ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦥꦫꦫꦱꦸꦭ꧀/14

꧋ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦤꦁꦏꦸꦠꦆꦏꦺꦴꦤꦶꦪꦸꦩ꧀꧈​

꧇​꧑꧔꧇​ ¹꧋ꦊꦭꦏꦺꦴꦤꦺ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦤꦁꦏꦸꦠꦆꦏꦺꦴꦤꦶꦪꦸꦩ꧀ꦪ​ꦠꦸꦁꦒꦭ꧀ꦭꦺ​ꦮꦲꦺ​ꦏꦫꦺꦴ​ꦤꦁꦏꦸꦠꦄꦤ꧀ꦠꦶꦪꦺꦴꦏꦶ꧉​ꦤꦁꦏꦸꦠꦆꦏꦺꦴꦤꦶꦪꦸꦩ꧀ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦲꦸꦒ​ꦩ꧀ꦊꦧꦸ​ꦤꦁꦱꦶꦤꦒꦸꦏ꧀ꦭꦤ꧀​ꦔ꧀ꦒꦼꦭꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦺꦴꦏꦺꦃꦮꦺꦴꦁ​ꦙꦸꦭꦤ꧀ꦱꦶꦁ​ꦢꦸꦢꦸ​ꦙꦸꦠꦼꦫꦸꦱ꧀ꦥꦢ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀꧈​ ²ꦤꦁꦔꦶꦁ​ꦮꦺꦴꦁꦮꦺꦴꦁ​ꦙꦸꦱꦶꦁ​ꦲꦺꦴꦫ​ꦒꦼꦊꦩ꧀ꦥꦽꦕꦪ​ꦠꦼꦫꦸꦱ꧀ꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦏꦶ​ꦮꦺꦴꦁꦮꦺꦴꦁ​ꦱꦶꦁ​ꦢꦸꦢꦸ​ꦙꦸ꧈​ꦩꦫꦏ꧀ꦏꦏꦺꦮꦺꦴꦁꦮꦺꦴꦁ​ꦏꦸꦮꦶ​ꦠꦼꦫꦸꦱ꧀ꦥꦢ​ꦔ꧀ꦭꦮꦤ꧀ꦩꦫꦁ​ꦥꦫ​ꦫꦱꦸꦭ꧀꧈​ ³ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦲꦺꦴꦫ​ꦔꦿꦺꦮꦺꦱ꧀ꦩꦫꦁ​ꦮꦺꦴꦁꦮꦺꦴꦁ​ꦏꦸꦮꦶ​꧈​ꦩꦭꦃ​ꦱꦸꦮꦶꦤꦁꦏꦸꦠꦏꦺꦴꦤꦺꦴ​꧉​ꦥꦫ​ꦫꦱꦸꦭ꧀ꦩꦲꦸ​ꦥꦢ​ꦔꦧꦂꦫꦏꦺꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦫꦺꦴ​ꦏꦼꦤ꧀ꦢꦼꦭ꧀ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦔꦤ꧀ꦠꦼꦥ꧀ꦥꦏꦺꦏꦧꦂ​ꦧꦧ꧀ꦏꦠꦿꦺꦱ꧀ꦤꦤꦺꦒꦸꦱ꧀ꦠꦶ​ꦏꦸꦮꦶ​ꦔꦁꦒꦺꦴ​ꦩꦸꦗꦶꦗꦠ꧀ꦩꦸꦗꦶꦗꦠ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦥꦫ​ꦫꦱꦸꦭ꧀꧈​ ⁴ꦥꦫ​ꦮꦂꦒꦤꦺ​ꦏꦸꦠꦏꦺꦴꦤꦺꦴ​ꦠꦼꦫꦸꦱ꧀ꦥꦼꦕꦃ​ꦢꦢꦶ​ꦭꦺꦴꦫꦺꦴ​:ꦱꦶꦁ​ꦱꦼꦧꦼꦭꦃꦤꦸꦫꦸꦠ꧀ꦮꦺꦴꦁꦮꦺꦴꦁ​ꦙꦸꦭꦤ꧀ꦱꦶꦁ​ꦭꦶꦪꦤꦺ​ꦤꦸꦫꦸꦠ꧀ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀꧈​

⁵꧋ꦮꦺꦴꦁꦮꦺꦴꦁ​ꦙꦸꦭꦤ꧀ꦥꦫ​ꦥꦶꦤꦶꦠꦸꦮꦤꦺ​ꦭꦤ꧀ꦲꦸꦒ​ꦮꦺꦴꦁꦮꦺꦴꦁ​ꦢꦸꦢꦸ​ꦙꦸꦠꦼꦫꦸꦱ꧀ꦥꦢ​ ꦔꦸꦩ꧀ꦥꦸꦭ꧀ꦲꦉꦥ꧀ꦩꦶꦭꦫ​ꦭꦤ꧀​ꦩ꧀ꦧꦤ꧀ꦢꦼꦩ꧀ꦩꦶꦮꦠꦸ​ꦩꦫꦁ​ꦥꦫ​ꦫꦱꦸꦭ꧀꧈​ ⁶ꦏꦢꦸꦁ​ꦥꦫ​ꦫꦱꦸꦭ꧀ꦏꦿꦸꦔꦸ​ꦧꦧ꧀ꦏꦸꦮꦶ​ꦠꦼꦫꦸꦱ꧀ꦥꦢ​ꦭꦸꦔ​ꦤꦁꦏꦸꦠꦭꦶꦱ꧀ꦠꦿ​ꦭꦤ꧀ꦢꦺꦂꦧꦺ​꧈​ꦏꦸꦮꦶ​ꦏꦸꦠꦏꦸꦠꦤꦁꦧꦮꦃꦭꦶꦏꦺꦴꦤꦶꦪꦭꦤ꧀ꦲꦸꦒ​ꦤꦁꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦤꦁꦱꦏ꧀ꦏꦶꦮꦠꦼꦔꦼꦤ꧀ꦤꦺ​ꦏꦺꦴꦤꦺꦴ​꧉​ ⁷ꦤꦁꦏꦺꦴꦤꦺꦴ​ꦥꦫ​ꦫꦱꦸꦭ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀꧈​

꧋ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦤꦁꦏꦸꦠꦭꦶꦱ꧀ꦠꦿ​꧉​

⁸꧋ꦤꦁꦏꦸꦠꦭꦶꦱ꧀ꦠꦿ​ꦏꦺꦴꦤꦺꦴ​ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦏꦮꦶꦠ꧀ꦭꦲꦶꦂꦫꦺ​ꦭꦸꦩ꧀ꦥꦸꦃ​ꦱꦶꦏꦶꦭ꧀ꦭꦺ​ꦭꦤ꧀ꦢꦸꦫꦸꦁ​ꦠꦲꦸ​ꦩ꧀ꦭꦏꦸ​꧉​ ^9-10ꦮꦺꦴꦁꦔꦺ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁꦔꦺ​ꦫꦱꦸꦭ꧀ꦦꦈꦭꦸꦱ꧀꧈​ꦫꦱꦸꦭ꧀ꦦꦈꦭꦸꦱ꧀ꦔꦼꦩꦠ꧀ꦠꦏꦺꦮꦺꦴꦁꦔꦺ​ꦠꦼꦤꦤ꧀ꦭꦤ꧀ꦔꦼꦂꦠꦶ​ꦤꦺꦏ꧀ꦮꦺꦴꦁꦔꦺ​ꦧꦶꦱ​ꦮꦫꦱ꧀ ꦲꦮꦶꦠ꧀ꦮꦺꦴꦁꦔꦺ​ꦤ꧀ꦢꦸꦮꦺꦥꦽꦕꦪ​꧉​ꦩꦸꦭꦤꦺ​ꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦫꦁ​ꦮꦺꦴꦁꦔꦺ​ꦔꦁꦒꦺꦴ​ꦱ꧀ꦮꦫ​ꦧꦤ꧀ꦠꦼꦂ​:“ꦔꦢꦼꦏ꧀ꦏ!”ꦮꦺꦴꦁꦔꦺ​ꦠꦼꦫꦸꦱ꧀ꦔꦢꦼꦏ꧀ꦗꦼꦒꦺꦁꦒꦏ꧀ꦭꦤ꧀​ꦩ꧀ꦭꦏꦸꦩ꧀ꦭꦏꦸ​꧉​ ¹¹ꦏꦢꦸꦁ​ꦮꦺꦴꦁꦮꦺꦴꦁ​ꦏꦺꦴꦤꦺꦴ​ꦮꦼꦫꦸꦃ​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦫꦱꦸꦭ꧀ꦦꦈꦭꦸꦱ꧀ꦏꦸꦮꦶ​꧈​ꦏꦧꦺꦃ​ꦠꦼꦫꦸꦱ꧀ꦥꦢ​ꦫꦩꦺ​ꦔꦺꦴꦩꦺꦴꦁꦲꦶꦁ​ꦧꦱ​ꦭꦶꦏꦺꦴꦤꦶꦪ:“ꦢꦺꦮꦢꦺꦮ​ꦥꦢ​ꦩꦼꦢꦸꦤ꧀ꦫꦸꦥ​ꦮꦺꦴꦁ​ꦲꦸꦫꦶꦥ꧀ꦩꦫꦤꦶ​ꦲꦮꦏ꧀ꦏꦺ​ꦢꦺꦮꦺ꧉​” ¹²ꦧꦂꦤꦧꦱ꧀ꦢꦶꦲꦫꦤ꧀ꦤꦶ​ꦯꦺꦪꦸꦱ꧀ꦭꦤ꧀ꦫꦱꦸꦭ꧀ꦦꦈꦭꦸꦱ꧀ꦢꦶꦲꦫꦤ꧀ꦤꦶ​ꦲ꦳ꦺꦂꦩꦺꦱ꧀ ꦲꦮꦶꦠ꧀ꦢꦺꦏ꧀ꦤꦺꦱꦶꦁ​ꦔꦺꦴꦩꦺꦴꦁ꧉​ ¹³ꦲꦶꦩꦩ꧀ꦩꦺ​ꦢꦺꦮ​ꦯꦺꦪꦸꦱ꧀ ꦱꦶꦁ​ꦠꦺꦩ꧀ꦥꦼꦭ꧀ꦭꦺꦤꦁꦱꦏ꧀​ꦚ꧀ꦗꦧꦤꦺ​ꦏꦸꦠ꧈​ꦠꦼꦫꦸꦱ꧀ꦠꦼꦏ​ꦔ꧀ꦒꦮ​ꦱꦥꦶꦱꦥꦶ​ꦭꦤ꧀ꦏꦼꦩ꧀ꦧꦁ​ꦢꦶꦒꦮ​ꦤꦁꦭꦮꦁꦔꦺ​ꦏꦸꦠ꧉​ꦲꦶꦩꦩ꧀ꦭꦤ꧀ꦮꦺꦴꦁ​ꦥꦶꦫꦁꦥꦶꦫꦁ​ꦏꦸꦮꦶ​ꦲꦉꦥ꧀ꦔꦼꦏꦺꦏ꧀ꦏꦶꦏꦸꦂꦧꦤ꧀ꦩꦫꦁ​ꦥꦫ​ꦫꦱꦸꦭ꧀꧈​

^14-15꧋ꦏꦢꦸꦁ​ꦧꦂꦤꦧꦱ꧀ꦭꦤ꧀ꦫꦱꦸꦭ꧀ꦦꦈꦭꦸꦱ꧀ꦏꦿꦸꦔꦸ​ꦲꦥ​ꦱꦶꦁ​ꦲꦉꦥ꧀ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁꦮꦺꦴꦁ​ꦩꦲꦸ​꧈​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦢꦶꦥꦼꦔꦶꦁ​ꦔ꧀ꦭꦏꦺꦴꦤ꧀ꦤꦶ​ꦱꦶꦁ​ꦏꦪ​ꦔꦺꦴꦤꦺꦴ​꧉​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦚꦸꦮꦺꦏ꧀ꦚꦸꦮꦺꦏ꧀ꦱꦭꦶꦤ꧀ꦤꦺ꧈​ꦠꦼꦫꦸꦱ꧀ꦥꦢ​ꦩ꧀​ꦧ꧀ꦭꦪꦸꦩꦫꦤꦶ​ꦮꦺꦴꦁꦮꦺꦴꦁ​ꦏꦸꦮꦶ​ꦏꦫꦺꦴ​ꦔꦺꦴꦩꦺꦴꦁꦧꦤ꧀ꦠꦼꦂ​:“ꦥꦫ​ꦱꦼꦢꦸꦭꦸꦂ​꧈​ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦤꦶꦤ꧀ꦢꦏ꧀ꦏꦏꦺꦱꦶꦁ​ꦏꦪ​ꦔꦺꦴꦤꦺꦴ​꧉​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦭꦲꦸꦠ꧀ꦠꦸꦁꦒꦭ꧀ꦭꦺ​ꦩꦤꦸꦁꦱ​ꦏꦪ​ꦏꦺꦴꦮꦺ​ꦏꦧꦺꦃ​꧉​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦩ꧀ꦧꦿꦺꦤꦺꦲꦉꦥ꧀​ꦔ꧀ꦒꦮ​ꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦱꦸꦥꦪ​ꦏꦺꦴꦮꦺ​ꦏꦧꦺꦃ​ꦤꦶꦁꦒꦭ꧀ꦧꦿꦲꦭꦧꦿꦲꦭ​ꦱꦶꦁ​ꦲꦺꦴꦫ​ꦚꦠ​ꦭꦤ꧀ꦥꦢ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦸꦫꦶꦥ꧀ ꦱꦶꦁ​ꦔ꧀ꦒꦮꦺ​ꦭꦔꦶꦠ꧀ ꦧꦸꦩꦶ​꧈​ꦱꦼꦒꦫ​ꦭꦤ꧀ꦱꦏ꧀ꦲꦶꦱꦶꦤꦺ​꧉​ ¹⁶ꦲꦶꦁ​ꦗꦩꦤ꧀ꦱꦶꦁ​ꦮꦶꦱ꧀​ꦏ꧀ꦭꦶꦮꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦗꦂꦫꦏꦺꦩꦫꦁ​ꦥꦫ​ꦧꦁꦱ​ꦥꦢ​ꦩ꧀ꦭꦏꦸ​ꦤꦸꦫꦸꦠ꧀ꦢꦭꦤ꧀ꦤꦺ​ꦢꦺꦮꦺꦢꦺꦮꦺ꧉​ ¹⁷ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦠꦤ꧀ꦱꦃ​ꦔꦼꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺ​꧈​ꦲꦮꦶꦠ꧀ꦢꦺꦏ꧀ꦤꦺꦔꦼꦏꦺꦏ꧀ꦏꦶꦲꦸꦢꦤ꧀ꦭꦤ꧀ꦥꦤꦺꦤ꧀ꦤꦤ꧀ꦩꦫꦁ​ꦏꦺꦴꦮꦺ​꧈​ꦱꦸꦥꦪ​ꦏꦺꦴꦮꦺ​ꦧꦶꦱ​ꦏꦼꦕꦸꦏꦸꦥ꧀ꦥꦤ꧀ꦲꦶꦁ​ꦥꦔꦤ꧀ꦭꦤ꧀ꦥꦢ​ꦧꦸꦔꦃ​꧉​” ¹⁸ꦱꦼꦤꦗꦤ꧀ꦮꦶꦱ꧀ꦢꦶꦲꦺꦴꦩꦺꦴꦁꦔꦶꦔꦺꦴꦤꦺꦴ​꧈​ꦤꦁꦔꦶꦁ​ꦩꦼꦏ꧀ꦱ​ꦏꦔꦺꦭ꧀ꦭꦤ꧀ꦩꦼꦁꦒꦏ꧀ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦔꦼꦏꦺꦏ꧀ꦏꦶꦏꦸꦂꦧꦤ꧀ꦩꦫꦁ​ꦥꦫ​ꦫꦱꦸꦭ꧀꧈​

¹⁹꧋ꦱꦁꦏꦏꦸꦠꦄꦤ꧀ꦠꦶꦪꦺꦴꦏꦶꦭꦤ꧀ꦏꦸꦠꦆꦏꦺꦴꦤꦶꦪꦸꦩ꧀ꦲꦺꦤꦺꦁꦮꦺꦴꦁ​ꦙꦸꦥꦢ​ꦠꦼꦏ​ꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦏꦶ​ꦮꦺꦴꦁꦮꦺꦴꦁ​ꦤꦁꦏꦺꦴꦤꦺꦴ​꧉​ꦦꦈꦭꦸꦱ꧀ꦠꦼꦫꦸꦱ꧀ꦢꦶꦧꦤ꧀ꦢꦼꦩ꧀ꦩꦶꦮꦠꦸ​꧈​ꦠꦼꦫꦸꦱ꧀ꦢꦶꦱꦺꦫꦺꦠ꧀ꦩꦼꦠꦸ​ꦱꦁꦏꦏꦸꦠ꧈​ꦤ꧀ꦢꦫꦤ꧀ꦤꦶꦢꦺꦏ꧀ꦤꦺꦮꦶꦱ꧀ꦩꦠꦶ​꧉​ ²⁰ꦤꦁꦔꦶꦁ​ꦏꦢꦸꦁ​ꦮꦺꦴꦁꦮꦺꦴꦁ​ꦱꦶꦁ​ꦥꦽꦕꦪ​ꦥꦢ​ꦔꦿꦸꦧꦸꦁ​ꦢꦺꦏ꧀ꦤꦺ꧈​ꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀ꦔꦢꦼꦏ꧀ꦭꦤ꧀ꦧꦭꦶꦏ꧀​ꦩ꧀ꦊꦧꦸ​ꦤꦁꦏꦸꦠꦩꦼꦤꦺꦃ​꧉​ꦲꦺꦱꦸꦏ꧀ꦏꦺ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦠꦼꦫꦸꦱ꧀ꦧꦸꦢꦭ꧀ꦤꦁꦏꦸꦠꦢꦺꦂꦧꦺ​꧉​

꧋ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦧꦭꦶꦏ꧀ꦤꦁꦏꦸꦠꦄꦤ꧀ꦠꦶꦪꦺꦴꦏꦶ꧉​

²¹꧋ꦤꦁꦏꦸꦠꦢꦺꦂꦧꦺ​ꦏꦺꦴꦤꦺꦴ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦲꦸꦒ​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ꦭꦤ꧀ꦮꦺꦴꦁ​ꦲꦺꦴꦏꦺꦃꦥꦢ​ꦢꦢꦶ​ꦩꦸꦫꦶꦢ꧀ꦢꦺ​꧉​ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦥꦫ​ꦫꦱꦸꦭ꧀ꦠꦼꦫꦸꦱ꧀ꦧꦭꦶꦏ꧀ꦤꦁꦏꦸꦠꦭꦶꦱ꧀ꦠꦿ​꧈​ꦆꦏꦺꦴꦤꦶꦪꦸꦩ꧀ꦭꦤ꧀ꦄꦤ꧀ꦠꦶꦪꦺꦴꦏꦶꦤꦁꦧꦮꦃꦦꦶꦱꦶꦢꦶ꧉​ ²²ꦤꦁꦏꦸꦠꦏꦸꦠꦏꦸꦮꦶ​ꦥꦫ​ꦫꦱꦸꦭ꧀ꦥꦢ​ꦔꦤ꧀ꦠꦼꦥ꧀ꦥꦏꦺꦥꦼꦔꦤ꧀ꦢꦼꦭ꧀ꦭꦺ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦥꦽꦕꦪ​꧈​ꦱꦸꦥꦪ​ꦥꦢ​ꦏꦼꦤ꧀ꦢꦼꦭ꧀꧈​ꦱꦼꦢꦸꦭꦸꦂꦱꦼꦢꦸꦭꦸꦂ​ꦥꦢ​ꦢꦶꦲꦺꦭꦶꦁꦔꦏꦺꦏꦺꦴꦁꦏꦺꦴꦤ꧀ꦥꦢ​ꦩꦤ꧀ꦠꦼꦥ꧀ꦠꦼꦫꦸꦱ꧀ꦲꦶꦁ​ꦥꦽꦕꦪ​꧉​ꦠꦼꦩ꧀ꦧꦸꦁꦔꦺ​ꦥꦫ​ꦫꦱꦸꦭ꧀ꦔꦺꦤꦺ​:“ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀​ꦩ꧀ꦊꦧꦸ​ꦏꦿꦠꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦲꦮꦏ꧀ꦏꦺ​ꦢꦺꦮꦺꦧꦏꦭ꧀​ꦔ꧀ꦭꦏꦺꦴꦤ꧀ꦤꦶ​ꦏꦱꦁꦱꦫꦤ꧀ꦲꦺꦴꦏꦺꦃ꧉​” ²³ꦤꦁꦱꦧꦼꦤ꧀ꦥꦱꦩꦸꦮꦤ꧀ꦤꦁꦏꦺꦴꦤꦺꦴ​ꦥꦫ​ꦫꦱꦸꦭ꧀ꦠꦼꦫꦸꦱ꧀ꦩꦶꦗꦶ​ꦥꦶꦤꦶꦠꦸꦮꦥꦶꦤꦶꦠꦸꦮꦤꦺ​ꦥꦱꦩꦸꦮꦤ꧀꧈​ꦔꦁꦒꦺꦴ​ꦥꦤ꧀ꦢꦺꦴꦔ​ꦭꦤ꧀ꦥꦱ​ꦥꦫ​ꦥꦶꦤꦶꦠꦸꦮ​ꦏꦸꦮꦶ​ꦠꦼꦫꦸꦱ꧀ꦢꦶꦥꦱꦿꦃꦲꦏꦺꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦶꦁ​ꦢꦢꦶ​ꦲꦤ꧀ꦢꦼꦭ꧀ꦲꦤ꧀ꦢꦼꦭ꧀ꦭꦺ​꧉​

²⁴꧋ꦱꦏ꧀ꦮꦶꦱ꧀ꦱꦺ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀​ꦤ꧀​ꦢ꧀ꦭꦗꦃꦲꦶ​ꦧꦮꦃꦦꦶꦱꦶꦢꦶ꧈​ꦠꦼꦫꦸꦱ꧀ꦥꦢ​ꦧꦭꦶꦏ꧀ ꦩꦼꦤꦺꦃ​ꦤꦁꦧꦮꦃꦦꦩ꧀ꦥ꦳ꦶꦭꦶ꧉​ ²⁵ꦤꦁꦏꦺꦴꦤꦺꦴ​ꦥꦫ​ꦫꦱꦸꦭ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦁꦏꦸꦠꦦꦺꦂꦒꦶ꧈​ꦠꦼꦫꦸꦱ꧀ꦥꦢ​ꦧꦸꦢꦭ꧀ꦤꦁꦏꦸꦠꦄꦠꦭꦶꦪ​꧉​ ²⁶ꦱꦁꦏꦏꦺꦴꦤꦺꦴ​ꦥꦫ​ꦫꦱꦸꦭ꧀ꦠꦼꦫꦸꦱ꧀ꦔꦧꦿꦃ꧈​ꦧꦭꦶꦏ꧀ꦤꦁꦏꦸꦠꦄꦤ꧀ꦠꦶꦪꦺꦴꦏꦶ꧉​ꦪ​ꦤꦁꦏꦸꦠꦄꦤ꧀ꦠꦶꦪꦺꦴꦏꦶꦏꦺꦴꦤꦺꦴ​ꦢꦺꦏ꧀​ꦩ꧀ꦧꦶꦪꦺꦤ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦢꦶꦠꦼꦠꦼꦥ꧀ꦥꦏꦺꦢꦢꦶ​ꦫꦱꦸꦭ꧀ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺ​꧈​ꦲꦮꦶꦠ꧀ꦩꦶꦗꦶ​ꦫꦱꦸꦭ꧀ꦭꦺꦴꦫꦺꦴ​ꦲꦶꦏꦶ​ꦏꦁꦒꦺꦴ​ꦔꦼꦂꦗꦤ꧀ꦤꦶꦥꦼꦁꦒꦮꦺꦪꦤ꧀ꦏꦸꦒꦸꦱ꧀ꦠꦶ​ꦱꦶꦁ​ꦱꦲꦶꦏꦶ​ꦮꦶꦱ꧀ꦫꦩ꧀ꦥꦸꦁ​꧉​

²⁷꧋ꦏꦢꦸꦁ​ꦮꦶꦱ꧀ꦥꦢ​ꦠꦼꦏ​ꦤꦁꦏꦸꦠꦄꦤ꧀ꦠꦶꦪꦺꦴꦏꦶꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦠꦼꦫꦸꦱ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦱꦼꦢꦸꦭꦸꦂꦱꦼꦢꦸꦭꦸꦂ​ꦤꦁꦥꦱꦩꦸꦮꦤ꧀ꦏꦺꦴꦤꦺꦴ​꧈​ꦢꦶꦏꦺꦏ꧀ꦏꦶꦭꦥꦺꦴꦂꦫꦤ꧀ꦧꦧ꧀ꦱꦼꦩ꧀ꦧꦫꦁ​ꦱꦶꦁ​ꦮꦶꦱ꧀ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦠꦂꦫꦤ꧀ꦫꦱꦸꦭ꧀ꦭꦺꦴꦫꦺꦴ​ꦲꦶꦏꦶ​꧉​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦧꦂꦤꦧꦱ꧀ꦲꦸꦒ​ꦔꦺꦴꦩꦺꦴꦁꦔꦏꦺꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦼꦏꦺꦏ꧀ꦏꦶꦢꦭꦤ꧀ꦩꦫꦁ​ꦮꦺꦴꦁꦮꦺꦴꦁ​ꦱꦶꦁ​ꦢꦸꦢꦸ​ꦙꦸꦧꦶꦱ​ꦢꦢꦶ​ꦮꦺꦴꦁ​ꦏꦿꦶꦱ꧀ꦠꦼꦤ꧀꧈​ ²⁸ꦥꦫ​ꦫꦱꦸꦭ꧀ꦠꦼꦫꦸꦱ꧀ꦫꦢ​ꦱꦸꦮꦶꦧꦼꦧꦉꦁꦔꦤ꧀ꦏꦫꦺꦴ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦤꦁꦥꦱꦩꦸꦮꦤ꧀ꦏꦺꦴꦤꦺꦴ​꧉​

↑ ↑ ↑

← ꧇​꧑꧓꧇​

꧇​꧑꧕꧇​ →