀ꦮꦶꦱ꧀ꦠꦼꦏꦤ꧀ꦮꦏ꧀ꦠꦸꦏꦸꦭꦤ꧀ꦮꦏ꧀ꦠꦸꦩꦸꦥꦔ꧀ꦮꦱꦤꦺ​ꦥꦼꦥꦼꦠꦼꦁ​ꦠꦸꦩꦤ꧀ꦢꦁ​꧉​”

꧋ꦫꦱꦸꦭ꧀ꦦꦺꦠꦿꦸꦱ꧀ꦚꦺꦭꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

54꧋ꦱꦏ꧀ꦮꦶꦱ꧀ꦱꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦕꦼꦏꦼꦭ꧀ ꦢꦺꦏ꧀ꦤꦺꦠꦼꦫꦸꦱ꧀ꦢꦶꦒꦮ​ꦤꦁꦲꦺꦴꦩꦃꦲꦺ​ꦲꦶꦩꦩ꧀ꦒꦼꦢꦺ꧉​ꦫꦱꦸꦭ꧀ꦦꦺꦠꦿꦸꦱ꧀ꦔꦼꦠꦸꦠ꧀ꦠꦏꦺꦱꦁꦏꦏꦢꦺꦴꦃꦲꦤ꧀꧈​ 55ꦮꦺꦴꦁꦮꦺꦴꦁ​ꦥꦢ​ꦔ꧀ꦒꦮꦺ​ꦧꦼꦢꦶꦪꦁꦤꦁꦠꦼꦔꦃꦲꦺ​ꦭꦠꦂ​ꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦚ꧀ꦗꦒꦺꦴꦁꦔꦸꦧꦼꦁꦔꦶ​ꦧꦼꦢꦶꦪꦁꦔꦺ꧉​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦩꦺꦭꦸ​ꦚ꧀ꦗꦒꦺꦴꦁꦤꦁꦏꦺꦴꦤꦺꦴ​꧉​ 56ꦱꦏ꧀ꦮꦶꦗꦶꦤꦺꦱ꧀ꦭꦥ꦳꧀ꦮꦺꦢꦺꦴꦏ꧀ꦮꦼꦫꦸꦃ​ꦫꦱꦸꦭ꧀ꦦꦺꦠꦿꦸꦱ꧀ꦤꦁꦥꦢꦁꦔꦺꦒꦼꦤꦶ​꧈​ꦠꦼꦫꦸꦱ꧀ꦔꦼꦩꦠ꧀ꦠꦏꦺꦢꦺꦏ꧀ꦤꦺꦏꦫꦺꦴ​ꦔꦺꦴꦩꦺꦴꦁ:“ꦮꦺꦴꦁ​ꦏꦸꦮꦶ​ꦲꦸꦒ​ꦩꦺꦭꦸ​ꦪꦺꦯꦸꦱ꧀!”

57꧋ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦱꦺꦭꦏ꧀ꦔꦺꦴꦩꦺꦴꦁ:“ꦲꦏꦸ​ꦲꦺꦴꦫ​ꦏꦼꦤꦭ꧀​ꦧ꧀ꦭꦱ꧀ꦏꦫꦺꦴ​ꦮꦺꦴꦁ​ꦏꦸꦮꦶ​!”

58꧋ꦲꦺꦴꦫ​ꦊꦠ꧀ꦱꦸꦮꦶꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦮꦼꦫꦸꦃ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦲꦸꦒ​ꦩꦸꦫꦶꦢ꧀ꦢꦺ​ꦪꦺꦯꦸꦱ꧀!”

꧋ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦲꦺꦴꦫ​꧈​ꦢꦸꦢꦸ​ꦲꦏꦸ​!”

59꧋ꦏꦶꦫꦏꦶꦫ​ꦊꦠ꧀ꦱꦏ꧀ꦗꦩ꧀ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦩꦼꦤꦺꦃ​ꦱꦶꦁ​ꦔꦺꦴꦩꦺꦴꦁꦧꦤ꧀ꦠꦼꦂ​:“ꦥꦚ꧀ꦕꦺꦤ꧀ꦮꦺꦴꦁ​ꦏꦸꦮꦶ​ꦩꦸꦫꦶꦢ꧀ꦢꦺ​ꦪꦺꦯꦸꦱ꧀ ꦲꦮꦶꦠ꧀ꦢꦺꦏ꧀ꦤꦺꦪ​ꦮꦺꦴꦁ​ꦓꦭꦶꦭꦺꦪ​!”

60꧋ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦔꦺꦴꦩꦺꦴꦁꦲꦥ​ꦏꦸꦮꦶ​?ꦲꦏꦸ​ꦲꦺꦴꦫ​ꦔꦼꦂꦠꦶ​ꦲꦥ​ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁ​ꦏꦸꦮꦶ​!”

꧋ꦫꦱꦸꦭ꧀ꦦꦺꦠꦿꦸꦱ꧀ꦢꦸꦫꦸꦁ​ꦱꦩ꧀ꦥꦺꦏ꧀ꦫꦩ꧀ꦥꦸꦁ​ꦱꦶꦁ​ꦔꦺꦴꦩꦺꦴꦁꦏꦸꦮꦶ​꧈​ꦏꦺꦴꦏ꧀ꦠꦼꦫꦸꦱ꧀ꦲꦺꦤꦺꦁꦗꦒꦺꦴ​ꦏ꧀ꦭꦸꦫꦸꦏ꧀꧈​ 61ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦺꦴꦭꦺꦃ​ꦭꦤ꧀​ꦤ꧀ꦢꦼꦭꦺꦴꦏ꧀ꦏꦏꦺꦫꦱꦸꦭ꧀ꦦꦺꦠꦿꦸꦱ꧀꧈​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦏꦺꦭꦶꦁꦔꦤ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​:“ꦲꦶꦁ​ꦢꦶꦤ​ꦲꦶꦏꦶ​꧈​ꦱꦏ꧀ꦢꦸꦫꦸꦁꦔꦺꦗꦒꦺꦴ​ꦏ꧀ꦭꦸꦫꦸꦏ꧀ ꦏꦺꦴꦮꦺ​ꦧꦏꦭ꧀ꦚꦺꦭꦏ꧀ꦏꦶ​ꦲꦏꦸ​ꦥꦶꦁ​ꦠꦼꦭꦸ​꧉​” 62ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦩꦼꦠꦸ​ꦱꦁꦏꦏꦺꦴꦤꦺꦴ​ꦏꦫꦺꦴ​ꦤꦔꦶꦱ꧀ꦏꦼꦭꦫꦭꦫ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮꦺ​ꦱꦼꦩ꧀ꦧꦿꦤ​꧉​

63꧋ꦮꦺꦴꦁꦮꦺꦴꦁ​ꦱꦶꦁ​ꦚꦼꦏꦼꦭ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦥꦢ​ꦩꦺꦴꦪꦺꦴꦏ꧀ꦏꦶ​ꦭꦤ꧀​ꦔ꧀ꦒꦼꦧꦸꦏ꧀ꦏꦶꦢꦺꦏ꧀ꦤꦺ꧉​ 64ꦩꦿꦶꦥꦠ꧀ꦠꦺ​ꦢꦶꦠꦸꦠꦸꦥ꧀ꦥꦶ​ꦠꦼꦫꦸꦱ꧀ꦢꦶꦏꦼꦥ꧀ꦭꦏ꧀ꦏꦶꦭꦤ꧀ꦢꦶꦠꦏꦺꦴꦤ꧀ꦤꦶ​:“ꦗꦫꦺꦤꦺ​ꦏꦺꦴꦮꦺ​ꦤꦧꦶ​꧈​ꦧꦼꦢꦺꦏ꧀ꦏꦼꦤ꧀ꦱꦥ​ꦱꦶꦁ​ꦔꦼꦥ꧀ꦭꦏ꧀ꦏꦶꦏꦺꦴꦮꦺ​?” 65ꦮꦺꦴꦁꦮꦺꦴꦁ​ꦱꦶꦁ​ꦚ꧀ꦗꦒ​ꦏꦸꦮꦶ​ꦥꦢ​ꦩꦺꦴꦪꦺꦴꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦁꦒꦺꦴ​ꦠꦼꦩ꧀ꦧꦸꦁ​ꦭꦶꦪꦭꦶꦪꦤꦺ​ꦩꦼꦤꦺꦃ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔꦉꦥ꧀ꦥꦺ​ꦏꦿꦸꦠꦺꦴꦤ꧀ꦲꦒꦩ​꧉​

66꧋ꦲꦶꦁ​ꦲꦺꦱꦸꦏ꧀ꦏꦺ​ꦥꦫ​ꦥꦼꦔꦉꦥ꧀ꦥꦺ​ꦮꦺꦴꦁ​ꦙꦸ꧈​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦥꦢ​ꦔ꧀ꦭꦸꦩ꧀ꦥꦸꦏ꧀꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦏꦿꦸꦠꦺꦴꦤ꧀ꦲꦒꦩ​꧉​ 67ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦲꦥ​ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ꦠꦼꦤꦤ꧀!”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦱꦼꦤꦗꦤ꧀ꦲꦏꦸ​ꦔꦺꦴꦩꦺꦴꦁ꧈​ꦏꦺꦴꦮꦺ​ꦪ​ꦲꦺꦴꦫ​ꦧꦏꦭ꧀ꦔꦤ꧀ꦢꦼꦭ꧀꧈​ 68ꦱꦼꦤꦗꦤ꧀ꦲꦏꦸ​ꦠꦏꦺꦴꦤ꧀ꦤ​ꦲꦥꦲꦥ​꧈​ꦏꦺꦴꦮꦺ​ꦪ​ꦲꦺꦴꦫ​ꦧꦏꦭ꧀ꦥꦢ​ꦩꦁꦱꦸꦭ꧀ꦭꦶ​꧉​ 69ꦤꦁꦔꦶꦁ​ꦱꦲꦶꦏꦶ​ꦲꦤꦏ꧀ꦏꦺ​ꦩꦤꦸꦁꦱ​ꦧꦏꦭ꧀​ꦚ꧀ꦗꦒꦺꦴꦁꦤꦁꦠꦼꦔꦼꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦏ꧀ꦮꦱ​ꦢꦺꦮꦺ꧉​”

70꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦠꦏꦺꦴꦤ꧀:“ꦢꦢꦶꦤꦺ​ꦏꦺꦴꦮꦺ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​?”ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦢꦺꦮꦺꦱꦶꦁ​ꦔꦺꦴꦩꦺꦴꦁꦔꦺꦴꦤꦺꦴ​!”

71꧋ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦱꦼꦏ꧀ꦱꦶ​ꦩꦼꦤꦺꦃ​꧉​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦏꦿꦸꦔꦸ​ꦱꦁꦏꦠꦼꦩ꧀ꦧꦸꦁꦔꦺ​ꦢꦺꦏ꧀ꦤꦺ​ꦢꦺꦮꦺ꧉​” ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔꦉꦥ꧀ꦥꦺ​ꦒꦿꦩꦁꦥꦶꦭꦠꦸꦱ꧀꧈​

꧇​꧒꧓꧇​ 1꧋ꦮꦺꦴꦁ​ꦏꦧꦺꦃ​ꦩꦲꦸ​ꦠꦼꦫꦸꦱ꧀ꦥꦢ​ꦔꦢꦼꦏ꧀ꦭꦤ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔꦉꦥ꧀ꦥꦺ​ꦒꦿꦩꦁꦥꦶꦭꦠꦸꦱ꧀꧈​ 2ꦤꦁꦏꦺꦴꦤꦺꦴ​ꦮꦺꦴꦁꦮꦺꦴꦁ​ꦥꦢ​ꦚꦭꦃꦚꦭꦃꦲꦏꦺꦢꦺꦏ꧀ꦤꦺ꧈​ꦔꦺꦴꦩꦺꦴꦁ:“ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦔꦼꦂꦠꦶ​ꦤꦺꦏ꧀ꦮꦺꦴꦁ​ꦲꦶꦏꦶ​ꦚꦤ꧀ꦢꦶꦁꦫꦪꦠ꧀꧈​ꦢꦺꦏ꧀ꦤꦺꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦏꦶ​ꦮꦺꦴꦁ​ꦱꦸꦥꦪ​ꦲꦺꦴꦫ​ꦲꦩ꧀ꦧꦪꦂ​ꦧꦼꦭꦱ꧀ꦠꦶꦁꦩꦫꦁ​ꦫꦠꦸꦤꦺ​꧈​ꦲꦮꦶꦠ꧀ꦢꦺꦏ꧀ꦤꦺꦢꦺꦮꦺꦔꦏꦸꦤꦺ​ꦏꦿꦶꦱ꧀ꦡꦸꦱ꧀ ꦫꦠꦸ​꧉​”

3꧋ꦒꦿꦩꦁꦥꦶꦭꦠꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦲꦥ​ꦏꦺꦴꦮꦺ​ꦏꦸꦮꦶ​ꦫꦠꦸꦤꦺ​ꦧꦁꦱ​ꦙꦸ?”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦧꦼꦤꦼꦂ​꧈​ꦥꦚ꧀ꦕꦺꦤ꧀ꦩꦼꦁꦏꦺꦴꦤꦺꦴ​!”

4꧋ꦒꦿꦩꦁꦥꦶꦭꦠꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦮꦺꦴꦁ​ꦲꦺꦴꦏꦺꦃꦱꦶꦁ​ꦤꦁꦏꦺꦴꦤꦺꦴ​:“ꦤꦺꦏ꧀ꦩꦤꦸꦠ꧀ꦥꦶꦤꦼꦩꦸꦏꦸꦮꦺꦴꦁ​ꦲꦶꦏꦶ​ꦲꦺꦴꦫ​ꦱꦭꦃ​ꦲꦥꦲꦥ​꧉​”

5꧋ꦤꦁꦔꦶꦁ​ꦮꦺꦴꦁꦮꦺꦴꦁ​ꦔꦼꦕꦼꦏ꧀​ꦮꦲꦺ​ꦔꦺꦴꦩꦺꦴꦁ:“ꦮꦺꦴꦁ​ꦲꦶꦏꦶ​ꦩꦸꦭꦁꦔꦶꦮꦺꦴꦁꦮꦺꦴꦁ​ꦏꦺꦴꦁꦏꦺꦴꦤ꧀ꦥꦢ​ꦩ꧀ꦧꦿꦸꦤ꧀ꦠꦏ꧀ ꦩꦺꦴꦭꦃꦲꦶꦤꦁꦧꦮꦃꦓꦭꦶꦭꦺꦪ​ꦠꦼꦫꦸꦱ꧀ꦤꦁꦱꦏ꧀ꦪꦸꦢꦺꦪ​ꦭꦤ꧀ꦱꦲꦶꦏꦶ​ꦱꦩ꧀ꦥꦺꦏ꧀ꦠꦼꦏꦤ꧀ꦏꦺꦤꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔꦉꦥ꧀ꦥꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀꧈​

6꧋ꦏꦢꦸꦁ​ꦒꦿꦩꦁꦥꦶꦭꦠꦸꦱ꧀ꦏꦿꦸꦔꦸ​ꦲꦺꦴꦩꦺꦴꦁꦔꦺ​ꦮꦺꦴꦁꦮꦺꦴꦁ​ꦩꦲꦸ​꧈​ꦢꦺꦏ꧀ꦤꦺ ꦠꦼꦫꦸꦱ꧀ꦠꦏꦺꦴꦤ꧀:“ꦲꦥ​ꦮꦺꦴꦁ​ꦲꦶꦏꦶ​ꦠꦼꦏꦤꦺ​ꦱꦁꦏꦓꦭꦶꦭꦺꦪ​?” 7ꦧꦉꦁ​ꦏꦿꦸꦔꦸ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦱꦁꦏꦥꦁꦒꦺꦴꦤ꧀ꦤꦤ꧀ꦥꦼꦔꦸꦫꦸꦱꦤ꧀ꦤꦺꦫꦠꦸ​ꦲ꦳ꦺꦫꦺꦴꦢꦺꦱ꧀ ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦁꦏꦺꦴꦤ꧀​ꦔ꧀ꦒꦮ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦔ꧀ꦒꦺꦴꦤ꧀ꦤꦺꦫꦠꦸ​ꦲ꦳ꦺꦫꦺꦴꦢꦺꦱ꧀ ꦱꦶꦁ​ꦲꦶꦁ​ꦮꦏ꧀ꦠꦸ​ꦏꦸꦮꦶ​ꦤ꧀ꦢꦶꦭꦭꦃꦲꦺꦤꦁꦏꦸꦠꦪꦺꦫꦸꦱꦭꦺꦩ꧀꧈​ 8ꦏꦢꦸꦁ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦺꦏ꧀ꦤꦺꦧꦸꦔꦃ​ꦧꦔꦼꦠ꧀ ꦲꦮꦶꦠ꧀ꦮꦶꦱ꧀ꦱꦸꦮꦶꦏꦿꦸꦔꦸ​ꦧꦧ꧀ꦢꦺꦏ꧀ꦤꦺ꧈​ꦩꦸꦭꦤꦺ​ꦏꦼꦥꦺꦔꦶꦤ꧀ꦮꦼꦫꦸꦃ​ꦢꦺꦮꦺ꧉​ꦩꦭꦃ​ꦢꦺꦏ꧀ꦤꦺꦔꦉꦥ꧀ꦲꦉꦥ꧀ꦧꦶꦱꦲ​ꦮꦼꦫꦸꦃ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀꧈​ 9ꦩꦸꦭꦤꦺ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦔꦼꦠꦺꦴꦏ꧀ꦏꦏꦺꦥꦶꦠꦏꦺꦴꦤ꧀ꦤꦤ꧀ꦥꦶꦫꦁꦥꦶꦫꦁ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦢꦺꦏ꧀ꦤꦺꦲꦺꦴꦫ​ꦒꦼꦊꦩ꧀ꦱꦼꦩꦲꦸꦂ​ꦲꦥꦲꦥ​꧉​ 10ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦒꦸꦫꦸ​ꦏꦶꦠꦧ꧀ꦲꦸꦒ​ꦤꦁꦏꦺꦴꦤꦺꦴ​ꦭꦤ꧀ꦥꦢ​ꦚꦭꦃꦚꦭꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦔꦁꦒꦺꦴ​ꦥꦽꦏꦫꦥꦽꦏꦫ​ꦱꦶꦁ​ꦲꦧꦺꦴꦠ꧀꧈​ 11ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦒꦮꦺ​ꦱꦼꦩ꧀ꦧꦿꦤ​ꦏꦫꦺꦴ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦭꦤ꧀ꦥꦫ​ꦱꦺꦴꦭ꧀ꦢꦠ꧀꧈​ꦢꦺꦏ꧀ꦤꦺꦠꦼꦫꦸꦱ꧀ꦢꦶꦲꦼꦁꦒꦺꦴꦤ꧀ꦤꦶ​ꦥꦼꦔꦁꦒꦺꦴꦤꦺ​ꦫꦠꦸ​ꦠꦼꦫꦸꦱ꧀ꦢꦶꦒꦮ​ꦧꦭꦶꦏ꧀ꦩꦼꦤꦺꦃ​ꦤꦁꦔꦉꦥ꧀ꦥꦺ​ꦒꦿꦩꦁꦥꦶꦭꦠꦸꦱ꧀꧈​ 12ꦮꦶꦮꦶꦠ꧀ꦢꦶꦤ​ꦲꦶꦏꦸ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦭꦤ꧀ꦒꦿꦩꦁꦥꦶꦭꦠꦸꦱ꧀ꦥꦢ​ꦏꦼꦏꦚ꧀ꦕꦤ꧀ꦩꦼꦤꦺꦃ​꧈​ꦩꦲꦸꦤꦺ​ꦩꦼꦩꦸꦁꦱꦸꦃꦲꦤ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦤꦩ꧀ꦥ​ꦱꦼꦠꦿꦥꦤ꧀ꦥꦠꦶ​꧉​

13꧋ꦒꦿꦩꦁꦥꦶꦭꦠꦸꦱ꧀ꦠꦼꦫꦸꦱ꧀ꦔꦸꦩ꧀ꦥꦸꦭ꧀ꦭꦏꦺꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ ꦥꦫ​ꦥꦼꦤꦸꦤ꧀ꦠꦸꦤ꧀ꦭꦤ꧀ꦲꦸꦒ​ꦫꦪꦠ꧀ꦠꦺ꧉​ 14ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦮꦺꦴꦁ​:“ꦏꦺꦴꦮꦺ​ꦔ꧀ꦒꦮ​ꦮꦺꦴꦁ​ꦲꦶꦏꦶ​ꦤꦁꦔ꧀ꦒꦺꦴꦤ꧀ꦏꦸ​ꦭꦤ꧀ꦏꦺꦴꦮꦺ​ꦔꦺꦴꦩꦺꦴꦁꦤꦺꦏ꧀ꦮꦺꦴꦁ​ꦲꦶꦏꦶ​ꦚꦤ꧀ꦢꦶꦁꦫꦪꦠ꧀꧈​ꦮꦺꦴꦁꦔꦺ​ꦮꦶꦱ꧀ꦠꦏ꧀ꦠꦏꦺꦴꦤ꧀ꦤꦶꦤꦁꦔꦉꦥ꧀ꦩꦸ​꧈​ꦤꦁꦔꦶꦁ​ꦲꦏꦸ​ꦲꦺꦴꦫ​ꦤꦼꦩꦸ​ꦱꦭꦃ​ꦧ꧀ꦭꦱ꧀ꦱꦶꦁ​ꦲꦩ꧀ꦧꦺꦴꦏ꧀ꦲꦺꦴꦩꦺꦴꦁꦔꦏꦺ꧉​ 15ꦲꦸꦒ​ꦫꦠꦸ​ꦲ꦳ꦺꦫꦺꦴꦢꦺꦱ꧀ꦲꦺꦴꦫ​ꦤꦼꦩꦸ​ꦱꦭꦃ​ꦲꦥꦲꦥ​꧈​ꦲꦮꦶꦠ꧀ꦢꦺꦏ꧀ꦤꦺꦔꦺꦴꦁꦏꦺꦴꦤ꧀​ꦔ꧀ꦒꦮ​ꦪꦺꦯꦸꦱ꧀ꦧꦭꦶꦏ꧀ꦤꦁꦔ꧀ꦒꦺꦴꦤ꧀ꦏꦸ​ꦩꦼꦤꦺꦃ​꧉​ꦮꦺꦴꦁ​ꦲꦶꦏꦶ​ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦱꦭꦃ​ꦲꦥꦲꦥ​ꦱꦶꦁ​ꦩꦫꦏ꧀ꦏꦏꦺꦢꦺꦏ꧀ꦤꦺꦏꦸꦢꦸ​ꦢꦶꦏꦺꦏ꧀ꦏꦶꦱꦼꦠꦿꦥꦤ꧀ꦥꦠꦶ​꧉​ 16ꦩꦸꦭꦤꦺ​ꦮꦺꦴꦁꦔꦺ​ꦲꦉꦥ꧀ꦠꦏ꧀ꦏꦺꦴꦁꦏꦺꦴꦤ꧀ꦩꦼꦕꦸꦠ꧀ꦠꦶ​ꦮꦲꦺ​ꦠꦼꦫꦸꦱ꧀ꦠꦏ꧀ꦔꦼꦕꦸꦭ꧀ꦏꦺ​꧉​” 17(ꦮꦶꦱ꧀ꦢꦢꦶ​ꦲꦢꦠ꧀ ꦱꦧꦼꦤ꧀ꦫꦶꦪꦪꦥꦱ꧀ꦏꦃ​ꦒꦿꦩꦁꦥꦶꦭꦠꦸꦱ꧀ꦔꦼꦠꦺꦴꦏ꧀ꦏꦏꦺꦱꦼꦠꦿꦥꦤ꧀ꦱꦶꦗꦶ​꧈​ꦩꦤꦸꦠ꧀ꦥꦼꦚ꧀ꦗꦭꦸꦏ꧀ꦏꦺ​ꦫꦪꦠ꧀꧈​)

18꧋ꦮꦺꦴꦁ​ꦲꦺꦴꦏꦺꦃꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦧꦼꦔꦺꦴꦏ꧀ꦧꦼꦔꦺꦴꦏ꧀:“ꦮꦺꦴꦁ​ꦲꦶꦏꦸ​ꦢꦶꦥꦠꦺꦤ꧀ꦤꦶ​!ꦨꦫꦧꦱ꧀ꦢꦶꦲꦼꦠꦺꦴꦏ꧀ꦏꦏꦺ꧉​” 19ꦨꦫꦧꦱ꧀ꦏꦸꦮꦶ​ꦢꦶꦱꦼꦠꦿꦥ꧀ ꦗꦭꦂꦫꦤ꧀ꦢꦺꦏ꧀ꦤꦺꦩ꧀ꦧꦿꦸꦤ꧀ꦠꦏ꧀ꦤꦁꦏꦸꦠꦭꦤ꧀ꦩꦠꦺꦤ꧀ꦤꦶ​ꦮꦺꦴꦁ​꧉​

20꧋ꦗꦭꦂꦫꦤ꧀ꦒꦿꦩꦁꦥꦶꦭꦠꦸꦱ꧀ꦏꦼꦥꦺꦔꦶꦤ꧀ꦔꦼꦠꦺꦴꦏ꧀ꦏꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦩꦸꦭꦤꦺ​ꦢꦺꦏ꧀ꦤꦺꦔꦺꦴꦩꦺꦴꦁꦱꦼꦥꦶꦱ꧀ꦱꦤ꧀ꦩꦼꦤꦺꦃ​ꦩꦫꦁ​ꦮꦺꦴꦁ​ꦲꦺꦴꦏꦺꦃꦩꦲꦸ​꧉​ 21ꦤꦁꦔꦶꦁ​ꦮꦺꦴꦁꦮꦺꦴꦁ​ꦥꦢ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦔꦺꦴꦩꦺꦴꦁ:“ꦢꦶꦥꦼꦤ꧀ꦠꦺꦁꦮꦲꦺ​!ꦢꦶꦥꦼꦤ꧀ꦠꦺꦁ!”

22꧋ꦒꦿꦩꦁꦥꦶꦭꦠꦸꦱ꧀ꦱꦩ꧀ꦥꦺꦏ꧀ꦔꦺꦴꦩꦺꦴꦁꦥꦶꦁ​ꦠꦼꦭꦸꦤꦺ​ꦩꦫꦁ​ꦮꦺꦴꦁ​ꦲꦺꦴꦏꦺꦃꦩꦲꦸ​꧈​ꦠꦼꦩ꧀ꦧꦸꦁꦔꦺ​:“ꦤꦁꦔꦶꦁ​ꦮꦺꦴꦁ​ꦲꦶꦏꦶ​ꦱꦭꦃꦲꦺ​ꦲꦥ​?ꦲꦏꦸ​ꦲꦺꦴꦫ​ꦤꦼꦩꦸ​ꦱꦭꦃꦲꦺ​ꦮꦺꦴꦁ​ꦲꦶꦏꦶ​ꦱꦶꦁ​ꦩꦫꦏ꧀ꦏꦏꦺꦏꦸꦢꦸ​ꦢꦶꦥꦠꦺꦤ꧀ꦤꦶ​꧉​ꦮꦺꦴꦁ​ꦲꦶꦏꦶ​ꦲꦉꦥ꧀ꦠꦏ꧀ꦏꦺꦴꦁꦏꦺꦴꦤ꧀ꦩꦼꦕꦸꦠ꧀ꦠꦶ​ꦮꦲꦺ​ꦠꦼꦫꦸꦱ꧀ꦠꦏ꧀ꦔꦼꦕꦸꦭ꧀ꦏꦺ​꧉​”

23꧋ꦤꦁꦔꦶꦁ​ꦮꦺꦴꦁꦮꦺꦴꦁ​ꦩꦭꦃ​ꦠꦩ꧀ꦧꦃ​ꦧꦼꦔꦺꦴꦏ꧀ꦧꦼꦔꦺꦴꦏ꧀ꦱꦏ꧀ꦏꦸꦮꦠ꧀ꦠꦺ꧈​ꦔꦺꦴꦩꦺꦴꦁꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦢꦸ​ꦢꦶꦥꦼꦤ꧀ꦠꦺꦁ꧉​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦮꦺꦴꦁ​ꦲꦺꦴꦏꦺꦃꦩꦲꦸ​ꦩꦼꦤꦁ​꧉​ 24ꦒꦿꦩꦁꦥꦶꦭꦠꦸꦱ꧀ꦠꦼꦫꦸꦱ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦔꦼꦏꦺꦏ꧀ꦏꦶꦱꦼꦠꦿꦥꦤ꧀ꦥꦠꦶ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ ꦩꦤꦸꦠ꧀ꦏꦉꦥ꧀ꦥꦺ​ꦮꦺꦴꦁ​ꦲꦺꦴꦏꦺꦃꦩꦲꦸ​꧉​ 25ꦨꦫꦧꦱ꧀ ꦱꦶꦁ​ꦢꦶꦱꦼꦠꦿꦥ꧀ꦗꦭꦂꦫꦤ꧀​ꦔ꧀ꦭꦏꦺꦴꦤ꧀ꦤꦶ​ꦥꦼꦩ꧀ꦧꦿꦸꦤ꧀ꦠꦏ꧀ꦏꦤ꧀ꦭꦤ꧀ꦩꦠꦺꦤ꧀ꦤꦶ​ꦮꦺꦴꦁ​꧈​ꦢꦶꦲꦼꦠꦺꦴꦏ꧀ꦏꦏꦺ꧈​ꦩꦤꦸꦠ꧀ꦏꦉꦥ꧀ꦥꦺ​ꦮꦺꦴꦁꦮꦺꦴꦁ​꧉​ꦒꦿꦩꦁꦥꦶꦭꦠꦸꦱ꧀ꦠꦼꦫꦸꦱ꧀ꦩꦱꦿꦃꦲꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦩꦫꦁ​ꦮꦺꦴꦁ​ꦲꦺꦴꦏꦺꦃꦩꦲꦸ​꧈​ꦱꦸꦥꦪ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦲꦥ​ꦏꦉꦥ꧀ꦥꦺ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦥꦼꦤ꧀ꦠꦺꦁ꧉​

26꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦒꦮ​ꦩꦼꦠꦸ​ꦱꦁꦏꦏꦸꦠꦪꦺꦫꦸꦱꦭꦺꦩ꧀꧈​ꦤꦁꦢꦭꦤ꧀ꦏꦼꦥꦼꦠꦸꦏ꧀ꦮꦺꦴꦁ​ꦱꦶꦁ​ꦗꦼꦤꦼꦁꦔꦺ​ꦱꦶꦩꦺꦴꦤ꧀ ꦱꦁꦏꦏꦸꦠꦯꦶꦫꦺꦤꦺ꧈​ꦲꦉꦥ꧀​ꦩ꧀ꦊꦧꦸ​ꦏꦸꦠ꧉​ꦱꦶꦩꦺꦴꦤ꧀ꦢꦶꦕꦼꦭꦸꦏ꧀​ꦭꦤ꧀ꦢꦶꦥꦼꦏ꧀ꦱ​ꦏꦺꦴꦁꦏꦺꦴꦤ꧀ꦩꦁꦒꦸꦭ꧀ꦏꦪꦸ​ꦥꦼꦤ꧀ꦠꦺꦔꦤ꧀ꦤꦺꦤꦁꦲꦩ꧀ꦧꦸꦫꦶꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

27꧋ꦲꦺꦴꦏꦺꦃꦮꦺꦴꦁ​ꦥꦢ​ꦔꦼꦠꦸꦠ꧀ꦠꦏꦺꦭꦏꦸꦤꦺꦒꦸꦱ꧀ꦠꦶ​ꦪꦺꦯꦸꦱ꧀꧈​ꦤꦁꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃꦏꦸꦮꦶ​ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦗꦶꦭꦺꦴꦫꦺꦴ꧉​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦥꦢ​ꦔꦤ꧀ꦠꦼꦩ꧀ꦩꦶ​ꦢꦢꦤꦺꦤꦔꦶꦱ꧀ꦱꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦥꦢ​ꦱꦩ꧀ꦧꦠ꧀꧈​ 28ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦤꦺꦴꦭꦺꦃ​ꦭꦤ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​:“ꦏꦺꦴꦮꦺ​꧈​ꦮꦺꦴꦁ​ꦮꦺꦢꦺꦴꦏ꧀ꦪꦺꦫꦸꦱꦭꦺꦩ꧀ ꦏꦺꦴꦮꦺ​ꦲꦗ​ꦥꦢ​ꦤꦔꦶꦱ꧀ꦱꦶ​ꦲꦏꦸ​;ꦠꦔꦶꦱ꧀ꦱꦤ​ꦲꦮꦏ꧀ꦩꦸ​ꦢꦺꦮꦺꦭꦤ꧀ꦲꦤꦏ꧀ꦲꦤꦏ꧀ꦩꦸ​꧉​ 29ꦲꦮꦶꦠ꧀ꦧꦏꦭ꧀ꦲꦺꦤꦺꦁꦮꦏ꧀ꦠꦸꦩꦸꦮꦺꦴꦁ​ꦔꦺꦴꦩꦺꦴꦁ:'ꦧꦼꦗꦠꦼꦤꦤ꧀ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦒꦧꦸꦏ꧀ ꦱꦶꦁ​ꦲꦺꦴꦫ​ꦠꦲꦸ​ꦔ꧀ꦭꦲꦶꦂꦫꦏꦺꦲꦤꦏ꧀ꦭꦤ꧀ ꦲꦺꦴꦫ​ꦠꦲꦸ​ꦚꦸꦱꦺꦴꦤ꧀ꦤꦶ​ꦧꦪꦶ​!’ 30ꦧꦏꦭ꧀ꦲꦺꦤꦺꦁꦮꦏ꧀ꦠꦸꦩꦸꦮꦺꦴꦁ​ꦥꦢ​ꦔꦺꦴꦩꦺꦴꦁꦩꦫꦁ​ꦒꦸꦤꦸꦁꦒꦸꦤꦸꦁ​:'ꦲꦏꦸ​ꦠꦶꦧꦤꦤ꧈'​ꦭꦤ꧀ꦲꦸꦒ​ꦔꦺꦴꦩꦺꦴꦁꦩꦫꦁ​ꦥꦸꦤ꧀ꦠꦸꦏ꧀ꦥꦸꦤ꧀ꦠꦸꦏ꧀:'ꦲꦏꦸ​ꦲ꦳ꦸꦫꦸꦏ꧀ꦏꦤ!’ 31ꦲꦮꦶꦠ꧀ꦤꦺꦏ꧀ꦏꦪ​ꦔꦺꦤꦺ​ꦥꦼꦁꦒꦮꦺꦤꦺ​ꦩꦫꦁ​ꦏꦪꦸ​ꦱꦶꦁ​ꦲꦸꦫꦶꦥ꧀ ꦭꦃ​ꦏꦪꦸ​ꦱꦶꦁ​ꦒꦫꦶꦁ​ꦩꦼꦤꦺꦃ​ꦧꦏꦭ꧀ꦢꦶꦏꦥꦏ꧀ꦏꦏꦺ?”

32꧋ꦲꦺꦤꦺꦁꦮꦺꦴꦁ​ꦤꦏꦭ꧀ꦭꦺꦴꦫꦺꦴ​ꦱꦶꦁ​ꦢꦶꦒꦶꦫꦶꦁ​ꦧꦉꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦶꦁ​ꦲꦸꦒ​ꦲꦉꦥ꧀ꦢꦶꦥꦠꦺꦤ꧀ꦤꦶ​꧉​ 33ꦏꦢꦸꦁ​ꦮꦶꦱ꧀ꦠꦼꦏꦤ꧀ꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​“ꦌꦤ꧀ꦢꦱ꧀ꦮꦺꦴꦁ​꧈​”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦥꦼꦤ꧀ꦠꦺꦁꦧꦉꦁ​ꦏꦫꦺꦴ​ꦮꦺꦴꦁ​ꦤꦏꦭ꧀ꦭꦺꦴꦫꦺꦴ​ꦩꦲꦸ​꧈​ꦱꦶꦗꦶ​ꦤꦁꦠꦼꦔꦼꦤꦺ​ꦭꦤ꧀ꦱꦶꦗꦶ​ꦤꦁꦏꦶꦮꦤꦺ​꧉​ 34ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦺꦴꦁꦔ:“ꦢꦸꦃꦧꦥꦏ꧀ꦏꦸ​꧈​ꦱꦭꦃꦲꦺ​ꦮꦺꦴꦁꦮꦺꦴꦁ​ꦲꦶꦏꦶ​ꦲꦩ꧀ꦧꦺꦴꦏ꧀ꦢꦶꦔꦥꦸꦫ꧈​ꦲꦮꦶꦠ꧀ꦲꦺꦴꦫ​ꦥꦢ​ꦔꦼꦂꦠꦶ​ꦲꦥ​ꦱꦶꦁ​ꦢꦶꦭꦏꦺꦴꦤ꧀ꦤꦶ​꧉​”

꧋ꦱꦭꦶꦤ꧀ꦤꦺꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦢꦶꦥꦿꦠꦸꦁꦔꦁꦒꦺꦴ​ꦭꦺꦴꦠꦿꦺ​ꦏꦫꦺꦴ​ꦥꦫ​ꦱꦺꦴꦭ꧀ꦢꦠ꧀ꦱꦶꦁ​ꦚ꧀ꦗꦒ​꧉​ 35ꦮꦺꦴꦁ​ꦲꦺꦴꦏꦺꦃꦥꦢ​ꦚꦮꦁ​ꦊꦭꦏꦺꦴꦤ꧀ꦤꦁꦏꦺꦴꦤꦺꦴ​ꦏꦸꦮꦶ​꧉​ꦥꦫ​ꦥꦼꦔꦉꦥ꧀ꦥꦺ​ꦧꦁꦱ​ꦙꦸꦥꦢ​ꦩꦺꦴꦪꦺꦴꦏ꧀ꦏꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦠꦼꦩ꧀ꦧꦸꦁꦔꦺ​:“ꦢꦺꦏ꧀ꦤꦺꦮꦶꦱ꧀ꦤꦸꦭꦸꦁꦔꦶ​ꦮꦺꦴꦁ​ꦭꦶꦪ​꧉​ꦤꦺꦏ꧀ꦥꦚ꧀ꦕꦺꦤ꧀ꦮꦺꦴꦁ​ꦏꦸꦮꦶ​ꦏꦿꦶꦱ꧀ꦡꦸꦱ꧀ ꦏꦺꦴꦁꦏꦺꦴꦤ꧀ꦤꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦼꦤꦤ꧀ ꦗꦗꦭ꧀ꦏꦺꦴꦤꦺꦴ​ꦲꦥ​ꦧꦶꦱ​ꦤꦸꦭꦸꦁꦔꦶ​ꦲꦮꦏ꧀ꦏꦺ​ꦢꦺꦏ꧀ꦤꦺꦢꦺꦮꦺ꧉​”

36꧋ꦱꦺꦴꦭ꧀ꦢꦠ꧀ꦱꦺꦴꦭ꧀ꦢꦠ꧀ꦪ​ꦥꦢ​ꦩꦺꦴꦪꦺꦴꦏ꧀ꦏꦶ​ꦠꦼꦫꦸꦱ꧀ꦩꦫꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦔꦼꦏꦺꦏ꧀ꦏꦶꦲꦁꦒꦸꦂ​ꦏꦼꦕꦸꦠ꧀꧈​ 37ꦠꦼꦫꦸꦱ꧀ꦔꦺꦴꦩꦺꦴꦁ:“ꦤꦺꦏ꧀ꦏꦺꦴꦮꦺ​ꦫꦠꦸꦤꦺ​ꦮꦺꦴꦁ​ꦙꦸ꧈​ꦠꦸꦭꦸꦁꦔꦤ​ꦲꦮꦏ꧀ꦩꦸ​ꦢꦺꦮꦺ꧉​”

38꧋ꦤꦁꦱꦏ꧀​ꦤ꧀ꦢꦸꦮꦸꦂꦫꦺꦱꦶꦫꦃꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦤꦺꦁꦠꦸꦭꦶꦱ꧀ꦱꦤ꧀:“ꦪꦺꦯꦸꦱ꧀ ꦫꦠꦸꦤꦺ​ꦮꦺꦴꦁ​ꦙꦸ꧉​”

39꧋ꦱꦭꦃ​ꦱꦶꦗꦶꦤꦺ​ꦮꦺꦴꦁ​ꦤꦏꦭ꧀ꦱꦶꦁ​ꦢꦶꦥꦼꦤ꧀ꦠꦺꦁꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦔꦺꦴꦩꦺꦴꦁ:“ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦏꦿꦶꦱ꧀ꦡꦸꦱ꧀ꦠꦼꦤꦤ꧀ ꦠꦸꦭꦸꦁꦔꦤ​ꦲꦮꦏ꧀ꦩꦸ​ꦢꦺꦮꦺꦭꦤ꧀ꦲꦮꦏ꧀ꦏꦺ​ꦢꦺꦮꦺꦮꦺꦴꦁ​ꦭꦺꦴꦫꦺꦴ​ꦥꦶꦱꦤ꧀꧈​”

40꧋ꦤꦁꦔꦶꦁ​ꦮꦺꦴꦁ​ꦤꦏꦭ꧀ꦱꦶꦁ​ꦭꦶꦪꦤꦺ​ꦚꦼꦤꦺꦤ꧀ꦤꦶꦏꦚ꧀ꦕꦤꦺ​ꦔꦺꦴꦩꦺꦴꦁ:“ꦲꦥ​ꦏꦺꦴꦮꦺ​ꦲꦺꦴꦫ​ꦮꦼꦢꦶ​ꦧ꧀ꦭꦱ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦲꦺꦤ꧀ꦠꦸꦏ꧀ꦱꦼꦠꦿꦥꦤ꧀ꦥꦠꦶ​꧉​ 41ꦏꦁꦒꦺꦴ​ꦲꦮꦏ꧀ꦏꦺ​ꦢꦺꦮꦺꦱꦼꦠꦿꦥꦤ꧀ꦲꦶꦏꦶ​ꦮꦶꦱ꧀ꦱꦏ꧀ꦩꦼꦱ꧀ꦠꦶꦤꦺ꧉​ꦤꦁꦔꦶꦁ​ꦮꦺꦴꦁ​ꦲꦶꦏꦶ​ꦲꦺꦴꦫ​ꦱꦭꦃ​ꦲꦥꦲꦥ​꧉​” 42ꦮꦺꦴꦁꦔꦺ​ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀:“ꦒꦸꦱ꧀ꦠꦶ​꧈​ꦲꦩ꧀ꦧꦺꦴꦏ꧀ꦲꦺꦭꦶꦁ​ꦩꦫꦁ​ꦲꦏꦸ​ꦤꦺꦏ꧀ꦏꦺꦴꦮꦺ​ꦮꦶꦱ꧀ꦲꦶꦁ​ꦏꦿꦠꦺꦴꦤ꧀ꦩꦸ​꧉​”

43꧋ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦩꦲꦸꦂ​:“ꦥꦽꦕꦪꦲ​꧈​ꦢꦶꦤ​ꦲꦶꦏꦶ​ꦮꦲꦺ​ꦏꦺꦴꦮꦺ​ꦧꦏꦭ꧀ꦧꦉꦁ​ꦏꦫꦺꦴ​ꦲꦏꦸ​ꦩ꧀ꦊꦧꦸ​ꦲꦶꦁ​ꦦꦶꦂꦢꦸꦱ꧀꧈​”

꧋ꦤꦶꦁ​ꦒꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

44꧋ꦏꦶꦫꦏꦶꦫ​ꦗꦩ꧀ꦫꦺꦴꦭꦱ꧀ꦲꦮꦤ꧀ꦱꦏ꧀ꦤꦼꦒꦫ​ꦏꦺꦴꦤꦺꦴ​ꦏꦧꦺꦃ​ꦩꦭꦶꦃ​ꦥꦼꦠꦼꦁ​ꦤ꧀ꦢꦼꦢꦼꦠ꧀ ꦱꦩ꧀ꦥꦺꦏ꧀ꦗꦩ꧀ꦠꦼꦭꦸ​꧈​ꦲꦮꦶꦠ꧀ꦱꦽꦔꦺꦔꦺꦤꦺ​ꦏꦼꦠꦸꦠꦸꦥ꧀ꦥꦤ꧀꧈​ 45ꦏꦺꦴꦂꦢꦺꦤ꧀ꦤꦁꦒꦿꦺꦗ​ꦒꦼꦢꦺꦱꦸꦮꦺꦏ꧀ꦠꦼꦔꦃꦲꦺ​꧉​ 46ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦲꦩ꧀ꦧꦼꦔꦺꦴꦏ꧀ꦧꦤ꧀ꦠꦼꦂ​:“ꦢꦸꦃꦧꦥꦏ꧀ꦏꦸ​꧈​ꦲꦏꦸ​ꦩꦱꦿꦃꦲꦏꦺꦚꦮꦏꦸ​ꦤꦁꦠꦔꦤ꧀ꦩꦸ​!”ꦱꦏ꧀ꦮꦶꦱ꧀ꦱꦺ​ꦔꦺꦴꦩꦺꦴꦁꦏꦸꦮꦶ​ꦢꦺꦏ꧀ꦤꦺꦠꦼꦫꦸꦱ꧀ꦤꦶꦁꦒꦭ꧀꧈​

47꧋ꦏꦢꦸꦁ​ꦏꦸꦩꦼꦤ꧀ꦢꦤ꧀ꦤꦺꦥꦫ​ꦱꦺꦴꦭ꧀ꦢꦠ꧀ꦱꦶꦁ​ꦗꦒ​ꦤꦁꦏꦺꦴꦤꦺꦴ​ꦮꦼꦫꦸꦃ​ꦊꦭꦏꦺꦴꦤ꧀ꦏꦸꦮꦶ​ꦩꦲꦸ​ꦏꦧꦺꦃ​꧈​ꦢꦺꦏ꧀ꦤꦺꦠꦼꦫꦸꦱ꧀​ꦔ꧀ꦭꦸꦲꦸꦂꦫꦏꦺꦒꦸꦱ꧀ꦠꦶ​ꦄꦭ꧀ꦭꦃ​ꦔꦺꦴꦩꦺꦴꦁ:“ꦚꦠ​ꦠꦼꦤꦤ꧀ꦤꦺꦏ꧀ꦮꦺꦴꦁ​ꦲꦶꦏꦶ​ꦲꦺꦴꦫ​ꦱꦭꦃ​꧉​”

48꧋ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦠꦼꦏ​ꦩ꧀ꦧꦿꦺꦴꦤꦺꦴꦏꦼꦥꦺꦔꦶꦤ꧀ꦮꦼꦫꦸꦃ​ꦊꦭꦏꦺꦴꦤ꧀ꦤꦁꦏꦺꦴꦤꦺꦴ​ꦲꦸꦒ​ꦥꦢ​ꦮꦼꦫꦸꦃ​ꦏꦸꦮꦶ​ꦩꦲꦸ​ꦏꦧꦺꦃ​꧉​ꦥꦢ​ꦫꦸꦩꦁꦱ​ꦱꦭꦃ​ꦏꦧꦺꦃ​ꦭꦤ꧀ꦔꦤ꧀ꦠꦼꦩ꧀ꦩꦶ​ꦢꦢꦤꦺꦠꦼꦫꦸꦱ꧀ꦥꦢ​ꦩꦸꦭꦶꦃ​꧉​ 49ꦮꦺꦴꦁ​ꦏꦧꦺꦃ​ꦱꦶꦁ​ꦥꦢ​ꦏꦼꦤꦭ꧀ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦲꦸꦒ​ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦓꦭꦶꦭꦺꦪ​ꦥꦢ​ꦔꦢꦼꦏ꧀ꦭꦤ꧀​ꦤ꧀ꦢꦼꦭꦺꦴꦏ꧀ꦏꦏꦺꦊꦭꦏꦺꦴꦤ꧀ꦏꦸꦮꦶ​ꦏꦧꦺꦃ​ꦱꦁꦏꦏꦢꦺꦴꦃꦲꦤ꧀꧈​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦢꦶꦏꦸꦧꦸꦂ​꧉​

50-51꧋ꦲꦺꦤꦺꦁꦮꦺꦴꦁ​ꦱꦶꦁ​ꦗꦼꦤꦼꦁꦔꦺ​ꦪꦺꦴꦱꦺꦥ꦳꧀ ꦱꦁꦏꦄꦫꦶꦩꦠꦺꦪ​꧈​ꦏꦸꦠꦤꦺꦮꦺꦴꦁ​ꦙꦸ꧉​ꦪꦺꦴꦱꦺꦥ꦳꧀ꦲꦶꦏꦶ​ꦮꦺꦴꦁ​ꦲꦥꦶꦏ꧀ꦭꦤ꧀ꦏꦗꦺꦤ꧀ ꦮꦺꦴꦁ​ꦥꦽꦕꦪ​ꦱꦶꦁ​ꦔꦉꦥ꧀ꦲꦉꦥ꧀ꦠꦼꦏꦤꦺ​ꦏꦿꦠꦺꦴꦤꦺ​ꦄꦭ꧀ꦭꦃ​꧉​ꦪꦺꦴꦱꦺꦥ꦳꧀ꦲꦶꦏꦶ​ꦮꦂꦒꦤꦺ​ꦏꦿꦸꦠꦺꦴꦤ꧀ꦲꦒꦩ​꧈​ꦤꦁꦔꦶꦁ​ꦢꦺꦏ꧀ꦤꦺꦲꦺꦴꦫ​ꦚꦼꦠꦸꦗꦺꦴꦤ꧀ꦤꦶ​ꦥꦸꦠꦸꦱ꧀ꦱꦤ꧀ꦤꦺ​ꦭꦶꦪꦭꦶꦪꦤꦺ​ꦩꦲꦸ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ 52ꦪꦺꦴꦱꦺꦥ꦳꧀ꦠꦼꦫꦸꦱ꧀ꦩꦫ​ꦤꦁꦔ꧀ꦒꦺꦴꦤ꧀ꦤꦺꦒꦿꦩꦁꦥꦶꦭꦠꦸꦱ꧀ꦚꦸꦮꦸꦤ꧀ꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 53ꦪꦺꦴꦱꦺꦥ꦳꧀ꦠꦼꦫꦸꦱ꧀ꦔꦼꦢꦸꦤ꧀ꦤꦏꦺꦭꦪꦺꦴꦤꦺ​ꦱꦁꦏꦏꦪꦸ​ꦥꦼꦤ꧀ꦠꦺꦁꦔꦤ꧀ꦠꦼꦫꦸꦱ꧀ꦢꦶꦧꦸꦤ꧀ꦠꦼꦭ꧀ꦩꦺꦴꦫꦶ​ꦲꦭꦸꦱ꧀꧈​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦭꦪꦺꦴꦤꦺ​ꦠꦼꦫꦸꦱ꧀ꦢꦶꦏꦸꦧꦸꦂ​ꦤꦁꦏꦸꦧꦸꦂꦫꦤ꧀ꦱꦶꦁ​ꦢꦶꦠꦠꦃ​ꦱꦁꦏꦮꦠꦸ​꧉​ꦏꦸꦧꦸꦂꦫꦤ꧀ꦲꦶꦏꦶ​ꦢꦸꦫꦸꦁ​ꦠꦲꦸ​ꦏꦁꦒꦺꦴ​꧉​ 54ꦱꦲꦶꦏꦶ​ꦮꦶꦱ꧀ꦢꦶꦤꦤꦺ​ꦏꦁꦒꦺꦴ​ꦠꦠꦠꦠ​꧈​ꦲꦮꦶꦠ꧀ꦱꦼꦢꦶꦭꦸꦠ꧀ꦩꦼꦤꦺꦃ​ꦮꦶꦱ꧀ꦠꦶꦧ​ꦢꦶꦤ​ꦱꦧꦠ꧀꧈​

55꧋ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦩꦺꦭꦸ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦓꦭꦶꦭꦺꦪ​ꦪ​ꦥꦢ​ꦔꦼꦠꦸꦠ꧀ꦠꦏꦺꦪꦺꦴꦱꦺꦥ꦳꧀ ꦩꦺꦭꦸ​ꦔꦼꦠꦼꦂꦫꦏꦺꦭꦪꦺꦴꦤꦺ​ꦤꦁ ꦏꦸꦧꦸꦂꦫꦤ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦥꦢ​ꦮꦼꦫꦸꦃ​ꦢꦺꦮꦺꦱꦶꦁ​ꦚꦺꦭꦺꦃꦲꦏꦺꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 56ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦥꦢ​ꦩꦸꦭꦶꦃ​ꦭꦤ꧀ꦚꦮꦶꦱ꧀ꦱꦏꦺꦧꦸꦩ꧀ꦧꦸꦧꦸꦩ꧀ꦧꦸ​ꦭꦤ꧀ꦊꦔꦮꦔꦶꦱꦶꦁ​ꦲꦉꦥ꧀ꦢꦶꦲꦼꦁꦒꦺꦴ​ꦔꦸꦱꦥ꧀ꦥꦶ​ꦲꦮꦏ꧀ꦏꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

꧋ꦲꦺꦱꦸꦏ꧀ꦏꦺ​꧈​ꦢꦶꦤ​ꦱꦧꦠ꧀ ꦮꦺꦴꦁꦮꦺꦴꦁ​ꦩꦲꦸ​ꦥꦢ​ꦭꦺꦫꦺꦤ꧀ꦲꦼꦁꦒꦺꦴꦤꦺ​ꦚꦩ꧀ꦧꦸꦠ꧀ꦠ꧈​ꦩꦤꦸꦠ꧀ꦮꦺꦠ꧀ꦠꦺꦢꦶꦤ​ꦱꦧꦠ꧀꧈​ ↑ ↑ ↑


꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦔꦶ​ꦱꦁꦏꦥꦠꦶ​꧉​

꧇​꧒꧔꧇​ 1꧋ꦲꦶꦁ​ꦢꦶꦤꦤꦺ​ꦩꦶꦁꦒꦸ​꧈​ꦲꦺꦱꦸꦏ꧀ꦩꦿꦸꦥꦸꦠ꧀ ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦥꦢ​ꦧꦸꦢꦭ꧀ꦤꦁꦏꦸꦧꦸꦂꦫꦤ꧀​ꦔ꧀ꦒꦮ​ꦧꦫꦁꦧꦫꦁꦔꦺ​ꦱꦶꦁ​ꦮꦶꦱ꧀ꦢꦶꦕꦮꦶꦱ꧀ꦱꦏꦺ​ꦏꦁꦒꦺꦴ​ꦔꦿꦸꦩꦠ꧀ꦠꦶ​ꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 2ꦏꦢꦸꦁ​ꦠꦼꦏꦤ꧀​ꦔ꧀ꦒꦺꦴꦤ꧀ꦤꦺ꧈​ꦮꦺꦴꦁꦮꦺꦴꦁ​ꦮꦼꦫꦸꦃ​ꦤꦺꦏ꧀ꦮꦠꦸ​ꦱꦶꦁ​ꦤꦸꦠꦸꦥ꧀ꦥꦶ​ꦏꦸꦧꦸꦂꦫꦤ꧀ꦤꦺ​ꦮꦶꦱ꧀ꦢꦶꦒ꧀ꦭꦸꦤ꧀ꦢꦸꦁꦔꦏꦺ꧉​ 3ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀​ꦩ꧀ꦊꦧꦸ​꧈​ꦤꦁꦔꦶꦁ​ꦭꦪꦺꦴꦤꦺ​ꦮꦶꦱ꧀ꦲꦺꦴꦫ​ꦲꦺꦤꦺꦁ꧉​ 4ꦢꦺꦴꦁꦔꦺꦲꦶꦗꦶꦏ꧀ꦥꦢ​ꦔꦢꦼꦏ꧀ꦤꦁꦏꦺꦴꦤꦺꦴ​ꦭꦤ꧀ꦧꦶꦔꦸꦁ​ꦩꦶꦏꦶꦂꦫꦏꦺꦥꦽꦏꦫ​ꦏꦸꦮꦶ​꧈​ꦭꦃ​ꦏꦺꦴꦏ꧀ꦢꦢꦏ꧀ꦏꦤ꧀ꦲꦺꦤꦺꦁꦮꦺꦴꦁ​ꦭꦤꦁ​ꦭꦺꦴꦫꦺꦴ​ꦔꦁꦒꦺꦴ​ꦱꦭꦶꦤ꧀ꦥꦸꦠꦶꦃ​ꦱꦸꦩꦼꦧ꧀ꦭꦏ꧀ꦔꦢꦼꦏ꧀ꦤꦁꦔꦉꦥ꧀ꦥꦺ​꧉​ 5ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦏꦒꦺꦠ꧀ꦧꦔꦼꦠ꧀ꦠꦼꦫꦸꦱ꧀ꦥꦢ​ꦤ꧀ꦢꦶꦁꦏ꧀ꦭꦸꦏ꧀꧈​ꦮꦺꦴꦁ​ꦭꦤꦁ​ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦮꦺꦴꦁ​ꦱꦶꦁ​ꦲꦸꦫꦶꦥ꧀ꦤꦁꦠꦼꦔꦃꦲꦺ​ꦮꦺꦴꦁ​ꦩꦠꦶ​? 6ꦢꦺꦏ꧀ꦤꦺꦲꦺꦴꦫ​ꦲꦺꦤꦺꦁꦤꦁꦏꦺꦤꦺ​꧈​ꦢꦺꦏ꧀ꦤꦺꦮꦶꦱ꧀ꦠꦔꦶ​꧉​ꦲꦥ​ꦲꦺꦴꦫ​ꦥꦢ​ꦏꦺꦭꦶꦁꦔꦤ꧀ꦩꦫꦁ​ꦠꦼꦩ꧀ꦧꦸꦁꦔꦺ​꧈​ꦢꦺꦴꦁꦔꦺꦢꦺꦏ꧀ꦤꦺꦲꦶꦗꦶꦏ꧀ꦤꦁꦓꦭꦶꦭꦺꦪ​꧉​ 7ꦢꦺꦏ꧀ꦤꦺꦭꦲꦸꦠ꧀ꦔꦺꦴꦩꦺꦴꦁꦔꦺꦤꦺ​ꦠ​:'ꦲꦤꦏ꧀ꦏꦺ​ꦩꦤꦸꦁꦱ​ꦮꦶꦱ꧀ꦥꦶꦤꦼꦱ꧀ꦠꦶꦢꦶꦲꦼꦭꦸꦁꦔꦏꦺꦩꦫꦁ​ꦠꦔꦤ꧀ꦤꦺ​ꦮꦺꦴꦁ​ꦢꦺꦴꦱ​ꦠꦼꦫꦸꦱ꧀ꦢꦶꦥꦼꦤ꧀ꦠꦺꦁ꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​꧈​ꦲꦶꦁ​ꦠꦼꦭꦸꦁ​ꦢꦶꦤꦤꦺ​꧈​ꦢꦺꦏ꧀ꦤꦺꦧꦏꦭ꧀ꦠꦔꦶ​ꦩꦼꦤꦺꦃ​꧉​’”

8꧋ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦏꦺꦭꦶꦁꦔꦤ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​꧉​ 9ꦱꦏ꧀ꦮꦶꦱ꧀ꦱꦺ​ꦧꦭꦶꦏ꧀ꦱꦁꦏꦏꦸꦧꦸꦂꦫꦤ꧀ ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦩꦲꦸ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦏꦸꦮꦶ​ꦏꦧꦺꦃ​ꦩꦫꦁ​ꦩꦸꦫꦶꦢ꧀ꦱꦼꦮꦼꦭꦱ꧀ꦭꦤ꧀ꦩꦫꦁ​ꦭꦶꦪꦭꦶꦪꦤꦺ​꧉​ 10ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦱꦶꦁ​ꦔꦺꦴꦩꦺꦴꦁꦔꦏꦺꦧꦧ꧀ꦊꦭꦏꦺꦴꦤ꧀ꦩꦲꦸ​ꦪꦏꦸꦮꦶ​:ꦩꦫꦶꦪꦩꦏ꧀ꦢꦭꦺꦤ꧈​ꦪꦺꦴꦲꦤꦃꦭꦤ꧀ꦩꦫꦶꦪ꧈​ꦲꦶꦧꦸꦤꦺ​ꦪꦏꦺꦴꦧꦸꦱ꧀ꦭꦤ꧀ꦮꦺꦴꦁ​ꦮꦺꦢꦺꦴꦏ꧀ꦮꦺꦢꦺꦴꦏ꧀ꦭꦶꦪꦤꦺ​ꦱꦶꦁ​ꦲꦸꦒ​ꦧꦼꦧꦉꦁꦔꦤ꧀ꦏꦫꦺꦴ​ꦮꦺꦴꦁꦮꦺꦴꦁ​ꦩꦲꦸ​꧉​ 11ꦤꦁꦔꦶꦁ​ꦥꦫ​ꦫꦱꦸꦭ꧀ꦲꦺꦴꦫ​ꦥꦢ​ꦔꦤ꧀ꦢꦼꦭ꧀ꦩꦫꦁ​ꦲꦺꦴꦩꦺꦴꦁꦔꦺ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦗꦫꦺꦤꦺ​ꦤꦩꦸꦁ​ꦔꦺꦴꦧꦿꦺꦴꦭ꧀꧈​ 12ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦭꦸꦔ​ꦤꦁꦏꦸꦧꦸꦂꦫꦤ꧀꧈​ꦏꦢꦸꦁ​ꦔꦶꦔꦸꦏ꧀​ꦚ꧀ꦗꦼꦫꦸꦃꦢꦺꦏ꧀ꦤꦺꦤꦩꦸꦁ​ꦮꦼꦫꦸꦃ​ꦩꦺꦴꦫꦶꦤꦺꦤꦁꦏꦺꦴꦤꦺꦴ​꧉​ꦢꦺꦏ꧀ꦤꦺꦔ꧀ꦒꦸꦩꦸꦤ꧀ꦤꦺꦲꦺꦫꦩ꧀ꦩꦺꦫꦩ꧀ ꦠꦼꦫꦸꦱ꧀ꦩꦸꦭꦶꦃ​ꦏꦫꦺꦴ​ꦩꦶꦏꦶꦂꦩꦶꦏꦶꦂ​ꦲꦥ​ꦱꦶꦁ​ꦲꦼꦤ꧀ꦠꦱ꧀​ꦏ꧀ꦭꦏꦺꦴꦤ꧀ꦤꦁꦏꦸꦧꦸꦂꦫꦤ꧀ꦏꦺꦴꦤꦺꦴ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦠꦺꦴꦏ꧀ꦩꦫꦁ​ꦩꦸꦫꦶꦢ꧀ꦭꦺꦴꦫꦺꦴ​꧉​

13꧋ꦲꦶꦁ​ꦢꦶꦤ​ꦏꦸꦮꦶ​ꦲꦺꦤꦺꦁꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦭꦺꦴꦫꦺꦴ​ꦱꦶꦁ​ꦥꦢ​ꦩ꧀ꦭꦏꦸ​ꦲꦉꦥ꧀ꦤꦁꦢꦺꦱ​ꦌꦩꦲꦸꦱ꧀꧈​ꦢꦺꦱ​ꦌꦩꦲꦸꦱ꧀ꦏꦸꦮꦶ​ꦲꦢꦺꦴꦃꦲꦺ​ꦏꦶꦫꦏꦶꦫ​ꦫꦺꦴꦭꦱ꧀ꦏꦶꦭꦺꦴꦩꦺꦠꦼꦂ​ꦱꦁꦏꦏꦸꦠꦪꦺꦫꦸꦱꦭꦺꦩ꧀꧈​ 14ꦏꦫꦺꦴ​ꦩ꧀ꦭꦏꦸ​ꦮꦺꦴꦁ​ꦭꦺꦴꦫꦺꦴ​ꦏꦸꦮꦶ​ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦱꦶꦁ​ꦲꦼꦤ꧀ꦠꦱ꧀​ꦏ꧀ꦭꦏꦺꦴꦤ꧀ꦩꦲꦸ​꧉​ 15ꦢꦺꦴꦁꦔꦺꦲꦶꦗꦶꦏ꧀ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦔꦺꦴꦤꦺꦴ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦢꦺꦮꦺꦠꦼꦫꦸꦱ꧀ꦠꦼꦏ​ꦲꦩ꧀ꦧꦉꦁꦔꦶ​ꦩ꧀ꦭꦏꦸ​꧉​ 16ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦲꦺꦴꦫ​ꦤꦶꦠꦺꦤ꧀ꦤꦶ​ꦤꦺꦏ꧀ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦲꦼꦩ꧀ꦧꦸꦃ​ꦏꦼꦤꦺꦁꦲꦥ​ꦏꦺꦴꦏ꧀ꦥꦢ​ꦥꦔ꧀ꦭꦶꦁ​ꦏꦫꦺꦴ​ꦢꦺꦏ꧀ꦤꦺ꧉​ 17ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦏꦺꦴꦮꦺ​ꦏꦸꦮꦶ​ꦥꦢ​ꦔꦺꦴꦩꦺꦴꦁꦔꦏꦺꦲꦥ​ꦠ​?”

꧋ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦩꦤ꧀ꦢꦼꦏ꧀ꦭꦤ꧀ꦏꦺꦠꦺꦴꦏ꧀ꦱꦼꦢꦶ꧉​ 18ꦱꦶꦁ​ꦱꦶꦗꦶ​꧈​ꦱꦶꦁ​ꦗꦼꦤꦼꦁꦔꦺ​ꦏ꧀ꦭꦺꦪꦺꦴꦥꦱ꧀ ꦱꦼꦩꦲꦸꦂ​:“ꦠꦏ꧀ꦏꦶꦫꦤꦩꦸꦁ​ꦏꦺꦴꦮꦺ​ꦢꦺꦮꦺꦱꦶꦁ​ꦩꦁꦒꦺꦴꦤ꧀ꦤꦁꦪꦺꦫꦸꦱꦭꦺꦩ꧀ꦱꦶꦁ​ꦲꦺꦴꦫ​ꦔꦼꦂꦠꦶ​ꦧꦧ꧀ꦊꦭꦏꦺꦴꦤ꧀ꦊꦭꦏꦺꦴꦤ꧀ꦲꦶꦁ​ꦢꦶꦤꦢꦶꦤ​ꦱꦶꦁ​ꦏꦼꦥꦸꦁꦏꦸꦂ​ꦏꦸꦮꦶ​꧉​”

19꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦲꦺꦤꦺꦁꦊꦭꦏꦺꦴꦤ꧀ꦲꦥ​ꦠ​?”

꧋ꦱꦮꦸꦫꦤ꧀ꦤꦺ:“ꦊꦭꦏꦺꦴꦤ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦏꦸꦠꦟꦱꦫꦺꦠ꧀꧈​ꦢꦺꦏ꧀ꦤꦺꦤꦧꦶ​ꦱꦶꦁ​ꦏ꧀ꦮꦱ​ꦧꦔꦼꦠ꧀ꦲꦶꦁ​ꦥꦼꦁꦒꦮꦺꦤꦺ​ꦭꦤ꧀ꦲꦶꦁ​ꦥꦶꦮꦸꦭꦁꦔꦺ​꧈​ꦱꦶꦁ​ꦏꦗꦺꦤ꧀ꦠꦼꦤꦤ꧀ꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦤꦁꦠꦼꦔꦃꦲꦺ​ꦩꦤꦸꦁꦱ​꧉​ 20ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦭꦤ꧀ꦥꦫ​ꦥꦼꦔꦉꦥ꧀ꦥꦺ​ꦧꦁꦱꦤꦺ​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦥꦢ​ꦤꦼꦠꦼꦥ꧀ꦥꦏꦺꦱꦼꦠꦿꦥꦤ꧀ꦥꦠꦶ​ꦩꦫꦁ​ꦢꦺꦏ꧀ꦤꦺ꧈​ꦩꦸꦭꦤꦺ​ꦠꦼꦫꦸꦱ꧀ꦢꦶꦥꦼꦤ꧀ꦠꦺꦁ꧉​ 21ꦲꦮꦏ꧀ꦏꦺ​ꦢꦺꦮꦺꦏꦧꦺꦃ​ꦩꦭꦃ​ꦮꦶꦱ꧀​ꦚ꧀ꦗꦒꦏ꧀​ꦚ꧀ꦗꦒꦏ꧀ꦏꦏꦺꦤꦺꦏ꧀ꦢꦺꦏ꧀ꦤꦺꦱꦶꦁ​ꦧꦏꦭ꧀​ꦔ꧀ꦭꦸꦮꦂꦫꦶ​ꦧꦁꦱ​ꦆꦱꦿꦌꦭ꧀꧈​ꦱꦲꦶꦏꦶ​ꦊꦭꦏꦺꦴꦤ꧀ꦏꦸꦮꦶ​ꦩꦭꦃ​ꦮꦶꦱ꧀​ꦏ꧀ꦭꦶꦮꦠ꧀ꦠꦼꦭꦸꦁ​ꦢꦶꦤ​꧉​ 22ꦩꦭꦃ​ꦱꦲꦶꦏꦶ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦮꦺꦢꦺꦴꦏ꧀ꦱꦁꦏꦒꦺꦴꦭꦺꦴꦁꦔꦤ꧀ꦤꦺ​ꦲꦮꦏ꧀ꦏꦺ​ꦢꦺꦮꦺꦥꦢ​ꦩꦫꦏ꧀ꦏꦏꦺꦲꦮꦏ꧀ꦏꦺ​ꦢꦺꦮꦺꦏꦒꦺꦠ꧀ꦧꦔꦼꦠ꧀꧈​ 23ꦗꦫꦺꦤꦺ​ꦩꦲꦸ​ꦲꦺꦱꦸꦏ꧀ꦩꦿꦸꦥꦸꦠ꧀ꦥꦢ​ꦧꦸꦢꦭ꧀ꦤꦁꦏꦸꦧꦸꦂꦫꦤ꧀ ꦤꦁꦔꦶꦁ​ꦲꦺꦴꦫ​ꦤꦼꦩꦸ​ꦭꦪꦺꦴꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦠꦼꦫꦸꦱ꧀ꦥꦢ​ꦩꦸꦭꦶꦃ​ꦭꦤ꧀ꦔꦺꦴꦩꦺꦴꦁꦤꦺꦏ꧀ꦮꦼꦫꦸꦃ​ꦩꦸꦭꦺꦏꦠ꧀ꦭꦺꦴꦫꦺꦴ​꧉​ꦩꦸꦭꦺꦏꦠ꧀ꦠꦺꦩꦲꦸ​ꦗꦫꦺꦤꦺ​ꦔꦺꦴꦩꦺꦴꦁꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦠꦔꦶ​ꦱꦁꦏꦥꦠꦶ​꧉​ 24ꦏꦚ꧀ꦕꦤꦺ​ꦲꦮꦏ꧀ꦏꦺ​ꦢꦺꦮꦺꦠꦼꦫꦸꦱ꧀ꦥꦢ​ꦧꦸꦢꦭ꧀ꦤꦁꦏꦸꦧꦸꦂꦫꦤ꧀ꦭꦤ꧀ꦥꦢ​ꦚꦼꦏ꧀ꦱꦺꦤ꧀ꦤꦶ​ꦢꦺꦮꦺꦤꦺꦏ꧀ꦱꦼꦩ꧀ꦧꦫꦁ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦮꦺꦢꦺꦴꦏ꧀ꦧꦼꦤꦼꦂ​ꦏꦧꦺꦃ​꧉​ꦤꦁꦔꦶꦁ​ꦏꦚ꧀ꦕꦏꦚ꧀ꦕ​ꦩꦲꦸ​ꦲꦺꦴꦫ​ꦮꦼꦫꦸꦃ​ꦢꦺꦏ꧀ꦤꦺ꧉​”

25꧋ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​:“ꦏꦺꦴꦮꦺ​ꦏꦺꦴꦏ꧀ꦧꦺꦴꦢꦺꦴꦠꦼꦩꦼꦤ꧀ꦭꦤ꧀ꦲꦔꦺꦭ꧀ꦠꦼꦩꦼꦤ꧀ꦥꦽꦕꦪ​ꦩꦫꦁ​ꦱꦼꦩ꧀ꦧꦫꦁ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦔꦏꦺꦏꦫꦺꦴ​ꦥꦫ​ꦤꦧꦶ​꧉​ 26ꦏꦿꦶꦱ꧀ꦡꦸꦱ꧀ꦏꦸꦮꦶ​ꦭꦲꦸꦠ꧀ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ ꦱꦸꦥꦪ​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦏꦲꦁꦏꦠ꧀ꦲꦶꦁ​ꦏꦭꦸꦲꦸꦂꦫꦤ꧀꧈​” 27ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦧꦧ꧀ꦲꦥ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦤꦁꦏꦶꦠꦧ꧀ꦱꦸꦕꦶ​ꦧꦧ꧀ꦏꦿꦶꦱ꧀ꦡꦸꦱ꧀ ꦮꦶꦮꦶꦠ꧀ꦱꦁꦏꦏꦶꦠꦧ꧀ꦏꦶꦠꦧ꧀ꦧꦺ​ꦤꦧꦶ​ꦩꦺꦴꦱꦼꦱ꧀ꦔꦤ꧀ꦠꦶ​ꦠꦼꦏꦤ꧀ꦏꦶꦠꦧ꧀ꦏꦶꦠꦧ꧀ꦧꦺ​ꦥꦫ​ꦤꦧꦶ​ꦭꦶꦪꦤꦺ​꧉​

28꧋ꦏꦢꦸꦁ​ꦮꦶꦱ꧀ꦕꦼꦢꦼꦏ꧀​ꦏꦫꦺꦴ​ꦢꦺꦱ​ꦱꦶꦁ​ꦲꦉꦥ꧀ꦢꦶꦥꦫꦤ꧀ꦤꦶ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦺꦠꦺꦴꦏ꧀ꦲꦺꦠꦺꦴꦏ꧀ꦏꦺꦲꦉꦥ꧀​ꦩ꧀ꦭꦏꦸ​ꦠꦼꦫꦸꦱ꧀꧈​ 29ꦤꦁꦔꦶꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦥꦢ​ꦔꦭꦁꦔꦭꦁꦔꦶꦢꦺꦏ꧀ꦤꦺꦔꦺꦴꦩꦺꦴꦁ:“ꦲꦩ꧀ꦧꦺꦴꦏ꧀ꦲ꦳ꦪꦸꦏ꧀ꦩꦩ꧀ꦥꦶꦂ​ꦤꦁꦲꦺꦴꦩꦃꦲꦺ​ꦲꦮꦏ꧀ꦏꦺ​ꦢꦺꦮꦺꦮꦲꦺ​꧈​ꦲꦮꦶꦠ꧀ꦮꦶꦱ꧀ꦱꦸꦫꦸꦥ꧀ ꦱꦼꦢꦶꦭꦸꦠ꧀ꦩꦼꦤꦺꦃ​ꦮꦶꦱ꧀ꦥꦼꦠꦼꦁ​꧉”ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦤꦁꦲꦺꦴꦩꦃꦲꦺ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​꧉​ 30ꦏꦢꦸꦁ​ꦚ꧀ꦗꦒꦺꦴꦁꦧꦼꦧꦉꦁꦔꦤ꧀ꦲꦉꦥ꧀ꦩꦁꦔꦤ꧀ ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦚ꧀ꦗꦶꦏꦸꦏ꧀ꦫꦺꦴꦠꦶ​ꦭꦤ꧀​ꦤ꧀ꦢꦺꦴꦁꦔ꧈​ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦚꦸꦮꦶꦭ꧀ꦫꦺꦴꦠꦶ​꧈​ꦠꦼꦫꦸꦱ꧀ꦢꦶꦲꦼꦭꦸꦁꦔꦏꦺꦩꦫꦁ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​꧉​ 31ꦱꦏ꧀ꦮꦠ꧀ꦩꦿꦶꦥꦠ꧀ꦠꦺ​ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦏꦼꦧꦸꦏꦏ꧀ꦠꦼꦫꦸꦱ꧀ꦧꦶꦱ​ꦤꦶꦠꦺꦤ꧀ꦤꦶ​ꦒꦸꦱ꧀ꦠꦶ​ꦪꦺꦯꦸꦱ꧀ ꦤꦁꦔꦶꦁ​ꦢꦺꦏ꧀ꦤꦺꦮꦶꦱ꧀ꦔꦶꦭꦁ​ꦱꦁꦏꦩꦿꦶꦥꦠ꧀ꦠꦺ​ꦮꦺꦴꦁꦮꦺꦴꦁ​ꦩꦲꦸ​꧉​ 32ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦮꦃ​꧈​ꦩꦲꦸ​ꦲꦠꦶꦏꦸ​ꦗꦤ꧀ꦏꦿꦱ​ꦠꦼꦤꦤ꧀ ꦢꦺꦴꦁꦔꦺꦢꦺꦏ꧀ꦤꦺ​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦲꦶꦱꦶꦤꦺ​ꦏꦶꦠꦧ꧀ꦏꦶꦠꦧ꧀ꦧꦺ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦥꦫ​ꦤꦧꦶ​ꦭꦶꦪꦤꦺ​꧉​”

33꧋ꦮꦺꦴꦁ​ꦭꦺꦴꦫꦺꦴ​ꦩꦲꦸ​ꦠꦼꦫꦸꦱ꧀ꦠꦼꦫꦸꦱ꧀ꦱꦤ꧀ꦔꦢꦼꦏ꧀ꦭꦤ꧀ꦧꦭꦶꦏ꧀ꦩꦼꦤꦺꦃ​ꦤꦁꦏꦸꦠꦪꦺꦫꦸꦱꦭꦺꦩ꧀꧈​ꦤꦁꦏꦺꦴꦤꦺꦴ​ꦥꦢ​ꦏꦼꦠꦼꦩꦸ​ꦏꦫꦺꦴ​ꦫꦱꦸꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦱꦼꦮꦼꦭꦱ꧀ ꦱꦶꦁ​ꦮꦶꦱ꧀ꦥꦢ​ꦔꦸꦩ꧀ꦥꦸꦭ꧀ꦏꦫꦺꦴ​ꦩꦸꦫꦶꦢ꧀ꦩꦸꦫꦶꦢ꧀ꦭꦶꦪꦤꦺ​꧉​ 34ꦱꦶꦁ​ꦥꦢ​ꦔꦸꦩ꧀ꦥꦸꦭ꧀ꦩꦲꦸ​ꦔꦺꦴꦩꦺꦴꦁ:“ꦒꦸꦱ꧀ꦠꦶ​ꦮꦶꦱ꧀ꦔꦺꦠꦺꦴꦏ꧀ꦩꦫꦁ​ꦱꦶꦩꦺꦴꦤ꧀!ꦢꦺꦏ꧀ꦤꦺꦥꦚ꧀ꦕꦺꦤ꧀ꦮꦶꦱ꧀ꦠꦔꦶ​ꦩꦼꦤꦺꦃ​!”

35꧋ꦮꦺꦴꦁ​ꦭꦺꦴꦫꦺꦴ​ꦱꦁꦏꦢꦺꦱ​ꦌꦩꦲꦸꦱ꧀ꦩꦲꦸ​ꦲꦸꦒ​ꦔꦺꦴꦩꦺꦴꦁꦔꦏꦺꦩꦫꦁ​ꦥꦫ​ꦩꦸꦫꦶꦢ꧀ꦱꦶꦁ​ꦥꦢ​ꦔ꧀ꦭꦸꦩ꧀ꦥꦸꦏ꧀ꦧꦧ꧀ꦲꦥ​ꦱꦶꦁ​ꦮꦶꦱ꧀ꦢꦶꦲꦭꦩ꧀ꦩꦶ​ꦢꦺꦮꦺꦢꦺꦴꦁꦔꦺꦤꦁꦢꦭꦤ꧀꧈​ꦲꦸꦒ​ꦥꦢ​ꦔꦺꦴꦩꦺꦴꦁꦔꦏꦺꦤꦺꦏ꧀ꦲꦺꦴꦫ​ꦥꦔ꧀ꦭꦶꦁ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ ꦢꦺꦴꦁꦔꦺꦢꦺꦏ꧀ꦤꦺꦚꦸꦮꦶꦭ꧀ꦫꦺꦴꦠꦶ​꧉​

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦠꦺꦴꦏ꧀ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​

36꧋ꦢꦺꦴꦁꦔꦺꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦲꦶꦗꦶꦏ꧀ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦏꦸꦮꦶ​ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦢꦼꦏ꧀ꦤꦁꦠꦼꦔꦃꦲꦺ​ꦭꦤ꧀​ꦩ꧀ꦧꦒꦺꦏ꧀ꦏꦏꦺ:“ꦠꦼꦤ꧀ꦠꦽꦩ꧀ꦲꦤꦲ​ꦲꦶꦁ​ꦏꦺꦴꦮꦺ​!”

37꧋ꦩꦸꦫꦶꦢ꧀ꦩꦸꦫꦶꦢ꧀ꦏꦧꦺꦃ​ꦥꦢ​ꦏꦒꦺꦠ꧀ꦭꦤ꧀ꦮꦼꦢꦶ​꧈​ꦩꦶꦏꦶꦫꦺꦮꦼꦫꦸꦃ​ꦩꦼꦩꦼꦢꦶ​꧉​ 38-39ꦤꦁꦔꦶꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦮꦼꦢꦶ​ꦭꦤ꧀ꦏꦼꦤꦺꦁꦲꦥ​ꦏꦺꦴꦏ꧀ꦥꦢ​ꦩꦔꦸꦩꦔꦸ​?ꦢꦼꦭꦺꦴꦏ꧀ꦏꦼꦤ꧀ꦠꦔꦤ꧀ꦭꦤ꧀ꦱꦶꦏꦶꦭ꧀ꦏꦸ​꧉​ꦲꦶꦏꦶ​ꦥꦚ꧀ꦕꦺꦤ꧀ꦲꦏꦸ​ꦠꦼꦤꦤ꧀꧈​ꦢꦼꦩꦺꦏ꧀ꦏꦼꦤ꧀ꦢꦺꦮꦺꦏꦺꦤꦺ​ꦲꦮꦏ꧀ꦏꦸ​꧉​ꦲꦥ​ꦩꦼꦩꦼꦢꦶ​ꦤ꧀ꦢꦸꦮꦺꦢꦒꦶꦁ​ꦭꦤ꧀ꦧꦭꦸꦁ​ꦏꦪ​ꦲꦏꦸ​ꦲꦶꦏꦶ​꧉​ꦏꦺꦴꦮꦺ​ꦮꦼꦫꦸꦃ​ꦢꦺꦮꦺꦠ​?”

40꧋ꦱꦏ꧀ꦧꦉꦁꦔꦺꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀​ꦤ꧀ꦢꦸꦢꦸꦃꦲꦏꦺꦠꦔꦤ꧀ꦤꦺ​ꦭꦤ꧀ꦱꦶꦏꦶꦭ꧀ꦭꦺ​꧉​ 41ꦗꦭꦂꦫꦤ꧀ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦢꦸꦫꦸꦁ​ꦔꦤ꧀ꦢꦼꦭ꧀ꦱꦁꦏꦶꦁꦧꦸꦔꦃ​ꦭꦤ꧀​ꦔ꧀ꦒꦸꦩꦸꦤ꧀ꦤꦺ꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦠꦏꦺꦴꦤ꧀:“ꦲꦥ​ꦤꦁꦏꦺꦤꦺ​ꦲꦺꦤꦺꦁꦲꦥꦲꦥ​ꦱꦶꦁ​ꦏꦼꦤꦺꦁꦢꦶꦥꦔꦤ꧀?” 42ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀​ꦔ꧀ꦒꦮ​ꦲꦶꦮꦏ꧀ꦒꦺꦴꦫꦺꦁꦔꦤ꧀ꦱꦏ꧀ꦲꦶꦫꦶꦱ꧀꧈​ 43ꦲꦶꦮꦏ꧀ꦱꦏ꧀ꦲꦶꦫꦶꦱ꧀ꦩꦲꦸ​ꦠꦼꦫꦸꦱ꧀ꦢꦶꦥꦔꦤ꧀ꦤꦁꦔꦉꦥ꧀ꦥꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦏꦫꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​

44꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦔꦺꦤꦺ​ꦩꦫꦁ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​:“ꦥꦽꦏꦫꦥꦽꦏꦫ​ꦲꦶꦏꦶ​ꦮꦶꦱ꧀ꦠꦏ꧀ꦲꦺꦴꦩꦺꦴꦁꦔꦏꦺꦩꦫꦁ​ꦏꦺꦴꦮꦺ​ꦢꦺꦴꦁꦔꦺꦲꦏꦸ​ꦲꦶꦗꦶꦏ꧀ꦧꦼꦧꦉꦁꦔꦤ꧀ꦏꦫꦺꦴ​ꦏꦺꦴꦮꦺ​꧉​ꦲꦏꦸ​ꦮꦶꦱ꧀ꦔꦺꦴꦩꦺꦴꦁꦤꦺꦏ꧀ꦏꦧꦺꦃ​ꦱꦶꦁ​ꦮꦶꦱ꧀ꦢꦶꦠꦸꦭꦶꦱ꧀ꦧꦧ꧀ꦲꦏꦸ​ꦤꦁꦏꦶꦠꦧ꧀ꦧꦺ​ꦤꦧꦶ​ꦩꦺꦴꦱꦼꦱ꧀ꦭꦤ꧀ꦏꦶꦠꦧ꧀ꦧꦺ​ꦥꦫ​ꦤꦧꦶ​ꦭꦶꦪꦤꦺ​ꦭꦤ꧀ꦲꦸꦒ​ꦤꦁꦏꦶꦠꦧ꧀ꦩꦱ꧀ꦩꦸꦂ​ꦏꦸꦢꦸ​ꦏ꧀ꦭꦏꦺꦴꦤ꧀꧈​”

45꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦲꦩ꧀ꦧꦸꦏꦏ꧀ꦥꦶꦏꦶꦂꦫꦤ꧀ꦤꦺ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧈​ꦱꦸꦥꦪ​ꦥꦢ​ꦢꦸꦤꦸꦁꦩꦫꦁ​ꦏꦶꦠꦧ꧀ꦱꦸꦕꦶ​꧉​ 46ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦴꦩꦺꦴꦁ:“ꦤꦁꦏꦶꦠꦧ꧀ꦱꦸꦕꦶ​ꦮꦶꦱ꧀ꦏꦼꦠꦸꦭꦶꦱ꧀ꦤꦺꦏ꧀ꦏꦿꦶꦱ꧀ꦡꦸꦱ꧀ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦱꦁꦱꦫ​ꦭꦤ꧀ꦠꦔꦶ​ ꦩꦼꦤꦺꦃ​ꦱꦁꦏꦥꦠꦶ​ꦲꦶꦁ​ꦠꦼꦭꦸꦁ​ꦢꦶꦤꦤꦺ​꧉​ 47ꦲꦸꦒ​ꦮꦶꦱ꧀ꦏꦼꦠꦸꦭꦶꦱ꧀ꦤꦺꦏ꧀ꦗꦼꦤꦼꦁꦔꦺ​ꦏꦿꦶꦱ꧀ꦡꦸꦱ꧀ꦧꦏꦭ꧀ꦢꦶꦏꦧꦂꦫꦏꦺꦩꦫꦁ​ꦏꦧꦺꦃ​ꦧꦁꦱ​꧈​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦏꦺꦏ꧀ꦏꦶꦥꦔꦥꦸꦫ​ꦩꦫꦁ​ꦮꦺꦴꦁ​ꦱꦶꦁ​ꦥꦢ​ꦔꦏꦺꦴꦤ꧀ꦤꦶ​ꦢꦺꦴꦱꦢꦺꦴꦱꦤꦺ​ꦭꦤ꧀ꦥꦢ​ꦔ꧀ꦭꦏꦺꦴꦤ꧀ꦤꦶ​ꦲꦸꦫꦶꦥ꧀ꦱꦶꦁ​ꦲꦚꦂ​꧉​ꦏꦧꦂ​ꦲꦶꦏꦶ​ꦧꦏꦭ꧀ꦢꦶꦒꦼꦭꦂꦫꦏꦺꦩꦺꦴꦭꦃꦲꦶꦤꦁꦏꦸꦠꦪꦺꦫꦸꦱꦭꦺꦩ꧀꧈​ 48ꦭꦃ​ꦏꦺꦴꦮꦺ​ꦏꦧꦺꦃ​ꦮꦶꦱ꧀ꦚꦼꦏ꧀ꦱꦺꦤ꧀ꦤꦶ​ꦧꦧ꧀ꦥꦽꦏꦫ​ꦏꦸꦮꦶ​ꦩꦲꦸ​ꦏꦧꦺꦃ​꧉​ 49ꦭꦤ꧀ꦲꦏꦸ​ꦢꦺꦮꦺꦧꦏꦭ꧀ꦔꦼꦏꦺꦏ꧀ꦏꦶꦩꦫꦁ​ꦏꦺꦴꦮꦺ​ꦲꦥ​ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶꦏꦫꦺꦴ​ꦧꦥꦏ꧀ꦏꦸ​꧉​ꦩꦸꦭꦤꦺ​ꦏꦺꦴꦮꦺ​ꦲꦗ​ꦥꦢ​ꦭꦸꦔ​ꦱꦁꦏꦏꦸꦠꦪꦺꦫꦸꦱꦭꦺꦩ꧀​ꦤ꧀ꦢꦶꦱꦶꦏ꧀ ꦤꦁꦔꦶꦁ​ꦥꦢ​ꦔꦼꦤ꧀ꦠꦺꦤ꧀ꦤꦤ​ꦠꦼꦏꦤꦺ​ꦏꦼꦏꦸꦮꦠ꧀ꦠꦤ꧀ꦱꦁꦏꦱ꧀ꦮꦂꦒ​ꦏꦁꦒꦺꦴ​ꦏꦺꦴꦮꦺ​꧉​”

꧋ꦒꦸꦱ꧀ꦠꦶ​ꦪꦺꦯꦸꦱ꧀ꦩꦸꦁꦒꦃ​ꦱ꧀ꦮꦂꦒ​꧉​

50꧋ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀​ꦔ꧀ꦒꦮ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦩꦼꦠꦸ​ꦱꦁꦏꦏꦸꦠꦪꦺꦫꦸꦱꦭꦺꦩ꧀ꦤꦁꦥꦁꦒꦺꦴꦤ꧀ꦤꦤ꧀ꦕꦼꦢꦼꦏ꧀​ꦏꦫꦺꦴ​ꦢꦺꦱ​ꦨꦺꦠꦤꦶ꧉​ꦤꦁꦏꦺꦴꦤꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀ꦠꦼꦫꦸꦱ꧀ꦔꦸꦁꦒꦃꦲꦏꦺꦠꦔꦤ꧀ꦤꦺ​ꦭꦤ꧀ꦲꦩ꧀ꦧꦼꦂꦏꦃꦲꦶ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​꧉​ 51ꦱꦏ꧀ꦧꦉꦁꦔꦺꦲꦩ꧀ꦧꦼꦂꦏꦃꦲꦶ​ꦩꦲꦸ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦲꦁꦏꦠ꧀ꦩꦸꦁꦒꦃ​ꦤꦁꦱ꧀ꦮꦂꦒ​꧈​ꦥꦶꦱꦃ​ꦱꦁꦏꦥꦫ​ꦩꦸꦫꦶꦢ꧀ꦢꦺ​꧉​ 52ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦠꦼꦫꦸꦱ꧀ꦥꦢ​ꦱꦸꦗꦸꦠ꧀ꦚꦼꦩ꧀ꦧꦃ​ꦩꦫꦁ​ꦢꦺꦏ꧀ꦤꦺ꧈​ꦠꦼꦫꦸꦱ꧀ꦧꦭꦶꦏ꧀ꦤꦁꦏꦸꦠꦪꦺꦫꦸꦱꦭꦺꦩ꧀ꦏꦫꦺꦴ​ꦲꦠꦶ​ꦱꦶꦁ​ꦧꦸꦔꦃ​ꦧꦔꦼꦠ꧀꧈​ 53ꦩꦸꦫꦶꦢ꧀ꦩꦸꦫꦶꦢ꧀ꦩꦲꦸ​ꦠꦼꦫꦸꦱ꧀ꦲꦺꦴꦫ​ꦭꦸꦔ​ꦱꦁꦏꦒꦿꦺꦗ​ꦒꦼꦢꦺꦭꦤ꧀ꦥꦢ​ꦩꦼꦩꦸꦗꦶ​ꦭꦤ꧀ꦩꦠꦸꦂꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ↑ ↑ ↑


← ꦩꦂꦏꦸꦱ꧀   ꦪꦺꦴꦲ꦳ꦤꦼꦱ꧀ →