ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦪꦏꦺꦴꦧꦸꦱ꧀/2

꧋ꦲꦗ​ꦥꦶꦭꦶꦃꦱꦶꦃ꧉​

꧇​꧒꧇​ ¹꧋ꦥꦫ​ꦱꦼꦢꦸꦭꦸꦂ​꧈​ꦗꦭꦂꦫꦤ꧀ꦏꦺꦴꦮꦺ​ꦥꦢ​ꦥꦽꦕꦪ​ꦩꦫꦁ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦒꦸꦱ꧀ꦠꦶꦤꦺ​ꦲꦮꦏ꧀ꦏꦺ​ꦢꦺꦮꦺꦱꦶꦁ​ꦢꦶꦲꦗꦺꦤ꧀ꦤꦶ​ꦧꦔꦼꦠ꧀ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ꧈​ꦩꦸꦭꦤꦺ​ꦲꦗ​ꦥꦢ​ꦥꦶꦭꦶꦃꦱꦶꦃꦭꦤ꧀​ꦩ꧀ꦧꦺꦢꦏ꧀​ꦩ꧀ꦧꦺꦢꦏ꧀ꦏꦏꦺꦩꦤꦸꦁꦱ​꧈​ꦩꦤꦸꦠ꧀ꦏꦺꦠꦺꦴꦏ꧀ꦏꦺ​ꦚ꧀ꦗꦧꦤꦺ​꧉​ ²ꦒꦩ꧀ꦥꦁꦔꦺ​ꦲꦺꦴꦩꦺꦴꦁ​꧈​ꦱꦼꦩꦸꦁꦒꦺꦴꦤ꧀ꦤꦺꦲꦺꦤꦺꦁꦮꦺꦴꦁ​ꦩ꧀ꦊꦧꦸ​ꦤꦁꦏꦸꦩ꧀ꦥꦸꦭ꧀ꦭꦤ꧀ꦩꦸ​ꦔꦁꦒꦺꦴ​ꦲꦭꦶꦲꦭꦶ​ꦲꦼꦩꦱ꧀ꦭꦤ꧀ꦱꦭꦶꦤ꧀ꦱꦶꦁ​ꦭꦫꦁ​꧈​ꦠꦼꦫꦸꦱ꧀ꦧꦉꦁ​ꦏꦫꦺꦴ​ꦮꦺꦴꦁ​ꦏꦸꦮꦶ​ꦲꦺꦤꦺꦁꦮꦺꦴꦁ​ꦭꦶꦪꦤꦺ​ꦩꦺꦭꦸ​ꦩ꧀ꦊꦧꦸ​꧈​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧈​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦲꦺꦭꦺꦏ꧀꧈​ ³ꦭꦃ​ꦏꦺꦴꦮꦺ​ꦠꦼꦫꦸꦱ꧀ꦩꦫꦤꦶ​ꦮꦺꦴꦁ​ꦱꦶꦁ​ꦔꦁꦒꦺꦴ​ꦱꦭꦶꦤ꧀ꦱꦶꦁ​ꦭꦫꦁ​ꦲꦩ꧀ꦧꦺꦴꦏ꧀ꦒꦺꦴꦭꦺꦏ꧀ꦏꦏꦺꦗꦒꦺꦴꦁꦔꦤ꧀ꦱꦶꦁ​ꦲꦥꦶꦏ꧀꧈​ꦤꦁꦔꦶꦁ​ꦮꦺꦴꦁ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦩꦭꦃ​ꦲꦩ꧀ꦧꦺꦴꦏ꧀ꦏꦺꦴꦁꦏꦺꦴꦤ꧀ꦔꦢꦼꦏ꧀ꦲꦥ​ꦚ꧀ꦗꦒꦺꦴꦁꦤꦁꦗꦺꦴꦒꦤ꧀꧈​ ⁴ꦭꦃ​ꦠꦶꦧꦏꦺ​ꦏꦺꦴꦮꦺ​ꦥꦶꦭꦶꦃꦱꦶꦃꦩꦫꦁ​ꦱꦏ꧀ꦥꦢꦥꦢꦭꦤ꧀ꦱꦶꦁ​ꦤꦩ꧀ꦥ​ꦮꦺꦴꦁ​ꦲꦺꦴꦫ​ꦔꦁꦒꦺꦴ​ꦥꦶꦏꦶꦂꦫꦤ꧀ꦱꦶꦁ​ꦧꦼꦤꦼꦂ​꧉​

⁵꧋ꦥꦫ​ꦱꦼꦢꦸꦭꦸꦂ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧈​ꦲꦶꦏꦶ​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀!ꦮꦺꦴꦁꦮꦺꦴꦁ​ꦱꦶꦁ​ꦢꦶꦲꦁꦒꦼꦥ꧀ꦲꦺꦴꦫ​ꦤ꧀ꦢꦸꦮꦺꦲꦶꦁ​ꦢꦺꦴꦚ​ꦏꦺꦤꦺ​ꦩꦭꦃ​ꦮꦶꦱ꧀ꦢꦶꦥꦶꦭꦶꦃ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦸꦥꦪ​ꦥꦢ​ꦱꦸꦒꦶꦃ​ꦲꦶꦁ​ꦥꦼꦔꦤ꧀ꦢꦼꦭ꧀ꦭꦤ꧀ꦤꦩ꧀ꦥ​ꦥꦤ꧀ꦢꦸꦩ꧀ꦩꦤ꧀ꦲꦶꦁ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦪ​ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶꦩꦫꦁ​ꦏꦧꦺꦃ​ꦮꦺꦴꦁ​ꦱꦶꦁ​ꦥꦢ​ꦠꦿꦺꦱ꧀ꦤꦩꦫꦁ​ꦢꦺꦏ꧀ꦤꦺ꧉​ ⁶ꦤꦁꦔꦶꦁ​ꦏꦺꦴꦮꦺ​ꦩꦭꦃ​ꦥꦢ​ꦚꦼꦥꦺꦭꦺꦏ꧀ꦏꦏꦺꦱꦶꦁ​ꦲꦺꦴꦫ​ꦤ꧀ꦢꦸꦮꦺ꧉​ꦲꦩ꧀ꦧꦺꦴꦏ꧀ꦢꦶꦥꦶꦏꦶꦂ​ꦢꦺꦮꦺꦠ​!ꦱꦥ​ꦱꦶꦁ​ꦩꦼꦉꦱ꧀ꦏꦺꦴꦮꦺ​ꦭꦤ꧀ꦱꦥ​ꦱꦶꦁ​ꦔꦺꦫꦺꦠ꧀ꦠꦺꦫꦺꦠ꧀ꦏꦺꦴꦮꦺ​ꦤꦁꦏꦿꦸꦠꦺꦴꦤ꧀?ꦲꦥ​ꦢꦸꦢꦸ​ꦮꦺꦴꦁ​ꦱꦶꦁ​ꦱꦸꦒꦶꦃ​? ⁷ꦲꦥ​ꦢꦸꦢꦸ​ꦮꦺꦴꦁꦮꦺꦴꦁ​ꦲꦶꦏꦶ​ꦱꦶꦁ​ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦗꦼꦤꦼꦁꦔꦺ​ꦒꦸꦱ꧀ꦠꦶ​ꦱꦶꦁ​ꦢꦶꦲꦗꦺꦤ꧀ꦤꦶ​ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ꧉​

⁸꧋ꦥꦚ꧀ꦕꦺꦤ꧀ꦏꦺꦴꦮꦺ​ꦧꦼꦤꦼꦂ​ꦤꦺꦏ꧀ꦏꦺꦴꦮꦺ​ꦤꦼꦠꦼꦥ꧀ꦥꦶ​ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦩꦸꦭꦁꦔꦶꦤꦺꦏ꧀ꦏꦺꦴꦮꦺ​ꦏꦸꦢꦸ​ꦠꦿꦺꦱ꧀ꦤꦩꦫꦁ​ꦠꦸꦁꦒꦭ꧀ꦩꦤꦸꦁꦱ​ꦏꦪ​ꦲꦼꦁꦒꦺꦴꦤ꧀ꦩꦸ​ꦤꦿꦺꦱ꧀ꦤꦤ꧀ꦤꦶꦲꦮꦏ꧀ꦩꦸ​ꦢꦺꦮꦺ꧉​ ⁹ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦥꦶꦭꦶꦃꦱꦶꦃꦔꦺꦴꦤꦺꦴ​꧈​ꦠꦶꦧꦏꦺ​ꦏꦺꦴꦮꦺ​ꦔ꧀ꦭꦏꦺꦴꦤ꧀ꦤꦶ​ꦢꦺꦴꦱ​ꦭꦤ꧀ꦩꦶꦠꦸꦫꦸꦠ꧀ꦏꦶꦠꦧ꧀ꦏꦺꦴꦮꦺ​ꦥꦢ​ꦮꦲꦺ​ꦮꦺꦴꦁ​ꦱꦶꦁ​ꦤꦼꦫꦏ꧀ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹⁰ꦲꦮꦶꦠ꧀ ꦱꦼꦤꦗꦤ꧀ꦏꦺꦴꦮꦺ​ꦤꦼꦠꦼꦥ꧀ꦥꦶ​ꦮꦺꦠ꧀ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦧꦺꦃ​꧈​ꦤꦁꦔꦶꦁ​ꦤꦼꦫꦏ꧀ꦤꦩꦸꦁ​ꦱꦶꦗꦶ​ꦮꦲꦺ​꧈​ꦏꦸꦮꦶ​ꦠꦸꦁꦒꦭ꧀ꦭꦺ​ꦮꦲꦺ​ꦏꦫꦺꦴ​ꦤꦺꦏ꧀ꦏꦺꦴꦮꦺ​ꦤꦼꦫꦏ꧀ꦏꦧꦺꦃ​꧉​ ¹¹ꦱꦶꦁ​ꦔꦺꦴꦩꦺꦴꦁ:“ꦏꦺꦴꦮꦺ​ꦲꦗ​ꦭꦏꦸ​ꦧꦺꦢꦁ”ꦏꦸꦮꦶ​ꦭꦲꦸꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦠ​?ꦭꦤ꧀ꦪ​ꦠꦸꦁꦒꦭ꧀ꦭꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦠ​ꦱꦶꦁ​ꦲꦸꦒ​ꦔꦺꦴꦩꦺꦴꦁ:“ꦲꦗ​ꦩꦼꦩꦠꦺꦤ꧀ꦤꦶ​!”ꦢꦢꦶꦤꦺ​ꦱꦼꦤꦗꦤ꧀ꦏꦺꦴꦮꦺ​ꦲꦺꦴꦫ​ꦭꦏꦸ​ꦧꦺꦢꦁ꧈​ꦤꦁꦔꦶꦁ​ꦏꦺꦴꦮꦺ​ꦩꦼꦩꦠꦺꦤ꧀ꦤꦶ​꧈​ꦠꦶꦧꦏꦺ​ꦏꦺꦴꦮꦺ​ꦪ​ ꦤꦼꦫꦏ꧀ꦮꦺꦠ꧀ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ ¹²ꦩꦸꦭꦤꦺ​ꦥꦫ​ꦱꦼꦢꦸꦭꦸꦂ​꧈​ꦲꦩ꧀ꦧꦺꦴꦏ꧀ꦠꦼꦩ꧀ꦧꦸꦁꦩꦸ​ꦭꦤ꧀ꦠꦶꦤ꧀ꦢꦏ꧀ꦩꦸ​ꦱꦶꦁ​ꦕꦺꦴꦕꦺꦴꦏ꧀​ꦏꦫꦺꦴ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀;ꦏꦸꦮꦶ​ꦮꦺꦠ꧀ꦱꦶꦁ​ꦧꦶꦱ​ꦔ꧀ꦭꦸꦮꦂꦫꦶ​ꦩꦤꦸꦁꦱ​ꦭꦤ꧀ꦏꦺꦴꦮꦺ​ꦲꦩ꧀ꦧꦺꦱꦸꦏ꧀ꦧꦏꦭ꧀ꦢꦶꦏꦿꦸꦠꦸꦔꦁꦒꦺꦴ​ꦮꦺꦠ꧀ꦏꦸꦮꦶ​꧉​ ¹³ꦤꦺꦏ꧀ꦏꦺꦴꦮꦺ​ꦲꦺꦴꦫ​ꦤ꧀ꦢꦸꦮꦺꦩꦼꦭꦱ꧀​ꦧ꧀ꦭꦱ꧀ꦏꦫꦺꦴ​ꦮꦺꦴꦁ​ꦭꦶꦪꦤꦺ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦪ​ꦲꦺꦴꦫ​ꦧꦏꦭ꧀​ꦤ꧀ꦢꦸꦮꦺꦩꦼꦭꦱ꧀ꦩꦫꦁ​ꦏꦺꦴꦮꦺ​꧈​ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦤ꧀ꦢꦸꦮꦺꦩꦼꦭꦱ꧀ꦩꦫꦁ​ꦭꦶꦪꦤꦺ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦸꦒ​ꦧꦏꦭ꧀ꦩꦼꦭꦱ꧀ꦩꦫꦁ​ꦏꦺꦴꦮꦺ​ꦭꦤ꧀ꦲꦺꦴꦫ​ꦧꦏꦭ꧀ꦚꦼꦠꦿꦥ꧀ꦏꦺꦴꦮꦺ​꧉​

꧋ꦥꦽꦕꦪ​ꦱꦶꦁ​ꦚꦠ​꧉​

¹⁴꧋ꦥꦫ​ꦱꦼꦢꦸꦭꦸꦂ​꧈​ꦲꦥ​ꦒꦸꦤꦤꦺ​ꦮꦺꦴꦁ​ꦔꦺꦴꦩꦺꦴꦁꦤꦺꦏ꧀ꦥꦽꦕꦪ​꧈​ꦤꦁꦔꦶꦁ​ꦲꦺꦴꦫ​ꦲꦺꦤꦺꦁꦮꦸꦗꦸꦠ꧀ꦠꦺ꧈​ꦲꦮꦶꦠ꧀ꦲꦺꦴꦫ​ꦢꦶꦭꦏꦺꦴꦤ꧀ꦤꦶ​꧉​ꦲꦥ​ꦥꦽꦕꦪꦤꦺ​ꦮꦺꦴꦁꦔꦺ​ꦧꦶꦱ​ꦚ꧀ꦭꦩꦼꦠ꧀ꦠꦏꦺꦲꦸꦫꦶꦥ꧀ꦥꦺ?ꦩꦼꦱ꧀ꦠꦶꦲꦺꦴꦫ​꧉​ ¹⁵ꦒꦩ꧀ꦥꦁꦔꦺ​ꦲꦺꦴꦩꦺꦴꦁ​꧈​ꦲꦺꦤꦺꦁꦱꦼꦢꦸꦭꦸꦂ​ꦭꦤꦁ​ꦲꦥ​ꦮꦺꦢꦺꦴꦏ꧀ꦧꦸꦠꦸꦃ​ꦱꦤ꧀ꦢꦁꦭꦤ꧀ꦥꦔꦤ꧀꧈​ ¹⁶ꦭꦃ​ꦏꦺꦴꦮꦺ​ꦤꦩꦸꦁ​ꦔꦺꦴꦩꦺꦴꦁꦏꦫꦺꦴ​ꦮꦺꦴꦁꦔꦺ​:“ꦩ꧀ꦭꦏꦸ​ꦱꦶꦁ​ꦲꦥꦶꦏ꧀ꦲꦥꦶꦏ꧀꧈​ꦩꦸꦒꦩꦸꦒ​ꦱꦩ꧀ꦥꦺꦱꦤ꧀ꦢꦁꦭꦤ꧀ꦥꦔꦤ꧀ꦩꦸ​꧈​”ꦤꦁꦔꦶꦁ​ꦮꦺꦴꦁꦔꦺ​ꦲꦺꦴꦫ​ꦲꦩ꧀ꦧꦺꦴꦏ꧀ꦏꦺꦏ꧀ꦏꦶꦲꦥ​ꦧꦸꦠꦸꦃꦲꦺ​꧉​ꦠꦶꦧꦏꦺ​ꦲꦺꦴꦩꦺꦴꦁꦩꦸꦲꦺꦴꦫ​ꦲꦺꦤꦺꦁꦮꦸꦗꦸꦠ꧀ꦠꦺ꧉​ ¹⁷ꦩꦼꦁꦏꦺꦴꦤꦺꦴ​ꦲꦸꦒ​ꦥꦽꦕꦪ​꧈​ꦤꦺꦏ꧀ꦲꦺꦴꦫ​ꦏꦺꦠꦺꦴꦏ꧀ꦮꦸꦗꦸꦠ꧀ꦠꦺ꧈​ꦥꦽꦕꦪ​ꦏꦸꦮꦶ​ꦩꦠꦶ​꧈​ꦲꦺꦴꦫ​ꦏꦁꦒꦺꦴ​ꦒꦮꦺ​꧉​

¹⁸꧋ꦤꦁꦔꦶꦁꦩꦼꦤꦮꦮꦲꦺꦠꦼꦫꦸꦱ꧀ꦲꦺꦤꦺꦁꦱꦼꦢꦸꦭꦸꦂꦱꦶꦁꦔꦺꦴꦩꦺꦴꦁ:“ꦲꦃ꧈​ꦲꦶꦏꦸꦪꦒꦫꦺꦏ꧀ꦮꦺꦴꦁꦔꦺ!ꦲꦺꦤꦺꦁꦱꦶꦁꦤꦩꦸꦁꦚ꧀ꦗꦒꦏ꧀ꦏꦏꦺꦥꦽꦕꦪꦤꦺꦭꦤ꧀ꦲꦺꦤꦺꦁꦱꦶꦁꦤꦩꦸꦁꦚ꧀ꦗꦒꦏ꧀ꦏꦏꦺꦥꦼꦁꦒꦮꦺꦤꦺ꧉”ꦱꦲꦸꦂꦫꦤ꧀ꦏꦸꦩꦫꦁꦮꦺꦴꦁꦱꦶꦁꦤ꧀ꦢꦸꦮꦺꦤ꧀ꦤꦶꦲꦺꦴꦩꦺꦴꦁꦏꦪꦔꦺꦴꦤꦺꦴꦏꦸꦮꦶꦔꦺꦤꦺ:“ꦲꦏꦸꦏꦼꦥꦺꦔꦶꦤ꧀ꦔꦼꦂꦠꦶꦏꦼꦥꦿꦶꦪꦺꦲꦼꦁꦒꦺꦴꦤ꧀ꦩꦸꦲꦉꦥ꧀​ꦤ꧀ꦢꦸꦢꦸꦃꦲꦏꦺꦥꦽꦕꦪꦩꦸꦠꦤ꧀ꦥꦏꦺꦠꦺꦴꦏ꧀ꦥꦼꦁꦒꦮꦺꦤꦺ꧉​ꦭꦤ꧀ꦲꦏꦸꦧꦏꦭ꧀​ꦤ꧀ꦢꦸꦢꦸꦃꦲꦏꦺꦥꦽꦕꦪꦏꦸꦱꦁꦏꦥꦼꦁꦒꦮꦺꦏꦸ꧉​” ¹⁹ꦏꦺꦴꦮꦺ​ꦩꦼꦱ꧀ꦠꦶꦥꦽꦕꦪ​ꦠ​ꦤꦺꦏ꧀ꦤꦩꦸꦁ​ꦲꦺꦤꦺꦁꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦗꦶ​?ꦏꦸꦮꦶ​ꦧꦼꦤꦼꦂ​!ꦤꦁꦔꦶꦁ​ꦱꦺꦠꦤ꧀ꦱꦺꦠꦤ꧀ꦲꦸꦒ​ꦥꦽꦕꦪ​ꦏꦸꦮꦶ​꧉​ꦩꦭꦃ​ꦥꦢ​ꦤ꧀ꦢꦽꦢꦼꦏ꧀ꦱꦁꦏꦶꦁꦮꦼꦢꦶꦤꦺ​꧉​ ²⁰ꦱꦼꦢꦸꦭꦸꦂ​꧈​ꦏꦺꦴꦮꦺ​ꦏꦸꦮꦶ​ꦗꦤ꧀​ꦏ꧀ꦭꦺꦫꦸ​ꦠꦼꦤꦤ꧀꧈​ꦩꦺꦴꦱꦺꦴꦏ꧀ꦏꦺꦴꦮꦺ​ꦢꦸꦫꦸꦁ​ꦧꦶꦱ​ꦢꦸꦤꦸꦁꦤꦺꦏ꧀ꦥꦽꦕꦪ​ꦱꦶꦁ​ꦲꦺꦴꦫ​ꦢꦶꦒꦤ꧀ꦢꦺꦁꦔꦶꦏꦫꦺꦴ​ꦥꦼꦁꦒꦮꦺ​ꦏꦸꦮꦶ​ꦥꦽꦕꦪ​ꦱꦶꦁ​ꦩꦠꦶ​꧉​ ²¹ꦢꦶꦥꦶꦏꦶꦂ​ꦧꦥ​ꦄꦨꦿꦲꦩ꧀ ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺꦩ꧀ꦧꦶꦪꦺꦤ꧀꧈​ꦢꦺꦏ꧀ꦤꦺꦧꦶꦱꦤꦺ​ꦢꦶꦲꦁꦒꦼꦥ꧀ꦧꦼꦤꦼꦂ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦥ​ꦲꦺꦴꦫ​ꦗꦭꦂꦫꦤ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦢꦺꦏ꧀ꦤꦺ꧉​ꦲꦮꦶꦠ꧀ꦢꦺꦏ꧀ꦤꦺꦩꦤꦸꦠ꧀ꦠꦼꦫꦸꦱ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦼꦤꦗꦤ꧀ꦏꦸꦢꦸ​ꦩꦱꦿꦃꦲꦏꦺꦲꦤꦏ꧀ꦏꦺ​꧈​ꦪꦏꦸꦮꦶ​ꦆꦱꦏ꧀ ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦲꦭ꧀ꦠꦂ꧉​ ²²ꦏꦸꦮꦶ​ꦤ꧀ꦢꦸꦢꦸꦃꦲꦏꦺꦤꦺꦏ꧀ꦥꦽꦕꦪ​ꦏꦸꦮꦶ​ꦏꦸꦢꦸ​ꦢꦶꦧꦉꦁꦔꦶ​ꦏꦫꦺꦴ​ꦥꦼꦁꦒꦮꦺ​꧈​ꦠꦼꦒꦼꦱ꧀ꦱꦺ​꧈​ꦥꦽꦕꦪꦤꦺ​ꦧꦶꦱꦤꦺ​ꦏꦺꦠꦺꦴꦏ꧀ꦮꦸꦗꦸꦠ꧀ꦠꦺꦱꦁꦏꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺ꧉​ ²³ꦢꦢꦶꦤꦺ​ꦪ​ꦕꦺꦴꦕꦺꦴꦏ꧀​ꦏꦫꦺꦴ​ꦱꦶꦁ​ꦏꦼꦠꦸꦭꦶꦱ꧀ꦤꦁꦏꦶꦠꦧ꧀​ꦱꦶꦁ​ꦲꦸꦤꦶꦤꦺ​ꦔꦺꦤꦺ​:“ꦧꦥ​ꦄꦨꦿꦲꦩ꧀ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦗꦭꦂꦫꦤ꧀ꦱꦁꦏꦥꦽꦕꦪ​ꦏꦸꦮꦶ​ꦢꦺꦏ꧀ꦤꦺꦢꦶꦲꦁꦒꦼꦥ꧀ꦧꦼꦤꦼꦂ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉”ꦩꦸꦭꦤꦺ​ꦢꦺꦏ꧀ꦤꦺꦪ​ꦢꦶꦲꦫꦤ꧀ꦤꦶ​“ꦏꦚ꧀ꦕꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” ²⁴ꦭꦤ꧀ꦱꦲꦶꦏꦶ​ꦪ​ꦮꦶꦱ꧀ꦕꦼꦠ​ꦧꦔꦼꦠ꧀ꦤꦺꦏ꧀ꦩꦤꦸꦁꦱ​ꦧꦶꦱꦤꦺ​ꦏꦼꦠꦩ꧀ꦥꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦤꦩꦸꦁ​ꦗꦭꦂꦫꦤ꧀ꦱꦁꦏꦥꦽꦕꦪꦤꦺ​ꦮꦲꦺ​꧈​ꦤꦁꦔꦶꦁ​ꦗꦭꦂꦫꦤ꧀ꦱꦁꦏꦥꦽꦕꦪꦤꦺ​ꦭꦤ꧀ꦥꦼꦁꦒꦮꦺꦤꦺ​꧉​

²⁵꧋ꦏꦪꦢꦺꦤꦺꦭꦺꦴꦤ꧀ꦠꦺꦫꦲꦧ꧀ ꦱꦶꦁ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​꧉​ꦢꦺꦏ꧀ꦤꦺꦏꦼꦠꦩ꧀ꦥꦒꦸꦱ꧀ꦠꦶ​ꦄꦭ꧀ꦭꦃ​ꦗꦭꦂꦫꦤ꧀ꦱꦁꦏꦥꦼꦁꦒꦮꦺꦤꦺ​꧈​ꦲꦮꦶꦠ꧀ꦫꦲꦧ꧀​ꦤ꧀ꦢꦼꦭꦶꦏ꧀ꦏꦏꦺꦮꦺꦴꦁꦮꦺꦴꦁ​ꦙꦸꦱꦶꦁ​ꦢꦶꦏꦺꦴꦁꦏꦺꦴꦤ꧀ꦔꦶꦤ꧀ꦢꦶꦏ꧀꧈​ꦱꦏ꧀ꦮꦶꦱ꧀ꦱꦺ​ꦢꦶꦢꦼꦭꦶꦏ꧀ꦏꦏꦺꦤꦁꦲꦺꦴꦩꦃꦲꦺ​ꦠꦼꦫꦸꦱ꧀ꦢꦶꦲꦼꦠꦺꦴꦏ꧀ꦏꦏꦺꦩꦼꦠꦸ​ꦢꦭꦤ꧀ꦭꦶꦪ​꧉​

²⁶꧋ꦏꦪꦢꦺꦤꦺꦲꦮꦏ꧀ꦤꦺꦏ꧀ꦮꦶꦱ꧀ꦲꦺꦴꦫ​ꦲꦺꦤꦺꦁꦲꦩ꧀ꦧꦼꦏ꧀ꦏꦤ꧀ꦤꦺ​ꦩꦼꦱ꧀ꦠꦶꦩꦠꦶ​꧈​ꦩꦼꦁꦏꦺꦴꦤꦺꦴ​ꦲꦸꦒ​ꦥꦽꦕꦪ​꧈​ꦤꦺꦏ꧀ꦲꦺꦴꦫ​ꦲꦺꦤꦺꦁꦥꦼꦁꦒꦮꦺꦤꦺ​ꦪ​ꦩꦠꦶ​꧉​

↑ ↑ ↑

← ꧇​꧑꧇​

꧇​꧓꧇​ →