ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/꧇꧓꧇ꦪꦺꦴꦲ꦳ꦤꦼꦱ꧀

꧁꧋ꦭꦪꦁꦔꦺꦫꦱꦸꦭ꧀ꦪꦺꦴꦲꦤꦼꦱ꧀꧈​꧂
ꦭꦪꦁꦤꦺꦴꦩꦼꦂꦠꦼꦭꦸ

---

꧋ꦥꦩꦸꦗꦶꦱ꧀ꦭꦩꦼꦠ꧀꧈​

꧇​꧑꧇​

¹꧋ꦲꦶꦏꦶ​ꦭꦪꦁ​ꦱꦁꦏꦪꦺꦴꦲꦤꦼꦱ꧀ ꦥꦶꦤꦶꦠꦸꦮꦤꦺ​ꦥꦱꦩꦸꦮꦤ꧀ ꦩꦫꦁ​ꦱꦼꦢꦸꦭꦸꦂꦏꦸ​ꦒꦪꦸꦱ꧀ ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶꦲꦶꦁ​ꦭꦲꦶꦂ​ꦭꦤ꧀ꦧꦠꦶꦤ꧀꧈​ ²ꦥꦤ꧀ꦢꦺꦴꦔꦏꦸ​꧈​ꦩꦸꦒꦩꦸꦒ​ꦏꦺꦴꦮꦺ​ꦤꦼꦩꦸꦮꦱ꧀ꦭꦩꦼꦠ꧀ ꦱꦼꦒꦼꦂꦮꦫꦱ꧀ꦲꦶꦁ​ꦧꦢꦤ꧀ ꦧꦶꦱꦲ​ꦏꦪ​ꦲꦼꦁꦒꦺꦴꦤ꧀ꦩꦸ​ꦏꦿꦱꦱꦼꦒꦼꦂꦲꦶꦁ​ꦏꦱꦸꦏ꧀ꦩꦤ꧀꧈​

꧋ꦏꦠꦿꦺꦱ꧀ꦤꦤꦺꦒꦪꦸꦱ꧀꧈​

³꧋ꦲꦏꦸ​ꦗꦤ꧀ꦧꦸꦔꦃ​ꦧꦔꦼꦠ꧀ꦏꦿꦸꦔꦸ​ꦏꦧꦂ​ꦱꦁꦏꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦮꦶꦱ꧀ꦥꦢ​ꦧꦭꦶꦏ꧀ꦱꦁꦏꦔ꧀ꦒꦺꦴꦤ꧀ꦩꦸ​꧉​ꦱꦼꦢꦸꦭꦸꦂꦱꦼꦢꦸꦭꦸꦂ​ꦩꦲꦸ​ꦔꦧꦂꦫꦏꦺꦧꦧ꧀ꦏꦠꦼꦩꦼꦤ꧀ꦤꦤ꧀ꦩꦸ​ꦩꦫꦁ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦸꦫꦶꦥ꧀ꦩꦸ​ꦥꦚ꧀ꦕꦺꦤ꧀ꦪ​ꦕꦺꦴꦕꦺꦴꦏ꧀​ꦠꦼꦤꦤ꧀ꦏꦫꦺꦴ​ꦥꦶꦠꦸꦠꦸꦂ​ꦏꦸꦮꦶ​꧉​ ⁴ꦲꦮꦶꦠ꧀ꦲꦺꦴꦫ​ꦲꦺꦤꦺꦁꦏꦧꦸꦔꦃꦲꦤ꧀ꦱꦶꦁ​ꦒꦼꦢꦺꦤꦺꦔꦸꦁꦏꦸꦭ꧀ꦭꦶ​ꦏꦧꦸꦔꦃꦲꦤ꧀ꦏꦸ​ꦤꦺꦏ꧀ꦏꦿꦸꦔꦸ​ꦲꦸꦫꦶꦥ꧀ꦥꦺꦲꦤꦏ꧀ꦲꦤꦏ꧀ꦏꦸ​ꦥꦢ​ꦩꦶꦠꦸꦫꦸꦠ꧀ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

⁵꧋ꦏꦚ꧀ꦕꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧈​ꦏꦠꦼꦩꦼꦤ꧀ꦤꦤ꧀ꦩꦸ​ꦩꦫꦁ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦼꦠꦫꦤꦺꦱꦁꦏꦥꦼꦭꦧꦸꦲꦤ꧀ꦩꦸꦏꦁꦒꦺꦴ​ꦥꦫ​ꦱꦼꦢꦸꦭꦸꦂ​ꦠꦸꦁꦒꦭ꧀ꦒꦸꦱ꧀ꦠꦶ​꧈​ꦩꦭꦃ​ꦲꦸꦒ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦏꦺꦴꦮꦺ​ꦢꦺꦮꦺꦢꦸꦫꦸꦁ​ꦏꦼꦤꦭ꧀ꦲꦩ꧀ꦧꦺꦴꦏ꧀ꦫꦸꦩꦠꦶ​ꦲꦥꦶꦏ꧀꧈​ ⁶ꦲꦶꦁ​ꦥꦱꦩꦸꦮꦤ꧀ꦏꦺꦤꦺ​ꦮꦺꦴꦁꦮꦺꦴꦁ​ꦪ​ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦏꦠꦿꦺꦱ꧀ꦤꦤ꧀ꦩꦸꦩꦫꦁ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦏꦸꦮꦶ​꧉​ꦥꦚ꧀ꦕꦺꦤ꧀ꦧꦼꦕꦶꦏ꧀ꦧꦔꦼꦠ꧀ꦲꦼꦁꦒꦺꦴꦤ꧀ꦩꦸ​ꦤꦸꦭꦸꦁꦔꦶ​ꦱꦼꦢꦸꦭꦸꦂꦱꦼꦢꦸꦭꦸꦂ​꧈​ꦱꦸꦥꦪ​ꦧꦶꦱ​ꦤꦼꦫꦸꦱ꧀ꦱꦏꦺꦏꦼꦂꦗꦤꦤ꧀ꦤꦺ꧉​ꦥꦶꦠꦸꦭꦸꦁꦔꦤ꧀ꦩꦸ​ꦥꦚ꧀ꦕꦺꦤ꧀​ꦤ꧀ꦢꦢꦺꦏ꧀ꦏꦏꦺꦧꦸꦔꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁷ꦱꦼꦢꦸꦭꦸꦂꦱꦼꦢꦸꦭꦸꦂ​ꦩꦲꦸ​ꦥꦢ​ꦔꦼꦂꦗꦤ꧀ꦤꦶꦥꦼꦁꦒꦮꦺꦪꦤ꧀ꦏꦸꦏꦿꦶꦱ꧀ꦡꦸꦱ꧀ꦭꦤ꧀ꦥꦢ​ꦧꦸꦢꦭ꧀ꦠꦤ꧀ꦥ​ꦚ꧀ꦗꦭꦸꦏ꧀ꦱꦺꦴꦏꦺꦴꦁꦔꦤ꧀ꦲꦥꦲꦥ​ꦩꦫꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​꧉​ ⁸ꦩꦸꦭꦤꦺ​꧈​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦱꦶꦁ​ꦥꦽꦕꦪ​ꦏꦸꦢꦸ​ꦚꦺꦴꦏꦺꦴꦁꦔꦶꦱꦼꦢꦸꦭꦸꦂꦱꦼꦢꦸꦭꦸꦂ​ꦏꦸꦮꦶ​꧉​ꦩꦼꦁꦏꦺꦴꦤꦺꦴ​ꦏꦸꦮꦶ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦩꦺꦭꦸ​ꦔꦿꦺꦮꦁꦔꦶ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦩꦲꦸ​ꦲꦼꦁꦒꦺꦴꦤꦺ​ꦥꦢ​ꦔꦧꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

⁹꧋ꦲꦏꦸ​ꦮꦶꦱ꧀ꦤꦸꦭꦶꦱ꧀ꦭꦪꦁ​ꦩꦫꦁ​ꦥꦱꦩꦸꦮꦤ꧀ ꦤꦁꦔꦶꦁ​ꦣꦶꦎꦠꦿꦶꦥ꦳ꦼꦱ꧀ ꦱꦶꦁ​ꦏꦼꦥꦺꦔꦶꦤ꧀ꦢꦢꦶ​ꦥꦼꦔꦉꦥ꧀ꦥꦺ​ꦥꦱꦩꦸꦮꦤ꧀ ꦲꦺꦴꦫ​ꦒꦼꦊꦩ꧀ꦤꦩ꧀ꦥ​꧈​ꦤꦁꦔꦶꦁ​ꦩꦭꦃ​ꦤꦩ꧀ꦥꦶꦏ꧀ꦲꦮꦏ꧀ꦏꦺ​ꦢꦺꦮꦺ꧉​ ¹⁰ꦲꦩ꧀ꦧꦺꦱꦸꦏ꧀ꦤꦺꦏ꧀ꦲꦏꦸ​ꦠꦼꦏ​ꦲꦏꦸ​ꦧꦏꦭ꧀​ꦔ꧀ꦒꦫꦥ꧀​ꦏ꧀ꦭꦏꦸꦮꦤ꧀ꦤꦺ​ꦢꦺꦏ꧀ꦤꦺꦏꦸꦮꦶ​꧉​ꦣꦶꦎꦠꦿꦶꦥ꦳ꦼꦱ꧀ꦏꦸꦮꦶ​ꦔꦺꦴꦭꦺꦴꦏ꧀ꦲꦺꦴꦭꦺꦴꦏ꧀ꦭꦤ꧀ꦔꦺꦴꦩꦺꦴꦁꦔꦺꦴꦩꦺꦴꦁꦔꦏꦺꦱꦶꦁ​ꦲꦺꦴꦫꦲꦺꦴꦫ​ꦧꦧ꧀ꦲꦏꦸ​ꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦚꦩ꧀ꦧꦸꦠ꧀ꦠꦏꦁꦒꦺꦴ​ꦒꦸꦱ꧀ꦠꦶ​ꦏꦫꦺꦴ​ꦲꦏꦸ​꧉​ꦲꦺꦴꦫ​ꦤꦩꦸꦁ​ꦏꦸꦮꦶ​ꦮꦲꦺ​꧈​ꦤꦁꦔꦶꦁ​ꦮꦤꦶ​ꦤꦸꦭꦏ꧀ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦥꦢ​ꦠꦼꦏ​ꦲꦉꦥ꧀ꦔꦧꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦲꦩ꧀ꦧꦫꦁ​꧉​ꦲꦶꦏꦸ​ꦢꦸꦫꦸꦁ​ꦊꦒ​꧈​ꦲꦮꦶꦠ꧀ꦱꦥ​ꦱꦶꦁ​ꦤꦩ꧀ꦥ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦩꦲꦸ​ꦥꦢ​ꦢꦶꦲꦭꦁꦔꦭꦁꦔꦶꦭꦤ꧀ꦢꦶꦲꦼꦠꦺꦴꦏ꧀ꦏꦏꦺꦱꦁꦏꦥꦱꦩꦸꦮꦤ꧀꧈​

¹¹꧋ꦒꦪꦸꦱ꧀ ꦱꦼꦢꦸꦭꦸꦂꦏꦸ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧈​ꦲꦗ​ꦤꦶꦫꦸ​ꦠꦸꦩꦶꦤ꧀ꦢꦏ꧀ꦱꦶꦁ​ꦲꦭ​꧈​ꦤꦁꦔꦶꦁ​ꦱꦶꦁ​ꦧꦼꦕꦶꦏ꧀ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦠꦶꦫꦸ​꧉​ꦮꦺꦴꦁ​ꦱꦶꦁ​ꦤꦶꦤ꧀ꦢꦏ꧀ꦏꦏꦺꦱꦶꦁ​ꦧꦼꦕꦶꦏ꧀ꦏꦸꦮꦶ​ꦔꦼꦏꦺꦏ꧀ꦏꦶꦠꦤ꧀ꦢꦤꦺꦏ꧀ꦮꦶꦱ꧀ꦢꦢꦶ​ꦱꦶꦗꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦮꦺꦴꦁ​ꦱꦶꦁ​ꦔ꧀ꦒꦮꦺ​ꦲꦭ​ꦏꦸꦮꦶ​ꦔꦼꦏꦺꦏ꧀ꦏꦶꦠꦤ꧀ꦢꦤꦺꦏ꧀ꦲꦺꦴꦫ​ꦏꦼꦤꦭ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

¹²꧋ꦧꦧ꧀ꦱꦼꦢꦸꦭꦸꦂ​ꦣꦼꦩꦶꦠꦿꦶꦪꦸꦱ꧀ꦏꦧꦺꦃ​ꦮꦺꦴꦁ​ꦤꦩꦸꦁ​ꦔꦺꦴꦩꦺꦴꦁꦲꦥꦶꦏ꧀꧈​ꦏꦸꦮꦶ​ꦥꦚ꧀ꦕꦺꦤ꧀ꦲꦺꦤꦺꦁꦮꦸꦗꦸꦠ꧀ꦠꦺ꧈​ꦲꦮꦶꦠ꧀ꦲꦮꦏ꧀ꦏꦺ​ꦢꦺꦮꦺꦪ​ꦤꦩꦸꦁ​ꦔꦺꦴꦩꦺꦴꦁꦧꦼꦕꦶꦏ꧀ꦧꦧ꧀ꦱꦼꦢꦸꦭꦸꦂ​ꦲꦶꦏꦶ​ꦭꦤ꧀ꦏꦺꦴꦮꦺ​ꦔꦼꦂꦠꦶ​ꦤꦺꦏ꧀ꦠꦼꦩ꧀ꦧꦸꦁꦔꦺ​ꦲꦮꦏ꧀ꦏꦺ​ꦢꦺꦮꦺꦏꦼꦤꦺꦁꦲꦩ꧀ꦧꦺꦴꦏ꧀ꦥꦽꦕꦪ​꧉​

꧋ꦥꦼꦤꦸꦠꦸꦥ꧀ꦭꦤ꧀ꦥꦩꦸꦗꦶ​ꦱ꧀ꦭꦩꦼꦠ꧀꧈​

¹³꧋ꦱꦼꦢꦸꦭꦸꦂ​ꦒꦪꦸꦱ꧀ ꦱꦏ꧀ꦗꦤꦺꦲꦶꦗꦶꦏ꧀ꦲꦺꦴꦏꦺꦃꦱꦶꦁ​ꦏꦸꦢꦸ​ꦠꦏ꧀ꦉꦩ꧀ꦧꦸꦏ꧀ꦏꦫꦺꦴ​ꦏꦺꦴꦮꦺ​꧈​ꦤꦁꦔꦶꦁ​ꦲꦺꦴꦫ​ꦠꦏ꧀ꦠꦸꦭꦶꦱ꧀ꦤꦁꦭꦪꦁ​ꦮꦲꦺ​꧉​

¹⁴꧋ꦥꦼꦔꦉꦥ꧀ꦲꦉꦥ꧀ꦏꦸꦲꦏꦸꦤ꧀ꦢꦁꦏꦼꦥꦼꦠꦸꦏ꧀ꦏꦫꦺꦴꦏꦺꦴꦮꦺꦭꦤ꧀ꦧꦶꦱꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦲꦢꦼꦥ꧀ꦥꦢꦼꦥ꧀ꦥꦤ꧀꧈​

¹⁵꧋ꦱꦼꦩꦺꦤꦺꦮꦲꦺꦭꦪꦁꦲꦶꦏꦶ꧉​ꦩꦸꦒꦩꦸꦒꦒꦸꦱ꧀ꦠꦶꦄꦭ꧀ꦭꦃꦔꦼꦏꦺꦏ꧀ꦏꦶꦲꦪꦼꦩ꧀ꦠꦼꦤ꧀ꦠꦽꦩ꧀ꦲꦶꦁꦲꦠꦶꦩꦸ꧉​ꦏꦚ꧀ꦕꦏꦚ꧀ꦕꦩꦸꦱꦶꦁꦤꦁꦏꦺꦤꦺꦥꦢꦏꦶꦫꦶꦩ꧀ꦱ꧀ꦭꦩꦼꦠ꧀꧈​ꦢꦶꦏꦶꦫꦶꦩ꧀ꦩꦏꦺꦱ꧀ꦭꦩꦼꦠ꧀ꦲꦸꦒꦩꦫꦁꦏꦚ꧀ꦕꦏꦚ꧀ꦕꦏꦸꦱꦶꦗꦶꦱꦶꦗꦶꦤꦺꦱꦶꦁꦤꦁꦏꦺꦴꦤꦺꦴ꧉​

ꦪꦺꦴꦲꦤꦼꦱ꧀

↑ ↑ ↑

← ꧇꧒꧇ꦪꦺꦴꦲ꦳ꦤꦼꦱ꧀

ꦪꦸꦢꦱ꧀ →