ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦥꦫꦫꦱꦸꦭ꧀/2

ꦥꦱꦭ꧀ ꧇​꧑꧇​ ꧇​꧒꧇​ ꧇​꧓꧇​ ꧇​꧔꧇​ ꧇​꧕꧇​ ꧇​꧖꧇​꧇​꧗꧇​ ꧇​꧘꧇​ ꧇​꧙꧇​ ꧇​꧑꧐꧇​ ꧇​꧑꧑꧇​ ꧇​꧑꧒꧇​ ꧇​꧑꧓꧇​꧇​꧑꧔꧇​ ꧇​꧑꧕꧇​ ꧇​꧑꧖꧇​꧇​꧑꧗꧇​ ꧇​꧑꧘꧇​ ꧇​꧑꧙꧇​ ꧇​꧒꧐꧇​ ꧇​꧒꧑꧇​꧇​꧒꧒꧇​꧇​꧒꧓꧇​ ꧇​꧒꧔꧇​꧇​꧒꧕꧇​ ꧇​꧒꧖꧇​ ꧇​꧒꧗꧇​ ꧇​꧒꧘꧇​

꧋ꦠꦼꦏꦤꦺ​ꦫꦺꦴꦃ​ꦱꦸꦕꦶ​꧉​

꧇​꧒꧇​ 1꧋ꦱꦲꦶꦏꦶ​ꦢꦺꦴꦁꦔꦺꦢꦶꦤ​ꦦꦤ꧀ꦠꦺꦏꦺꦴꦱ꧀ꦠ꧉​ꦮꦺꦴꦁꦮꦺꦴꦁ​ꦱꦶꦁ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦗꦶꦏ꧀ꦥꦢ​ꦔꦸꦩ꧀ꦥꦸꦭ꧀ꦧꦼꦧꦉꦁꦔꦤ꧀ ꦥꦢ​ꦤ꧀ꦢꦼꦢꦺꦴꦔ​꧉​ 2ꦭꦃ​ꦏꦺꦴꦏ꧀ꦠꦼꦫꦸꦱ꧀ꦢꦢꦏ꧀ꦏꦤ꧀ꦮꦲꦺ​ꦲꦺꦤꦺꦁꦱ꧀ꦮꦫ​ꦱꦁꦏꦭꦔꦶꦠ꧀ ꦒꦼꦩꦿꦸꦧꦸꦏ꧀ꦏꦪ​ꦲꦔꦶꦤ꧀ꦒꦼꦢꦺ꧉​ꦱ꧀ꦮꦫꦤꦺ​ꦔꦼꦧꦼꦏ꧀ꦏꦶ​ꦲꦺꦴꦩꦃ​ꦱꦶꦁ​ꦢꦶꦲꦼꦁꦒꦺꦴ​ꦏꦸꦩ꧀ꦥꦸꦭ꧀ꦭꦤ꧀ꦏꦸꦮꦶ​꧉​ 3ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦮꦼꦫꦸꦃ​ꦏꦪ​ꦲꦶꦭꦠ꧀ꦒꦼꦤꦶ​꧉​ꦲꦶꦭꦠ꧀ꦒꦼꦤꦶ​ꦲꦶꦏꦶ​ꦤꦁꦤ꧀ꦢꦸꦮꦸꦂꦫꦺꦱꦧꦼꦤ꧀ꦮꦺꦴꦁ​ꦱꦶꦁ​ꦤꦁꦏꦺꦴꦤꦺꦴ​꧉​ 4ꦮꦺꦴꦁꦮꦺꦴꦁ​ꦏꦸꦮꦶ​ꦏꦧꦺꦃ​ꦠꦼꦫꦸꦱ꧀ꦢꦶꦏ꧀ꦮꦱꦤꦶ​ꦏꦫꦺꦴ​ꦫꦺꦴꦃ​ꦱꦸꦕꦶ​꧈​ꦠꦼꦫꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦱꦁꦏꦧꦱ​ꦭꦶꦪ​꧈​ꦠꦼꦩ꧀ꦧꦸꦁꦠꦼꦩ꧀ꦧꦸꦁ​ꦱꦶꦁ​ꦩꦼꦠꦸ​ꦱꦁꦏꦏꦉꦥ꧀ꦥꦺ​ꦫꦺꦴꦃ​ꦱꦸꦕꦶ​꧉​

5꧋ꦲꦶꦁ​ꦮꦪꦃ​ꦏꦸꦮꦶ​ꦏꦸꦠꦪꦺꦫꦸꦱꦭꦺꦩ꧀ꦏꦠꦼꦏꦤ꧀ꦮꦺꦴꦁ​ꦙꦸꦥꦶꦫꦁꦥꦶꦫꦁ​ꦱꦁꦏꦤꦼꦒꦫ​ꦔꦼꦤ꧀ꦢꦶ​ꦮꦲꦺ​꧈​ꦮꦺꦴꦁ​ꦱꦶꦁ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 6ꦏꦢꦸꦁ​ꦮꦺꦴꦁꦮꦺꦴꦁ​ꦏꦸꦮꦶ​ꦏꦿꦸꦔꦸ​ꦱ꧀ꦮꦫ​ꦩꦲꦸ​ꦠꦼꦫꦸꦱ꧀ꦥꦢ​ꦒꦼꦩꦿꦸꦢꦸꦏ꧀ꦩꦫꦤꦶ​ꦥꦁꦒꦺꦴꦤ꧀ꦤꦤ꧀ꦤꦺ​꧉​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦔ꧀ꦒꦸꦩꦸꦤ꧀ꦏꦧꦺꦃ​꧈​ꦲꦮꦶꦠ꧀ꦱꦧꦼꦤ꧀ꦮꦺꦴꦁ​ꦏꦿꦸꦔꦸ​ꦩꦸꦫꦶꦢ꧀ꦩꦸꦫꦶꦢ꧀ꦢꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁ​ꦲꦶꦁ​ꦧꦱꦤꦺ​ꦮꦺꦴꦁꦮꦺꦴꦁ​ꦙꦸꦱꦶꦁ​ꦥꦢ​ꦠꦼꦏ​ꦩꦲꦸ​꧉​ 7ꦱꦁꦏꦶꦁꦔ꧀ꦒꦸꦩꦸꦤ꧀ꦤꦺꦮꦺꦴꦁꦮꦺꦴꦁ​ꦩꦲꦸ​ꦠꦼꦫꦸꦱ꧀ꦥꦢ​ꦔꦺꦴꦩꦺꦴꦁ:“ꦮꦺꦴꦁꦮꦺꦴꦁ​ꦏꦸꦮꦶ​ꦭꦲꦸꦠ꧀ꦱꦁꦏꦓꦭꦶꦭꦺꦪ​ꦠ​? 8ꦭꦃ​ꦲꦮꦏ꧀ꦏꦺ​ꦢꦺꦮꦺꦏꦺꦴꦏ꧀ꦏꦿꦸꦔꦸ​ꦮꦺꦴꦁꦮꦺꦴꦁ​ꦏꦸꦮꦶ​ꦔꦺꦴꦩꦺꦴꦁꦧꦱꦤꦺ​ꦲꦮꦏ꧀ꦏꦺ​ꦢꦺꦮꦺꦏꦧꦺꦃ​? 9-11ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦭꦲꦸꦠ꧀ꦠꦼꦏ​ꦱꦁꦏꦮꦼꦂꦤꦮꦼꦂꦤ​ꦤꦼꦒꦫ​ꦠ​꧈​ꦏꦪꦢꦺꦤꦺꦤꦼꦒꦫ​ꦦꦂꦠꦶ꧈​ꦩꦺꦢꦶ​꧈​ꦌꦭꦩ꧀ꦭꦤ꧀ꦩꦺꦱꦺꦴꦥꦺꦴꦠꦩꦶ꧈​ꦪꦸꦢꦺꦪ​ꦭꦤ꧀ꦑꦥꦢꦺꦴꦱꦶꦪ꧈​ꦥꦺꦴꦤ꧀ꦠꦸꦱ꧀ꦭꦤ꧀ꦄꦱꦶꦪ​꧈​ꦥ꦳ꦿꦶꦒꦶꦪ​ꦭꦤ꧀ꦦꦩ꧀ꦥ꦳ꦶꦭꦶ꧈​ꦤꦼꦒꦫ​ꦌꦒꦶꦥ꧀ꦠꦼꦭꦤ꧀ꦧꦮꦃꦏꦶꦫꦺꦤꦺ​ꦤꦁꦤꦼꦒꦫ​ꦭꦶꦧꦶꦪ​꧉​ꦲꦸꦒ​ꦤꦁꦏꦺꦤꦺ​ꦲꦺꦤꦺꦁꦮꦺꦴꦁ​ꦙꦸꦭꦤ꧀ꦮꦺꦴꦁ​ꦭꦶꦪ​ꦧꦁꦱ​ꦱꦶꦁ​ꦥꦢ​ꦔ꧀ꦊꦧꦺꦴꦤ꧀ꦤꦶꦲꦒꦩ​ꦙꦸꦱꦶꦁ​ꦱꦁꦏꦏꦸꦠꦬꦸꦩ꧀ ꦱꦁꦏꦥꦸꦭꦏꦿꦺꦠ​ꦭꦤ꧀ꦧꦮꦃꦄꦫꦧ꧀꧈​ꦭꦃ​ꦲꦮꦏ꧀ꦏꦺ​ꦢꦺꦮꦺꦏꦺꦴꦏ꧀ꦧꦶꦱ​ꦏꦿꦸꦔꦸ​ꦮꦺꦴꦁꦮꦺꦴꦁ​ꦏꦸꦮꦶ​ꦔꦺꦴꦩꦺꦴꦁꦔꦏꦺꦥꦼꦁꦒꦮꦺꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔ꧀ꦒꦸꦩꦸꦤ꧀​ꦔ꧀ꦒꦸꦩꦸꦤ꧀ꦤꦏꦺꦲꦶꦁ​ꦧꦱꦧꦱꦤꦺꦲꦮꦏ꧀ꦏꦺ​ꦢꦺꦮꦺ?” 12ꦮꦺꦴꦁꦮꦺꦴꦁ​ꦱꦶꦁ​ꦥꦢ​ꦚꦮꦁ​ꦏꦸꦮꦶ​ꦥꦢ​ ꦔ꧀ꦒꦸꦩꦸꦤ꧀ꦠꦼꦤꦤ꧀ ꦩꦸꦭꦤꦺ​ꦥꦢ​ꦠꦏꦺꦴꦤ꧀ꦩꦫꦁ​ꦱꦏ꧀ꦥꦢꦥꦢ:“ꦲꦶꦏꦶ​ꦲꦥ​ꦠ​ꦱꦏ꧀ꦗꦤꦺ?”

13꧋ꦩꦭꦃ​ꦠꦼꦫꦸꦱ꧀ꦲꦺꦤꦺꦁꦱꦶꦁ​ꦥꦢ​ꦱꦼꦩ꧀ꦧꦿꦤ​ꦭꦤ꧀ꦱꦼꦩꦲꦸꦂ​:“ꦮꦺꦴꦁꦮꦺꦴꦁ​ꦏꦸꦮꦶ​ꦩꦧꦸꦏ꧀!”

꧋ꦠꦼꦩ꧀ꦧꦸꦁꦔꦺ​ꦫꦱꦸꦭ꧀ꦦꦺꦠꦿꦸꦱ꧀꧈​

14꧋ꦫꦱꦸꦭ꧀ꦭꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦫꦺꦴꦭꦱ꧀ꦠꦼꦫꦸꦱ꧀ꦥꦢ​ꦩꦗꦸ​ꦭꦤ꧀ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦏꦫꦺꦴ​ꦱ꧀ꦮꦫ​ꦧꦤ꧀ꦠꦼꦂ​:“ꦥꦫ​ꦱꦼꦢꦸꦭꦸꦂꦏꦸ​ꦏꦧꦺꦃ​ꦧꦁꦱ​ꦙꦸꦭꦤ꧀ꦥꦫ​ꦱꦼꦢꦸꦭꦸꦂꦏꦸ​ꦏꦧꦺꦃ​ꦱꦶꦁ​ꦩꦁꦒꦺꦴꦤ꧀ꦤꦁꦏꦸꦠꦪꦺꦫꦸꦱꦭꦺꦩ꧀ ꦲꦺꦴꦩꦺꦴꦁꦏꦸꦲꦶꦏꦶ​ꦢꦶꦫꦸꦔꦺꦴꦏ꧀ꦏꦏꦺꦱꦶꦁ​ꦲꦥꦶꦏ꧀ ꦱꦸꦥꦪ​ꦏꦺꦴꦮꦺ​ꦏꦧꦺꦃ​ꦧꦶꦱ​ꦢꦸꦤꦸꦁꦊꦭꦏꦺꦴꦤ꧀ꦱꦶꦁ​ꦤꦁꦏꦺꦤꦺ​ꦲꦶꦏꦶ​꧉​ 15ꦲꦗ​ꦩꦶꦏꦶꦂ​ꦤꦺꦏ꧀ꦮꦺꦴꦁꦮꦺꦴꦁ​ꦲꦶꦏꦶ​ꦩꦧꦸꦏ꧀ ꦲꦺꦴꦫ​꧈​ꦲꦮꦶꦠ꧀ꦱꦲꦶꦏꦶ​ꦲꦶꦗꦶꦏ꧀ꦗꦩ꧀ꦱꦔ​ꦲꦺꦱꦸꦏ꧀꧈​ 16ꦤꦁꦔꦶꦁ​ꦊꦭꦏꦺꦴꦤ꧀ꦲꦶꦏꦶ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦤꦧꦶ​ꦙꦺꦴꦌꦭ꧀ꦲꦶꦁ​ꦗꦩꦤ꧀ꦤꦺ​ꦩ꧀ꦧꦶꦪꦺꦤ꧀꧈​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:

17‘ꦲꦶꦁ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏꦤ꧀ꦤꦺꦗꦩꦤ꧀
ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦢꦸꦤ꧀ꦤꦏꦺꦫꦺꦴꦃꦲꦺ​
ꦩꦫꦁ​ꦏꦧꦺꦃ​ꦩꦤꦸꦁꦱ​꧉​
ꦲꦤꦏ꧀ꦲꦤꦏ꧀ꦩꦸ​ꦭꦤꦁ​ꦭꦤ꧀ꦮꦺꦢꦺꦴꦏ꧀
ꦧꦏꦭ꧀ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁꦠꦼꦩ꧀ꦧꦸꦁ​
ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​
ꦱꦶꦁ​ꦲꦼꦤꦺꦴꦩ꧀ꦲꦼꦤꦺꦴꦩ꧀ꦧꦏꦭ꧀ꦤꦩ꧀ꦥ​ꦏꦮꦼꦫꦸꦃ
ꦭꦤ꧀ꦱꦶꦁ​ꦠꦸꦮꦠꦸꦮ​ꦧꦏꦭ꧀ꦲꦺꦤ꧀ꦠꦸꦏ꧀ꦲꦶꦩ꧀ꦥꦺꦤ꧀꧈​
18ꦲꦶꦁ​ꦮꦪꦃ​ꦏꦸꦮꦶ​
ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦢꦸꦤ꧀ꦤꦏꦺꦫꦺꦴꦃ​ꦱꦸꦕꦶ​
ꦩꦫꦁ​ꦥꦼꦭꦢꦺꦤ꧀ꦥꦼꦭꦢꦺꦤ꧀ꦭꦤꦁ​ꦭꦤ꧀ꦮꦺꦢꦺꦴꦏ꧀
ꦭꦤ꧀ꦥꦼꦭꦢꦺꦤ꧀ꦥꦼꦭꦢꦺꦤ꧀ꦲꦶꦏꦶ​ꦧꦏꦭ꧀ꦥꦢ​
ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁꦠꦼꦩ꧀ꦧꦸꦁ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​
19ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦏꦺꦏ꧀ꦏꦶ
ꦩꦸꦗꦶꦗꦠ꧀ꦩꦸꦗꦶꦗꦠ꧀ꦤꦁꦭꦔꦶꦠ꧀​ꦤ꧀ꦢꦸꦮꦸꦂ
ꦭꦤ꧀ꦤꦁꦧꦸꦩꦶ​ꦔꦶꦱꦺꦴꦂ​
ꦧꦏꦭ꧀ꦲꦺꦤꦺꦁꦠꦤ꧀ꦢꦤꦺꦲꦸꦒ​꧈​
ꦪꦏꦸꦮꦶ​ꦒꦼꦠꦶꦃ​꧈​ꦒꦼꦤꦶ​ꦭꦤ꧀ꦏꦼꦧꦸꦭ꧀꧈​
20ꦱꦏ꧀ꦢꦸꦫꦸꦁꦔꦺꦢꦶꦤꦤꦺ​ꦒꦸꦱ꧀ꦠꦶ​ꦠꦼꦏ​꧈​
ꦢꦶꦤ​ꦱꦶꦁ​ꦒꦼꦢꦺꦭꦤ꧀​ꦔ꧀ꦒꦸꦩꦸꦤ꧀ꦤꦏꦺ꧈​
ꦱꦽꦔꦺꦔꦺ​ꦧꦏꦭ꧀ꦩꦭꦶꦃ​ꦥꦼꦠꦼꦁ​
ꦭꦤ꧀​ꦩ꧀ꦧꦸꦭꦤ꧀ꦤꦺꦧꦏꦭ꧀ꦩꦭꦶꦃ​ꦲꦧꦁ​ꦏꦪ​ꦒꦼꦠꦶꦃ​꧉​
21ꦲꦶꦁ​ꦮꦪꦃ​ꦏꦸꦮꦶ​
ꦱꦧꦼꦤ꧀ꦮꦺꦴꦁ​ꦱꦶꦁ​ꦚꦼꦧꦸꦠ꧀ꦗꦼꦤꦼꦁꦔꦺ​ꦒꦸꦱ꧀ꦠꦶ​
ꦧꦏꦭ꧀ꦏꦥꦶꦠꦸꦭꦸꦁꦔꦤ꧀꧈​’”

22꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦔꦺꦴꦩꦺꦴꦁꦩꦼꦤꦺꦃ​:“ꦥꦫ​ꦱꦼꦢꦸꦭꦸꦂꦏꦸ​ꦧꦁꦱ​ꦆꦱꦿꦌꦭ꧀!ꦥꦢ​ꦥꦽꦕꦪꦲ​ꦩꦫꦁ​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦲꦶꦏꦶ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦏꦸꦠꦟꦱꦫꦺꦠ꧀ ꦥꦚ꧀ꦕꦺꦤ꧀ꦢꦺꦏ꧀ꦤꦺꦱꦶꦁ​ꦢꦶꦏꦺꦴꦁꦏꦺꦴꦤ꧀ꦠꦼꦏ​ꦤꦁꦗꦒꦠ꧀ꦏꦺꦤꦺ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦧꦧ꧀ꦏꦸꦮꦶ​ꦏꦺꦴꦮꦺ​ꦏꦧꦺꦃ​ꦮꦶꦱ꧀ꦥꦢ​ꦤꦶꦠꦺꦤ꧀ꦤꦶ​ꦢꦺꦮꦺꦱꦁꦏꦥꦽꦏꦫꦥꦽꦏꦫ​ꦱꦶꦁ​ꦔ꧀ꦒꦸꦩꦸꦤ꧀​ꦔ꧀ꦒꦸꦩꦸꦤ꧀ꦤꦏꦺ꧈​ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦠꦂꦫꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦺꦴꦮꦺ​ꦏꦧꦺꦃ​ꦮꦶꦱ꧀ꦥꦢ​ꦔꦼꦂꦠꦶ​ꦧꦧ꧀ꦏꦸꦮꦶ​꧈​ꦲꦮꦶꦠ꧀ꦏꦧꦺꦃ​ꦏꦸꦮꦶ​ꦏ꧀ꦭꦏꦺꦴꦤ꧀ꦤꦁꦠꦼꦔꦃꦩꦸ​ꦏꦺꦤꦺ​꧉​ 23ꦩꦤꦸꦠ꧀ꦥꦶꦏꦶꦂꦫꦤ꧀ꦤꦺ​ꦭꦤ꧀ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦒꦸꦱ꧀ꦠꦶ​ꦪꦺꦯꦸꦱ꧀ꦮꦶꦱ꧀ꦢꦶꦥꦱꦿꦃꦲꦏꦺꦩꦫꦁ​ꦏꦺꦴꦮꦺ​ꦏꦧꦺꦃ​꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦩ꧀ꦧꦺꦴꦏ꧀ꦥꦠꦺꦤ꧀ꦤꦶ​ꦭꦤ꧀ꦠꦂꦫꦤ꧀ꦮꦺꦴꦁ​ꦢꦺꦴꦱ​ꦱꦶꦁ​ꦩꦏꦸ​ꦢꦺꦏ꧀ꦤꦺꦤꦁꦏꦪꦸ​ꦥꦼꦤ꧀ꦠꦺꦁꦔꦤ꧀꧈​ 24ꦤꦁꦔꦶꦁ​ꦏꦼꦱꦸꦮꦸꦤ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦤꦔꦺꦏ꧀ꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦥꦠꦶ​ꦭꦤ꧀ꦔꦸꦕꦸꦭ꧀ꦭꦶ​ꦢꦺꦏ꧀ꦤꦺꦱꦁꦏꦱꦁꦱꦫꦤꦺ​ꦥꦠꦶ​꧈​ꦲꦮꦶꦠ꧀ꦥꦔ꧀ꦮꦱꦤꦺ​ꦥꦠꦶ​ꦲꦺꦴꦫ​ꦧꦶꦱ​ꦔ꧀ꦒꦺꦴꦤ꧀ꦢꦺꦭ꧀ꦭꦶꦢꦺꦏ꧀ꦤꦺ꧉​ 25ꦫꦠꦸ​ꦣꦮ꦳ꦼꦢ꧀​ꦩ꧀ꦧꦶꦪꦺꦤ꧀ꦔꦺꦴꦩꦺꦴꦁꦔꦏꦺꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦔꦺꦤꦺ​:

‘ꦲꦏꦸ​ꦱ꧀ꦭꦮꦱ꧀ꦱꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧈​
ꦢꦺꦏ꧀ꦤꦺꦤꦁꦗꦺꦗꦺꦂꦏꦸ꧈​
ꦩꦸꦭꦤꦺ​ꦲꦏꦸ​ꦲꦺꦴꦫ​ꦮꦼꦢꦶ​꧉​
26ꦲꦠꦶꦏꦸ​ꦭꦤ꧀ꦠꦼꦩ꧀ꦧꦸꦁꦏꦸ​
ꦏꦼꦧꦼꦏ꧀ꦏꦫꦺꦴ​ꦏꦧꦸꦔꦃꦲꦤ꧀꧈​
ꦱꦼꦤꦗꦤ꧀ꦤ​ꦲꦏꦸ​ꦏꦸꦢꦸ​ꦩꦠꦶ​꧈​
ꦲꦏꦸ​ꦲꦺꦴꦫ​ꦮꦼꦢꦶ​꧈​
ꦤꦁꦔꦶꦁ​ꦲꦏꦸ​ꦤ꧀ꦢꦸꦮꦺꦤ꧀ꦤꦶ​ꦥꦼꦔꦉꦥ꧀ꦲꦉꦥ꧀꧈​
27ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​
ꦲꦺꦴꦫ​ꦧꦏꦭ꧀ꦔꦼꦭꦸꦁꦔꦏꦺꦲꦏꦸ​
ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦮꦺꦴꦁ​ꦩꦠꦶ​
ꦭꦤ꧀ꦲꦺꦴꦫ​ꦧꦏꦭ꧀​ꦔ꧀ꦭꦶꦭꦤꦶ​ꦧꦢꦤ꧀ꦏꦸ​
ꦢꦢꦶ​ꦫꦸꦱꦏ꧀ꦤꦁꦏꦸꦧꦸꦂꦫꦤ꧀
ꦲꦮꦶꦠ꧀ꦲꦏꦸ​ꦠꦼꦩꦼꦤ꧀ꦩꦫꦁ​ꦢꦺꦏ꧀ꦤꦺ꧉​
28ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀​ꦤ꧀ꦢꦸꦢꦸꦃꦲꦏꦺ
ꦢꦭꦤ꧀ꦱꦶꦁ​ꦤꦼꦏꦏ꧀ꦏꦏꦺꦏꦲꦸꦫꦶꦥ꧀ꦥꦤ꧀ꦩꦫꦁ​ꦲꦏꦸ​꧉​
ꦤꦁꦗꦺꦗꦺꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​
ꦲꦏꦸ​ꦤ꧀ꦢꦸꦮꦺꦤ꧀ꦤꦶ​ꦧꦸꦔꦃ​ꦲꦶꦁ​ꦲꦠꦶ​꧉​’

29꧋“ꦥꦫ​ꦱꦼꦢꦸꦭꦸꦂ​ꦏꦧꦺꦃ​꧈​ꦫꦠꦸ​ꦣꦮ꦳ꦼꦢ꧀ ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ꧈​ꦮꦶꦱ꧀ꦩꦠꦶ​ꦭꦤ꧀ꦏꦏꦸꦧꦸꦂ​꧉​ꦮꦸꦗꦸꦠ꧀ꦠꦺꦏꦸꦧꦸꦂꦫꦤ꧀ꦤꦺ​ꦢꦺꦏ꧀ꦤꦺ ꦏꦮꦶꦠ꧀ꦱꦲꦶꦏꦶ​ꦲꦶꦗꦶꦏ꧀ꦲꦺꦤꦺꦁꦤꦁꦔ꧀ꦒꦺꦴꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ꧉​ 30ꦫꦠꦸ​ꦣꦮ꦳ꦼꦢ꧀ꦏꦸꦮꦶ​ꦥꦚ꧀ꦕꦺꦤ꧀ꦤꦧꦶ​ꦭꦤ꧀ꦢꦺꦏ꧀ꦤꦺꦔꦼꦂꦠꦶ​ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦼꦠꦺꦴꦏ꧀ꦏꦏꦺꦥꦽꦗꦚ꧀ꦗꦶꦪꦤ꧀ꦩꦫꦁ​ꦢꦺꦏ꧀ꦤꦺꦔꦁꦒꦺꦴ​ꦱꦸꦩ꧀ꦥꦃ​꧈​ꦪꦏꦸꦮꦶ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦏꦭ꧀ꦔꦼꦢꦼꦏ꧀ꦏꦏꦺꦫꦠꦸ​ꦱꦁꦏꦠꦸꦫꦸꦤ꧀ꦤꦤ꧀ꦤꦺ​ꦫꦠꦸ​ꦣꦮ꦳ꦼꦢ꧀ꦢꦺꦮꦺ꧉​ 31ꦫꦠꦸ​ꦣꦮ꦳ꦼꦢ꧀ꦩꦲꦸ​ꦱꦏ꧀ꦗꦤꦺꦮꦶꦱ꧀ꦮꦼꦫꦸꦃ​ꦲꦥ​ꦱꦶꦁ​ꦧꦏꦭ꧀ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦁ​ꦠꦼꦩ꧀ꦧꦺ​꧉​ꦢꦺꦏ꧀ꦤꦺꦔꦺꦴꦩꦺꦴꦁꦔꦏꦺꦧꦧ꧀ꦠꦔꦶꦤꦺ​ꦏꦿꦶꦱ꧀ꦡꦸꦱ꧀ꦱꦁꦏꦥꦠꦶ​꧈​ꦢꦺꦴꦁꦔꦺꦢꦺꦏ꧀ꦤꦺꦔꦺꦴꦩꦺꦴꦁ:

‘ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦧꦏꦭ꧀ꦔꦼꦭꦸꦁꦔꦏꦺꦲꦏꦸ​
ꦤꦁꦥꦁꦒꦺꦴꦤ꧀ꦤꦤ꧀ꦤꦺ​ꦮꦺꦴꦁ​ꦩꦠꦶ​
ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦧꦏꦭ꧀​ꦔ꧀ꦭꦶꦭꦤꦶ​ꦧꦢꦤ꧀ꦏꦸ​
ꦢꦢꦶ​ꦫꦸꦱꦏ꧀ꦤꦁꦏꦸꦧꦸꦂꦫꦤ꧀꧈​’

32꧋“ꦪ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦱꦶꦁ​ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦏꦧꦺꦃ​ꦢꦢꦶ​ꦱꦼꦏ꧀ꦱꦶꦤꦺ​ꦏꦸꦮꦶ​꧉​ 33ꦥꦫ​ꦱꦼꦢꦸꦭꦸꦂ​꧈​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦮꦶꦱ꧀ꦩꦸꦁꦒꦃ​ꦤꦁꦱ꧀ꦮꦂꦒ​ꦭꦤ꧀ꦢꦺꦏ꧀ꦤꦺꦚ꧀ꦗꦒꦺꦴꦁꦤꦁꦠꦼꦔꦼꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦮꦶꦱ꧀ꦤꦩ꧀ꦥ​ꦫꦺꦴꦃ​ꦱꦸꦕꦶ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺ꧈​ꦏꦪ​ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶ꧉​ꦪ​ꦫꦺꦴꦃ​ꦱꦸꦕꦶ​ꦲꦶꦏꦶ​ꦱꦶꦁ​ꦮꦶꦱ꧀ꦢꦶꦲꦼꦢꦸꦤ꧀ꦤꦏꦺꦩꦫꦁ​ꦲꦮꦏ꧀ꦏꦺ​ꦢꦺꦮꦺꦏꦧꦺꦃ​꧉​ꦪ​ꦥꦼꦁꦒꦮꦺꦪꦤ꧀ꦏꦸꦫꦺꦴꦃ​ꦱꦸꦕꦶ​ꦲꦶꦏꦶ​ꦱꦶꦁ​ꦱꦲꦶꦏꦶ​ꦲꦩ꧀ꦧꦺꦴꦏ꧀ꦱꦮꦁꦭꦤ꧀ꦲꦩ꧀ꦧꦺꦴꦏ꧀ꦫꦸꦔꦺꦴꦏ꧀ꦏꦏꦺ꧉​ 34ꦲꦮꦶꦠ꧀ꦥꦫ​ꦱꦼꦢꦸꦭꦸꦂ​꧈​ꦫꦠꦸ​ꦣꦮ꦳ꦼꦢ꧀ꦢꦺꦮꦺꦲꦺꦴꦫ​ꦩꦸꦁꦒꦃ​ꦤꦁꦱ꧀ꦮꦂꦒ​꧈​ꦢꦺꦏ꧀ꦤꦺꦤꦩꦸꦁ​ꦔꦺꦴꦩꦺꦴꦁꦔꦺꦤꦺ​:

‘ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦺꦴꦩꦺꦴꦁꦩꦫꦁ​ꦒꦸꦱ꧀ꦠꦶꦏꦸ​:
ꦫꦺꦤꦺꦚ꧀ꦗꦒꦺꦴꦁꦤꦁꦠꦼꦔꦼꦤ꧀ꦏꦸ​꧉​
35ꦔꦤ꧀ꦠꦶ​ꦩꦸꦁꦱꦸꦃꦩꦸꦁꦱꦸꦃꦩꦸ​
ꦮꦶꦱ꧀ꦠꦏ꧀ꦢꦢꦺꦏ꧀ꦏꦏꦺꦲꦚ꧀ꦕꦶꦏ꧀ꦲꦚ꧀ꦕꦶꦏ꧀ꦏꦺ​ꦱꦶꦏꦶꦭ꧀ꦩꦸ​꧉​’

36꧋“ꦥꦫ​ꦱꦼꦢꦸꦭꦸꦂ​꧈​ꦢꦢꦶꦤꦺ​ꦧꦁꦱ​ꦆꦱꦿꦌꦭ꧀ꦏꦧꦺꦃ​ꦱꦲꦶꦏꦶ​ꦏꦸꦢꦸ​ꦔꦼꦂꦠꦶ​꧈​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦲꦩ꧀ꦧꦺꦴꦏ꧀ꦥꦠꦺꦤ꧀ꦤꦶ​ꦤꦁꦏꦪꦸ​ꦥꦼꦤ꧀ꦠꦺꦁꦔꦤ꧀ ꦱꦶꦁ​ꦢꦶꦢꦢꦺꦏ꧀ꦏꦏꦺꦒꦸꦱ꧀ꦠꦶ​ꦭꦤ꧀ꦏꦿꦶꦱ꧀ꦡꦸꦱ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​”

꧋ꦩꦸꦤ꧀ꦢꦏ꧀ꦏꦺꦥꦱꦩꦸꦮꦤ꧀ꦏꦿꦶꦱ꧀ꦠꦼꦤ꧀꧈​

37꧋ꦏꦢꦸꦁ​ꦮꦺꦴꦁꦮꦺꦴꦁ​ꦥꦢ​ꦏꦿꦸꦔꦸ​ꦠꦼꦩ꧀ꦧꦸꦁꦔꦺ​ꦫꦱꦸꦭ꧀ꦦꦺꦠꦿꦸꦱ꧀ꦏꦸꦮꦶ​ꦩꦲꦸ​꧈​ꦲꦠꦶꦤꦺ​ꦠꦼꦫꦸꦱ꧀ꦏꦿꦱ​ꦱꦸꦱꦃ​ꦧꦔꦼꦠ꧀꧈​ꦠꦼꦫꦸꦱ꧀ꦥꦢ​ꦠꦏꦺꦴꦤ꧀ꦩꦫꦁ​ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦭꦶꦪꦭꦶꦪꦤꦺ​:“ꦭꦃ​ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦲꦥ​?” 38ꦫꦱꦸꦭ꧀ꦦꦺꦠꦿꦸꦱ꧀ꦱꦼꦩꦲꦸꦂ​:“ꦏꦺꦴꦮꦺ​ꦏꦧꦺꦃ​ꦏꦸꦢꦸ​ꦤꦶꦁꦒꦭ꧀ꦲꦸꦫꦶꦥ꧀ꦱꦶꦁ​ꦲꦭ​ꦭꦤ꧀ꦏꦸꦢꦸ​ꦤꦸꦫꦸꦠ꧀ꦒꦸꦱ꧀ꦠꦶ​꧉​ꦏꦺꦴꦮꦺ​ꦏꦸꦢꦸ​ꦚ꧀ꦗꦭꦸꦏ꧀ꦢꦶꦧꦥ꧀ꦠꦶꦱ꧀ꦔꦁꦒꦺꦴ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦱꦸꦥꦪ​ꦏꦺꦴꦮꦺ​ꦧꦶꦱ​ꦤꦩ꧀ꦥ​ꦥꦔꦥꦸꦫ​ꦱꦁꦏꦢꦺꦴꦱꦩꦸ​ꦭꦤ꧀ꦏꦺꦴꦮꦺ​ꦩꦼꦱ꧀ꦠꦶꦧꦏꦭ꧀ꦤꦩ꧀ꦥ​ꦥꦮꦺꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦪꦏꦸꦮꦶ​ꦫꦺꦴꦃ​ꦱꦸꦕꦶ​꧉​ 39ꦲꦮꦶꦠ꧀ꦥꦽꦗꦚ꧀ꦗꦶꦪꦤ꧀ꦲꦶꦏꦶ​ꦥꦚ꧀ꦕꦺꦤ꧀ꦏꦁꦒꦺꦴ​ꦏꦺꦴꦮꦺ​ꦭꦤ꧀ꦠꦸꦫꦸꦤꦤ꧀ꦩꦸꦏꦧꦺꦃ​ꦭꦤ꧀ꦏꦧꦺꦃ​ꦧꦁꦱ​ꦭꦶꦪꦤꦺ​ꦱꦶꦁ​ꦢꦶꦥꦁꦒꦶꦭ꧀ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦲꦮꦏ꧀ꦏꦺ​ꦢꦺꦮꦺ꧉​”

40꧋ꦪ​ꦔꦺꦴꦤꦺꦴ​ꦏꦸꦮꦶ​ꦲꦼꦁꦒꦺꦴꦤꦺ​ꦫꦱꦸꦭ꧀ꦦꦺꦠꦿꦸꦱ꧀​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦩꦫꦁ​ꦮꦺꦴꦁꦮꦺꦴꦁ​ꦭꦤ꧀ꦔꦸꦤ꧀ꦢꦁ​ꦮꦺꦴꦁꦮꦺꦴꦁ​ꦱꦸꦥꦪ​ꦥꦢ​ꦚ꧀ꦭꦩꦼꦠ꧀ꦠꦏꦺꦲꦸꦫꦶꦥ꧀ꦥꦺꦱꦁꦏꦏꦫꦸꦱꦏ꧀ꦏꦤ꧀ꦱꦶꦁ​ꦧꦏꦭ꧀ꦤꦼꦏꦤꦶ​ꦏꦧꦺꦃ​ꦮꦺꦴꦁ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧉​ 41ꦲꦺꦴꦏꦺꦃꦮꦺꦴꦁ​ꦱꦶꦁ​ꦥꦢ​ꦥꦽꦕꦪ​ꦩꦫꦁ​ꦠꦼꦩ꧀ꦧꦸꦁꦔꦺ​ꦫꦱꦸꦭ꧀ꦦꦺꦠꦿꦸꦱ꧀ ꦠꦼꦫꦸꦱ꧀ꦥꦢ​ꦢꦶꦧꦥ꧀ꦠꦶꦱ꧀꧈​ꦲꦶꦁ​ꦢꦶꦤ​ꦏꦸꦮꦶ​ꦱꦶꦁ​ꦥꦽꦕꦪ​ꦠꦩ꧀ꦧꦃ​ꦠꦼꦭꦸꦁ​ꦲꦺꦮꦸ​ꦮꦺꦴꦁ​꧉​ 42ꦮꦺꦴꦁꦮꦺꦴꦁ​ꦱꦶꦁ​ꦥꦽꦕꦪ​ꦥꦢ​ꦠꦼꦩꦼꦤ꧀ꦲꦼꦁꦒꦺꦴꦤꦺ​ꦔ꧀ꦒꦠꦺꦏ꧀ꦏꦏꦺꦩꦫꦁ​ꦥꦶꦮꦸꦭꦁꦔꦺ​ꦥꦫ​ꦫꦱꦸꦭ꧀ꦭꦤ꧀ꦥꦢ​ꦧꦼꦧꦉꦁꦔꦤ꧀ꦲꦶꦁ​ꦱꦼꦩ꧀ꦧꦫꦁ​꧈​ꦥꦢ​ꦩꦁꦔꦤ꧀ꦧꦼꦧꦉꦁꦔꦤ꧀ꦭꦤ꧀ꦥꦢ​ꦤ꧀ꦢꦼꦢꦺꦴꦔ​ꦧꦼꦧꦉꦁꦔꦤ꧀꧈​

꧋ꦲꦸꦫꦶꦥ꧀ꦥꦺꦮꦺꦴꦁꦮꦺꦴꦁ​ꦤꦁꦥꦱꦩꦸꦮꦤ꧀ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺ꧉​

43꧋ꦥꦫ​ꦫꦱꦸꦭ꧀ꦤꦶꦤ꧀ꦢꦏ꧀ꦏꦏꦺꦥꦽꦏꦫ​ꦥꦶꦫꦁꦥꦶꦫꦁ​ꦱꦶꦁ​ꦔ꧀ꦒꦸꦩꦸꦤ꧀​ꦔ꧀ꦒꦸꦩꦸꦤ꧀ꦤꦏꦺ꧈​ꦩꦸꦭꦤꦺ​ꦏꦧꦺꦃ​ꦮꦺꦴꦁ​ꦥꦢ​ꦮꦼꦢꦶ​ꦭꦤ꧀ꦔꦗꦺꦤ꧀ꦤꦶ​ꦠꦼꦤꦤ꧀꧈​ 44ꦮꦺꦴꦁꦮꦺꦴꦁ​ꦱꦶꦁ​ꦥꦽꦕꦪ​ꦥꦢ​ꦠꦩ꧀ꦧꦃ​ꦏꦼꦚ꧀ꦕꦼꦁ​ꦲꦼꦁꦒꦺꦴꦤꦺ​ꦧꦼꦧꦉꦁꦔꦤ꧀꧈​ꦲꦥ​ꦤ꧀ꦢꦸꦮꦺꦪꦢꦶꦲꦁꦒꦼꦥ꧀ꦮꦺꦏ꧀ꦏꦺꦮꦺꦴꦁ​ꦏꦧꦺꦃ​꧉​ 45ꦲꦺꦤꦺꦁꦱꦶꦁ​ꦔꦼꦢꦺꦴꦭ꧀ꦭꦶ​ꦲꦥ​ꦤ꧀ꦢꦸꦮꦺꦪꦭꦤ꧀ꦱꦼꦥꦶꦫ​ꦥꦪꦸꦤꦺꦢꦶꦲꦼꦢꦸꦩ꧀ꦩꦼꦢꦸꦩ꧀ꦩꦏꦺꦩꦫꦁ​ꦭꦶꦪꦭꦶꦪꦤꦺ​꧈​ꦩꦤꦸꦠ꧀ꦧꦸꦠꦸꦃꦲꦺ​ꦢꦺꦮꦺꦢꦺꦮꦺ꧉​ 46ꦱꦧꦼꦤ꧀ꦢꦶꦤ​ꦮꦺꦴꦁꦮꦺꦴꦁ​ꦩꦲꦸ​ꦥꦢ​ꦔꦸꦩ꧀ꦥꦸꦭ꧀ꦤꦁꦒꦿꦺꦗ​ꦒꦼꦢꦺꦭꦤ꧀ꦥꦢ​ꦩꦁꦔꦤ꧀ꦧꦼꦧꦉꦁꦔꦤ꧀ꦤꦁꦲꦺꦴꦩꦃꦲꦺ​꧈​ꦒꦼꦤ꧀ꦠꦺꦤ꧀ꦒꦼꦤ꧀ꦠꦺꦤ꧀ꦤꦤ꧀꧈​ꦲꦥ​ꦲꦺꦤꦺꦁꦔꦺꦢꦶꦥꦔꦤ꧀ꦏꦫꦺꦴ​ꦲꦠꦶ​ꦧꦸꦔꦃ​ꦭꦤ꧀ꦠꦿꦶꦩ​꧉​ 47ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦩꦼꦩꦸꦗꦶ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦥꦢ​ꦢꦶꦲꦗꦺꦤ꧀ꦤꦶ​ꦭꦤ꧀ꦢꦶꦱꦼꦤꦼꦁꦔꦶ​ꦏꦫꦺꦴ​ꦮꦺꦴꦁ​ꦏꦧꦺꦃ​꧉​ꦱꦧꦼꦤ꧀ꦢꦶꦤ​ꦒꦸꦱ꧀ꦠꦶ​ꦤꦩ꧀ꦧꦃꦲꦶ​ꦮꦺꦴꦁ​ꦱꦶꦁ​ꦥꦢ​ꦤꦩ꧀ꦥ​ꦏꦼꦱ꧀ꦭꦩꦼꦠ꧀ꦠꦤ꧀꧈​

↑ ↑ ↑

← ꧇​꧑꧇​   ꧇​꧓꧇​ →