ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦥꦫꦫꦱꦸꦭ꧀/17

꧋ꦤꦁꦏꦸꦠꦠꦺꦱꦴꦭꦺꦴꦤꦶꦏꦴ꧉​

꧇​꧑꧗꧇​ ¹꧋ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀ꦠꦼꦫꦸꦱ꧀ꦭꦶꦮꦠ꧀ꦏꦸꦠꦄꦩ꧀ꦥ꦳ꦶꦥꦺꦴꦭꦶꦱ꧀ꦭꦤ꧀ꦏꦸꦠꦄꦥꦺꦴꦭꦺꦴꦤꦶꦪ​ꦠꦼꦏꦤ꧀ꦏꦸꦠꦠꦺꦱꦴꦭꦺꦴꦤꦶꦏꦴ꧉​ꦤꦁꦏꦺꦴꦤꦺꦴ​ꦲꦺꦤꦺꦁꦱꦶꦤꦒꦸꦏ꧀꧈​ ²ꦏꦪ​ꦱꦏ꧀ꦭꦸꦩꦿꦃꦲꦺ​ꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀​ꦩ꧀ꦊꦧꦸ​ꦩ꧀ꦧꦿꦺꦴꦤꦺꦴꦩꦺꦭꦸ​ꦏꦸꦩ꧀ꦥꦸꦭ꧀ꦭꦤ꧀꧈​ꦱꦩ꧀ꦥꦺꦏ꧀ꦠꦼꦭꦸꦁ​ꦱꦧꦠ꧀ꦠꦼꦫꦸꦱ꧀ꦠꦼꦫꦸꦱ꧀ꦱꦤ꧀ꦫꦱꦸꦭ꧀ꦦꦈꦭꦸꦱ꧀ꦠꦸꦏꦂ​ꦥꦶꦏꦶꦂꦫꦤ꧀ꦏꦫꦺꦴ​ꦮꦂꦒꦤꦺ​ꦱꦶꦤꦒꦸꦏ꧀ꦏꦺꦴꦤꦺꦴ​ꦧꦧ꧀ꦲꦪꦠ꧀ꦠꦪꦠ꧀ꦠꦺꦏꦶꦠꦧ꧀​ꦱꦸꦕꦶ​꧉​ ³ꦫꦱꦸꦭ꧀ꦦꦈꦭꦸꦱ꧀​ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦲꦪꦠ꧀ꦲꦪꦠ꧀ꦩꦲꦸ​ꦭꦤ꧀​ꦩ꧀ꦧꦸꦏ꧀ꦠꦺꦏ꧀ꦏꦏꦺꦤꦺꦏ꧀ꦏꦿꦶꦱ꧀ꦡꦸꦱ꧀ꦏꦸꦢꦸ​ꦤꦤ꧀ꦢꦁꦱꦁꦱꦫ​ꦭꦤ꧀ꦢꦶꦠꦔꦺꦏ꧀ꦏꦏꦺꦱꦁꦏꦥꦠꦶ​꧉​ꦢꦺꦏ꧀ꦤꦺꦔꦺꦴꦩꦺꦴꦁꦔꦺꦤꦺ​:“ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦱꦶꦁ​ꦠꦏ꧀ꦏꦧꦂꦫꦏꦺꦩꦫꦁ​ꦏꦺꦴꦮꦺ​꧈​ꦢꦺꦏ꧀ꦤꦺꦱꦶꦁ​ꦢꦢꦶ​ꦏꦿꦶꦱ꧀ꦡꦸꦱ꧀꧈​” ⁴ꦲꦺꦤꦺꦁꦮꦺꦴꦁ​ꦱꦶꦗꦶꦭꦺꦴꦫꦺꦴꦱꦶꦁ​ꦥꦽꦕꦪ​꧈​ꦠꦼꦫꦸꦱ꧀ꦥꦢ​ꦩꦺꦭꦸ​ꦏꦫꦺꦴ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀;ꦱꦼꦩꦺꦴꦤꦺꦴ​ꦲꦸꦒ​ꦲꦺꦴꦏꦺꦃꦮꦺꦴꦁ​ꦒꦿꦶꦏ꧀ꦱꦶꦁ​ꦩꦲꦸꦤꦺ​ꦩꦺꦭꦸ​ꦲꦒꦩ​ꦙꦸ꧈​ꦩꦭꦃ​ꦲꦺꦴꦏꦺꦃꦮꦺꦴꦁ​ꦮꦺꦢꦺꦴꦏ꧀ ꦮꦺꦴꦁ​ꦒꦼꦢꦺꦒꦼꦢꦺ꧈​ꦱꦶꦁ​ꦲꦸꦒ​ꦥꦢ​ꦥꦽꦕꦪ​꧉​

⁵꧋ꦮꦼꦫꦸꦃ​ꦮꦺꦴꦁ​ꦲꦺꦴꦏꦺꦃꦢꦢꦶ​ꦮꦺꦴꦁ​ꦏꦿꦶꦱ꧀ꦠꦼꦤ꧀ꦮꦺꦴꦁꦮꦺꦴꦁ​ꦙꦸꦠꦼꦫꦸꦱ꧀ꦥꦢ​ꦥꦤꦱ꧀ꦲꦠꦶꦤꦺ​꧉​ꦠꦼꦫꦸꦱ꧀​ꦔ꧀ꦭꦸꦩ꧀ꦥꦸꦏ꧀ꦏꦏꦺꦮꦺꦴꦁꦮꦺꦴꦁ​ꦤꦏꦭ꧀ꦏꦺꦴꦁꦏꦺꦴꦤ꧀​ꦔ꧀ꦒꦮꦺ​ꦒꦺꦒꦺꦂꦫꦤ꧀ ꦩꦫꦏ꧀ꦏꦏꦺꦱꦏ꧀ꦏꦸꦠꦏꦧꦺꦃ​ꦫꦩꦺ​ꦒꦺꦒꦺꦂꦫꦤ꧀꧈​ꦮꦺꦴꦁꦮꦺꦴꦁ​ꦠꦼꦫꦸꦱ꧀​ꦩ꧀ꦊꦧꦸ​ꦲꦺꦴꦩꦃꦲꦺ​ꦙꦱꦺꦴꦤ꧀​ꦔ꧀ꦒꦺꦴꦭꦺꦏ꧀ꦏꦶ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀ ꦲꦉꦥ꧀ꦢꦶꦒꦮ​ꦤꦁꦔꦉꦥ꧀ꦥꦺ​ꦏꦸꦩ꧀ꦥꦸꦭ꧀ꦭꦤ꧀ꦤꦺ​ꦮꦂꦒ​ꦏꦸꦠ꧉​ ^6-7ꦏꦢꦸꦁ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀ꦲꦺꦴꦫ​ꦏꦼꦠꦼꦩꦸ​꧈​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦚꦺꦫꦺꦠ꧀ꦙꦱꦺꦴꦤ꧀ꦭꦤ꧀ꦮꦺꦴꦁ​ꦥꦽꦕꦪ​ꦱꦶꦗꦶꦭꦺꦴꦫꦺꦴ꧈​ꦢꦶꦒꦮ​ꦤꦁꦔꦉꦥ꧀ꦥꦺ​ꦥꦼꦁꦒꦼꦢꦺꦤꦺꦏꦸꦠꦏꦺꦴꦤꦺꦴ​ꦏꦫꦺꦴ​ꦔꦺꦴꦩꦺꦴꦁ:“ꦮꦺꦴꦁꦮꦺꦴꦁ​ꦏꦸꦮꦶ​ꦤꦁꦲꦼꦤ꧀ꦢꦶ​ꦮꦲꦺ​ꦔ꧀ꦒꦮꦺ​ꦫꦺꦕꦺꦴꦏ꧀​ꦭꦤ꧀ꦱꦲꦶꦏꦶ​ꦤꦁꦏꦺꦤꦺ​ꦢꦶꦠꦩ꧀ꦥ​ꦏꦫꦺꦴ​ꦙꦱꦺꦴꦤ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦤꦼꦫꦏ꧀ꦮꦺꦠ꧀ꦮꦺꦠ꧀ꦠꦺꦫꦠꦸꦤꦺ​ꦬꦸꦩ꧀ ꦲꦮꦶꦠ꧀ꦔꦺꦴꦩꦺꦴꦁꦤꦺꦏ꧀ꦲꦺꦤꦺꦁꦫꦠꦸ​ꦭꦶꦪꦤꦺ​ꦱꦶꦁ​ꦗꦼꦤꦼꦁꦔꦺ​ꦪꦺꦯꦸꦱ꧀꧈​” ⁸ꦠꦼꦩ꧀ꦧꦸꦁ​ꦏꦸꦮꦶ​ꦔ꧀ꦒꦮꦺ​ꦒꦼꦒꦼꦂꦫꦺ​ꦮꦺꦴꦁ​ꦲꦺꦴꦏꦺꦃꦭꦤ꧀ꦲꦸꦒ​ꦥꦫ​ꦥꦼꦁꦒꦼꦢꦺꦤꦺꦏꦸꦠ꧉​ ⁹ꦥꦫ​ꦥꦼꦁꦒꦼꦢꦺꦩꦲꦸ​ꦠꦼꦫꦸꦱ꧀​ꦚ꧀ꦗꦭꦸꦏ꧀ꦧꦪꦂꦫꦤ꧀ꦢꦸꦮꦶꦠ꧀ꦩꦫꦁ​ꦙꦱꦺꦴꦤ꧀ꦭꦤ꧀ꦏꦚ꧀ꦕꦏꦚ꧀ꦕꦤꦺ​꧉​ꦱꦏ꧀ꦮꦶꦱ꧀ꦱꦺ​ꦢꦶꦧꦪꦂ​꧈​ꦙꦱꦺꦴꦤ꧀ꦭꦤ꧀ꦭꦶꦪꦤꦺ​ꦠꦼꦫꦸꦱ꧀ꦢꦶ​ꦲꦺꦕꦸꦭ꧀ꦭꦏꦺ​꧉​

꧋ꦤꦁꦏꦸꦠꦧꦺꦫꦺꦪ​꧉​

¹⁰꧋ꦲꦶꦁ​ꦩ꧀ꦧꦼꦔꦶꦤꦺꦏꦸꦮꦶ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦥꦢ​ꦔꦺꦴꦁꦏꦺꦴꦤ꧀ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀ꦭꦸꦔ​ꦤꦁꦏꦸꦠꦧꦺꦫꦺꦪ​꧉​ꦱꦏ꧀ꦠꦼꦏꦤꦺ​ꦤꦁꦧꦺꦫꦺꦪ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀ꦠꦼꦫꦸꦱ꧀​ꦔ꧀ꦒꦺꦴꦭꦺꦏ꧀ꦏꦶ​ꦱꦶꦤꦒꦸꦏ꧀꧈​ ¹¹ꦮꦺꦴꦁꦮꦺꦴꦁ​ꦙꦸꦤꦁꦏꦸꦠꦏꦺꦴꦤꦺꦴ​ꦭꦸꦮꦶꦃ​ꦒꦼꦩꦠꦶ​ꦠꦼꦤꦶꦩ꧀ꦧꦁꦮꦺꦴꦁ​ꦠꦺꦱꦴꦭꦺꦴꦤꦶꦏꦴ꧉​ꦮꦺꦴꦁꦮꦺꦴꦁ​ꦙꦸ ꦤꦁꦏꦸꦠꦧꦺꦫꦺꦪ​ꦏꦺꦴꦤꦺꦴ​ꦥꦢ​ꦱꦼꦤꦼꦁ​ꦔꦿꦸꦔꦺꦴꦏ꧀ꦏꦏꦺꦥꦶꦮꦸꦭꦁ​ꦱꦶꦁ​ꦢꦶꦒꦼꦭꦂꦫꦏꦺꦏꦫꦺꦴ​ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀꧈​ꦱꦧꦼꦤ꧀ꦢꦶꦤ​ꦮꦺꦴꦁꦮꦺꦴꦁ​ꦲꦶꦏꦶ​ꦥꦢ​ꦩꦕ​ꦏꦶꦠꦧ꧀ꦱꦸꦕꦶ​꧈​ꦏꦼꦥꦺꦔꦶꦤ꧀ꦔꦼꦂꦠꦶ​ꦥꦶꦮꦸꦭꦁꦔꦺ​ꦫꦱꦸꦭ꧀ꦦꦈꦭꦸꦱ꧀ꦏꦸꦮꦶ​ꦧꦼꦤꦼꦂ​ꦲꦥ​ꦲꦺꦴꦫ​꧉​ ¹²ꦲꦶꦁ​ꦱꦏ꧀ꦠꦼꦔꦃꦲꦺ​ꦮꦺꦴꦁꦮꦺꦴꦁ​ꦏꦺꦴꦤꦺꦴ​ꦲꦺꦴꦏꦺꦃꦱꦶꦁ​ꦥꦢ​ꦥꦽꦕꦪ​ꦭꦤ꧀ꦲꦺꦴꦏꦺꦃꦮꦺꦴꦁ​ꦒꦼꦢꦺꦱꦁꦏꦧꦁꦱ​ꦒꦿꦶꦏ꧀ ꦭꦤꦁ​ꦭꦤ꧀ꦮꦺꦢꦺꦴꦏ꧀ ꦢꦢꦶ​ꦮꦺꦴꦁ​ꦏꦿꦶꦱ꧀ꦠꦼꦤ꧀꧈​ ¹³ꦤꦁꦔꦶꦁ​ꦮꦺꦴꦁ​ꦙꦸꦤꦁꦏꦸꦠꦠꦺꦱꦴꦭꦺꦴꦤꦶꦏꦴꦥꦢ​ꦏꦿꦸꦔꦸ​ꦤꦺꦏ꧀ꦫꦱꦸꦭ꧀ꦦꦈꦭꦸꦱ꧀ꦭꦤ꧀ꦱꦶꦭꦱ꧀​ꦔ꧀ꦒꦼꦭꦂꦫꦏꦺꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦏꦸꦠꦧꦺꦫꦺꦪ​꧈​ꦠꦼꦫꦸꦱ꧀ꦥꦢ​ꦩ꧀ꦧꦿꦺꦴꦤꦺꦴ꧈​ꦔꦺꦴꦗꦺꦴꦏ꧀ꦲꦺꦴꦗꦺꦴꦏ꧀ꦏꦶ​ꦭꦤ꧀ꦔꦺꦴꦧꦺꦴꦁꦔꦺꦴꦧꦺꦴꦁꦔꦶꦲꦠꦶꦤꦺ​ꦮꦺꦴꦁ​ꦲꦺꦴꦏꦺꦃꦱꦶꦁ​ꦔꦸꦩ꧀ꦥꦸꦭ꧀ꦤꦁꦏꦺꦴꦤꦺꦴ​꧉​ ¹⁴ꦩꦸꦭꦤꦺ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦠꦼꦫꦸꦱ꧀ꦒꦼꦭꦶꦱ꧀ꦒꦼꦭꦶꦱ꧀ꦔꦺꦴꦁꦏꦺꦴꦤ꧀ꦫꦱꦸꦭ꧀ꦦꦈꦭꦸꦱ꧀ꦤꦁꦥꦶꦁꦒꦶꦂ​ꦭꦫ꧈​ꦲꦉꦥ꧀ꦢꦶꦒꦮ​ꦤꦁꦏꦸꦠꦄꦠꦺꦤꦼ​꧈​ꦤꦁꦔꦶꦁ​ꦠꦶꦩꦺꦴꦠꦶꦪꦸꦱ꧀ꦭꦤ꧀ꦱꦶꦭꦱ꧀ꦢꦶꦠꦶꦁꦒꦭ꧀ꦤꦁꦧꦺꦫꦺꦪ​꧉​ ¹⁵ꦏꦢꦸꦁ​ꦮꦶꦱ꧀ꦠꦼꦏꦤ꧀ꦏꦸꦠꦄꦠꦺꦤꦼ​꧈​ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦔꦼꦠꦼꦂꦫꦏꦺꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀ꦧꦭꦶꦏ꧀ꦩꦼꦤꦺꦃ​ꦤꦁꦧꦺꦫꦺꦪ​꧉​ꦫꦱꦸꦭ꧀ꦦꦈꦭꦸꦱ꧀ꦚꦸꦮꦸꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂ​ꦲꦶꦏꦶ​ꦏꦺꦴꦁꦏꦺꦴꦤ꧀ꦔꦺꦴꦩꦺꦴꦁꦔꦶꦱꦶꦭꦱ꧀ꦭꦤ꧀ꦠꦶꦩꦺꦴꦠꦶꦪꦸꦱ꧀ ꦱꦸꦥꦪ​ꦤ꧀ꦢꦁꦤꦸꦱꦸꦭ꧀ꦢꦺꦏ꧀ꦤꦺ꧉​

꧋ꦤꦁꦏꦸꦠꦄꦠꦺꦤꦼ​꧉​

¹⁶꧋ꦫꦱꦸꦭ꧀ꦦꦈꦭꦸꦱ꧀ꦱꦲꦶꦏꦶ​ꦔꦼꦤ꧀ꦠꦺꦤ꧀ꦤꦶ​ꦠꦼꦏꦤꦺ​ꦱꦶꦭꦱ꧀ꦭꦤ꧀ꦠꦶꦩꦺꦴꦠꦶꦪꦸꦱ꧀꧈​ꦤꦁꦏꦸꦠꦄꦠꦺꦤꦼ​ꦏꦺꦴꦤꦺꦴ​ꦢꦺꦏ꧀ꦤꦺꦱꦼꦢꦶꦠꦼꦤꦤ꧀ꦮꦼꦫꦸꦃ​ꦉꦕꦉꦕ​ꦧꦿꦲꦭ​ꦥꦶꦫꦁꦥꦶꦫꦁ​꧈​ꦱꦱꦠ꧀ꦠꦺꦔꦼꦧꦼꦏ꧀ꦏꦶ​ꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ​꧉​ ¹⁷ꦤꦁꦱꦶꦤꦒꦸꦏ꧀ꦫꦱꦸꦭ꧀ꦦꦈꦭꦸꦱ꧀ꦲꦺꦴꦩꦺꦴꦁꦔꦺꦴꦩꦺꦴꦁꦔꦤ꧀ꦏꦫꦺꦴ​ꦮꦺꦴꦁ​ꦙꦸꦭꦤ꧀ꦮꦺꦴꦁꦮꦺꦴꦁ​ꦱꦶꦁ​ꦢꦸꦢꦸ​ꦙꦸ꧈​ꦤꦁꦔꦶꦁ​ꦩꦺꦭꦸ​ꦲꦒꦩ​ꦙꦸ꧉​ꦱꦧꦼꦤ꧀ꦢꦶꦤ​ꦢꦺꦏ꧀ꦤꦺꦪ​ꦔꦺꦴꦤꦺꦴ​ꦏꦸꦮꦶ​ꦤꦁꦭꦠꦂꦫꦺ​ꦥꦱꦂ​꧈​ꦏꦫꦺꦴ​ꦱꦥ​ꦮꦲꦺ​ꦱꦶꦁ​ꦭꦶꦮꦠ꧀ꦏꦺꦴꦤꦺꦴ​꧉​ ¹⁸ꦲꦺꦤꦺꦁꦥ꦳ꦶꦭꦺꦴꦱꦺꦴꦥ꦳꧀ꦱꦁꦏꦒꦺꦴꦭꦺꦴꦁꦔꦤ꧀ꦌꦥꦶꦏꦸꦫꦶ​ꦭꦤ꧀ꦱ꧀ꦠꦺꦴꦮꦶꦏꦶ​ꦱꦶꦁ​ꦥꦢ​ꦧꦤ꧀ꦠꦃꦧꦤ꧀ꦠꦃꦲꦤ꧀ꦏꦫꦺꦴ​ꦫꦱꦸꦭ꧀ꦦꦈꦭꦸꦱ꧀꧈​ꦲꦺꦤꦺꦁꦱꦶꦁ​ꦔꦺꦴꦩꦺꦴꦁ:“ꦲꦥ​ꦠ​ꦱꦶꦁ​ꦢꦶꦲꦺꦴꦩꦺꦴꦁꦔꦏꦺꦏꦫꦺꦴ​ꦠꦸꦏꦁ​ꦔꦺꦴꦧꦿꦺꦴꦭ꧀ꦏꦸꦮꦶ​?”

꧋ꦲꦺꦤꦺꦁꦩꦼꦤꦺꦃ​ꦱꦶꦁ​ꦔꦺꦴꦩꦺꦴꦁ:“ꦮꦺꦴꦁ​ꦏꦸꦮꦶ​ꦩꦼꦱ꧀ꦠꦶꦩꦸꦭꦁꦔꦏꦺꦧꦧ꧀ꦢꦺꦮꦢꦺꦮ​ꦱꦶꦁ​ꦲꦚꦂ​!”ꦮꦺꦴꦁꦮꦺꦴꦁ​ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​꧈​ꦗꦭꦂꦫꦤ꧀ꦫꦱꦸꦭ꧀ꦦꦈꦭꦸꦱ꧀​ꦔ꧀ꦒꦼꦭꦂꦫꦏꦺꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦭꦤ꧀ꦠꦔꦶꦤꦺ​ꦱꦁꦏꦥꦠꦶ​꧉​ ¹⁹ꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀ꦢꦶꦲꦼꦗꦺꦏ꧀ꦤꦁꦥꦁꦒꦺꦴꦤ꧀ꦤꦤ꧀ꦏꦸꦩ꧀ꦥꦸꦭ꧀ꦭꦤ꧀ꦤꦺ​ꦥꦫ​ꦥ꦳ꦶꦭꦺꦴꦱꦺꦴꦥ꦳꧀ ꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦌꦫꦺꦴꦥꦏꦸꦱ꧀꧈​ꦮꦺꦴꦁꦮꦺꦴꦁ​ꦔꦺꦴꦩꦺꦴꦁꦔꦺꦤꦺ​:“ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦔꦼꦂꦠꦶ​ꦧꦧ꧀ꦥꦶꦮꦸꦭꦁ​ꦱꦶꦁ​ꦲꦚꦂ​ꦱꦶꦁ​ꦲꦩ꧀ꦧꦺꦴꦏ꧀ꦮꦸꦭꦁꦔꦏꦺꦲꦶꦏꦶ​꧉​ ²⁰ꦲꦮꦶꦠ꧀ꦲꦺꦤꦺꦁꦥꦽꦏꦫꦥꦽꦏꦫ​ꦱꦶꦁ​ꦲꦚꦂ​ꦏꦁꦒꦺꦴ​ꦲꦮꦏ꧀ꦏꦺ​ꦢꦺꦮꦺ꧈​ꦩꦸꦭꦤꦺ​ꦲꦮꦏ꧀ꦏꦺ​ꦢꦺꦮꦺꦏꦼꦥꦺꦔꦶꦤ꧀ꦔꦼꦂꦠꦶ​꧉​” ²¹ꦮꦺꦴꦁ​ꦄꦠꦺꦤꦼ​ꦭꦤ꧀ꦧꦁꦱ​ꦭꦶꦪꦤꦺ​ꦱꦶꦁ​ꦩꦁꦒꦺꦴꦤ꧀ꦤꦁꦏꦸꦠꦏꦺꦴꦤꦺꦴ​ꦏꦸꦮꦶ​ꦢꦶꦤꦢꦶꦤꦤꦺꦤꦩꦸꦁ​ꦱꦼꦤꦼꦁ​ꦔꦿꦸꦔꦺꦴꦏ꧀ꦏꦏꦺꦭꦤ꧀ꦔꦽꦩ꧀ꦧꦸꦏ꧀ꦧꦧ꧀ꦥꦽꦏꦫꦥꦽꦏꦫ​ꦱꦶꦁ​ꦲꦚꦂ​꧉​

²²꧋ꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀ꦔꦢꦼꦏ꧀ꦤꦁꦔꦉꦥ꧀ꦥꦺ​ꦌꦫꦺꦴꦥꦏꦸꦱ꧀ꦏꦺꦴꦤꦺꦴ​ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦫ​ꦱꦼꦢꦸꦭꦸꦂ​ꦤꦁꦄꦠꦺꦤꦼ​!ꦲꦏꦸ​ꦤꦶꦠꦺꦤ꧀ꦤꦶ​ꦱꦁꦏꦮꦼꦂꦤꦮꦼꦂꦤ​ꦥꦽꦏꦫ​ꦤꦺꦏ꧀ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦲꦒꦩ​꧉​ ²³ꦲꦮꦶꦠ꧀ꦢꦺꦴꦁꦔꦺꦲꦏꦸ​ꦩ꧀ꦭꦏꦸꦩ꧀ꦭꦏꦸ​ꦤꦁꦏꦸꦠ꧈​ꦲꦏꦸ​ꦮꦼꦫꦸꦃ​ꦤꦁꦱꦏ꧀ꦠꦼꦔꦃꦲꦺ​ꦥꦁꦒꦺꦴꦤ꧀ꦤꦤ꧀ꦱꦼꦩ꧀ꦧꦪꦁꦲꦺꦤꦺꦁꦲꦭ꧀ꦠꦂꦱꦶꦁ​ꦠꦸꦭꦶꦱ꧀ꦱꦤ꧀ꦤꦺ​ꦔꦺꦤꦺ​:'ꦏꦁꦒꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦮꦏ꧀ꦏꦺ​ꦢꦺꦮꦺꦲꦺꦴꦫ​ꦏꦼꦤꦭ꧀’꧈​ꦪ​ꦧꦧ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦲꦩ꧀ꦧꦺꦴꦏ꧀ꦱꦼꦩ꧀ꦧꦃꦲꦶꦠꦤ꧀ꦥ​ꦏꦺꦴꦮꦺ​ꦏꦼꦤꦭ꧀ꦲꦶꦏꦶ​ꦲꦏꦸ​ꦔꦧꦂꦫꦏꦺꦩꦫꦁ​ꦏꦺꦴꦮꦺ​꧉​ ²⁴ꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦱꦶꦁ​ꦔ꧀ꦒꦮꦺ​ꦗꦒꦠ꧀ꦱꦏ꧀ꦲꦶꦱꦶꦤꦺ​꧉​ꦭꦤ꧀ꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦭꦔꦶꦠ꧀ꦭꦤ꧀ꦧꦸꦩꦶ​꧉​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦲꦺꦴꦫ​ꦩꦁꦒꦺꦴꦤ꧀ꦤꦁꦲꦺꦴꦩꦃ​ꦒꦮꦺꦪꦤ꧀ꦤꦺ​ꦩꦤꦸꦁꦱ​꧉​ ²⁵ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦪ​ꦲꦺꦴꦫ​ꦩ꧀ꦧꦸꦠꦸꦃꦲꦏꦺꦱꦼꦱꦗꦺꦤ꧀ꦲꦥ​ꦮꦲꦺ​ꦱꦁꦏꦩꦤꦸꦁꦱ​꧈​ꦏꦪ​ꦢꦺꦏ꧀ꦤꦺꦏꦼꦏꦸꦫꦁꦔꦤ꧀ꦲꦥꦲꦥ​ꦮꦲꦺ​꧉​ꦩꦭꦃ​ꦢꦺꦏ꧀ꦤꦺꦱꦶꦁ​ꦔꦼꦏꦺꦏ꧀ꦏꦶꦲꦩ꧀ꦧꦼꦏ꧀ꦏꦤ꧀ꦭꦤ꧀ꦲꦸꦫꦶꦥ꧀;ꦢꦺꦏ꧀ꦤꦺꦱꦶꦁ​ꦔꦼꦏꦺꦏ꧀ꦏꦶꦱꦼꦩ꧀ꦧꦫꦁ​ꦩꦫꦁ​ꦩꦤꦸꦁꦱ​꧉​ ²⁶ꦱꦁꦏꦮꦺꦴꦁ​ꦱꦶꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀​ꦤ꧀ꦢꦢꦺꦏ꧀ꦏꦏꦺꦧꦁꦱꦧꦁꦱ​꧈​ꦱꦸꦥꦪ​ꦥꦢ​ꦩꦁꦒꦺꦴꦤ꧀ꦤꦁꦱꦏ꧀ꦗꦼꦩ꧀ꦧꦂꦫꦺ​ꦧꦸꦩꦶ​ꦏꦺꦤꦺ​꧉​ꦪ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦶꦏꦶ​ꦱꦶꦁ​ꦮꦶꦱ꧀ꦏꦮꦶꦠ꧀ꦮꦶꦮꦶꦠ꧀ꦠꦤ꧀ꦤꦺ​ꦔꦫꦤ꧀ꦤꦶ​ꦮꦏ꧀ꦠꦸꦩꦸꦭꦤ꧀ꦮꦠꦼꦱ꧀ꦱꦺ​ꦥꦁꦒꦺꦴꦤꦤ꧀ꦥꦁꦒꦺꦴꦤꦤ꧀ꦏꦁꦒꦺꦴ​ꦩꦤꦸꦁꦱ​꧉​ ²⁷ꦒꦸꦱ꧀ꦠꦶ​ꦄꦭ꧀ꦭꦃ​ꦲꦼꦁꦒꦺꦴꦤꦺ​ꦤꦶꦤ꧀ꦢꦏ꧀ꦏꦏꦺꦏꦸꦮꦶ​ꦏꦧꦺꦃ​꧈​ꦱꦸꦥꦪ​ꦩꦤꦸꦁꦱ​ꦥꦢ​ꦔ꧀ꦒꦺꦴꦭꦺꦏ꧀ꦏꦶ​ꦢꦺꦏ꧀ꦤꦺꦭꦤ꧀ꦧꦼꦗꦠꦼꦤꦤ꧀ꦤꦺꦏ꧀ꦧꦶꦱ​ꦏꦼꦠꦼꦩꦸ​ꦏꦫꦺꦴ​ꦢꦺꦏ꧀ꦤꦺ꧉​ꦲꦮꦶꦠ꧀ꦱꦏ꧀ꦗꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦲꦺꦴꦫ​ꦲꦢꦺꦴꦃ​ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ꧉​ ²⁸ꦲꦺꦤꦺꦁꦱꦶꦁ​ꦠꦲꦸ​ꦔꦺꦴꦩꦺꦴꦁ:

‘ꦗꦭꦂꦫꦤ꧀ꦱꦁꦏꦥꦔ꧀ꦮꦱꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦲꦮꦏ꧀ꦏꦺ​ꦢꦺꦮꦺꦲꦸꦫꦶꦥ꧀
ꦭꦤ꧀ꦲꦮꦏ꧀ꦏꦺ​ꦢꦺꦮꦺꦩꦁꦒꦺꦴꦤ꧀ꦲꦶꦁ​ꦢꦺꦴꦚ​ꦲꦶꦏꦶ​꧉​’

ꦏꦪ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦔꦏꦺꦏꦫꦺꦴ​ꦥꦫ​ꦠꦸꦏꦁ​ꦠꦸꦭꦶꦱ꧀ꦱꦁꦏꦠꦼꦔꦃꦩꦸ​:

‘ꦲꦮꦏ꧀ꦏꦺ​ꦢꦺꦮꦺꦲꦸꦒ​ꦠꦸꦫꦸꦤ꧀ꦤꦤ꧀ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​’

²⁹ꦭꦤ꧀ꦗꦭꦂꦫꦤ꧀ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦸꦭꦤꦺ​ꦪ​ꦲꦺꦴꦫ​ꦧꦼꦤꦼꦂ​ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦔꦁꦒꦼꦥ꧀ꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦏꦺꦠꦺꦴꦏ꧀ꦏꦺ​ꦏꦪ​ꦉꦕ​ꦒꦮꦺꦪꦤ꧀ꦲꦼꦩꦱ꧀ ꦱꦼꦭꦏ​ꦲꦥ​ꦮꦠꦸ​꧈​ꦩꦤꦸꦠ꧀ꦥꦶꦏꦶꦂꦫꦤ꧀ꦤꦺ​ꦭꦤ꧀ꦏꦥꦶꦤ꧀ꦠꦼꦂꦫꦤ꧀ꦤꦺ​ꦩꦤꦸꦁꦱ​꧉​ ³⁰ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦩꦶꦏꦶꦂꦫꦏꦺꦗꦩꦤ꧀ꦤꦺ​ꦩꦲꦸꦤꦺ​꧈​ꦢꦺꦴꦁꦔꦺꦩꦤꦸꦁꦱ​ꦲꦺꦴꦫ​ꦏꦼꦤꦭ꧀ꦩꦫꦁ​ꦢꦺꦏ꧀ꦤꦺ꧈​ꦲꦺꦴꦫ​꧈​ꦤꦁꦔꦶꦁ​ꦱꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦧꦂꦫꦏꦺꦤꦺꦏ꧀ꦏꦧꦺꦃ​ꦩꦤꦸꦁꦱ​ꦏꦸꦢꦸ​ꦤꦶꦁꦒꦭ꧀​ꦏ꧀ꦭꦏꦸꦮꦤ꧀ꦱꦶꦁ​ꦲꦭ​ꦭꦤ꧀ꦤꦸꦫꦸꦠ꧀ꦢꦺꦏ꧀ꦤꦺ꧉​ ³¹ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦼꦠꦼꦥ꧀ꦥꦏꦺꦢꦶꦤ​ꦲꦼꦁꦒꦺꦴꦤꦺ​ꦢꦺꦏ꧀ꦤꦺꦲꦉꦥ꧀ꦔꦿꦸꦠꦸꦗꦒꦠ꧀;ꦢꦺꦏ꧀ꦤꦺꦮꦶꦱ꧀ꦩꦶꦗꦶ​ꦮꦺꦴꦁ​ꦱꦶꦗꦶ​ꦱꦶꦁ​ꦧꦏꦭ꧀ꦤꦶꦤ꧀ꦢꦏ꧀ꦏꦏꦺꦏꦸꦮꦶ​꧉​ꦩꦸꦭꦤꦺ​꧈​ꦏꦁꦒꦺꦴ​ꦩ꧀ꦧꦸꦏ꧀ꦠꦺꦏ꧀ꦏꦏꦺꦲꦶꦏꦶ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦔꦺꦏ꧀ꦏꦺꦮꦺꦴꦁ​ꦲꦶꦏꦶ​ꦱꦁꦏꦥꦠꦶ​꧉​”

³²꧋ꦱꦏ꧀ꦮꦶꦱ꧀ꦱꦺ​ꦮꦺꦴꦁꦮꦺꦴꦁ​ꦩꦲꦸ​ꦏꦿꦸꦔꦸ​ꦫꦱꦸꦭ꧀ꦦꦈꦭꦸꦱ꧀ꦔꦺꦴꦩꦺꦴꦁꦔꦏꦺꦧꦧ꧀ꦠꦔꦶꦤꦺ​ꦮꦺꦴꦁ​ꦩꦠꦶ​꧈​ꦠꦼꦫꦸꦱ꧀ꦲꦺꦤꦺꦁꦱꦶꦁ​ꦥꦢ​ꦔ꧀ꦒꦸꦪꦸ​ꦠꦼꦩ꧀ꦧꦸꦁꦔꦺ​ꦫꦱꦸꦭ꧀ꦦꦈꦭꦸꦱ꧀ꦩꦲꦸ​꧈​ꦲꦺꦤꦺꦁꦱꦶꦁ​ꦔꦺꦴꦩꦺꦴꦁꦔꦺꦤꦺ​:“ꦱꦸꦏ꧀ꦱꦸꦏ꧀ꦮꦲꦺ​ꦲꦏꦸ​ꦲꦉꦥ꧀ꦔꦿꦸꦔꦺꦴꦏ꧀ꦏꦏꦺꦩꦼꦤꦺꦃ​꧉​” ³³ꦫꦱꦸꦭ꧀ꦦꦈꦭꦸꦱ꧀ꦠꦼꦫꦸꦱ꧀ꦭꦸꦔ​ꦱꦁꦏꦌꦫꦺꦴꦥꦏꦸꦱ꧀ꦏꦺꦴꦤꦺꦴ​꧉​ ³⁴ꦤꦁꦔꦶꦁ​ꦲꦺꦤꦺꦁꦮꦺꦴꦁ​ꦱꦶꦗꦶꦭꦺꦴꦫꦺꦴꦱꦶꦁ​ꦥꦽꦕꦪ​ꦭꦤ꧀ꦩꦺꦭꦸ​ꦫꦱꦸꦭ꧀ꦦꦈꦭꦸꦱ꧀ ꦏꦪꦢꦺꦤꦺꦢꦶꦪꦺꦴꦤꦶꦱꦶꦪꦸꦱ꧀ ꦠꦸꦏꦁ​ꦥꦶꦏꦶꦂ​ꦤꦁꦌꦫꦺꦴꦥꦏꦸꦱ꧀ꦏꦺꦴꦤꦺꦴ​꧈​ꦲꦸꦒ​ꦲꦺꦤꦺꦁꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦗꦼꦤꦼꦁꦔꦺ​ꦢꦩꦫꦶꦱ꧀ꦭꦤ꧀ꦭꦶꦪꦭꦶꦪꦤꦺ​ꦩꦼꦤꦺꦃ​꧉​

↑ ↑ ↑

← ꧇​꧑꧖꧇​

꧇​꧑꧘꧇​ →